| ᠪᠣᠷᠣᠭᠠᠨ ᠤ ᠠᠨᠢᠷ | | ᠤᠰᠤᠨ ᠰᠠᠪᠠ ᠱᠠᠯ ᠬᠥᠯᠥᠷᠡᠴᠢᠬᠡᠵᠦ | ᠠᠭᠤᠯᠠᠰ ᠤᠨ ᠴᠡᠩᠬᠡᠷ ᠤᠨᠢᠶᠠᠷ ᠠᠴᠠ ᠴᠢᠬᠢᠭ ᠦᠨᠦᠷᠲᠦᠨᠡ | ᠦᠨᠡᠨ ᠬᠤᠳᠠᠯ ᠤᠨ ᠵᠠᠭᠠᠭ ᠳᠡᠭᠡᠷᠡ ᠴᠡᠴᠡᠭᠡᠰ ᠭᠠᠩᠬᠤᠨᠠ | ᠭᠠᠵᠠᠷ ᠡᠯᠢᠭᠡᠳᠡᠵᠦ ᠨᠢᠰᠦᠯᠳᠦᠬᠦ ᠰᠢᠪᠠᠭᠤᠳ ᠤᠨ ᠵᠢᠭᠦᠷ | ᠭᠠᠩ ᠲᠠᠢ ᠤᠰᠤᠨ ᠳᠤ ᠲᠦᠷᠦᠭᠡᠳ ᠠᠪᠤᠭᠰᠠᠨ ᠶᠤᠮ ᠰᠢᠭ | ᠬᠦᠨᠳᠦ ᠮᠥᠷᠲᠡᠭᠡᠨ ᠬᠥᠩᠭᠡᠨ ᠁ | ᠴᠢᠬᠢᠭ ᠵᠠᠭᠤᠭᠰᠠᠨ ᠰᠠᠯᠬᠢ ᠴᠡᠴᠡᠭ ᠤᠨ ᠠᠶᠠᠯᠭᠤ ᠲᠠᠢ ᠪᠤᠶᠢᠯᠠᠨᠠ | ᠠᠯᠠᠭ ᠰᠢᠬᠦᠷ ᠤᠨ ᠳᠣᠣᠷᠠ ᠠᠮᠠᠷᠠᠭ ᠵᠣᠭᠤᠭ ᠵᠦᠰᠡᠷᠡᠨᠡ | ᠲᠠᠯᠠ ᠳᠤ ᠲᠣᠭᠤᠷᠤᠤ ᠴᠠᠮᠨᠠᠵᠤ ᠲᠡᠭᠷᠢ ᠳᠤ ᠡᠭᠦᠯᠡ ᠬᠤᠷᠠᠯᠳᠤᠨᠠ | ᠰᠢᠷᠭᠤᠯᠵᠢ ᠳᠡᠪᠵᠢᠶᠡᠨ ᠪᠣᠯᠣᠯᠴᠠᠬᠤ ᠨᠢ | ᠰᠢᠯᠦᠭ ᠤᠨ ᠰᠡᠷᠡᠯ ᠢᠷᠡᠬᠦ ᠰᠢᠭ | ᠲᠠᠯᠠᠩ ᠲᠠᠢ ᠠᠷᠭᠠᠯ ᠴᠢᠭᠢᠭᠲᠦᠵᠦ | ᠳᠡᠪᠦᠷᠡ ᠲᠠᠢ ᠴᠠᠢ ᠤᠳᠠᠲᠠᠯᠠ ᠱᠠᠷᠴᠢᠭᠢᠨᠠᠨᠠ | ᠳᠠᠪᠤᠰᠤ ᠬᠦᠯᠢᠶᠡᠵᠦ ᠶᠠᠳᠠᠨ ᠬᠥᠯᠥᠷᠡᠨᠡ | ᠦᠵᠡᠰᠬᠦᠯᠡᠩᠲᠦ ᠰᠣᠯᠣᠩᠭᠠ ᠶᠢ ᠪᠡᠯᠭᠡᠰᠢᠶᠡᠵᠦ | ᠥᠰᠪᠦᠷᠢ ᠶᠢᠨ ᠬᠡᠦᠬᠡᠳ ᠠᠯᠴᠢᠭᠤᠷ ᠬᠠᠶᠠᠵᠤ ᠲᠣᠭᠯᠠᠨᠠ | ᠠᠶᠠᠰ ᠤᠨ ᠰᠠᠯᠬᠢ ᠠᠯᠴᠢᠭᠤᠷ ᠤᠨ ᠦᠵᠦᠭᠦᠷ ᠲᠤ ᠲᠡᠷᠪᠡᠰᠭᠢᠨᠡ | ᠣᠪᠣᠭᠠᠨ ᠴᠢᠯᠠᠭᠤᠳ ᠳᠡᠪᠵᠢᠶᠡᠷᠡᠵᠦ | ᠤᠶᠠᠩᠭᠠ ᠶᠢᠨ ᠥᠩᠭᠡ ᠪᠠᠷ ᠴᠡᠩᠬᠡᠷᠯᠡᠨᠡ᠂ | ᠭᠠᠩ ᠬᠠᠭᠤᠷᠠᠢ ᠪᠢᠯᠢᠭ ᠤᠨ ᠠᠷᠪᠠᠨ ᠭᠤᠷᠪᠠᠨ ᠢ ᠬᠡᠲᠦᠷᠡᠳᠡᠭ ᠦᠭᠡᠢ | ᠴᠢᠳᠦᠷ ᠤᠨ ᠰᠤᠮᠤ ᠲᠠᠯᠪᠢᠭᠳᠠᠵᠤ ᠮᠣᠷᠢᠨ ᠤ ᠬᠥᠯ ᠠᠮᠠᠷᠠᠰᠭᠢᠨᠡ | ᠮᠣᠩᠭᠤᠯ ᠨᠤᠲᠤᠭ ᠤᠨ ᠮᠣᠷᠢᠲᠠᠢ ᠪᠣᠷᠣᠭᠠᠨ ᠢᠷᠡᠬᠦ ᠨᠢ ᠠ᠋︕ | ᠨᠠᠶᠢᠮᠡᠨ ᠭᠠᠨᠵᠤᠭᠠ ᠲᠡᠷᠪᠡᠰᠭᠢᠵᠤ᠂ | ᠨᠠᠶᠢᠷᠠᠭᠴᠢ ᠡᠪᠦᠭᠡᠨ ᠨᠠᠷᠡᠨ ᠤ ᠪᠣᠷᠣᠭᠠᠨ ᠳᠤ ᠰᠢᠬᠦᠷ ᠢᠶᠠᠨ ᠳᠡᠯᠭᠡᠬᠦ ᠵᠠᠪ ᠦᠭᠡᠢ | ᠰᠢᠬᠦᠷ ᠤᠨ ᠳᠣᠣᠷᠠ ᠰᠢᠯᠦᠭ ᠪᠤᠳᠤᠵᠤ ᠵᠣᠭᠰᠣᠬᠤᠢ ᠳᠤ | ᠤᠨᠵᠢᠯᠭᠠ ᠨᠢ ᠲᠠᠰᠤᠷᠠᠭᠰᠠᠨ ᠰᠤᠪᠤᠳ ᠤᠨ ᠮᠥᠬᠦᠯᠢᠭ ᠰᠢᠭ | ᠪᠣᠷᠣᠭᠠᠨ ᠤ ᠲᠤᠰᠤᠯ ᠨᠠᠮᠠ ᠶᠢ ᠭᠤᠯᠳᠤ ᠪᠠᠷ ᠤᠩᠰᠢᠨᠠ᠃ |