ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠬᠥᠬᠡᠭᠡ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠳᠤ ᠭᠠᠯ ᠲᠠᠬᠢᠬᠤ ᠶᠤᠰᠤᠨ | | | ᠭᠠᠯ ᠢ ᠰᠢᠳᠦᠵᠦ᠂ ᠭᠠᠯ ᠢ ᠲᠠᠬᠢᠬᠤ ᠨᠢ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠷᠲᠡ ᠳᠡᠭᠡᠷᠡ ᠦᠶᠡ ᠠᠴᠠ | ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠭᠰᠡᠨ ᠵᠠᠩ ᠳᠠᠳᠬᠠᠯ ᠪᠠ ᠶᠤᠰᠤ ᠵᠢᠷᠤᠮ ᠤᠨ ᠨᠢᠭᠡ ᠪᠤᠯᠤᠨᠠ᠃ | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠪᠤᠰᠤᠳ ᠤᠯᠠᠩᠬᠢ ᠭᠠᠵᠠᠷ ᠤᠷᠤᠨ ᠲᠠᠢ ᠠᠳᠠᠯᠢ ᠪᠠᠷ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ | ᠣᠯᠠᠷᠢᠯ ᠤᠨ ᠡᠪᠦᠯ ᠤᠨ ᠰᠡᠭᠦᠯ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠭᠠᠯ ᠢᠶᠠᠨ ᠲᠠᠬᠢᠳᠠᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠳᠡᠲᠡ | ᠡᠨᠡ ᠡᠳᠦᠷ ᠢ ︽ᠭᠠᠯ ᠲᠠᠬᠢᠬᠤ ᠶᠢᠨ ᠬᠤᠷᠢᠨ ᠭᠤᠷᠪᠠᠨ︾ ᠭᠡᠵᠡᠭᠡᠳᠡᠭ ᠪᠢᠯᠡ᠃ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠪᠣᠯᠬᠤ ᠳᠤ | ᠤᠯᠠᠩᠬᠢ ᠠᠶᠢᠯ ᠤᠳ ᠭᠡᠷ ᠤᠨ ᠤᠳᠤᠭᠠ ᠪᠠᠨ ᠱᠦᠭᠦᠷᠳᠡᠨ ᠳᠤᠭᠤᠰᠤ ᠪᠠᠨ ᠭᠦᠪᠢᠵᠦ᠂ ᠭᠡᠷ ᠢᠶᠠᠨ ᠴᠡᠪᠡᠷᠯᠡᠨ ᠬᠤᠭ ᠢᠶᠠᠨ | ᠠᠷᠢᠯᠭᠠᠳᠠᠭ ᠪᠣᠯᠬᠤᠷ ᠭᠠᠯ ᠲᠠᠬᠢᠬᠤ ᠨᠢ ᠬᠡᠷᠡᠭ ᠳᠡᠭᠡᠷᠡ ᠪᠠᠨ ᠵᠢᠯ ᠴᠠᠭᠠᠨ ᠰᠠᠷᠠ ᠪᠠᠨ ᠤᠭᠲᠤᠬᠤ ᠠᠵᠢᠯᠯᠠᠭᠠᠨ ᠤ ᠬᠦᠰᠢᠭᠡ | ᠨᠡᠭᠡᠭᠡᠭᠳᠡᠭᠰᠡᠨ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠭᠠ ᠶᠤᠮ᠃ ᠦᠵᠦᠮᠦᠴᠢᠨᠴᠤᠳ ᠬᠤᠷᠢᠨ ᠭᠤᠷᠪᠠᠨ ᠤ ᠡᠳᠦᠷ ᠭᠠᠯ ᠢᠶᠠᠨ ᠲᠠᠬᠢᠭᠰᠠᠨ ᠤ | ᠲᠠᠷᠠᠭᠠ ᠴᠠᠭᠠᠨ ᠰᠠᠷᠠ ᠪᠠᠨ ᠤᠭᠳᠤᠨ ᠪᠡᠯᠭᠡᠯᠡᠬᠦ ᠠᠵᠢᠯᠯᠠᠭᠠ ᠪᠠᠨ ᠡᠬᠢᠯᠡᠬᠦᠯᠵᠦ᠂ ᠭᠡᠷ ᠢᠶᠠᠨ ᠴᠢᠮᠡᠭᠯᠡᠵᠦ ᠪᠤᠷᠬᠠᠨ ᠢᠶᠠᠨ | ᠲᠠᠬᠢᠬᠤ᠂ ᠦᠨᠳᠦᠷ ᠨᠠᠰᠤᠳᠠᠨ ᠳᠠᠭᠠᠨ ᠨᠠᠰᠤᠨ ᠤ ᠪᠠᠶᠠᠷ ᠬᠢᠬᠦ᠂ ᠵᠢᠯ ᠤᠷᠤᠭᠰᠠᠳ ᠲᠠᠭᠠᠨ ᠵᠢᠯ ᠢ ᠨᠢ ᠤᠷᠤᠭᠤᠯᠬᠤ᠂ | ᠪᠢᠳᠡᠭᠦᠦ ᠳᠤᠯᠤᠭᠠᠢ ᠪᠠᠨ ᠵᠢᠭᠠᠵᠦ ᠪᠢᠳᠡᠭᠦᠯᠡᠬᠦ ᠵᠡᠷᠭᠡ ᠠᠵᠢᠯᠯᠠᠭᠠ ᠪᠠᠨ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠨᠢ ᠦᠷᠭᠦᠯᠵᠢᠯᠡᠬᠦᠯᠳᠡᠭ | ᠪᠣᠯᠬᠤᠷ ᠰᠢᠨᠡᠯᠡᠬᠦ ᠤᠶᠢᠷᠠᠳᠬᠤ ᠲᠠᠢ ᠵᠡᠷᠭᠡ ᠦᠵᠦᠮᠦᠴᠢᠨ ᠨᠤᠲᠤᠭ ᠲᠤ ᠶᠠᠭ ᠯᠡ ᠬᠤᠷᠸᠠ ᠶᠢᠷᠳᠢᠨᠴᠦ ᠭᠦᠨ | ᠨᠦᠢᠷ ᠠᠴᠠ ᠪᠠᠨ ᠭᠡᠨᠡᠳᠲᠡ ᠰᠡᠷᠡᠭᠰᠡᠨ ᠰᠢᠭ ᠪᠣᠯᠵᠦ᠂ ᠭᠠᠯ ᠲᠠᠬᠢᠭᠰᠠᠨ ᠠᠴᠠ ᠠᠪᠤᠭᠠᠳ ᠴᠠᠭᠠᠨ ᠰᠠᠷᠠ ᠶᠢᠨ ᠡᠬᠢ | ᠪᠤᠯᠲᠠᠯᠠᠬᠢ ᠠᠷᠪᠠᠭᠠᠳ ᠬᠤᠨᠤᠭ ᠤᠨ ᠳᠤᠳᠤᠷᠠ ᠠᠶᠢᠯ ᠪᠦᠬᠦᠨ ᠬᠦᠷ ᠬᠦᠭᠵᠢᠶᠡᠨ ᠢᠶᠠᠷ ᠪᠢᠯᠬᠠᠨ᠂ ᠬᠠᠬᠢᠷ ᠡᠪᠦᠯ | ᠬᠠᠪᠤᠷ ᠤᠨ ᠠᠭᠤᠷ ᠢᠶᠠᠷ ᠰᠤᠯᠢᠭᠳᠠᠳᠠᠭ᠃ ᠡᠶᠢᠮᠦ ᠠᠴᠠ ᠬᠤᠷᠢᠨ ᠭᠤᠷᠪᠠᠨ ᠤ ᠭᠠᠯ ᠲᠠᠬᠢᠬᠤ ᠶᠤᠰᠤᠨ ᠪᠣᠯ | ᠦᠵᠦᠮᠦᠴᠢᠨᠴᠤᠳ ᠤᠨ ᠬᠠᠤᠯᠢ ᠪᠠᠷ ᠲᠤᠭᠳᠠᠭᠠᠭᠰᠠᠨ ᠦᠭᠡᠢ ᠬᠠᠤᠯᠢ ᠮᠦᠨ ᠭᠡᠵᠦ ᠪᠤᠯᠤᠨᠠ᠃ | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠭᠠᠯ ᠲᠠᠬᠢᠬᠤ ᠶᠤᠰᠤ ᠨᠢ ᠮᠠᠰᠢ ᠨᠠᠷᠢᠨ ᠳᠦᠷᠢᠮ ᠲᠠᠢ᠂ ᠳᠡᠰ ᠲᠠᠷᠠᠭᠠ ᠲᠠᠢ᠂ | ᠡᠮᠬᠢ ᠲᠢᠭᠯᠢᠮ ᠲᠠᠢ ᠪᠠᠷ ᠶᠠᠪᠤᠭᠳᠠᠳᠠᠭ᠃ ᠡᠨᠡ ᠡᠳᠦᠷ ᠬᠦᠷᠴᠦ ᠢᠷᠡᠬᠦ ᠳᠤ ᠦᠵᠦᠮᠦᠴᠢᠨ ᠮᠠᠯᠴᠢᠳ ᠦᠥᠷ ᠤᠨ | ᠴᠤᠯᠮᠤᠨ ᠢ ᠤᠭᠳᠤᠨ ᠪᠤᠰᠴᠦ᠂ ᠮᠣᠩᠭᠤᠯ ᠭᠡᠷ ᠤᠨ ᠢᠶᠠᠨ ᠲᠤᠭᠤᠨᠤ ᠪᠠᠷ ᠤᠳᠤᠭᠠ ᠰᠤᠭᠤᠨᠠᠭᠯᠠᠭᠤᠯᠤᠨ᠂ ᠨᠢᠭᠡ ᠲᠠᠯᠠ ᠪᠠᠷ | ᠲᠤᠰ ᠡᠳᠦᠷ ᠤᠨ ᠦᠢᠯᠡᠳᠪᠤᠷᠢᠯᠡᠯ ᠢᠶᠠᠨ ᠲᠤᠬᠢᠳᠠᠢ ᠰᠠᠶᠢᠬᠠᠨ ᠪᠠᠶᠢᠷᠢᠯᠠᠭᠤᠯᠵᠦ᠂ ᠨᠦᠭᠦᠭᠡ ᠲᠠᠯᠠ ᠪᠠᠷ ᠭᠠᠯ ᠲᠠᠬᠢᠬᠤ | ᠪᠡᠯᠡᠳᠬᠡᠯ ᠠᠵᠢᠯ ᠢᠶᠠᠨ ᠬᠢᠵᠦ ᠡᠬᠢᠯᠡᠳᠡᠭ᠃ | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠬᠤᠷᠢᠨ ᠭᠤᠷᠪᠠᠨ ᠤ ᠭᠠᠯ ᠲᠠᠬᠢᠬᠤ ᠠᠵᠢᠯᠯᠠᠭᠠ ᠪᠠᠨ ᠭᠠᠯ ᠤᠨ ᠴᠠᠢ | ᠤᠤᠭᠤᠯᠭᠠᠬᠤ ᠠᠴᠠ ᠡᠬᠢᠯᠡᠬᠦᠯᠳᠡᠭ ᠶᠤᠮ᠃ ᠬᠤᠲᠠ ᠤᠰᠤᠨ ᠤ ᠪᠠᠨ ᠬᠦᠮᠦᠰ ᠲᠡᠭᠡᠨ ᠭᠠᠯ ᠤᠨ ᠴᠠᠢ ᠤᠤᠭᠤᠯᠭᠠᠬᠤ ᠶᠢᠨ | ᠲᠤᠯᠠᠳᠠ ᠲᠤᠰ ᠡᠳᠦᠷ ᠦᠵᠦᠮᠦᠴᠢᠨ ᠪᠦᠰᠡᠬᠦᠶᠢᠴᠤᠳ ᠤᠨ ᠪᠤᠷᠪᠢ ᠪᠤᠰᠤᠭᠠ ᠪᠠᠷ ᠡᠷᠬᠢᠯᠳᠦᠵᠦ᠂ ᠨᠢᠭᠡ ᠨᠢᠭᠡᠨ ᠲᠠᠢ ᠪᠠᠨ | ᠮᠦᠴᠡᠭᠡᠷᠭᠡᠨ ᠡᠨᠡ ᠨᠢᠭᠡ ᠨᠢ ︽ᠮᠠᠨᠠᠶᠢᠬᠢ ᠠᠴᠠ ᠡᠬᠢᠯᠡᠶᠡ︾ ᠭᠡᠬᠦ ᠳᠤ᠂ ᠲᠡᠷᠡ ᠨᠢᠭᠡ ᠨᠢ ᠪᠠᠰᠠ ︽ᠮᠠᠨᠠᠶᠢᠬᠢ ᠠᠴᠠ | ᠡᠬᠢᠯᠡᠶᠡ︾ ᠭᠡᠵᠦ ᠬᠠᠷᠢᠯᠴᠠᠨ ᠪᠤᠯᠢᠶᠠᠯᠴᠠᠭᠠᠨ ᠪᠤᠯᠵᠦ ᠠᠶᠢᠯ ᠠᠶᠢᠮᠠᠭ᠂ ᠬᠤᠲᠠ ᠤᠰᠤ᠂ ᠠᠬᠠ ᠳᠡᠭᠦᠦ ᠰᠠᠳᠤᠨ ᠤ ᠳᠠᠭᠠᠨ | ᠬᠦᠷᠴᠦ᠄ ︽ᠭᠠᠯ ᠲᠠᠬᠢᠨᠠ᠂ ᠴᠠᠢ ᠤᠤᠭᠤᠭᠠᠷᠠᠢ᠂ ᠲᠠᠨ ᠢ ᠵᠠᠯᠠᠵᠦ ᠪᠠᠶᠢᠨᠠ︾ ᠭᠡᠵᠦ ᠬᠠᠷᠢᠯᠴᠠᠨ ᠵᠠᠯᠠᠯᠭᠠ ᠲᠠᠯᠪᠢᠵᠦ᠂ | ᠬᠠᠷᠢᠯᠴᠠᠨ ᠨᠢᠭᠡ ᠨᠢᠭᠡᠨ ᠳᠡᠭᠡᠨ ᠭᠠᠯ ᠤᠨ ᠴᠠᠢ ᠤᠤᠭᠤᠯᠭᠠᠳᠠᠭ᠃ ᠭᠠᠯ ᠤᠨ ᠴᠠᠢ ᠤᠤᠭᠤᠯᠭᠠᠬᠤ ᠳᠤ᠂ ᠬᠠᠮᠤᠭ | ᠳᠦᠷᠦᠭᠦᠨ ᠳᠤ ᠪᠦᠰᠡᠬᠦᠶᠢᠴᠤᠳ ᠠᠯᠳᠠᠨ ᠰᠢᠷᠠ ᠮᠤᠳᠤᠨ ᠠᠶᠠᠭᠠ ᠪᠤᠶᠤ ᠤᠷᠠᠯᠢᠭ ᠬᠢᠴᠡ ᠲᠠᠢ ᠮᠦᠩᠭᠦᠨ ᠠᠶᠠᠭᠠᠨ | ᠳᠠᠭᠠᠨ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ᠂ ᠦᠷᠦᠮᠡ ᠲᠤᠰᠤ᠂ ᠪᠤᠷᠠᠮ ᠰᠢᠬᠢᠷ᠂ ᠬᠤᠷᠤᠳ ᠠᠭᠠᠷᠤᠤᠯ ᠢ ᠳᠦᠭᠦᠷᠳᠡᠯᠡ ᠬᠢᠵᠦ᠂ | ᠳᠡᠭᠡᠷᠡ ᠠᠴᠠ ᠨᠢ ᠬᠠᠩᠬᠤᠯᠤᠮᠠ ᠦᠨᠦᠷ ᠲᠠᠢ ᠰᠦ ᠲᠠᠢ ᠴᠠᠢ ᠪᠠᠨ ᠠᠶᠠᠭᠠᠯᠠᠭᠠᠳ ᠠᠬᠠᠮᠠᠳ ᠨᠠᠰᠤᠳᠠᠨ᠂ ᠬᠦᠨᠳᠤᠳᠤ | ᠵᠣᠴᠢᠨ ᠠᠴᠠ ᠡᠬᠢᠯᠡᠨ ᠪᠠᠷᠢᠳᠠᠭ᠃ ᠳᠠᠷᠠᠭᠠ ᠨᠢ ᠯᠤᠤ ᠶᠢᠨ ᠬᠤᠸᠠᠷ ᠲᠠᠢ ᠫᠢᠯᠡᠨ ᠳᠠᠭᠠᠨ ᠶᠠᠩᠵᠦ ᠶᠠᠩᠵᠦ ᠪᠠᠷ ᠦᠷᠦᠵᠦ | ᠵᠠᠰᠠᠭᠰᠠᠨ ᠴᠠᠭᠠᠨ ᠢᠳᠡᠭᠡ ᠪᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠦ ᠬᠦᠮᠦᠨ ᠪᠦᠷᠢ ᠳᠤ ᠨᠢᠭᠡ ᠨᠢᠭᠡ ᠪᠠᠷ ᠠᠮᠰᠠᠭᠤᠯᠳᠠᠭ᠃ | ᠢᠩᠭᠢᠭᠰᠡᠨ ᠤ ᠰᠡᠭᠦᠯᠡᠷ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠰᠠᠷᠬᠤᠳ ᠤᠨ ᠳᠡᠭᠡᠵᠢ ᠪᠠᠨ ᠰᠦᠩᠨᠡᠨ ᠪᠠᠷᠢᠳᠠᠭ᠃ ᠡᠭᠦᠨ ᠢ ᠳᠡᠲᠡ ︽ᠴᠠᠢ | ᠠᠶᠠᠭᠠᠯᠠᠨ᠂ ᠴᠠᠭᠠᠨ ᠢᠳᠡᠭᠡ ᠪᠠᠷᠢᠵᠦ᠂ ᠠᠷᠢᠬᠢ ᠬᠡᠮᠨᠡᠬᠦ ᠶᠤᠰᠤᠨ︾ ᠭᠡᠵᠦ ᠬᠡᠯᠡᠳᠡᠭ ᠶᠤᠮ᠃ ᠴᠢᠩᠭᠢᠭᠡᠳ ᠥᠳᠡ | ᠦᠩᠭᠡᠷᠡᠵᠦ᠂ ᠨᠠᠷᠠ ᠪᠠᠷᠠᠭᠤᠨᠰᠢ ᠲᠠᠰᠢᠬᠤ ᠲᠠᠢ ᠵᠡᠷᠭᠡ ᠲᠡᠳᠡ ᠠᠯᠢ ᠡᠷᠲᠡ 10 ᠰᠠᠷᠠ ᠶᠢᠨ ᠦᠶᠡ ᠪᠠᠷ ᠡᠪᠦᠯ ᠤᠨ | ᠢᠳᠡᠰᠢ ᠪᠠᠨ ᠪᠡᠯᠡᠳᠬᠡᠬᠦ ᠥᠶᠡ ᠳᠤ ︽ᠭᠠᠯ ᠤᠨ ᠪᠤᠷᠬᠠᠨ ᠤ ᠬᠤᠷᠠᠭᠠ︾ ᠬᠡᠮᠡᠨ ᠭᠠᠯ ᠲᠠᠬᠢᠬᠤ ᠳᠤ ᠵᠤᠷᠢᠭᠤᠯᠵᠦ | ᠤᠷᠢᠳᠴᠢᠯᠠᠨ ᠪᠡᠯᠡᠳᠬᠡᠵᠦ ᠲᠠᠯᠪᠢᠭᠰᠠᠨ ᠪᠦᠬᠦᠯᠢ ᠬᠤᠷᠠᠭᠠᠨ ᠰᠢᠭᠦᠰᠦ ᠪᠠᠨ ᠡᠪᠳᠡᠵᠦ᠂ ᠭᠠᠯ ᠲᠠᠬᠢᠬᠤ ᠡᠪᠴᠢᠭᠦᠦ ᠪᠠ | ᠲᠠᠶᠢᠯᠠᠯᠭᠠ ᠳᠤ ᠬᠡᠷᠡᠭᠯᠡᠬᠦ ᠮᠢᠬᠠ ᠪᠠᠨ ᠴᠢᠨᠠᠵᠦ ᠪᠤᠯᠭᠤᠳᠠᠭ᠃ ᠤᠷᠤᠢ ᠪᠤᠯᠵᠦ ᠡᠳᠦᠷ ᠤᠨ ᠠᠵᠢᠯ ᠦᠨᠳᠦᠷᠯᠡᠨ᠂ | ᠠᠳᠤᠭᠤ ᠪᠠᠨ ᠵᠠᠯᠠᠵᠦ ᠬᠤᠨᠢ ᠪᠠᠨ ᠬᠤᠲᠠᠯᠠᠨ᠂ ᠦᠬᠡᠷ ᠢᠶᠠᠨ ᠬᠤᠷᠢᠶᠠᠵᠤ ᠠᠭᠲᠠ ᠪᠠᠨ ᠠᠷᠭᠠᠮᠵᠢᠴᠢᠬᠠᠪᠠᠯ᠂ ᠬᠤᠲᠠ | ᠤᠰᠤᠨ ᠤ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠡᠷᠦᠬᠡ ᠨᠦᠭᠦᠳ ᠬᠤᠭᠤᠷᠤ ᠬᠤᠭᠤᠷᠤᠨᠳᠤ ᠪᠠᠨ᠄ ︽ᠭᠠᠯ ᠲᠠᠬᠢᠨᠠ᠂ ᠬᠤᠭᠤᠯᠠ ᠢᠳᠡ︾ | ᠬᠡᠮᠡᠨ ᠲᠠᠬᠢᠨ ᠨᠢᠭᠡᠨ ᠨᠢᠭᠡᠨ ᠢᠶᠠᠨ ᠤᠷᠢᠵᠦ᠂ ᠠᠯᠢ ᠨᠢᠭᠡ ᠠᠶᠢᠯ ᠠᠴᠠ ᠡᠬᠢᠯᠡᠨ ᠭᠠᠯ ᠲᠠᠬᠢᠬᠤ ᠶᠤᠰᠤᠯᠠᠯ ᠢᠶᠠᠨ | ᠭᠦᠢᠴᠡᠳᠬᠡᠳᠡᠭ᠃ | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠭᠠᠯ ᠲᠠᠬᠢᠬᠤ ᠶᠤᠰᠤᠯᠠᠯ ᠪᠣᠯ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠮᠦᠷᠳᠡᠭᠡᠨ ᠲᠦᠪ | ᠶᠡᠬᠡᠮᠰᠦᠭ ᠪᠠᠶᠢᠳᠠᠭ᠃ ᠤᠷᠢᠭᠰᠠᠨ ᠵᠤᠴᠢᠳ ᠨᠢ ᠴᠤᠭᠯᠠᠷᠠᠨ ᠢᠷᠡᠮᠡᠭᠴᠡ ᠶᠤᠰᠤᠯᠠᠯ ᠤᠨ ᠴᠠᠢ ᠠᠶᠠᠭᠠᠯᠠᠨ᠂ ᠪᠡᠯᠭᠡᠳᠡᠯ ᠤᠨ | ᠴᠠᠭᠠᠨ ᠢᠳᠡᠭᠡ ᠲᠠᠯᠪᠢᠵᠦ᠂ ᠬᠦᠨᠳᠦᠳᠬᠡᠯ ᠤᠨ ᠠᠷᠢᠬᠢ ᠪᠠᠨ ᠡᠷᠬᠦᠵᠦ ᠲᠠᠭᠤᠰᠪᠠᠯ ᠳᠠᠷᠤᠢ ᠭᠠᠯ ᠤᠨ ᠲᠠᠬᠢᠯᠭᠠ ᠡᠬᠢᠯᠡᠳᠡᠭ | ᠶᠤᠮ᠃ ᠡᠨᠡ ᠦᠶᠡ ᠳᠤ ᠡᠷᠡᠭᠳᠡᠶᠢᠴᠦᠳ ᠨᠢ ᠶᠤᠰᠤᠯᠠᠯ ᠤᠨ ᠮᠠᠯᠠᠭᠠᠢ ᠳᠡᠪᠡᠯ ᠬᠤᠪᠴᠠᠰᠤ᠂ ᠭᠤᠲᠤᠯ ᠢᠶᠠᠨ ᠡᠮᠦᠰᠬᠦ ᠶᠢᠨ | ᠬᠠᠮᠳᠤ ᠳᠡᠭᠰᠢᠯᠡᠨ ᠵᠠᠰᠠᠵᠦ᠂ ᠪᠦᠰᠡ ᠪᠠᠨ ᠪᠦᠰᠡᠯᠡᠭᠰᠡᠨ ᠤ ᠳᠠᠷᠠᠭᠠ ᠬᠤᠪᠴᠠᠰᠤᠨ ᠤ ᠪᠠᠨ ᠭᠠᠳᠠᠭᠤᠷ ᠬᠠᠨᠵᠢᠶᠠᠷ ᠡᠮᠦᠰᠴᠦ | ᠂ ᠭᠡᠲᠡ ᠬᠢᠳᠤᠭᠠ᠂ ᠬᠦᠬᠦᠷ ᠠᠴᠢᠮᠠᠭ ︵ᠬᠦᠬᠦᠷ ᠤᠨ ᠰᠠᠪᠠ︶ ᠵᠡᠷᠭᠡ ᠪᠠᠨ ᠵᠡᠭᠦᠵᠦ ᠵᠠᠰᠠᠨ ᠴᠢᠮᠡᠭᠯᠡᠬᠦ ᠳᠤ᠂ ᠡᠮᠡᠭᠳᠡᠶᠢᠴᠦᠳ | ᠨᠢ ᠪᠠᠰᠠ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠳᠡᠭᠰᠢᠯᠡᠨ ᠵᠠᠰᠠᠬᠤ ᠶᠢᠨ ᠬᠠᠮᠳᠤ ᠤᠤᠵᠠ ᠡᠮᠦᠰᠴᠦ ᠲᠠᠳᠠᠭᠤᠷ᠂ ᠰᠦᠢᠬᠡ᠂ ᠡᠭᠡᠮᠦᠭ | ᠵᠡᠷᠭᠡ ᠶᠢ ᠵᠡᠭᠦᠳᠡᠭ᠃ ᠭᠡᠤᠭᠡᠳ ᠤᠳ ᠨᠢ ᠥᠩᠭᠡ ᠲᠠᠢ ᠰᠠᠶᠢᠬᠠᠨ ᠰᠢᠨᠡ ᠬᠤᠪᠴᠠᠰᠤ ᠡᠮᠦᠰᠬᠦ ᠶᠢᠨ ᠬᠠᠮᠳᠤ ᠪᠠᠰᠠ | ᠠᠯᠴᠢᠭᠤᠷ ᠪᠦᠰᠡ ᠪᠠᠷ ᠭᠤᠶᠤᠯᠠᠨ ᠵᠠᠰᠠᠳᠠᠭ᠃ | ᠬᠤᠨᠢᠨ ᠤ ᠡᠪᠴᠢᠬᠦᠦ ᠪᠣᠯ ᠳᠡᠲᠡᠨ ᠤ ᠭᠠᠯ ᠲᠠᠬᠢᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠬᠠᠮᠤᠭ ᠤᠨ ᠴᠢᠬᠤᠯᠠ ᠵᠦᠢᠯ ᠪᠤᠯᠤᠨᠠ᠃ | ᠶᠠᠰᠤ ᠶᠢ ᠨᠢ ᠰᠡᠪᠳᠦᠭᠡᠬᠦ ᠦᠭᠡᠢ᠂ ᠥᠶᠡ ᠶᠢ ᠨᠢ ᠬᠡᠮᠳᠦᠭᠡᠬᠦ ᠦᠭᠡᠢ ᠪᠠᠷ ᠪᠤᠰᠤᠳ ᠶᠠᠰᠤᠨ ᠠᠴᠠ ᠨᠢ ᠰᠠᠶᠢᠬᠠᠨ ᠰᠠᠯᠭᠠᠭᠰᠠᠨ | ᠡᠪᠴᠢᠭᠦᠨ ᠤ ᠪᠠᠨ ᠮᠢᠬᠠ ᠶᠢ ᠪᠦᠬᠦᠨ ᠢ ᠱᠤᠯᠤᠵᠦ᠂ ︽ᠳᠠᠯᠠᠯᠭᠠ ᠶᠢᠨ ᠭᠡᠰᠢᠭ︾ ᠢ ᠳᠦᠭᠦᠷᠳᠡᠯᠡ ᠦᠷᠦᠵᠦ ᠲᠠᠯᠪᠢᠭᠰᠠᠨ | ᠫᠢᠯᠠᠨ ᠳᠠᠭᠠᠨ ᠮᠢᠬᠠ ᠶᠢ ᠨᠢ ᠳᠤᠤᠷᠠ ᠨᠢ᠂ ᠡᠪᠴᠢᠭᠦᠦ ᠶᠢ ᠨᠢ ᠳᠡᠭᠡᠷᠡ ᠨᠢ᠂ ᠳᠤᠳᠤᠷᠠ ᠲᠠᠯᠠ ᠶᠢ ᠨᠢ ᠳᠡᠭᠡᠭᠰᠢ | ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠵᠤ᠂ ᠡᠪᠴᠢᠬᠦᠨ ᠤ ᠶᠠᠰᠤ ᠪᠠᠷ ᠨᠢ ᠭᠠᠯ ᠢᠶᠠᠨ ᠲᠠᠬᠢᠵᠦ᠂ ᠮᠢᠬᠠ ᠪᠠᠷ ᠨᠢ ᠭᠠᠯ ᠤᠨ ᠳᠠᠯᠠᠯᠭᠠ ᠠᠪᠬᠤ | ᠬᠡᠰᠢᠭ ᠪᠤᠯᠭᠠᠳᠠᠭ᠃ ᠡᠪᠴᠢᠬᠦᠨ ᠤ ᠶᠠᠰᠤ ᠶᠢ ᠳᠡᠭᠡᠷᠡ ᠨᠢ ᠲᠠᠯᠪᠢᠳᠠᠭ ᠨᠢ ᠳᠡᠭᠦᠨ ᠢ ᠬᠠᠮᠤᠭ ᠤᠨ ᠳᠦᠷᠦᠭᠦᠨ ᠳᠤ ᠭᠠᠯ | ᠳᠠᠭᠠᠨ ᠡᠷᠭᠦᠨᠡ ᠭᠡᠰᠡᠨ ᠤᠳᠬᠠ ᠲᠠᠢ ᠶᠤᠮ᠃ ᠴᠢᠩᠭᠢᠭᠡᠳ ᠭᠠᠯ ᠢᠶᠠᠨ ᠲᠠᠬᠢᠬᠤ ᠦᠶᠡ ᠳᠤ ᠡᠪᠴᠢᠬᠦᠦ ᠪᠠᠨ | ᠳᠡᠭᠡᠭᠰᠢ ᠪᠠᠨ ᠬᠠᠷᠠᠭᠤᠯᠤᠨ ᠲᠠᠯᠪᠢᠭᠰᠠᠨ ᠤ ᠳᠠᠷᠠᠭᠠ ᠳᠡᠭᠡᠷᠡ ᠨᠢ ︽ᠦᠨᠳᠦᠷ ᠠᠭᠤᠯᠠ ᠶᠢᠨ ᠦᠷᠡ ᠲᠠᠢ ᠮᠤᠳᠤ︾ ᠬᠡᠮᠡᠨ | ᠦᠷᠢᠯ ᠪᠤᠶᠤ ᠮᠤᠶᠢᠯ ᠤᠨ ᠰᠠᠯᠠᠭᠠ ᠮᠦᠴᠢᠷ᠂ ︽ᠦᠷᠭᠡᠨ ᠲᠠᠯᠠ ᠶᠢᠨ ᠰᠤᠷ ᠲᠠᠢ ᠡᠪᠡᠰᠦ︾ ᠬᠡᠮᠡᠨ ᠬᠢᠯᠠᠭᠠᠨᠠ ᠶᠢᠨ | ᠨᠠᠮᠠᠭᠠ ᠵᠢᠴᠢ ᠬᠤᠩᠭᠤᠯᠵᠠᠭᠤᠷ ᠤᠨ ᠳᠤᠯᠤᠭᠠᠢ᠂ ᠬᠠᠶᠢᠴᠢ ᠡᠪᠡᠰᠦ ᠪᠠ ᠢᠳᠡᠭᠡᠨ ᠤ ᠳᠡᠭᠡᠵᠢ ᠬᠡᠮᠡᠨ ᠰᠢᠷᠠ ᠲᠤᠰᠤ᠂ | ᠥᠭᠡᠬᠦ ᠵᠡᠷᠭᠡ ᠲᠠᠬᠢᠯᠭᠠ ᠶᠢᠨ ᠵᠦᠢᠯᠡᠰ ᠢᠶᠠᠨ ᠦᠷᠦᠵᠦ ᠲᠠᠯᠪᠢᠭᠰᠠᠨ ᠤ ᠰᠡᠭᠦᠯᠡᠷ ᠪᠤᠤᠷᠠ ᠶᠢᠨ ᠵᠣᠭᠳᠤᠷ ᠪᠤᠶᠤ ᠬᠤᠴᠠ ᠶᠢᠨ | ᠨᠤᠤᠰᠤ ᠪᠠᠷ ᠡᠭᠡᠷᠡᠭᠰᠡᠨ ᠨᠤᠤᠰᠤᠨ ᠤᠳᠠᠰᠤ ᠪᠠᠷ ᠪᠤᠭᠤᠵᠦ᠂ ᠭᠠᠯ ᠳᠠᠭᠠᠨ ᠡᠷᠭᠦᠬᠦ ᠪᠠᠷ ᠪᠡᠯᠡᠳᠬᠡᠨᠡ᠃ ᠦᠵᠦᠮᠦᠴᠢᠨ ᠤ | ᠭᠠᠯ ᠤᠨ ᠪᠤᠷᠬᠠᠨ ᠤ ᠬᠤᠷᠠᠭᠠ ᠭᠡᠳᠡᠭ ᠨᠢ ᠡᠪᠴᠢᠬᠦᠦ ᠶᠢ ᠨᠢ ᠭᠠᠯ ᠳᠠᠭᠠᠨ ᠡᠷᠭᠦᠵᠦ᠂ ᠳᠤᠯᠤᠭᠠᠢ ᠶᠢ ᠨᠢ ᠪᠢᠳᠡᠭᠦᠨ ᠤ | ᠡᠳᠦᠷ ᠵᠢᠭᠠᠵᠦ ᠤᠭᠤᠴᠠ ᠲᠠᠢ ᠨᠢ ᠴᠤᠭ ᠪᠢᠳᠡᠬᠦᠨ ᠤ ᠬᠤᠭᠤᠯᠠ ᠪᠤᠯᠭᠠᠨ᠂ ᠰᠡᠬᠦᠯ ᠢ ᠨᠢ ᠪᠤᠷᠬᠠᠨ ᠳᠤ ᠲᠠᠯᠪᠢᠵᠦ | ᠪᠤᠷᠬᠠᠨ ᠤ ᠭᠡᠰᠢᠭ ᠪᠤᠯᠭᠠᠬᠤ ᠪᠠᠷ ᠲᠤᠰᠠᠬᠠᠶᠢᠯᠠᠨ ᠳᠦᠬᠦᠭᠡᠷᠦᠭᠰᠡᠨ ᠬᠤᠷᠠᠭᠠᠨ ᠤ ᠪᠦᠬᠦᠯᠢ ᠪᠤᠯᠤᠨᠠ᠃ ᠵᠠᠷᠢᠮ ᠨᠢ | ᠪᠦᠳᠦᠭᠦᠨ ᠬᠤᠨᠢ ᠪᠠᠷ ᠲᠠᠬᠢᠬᠤ ᠴᠦ ᠪᠤᠢ᠃ | ᠭᠠᠯ ᠲᠠᠬᠢᠬᠤ ᠶᠤᠰᠤᠯᠠᠯ ᠢ ᠭᠡᠷ ᠤᠨ ᠡᠵᠡᠨ ᠡᠷᠬᠢᠯᠡᠵᠦ ᠬᠢᠳᠡᠭ ᠪᠦᠭᠡᠳ ᠪᠦᠰᠡᠬᠦᠢ ᠨᠢ ᠪᠠᠷᠠ ᠪᠣᠯᠵᠦ᠂ ᠡᠪᠦᠭᠡᠳ | ᠬᠦᠭᠰᠢᠳ ᠠᠴᠠ ᠠᠪᠤᠭᠠᠳ ᠭᠡᠤᠭᠡᠳ ᠰᠢᠤᠬᠠᠳ ᠪᠦᠭᠦᠳᠡᠭᠡᠷ ᠤᠷᠤᠯᠴᠠᠳᠠᠭ᠃ ᠮᠤᠩᠭᠤᠯ ᠭᠡᠷ ᠤᠨ ᠭᠤᠣᠯ ᠳᠤ ᠲᠠᠯᠪᠢᠭᠠ | ᠳᠦᠷᠪᠡᠨ ᠤᠴᠤᠭ᠂ ᠭᠤᠷᠪᠠᠨ ᠴᠠᠭᠠᠷᠢᠭ ᠲᠠᠢ ᠭᠠᠩ ᠳᠤᠯᠭᠠᠨ ᠠᠴᠠ ᠭᠠᠯ ᠤᠨ ᠰᠤᠷ ᠪᠠᠳᠠᠷᠠᠵᠤ᠂ ᠳᠤᠭᠤᠨᠤ ᠪᠠᠷ | ᠳᠡᠭᠡᠭᠰᠢ ᠪᠠᠨ ᠤᠳᠤᠭᠠ ᠰᠤᠭᠤᠨᠠᠭᠯᠠᠬᠤ ᠳᠤ ᠳᠤᠯᠭᠠ ᠶᠢᠨ ᠡᠮᠦᠨᠡ᠂ ᠡᠭᠦᠳᠡᠨ ᠤ ᠳᠤᠳᠤᠷᠠ ᠲᠠᠯᠠ ᠳᠤ ᠳᠡᠪᠢᠰᠦᠭᠰᠡᠨ | ᠣᠯᠪᠠᠭ ᠳᠡᠭᠡᠷᠡ ᠲᠦᠪ ᠶᠡᠬᠡᠮᠰᠦᠭ ᠢᠶᠠᠷ ᠬᠤᠪᠴᠠᠰᠤᠯᠠᠵᠦ ᠵᠠᠰᠠᠭᠰᠠᠨ ᠭᠡᠷ ᠤᠨ ᠡᠵᠡᠨ ᠰᠦᠭᠦᠳᠦᠨ ᠰᠠᠭᠤᠵᠦ᠂ | ᠲᠠᠬᠢᠯᠭᠠ ᠶᠢᠨ ᠡᠪᠴᠢᠭᠦᠦ ᠶᠢ ᠦᠷᠦᠵᠦ ᠲᠠᠯᠪᠢᠭᠰᠠᠨ ᠲᠠᠯᠠᠯᠠᠭᠠ ᠶᠢᠨ ᠫᠢᠯᠠ ᠪᠠᠨ ᠬᠢᠴᠢᠶᠡᠩᠭᠦᠶᠢᠯᠡᠨ ᠡᠷᠭᠦᠵᠦ᠂ ᠪᠡᠶᠡ | ᠮᠡᠬᠦᠶᠢᠨ ᠡᠪᠴᠢᠭᠦᠦ ᠪᠠᠨ ᠭᠠᠯ ᠳᠤ ᠡᠷᠭᠦᠬᠦ ᠳᠤ ᠪᠦᠰᠡᠬᠦᠢ ᠨᠢ ᠲᠤᠮᠤ ᠰᠢᠨᠠᠭᠠᠨ ᠳᠤ ᠬᠢᠵᠦ ᠬᠠᠶᠢᠯᠤᠭᠤᠯᠤᠭᠰᠠᠨ ᠰᠢᠷᠠ | ᠲᠤᠰᠤ ᠪᠠᠨ ᠵᠢᠵᠢᠭ ᠰᠢᠨᠠᠭᠠ ᠪᠠᠷ ᠭᠠᠯ ᠳᠤ ᠲᠤᠰᠤᠭᠠᠬᠤ ᠳᠤ ᠭᠠᠯ ᠬᠦᠭᠵᠢᠨ ᠨᠤᠴᠤᠵᠦ᠂ ᠭᠡᠷ ᠳᠦᠭᠦᠷᠡᠩ ᠭᠡᠷᠡᠯ | ᠲᠤᠯᠠᠯᠵᠠᠳᠠᠭ᠃ ᠡᠨᠡ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠤ ᠬᠠᠵᠠᠭᠤ ᠳᠤ ᠰᠠᠭᠤᠭᠰᠠᠨ ᠪᠦᠭᠦᠳᠡᠭᠡᠷ ᠢᠶᠠᠨ ᠡᠯᠡ ᠲᠠᠯᠠ ᠠᠴᠠ ᠨᠢ | ᠦᠭᠡᠬᠦ ᠲᠤᠰᠤ ᠪᠠᠨ ᠭᠠᠯ ᠳᠠᠭᠠᠨ ᠡᠷᠭᠦᠵᠡᠭᠡᠳᠡᠭ᠃ | ᠭᠠᠯ ᠢᠶᠠᠨ ᠲᠠᠬᠢᠵᠦ ᠪᠠᠷᠠᠮᠠᠭᠴᠠ ᠭᠡᠷ ᠤᠨ ᠡᠵᠡᠨ ᠫᠢᠯᠠ ᠲᠠᠢ ᠭᠠᠯ ᠤᠨ ᠭᠡᠰᠢᠭ ᠢᠶᠠᠨ ᠡᠷᠭᠦᠨ ᠪᠤᠰᠴᠦ ᠵᠤᠭᠰᠤᠭᠠᠳ᠄ ︽ | ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕︾ ᠭᠡᠵᠦ ᠬᠤᠷᠤᠶᠢᠯᠠᠬᠤ ᠶᠢᠨ ᠳᠠᠭᠠᠤ ᠵᠦᠪ ᠢᠶᠠᠷ ᠭᠤᠷᠪᠠ ᠡᠷᠬᠢᠬᠦ ᠳᠤ ᠪᠦᠭᠦᠳᠡᠭᠡᠷ ᠢᠶᠠᠨ | ᠲᠡᠭᠦᠨ ᠢ ᠲᠠᠭᠠᠨ ᠦᠪᠡᠷ ᠦᠪᠡᠷ ᠤᠨ ᠭᠠᠷ ᠲᠠᠭᠠᠨ ᠪᠠᠷᠢᠭᠰᠠᠨ ︽ᠭᠠᠯ ᠤᠨ ᠭᠡᠰᠢᠭ︾ ᠢᠶᠠᠨ ᠡᠷᠭᠦᠵᠦ᠂ ᠭᠡᠷ ᠤᠨ ᠡᠵᠡᠨ | ᠲᠠᠢ ᠠᠶᠠᠯᠭᠤ ᠨᠡᠶᠢᠯᠡᠬᠦᠯᠦᠨ ᠬᠤᠷᠤᠶᠢᠯᠠᠵᠦ ᠳᠠᠯᠠᠯᠭᠠ ᠠᠪᠳᠠᠭ ᠶᠤᠮ᠃ ᠳᠠᠷᠠᠭᠠ ᠨᠢ ᠪᠦᠭᠦᠳᠡᠭᠡᠷ ᠢᠶᠠᠨ ᠤᠴᠢ ᠦᠰᠦᠷᠴᠦ | ᠳᠦᠷᠡᠯᠵᠢᠨ ᠨᠤᠴᠤᠵᠦ ᠪᠠᠶᠢᠭᠠ ᠭᠠᠯ ᠳᠠᠭᠠᠨ ᠮᠦᠷᠭᠦᠵᠦ᠂ ᠭᠠᠯ ᠲᠠᠬᠢᠬᠤ ᠠᠵᠢᠯᠯᠠᠭᠠ ᠪᠠᠨ ᠳᠠᠭᠤᠰᠬᠠᠭᠠᠳ ᠭᠠᠯ ᠤᠨ | ᠨᠠᠶᠢᠷ ᠢᠶᠠᠨ ᠡᠬᠢᠯᠡᠵᠦ ᠬᠢᠨᠡ᠃ ᠡᠨᠡ ᠥᠶᠡ ᠳᠤ ᠦᠵᠦᠮᠦᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠤᠷᠳᠤ ᠶᠢᠨ ᠲᠠᠭᠤᠤ ᠠᠭᠤᠳᠠᠮ | ᠤᠭᠳᠠᠷᠭᠤᠢ ᠳᠤ ᠴᠤᠤᠷᠢᠶᠠᠳᠤᠵᠦ᠂ ᠠᠶᠢᠯ ᠳᠠᠷᠠᠭᠠᠯᠠᠨ ᠨᠠᠶᠢᠷ ᠡᠭᠦᠰᠬᠡᠨ ᠤᠶᠠᠩᠭᠠ ᠬᠦᠭᠵᠢᠭᠡᠵᠦ᠂ ᠦᠯᠵᠡᠢ ᠪᠡᠯᠭᠡᠳᠤ | ᠴᠠᠭᠠᠨ ᠰᠠᠷᠠ ᠪᠠᠨ ᠤᠭᠳᠤᠨ᠂ ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ ᠪᠠᠳᠠᠷᠠᠯ ᠬᠦᠭᠵᠢᠯ ᠢ ᠪᠡᠯᠭᠡᠳᠡᠭᠰᠡᠭᠡᠷ ᠭᠤᠯᠤᠮᠳᠠ ᠪᠠᠨ ᠬᠦᠭᠵᠢᠭᠡᠨ | ᠭᠠᠯ ᠤᠨ ᠨᠠᠶᠢᠷ ᠢᠶᠠᠨ ᠦᠨᠳᠦᠷᠯᠡᠬᠦᠯᠳᠡᠭ ᠪᠢᠯᠡ᠃ | |