| ᠦᠵᠦᠮᠦᠴᠢᠨ ᠳᠤ ᠰᠠᠮᠪᠠᠢ ᠬᠠᠳᠠᠭ ᠢ ᠨᠠᠨᠳᠢᠨ ᠪᠡᠯᠡᠭ ᠪᠤᠯᠭᠠᠵᠤ᠂ ᠬᠠᠷᠢᠯᠴᠠᠨ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠨ | ᠮᠡᠨᠳᠦᠴᠢᠯᠡᠵᠦ᠂ ᠬᠤᠷᠢᠮ ᠨᠠᠶᠢᠷ ᠪᠤᠶᠠᠨ ᠢᠷᠦᠭᠡᠯ ᠬᠢᠬᠦ᠂ ᠪᠠᠶᠠᠷ ᠳᠤᠷᠠᠰᠬᠠᠯ ᠳᠤ ᠪᠡᠯᠡᠭᠯᠡᠬᠦ᠂ ᠤᠷᠤᠭ ᠰᠠᠳᠤᠨ ᠪᠤᠯᠤᠨ | ᠡᠷᠬᠢᠮ ᠬᠦᠨᠳᠦᠲᠦ ᠵᠤᠴᠢᠨ ᠳᠠᠭᠠᠨ ᠪᠡᠯᠡᠭᠯᠡᠬᠦ᠂ ᠰᠢᠨᠡᠯᠡᠬᠦ ᠪᠤᠶᠤ ᠤᠭᠳᠤᠵᠤ ᠠᠭᠤᠯᠵᠠᠬᠤ᠂ ᠦᠳᠡᠵᠦ ᠮᠤᠷᠳᠠᠭᠤᠯᠬᠤ᠂ | ᠴᠠᠭᠠᠯᠠᠵᠤ ᠤᠷᠤᠰᠢᠭᠤᠯᠬᠤ ᠶᠠᠪᠤᠳᠠᠯ ᠬᠦᠷᠲᠡᠯᠠ ᠤᠯᠠᠨ ᠠᠭᠤᠯᠭᠠ ᠶᠢ ᠲᠦᠯᠦᠭᠡᠯᠡᠬᠦ ᠵᠤᠷᠢᠯᠭᠠ ᠲᠠᠢ ᠤᠯᠠᠮᠵᠢᠯᠠᠭᠳᠠᠵᠤ | ᠢᠷᠡᠭᠰᠡᠨ ᠦᠨᠡᠲᠦ ᠵᠦᠢᠯ ᠪᠤᠯᠭᠠᠨ ᠬᠡᠷᠡᠭᠯᠡᠳᠡᠭ ᠶᠤᠮ᠃ ᠬᠠᠳᠠᠭ ᠲᠤ ᠲᠤᠷᠭᠠᠨ ᠬᠠᠳᠠᠭ᠂ ᠱᠠ ᠬᠠᠳᠠᠭ ᠭᠡᠬᠦ ᠤᠯᠠᠨ ᠵᠦᠢᠯ | ᠪᠠᠶᠢᠳᠠᠭ ᠪᠦᠭᠡᠳ ᠭᠤᠤᠯᠳᠠᠭᠤ ᠴᠠᠭᠠᠨ᠂ ᠬᠦᠬᠡ ᠦᠡᠭᠭᠡ ᠶᠢᠨ ᠪᠠᠶᠢᠵᠤ᠂ ᠪᠠᠰᠠ ᠴᠠᠭᠠᠨ ᠴᠡᠩᠬᠡᠷ᠂ ᠰᠢᠷᠠᠪᠳᠤᠷ ᠦᠡᠭᠭᠡᠲᠡᠢ | ᠴᠦ ᠪᠠᠶᠢᠳᠠᠭ ᠪᠦᠭᠡᠳ ᠤᠷᠲᠤ ᠪᠤᠭᠤᠨᠢ ᠨᠢ ᠴᠦ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ ᠶᠤᠮ᠃ ᠡᠩ ᠤᠨ ᠶᠤᠰᠤᠯᠠᠯ ᠳᠤ ᠨᠢᠭᠡ ᠲᠤᠬᠤᠢ | ᠭᠤᠷᠪᠠᠨ ᠢᠮᠠᠬᠤ ᠠᠴᠠ ᠭᠤᠷᠪᠠᠨ ᠲᠤᠬᠤᠢ ᠤᠷᠲᠤ ᠬᠠᠳᠠᠭ ᠬᠡᠷᠡᠭᠯᠡᠳᠡᠭ ᠪᠠᠶᠢᠨᠠ᠃ ᠡᠭᠦᠨ ᠳᠤ᠂ ᠴᠠᠭᠠᠨ ᠬᠠᠳᠠᠭ ᠨᠢ ᠭᠬᠢᠷ | ᠦᠭᠡᠢ ᠠᠷᠢᠭᠤᠨ ᠴᠠᠭᠠᠨ ᠰᠡᠳᠬᠢᠯ ᠢ ᠢᠯᠡᠳᠬᠡᠨ᠂ ᠰᠢᠷ ᠠ ᠨᠢ ᠨᠠᠰᠤᠨ ᠬᠤᠳᠤᠭ ᠤᠷᠳᠤᠳᠬᠤ ᠶᠢ ᠪᠡᠯᠭᠡᠳᠡᠨ᠂ ᠴᠡᠩᠬᠡᠷ ᠨᠢ | ᠬᠦᠬᠡ ᠴᠡᠩᠬᠡᠷ ᠮᠦᠡᠭᠬᠡ ᠲᠡᠭᠷᠢ ᠰᠢᠭ ᠡᠭᠦᠷᠢᠳᠡ ᠮᠦᠡᠭᠬᠡᠷᠡᠬᠦ ᠶᠢ ᠲᠤᠰ ᠲᠤᠰ ᠪᠡᠯᠭᠡᠳᠡᠳᠡᠭ ᠪᠠᠶᠢᠨᠠ᠃ | ᠦᠵᠦᠮᠦᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠵᠠᠩᠰᠢᠯ ᠳᠤ ᠬᠤᠷᠠᠯ ᠬᠤᠢ᠂ ᠨᠠᠶᠢᠷ ᠨᠠᠭᠠᠳᠤᠮ᠂ ᠪᠠᠶᠠᠷ ᠲᠤᠷᠠᠰᠬᠠᠯ ᠢ | ᠪᠡᠯᠭᠡᠯᠡᠬᠦ ᠳᠤ ᠬᠦᠬᠡ ᠲᠤᠷᠭᠠᠨ ᠬᠠᠳᠠᠭ᠂ ᠴᠡᠩᠬᠡᠷ ᠴᠠᠭᠠᠨ ᠪᠤᠶᠤ ᠰᠢᠷᠠ ᠦᠡᠭᠬᠡ ᠶᠢᠨ ᠬᠠᠳᠠᠭ ᠪᠠᠷᠢᠵᠤ ᠡᠷᠭᠦᠨᠠ᠃ ᠨᠠᠰᠤ | ᠨᠦᠭᠴᠢᠭᠰᠡᠨ ᠬᠦᠮᠦᠨ ᠢ ᠭᠠᠰᠢᠭᠤᠳᠠᠬᠤ ᠪᠤᠶᠤ ᠪᠡᠯᠪᠡᠰᠦᠷᠡᠬᠦ ᠶᠠᠪᠤᠳᠠᠯ ᠳᠤ ᠴᠠᠭᠠᠨ ᠦᠡᠭᠬᠡ ᠶᠢᠨ ᠰᠠᠮᠪᠠᠢ ᠬᠠᠳᠠᠭ ᠢ | ᠴᠢᠨᠳᠠᠷ ᠤᠨ ᠬᠢᠨᠢ ᠡᠮᠦᠨᠠ ᠡᠯᠭᠦᠳᠡᠭ᠃ ᠦᠭᠡᠷᠠ ᠦᠡᠭᠭᠡ ᠶᠢᠨ ᠬᠠᠳᠠᠭ ᠦᠭᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠡᠤᠬᠡᠳ ᠳᠡᠭᠦᠦ | ᠨᠠᠷ ᠨᠢ ᠨᠠᠰᠤᠲᠠᠨ ᠦᠳᠡᠭᠦᠰ ᠢ ᠬᠦᠨᠳᠦᠳᠬᠡᠬᠦ ᠳᠤ ᠬᠠᠳᠠᠭ ᠢᠶᠠᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠤ᠂ ᠪᠠᠶᠠ ᠮᠡᠭᠦ᠋ᠢᠨ | ᠳᠡᠭᠡᠭᠰᠢ ᠡᠷᠭᠦᠨ ᠭᠠᠷ ᠲᠤᠨᠢ ᠪᠠᠷᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠬᠢᠴᠢᠶᠡᠩᠭᠦ᠋ᠢᠯᠡᠨ ᠳᠤᠷᠤᠭᠰᠢ ᠰᠦᠭᠦᠳᠦᠨ ᠮᠦᠷᠭᠦᠨ ᠶᠤᠰᠤᠯᠠᠨᠠ | ᠃ ᠭᠡᠬᠦ ᠳᠡᠭᠡᠨ ᠬᠠᠳᠠᠭ ᠢᠶᠠᠨ ᠦᠷᠭᠡᠨ ᠢᠶᠠᠷ ᠨᠢ ᠭᠤᠤᠯ ᠳᠤᠮᠳᠠᠭᠤᠷ ᠨᠢ ᠨᠢᠭᠡ ᠨᠤᠭᠤᠯᠵᠤ᠂ ᠨᠤᠭᠤᠯᠤᠭᠠᠰᠤ ᠶᠢᠨ ᠠᠮᠠ ᠶᠢ | ᠵᠤᠴᠢᠨ ᠤ ᠦᠬᠡᠳᠡ ᠠᠴᠠ ᠨᠢ ᠬᠠᠨᠳᠤᠭᠤᠯᠤᠨ᠂ ᠬᠤᠶᠠᠷ ᠭᠠᠷ ᠤᠨ ᠠᠯᠠᠭᠠᠨ ᠳᠡᠭᠡᠷᠠ ᠪᠠᠨ ᠳᠡᠭᠡᠭᠰᠢ ᠳᠡᠯᠭᠡᠨ ᠳᠤᠤᠷᠠ ᠠᠴᠠ | ᠳᠡᠭᠡᠭᠰᠢ ᠪᠠᠷᠢᠳᠠᠭ ᠶᠤᠰᠤ ᠲᠠᠢ ᠶᠤᠮ᠃ | ᠤᠳᠤ ᠪᠤᠯ ᠬᠠᠳᠠᠭ ᠪᠠᠷᠢᠵᠤ ᠪᠠᠶᠢᠭᠠ ᠬᠦᠮᠦᠨ ᠨᠢ ᠲᠦᠪ ᠵᠤᠭᠰᠤᠵᠤ ᠪᠠᠶᠠ ᠪᠠᠨ ᠮᠡᠬᠦ᠋ᠢᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ | ᠬᠠᠳᠠᠭ ᠢᠶᠠᠨ ᠪᠠᠷᠢᠵᠤ ᠳᠡᠭᠡᠷᠠ ᠨᠢ ᠮᠦᠡᠭᠭᠦᠨ ᠠᠶᠠᠭᠠᠨ ᠳᠤ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠤᠶᠤ ᠴᠡᠭᠡ ᠳᠦᠭᠦᠷᠭᠡᠵᠦ ᠳᠡᠭᠡᠭᠰᠢ | ᠡᠷᠭᠦᠨ ᠪᠠᠷᠢᠵᠤ ᠪᠠᠶᠢᠨᠠ᠃ ᠬᠠᠳᠠᠭ ᠢ ᠬᠦᠯᠢᠶᠠᠨ ᠠᠪᠤᠭᠴᠢ ᠨᠢ ᠪᠠᠰᠠ ᠪᠠᠶᠠ ᠮᠡᠭᠦ᠋ᠢᠨ ᠳᠤᠰᠴᠤ ᠠᠪᠤᠭᠠᠳ ᠲᠠᠯᠠᠷᠬᠠᠵᠤ | ᠪᠠᠶᠢᠭᠠ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠳᠡᠭ᠃ ᠬᠠᠳᠠᠭ ᠪᠠᠷᠢᠬᠤ ᠳᠤ ᠬᠠᠳᠠᠭ ᠡᠷᠭᠦᠭᠦ ᠪᠠ ᠬᠠᠷᠢᠯᠴᠠᠨ ᠪᠠᠷᠢᠬᠤ ᠭᠡᠵᠦ ᠬᠤᠶᠠᠷ | ᠵᠦᠢᠯ ᠪᠠᠶᠢᠳᠠᠭ ᠶᠤᠮ᠃ ᠤᠳᠤ ᠠᠨᠳᠠ ᠨᠠᠶᠢᠵᠠ ᠨᠠᠷ ᠪᠠ ᠲᠦᠷᠦᠯ ᠰᠠᠳᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠠᠭᠤᠯᠵᠠᠬᠤ ᠳᠠᠭᠠᠨ | ᠡᠩ ᠤᠨ ᠦᠶᠠ ᠳᠤ ᠪᠤᠯ ᠪᠠᠷᠤᠭ ᠬᠠᠳᠠᠭ ᠬᠡᠷᠡᠭᠯᠡᠬᠦ ᠦᠭᠡᠢ ᠬᠠᠷᠢᠨ ᠬᠠᠷᠢᠯᠴᠠᠨ ᠭᠠᠷ ᠪᠠᠷᠢᠬᠤ ᠠᠴᠠ ᠭᠠᠳᠠᠨᠠ ᠵᠢᠯ ᠴᠠᠭᠠᠨ | ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠵᠤᠯᠭᠠᠯᠲᠠ ᠶᠢᠨ ᠦᠶ ᠠ ᠳᠤ ᠬᠠᠳᠠᠭ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠃ ᠭᠡᠪᠡᠴᠦ ᠶᠡᠬᠡᠰ ᠳᠤᠮᠤᠭᠠᠲᠠᠨ ᠬᠦᠮᠦᠰ | ᠪᠠ ᠵᠠᠰᠠᠭ ᠲᠦᠷᠦ᠂ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠳᠡᠭᠡᠳᠦ ᠬᠦᠮᠦᠰ ᠲᠠᠢ ᠠᠭᠤᠯᠵᠠᠬᠤ ᠪᠤᠶᠤ ᠤᠭᠳᠤᠬᠤ ᠳᠤ ᠬᠠᠳᠠᠭ ᠡᠷᠭᠦᠨ | ᠪᠠᠷᠢᠵᠤ ᠪᠠᠶᠢᠨᠠ᠃ ᠦᠵᠦᠮᠦᠴᠢᠨ ᠳᠤ ᠦᠷᠠ ᠬᠡᠤᠬᠡᠳ ᠨᠢ ᠪᠡᠷᠢ ᠠᠪᠴᠤ ᠪᠠᠶᠠᠷ ᠪᠤᠯᠪᠠᠯ ᠨᠠᠰᠤᠲᠠᠨ ᠡᠪᠦᠭᠡ ᠪᠤᠶᠤ ᠠᠪᠤ | ᠠᠪᠠᠭᠠ ᠨᠠᠷ ᠠᠴᠠ ᠨᠢ ᠬᠦᠦ ᠪᠡᠷᠢ ᠶᠢᠨ ᠪᠠᠶᠠᠷ ᠳᠡᠭᠡᠷᠠ ᠳᠤᠷᠭᠠᠨ ᠬᠠᠳᠠᠭ ᠲᠠᠢ ᠮᠦᠡᠭᠭᠦᠨ ᠠᠶᠠᠭᠠᠳᠤ ᠰᠦ ᠴᠡᠭᠡ | ᠠᠬᠤᠭᠤᠯᠤᠨ᠂ ᠬᠦᠦ ᠪᠡᠷᠢ ᠳᠡᠭᠡᠨ ᠦᠭᠴᠦ ᠪᠠᠷᠢᠭᠤᠯᠤᠭᠠᠳ᠂ ᠰᠠᠶᠢᠨ ᠰᠠᠶᠢᠬᠠᠨ ᠶᠠᠪᠤᠬᠤ ᠶᠢ ᠨᠢ ᠢᠷᠦᠭᠡᠨ ᠪᠡᠯᠭᠡᠳᠡᠳᠡᠭ | ᠪᠠᠶᠢᠨᠠ᠃ ᠦᠵᠦᠮᠦᠴᠢᠨ ᠮᠤᠩᠭᠤᠯᠴᠤᠳ ᠴᠠᠭᠠᠨ ᠦᠡᠭᠭᠡ ᠶᠢ ᠢᠯᠡᠭᠦᠦ ᠡᠷᠬᠢᠮᠯᠡᠵᠦ᠂ ᠲᠡᠭᠦᠨ ᠢ ᠢᠳᠡᠭᠡᠨ ᠤ ᠳᠡᠭᠡᠵᠢ | ᠪᠤᠯᠤᠭᠰᠠᠨ ᠰᠦ ᠶᠢᠨ ᠦᠡᠭᠬᠡ ᠲᠠᠢ ᠬᠤᠯᠪᠤᠵᠤ ᠦᠵᠡᠳᠡᠭ ᠪᠠᠶᠢᠨᠠ᠃ ᠲᠤᠬᠠᠢᠢᠯᠠᠪᠠᠯ᠂ ᠳᠡᠳᠡ ᠭᠡᠷ ᠲᠤᠨᠢ ᠵᠤᠴᠢᠨ ᠭᠡᠶᠢᠴᠢᠨ | ᠢᠷᠡᠪᠡᠯ ᠶᠠᠭᠤᠨ ᠤ ᠡᠮᠦᠨᠠ ᠴᠠᠭᠠᠨ ᠢᠳᠡᠭᠡ ᠪᠠᠨ ᠦᠭᠴᠦ ᠠᠮᠰᠠᠭᠤᠯᠵᠤ᠂ ᠤᠪᠤᠭᠠ ᠤᠰᠤᠨ ᠤ ᠳᠠᠬᠢᠯᠭᠠ ᠪᠠ ᠭᠠᠯ | ᠳᠠᠬᠢᠯᠭᠠ ᠳᠤ ᠴᠦᠮ ᠴᠠᠭᠠᠨ ᠢᠳᠡᠭᠡ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠰᠠᠷᠬᠤᠳ ᠢᠶᠠᠨ ᠪᠡᠯᠭᠡ ᠶᠢᠨ ᠳᠡᠭᠡᠵᠢ ᠪᠤᠯᠭᠠᠵᠤ ᠰᠠᠴᠤᠯᠢ | ᠡᠷᠭᠦᠳᠡᠭ ᠵᠠᠩ ᠤᠢᠢᠯᠡ ᠲᠠᠢ ᠶᠤᠮ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢ ᠴᠠᠭᠠᠨ ᠰᠠᠷᠠ ᠬᠡᠮᠡᠨ ᠪᠡᠯᠭᠡᠯᠡᠨ ᠪᠠᠶᠠᠷ | ᠨᠠᠶᠢᠷ ᠬᠢᠳᠡᠭ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢ ᠪᠤᠯᠬᠤ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠠᠮᠵᠢᠯᠲᠠ | ᠪᠦᠲᠦᠭᠡᠯ ᠢᠶᠠᠨ ᠪᠡᠯᠭᠡᠯᠡᠬᠦ ᠶᠠᠪᠤᠳᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠶᠠᠭ ᠡᠶᠢᠮᠦ ᠠᠴᠠ ᠵᠢᠯ ᠤᠨ | ᠲᠡᠷᠢᠭᠦᠨ ᠰᠠᠷ ᠠ ᠶᠢ ᠴᠠᠭᠠᠨ ᠰᠠᠷᠠ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠨᠢ ᠡᠭᠦᠨ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠯ ᠲᠠᠢ ᠶᠤᠮ᠃ | | | ᠹᠦᠯᠦᠩᠭᠠ ᠯ᠊ · ᠠᠮᠤᠷᠮᠡᠨᠳᠤ ᠶᠢᠨ ᠨᠠᠶᠢᠷᠠᠭᠤᠯᠤᠠ ᠵᠤᠭᠢᠶᠠᠭᠰᠠᠠ ︽ᠦᠵᠦᠮᠦᠴᠢᠡ ᠤ ᠵᠠᠩ ᠠᠭᠠᠯᠢ︾ ᠠᠴᠠ | ᠪᠠᠭᠤᠯᠭᠠᠪᠠ | |