| ᠭᠤᠷᠤᠬᠠᠨ ᠬᠠᠨ ᠠᠭᠤᠯᠠ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠳᠠᠬᠢᠵᠦ ᠰᠢᠳᠦᠳᠡᠭ ᠨᠤᠶᠠᠨ ᠤᠷᠬᠢᠯ ᠤᠨ ᠨᠢᠭᠡ᠂ ᠭᠤᠷᠤᠬᠠᠨ ᠬᠠᠨ | ᠠᠭᠤᠯᠠ ᠪᠣᠯ ᠲᠡᠤᠬᠡ ᠶᠢᠨ ᠠᠯᠳᠠᠷᠳᠤ ᠬᠠᠶᠢᠷᠬᠠᠨ ᠶᠤᠮ᠃ ᠠᠳᠡ ᠠᠯᠢ ᠡᠷᠲᠡ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠵᠠᠭᠤᠨ ᠤ | ᠰᠡᠭᠦᠯᠴᠢ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠪᠠᠷ ᠴᠢᠩᠭᠢᠰ ᠬᠠᠭᠠᠨ ᠮᠣᠩᠭᠤᠯ ᠤᠨ ᠲᠠᠷᠠᠬᠠᠢ ᠪᠤᠳᠠᠷᠬᠠᠢ | ᠠᠶᠢᠮᠠᠭ ᠪᠦᠯᠦᠭ ᠢ ᠨᠢᠭᠡᠳᠬᠡᠵᠦ᠂ ᠶᠡᠭᠡ ᠮᠣᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠬᠤ ᠳᠠᠭᠠᠨ ᠳᠠᠶᠢᠨ ᠤ ᠭᠠᠯ ᠳᠦᠷᠡᠯᠵᠢᠬᠦᠯᠵᠦ᠂ | ᠳᠠᠶᠢᠰᠦᠨ ᠤ ᠰᠦᠷ ᠢ ᠳᠠᠷᠤᠭᠠᠳ ᠳᠠᠶᠢᠴᠢᠨ ᠢᠯᠠᠯᠳᠠ ᠴᠤᠤᠷᠢᠶᠠᠳᠤᠭᠤᠯᠤᠨ᠂ ᠠᠯᠳᠠᠨ ᠬᠦᠷᠦᠰᠦᠨ ᠳᠤᠨᠢ | ᠮᠥᠷ ᠢᠶᠠᠨ ᠪᠠᠷᠯᠠᠵᠦ᠂ ᠠᠷᠢᠭᠤᠨ ᠬᠠᠭᠤᠳᠠᠰᠤᠨ ᠳᠤᠨᠢ ᠦᠢᠯᠡᠰ ᠢᠶᠠᠨ ᠪᠢᠴᠢᠭᠯᠡᠵᠦ ᠶᠠᠪᠤᠵᠠᠢ᠃ | ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠠᠨ︾᠂ ︽ᠪᠤᠭᠲᠠ ᠪᠠᠭᠠᠳᠤᠷ ᠤᠨ ᠪᠡᠶᠡ ᠪᠠᠷ ᠳᠠᠶᠢᠯᠠᠭᠰᠠᠨ ᠳᠡᠮᠳᠡᠭᠯᠡᠯ︾ | ᠵᠡᠷᠭᠡ ᠮᠣᠩᠭᠤᠯ ᠲᠡᠤᠬᠡ ᠶᠢᠨ ᠪᠠᠷᠢᠮᠳᠠᠳᠤ ᠳᠤᠯᠭᠤᠷ ᠪᠢᠴᠢᠭ ᠲᠤ ᠲᠣᠪ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠭᠰᠡᠨ ᠢ | ᠦᠨᠳᠦᠰᠦᠯᠡᠪᠡᠯ᠂ 1201 ᠣᠨ ᠳᠤ ᠶᠠᠪᠤᠭᠳᠠᠭᠰᠠᠨ ︽ᠬᠦᠢᠳᠡᠨ ᠤ ᠳᠠᠶᠢᠯᠠᠯᠳᠤᠭᠠᠨ︾᠂ 1202 ᠣᠨ ᠳᠤ | ᠶᠠᠪᠤᠭᠳᠠᠭᠰᠠᠨ ︽ᠳᠠᠯᠠᠨ ᠨᠠᠮᠦᠷᠬᠢᠰ ᠤᠨ ᠳᠤᠯᠤᠯᠳᠤᠭᠠᠨ︾ ᠤ ᠳᠠᠷᠠᠭᠠᠬᠢ ︽ᠮᠠᠭᠤ ᠦᠨᠳᠦᠷ ᠠᠭᠤᠯᠠ ᠶᠢᠨ | ᠳᠤᠯᠤᠯᠳᠤᠭᠠᠨ︾ ᠪᠣᠯ ᠶᠠᠭ ᠰᠠᠶᠢᠬᠠᠨ 1203 ᠣᠨ ᠳᠤ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠦᠵᠡᠮᠵᠢ ᠪᠠᠷ | ᠰᠦᠷᠯᠢᠭ᠂ ᠪᠠᠷᠲᠠᠭᠠ ᠪᠡᠷᠬᠡ ᠲᠠᠢ ᠭᠤᠷᠤᠬᠠᠨ ᠬᠠᠨ ᠠᠭᠤᠯᠠᠨ ᠳᠤ ᠶᠠᠪᠤᠭᠳᠠᠵᠠᠢ᠃ | ᠵᠢᠯ ᠪᠦᠷᠢ ᠡᠬᠡ ᠲᠡᠯᠡᠬᠡᠢ ᠬᠤᠷᠠ ᠤᠮᠳᠠᠯᠠᠵᠦ ᠬᠤᠸᠠᠷ ᠴᠡᠴᠡᠭ ᠮᠢᠷᠠᠯᠵᠠᠭᠤᠯᠤᠨ ᠨᠤᠮᠢᠨ ᠨᠤᠭᠤᠭᠠᠨ ᠢᠶᠠᠷ | ᠴᠢᠮᠡᠭᠯᠡᠭᠰᠡᠨ ᠵᠤᠨ ᠤ ᠳᠤᠮᠳᠠ ᠰᠠᠷᠠ ᠶᠢᠨ ᠬᠤᠷᠢᠨ ᠨᠢᠭᠡᠨ ᠤ ᠡᠳᠦᠷ ᠪᠣᠯ ︽ᠰᠠᠶᠢᠨ ᠦᠨᠳᠦᠷ ᠠᠭᠤᠯᠠ︾ ᠶᠢᠨ | ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠶᠤᠮ᠃ ᠠᠳᠡᠬᠢ ᠮᠣᠩᠭᠤᠯᠴᠤᠳ ᠠᠪᠤᠷᠭᠤ ᠵᠠᠭᠠᠨ ᠤ ᠬᠡᠯᠪᠡᠷᠢ ᠲᠠᠢ᠂ ᠳᠠᠯᠠᠢ ᠶᠢᠨ | ᠳᠦᠪᠰᠢᠨ ᠠᠴᠠ 1400 ᠰᠢᠬᠠᠮ ᠮᠧᠲᠷ ᠦᠨᠳᠦᠷ ᠡᠨᠡ ᠠᠰᠬᠠ ᠤᠷᠬᠢᠯ ᠢ ᠲᠠᠬᠢᠵᠦ ᠰᠢᠳᠦᠬᠦ ᠳᠡᠭᠡᠨ ᠤᠶᠤᠨ | ᠤᠬᠠᠭᠠᠨ ᠤ ᠣᠬᠢ᠂ ᠤᠷᠠᠨ ᠭᠠᠷ ᠤᠨ ᠡᠷᠳᠡᠮ᠂ ᠦᠨᠡᠳᠥ ᠬᠦᠳᠡᠯᠮᠦᠷᠢ ᠶᠢᠨ ᠬᠦᠴᠦ ᠪᠠᠨ ᠬᠠᠷᠠᠮ ᠦᠭᠡᠢ | ᠵᠣᠷᠢᠭᠤᠯᠵᠦ᠂ ᠮᠦᠩᠭᠦᠨ ᠡᠭᠦᠯᠡᠨ ᠳᠤ ᠰᠢᠷᠭᠤᠭᠰᠠᠨ ᠱᠤᠪᠬᠤ ᠤᠷᠤᠢ ᠳᠤᠨᠢ ᠴᠢᠯᠠᠭᠤ ᠵᠦᠭᠡᠭᠡᠪᠤᠷᠢᠯᠡᠨ ᠣᠪᠣᠭᠠ | ᠪᠤᠰᠬᠠᠵᠦ᠂ ᠲᠡᠭᠦᠨ ᠤ ᠭᠠᠳᠠᠭᠤᠷ ᠴᠠᠪᠴᠢᠮᠠᠯ ᠴᠢᠯᠠᠭᠤᠨ ᠬᠡᠷᠡᠮ ᠴᠤᠭᠴᠠᠯᠠᠵᠣ᠂ ᠡᠷᠭᠦᠯ ᠲᠠᠬᠢᠯᠭᠠ ᠶᠢᠨ ᠳᠠᠪᠴᠠᠩ᠂ | ᠰᠠᠩ ᠰᠤᠯᠤᠬᠠ ᠶᠢᠨ ᠱᠠᠩᠯᠤ ᠶᠢᠨ ᠤᠷᠠᠨ ᠰᠡᠶᠢᠯᠦᠮᠡᠯ ᠢᠶᠠᠷ ᠴᠢᠮᠡᠭᠯᠡᠭᠡᠳ᠂ ᠪᠣᠷᠵᠢᠨ ᠴᠢᠯᠠᠭᠤ ᠪᠠᠷ ᠴᠠᠪᠴᠢᠭᠠᠳ | ᠣᠪᠤᠭᠠᠨ ᠤ ᠬᠢ ᠪᠠᠨ ᠠᠰ ᠡᠮᠦᠨᠡ ᠨᠢ ᠰᠦᠯᠳᠡ ᠬᠡᠶᠢᠮᠦᠷᠢ ᠶᠢᠨ ᠮᠦᠩᠭᠡ ᠨᠠᠷᠠᠰᠤᠨ ᠪᠠᠭᠠᠨᠠ ᠬᠠᠳᠬᠤᠵᠦ᠂ | ᠦᠨᠡᠬᠡᠷ ᠴᠦ ᠢᠳᠡ ᠪᠦᠷᠢᠯᠳᠦᠬᠦᠯᠦᠨ ᠤᠬᠠᠭᠠᠨ ᠰᠢᠪᠬᠠᠭᠰᠠᠨ ᠪᠠᠶᠢᠨᠠ᠃ | ︽ᠰᠠᠶᠢᠨ ᠦᠨᠳᠦᠷ ᠠᠭᠤᠯᠠ︾ ᠶᠢᠨ ᠲᠠᠬᠢᠯᠭᠠ ᠶᠢᠨ ᠴᠠᠭ ᠮᠦᠴᠡ ᠪᠣᠯᠬᠤ ᠳᠤ ᠤᠷᠭᠤᠬᠤ ᠨᠠᠷᠠᠨ ᠤ | ᠤᠯᠠᠭᠠᠨ ᠲᠤᠶᠠᠭᠠ ᠠᠴᠠ ᠤᠷᠢᠳᠠᠨ ᠢᠷᠡᠭᠰᠡᠨ ᠮᠣᠩᠭᠤᠯᠴᠤᠳ ᠠᠷᠢᠭᠤᠨ ᠴᠠᠭᠠᠨ ᠰᠦᠨ ᠤ ᠳᠡᠭᠡᠵᠢ ᠪᠠᠨ ᠡᠷᠭᠦᠵᠦ᠂ | ᠠᠭᠠᠷᠤ ᠽᠠᠨᠳᠠᠨ ᠦᠨᠦᠷ ᠠᠩᠭᠢᠯᠤᠭᠰᠠᠨ ᠰᠠᠩ ᠠᠷᠢᠭᠤᠳᠬᠠᠯ ᠬᠢᠵᠦ ᠠᠩᠬᠠᠨ ᠤ ᠮᠢᠨᠳᠠᠭ᠂ ᠳᠡᠭᠡᠳᠦᠰ ᠤᠨ | ᠡᠷᠭᠦᠮᠵᠢᠯᠡᠯ ᠲᠠᠢ ︽ᠬᠤᠰᠢᠭᠤ ᠰᠠᠩ ᠳᠤ ᠲᠠᠩᠰᠠ ᠲᠠᠢ︾᠂ ︽ᠰᠠᠶᠢᠨ ᠦᠨᠳᠦᠷ ᠠᠭᠤᠯᠠ︾ ᠭᠡᠰᠡᠨ ᠵᠢᠩᠬᠢᠨᠢ | ᠨᠡᠷᠡ ᠶᠢ ᠨᠢ ᠳᠠᠭᠤᠳᠠᠵᠦ ᠰᠦᠰᠦᠭ ᠳᠠᠭᠠᠳᠬᠠᠯ ᠢᠶᠠᠨ ᠭᠦᠢᠴᠡᠳᠬᠡᠳᠡᠭ ᠪᠠᠶᠢᠨᠠ᠃ ᠣᠪᠣᠭᠠ ᠤᠰᠤ ᠪᠠᠨ ᠲᠠᠬᠢᠵᠦ | ᠪᠠᠷᠠᠭᠠᠳ ᠪᠠᠭᠤᠪᠠᠯ ᠤᠭ ᠤᠨ ᠲᠤᠭᠲᠠᠭᠠᠯ᠂ ᠡᠷᠲᠡᠨ ᠤ ᠵᠣᠷᠰᠢᠯ ᠶᠤᠰᠤᠭᠠᠷ ᠠᠷᠤ ᠡᠩᠭᠡᠷ ᠬᠤᠶᠠᠷ ᠲᠠᠯᠠ ᠳᠤᠨᠢ ᠵᠢᠯ | ᠡᠭᠡᠯᠵᠢᠯᠡᠨ ᠬᠤᠷᠠᠳᠠᠭ — ᠣᠪᠣᠭᠠ ᠬᠤᠢ ᠪᠠᠨ ᠬᠤᠷᠠᠵᠦ᠂ ᠡᠪᠦᠭᠡ ᠳᠡᠭᠡᠳᠤ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠡᠷᠡ ᠶᠢᠨ | ᠭᠤᠷᠪᠠᠨ ᠮᠦᠷᠦᠶᠢᠴᠡᠭᠡᠨ ᠶᠠᠪᠤᠭᠤᠯᠵᠦ᠂ ︽ᠰᠠᠶᠢᠨ ᠦᠨᠳᠦᠷ ᠠᠭᠤᠯᠠ︾ ᠶᠢᠨ ᠬᠢ ᠪᠠᠨ ᠲᠡᠤᠬᠡ ᠶᠢᠨ ᠢᠯᠠᠯᠳᠠ ᠶᠢ | ᠲᠤᠷᠠᠰᠬᠠᠵᠦ᠂ ᠢᠷᠡᠭᠡᠳᠦᠢ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠢ ᠨᠢ ᠪᠡᠯᠭᠡᠳᠡᠭ ᠪᠠᠶᠢᠵᠠᠢ᠃ | |