| ᠦᠵᠦᠮᠦᠴᠢᠨ ᠦᠬᠡᠷ | | ᠦᠵᠦᠮᠦᠴᠢᠨ ᠦᠬᠡᠷ ᠪᠣᠯ ᠮᠣᠩᠭᠤᠯ ᠦᠬᠡᠷ ᠤᠨ ᠳᠤᠳᠤᠷᠠᠬᠢ ᠨᠢᠭᠡᠨ ᠤᠷᠤᠨ ᠨᠤᠲᠤᠭ ᠤᠨ ᠰᠢᠯᠢᠳᠡᠭ | ᠡᠭᠦᠯᠳᠡᠷ ᠤᠨ ᠦᠬᠡᠷ ᠮᠦᠨ᠃ ᠳᠠᠷᠤᠢ ᠦᠵᠦᠮᠦᠴᠢᠨ ᠨᠤᠲᠤᠭ ᠤᠨ ᠥᠩ ᠰᠢᠮᠡᠯᠢᠭ ᠡᠪᠡᠰᠤ ᠪᠡᠯᠴᠢᠭᠡᠷ ᠳᠡᠭᠡᠷᠡ | ᠠᠳᠡᠬᠢ ᠮᠠᠯᠴᠢᠨ ᠳᠦᠮᠡᠨ ᠤᠷᠲᠤ ᠬᠤᠭᠤᠴᠠᠭᠠ ᠦᠬᠡᠷ ᠮᠠᠯᠵᠢᠬᠤ ᠶᠠᠪᠤᠴᠠ ᠳᠠᠭᠠᠨ ᠰᠤᠩᠭᠤᠨ ᠪᠤᠶᠢᠵᠢᠭᠤᠯᠤᠭᠰᠠᠨ | ᠡᠷᠲᠡᠨ ᠤ ᠤᠷᠤᠨ ᠨᠤᠲᠤᠭ ᠤᠨ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠪᠤᠯᠤᠨᠠ᠃ | ᠦᠵᠦᠮᠦᠴᠢᠨ ᠦᠬᠡᠷ ᠬᠤᠶᠠᠷ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠲᠤᠭ ᠤᠨ ᠤᠯᠠᠭᠠᠢ | ᠰᠧᠶᠡᠯᠵᠢ ᠶᠢᠨ ᠭᠤᠣᠯ᠂ ᠵᠢᠭᠠᠰᠤᠳᠠᠢ ᠢᠨᠵᠠᠭᠠᠨ ᠭᠤᠣᠯ᠂ ᠲᠠᠪᠢᠨ ᠭᠤᠷᠤᠬᠠᠨ ᠭᠤᠣᠯ᠂ ᠰᠢᠵᠢᠷᠳᠡᠢ ᠪᠠᠯᠠᠭᠠᠷ | ᠭᠤᠣᠯ ᠤᠨ ᠤᠷᠤᠰᠬᠠᠯ ᠲᠠᠭᠠᠤ ᠤᠷᠤᠨ ᠢᠶᠠᠷ ᠭᠤᠣᠯ ᠪᠤᠯᠵᠦ᠂ ᠨᠠᠮᠤᠭ ᠴᠢᠭᠢᠭᠯᠢᠭ ᠭᠠᠵᠠᠷ ᠪᠦᠬᠦᠨ ᠢᠶᠠᠷ ᠨᠠᠶᠢᠳᠡᠮ | ᠦᠷᠡᠵᠢᠨ ᠦᠰᠴᠦ ᠪᠠᠶᠢᠳᠠᠭ᠃ | ᠦᠵᠦᠮᠦᠴᠢᠨ ᠦᠬᠡᠷ ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠬᠢᠨᠠᠨ ᠲᠤᠭᠲᠠᠭᠠᠭᠰᠠᠨ ᠮᠠᠲ᠋ᠧᠷᠢᠶᠡᠯ ᠠᠴᠠ ᠦᠵᠡᠪᠡᠯ᠂ | ᠳᠤᠮᠳᠠ ᠶᠢᠨ ᠪᠡᠶᠡ ᠲᠠᠢ᠂ ᠭᠤᠣᠯ ᠪᠡᠶᠡ ᠨᠢ ᠭᠦᠨ ᠦᠷᠭᠡᠨ ᠪᠦᠭᠡᠳ ᠤᠷᠲᠦ᠂ ᠴᠡᠭᠡᠵᠢ ᠨᠢ ᠪᠦᠳᠦᠭᠦᠨ᠂ ᠳᠦᠷᠪᠡᠨ | ᠮᠦᠴᠢ ᠪᠤᠭᠤᠨᠢ᠂ ᠲᠤᠯᠤᠭᠠᠢ ᠪᠦᠳᠦᠭᠦᠨ᠂ ᠬᠦᠮᠦᠭᠡᠷ ᠡᠪᠡᠷ ᠲᠠᠢ᠂ ᠰᠢᠷᠪᠡᠭᠡ ᠳᠤᠤᠷᠠ᠂ ᠤᠮᠤᠷᠤᠤ ᠪᠠᠭᠠ᠂ ᠴᠡᠭᠡᠵᠢ | ᠭᠦᠨ ᠪᠦᠭᠡᠳ ᠦᠷᠭᠡᠨ᠂ ᠬᠠᠪᠢᠷᠭᠠ ᠰᠠᠷᠪᠠᠭᠠᠷ᠂ ᠪᠦᠭᠰᠡᠨ ᠪᠡᠶᠡ ᠢᠪᠴᠤᠤ᠂ ᠲᠠᠰᠢᠶᠠ ᠨᠠᠯᠠᠤ᠂ ᠳᠠᠯᠠᠩ ᠦᠷᠭᠡᠨ | ᠶᠡᠭᠡ᠂ ᠬᠦᠬᠦᠨ ᠲᠤᠪᠴᠢ ᠵᠢᠵᠢᠭ ᠪᠠᠶᠢᠳᠠᠭ᠃ ᠥᠩᠭᠡ ᠵᠢᠰᠦᠮ ᠨᠢ ᠨᠡᠯᠢᠶᠡᠳ ᠤᠯᠠᠨ᠃ ᠬᠠᠷᠠ᠂ ᠤᠯᠠᠭᠠᠨ ᠭᠤᠣᠯ | ᠪᠤᠯᠵᠦ᠂ ᠬᠠᠯᠢᠭᠤᠨ᠂ ᠬᠥᠷᠡᠩ᠂ ᠬᠥᠬᠡ ᠴᠠᠭᠠᠨ᠂ ᠲᠠᠷᠯᠠᠩ᠂ ᠠᠯᠠᠭ ᠪᠦᠷ ᠪᠠᠶᠢᠳᠠᠭ᠃ | ᠦᠵᠦᠮᠦᠴᠢᠨ ᠦᠬᠡᠷ ᠠᠳᠡᠬᠢ ᠡᠬᠡ ᠪᠠᠶᠢᠭᠠᠯᠢ ᠳᠠᠭᠠᠨ ᠵᠤᠬᠢᠴᠠᠬᠤ ᠴᠢᠨᠠᠷ ᠢᠶᠠᠷ ᠰᠠᠶᠢᠨ᠂ ᠬᠦᠢᠳᠡᠨ ᠳᠤ ᠲᠡᠰᠪᠦᠷᠢ | ᠲᠠᠢ᠂ ᠬᠠᠯᠠᠭᠤᠨ ᠳᠤ ᠳᠠᠭᠠᠭᠠᠴᠠ ᠲᠠᠢ᠂ ᠪᠦᠳᠦᠭᠦᠯᠢᠭ ᠪᠡᠯᠴᠢᠭᠡᠷ ᠤᠨ ᠢᠳᠡᠰᠢ ᠲᠠᠢ᠂ ᠪᠡᠶᠡ ᠬᠦᠳᠡᠷ ᠴᠢᠬᠢᠷᠠᠭ᠂ | ᠡᠪᠡᠳᠴᠢᠨ ᠭᠡᠮ ᠢ ᠡᠰᠡᠷᠭᠦᠴᠡᠬᠦ ᠪᠠᠷ ᠰᠠᠶᠢᠨ᠂ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠵᠤᠳ ᠢ ᠳᠠᠭᠠᠭᠠᠵᠦ ᠰᠦᠷᠦᠭᠯᠡᠨ | ᠪᠡᠯᠴᠢᠭᠡᠷᠯᠡᠨ ᠮᠠᠯᠵᠢᠬᠤ ᠳᠠᠭᠠᠨ ᠵᠤᠬᠢᠴᠠᠭᠰᠠᠨ ᠪᠠᠶᠢᠳᠠᠭ ᠪᠦᠭᠡᠳ ᠮᠢᠬᠠ ᠰᠦᠨ ᠤ ᠬᠤᠣᠰ ᠬᠡᠷᠡᠭᠴᠡᠭᠡᠲᠦ ᠦᠬᠡᠷ | ᠪᠤᠯᠤᠨᠠ᠃ |