ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠣᠳ ᠤᠨ ᠲᠦᠷᠪᠡᠨ ᠣᠯᠠᠷᠢᠯ ᠤᠨ ᠬᠤᠪᠴᠠᠰᠣ ᠵᠠᠰᠠᠯ ᠤᠨ ᠲᠤᠬᠠᠢ ᠦᠭᠦᠯᠡᠬᠦ | ᠨᠢ(ᠳᠡᠭᠡᠳᠦ) | | | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠣᠳ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠣᠷᠠᠯ ᠲᠠᠢ ᠪᠠᠨ | ᠵᠣᠬᠢᠴᠠᠭᠤᠯᠤᠨ ᠤᠶᠠᠯᠳᠤᠭᠤᠯᠵᠤ᠂ ᠡᠷᠬᠢᠬᠦ ᠵᠢᠯ ᠤᠨ ᠳᠦᠷᠪᠡᠨ ᠣᠯᠠᠷᠢᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠲᠠᠢ | ᠵᠣᠬᠢᠴᠠᠭᠤᠯᠤᠨ ᠪᠥᠰ ᠪᠠᠷᠠᠭᠠ᠂ ᠬᠦᠪᠦᠩ᠂ ᠠᠷᠠᠰᠤ ᠵᠡᠷᠭᠡ ᠪᠠᠷ ᠦᠪᠡᠷ ᠤᠨ ᠭᠡᠰᠡᠨ ᠣᠨᠴᠠᠯᠢᠭ ᠲᠠᠢ ᠳᠡᠪᠡᠯ᠂ | ᠲᠡᠷᠯᠢᠭ᠂ ᠴᠠᠮᠴᠠ ︵ᠬᠠᠨᠳᠠᠭᠠᠰᠣ︶ ᠬᠤᠪᠴᠠᠰᠣ ᠣᠶᠣᠵᠤ ᠡᠪᠦᠭᠡ ᠳᠡᠭᠡᠳᠦ ᠶᠢᠨ ᠦᠶᠡ ᠠᠴᠠ ᠪᠠᠨ ᠣᠳᠣ ᠪᠣᠯᠲᠠᠯᠠ | ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠢᠷᠡᠪᠡ᠃ ᠡᠨᠡ ᠨᠢ ᠪᠢᠳᠡᠨ ᠳᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠵᠤ ᠠᠮᠢᠳᠣᠷᠠᠯ ᠳᠤᠨᠢ ᠲᠤᠶᠢᠯ ᠢᠶᠠᠷ | ᠵᠣᠬᠢᠴᠠᠯᠳᠤᠭᠰᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ ᠡᠨᠡᠬᠦ ᠬᠤᠪᠴᠠᠰᠣ ᠵᠠᠰᠠᠯ ᠡᠪᠦᠯ ᠬᠠᠪᠤᠷ ᠤᠨ ᠬᠦᠢᠲᠡᠨ ᠨᠤᠶᠢᠲᠠᠨ ᠳᠤ | ᠪᠡᠶᠡ ᠴᠤᠭᠴᠠᠰ ᠲᠤ ᠬᠠᠯᠬᠠᠪᠴᠢ ᠪᠣᠯᠵᠤ ᠰᠠᠯᠬᠢ ᠪᠣᠷᠤᠭᠠᠨ ᠳᠤ ᠪᠡᠶᠡ ᠮᠠᠬᠠᠪᠤᠳ ᠢ ᠨᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠪᠠᠷᠠᠬᠤ | ᠦᠭᠡᠢ᠂ ᠬᠡᠭᠡᠷᠡ ᠭᠠᠳᠠᠨᠠ ᠬᠤᠨᠣᠵᠤ ᠬᠡᠪᠲᠡᠬᠦ ᠳᠤ ᠬᠤᠴᠢᠯᠭᠠ ᠪᠣᠯᠳᠠᠭ᠂ ᠡᠳᠦᠷ ᠡᠮᠦᠰᠴᠦ ᠰᠦᠨᠢ ᠬᠦᠨᠵᠢᠯᠡ | ᠪᠣᠯᠭᠠᠨ ᠨᠦᠮᠦᠷᠴᠣ ᠣᠨᠲᠠᠳᠠᠭ ᠪᠠᠶᠢᠨᠠ᠃ | ᠣᠳᠠᠭᠠᠨ ᠣᠨ ᠤ ᠳᠡᠥᠬᠡ ᠲᠠᠢ ᠡᠨᠡᠬᠦ ᠲᠦᠷᠪᠡᠨ ᠣᠯᠠᠷᠢᠯ ᠤᠨ ᠬᠤᠪᠴᠠᠰᠣ ᠵᠠᠰᠠᠯ ᠤᠨ ᠰᠣᠶᠣᠯ ᠨᠢ | ᠦᠵᠦᠮᠦᠴᠢᠨ ᠪᠦᠰᠡᠭᠦᠶᠢᠴᠦᠳ ᠤᠨ ᠠᠵᠢᠯᠴᠢ ᠬᠤᠶᠠᠷ ᠭᠠᠷ ᠤᠨ ᠠᠷᠪᠠᠨ ᠬᠤᠷᠣᠭᠤ ᠶᠢᠨ ᠡᠷᠳᠡᠮ ᠢᠶᠠᠷ | ᠭᠠᠶᠢᠬᠠᠭᠤᠯᠤᠨ᠂ ᠬᠡᠮᠵᠢᠵᠦ ᠡᠰᠬᠡᠬᠦ ᠤᠷᠠ ᠮᠡᠷᠭᠡᠵᠢᠯ ᠤᠨ ᠲᠤᠬᠤᠢ᠂ ᠲᠥᠭᠡ᠂ ᠰᠦᠭᠦᠮ ︵ᠦᠵᠦᠭᠦᠷ ᠰᠦᠭᠦᠮ᠂ | ᠮᠤᠬᠤᠷ ᠰᠦᠭᠦᠮ︶ ᠬᠤᠷᠣᠭᠤ ᠵᠡᠷᠭᠡ ᠪᠠᠷ ᠬᠡᠮᠵᠢᠶᠡᠯᠡᠭᠳᠡᠵᠦ᠂ ᠠᠭᠤᠵᠢᠮ ᠡᠪᠯᠢᠭ ᠢ ᠨᠢ ᠳᠠᠭᠠᠷᠠᠭᠤᠯᠵᠤ ᠣᠲᠠᠰᠣ | ᠵᠡᠭᠦᠦ ᠶᠢᠨ ᠬᠤᠯᠪᠣᠭᠠᠰᠤ ᠪᠠᠷ ᠣᠷᠠᠯᠠᠵᠤ ᠰᠠᠶᠢᠬᠠᠨ ᠣᠶᠣᠳᠠᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠪᠢ ᠡᠷᠲᠡ ᠦᠶᠡ ᠳᠤ | ᠦᠵᠦᠮᠦᠴᠢᠨ ᠬᠦᠮᠦᠰ ᠶᠠᠮᠠᠷ ᠣᠯᠠᠷᠢᠯ ᠳᠤ ᠶᠠᠮᠠᠷ ᠬᠤᠪᠴᠠᠰᠣ ᠡᠮᠦᠰᠳᠡᠭ᠂ ᠶᠠᠭᠠᠬᠢᠵᠤ ᠬᠡᠮᠵᠢᠵᠦ ᠣᠶᠣᠵᠤ | ᠪᠦᠲᠦᠭᠡᠳᠡᠭ ᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | ᠬᠠᠪᠤᠷ ᠤᠨ ᠣᠯᠠᠷᠢᠯ ᠳᠤ | ᠦᠵᠦᠮᠦᠴᠢᠨ ᠡᠷᠡᠴᠦᠳ ᠲᠤᠯᠤᠭᠠᠢ ᠳᠠᠭᠠᠨ ᠬᠠᠷᠠ ᠰᠣᠪᠰᠤᠭ ᠤᠨ ᠳᠣᠭᠤᠢ ᠮᠠᠯᠠᠭᠠᠢ ᠪᠣᠶᠣ ᠣᠷᠲᠣ ᠳᠠᠪᠤᠤ | ᠣᠷᠢᠶᠠᠳᠠᠭ᠂ ᠪᠡᠶᠡ ᠳᠡᠭᠡᠨ ᠢᠯᠬᠢᠨ ᠳᠡᠪᠡᠯ ᠪᠣᠶᠣ ᠬᠦᠪᠦᠩ ᠲᠠᠢ ᠲᠡᠷᠯᠢᠭ ᠡᠮᠦᠰᠴᠦ᠂ ᠴᠢᠰᠴᠠᠤ ᠪᠦᠰᠡ ᠶᠢ ᠠᠷᠤ | ᠭᠤᠣᠯ ᠳᠠᠭᠠᠨ ᠭᠤᠭᠴᠤᠭᠠ ᠭᠠᠷᠭᠠᠵᠤ ᠬᠠᠪᠴᠢᠭᠤᠯᠵᠤ ᠪᠦᠰᠡᠯᠡᠳᠡᠭ᠃ ᠳᠡᠭᠡᠭᠦᠷ ᠨᠢ ᠢᠯᠭᠢ ᠪᠣᠶᠣ ᠬᠦᠷᠡᠩ᠂ | ᠣᠯᠠᠭᠠᠨ ᠥᠩᠭᠡ ᠶᠢᠨ ᠲᠣᠷᠭᠠ ᠴᠢᠰᠴᠠᠤ ᠶᠢᠨ ᠬᠠᠨᠵᠢᠶᠠᠷ ︵ᠭᠠᠯᠤᠤᠰᠤ︶ ᠲᠠᠪᠬᠤᠷᠯᠠᠵᠤ ᠡᠮᠦᠰᠳᠡᠭ᠂ ᠬᠦᠪᠦᠩ | ᠲᠠᠢ ᠥᠮᠦᠳᠦ ᠶᠢᠨ ᠭᠠᠳᠠᠭᠤᠷ ᠲᠤᠤᠱᠣᠣ ᠳᠠᠪᠬᠤᠷᠯᠠᠵᠤ ᠪᠠᠶᠢᠳᠠᠭ ᠶᠤᠮ᠂ ᠲᠤᠤᠱᠣᠣ ︵ᠲᠤᠤᠬᠤᠤ︶ ᠭᠡᠳᠡᠭ ᠪᠣᠯ | ᠲᠠᠯᠠ ᠰᠢᠷᠬᠤᠨᠠᠭ ᠠᠳᠠᠯᠢ ᠪᠠᠶᠢᠳᠠᠭ᠃ ᠬᠥᠯ ᠲᠡᠭᠡᠨ ᠢᠰᠡᠭᠡᠢ ᠪᠣᠶᠣ ᠰᠢᠷᠢ ᠶᠢᠨ ᠤᠯᠠ ᠲᠠᠢ ᠪᠤᠯᠢᠭᠠᠷᠢ ᠭᠤᠲᠤᠯ ᠳᠤ | ᠢᠰᠡᠬᠡᠢ ᠪᠣᠶᠣ ᠪᠥᠰ ᠣᠶᠢᠮᠤᠰᠤ ᠡᠮᠦᠰᠦᠨᠡ᠃ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠲᠡᠰᠢᠶᠡᠨ ᠳᠠᠭᠠᠨ ᠬᠤᠢ ᠲᠠᠢ ᠬᠢᠲᠤᠭᠠ | ᠰᠠᠭᠤᠷᠢᠵᠤ᠂ ᠵᠡᠭᠦᠨ ᠲᠠᠯᠠ ᠶᠢᠨ ᠲᠠᠰᠢᠶᠠᠨ ᠳᠠᠭᠠᠨ ᠲᠤᠤᠬᠠ ᠵᠡᠭᠦᠨ᠂ ᠮᠥᠩᠭᠦ ᠪᠣᠶᠣ ᠰᠣᠷ ᠤᠨ ᠣᠭᠤᠰᠣᠷ ᠢᠶᠠᠷ | ᠬᠡᠲᠡ ᠶᠢ ᠬᠤᠯᠪᠣᠵᠤ ᠪᠦᠰᠡ ᠶᠢᠨ ᠠᠷᠤ ᠭᠤᠭᠴᠤᠭᠠ ᠶᠢᠨ ᠳᠣᠮᠳᠠ ᠬᠠᠪᠴᠢᠭᠤᠯᠤᠨᠠ᠃ ᠵᠡᠭᠦᠨ ᠭᠠᠷ ᠲᠠᠯᠠ ᠶᠢᠨ | ᠡᠮᠦᠨᠡ ᠡᠩᠭᠡᠷ ᠤᠨ ᠴᠢᠭ ᠲᠤ ᠬᠤᠤ ᠶᠢᠨ ᠬᠡᠥᠳᠡᠢ ︵ ᠬᠦᠭᠦᠷ ᠳ᠋ᠠᠯᠢᠩ︶ ᠶᠢ ᠬᠠᠪᠴᠢᠭᠤᠯᠤᠨᠠ᠃ ᠲᠠᠮᠠᠬᠢ | ᠲᠠᠲᠠᠳᠠᠭ ᠬᠦᠮᠦᠨ ᠪᠣᠯ ᠲᠠᠮᠠᠬᠢᠨ ᠬᠡᠥᠲᠠᠢ ᠶᠢ ᠬᠤᠢ ᠲᠠᠢ ᠬᠢᠲᠤᠭᠠ ᠶᠢᠨ ᠠᠷᠤ ᠲᠠᠯᠠ ᠳᠤ ᠬᠠᠪᠴᠢᠭᠤᠯᠤᠨᠠ᠃ | ᠲᠠᠮᠠᠬᠢᠨ ᠭᠠᠩᠰᠠ ︵ᠳ᠋ᠠᠢ︶ ᠪᠠᠨ ᠭᠤᠲᠤᠯ ᠤᠨ ᠲᠦᠷᠡᠢ ᠳᠡᠭᠡᠨ ᠬᠢᠳᠡᠭ᠃ ᠡᠬᠡᠨᠡᠷ ᠪᠡᠷᠢᠶᠡᠳ ᠨᠢ ᠲᠤᠯᠤᠭᠠᠢ ᠳᠠᠭᠠᠨ | ᠳᠠᠲᠠᠮᠠᠯ ᠣᠲᠠᠰᠤᠨ ᠳᠤᠭᠤᠢ ᠮᠠᠯᠠᠭᠠᠢ᠂ ᠰᠤᠪᠰᠤᠭ ᠤᠨ ᠳᠤᠭᠤᠢ ᠮᠠᠯᠠᠭᠠᠢ᠂ ᠳᠠᠲᠠᠭᠤᠷ ᠰᠦᠢᠬᠡ ᠵᠡᠭᠦᠨ᠂ ᠭᠦᠷᠦᠮᠡᠯ | ᠬᠤᠶᠠᠷ ᠭᠡᠵᠢᠭᠡ ᠶᠢᠨ ᠦᠵᠦᠭᠦᠷ ᠲᠤ ᠱᠢᠷᠦ ᠶᠢᠨ ᠰᠢᠬᠢᠳᠬᠡᠷᠢ ᠰᠠᠭᠤᠯᠭᠠᠭᠰᠠᠨ ᠮᠦᠩᠭᠦᠨ ᠳᠡᠭᠡᠰᠦᠨ ᠬᠤᠯᠪᠣᠭᠠᠰᠤ | ᠲᠠᠢ ᠬᠤᠶᠠᠷ ᠪᠠᠯ ᠵᠡᠭᠦᠨ᠂ ᠨᠤᠭᠤᠭᠠᠨ᠂ ᠬᠥᠷᠡᠩ᠂ ᠣᠯᠠᠭᠠᠨ ᠥᠩᠭᠡ ᠶᠢᠨ ᠬᠦᠪᠦᠩ ᠲᠡᠷᠯᠢᠭ ᠤᠨ ᠳᠡᠭᠡᠭᠦᠷ ᠣᠣᠵᠢ | ᠡᠮᠦᠰᠦᠨ᠂ ᠢᠰᠡᠭᠡᠢ ᠪᠣᠶᠣ ᠰᠢᠷᠢ ᠤᠯᠠ ᠲᠠᠢ ᠪᠣᠯᠢᠭᠠᠷᠠᠢ ᠭᠤᠲᠤᠯ ᠢᠰᠡᠭᠡᠢ ᠪᠣᠶᠣ ᠪᠥᠰ ᠥᠢᠮᠣᠰᠣ ᠲᠠᠢ ᠡᠮᠦᠰᠳᠡᠭ | ᠃ ᠣᠣᠵᠢ ᠶᠢᠨ ᠵᠦᠪ ᠲᠠᠯᠠ ᠶᠢᠨ ᠳᠠᠰᠢᠶᠠᠨ ᠤ ᠡᠯᠬᠦᠬᠦᠷ ᠠᠴᠠ ᠪᠣᠯ ᠡᠯᠭᠦᠵᠦ ᠲᠡᠭᠦᠨ ᠠᠴᠠ ᠪᠠᠨ ᠬᠤᠤ ᠲᠠᠢ | ᠬᠠᠪᠲᠠᠭᠠ ᠪᠣᠯᠣᠨ ᠥᠩᠭᠡ ᠶᠢᠨ ᠲᠤᠷᠳᠤᠩ ᠠᠯᠴᠢᠭᠤᠷ ᠨᠤᠭᠤᠳ ᠶᠠᠩᠵᠤᠯᠠᠨ ᠣᠶᠠᠳᠠᠭ ᠶᠤᠮ᠃ | ᠵᠣᠨ ᠤ ᠣᠯᠠᠷᠢᠯ ᠳᠤ | ᠵᠣᠨ ᠤ ᠡᠬᠢᠨ ᠰᠠᠷᠠ ᠳᠤ ᠵᠠ ᠲᠡᠷᠯᠢᠭ᠂ ᠵᠠ ᠥᠮᠦᠳᠦ᠂ ᠰᠠᠶᠢᠷᠠᠨ ᠭᠤᠲᠤᠯ᠂ ᠪᠦᠰᠡ ᠭᠤᠲᠤᠯ᠂ ᠪᠦᠰᠡ | ᠥᠢᠮᠥᠰᠥ ᠵᠡᠷᠭᠡ ᠶᠢ ᠡᠮᠦᠰᠳᠡᠭ᠃ ᠵᠣᠨ ᠤ ᠳᠣᠮᠳᠠ ᠰᠠᠷᠠ ᠳᠠᠩ ᠲᠡᠷᠯᠢᠭ᠂ ᠴᠠᠮᠴᠠ ᠡᠮᠦᠰᠦᠨᠡ᠃ ᠵᠠ ᠲᠡᠷᠯᠢᠭ | ᠭᠡᠳᠡᠭ ᠪᠣᠯ ᠭᠠᠳᠠᠷ ᠳᠣᠲᠣᠷ ᠢ ᠳᠠᠪᠬᠤᠷᠯᠠᠨ ᠣᠶᠣᠭᠰᠠᠨ ᠢ ᠬᠡᠯᠡᠨᠡ᠃ ᠳᠠᠩ ᠲᠡᠷᠯᠢᠭ ᠭᠡᠳᠡᠭ ᠨᠢ ᠳᠠᠩ | ᠶᠠᠭᠤᠮᠠ ᠪᠠᠷ ᠬᠢᠭᠰᠡᠨ ᠲᠤᠭᠤᠷᠠᠢ ᠨᠢᠳᠣᠷᠭᠠ ᠲᠠᠢ ᠣᠶᠣᠭᠰᠠᠨ ᠢ ᠬᠡᠯᠡᠳᠡᠭ᠃ ᠴᠠᠮᠴᠠ ᠭᠡᠳᠡᠭ ᠨᠢ ᠳᠠᠩ ᠲᠡᠷᠯᠢᠭ | ᠲᠠᠢ ᠠᠳᠠᠯᠢᠪᠲᠤᠷ ᠪᠣᠯᠪᠠᠴᠤ ᠳᠠᠩ ᠲᠡᠷᠯᠢᠭ ᠠᠴᠠ ᠪᠠᠨ ᠪᠠᠭᠠ ᠴᠢᠬᠤᠯᠠ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠢ ᠡᠰᠬᠡᠬᠦ ᠠᠷᠭᠠ ᠨᠢ | ᠳᠡᠭᠡᠷᠡ ᠳᠡᠭᠡᠷᠡ ᠬᠡᠯᠡᠭᠰᠡᠨ ᠲᠠᠢ ᠠᠳᠠᠯᠢ ᠪᠠᠶᠢᠳᠠᠭ ᠪᠠ ᠬᠥᠪᠡᠭᠡ ᠪᠠᠷᠢᠬᠤ ᠨᠢ ᠴᠤ ᠠᠳᠠᠯᠢ ᠪᠠᠶᠢᠳᠠᠭ ᠶᠤᠮ᠃ ᠳᠠᠩ | ᠲᠡᠷᠯᠢᠭ ᠪᠣᠯᠣᠨ ᠴᠠᠮᠴᠠ ᠬᠤᠶᠠᠷ ᠲᠤ ᠵᠠᠭᠠᠮᠠ ᠪᠣᠯᠣᠨ ᠮᠥᠷᠥ ᠶᠢᠨ ᠬᠡᠰᠡᠭ ᠲᠤ ᠮᠦᠷᠦᠪᠴᠢ ︵ᠲᠦᠯᠵᠢᠩ︶ ᠢ | ᠵᠣᠳᠣᠩ ᠤᠨ ᠲᠤᠯᠤᠭᠠᠢ ᠪᠣᠶᠣ ᠲᠤᠭᠤᠷᠢᠭ᠂ ᠠᠮᠠ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠶᠠᠩᠵᠤ ᠲᠠᠢ ᠪᠥᠰ ᠪᠠᠷᠠᠭᠠ | ᠳᠠᠪᠬᠤᠷᠯᠠᠵᠤ ᠣᠶᠣᠳᠠᠭ᠃ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ ᠮᠦᠷᠦᠪᠴᠢ ︵ᠲᠦᠯᠵᠢᠩ︶ ᠬᠢᠬᠦ ᠳᠡᠭᠡᠨ ᠬᠤᠶᠠᠷ ᠮᠥᠷᠥ᠂ | ᠡᠮᠦᠨᠡ ᠠᠷᠤ ᠭᠤᠣᠯ ᠳᠤ ᠥᠨᠴᠦᠭ ᠢ ᠨᠢ ᠲᠠᠭᠠᠷᠠᠭᠤᠯᠵᠤ ᠣᠶᠣᠳᠠᠭ᠃ ᠵᠠ ᠲᠡᠷᠯᠢᠭ ᠢ ᠮᠦᠨ ᠬᠦᠪᠦᠩ ᠲᠡᠷᠯᠢᠭ | ᠠᠳᠠᠯᠢ ᠬᠠᠪᠣᠨᠠ᠂ ᠬᠠᠪᠣᠭᠠᠰᠣ ᠬᠠᠪᠣᠬᠤ ᠳᠠᠭᠠᠨ ᠡᠮᠦᠨᠡ ᠠᠷᠤ ᠲᠠᠯᠠ ᠳᠤ ᠭᠤᠷᠪᠠ ᠭᠤᠷᠪᠠᠨ ᠬᠠᠪᠤᠭᠠᠰᠤ ᠶᠢ | ᠬᠤᠯᠠ ᠬᠤᠯᠠ ᠬᠡᠶᠢᠯᠡᠵᠦ ᠬᠠᠪᠤᠳᠠᠭ᠃ ᠵᠠ ᠲᠡᠷᠯᠢᠭ ᠢ ᠣᠯᠠᠩᠬᠢ ᠶᠢ ᠨᠢ ᠵᠠᠶᠢᠴᠠ ᠭᠠᠷᠭᠠᠵᠤ ᠣᠶᠤᠳᠠᠭ᠃ | ᠵᠠᠶᠢᠴᠠ ᠶᠢᠨ ᠳᠡᠭᠡᠷᠡ ᠲᠠᠯᠠ ᠳᠤ ᠥᠩᠭᠡ ᠶᠢᠨ ᠣᠲᠠᠰᠣ ᠪᠠᠷ ᠥᠩᠭᠡ ᠢᠯᠭᠠᠷᠠᠭᠤᠯᠤᠨ ᠥᠯᠵᠡᠢ ᠣᠲᠠᠰᠣ᠂ ᠬᠠᠰ᠂ | ᠵᠣᠳᠣᠩ ᠤᠨ ᠲᠤᠯᠤᠭᠠᠢ ᠵᠡᠷᠭᠡ ᠶᠢ ᠣᠷᠠᠯᠠᠵᠤ ᠣᠶᠣᠳᠠᠭ ᠶᠤᠮ᠃ ᠳᠠᠩ ᠲᠡᠷᠯᠢᠭ᠂ ᠴᠠᠮᠴᠠ ᠶᠢᠨ ᠡᠩᠭᠡᠷ | ᠬᠤᠷᠮᠥᠢ ᠶᠢ ᠣᠯᠠᠩᠬᠢ ᠨᠢ ᠡᠮᠵᠢᠬᠦ ᠦᠭᠡᠢ ᠬᠦᠪᠡᠭᠡ ᠪᠠᠷᠢᠵᠤ ᠳᠣᠲᠤᠭᠰᠢ ᠨᠣᠭᠤᠯᠵᠤ ᠢᠯᠡᠥᠷᠳᠡᠳᠡᠭ ᠶᠤᠮ᠃ | ᠭᠡᠪᠡᠴᠦ ᠳᠠᠩ ᠲᠡᠷᠯᠢᠭ ᠤᠨ ᠡᠩᠭᠡᠷ ᠵᠠᠭᠠᠮᠠ ᠬᠤᠭᠤᠯᠠᠪᠴᠢ ᠶᠢ ᠡᠮᠵᠢᠳᠡᠭ ᠪᠠᠰᠠ ᠪᠠᠶᠢᠳᠠᠭ᠃ ᠴᠠᠮᠴᠠᠨ ᠤ | ᠡᠩᠭᠡᠷ ᠲᠤ ᠭᠤᠷᠪᠠᠨ ᠮᠥᠷ ᠣᠲᠠᠰᠣ ᠬᠠᠪᠴᠢᠭᠤᠯᠵᠤ ᠬᠦᠷᠪᠡᠶᠢᠯᠭᠡᠵᠤ ᠭᠠᠷᠭᠠᠭᠰᠠᠨ ᠴᠤ ᠪᠠᠶᠢᠳᠠᠭ ᠶᠤᠮ᠃ ᠲᠡᠷᠯᠢᠭ | ᠴᠠᠮᠴᠠ ᠪᠠᠨ ᠰᠠᠭᠤᠯᠠᠬᠤ ᠳᠠᠭᠠᠨ ᠠᠷᠤ ᠲᠠᠯᠠ ᠶᠢ ᠡᠮᠦᠨᠡ ᠲᠠᠯᠠ ᠠᠴᠠ ᠪᠠᠨ ᠨᠢᠭᠡ ᠴᠦᠢᠳᠧᠩ ᠤᠨ ᠮᠣᠳᠣ ᠶᠢᠨ | ᠬᠢᠷᠢᠲᠠᠢ ᠢᠯᠡᠭᠦᠦ ᠲᠠᠯᠪᠢᠵᠤ ᠣᠶᠣᠳᠠᠭ᠃ ᠲᠡᠷᠯᠢᠭ ᠴᠠᠮᠴᠠ ᠶᠢᠨ ᠰᠤᠭᠤ ᠶᠢ ᠰᠣᠭᠤᠯᠠᠬᠤ ᠳᠠᠭᠠᠨ ᠣᠶᠣᠳᠠᠯ ᠤᠨ | ᠭᠠᠳᠠᠷ ᠬᠥᠪᠡᠭᠡ ᠠᠴᠠ ᠭᠤᠷᠪᠠ ᠳᠦᠷᠪᠡᠨ ᠴᠦᠢᠳᠧᠩ ᠤᠨ ᠮᠣᠳᠣ ᠶᠢᠨ ᠲᠥᠯᠥᠪ ᠵᠠᠢ ᠦᠯᠡᠳᠡᠭᠡᠵᠤ ᠬᠠᠨᠴᠤᠢ ᠶᠢᠨ | ᠦᠵᠦᠭᠦᠷ ᠠᠴᠠ ᠬᠤᠷᠮᠥᠢ ᠬᠦᠷᠲᠡᠯᠡ ᠬᠥᠰᠢᠵᠦ ᠣᠶᠣᠨᠠ᠃ ᠳᠠᠷᠠᠭᠠ ᠨᠢ ᠠᠷᠤ ᠲᠠᠯᠠ ᠶᠢᠨ ᠢᠯᠡᠭᠦᠦ ᠭᠠᠷᠭᠠᠭᠰᠠᠨ | ᠬᠡᠰᠡᠭ ᠢᠶᠠᠷ ᠡᠩᠭᠡᠷ ᠲᠠᠯᠠ ᠵᠦᠭ ᠬᠠᠨᠳᠣᠭᠤᠯᠵᠤ ᠳᠠᠷᠣᠵᠤ ᠨᠥᠬᠦᠨᠡ᠃ ᠴᠠᠮᠴᠠ ᠶᠢᠨ ᠬᠠᠨᠴᠣᠢ ᠶᠢᠨ ᠦᠵᠦᠭᠦᠷ ᠲᠤ | ᠭᠤᠷᠪᠠ ᠲᠦᠷᠪᠡᠨ ᠬᠤᠷᠤᠭᠤ ᠥᠷᠭᠡᠨ ᠬᠤᠶᠠᠷ ᠳᠠᠪᠬᠤᠷ ᠪᠥᠰ ᠳᠡᠭᠡᠷᠡ ᠴᠠᠢ ᠬᠦᠷᠢᠶᠡ ᠪᠣᠶᠣ ᠬᠠᠰ᠂ ᠥᠯᠵᠡᠢ | ᠣᠲᠠᠰᠣ᠂ ᠣᠭᠠᠯᠵᠠ ᠵᠡᠷᠭᠡ ᠶᠢ ᠬᠠᠳᠬᠤᠮᠠᠯ ᠬᠠᠳᠬᠤᠵᠤ ᠬᠠᠨᠴᠥᠢ ᠶᠢᠨ ᠦᠵᠦᠭᠦᠷ ᠲᠤ ᠵᠠᠯᠭᠠᠳᠠᠭ ᠢ《 | ᠬᠠᠭᠤᠷᠠᠮᠴᠢ》 ᠭᠡᠳᠡᠭ᠃ ᠵᠠᠷᠢᠮ ᠭᠠᠵᠠᠷ ᠡᠭᠦᠨ ᠢ《 ᠡᠷᠭᠢᠨᠢᠭ 》 ᠭᠡᠬᠦ ᠪᠣᠶᠣ ᠬᠠᠨᠴᠤᠢ ᠶᠢᠨ ᠦᠵᠦᠭᠦᠷ ᠭᠡᠳᠡᠭ᠃ | ᠴᠠᠮᠴᠠ ᠶᠢᠨ ᠬᠠᠨᠴᠥᠢ ᠶᠢᠨ ᠦᠵᠦᠭᠦᠷ ᠲᠤ ᠡᠭᠦᠨ ᠢ ᠪᠠᠨ ᠵᠠᠯᠭᠠᠵᠤ ᠱᠠᠭᠯᠠᠵᠤ ᠣᠶᠣᠨᠠ᠃ | ᠨᠠᠮᠤᠷ ᠤᠨ ᠣᠯᠠᠷᠢᠯ ᠳᠤ | ᠨᠠᠮᠤᠷ ᠤᠨ ᠡᠬᠢᠨ ᠤ ᠰᠠᠷᠠ ᠳᠤ ᠵᠠ ᠲᠡᠷᠯᠢᠭ᠂ ᠨᠢᠮᠬᠡᠨ ᠬᠥᠪᠤᠩ ᠲᠠᠢ ᠲᠡᠷᠯᠢᠭ᠂ ᠵᠠ ᠥᠮᠦᠳᠦ᠂ ᠬᠥᠪᠦᠩ | ᠥᠮᠦᠳᠦ᠂ ᠪᠥᠰ ᠭᠤᠲᠤᠯ᠂ ᠰᠠᠶᠢᠷᠠᠨ ᠭᠤᠲᠤᠯ᠂ ᠪᠦᠰᠡ ᠪᠣᠶᠣ ᠢᠰᠡᠬᠡᠢ ᠥᠢᠮᠥᠰᠥ ᠲᠠᠢ ᠡᠮᠦᠰᠳᠡᠭ᠃ ᠨᠠᠮᠣᠷ ᠤᠨ | ᠳᠣᠮᠳᠠ ᠰᠠᠷᠠ ᠳᠤ ᠬᠥᠪᠦᠩ ᠲᠠᠢ ᠲᠡᠷᠯᠢᠭ᠂ ᠢᠯᠬᠢᠨ ᠳᠡᠪᠡᠯ ᠡᠮᠦᠰᠦᠨᠡ᠃ | ᠡᠪᠦᠯ ᠤᠨ ᠣᠯᠠᠷᠢᠯ ᠳᠤ | ᠡᠪᠦᠯ ᠤᠨ ᠡᠬᠢᠨ ᠰᠠᠷᠠ ᠳᠤ ᠬᠤᠷᠠᠭᠠᠨ ᠵᠣᠪᠴᠠᠭᠠ᠂ ᠦᠵᠦᠭᠦᠷᠰᠦᠨ ᠳᠡᠪᠡᠯ᠂ ᠦᠵᠦᠭᠦᠷᠰᠦᠨ ᠵᠣᠪᠴᠠᠭᠠ᠂ | ᠦᠵᠦᠭᠦᠷᠰᠦᠨ ᠠᠷᠠᠰᠤᠨ ᠥᠮᠦᠳᠦ᠂ ᠪᠤᠯᠢᠭᠠᠷᠢ ᠭᠤᠲᠤᠯ ᠢᠰᠡᠬᠡᠢ ᠥᠢᠮᠥᠰᠥ ᠲᠠᠢ ᠡᠮᠦᠰᠳᠡᠭ᠃ ᠡᠪᠣᠯ ᠤᠨ | ᠳᠣᠮᠳᠠ ᠰᠠᠷᠠ ᠠᠴᠠ ᠪᠦᠳᠦᠭᠦᠨ ︵ᠡᠪᠦᠯ ᠤᠨ ᠢᠳᠡᠰᠢᠨ ᠤ︶ ᠠᠷᠠᠰᠤᠨ ᠤ ᠥᠩᠭᠡ ᠳᠡᠪᠡᠯ ᠪᠠ ᠵᠣᠪᠴᠠᠭᠠ᠂ | ᠪᠦᠳᠦᠭᠦᠨ ᠨᠡᠬᠡᠢ ᠥᠮᠥᠳᠦ᠂ ᠢᠰᠡᠭᠡᠢ ᠥᠢᠮᠥᠰᠥ ᠲᠠᠢ ᠪᠤᠯᠢᠭᠠᠷᠢ ᠭᠤᠲᠤᠯ ᠡᠮᠦᠰᠳᠡᠭ᠃ ᠡᠪᠣᠯ ᠤᠨ ᠬᠦᠢᠲᠡᠨ ᠤ | ᠭᠤᠣᠯ ᠳᠤ ᠢᠮᠠᠭᠠᠨ ᠠᠷᠠᠰᠤᠨ ᠳᠠᠬᠤ ᠪᠠ ᠢᠮᠠᠭᠠᠨ ᠠᠷᠠᠰᠤᠨ ᠪᠣᠶᠢᠪᠣᠭ ᠳᠠᠪᠬᠤᠷᠯᠠᠵᠤ ᠡᠮᠦᠰᠳᠡᠭ ᠶᠤᠮ᠃ |