ᠬᠦᠳᠡᠯᠮᠦᠷᠢ ᠵᠠᠯᠠᠭᠤ ᠨᠠᠰᠣ ᠶᠢ ᠴᠢᠮᠡᠨᠡ | | ᠲᠠᠯᠠ ᠤᠨ ᠡᠩ ᠢᠶᠠᠷ ᠬᠠᠷᠠᠭᠠ ᠲᠦᠭᠦᠷᠡᠩ ᠬᠠᠷᠠᠭᠳᠠᠬᠤ ᠬᠠᠳᠣᠯᠠᠩ ᠡᠪᠡᠰᠦᠨ ᠤ ᠪᠡᠷᠡ᠂ ᠬᠤᠯᠠ ᠣᠶᠢᠷᠠ ᠳᠤ ᠲᠠᠭᠤ | ᠠᠨᠢᠷ ᠢᠶᠠᠨ ᠦᠭᠴᠦ ᠰᠣᠨᠣᠰᠳᠠᠬᠤ ᠮᠠᠰᠢᠨ ᠣᠨᠣᠭᠠᠨ ᠤ ᠴᠢᠮᠡᠭᠡ ᠨᠠᠮᠣᠷ ᠴᠠᠭ ᠤᠨ ᠠᠵᠢᠯ ᠬᠦᠳᠡᠯᠮᠦᠷᠢ ᠶᠢᠨ ᠬᠦᠭ ᠠᠶᠠᠰ | ᠢ ᠴᠢᠪᠬᠠᠳᠠᠨᠠ᠃ | | | ᠪᠣᠷᠣᠭᠠᠨ ᠬᠤᠷᠠ ᠠᠷᠢᠯᠣᠮᠠᠭᠴᠠ ᠡᠪᠡᠰᠦ ᠬᠠᠳᠣᠯᠠᠩ ᠤᠨ ᠠᠵᠢᠯ ᠢᠶᠠᠨ ᠱᠠᠯᠠᠪᠳᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠮᠠᠯᠴᠢᠨ ᠵᠠᠯᠠᠭᠤ | ᠪᠣᠶᠠᠨᠪᠠᠳᠣ᠂ ᠬᠠᠮᠳᠣ ᠣᠯᠠᠨ ᠲᠠᠢ ᠪᠠᠨ ᠡᠳᠦᠷ ᠤᠨ ᠰᠠᠶᠢᠬᠠᠨ ᠳᠤ ᠲᠠᠭᠠᠭᠠᠭᠰᠠᠨ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠬᠤ ᠭᠡᠵᠦ᠂ | ᠪᠢᠳᠡᠨ ᠢ ᠬᠦᠷᠬᠦ ᠳᠤ ᠡᠪᠡᠰᠦ ᠲᠡᠭᠡᠭᠡᠬᠦ ᠠᠵᠢᠯ ᠢᠶᠠᠨ ᠡᠷᠳᠡ ᠡᠬᠢᠯᠡᠭᠦᠯᠦᠭᠡᠳ ᠪᠠᠶᠢᠯᠠ᠃ | | | ᠪᠣᠰᠣᠳ ᠬᠠᠳᠣᠯᠠᠩᠴᠢᠳ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠬᠡᠳᠦᠨ ᠲᠣᠮᠣ ᠮᠠᠰᠢᠨ ᠢᠶᠠᠷ ᠵᠢᠷᠭᠤᠭᠠᠨ ᠵᠠᠭᠤ ᠭᠠᠷᠣᠢ ᠵᠢᠩ ᠤᠨ | ᠲᠣᠮᠣ ᠣᠷᠢᠶᠠᠯᠳᠠ ᠲᠠᠢ ᠡᠪᠡᠰᠦ ᠪᠣᠭᠤᠳᠠᠯᠯᠠᠵᠣ᠂ ᠦᠭᠡᠷᠡᠴᠢᠯᠡᠨ ᠰᠢᠨᠡᠴᠢᠯᠡᠭᠰᠡᠨ ᠣᠳᠬᠤᠭᠤᠷ ᠮᠠᠰᠢᠨ ᠢᠶᠠᠷ ᠡᠪᠡᠰᠦ ᠪᠠᠨ | ᠬᠤᠷᠳᠣᠴᠠ ᠲᠠᠢ ᠰᠠᠶᠢᠬᠠᠨ ᠲᠡᠭᠡᠭᠡᠵᠦ ᠪᠠᠶᠢᠭᠰᠠᠨ ᠨᠢ ᠪᠢᠳᠡᠨ ᠤ ᠠᠩᠬᠠᠷᠣᠯ ᠢ ᠳᠠᠳᠠᠯᠠ᠃ | ᠮᠠᠯᠴᠢᠨ ᠵᠠᠯᠠᠭᠤ ᠪᠣᠶᠠᠨᠪᠠᠳᠣ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠰᠣᠮᠣᠨ ᠤ ᠰᠠᠶᠢᠬᠠᠨᠨᠠᠭᠤᠷ | ᠭᠠᠴᠠᠭᠠᠨ ᠳᠤ ᠠᠵᠣ ᠠᠮᠢᠳᠣᠷᠠᠯ ᠢᠶᠠᠨ ᠡᠷᠬᠢᠯᠡᠳᠡᠭ᠃ ᠵᠠᠯᠠᠭᠤ ᠬᠦᠮᠦᠨ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ ᠮᠠᠰᠢᠨ ᠲᠧᠭᠨᠢᠭ ᠢ | ᠴᠢᠳᠠᠮᠠᠭᠠᠢ ᠠᠰᠢᠭᠯᠠᠵᠣ ᠂ ᠰᠢᠨᠡ ᠵᠦᠢᠯᠡᠰ ᠢ ᠮᠠᠯᠵᠢᠬᠤ ᠣᠷᠣᠨ ᠳᠤ ᠪᠠᠨ ᠣᠷᠣᠭᠤᠯᠣᠨ ᠦᠨᠳᠦᠷ ᠪᠦᠳᠦᠮᠵᠢ ᠶᠢ | ᠡᠭᠦᠳᠦᠨᠡ ᠬᠡᠮᠡᠬᠦ ᠬᠦᠰᠡᠯ ᠲᠠᠢ ᠶᠠᠪᠣᠳᠠᠭ ᠲᠡᠷᠡ᠂ 2009 ᠣᠨ ᠳᠤ ᠬᠦᠯᠦᠨ ᠪᠣᠶᠢᠷ ᠢᠶᠠᠷ ᠠᠷᠭᠠ ᠲᠣᠷᠰᠢᠯᠭᠠ | ᠰᠣᠷᠣᠯᠴᠠᠬᠤ ᠳᠤ ᠪᠠᠨ ᠪᠦᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠶᠢᠨ ᠡᠪᠡᠰᠦ ᠪᠣᠭᠤᠳᠠᠯᠯᠠᠬᠤ ᠠᠷᠭᠠ ᠶᠢ ᠨᠠᠷᠢᠨ ᠠᠰᠠᠭᠤᠨ ᠣᠶᠢᠯᠠᠭᠠᠵᠣ | ᠨᠣᠳᠤᠭ ᠣᠷᠣᠨ ᠳᠤ ᠪᠠᠨ ᠠᠪᠴᠢᠷᠠᠵᠣ ᠠᠰᠢᠭᠯᠠᠪᠠᠯ ᠦᠷᠡ ᠪᠦᠳᠦᠮᠵᠢᠲᠠᠢ ᠪᠣᠯᠬᠤ ᠶᠢ ᠮᠡᠳᠡᠭᠰᠡᠨ ᠪᠠᠶᠢᠯᠠ᠃ ᠲᠡᠶᠢᠨᠬᠦ | ᠬᠡᠳᠦᠨ ᠵᠢᠯ ᠤᠨ ᠲᠣᠷᠰᠢ ᠠᠷᠭᠠ ᠲᠣᠷᠰᠢᠯᠭᠠ᠂ ᠪᠡᠯᠡ ᠮᠥᠩᠭᠦ ᠪᠠᠨ ᠬᠤᠷᠠᠮᠳᠣᠭᠤᠯᠣᠭᠰᠠᠨ ᠪᠣᠶᠠᠨᠪᠠᠳᠣ᠂ 2019 ᠣᠨ | ᠠᠴᠠ ᠨᠠᠶᠢᠵᠠ ᠲᠠᠢ ᠪᠠᠨ ᠪᠡᠯᠡ ᠨᠡᠶᠢᠯᠡᠭᠦᠯᠦᠨ ᠪᠦᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠶᠢᠨ ᠡᠪᠡᠰᠦ ᠪᠣᠭᠤᠳᠠᠯᠯᠠᠬᠤ ᠮᠠᠰᠢᠨ᠂ | ᠲᠡᠭᠡᠭᠡᠪᠦᠷᠢᠯᠡᠬᠦ ᠳᠤ ᠠᠰᠢᠭᠯᠠᠬᠤ ᠣᠳᠬᠤᠭᠤᠷ ᠮᠠᠰᠢᠨ ᠠᠪᠬᠤ ᠶᠢᠨ ᠲᠠᠭᠠᠣ ᠭᠠᠴᠠᠭᠠᠨ ᠤ ᠪᠠᠨ ᠬᠡᠳᠦᠨ ᠬᠦᠮᠦᠨ ᠲᠠᠢ | ᠬᠠᠮᠳᠣᠷᠠᠨ ᠡᠨᠡᠬᠦ ᠲᠣᠮᠣ ᠪᠣᠭᠤᠳᠠᠯ ᠲᠠᠢ ᠡᠪᠡᠰᠦ ᠪᠠᠨ ᠲᠡᠭᠡᠭᠡᠪᠦᠷᠢᠯᠡᠬᠦ ᠦᠢᠯᠡᠴᠢᠯᠡᠭᠡ ᠶᠢ ᠭᠠᠷᠭᠠᠵᠣ᠂ ᠬᠠᠮᠳᠣᠷᠠᠨ | ᠠᠵᠢᠯᠯᠠᠵᠣ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | | ᠠᠮᠢᠳᠣᠷᠠᠯ ᠠᠬᠤᠢ ᠶᠢᠨ ᠲᠣᠮᠳᠠ ᠰᠢᠨᠡ ᠵᠦᠢᠯ ᠢ ᠰᠡᠳᠬᠢᠵᠦ ᠵᠣᠷᠢᠭᠳᠠᠢ ᠲᠣᠷᠰᠢᠵᠣ ᠦᠵᠡᠳᠡᠭ ᠪᠣᠶᠠᠨᠪᠠᠳᠣ ᠡᠨᠡᠬᠦ | ᠰᠢᠨᠡ ᠬᠡᠯᠪᠡᠷᠢ ᠶᠢᠨ ᠡᠪᠡᠰᠦ ᠪᠣᠭᠤᠳᠠᠯᠯᠠᠬᠤ ᠠᠷᠭᠠ ᠶᠢ ᠡᠷᠳᠡ ᠦᠵᠡᠵᠦ ᠰᠣᠳᠣᠯᠣᠭᠰᠠᠨ ᠪᠦᠭᠡᠳ ᠥᠪᠡᠷ ᠢᠶᠠᠨ ᠬᠠᠮᠤᠭ | ᠲᠦᠷᠦᠭᠦᠦ ᠲᠣᠷᠰᠢᠵᠣ᠂ ᠴᠠᠭ᠂ ᠬᠦᠳᠡᠯᠮᠦᠷᠢ ᠬᠦᠴᠦᠨ ᠳᠤ ᠠᠷᠪᠢᠳᠠᠢ ᠪᠦᠭᠡᠳ ᠡᠪᠡᠰᠦ ᠭᠡᠭᠡᠭᠳᠡᠵᠦ ᠬᠠᠶᠠᠭᠳᠠᠬᠤ ᠨᠢ | ᠪᠠᠭᠠ ᠪᠠᠶᠢᠭᠠ ᠶᠢ ᠠᠵᠢᠭᠯᠠᠵᠣ ᠮᠡᠳᠡᠭᠰᠡᠨ ᠪᠦᠭᠡᠳ ᠲᠦᠷᠦᠭᠦᠦ ᠬᠤᠶᠠᠷ ᠵᠢᠯ ᠣᠶᠢᠷᠠ ᠲᠦᠰᠦᠷ ᠤᠨ ᠠᠶᠢᠯ ᠳᠤ ᠪᠠᠨ | ᠪᠣᠭᠤᠳᠠᠯᠯᠠᠵᠣ ᠲᠡᠭᠡᠭᠡᠵᠦ ᠦᠭᠭᠦᠭᠰᠡᠨ ᠨᠢ ᠣᠣᠯ ᠤᠨ ᠬᠡᠳᠦᠨ ᠠᠷᠪᠠᠨ ᠬᠤᠨᠤᠭ ᠢᠶᠠᠷ ᠦᠷᠭᠦᠯᠵᠢᠯᠡᠳᠡᠭ ᠪᠠᠶᠢᠭᠰᠠᠨ ᠡᠪᠡᠰᠦ | ᠣᠷᠣᠭᠤᠯᠬᠤ ᠠᠵᠢᠯ ᠢ ᠰᠠᠭᠠᠳᠠᠯ ᠦᠭᠡᠢ ᠪᠠᠶᠢᠳᠠᠯ ᠳᠤ᠂ ᠭᠡᠷᠡᠭᠰᠡᠬᠦ ᠴᠠᠭ ᠢ ᠭᠤᠷᠪᠠᠨ ᠲᠠᠬᠢᠨ ᠪᠠᠭᠠᠰᠬᠠᠭᠰᠠᠨ ᠨᠢ ᠣᠯᠠᠨ | ᠬᠦᠮᠦᠨ ᠤ ᠲᠠᠭᠠᠰᠢᠶᠠᠯ ᠢ ᠣᠯᠵᠣ᠂ ᠥᠩᠭᠡᠷᠡᠭᠰᠡᠨ ᠵᠢᠯ ᠳᠤ ᠬᠤᠷᠢᠨ ᠲᠦᠮᠡᠨ ᠲᠦᠭᠦᠷᠢᠭ ᠤᠨ ᠠᠵᠢᠯ ᠢ ᠬᠦᠯᠢᠶᠡᠨ ᠠᠪᠴᠣ | ᠠᠮᠵᠢᠯᠲᠠ ᠲᠠᠢ ᠬᠢᠵᠡᠢ᠃ | | | ᠡᠨᠡ ᠵᠢᠯ ᠪᠣᠭᠤᠳᠠᠯᠯᠠᠬᠤ ᠮᠠᠰᠢᠨ᠂ ᠲᠡᠭᠡᠭᠡᠬᠦ ᠮᠠᠰᠢᠨ ᠢᠶᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠲᠡᠭᠡᠭᠡᠪᠦᠷᠢ ᠶᠢᠨ ᠡᠩᠨᠡᠭᠡ ᠪᠠᠨ | ᠥᠷᠭᠡᠳᠬᠡᠭᠰᠡᠨ ᠪᠣᠶᠠᠨᠪᠠᠳᠣ ᠨᠠᠶᠢᠵᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ᠂ ᠣᠳᠣᠬᠠᠨ ᠪᠣᠯᠬᠤ ᠳᠤ 600 ᠵᠢᠩ ᠤᠨ ᠲᠣᠮᠣ ᠪᠣᠭᠤᠳᠠᠯ | ᠲᠠᠢ ᠡᠪᠡᠰᠦ ᠶᠢ 5000 ᠭᠠᠷᠣᠢ ᠪᠣᠭᠤᠳᠠᠯ ᠪᠣᠭᠤᠳᠠᠯᠯᠠᠵᠣ᠂ ᠲᠡᠭᠡᠭᠡᠪᠦᠷᠢᠯᠡᠬᠦ ᠠᠵᠢᠯ ᠢᠶᠠᠨ ᠬᠢᠵᠦ ᠲᠠᠭᠤᠰᠬᠠᠭᠠᠳ᠂ | ᠰᠢᠨᠡ ᠵᠠᠬᠢᠶᠠᠯᠠᠭᠠ ᠶᠢᠨ ᠠᠵᠢᠯ ᠢᠶᠠᠨ ᠴᠠᠭ ᠲᠠᠢ ᠣᠷᠣᠯᠳᠣᠨ ᠠᠮᠵᠢᠭᠤᠯᠵᠣ᠂ ᠢᠳᠡᠭᠡᠵᠦ ᠨᠠᠶᠢᠳᠠᠭᠰᠠᠨ ᠠᠶᠢᠯ ᠣᠰᠣᠨ ᠤ | ᠪᠠᠨ ᠬᠦᠮᠦᠰ ᠲᠤ ᠡᠨᠡᠬᠦ ᠠᠵᠢᠯ ᠤᠨ ᠢᠶᠠᠨ ᠦᠷᠠ ᠪᠦᠳᠦᠮᠵᠢ ᠪᠠᠷ ᠲᠣᠰᠠ ᠲᠡᠮ᠂ ᠠᠰᠢᠭ ᠬᠦᠷᠳᠡᠮᠵᠢ ᠣᠯᠭᠤᠬᠤ ᠭᠡᠵᠦ | ᠴᠢᠷᠮᠠᠶᠢᠵᠣ ᠶᠠᠪᠣᠨᠠ᠃ | |