| | ᠣᠷᠣᠰᠢᠯ ᠤᠨ ᠰᠢᠯᠦᠭ | ᠠᠴᠢᠲᠤ ᠢᠵᠠᠭᠤᠷ ᠬᠢᠭᠡᠳ ᠦᠨᠳᠦᠰᠦᠨ ᠪᠯᠠᠮᠠ ᠢᠳᠠᠮ ᠭᠤᠷᠪᠠᠨ ᠡᠷᠳᠡᠨᠢ① | ᠠᠬᠤᠢ ᠶᠡᠭᠡ ᠡᠭᠦᠰᠬᠡᠨ ᠲᠡᠳᠬᠦᠭᠴᠢ ᠬᠥᠬᠡ ᠮᠥᠩᠬᠡ ᠲᠡᠭᠷᠢ | ᠠᠯᠢᠨᠠ ᠡᠰᠢ ᠥᠭᠲᠡᠭᠡᠳ ᠰᠠᠶᠢᠨ ᠪᠤᠶᠠᠨ ᠪᠠᠲᠤ ᠶᠢᠷᠦᠭᠡᠷ ︵ᠢᠷᠦᠭᠡᠯ︶ ᠤᠨ ᠬᠦᠴᠦ ᠪᠠᠷ | ᠠᠯᠲᠠᠨ ᠲᠡᠯᠡᠬᠢ ︵ᠳᠡᠯᠡᠬᠡᠢ︶ ᠶᠢ ᠡᠵᠡᠯᠡᠭᠰᠡᠨ ᠰᠣᠳᠣ ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠢᠯᠠᠲᠤᠭᠠᠢ᠃ | ᠦᠯᠢᠰᠢ ᠦᠭᠡᠢ ᠬᠦᠴᠦᠨ ᠬᠦᠷᠳᠦᠨ ᠢ ᠣᠷᠴᠢᠭᠤᠯᠤᠭᠴᠢ② ᠲᠡᠷᠡᠬᠦ ᠪᠣᠭᠳᠠ ᠬᠢᠭᠡᠳ | ᠦᠷᠡ ᠦᠨᠳᠦᠰᠦᠨ ᠪᠠ ᠤᠭ ᠨᠢᠭᠡᠲᠡ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠬᠠᠳ ᠨᠣᠶᠠᠳ ᠤᠨ | ᠦᠯᠡᠮᠵᠢ ᠪᠢᠯᠭᠡ ᠪᠢᠯᠢᠭ ᠪᠣᠯᠣᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠳᠡᠭᠡᠳᠦ ᠰᠦᠷ ᠰᠦᠯᠳᠡ ᠳᠤᠷ | ᠦᠨᠡᠨ ᠰᠡᠳᠬᠢᠯ ᠴᠢᠩ ᠪᠢᠰᠢᠷᠡᠯ ᠢᠶᠠᠷ ᠪᠦᠬᠦᠨ ᠠᠴᠠ ᠰᠦᠰᠦᠭᠯᠡᠨ ᠵᠠᠯᠪᠠᠷᠢᠮᠤᠢ᠃ | ᠢᠮᠠᠭᠠᠲᠠ ᠬᠤᠴᠤᠷᠯᠢ ᠦᠭᠡᠢ ᠲᠡᠳᠡᠭᠡᠷ ᠤᠨ ᠢᠪᠡᠭᠡᠯ ᠠᠪᠤᠷᠠᠯ ᠯᠤᠭᠠ ᠰᠠᠯᠲᠠᠨ③ | ᠢᠯᠠᠩᠭᠤᠶᠠ ᠨᠡᠷᠡ ᠠᠯᠳᠠᠷ ᠲᠡᠭᠦᠯᠳᠡᠷ ᠳᠠᠭᠤᠷᠢᠰᠭᠠᠰᠠᠨ ᠰᠡᠴᠡᠨ ᠵᠢᠨᠦᠩ ᠴᠡᠸᠠᠩ④ | ᠢᠯᠠᠷᠬᠡᠶᠡ ᠲᠠᠪᠤᠨ ᠤᠬᠠᠭᠠᠨ⑤ ᠤ ᠣᠷᠣᠨ ᠢ ᠲᠤᠭᠤᠯᠤᠭᠰᠠᠨ ᠠᠴᠢᠲᠤ ᠬᠤᠩ ᠲᠠᠶᠢᠵᠦ⑥ | ᠢᠨᠠᠳᠤ ᠴᠢᠨᠠᠳᠤ ᠬᠤᠣᠰ ᠶᠣᠰᠣᠨᠠ⑦ ᠮᠡᠷᠭᠡᠨ ᠴᠠᠭᠠᠨ ᠨᠡᠷᠡᠲᠦ⑧ ᠲᠠᠨ ᠠᠰᠠᠷᠠᠲᠤᠭᠠᠢ᠃ | ᠲᠡᠭᠦᠰᠬᠡᠯ ᠤᠨ ᠰᠢᠯᠦᠭ | ᠺᠠᠩ ᠮᠣ᠋ ᠲᠡᠷᠢᠭᠦᠲᠡᠨ ᠨᠠᠩᠭᠢᠶᠠᠳ ᠪᠠ ᠮᠣᠩᠭᠤᠯ ᠤᠨ ᠬᠡᠳᠦᠨ ᠲᠡᠦᠬᠡ ᠱᠠᠰᠲᠢᠷ ᠠᠴᠠ | ᠺᠠᠯᠲᠤᠷ ᠮᠣᠳᠣᠨ ᠤ ᠭᠤᠣᠯ ᠰᠠᠯᠠᠭᠠᠨ ᠢ ᠳᠦᠷᠢᠮᠯᠡᠨ ᠵᠡᠷᠭᠡᠪᠡᠷ ᠲᠣᠪᠴᠢᠯᠠᠵᠤ ᠵᠢᠭᠠᠰᠭᠠᠭᠰᠠᠨ | ᠺᠠᠩᠺᠠ ᠶᠢᠨ ᠤᠷᠤᠰᠬᠠᠯ ᠬᠡᠮᠡᠬᠦ ᠡᠨᠡ ᠪᠢᠴᠢᠭ ᠤᠨ ᠥᠭᠦᠯᠡᠯ ᠪᠠ ᠥᠭᠦᠯᠡᠭᠳᠡᠬᠦᠨ | ᠺᠠᠯᠪᠠ ᠡᠴᠦᠰᠲᠡᠯᠡ ᠦᠪᠡᠳᠡᠭᠰᠢ ᠳᠡᠯᠭᠡᠷᠡᠨ ᠥᠨᠢᠳᠡ ᠢᠨᠦ ᠶᠢ ᠢᠷᠦᠭᠡᠮᠦᠢ᠃ ᠪᠠᠰᠠ | ᠴᠢᠩ ᠤᠯᠤᠰ ᠤᠨ ᠬᠡᠨ ︵ᠬᠠᠭᠠᠨ︶ ᠲᠥᠷᠥ ᠪᠠᠲᠤᠳᠠ ᠣᠷᠣᠰᠢᠨ ᠪᠠᠳᠠᠷᠠᠨ ᠥᠷᠭᠡᠳᠬᠡᠭᠡᠳ | ᠴᠢᠳ᠋ᠭᠠᠴᠢᠳ ᠤᠨ ᠠᠷᠰᠯᠠᠨ ᠤ ᠱᠠᠰᠢᠨ ᠡᠯᠳᠡᠪ ᠶᠣᠰᠣᠨ ᠪᠦᠭᠦᠳᠡ ᠰᠠᠨᠠᠲᠤᠷ ᠮᠠᠨᠳᠤᠭᠤᠯ᠃ | ᠴᠢᠨᠠᠷ ᠲᠡᠭᠦᠯᠳᠡᠷ ᠡᠯᠡ ᠪᠣᠳᠠᠰ ᠠᠮᠤᠷ ᠢᠶᠠᠷ ᠴᠢᠩᠭᠡᠨ ᠪᠣᠯᠪᠠᠰᠤᠷᠠᠭᠠᠳ | ᠴᠢᠨᠠᠳᠤ ᠬᠢᠵᠠᠭᠠᠷ ᠰᠢᠲᠦᠭᠡᠨ ᠪᠠ ᠰᠢᠲᠦᠭᠴᠢ ᠶᠢᠨ ᠪᠡᠶᠡ ᠪᠠᠷ ᠵᠢᠪᠠᠭᠤᠯᠠᠩᠲᠠᠶᠠ ᠪᠣᠰᠲᠤᠭᠠᠢ᠃ | ᠵᠡᠭᠦᠯᠲᠡ᠄ | ① ᠢᠳᠠᠮ ᠭᠤᠷᠪᠠᠨ ᠡᠷᠳᠡᠨᠢ — ᠪᠤᠷᠬᠠᠨ ᠤ ᠱᠠᠰᠢᠨ ᠳᠤ᠂ ᠪᠤᠷᠬᠠᠨ᠂ ᠨᠣᠮ᠂ ᠬᠤᠸᠠᠷᠠᠭ ᠢ ᠪᠤᠷᠬᠠᠨ ᠡᠷᠳᠡᠨᠢ | ᠬᠡᠮᠡᠳᠡᠭ᠃ ᠢᠳᠠᠮ ᠬᠡᠮᠡᠭᠴᠢ ᠪᠤᠷᠬᠠᠨ ᠤ ᠨᠡᠷᠡ᠂ ᠠᠳᠡ ᠪᠤᠷᠬᠠᠨ ᠭᠤᠷᠪᠠᠨ ᠡᠷᠳᠡᠨᠢ ᠭᠡᠰᠡᠨ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠪᠡ | ᠬᠡᠮᠡᠨ ᠴᠣᠶᠢᠵᠢ ᠪᠠᠭᠰᠢ ᠲᠠᠶᠢᠯᠪᠤᠷᠢᠯᠠᠪᠠ᠃ | ②ᠬᠦᠷᠳᠦᠨ ᠢ ᠣᠷᠴᠢᠭᠤᠯᠤᠭᠴᠢ — ᠡᠷᠲᠡᠨ ᠤ ᠡᠨᠡᠳᠬᠡᠭ ᠤᠨ ᠴᠢᠭᠷᠡᠸᠠᠷᠳᠢ ᠬᠠᠭᠠᠨ ᠢ ᠮᠣᠩᠭᠤᠯ ᠤᠨ ᠡᠷᠲᠡᠨ ᠤ | ᠲᠡᠦᠬᠡᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠤ ᠬᠦᠷᠳᠦᠨ ᠣᠷᠴᠢᠭᠤᠯᠤᠭᠴᠢ᠂ ᠬᠦᠷᠳᠦᠨ ᠡᠷᠭᠢᠭᠦᠯᠦᠭᠴᠢ᠂ ᠠᠯᠲᠠᠨ ᠬᠦᠷᠳᠦᠨ | ᠡᠷᠭᠢᠭᠦᠯᠦᠭᠴᠢ ᠭᠡᠵᠤ ᠣᠷᠴᠢᠭᠤᠯᠤᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ | ③ᠰᠠᠯᠲᠠᠨ — ᠰᠡᠯᠲᠡ ᠶᠢᠨ ᠣᠯᠠᠨ ᠲᠤᠭᠠ᠂ ᠵᠡᠷᠭᠡ᠂ ᠬᠠᠮᠲᠤ ᠭᠡᠬᠦ ᠤᠳᠬᠠ ᠲᠠᠢ᠃ | ④ᠰᠡᠴᠡᠨ ᠵᠢᠨᠦᠩ ᠴᠡᠸᠠᠩ — ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠬᠤᠱᠣᠢ ᠰᠡᠴᠡᠨ ᠴᠢᠨ | ᠸᠠᠩ ᠳᠣᠷᠵᠢ ᠶᠢ ᠵᠢᠭᠠᠪᠠ᠃ | ⑤ᠲᠠᠪᠤᠨ ᠤᠬᠠᠭᠠᠨ — ᠮᠣᠩᠭᠤᠯ ᠤᠨ ᠰᠤᠷᠪᠤᠯᠵᠢ ᠪᠢᠴᠢᠭ ᠤᠳ ᠲᠤ ︽ᠭᠠᠨᠵᠤᠤᠷ︾᠂ ︽ᠳ᠋ᠠᠨᠵᠤᠤᠷ︾ ᠢ | ᠲᠠᠪᠤᠨ ᠤᠬᠠᠭᠠᠨ ᠤ ᠨᠣᠮ ᠭᠡᠳᠡᠭ᠃ | ⑥ᠠᠴᠢᠲᠤ ᠬᠤᠩ ᠲᠠᠶᠢᠵᠦ — ᠳᠣᠷᠵᠢ ᠴᠢᠨ ᠸᠠᠩ ᠤᠨ ᠭᠤᠷᠪᠠᠳᠤᠭᠠᠷ ᠬᠥᠪᠡᠭᠦᠨ ᠢ ᠮᠣᠩᠭᠤᠯ ᠤᠨ ᠰᠤᠷᠪᠤᠯᠵᠢ | ᠲᠡᠦᠬᠡ ᠰᠤᠳᠤᠷ ᠲᠤ ᠠᠴᠢᠲᠤ ᠬᠤᠩ ᠲᠠᠶᠢᠵᠢ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ | ⑦ᠬᠤᠣᠰ ᠶᠣᠰᠣᠨᠠ — ᠱᠠᠰᠢᠨ᠂ ᠲᠥᠷᠥ ᠬᠤᠶᠠᠷ ᠶᠣᠰᠣ ᠶᠢ ᠵᠢᠭᠠᠵᠤ ᠪᠤᠢ᠃ | ⑧ᠴᠠᠭᠠᠨ — ᠴᠠᠭᠠᠨ ᠨᠡᠷᠡᠲᠦ ᠭᠡᠳᠡᠭ ᠨᠢ ᠳᠣᠷᠵᠢ ᠰᠡᠴᠡᠨ ᠵᠢᠨᠦᠩ ᠤᠨ ᠴᠢᠨ ᠸᠠᠩ ᠤᠨ ᠵᠡᠷᠭᠡ ᠶᠢ | ᠵᠠᠯᠭᠠᠮᠵᠢᠯᠠᠭᠰᠠᠨ ᠴᠠᠭᠠᠨ ᠪᠠᠪᠠᠢ᠂ ᠳᠠᠷᠤᠢ ᠭᠤᠮᠪᠣᠵᠠᠪ ᠥᠪᠡᠷ ᠤᠨ ᠡᠪᠦᠭᠡ ᠡᠴᠢᠭᠡ ᠪᠠᠨ ᠵᠢᠭᠠᠭᠰᠠᠨ ᠪᠣᠯᠣᠯᠲᠠᠢ᠃ | | |