| ᠦᠵᠦᠮᠦᠴᠢᠨ ᠪᠡᠯᠭᠡᠯᠡᠬᠦ ᠶᠤᠰᠤ | ᠦᠵᠦᠮᠦᠴᠢᠨ ᠠᠶᠢᠮᠠᠭ ᠨᠢ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠ | ᠪᠠᠨ ᠦᠪᠡᠷ ᠤᠨ ᠭᠡᠰᠡᠡ ᠪᠡᠯᠭᠡᠯᠡᠬᠦ ᠶᠤᠰᠤ ᠵᠠᠩᠰᠢᠯ ᠢᠶᠠᠨ ᠪᠦᠲᠦᠭᠡᠵᠡᠢ᠃ ᠡᠭᠦᠨ ᠳᠤ ᠭᠤᠤᠯᠳᠠᠭᠤ ᠴᠠᠭᠠᠨ ᠰᠠᠷᠠ | ᠶᠢᠨ ᠶᠤᠰᠤ ᠵᠠᠩᠰᠢᠯ᠂ ᠤᠷᠤᠭ ᠬᠤᠷᠢᠮ ᠤᠨ ᠶᠤᠰᠤ ᠵᠠᠩᠰᠢᠯ᠂ ᠵᠢᠯ ᠵᠡᠷᠭᠡᠬᠦ ᠶᠤᠰᠤ ᠵᠠᠩᠰᠢᠯ ᠵᠡᠷᠭᠡ ᠪᠠᠭᠲᠠᠭᠳᠠᠨᠠ᠃ | ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠳᠤ ᠦᠵᠦᠮᠦᠴᠢᠨ ᠬᠦᠮᠦᠰ ᠦᠩᠭᠡ ᠲᠠᠢ ᠰᠠᠶᠢᠬᠠᠨ ᠢᠶᠠᠨ ᠡᠮᠦᠰᠴᠦ᠂ ᠦᠯᠵᠡᠢ ᠲᠠᠢ ᠰᠠᠶᠢᠨ | ᠢᠶᠠᠨ ᠬᠡᠯᠡᠵᠦ ︵ᠪᠤᠲᠤᠵᠤ︶᠂ ᠦᠷ ᠤᠨ ᠵᠢᠩ ᠪᠠᠷ ᠪᠤᠰᠤᠭᠠᠳ᠂ ᠦᠲᠡᠯᠦᠭᠡ ᠪᠤᠭᠤᠷᠤᠯ ᠳᠠᠭᠠᠨ ᠮᠦᠷᠭᠦᠵᠦ | ᠵᠤᠯᠭᠠᠠ᠂ ᠴᠠᠭᠠᠨ ᠢᠳᠡᠭᠡ ᠠᠮᠬᠠᠷᠠᠬᠤ ︵ᠠᠮᠰᠠᠬᠤ︶᠂ ᠰᠢᠨᠡ ᠶᠢᠨ ᠪᠤᠤᠪᠤ ᠠᠪᠬᠤ ᠠᠴᠠ ᠠᠪᠤᠭᠠᠳ《 ᠦᠪᠦᠩᠲᠦ | ᠶᠢ ᠦᠯᠡᠳᠡᠭᠡᠬᠦ ᠦᠭᠡᠢ᠂ ᠲᠤᠪᠤᠲᠤ ᠶᠢ ᠲᠤᠭᠤᠷᠢᠬᠤ ᠦᠭᠡᠢ 》ᠬᠡᠮᠨᠨ ᠠᠶᠢᠯ ᠲᠠᠷᠠᠭᠠᠯᠠᠠ ᠲᠤᠭᠤᠷᠢᠳᠠᠭ ᠵᠠᠩᠰᠢᠯ | ᠲᠠᠢ᠃ | ᠤᠷᠤᠭ ᠬᠤᠷᠢᠮ ᠤᠨ ᠶᠤᠰᠤ ᠵᠠᠩᠰᠢᠯ ᠳᠤ ᠶᠡᠭᠡ ᠲᠦᠯᠦᠪ ᠪᠡᠷᠢ ᠲᠤᠷᠠᠰᠬᠤ᠂ ᠰᠢᠨᠡ ᠭᠡᠷ ᠪᠤᠰᠬᠠᠬᠤ᠂ | ᠤᠷᠤᠭ ᠬᠡᠯᠡᠵᠦ ᠤᠷᠤᠭ ᠬᠢᠬᠦ᠂ ᠭᠡᠦᠬᠡᠨ ᠡᠷᠭᠢᠵᠦ ᠭᠡᠦᠬᠡᠨ ᠲᠦᠷᠬᠦᠮᠯᠡᠬᠦ ᠵᠡᠷᠭᠡ ᠵᠦᠢᠯ ᠪᠠᠶᠢᠳᠠᠭ ᠪᠠ ᠤᠷᠤᠭ ᠬᠢᠬᠦ | ᠡᠳᠦᠷ ᠤᠨ ᠬᠢᠨᠢ ᠵᠠᠩ ᠦᠢᠯᠡ ᠨᠡᠩ ᠤᠯᠠᠨ ᠪᠠᠶᠢᠳᠠᠭ ᠪᠢᠯᠡ᠃ ᠤᠷᠤᠭ ᠤᠨ ᠡᠳᠦᠷ ᠤᠨ ᠵᠠᠩ ᠦᠢᠯᠡ ᠳᠤ ᠨᠡᠷᠡ | ᠵᠢᠭᠠᠬᠤ᠂ ᠬᠦᠷᠭᠡᠨ ᠬᠦᠵᠦᠭᠦᠦ ᠨᠤᠭᠤᠯᠠᠬᠤ᠂ ᠬᠦᠷᠭᠡᠨ ᠬᠤᠪᠴᠠᠯᠠᠬᠤ᠂ ᠤᠷᠤᠭ ᠮᠤᠷᠲᠠᠬᠤ᠂ ᠬᠡᠦᠬᠡᠨ ᠬᠦᠷᠭᠡᠬᠦ᠂ | ᠦᠰᠦ ᠵᠠᠳᠠᠯᠬᠤ ︵ᠭᠡᠦᠬᠡᠨ ᠮᠦᠷᠭᠦᠭᠦᠯᠬᠦ︶᠂ ᠡᠬᠡ ᠶᠢᠨ ᠴᠠᠭᠠᠨ ᠰᠦ ᠬᠠᠷᠢᠭᠤᠯᠠᠬᠤ᠂ ᠰᠢᠨᠡ ᠬᠦᠷᠭᠡᠨ ᠭᠡᠦᠬᠡᠨ | ᠭᠠᠯ ᠭᠤᠯᠤᠮᠲᠠ ᠳᠤ ᠮᠦᠷᠭᠦᠬᠦ᠂ ᠲᠤᠬᠤᠮ ᠭᠦᠪᠢᠬᠦ᠂ ᠲᠤᠰ ᠤᠨ ᠨᠠᠶᠢᠷ ᠬᠢᠬᠦ᠂ ᠬᠦᠷᠭᠡᠭᠴᠢᠨ ᠪᠤᠴᠠᠬᠤ᠂ | ᠰᠠᠭᠤᠯᠴᠠᠵᠦ ᠬᠤᠴᠤᠷᠬᠤ ᠁ ᠵᠡᠷᠭᠡ ᠠᠯᠢ ᠤᠯᠠᠨ ᠶᠤᠰᠤ ᠵᠦᠢ ᠪᠠᠶᠢᠳᠠᠭ ᠶᠤᠮ᠃ | ᠵᠢᠯ ᠵᠡᠷᠭᠡᠬᠦ ᠳᠤ ᠠᠷᠪᠠᠨ ᠭᠤᠷᠪᠠ ᠠᠴᠠ ᠡᠬᠢᠯᠡᠵᠦ ᠵᠢᠯ ᠢᠶᠠᠨ ᠲᠤᠯᠤᠭᠠ ᠤᠷᠤᠭᠤᠯᠬᠤ ᠶᠤᠰᠤ ᠵᠠᠩᠰᠢᠯ ᠲᠠᠢ | ᠪᠠᠶᠢᠳᠠᠭ ᠶᠤᠮ᠃ ᠤᠭ ᠲᠠᠭᠠᠨ ᠪᠤᠯ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠲᠤᠯᠤᠭᠠ᠂ ᠳᠦᠴᠢ ᠶᠢᠰᠦ | ᠵᠡᠷᠭᠡ ᠪᠠᠭᠠ ᠵᠠᠯᠠᠭᠤ ᠨᠠᠰᠤᠨ ᠤ ᠦᠶᠡ ᠶᠢᠨ ᠵᠢᠯ ᠢ ᠪᠡᠯᠭᠡᠯᠡᠬᠦ ᠲᠡᠳᠦᠢ ᠦᠩᠭᠡᠷᠡᠭᠡᠳᠡᠭ ᠠᠴᠠ ᠪᠢᠰᠢ ᠶᠡᠭᠡ ᠪᠠᠷ | ᠪᠡᠯᠭᠡᠯᠡᠳᠡᠭ ᠦᠭᠡᠢ᠃ ᠬᠠᠷᠢᠨ ᠵᠢᠷᠠᠨ ᠨᠢᠭᠡ ᠠᠴᠠ ᠳᠡᠭᠡᠭᠰᠢ ᠨᠠᠰᠤᠨ ᠤ ᠵᠢᠯ ᠢ ᠨᠡᠯᠢᠶᠡᠳ ᠪᠡᠯᠭᠡᠯᠡᠳᠡᠭ ᠪᠠᠶᠢᠵᠠᠢ᠃ | ᠰᠡᠭᠦᠯ ᠤᠨ ᠦᠶᠡ ᠪᠤᠯᠬᠤ ᠳᠤ ᠨᠠᠶᠢᠷ ᠨᠠᠭᠠᠳᠤᠮ ᠬᠢᠵᠦ ᠮᠤᠷᠢ ᠪᠦᠬᠡ ᠤᠷᠤᠯᠳᠤᠭᠤᠯᠤᠨ ᠶᠡᠭᠡ ᠪᠠᠷ ᠪᠡᠯᠭᠡᠯᠡᠳᠡᠭ | ᠪᠤᠯᠤᠭᠰᠠᠨ ᠨᠢ ᠤᠯᠤᠰ ᠨᠡᠶᠢᠭᠡᠮ ᠤᠨ ᠰᠠᠶᠢᠨ ᠢᠶᠠᠷ ᠠᠮᠢᠳᠤᠷᠠᠯ ᠰᠠᠶᠢᠵᠠᠷᠠᠵᠤ ᠴᠢᠨᠡᠭᠡᠯᠢᠭᠵᠢᠭᠰᠡᠡ ᠲᠠᠢ ᠰᠢᠭᠤᠳ | ᠬᠤᠯᠪᠤᠭᠠ ᠲᠠᠢ ᠪᠤᠯᠤᠭᠰᠠᠠ ᠶᠤᠮ᠃ | ᠦᠵᠦᠮᠦᠴᠢᠨ ᠪᠡᠯᠭᠡᠯᠡᠬᠦ ᠶᠤᠰᠤ ᠵᠠᠩᠰᠢᠯ ᠨᠢ ᠲᠡᠦᠬᠡᠨ ᠤᠯᠠᠮᠵᠢᠯᠠᠯ ᠤᠨ ᠬᠤᠪᠢ ᠳᠤ ᠮᠠᠰᠢ ᠨᠡᠷᠢᠨ ᠵᠢᠷᠦᠮ | ᠶᠠᠪᠤᠴᠠ᠂ ᠡᠷᠡᠮᠪᠡ ᠲᠠᠷᠠᠭᠠ᠂ ᠴᠡᠭᠡᠷ ᠬᠤᠷᠢᠭᠠ᠂ ᠬᠡᠮ ᠬᠡᠪᠴᠢᠶᠡ ᠬᠢᠭᠡᠳ ᠡᠷᠬᠢᠮ ᠨᠡᠨᠳᠢᠨ ᠪᠠᠶᠢᠳᠠᠭ ᠶᠤᠮ᠃ |