| ᠦᠵᠦᠮᠦᠴᠢᠨ | | ᠪᠤᠶᠠᠨᠲᠤ ᠳᠡᠭᠡᠳᠦᠰ ᠤᠨ ᠲᠠᠯᠠ ᠨᠢ ᠬᠡᠰᠢᠭ ᠬᠤᠷᠤᠶᠢᠯᠠᠭᠰᠠᠨ ᠦᠵᠦᠮᠦᠴᠢᠨ | ᠪᠠᠯᠭᠠᠷ ᠭᠤᠣᠯ ᠤᠨ ᠤᠰᠤ ᠨᠢ ᠭᠡᠭᠡ ᠲᠠᠲᠠᠭᠰᠠᠨ ᠦᠵᠦᠮᠦᠴᠢᠨ | ᠪᠣᠰᠤᠭᠠ ᠪᠥᠬᠡᠴᠦᠳ ᠤᠨ ᠬᠡᠶᠢᠮᠣᠷᠢ ᠨᠢ ᠰᠦᠷ ᠵᠢᠪᠬᠤᠭᠠᠯᠢᠭ ᠦᠵᠦᠮᠦᠴᠢᠨ | ᠪᠡᠷᠢᠶᠡᠳ ᠥᠬᠢᠳ ᠤᠨ ᠤᠬᠠᠭᠠᠨ ᠨᠢ ᠰᠤᠤᠲᠤ ᠲᠤᠩᠭᠠᠯᠠᠭ ᠦᠵᠦᠮᠦᠴᠢᠨ | ᠴᠡᠯᠡᠭᠡᠷ ᠠᠭᠤᠳᠠᠮ ᠬᠥᠨᠳᠡᠢ ᠪᠠᠨ ᠲᠠᠪᠤᠨ ᠡᠷᠳᠡᠨᠢ ᠪᠠᠷ ᠴᠢᠮᠡᠭᠰᠡᠨ | ᠴᠡᠩᠬᠡᠷ ᠲᠡᠭᠷᠢ ᠶᠢᠨ ᠬᠦᠪᠡᠭᠡ ᠨᠢ ᠲᠤᠯᠤᠭᠠᠨ ᠥᠩᠭᠡ ᠪᠠᠷ ᠰᠣᠯᠣᠩᠭᠠᠷᠠᠭᠰᠠᠨ | ᠴᠠᠴᠠᠨ ᠪᠤᠭᠤᠷᠤᠯ ᠤᠳ ᠤᠨ ᠢᠷᠦᠭᠡᠯ ᠨᠢ ᠳᠣᠮᠣᠭᠲᠤ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ | ᠴᠢᠮᠪᠠᠢ ᠮᠠᠯᠴᠢᠳ ᠤᠨ ᠢᠲᠡᠭᠡᠯ ᠨᠢ ᠳᠡᠭᠵᠢᠷᠡᠯ ᠤᠨ ᠭᠢᠯᠪᠠᠭᠠ ᠰᠠᠴᠤᠷᠠᠭᠰᠠᠨ | ᠡᠷᠳᠡᠨᠢᠰ ᠡᠪᠦᠷᠯᠡᠭᠰᠡᠨ ᠪᠠᠶᠠᠨ ᠲᠠᠩᠰᠤᠭ ᠦᠵᠦᠮᠦᠴᠢᠨ | ᠡᠩ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠲᠡᠨᠢᠭᠡᠷ ᠠᠭᠤᠳᠠᠮ ᠦᠵᠦᠮᠦᠴᠢᠨ | ᠡᠭᠡᠰᠢᠭ ᠠᠶᠠᠯᠭᠤᠨ ᠲᠠᠢ ᠡᠷᠳᠡᠮ ᠤᠨ ᠦᠯᠦ᠋ᠭᠡᠢ ᠦᠵᠦᠮᠦᠴᠢᠨ | ᠡᠷᠲᠡᠨ ᠤ ᠲᠠᠯᠠ ᠰᠢᠭ ᠢᠶᠠᠨ ᠤᠷᠳᠤ ᠶᠢᠨ ᠲᠠᠭᠤᠨ ᠤ ᠦᠵᠦᠮᠦᠴᠢᠨ | ᠵᠢᠷᠭᠢᠬᠦ ᠤᠯᠠᠷᠢᠯ ᠤᠨ ᠰᠠᠯᠬᠢ ᠨᠢ ᠵᠢᠮᠤᠷ ᠵᠢᠮᠦᠷᠭᠡᠨ ᠠᠶᠠᠰ ᠲᠠᠢ | ᠵᠤᠨ ᠤ ᠳᠡᠯᠭᠡᠷ ᠰᠠᠷᠠ ᠨᠢ ᠵᠤᠮᠠᠰ ᠵᠤᠮᠠᠰᠬᠢᠨ ᠠᠭᠠᠯᠢ ᠲᠠᠢ | ᠵᠡᠭᠡᠷᠡ ᠲᠡᠰᠢᠭᠰᠡᠨ ᠭᠤᠪᠢ ᠨᠢ ᠵᠢᠷᠤᠭ ᠤᠨ ᠮᠡᠲᠦ ᠦᠵᠡᠰᠭᠦᠯᠡᠩ ᠲᠠᠢ | ᠵᠦᠩ ᠪᠢᠯᠢᠭᠲᠦ ᠠᠷᠠᠳ ᠨᠢ ᠵᠣᠷᠢᠮᠠᠭ ᠥᠯᠴᠢᠷ ᠠᠷᠠᠨᠰᠢᠨ ᠲᠠᠢ | ᠡᠷᠡᠮᠡᠬᠡᠢ ᠬᠦᠯᠦ᠋ᠭ ᠤᠨ ᠤᠤᠭᠠᠨ ᠦᠦᠷᠰᠡᠯ ᠦᠵᠦᠮᠦᠴᠢᠨ | ᠡᠷᠭᠢᠬᠦ ᠬᠤᠷᠸᠠ ᠶᠢᠨ ᠤᠳᠤᠮ ᠤᠨ ᠬᠡᠯᠬᠢᠶᠡ ᠦᠵᠦᠮᠦᠴᠢᠨ | ᠡᠷᠬᠡᠰ ᠲᠡᠭᠷᠢ ᠶᠢᠨ ᠥᠩᠭᠡ ᠨᠢ ᠬᠥᠬᠡ ᠦᠵᠦᠮᠦᠴᠢᠨ | ᠡᠩᠬᠡ ᠮᠡᠨᠳᠦ ᠶᠢᠨ ᠬᠠᠳᠠᠭ ᠨᠢ ᠴᠠᠭᠠᠨ ᠦᠵᠦᠮᠦᠴᠢᠨ | ᠴᠠᠭᠠᠨ ᠠᠳᠤᠭᠤᠨ ᠤ ᠨᠤᠲᠤᠭ ᠲᠤ ᠴᠠᠳᠢᠭ ᠲᠡᠦᠬᠡ ᠴᠢᠯᠠᠭᠤᠵᠢᠨᠠᠮ | ᠴᠠᠭ ᠬᠤᠭᠤᠴᠠᠭᠠᠨ ᠤ ᠳᠠᠪᠲᠠᠯᠲᠠ ᠴᠡᠩᠬᠡᠷ ᠡᠭᠦᠯᠡᠰ ᠮᠡᠲᠦ ᠨᠡᠭᠦᠳᠡᠯᠯᠡᠨᠡᠮ | ᠴᠡᠴᠡᠭᠡᠰ ᠤᠨ ᠲᠡᠯᠪᠢᠭᠡᠨ ᠳᠡᠭᠡᠷᠡ ᠢᠨᠠᠭ ᠤᠨ ᠵᠠᠬᠢᠶᠠ ᠪᠢᠴᠢᠨᠡᠮ | ᠴᠠᠬᠠᠷ ᠤᠨ ᠨᠢᠭᠡᠨ ᠪᠦᠰᠡᠭᠦᠢ ᠴᠢᠨᠦ ᠯᠨ ᠵᠢᠷᠦᠬᠡᠨ ᠳᠤ ᠠᠭᠤᠰᠤᠨᠠᠮ | ᠵᠡᠭᠦᠳᠦ ᠮᠥᠷᠥᠭᠡᠳᠦᠯ ᠢ ᠴᠡᠴᠡᠭᠯᠡᠭᠦᠯᠦᠨ ᠲᠡᠯᠪᠢᠭᠡᠯᠡᠭᠰᠡᠨ ᠦᠵᠦᠮᠦᠴᠢᠨ | ᠵᠢᠷᠦᠬᠡᠨ ᠲᠣᠯᠢᠲᠤ ᠶᠢ ᠠᠨᠢᠷᠲᠤᠨ ᠤᠶᠠᠷᠠᠭᠠᠭᠰᠠᠨ ᠦᠵᠦᠮᠦᠴᠢᠨ | ᠵᠤᠯᠭᠠᠷᠠᠬᠤ ᠨᠠᠪᠴᠢᠰ ᠤᠨ ᠬᠠᠮᠲᠤ ᠨᠢᠯᠪᠤᠰᠤ ᠪᠠᠨ ᠨᠢᠭᠤᠭᠰᠠᠨ ᠦᠵᠦᠮᠦᠴᠢᠨ | ᠵᠠᠭᠤᠨ ᠵᠠᠭᠤᠨ ᠵᠢᠯ ᠢᠶᠠᠷ ᠬᠠᠶᠢᠷᠠᠯᠠᠨ ᠰᠠᠨᠠᠬᠤ ᠦᠵᠦᠮᠦᠴᠢᠨ | ᠬᠥᠬᠡ ᠲᠡᠭᠷᠢ ᠳᠡᠭᠡᠨ ᠮᠥᠷᠭᠦᠨ ᠳᠠᠭᠠᠳᠬᠠᠬᠤ ᠰᠢᠲᠦᠭᠡᠨ ᠲᠠᠢ | ᠬᠦᠰᠡᠬᠦ ᠰᠡᠳᠬᠢᠯ ᠳᠤ ᠮᠦᠷᠦᠭᠡᠰᠦᠯ ᠤᠷᠭᠤᠭᠤᠯᠬᠤ ᠲᠠᠪᠢᠯᠠᠩ ᠲᠠᠢ | ᠬᠥᠮᠥᠨ ᠮᠥᠰᠥᠨ ᠤ ᠳᠣᠲᠣᠭᠠᠳᠤ ᠵᠢᠳᠢᠨᠴᠦ ᠶᠢᠨ ᠴᠠᠶᠢᠯᠭᠠᠨ ᠨᠠᠨᠳᠢᠨ ᠭᠡᠭᠡ ᠲᠠᠢ | ᠬᠥᠯᠭᠡᠨ ᠲᠡᠦᠬᠡ ᠶᠢᠨ ᠷᠢᠳᠢ ᠣᠷᠣᠰᠢᠭᠰᠠᠨ ᠨᠣᠮ ᠤᠨ ᠴᠠᠭᠠᠨ ᠪᠤᠶᠠᠨ ᠲᠠᠢ | ᠠᠯᠳᠠᠨ ᠨᠠᠷᠠᠨ ᠤᠷᠭᠤᠨ ᠮᠠᠨᠳᠤᠬᠤ ᠶᠢᠨ ᠪᠡᠯᠭᠡᠳᠡᠯ ᠦᠵᠦᠮᠦᠴᠢᠨ | ᠠᠷᠢᠭᠤᠨ ᠷᠠᠰᠢᠶᠠᠨ ᠤ ᠮᠥᠩᠭᠦᠨ ᠣᠨᠳᠣᠷᠣᠯᠲᠤ ᠦᠵᠦᠮᠦᠴᠢᠨ | ᠠᠷᠭᠠ ᠪᠢᠯᠢᠭ ᠤᠨ ᠡᠬᠢᠯᠡᠯ ᠪᠤᠶᠤ ᠦᠷᠭᠦᠯᠵᠢᠯᠡᠯ ᠦᠵᠦᠮᠦᠴᠢᠨ | ᠠᠯᠳᠠᠩᠬᠠᠨ ᠵᠠᠶᠠᠭᠠᠨ ᠤ ᠮᠥᠩᠬᠡ ᠶᠢᠨ ᠤᠳᠭᠠ ᠦᠵᠦᠮᠦᠴᠢᠨ᠃ | |