| ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠨᠤᠶᠠᠨ ᠤᠷᠬᠢᠯ ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ | | | ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠤᠭ᠍ᠶᠤ ᠨᠤᠭᠤᠭᠠᠨ ᠲᠠᠯᠠ ᠨᠤᠲᠤᠭ ᠤᠨ ᠰᠦᠯᠳᠡ ᠪᠤᠯᠤᠨ ᠰᠦᠨᠳᠡᠷᠯᠡᠭᠰᠡᠨ | ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ ᠪᠣᠯ ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠭᠠᠷ ᠬᠤᠰᠢᠭᠤᠨ ᠤ ᠵᠡᠭᠦᠨ ᠪᠡᠶᠡ ᠳᠤ ᠤᠭᠠᠯᠵᠠᠯᠠᠨ | ᠮᠢᠷᠠᠯᠵᠠᠭᠰᠠᠨ ᠠᠯᠳᠠᠨ ᠬᠢᠩᠭᠠᠨ ᠤ ᠰᠤᠯᠤᠩᠭᠠᠨ ᠬᠦᠪᠴᠢ ᠳᠤ ᠲᠤᠰ ᠠᠶᠢᠮᠠᠭ ᠤᠨ ᠨᠤᠶᠠᠨ ᠤᠷᠬᠢᠯ ᠪᠤᠯᠤᠨ | ᠵᠤᠭᠰᠤᠭᠰᠠᠨ ᠶᠤᠮ᠃ | ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ ᠪᠣᠯ ᠦᠵᠦᠮᠦᠴᠢᠨ ᠤ ᠠᠯᠳᠠᠷᠳᠤ ᠲᠠᠪᠤᠨ ᠬᠠᠨ ᠠᠭᠤᠯᠠ ᠶᠢᠨ ᠬᠠᠮᠤᠭ ᠤᠨ ᠠᠬᠠ | ᠭᠡᠳᠡᠭ᠃ ᠲᠡᠭᠦᠨ ᠤ ︽ᠬᠠᠷᠠ ᠭᠤᠨᠠ ᠲᠠᠢ︾ ᠭᠡᠳᠡᠭ ᠨᠡᠷᠡᠶᠢᠳᠦᠯ ᠢ ᠡᠷᠲᠡᠨ ᠤ ᠲᠤᠮᠤᠭ ᠲᠤ᠄ ︽ᠠᠳᠡᠬᠢ | ᠬᠠᠶᠢᠷᠬᠠᠨ ᠤ ᠯᠤᠤᠰ ᠨᠢ ᠬᠠᠷᠠ ᠭᠤᠨᠠ ᠶᠢᠨ ᠦᠬᠡᠷ ᠬᠦᠯᠭᠡᠯᠡᠭᠰᠡᠨ ᠰᠠᠬᠢᠭᠤᠯᠰᠤᠨ ᠪᠠᠶᠢᠵᠦ᠂ ᠵᠠᠩᠭᠢᠯᠠᠭᠠ ᠪᠠᠴᠢᠮ | ᠦᠶᠡ ᠳᠤ ᠤᠷᠤᠨ ᠨᠤᠲᠤᠭ ᠤᠨ ᠬᠦᠮᠦᠨ ᠠᠷᠠᠳ ᠢᠶᠠᠨ ᠦᠷᠦᠰᠢᠶᠡᠨ ᠳᠡᠳᠬᠦᠵᠦ ᠪᠠᠶᠢᠭᠰᠠᠨ ᠠᠴᠠ ︿ᠬᠠᠷᠠᠭᠤᠨᠳᠠᠢ﹀ | ᠭᠡᠵᠦ ᠡᠷᠬᠦᠮᠵᠢᠯᠡᠭᠰᠡᠨ ᠶᠤᠮ︾ ᠭᠡᠵᠦ ᠬᠠᠭᠤᠴᠢᠯᠠᠳᠠᠭ᠃ ᠶᠡᠷᠦ ᠨᠢ ︽ᠬᠤᠰᠢᠭᠤ ᠰᠠᠩ︾ ᠵᠡᠷᠭᠡ ᠤᠷᠤᠨ | ᠨᠤᠲᠤᠭ ᠤᠨ ᠳᠡᠤᠬᠡ ᠬᠤᠯᠪᠤᠭᠠ ᠳᠤ ︽ᠬᠠᠷᠠ ᠭᠤᠨᠠ ᠲᠠᠢ︾ ᠭᠡᠵᠦ ᠳᠡᠮᠳᠡᠭᠯᠡᠵᠦ ᠪᠠᠶᠢᠵᠠᠢ᠃ ᠬᠤᠵᠢᠮ ᠤᠨ | ᠬᠦᠮᠦᠰ ︽ᠬᠠᠷᠠᠭᠠᠨᠠᠳᠠᠢ︾ ᠭᠡᠵᠦ ᠳᠦᠭᠦᠮᠴᠢᠯᠡᠭᠡᠳ᠂ ᠤᠳᠤ ︽ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ︾ ᠭᠡᠵᠦ | ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨᠠ᠃ | ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ ᠨᠢ ᠦᠵᠦᠮᠦᠴᠢᠨ ᠲᠠᠪᠤᠨ ᠬᠠᠨ ᠠᠭᠤᠯᠠ ᠶᠢᠨ ᠬᠠᠮᠤᠭ ᠠᠬᠠ ᠪᠠ ᠰᠢᠯᠢ ᠶᠢᠨ | ᠭᠤᠣᠯ ᠠᠶᠢᠮᠠᠭ ᠤᠨ ᠬᠠᠮᠤᠭ ᠦᠨᠳᠦᠷ ᠨᠤᠶᠠᠨ ᠤᠷᠬᠢᠯ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ︽ᠰᠤᠭᠰᠠᠷᠠᠭᠠ︾ ᠶᠢᠨ | ᠠᠭᠤᠯᠠ ᠨᠢᠷᠤᠭᠤ ᠶᠢᠨ ᠳᠤᠮᠳᠠ᠂ ᠬᠢᠩᠭᠠᠨ ᠳᠠᠪᠠᠭᠠ᠂ ᠮᠣᠨᠢ ᠠᠭᠤᠯᠠ ᠶᠢᠨ ᠵᠢᠷᠤᠬᠡ ᠶᠢ ᠬᠤᠯᠪᠤᠨ ᠪᠤᠰᠴᠦ᠂ ᠡᠷᠲᠡ | ᠳᠡᠭᠡᠳᠦ ᠳᠡᠭᠡᠨ ᠵᠡᠭᠦᠨ ᠪᠡᠶᠡ ᠨᠢ ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠤᠷᠤᠰ ᠬᠤᠶᠠᠷ ᠰᠤᠮᠤᠨ ᠳᠤ | ᠬᠠᠷᠢᠶᠠᠯᠠᠭᠳᠠᠳᠠᠭ᠃ ᠪᠠᠷᠠᠭᠤᠨ ᠬᠤᠶᠢᠳᠤ ᠪᠡᠶᠡ ᠨᠢ ᠬᠤᠶᠠᠷ ᠦᠵᠦᠮᠦᠴᠢᠨ ᠤ ᠠᠶᠢᠯ ᠡᠷᠦᠬᠡ ᠪᠠᠷ ᠪᠦᠷᠢᠯᠳᠦᠭᠰᠡᠨ ︽ | ᠦᠪᠦᠷ ᠲᠠᠪᠢᠨ ᠤ ᠦᠷᠲᠡᠭᠡ︾ ᠬᠠᠷᠢᠶᠠ ᠨᠤᠲᠤᠭ ᠢᠶᠠᠷ ᠳᠠᠮᠵᠢᠵᠦ ᠪᠠᠭᠠᠷᠢᠨ ᠲᠠᠢ ᠵᠠᠬᠠ ᠨᠡᠶᠢᠯᠡᠨᠡ᠃ | ᠬᠠᠷᠠᠭᠠᠨᠠᠳᠠᠢ ᠬᠠᠨ ᠠᠭᠤᠯᠠ ᠶᠢᠨ ᠪᠠᠶᠠᠨ ᠪᠠᠶᠢᠭᠠᠯᠢ ᠥᠭᠯᠢᠭᠡᠴᠢ ᠰᠠᠩ᠂ ᠡᠷᠲᠡ ᠤᠵᠠᠭᠤᠷ ᠠᠴᠠ ᠬᠦᠮᠦᠨ | ᠳᠦᠷᠦᠯᠬᠢᠳᠠᠨ ᠤ ᠠᠮᠢᠳᠤᠷᠠᠯ ᠳᠤ ᠬᠢᠵᠠᠭᠠᠷ ᠦᠭᠡᠢ ᠭᠠᠪᠢᠶᠠ᠂ ᠬᠡᠮᠵᠢᠶᠡ ᠦᠭᠡᠢ ᠵᠢᠳᠬᠦᠯ ᠦᠵᠡᠬᠦᠯᠦᠭᠰᠡᠨ ᠠᠴᠠ | ᠮᠤᠩᠭᠤᠯᠴᠤᠳ ᠨᠡᠩ ᠴᠦ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠳᠡᠭᠦᠨ ᠤ ᠠᠴᠢ ᠭᠠᠪᠢᠶᠠ ᠶᠢ ᠨᠢ ᠪᠢᠰᠢᠷᠡᠨ᠂ ᠠᠤᠭᠠ | ᠬᠠᠯᠠᠮᠵᠢ ᠶᠢ ᠨᠢ ᠬᠦᠨᠳᠦᠳᠬᠡᠨ᠂ ᠠᠭᠤᠯᠠ ᠤᠰᠤ ᠪᠠᠨ ᠠᠭᠤᠰᠬᠢ ᠶᠢᠨ ᠰᠤᠳᠠᠰᠤ ᠲᠠᠢ ᠪᠠᠨ ᠬᠤᠯᠪᠤᠭᠰᠠᠨ ᠭᠦᠨ | ᠵᠣᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠪᠠᠷ ᠦᠵᠦᠮᠦᠴᠢᠨ ᠠᠶᠢᠮᠠᠭ ᠠᠯᠢ ᠡᠷᠲᠡ ᠠᠷᠪᠠᠨ ᠳᠤᠯᠤᠳᠤᠭᠠᠷ ᠵᠠᠭᠤᠨ ᠤ | ᠳᠦᠴᠢᠭᠡᠳ ᠣᠨ ᠳᠤ ᠳᠡᠭᠦᠨ ᠤ ᠵᠡᠭᠦᠨ ᠪᠡᠶᠡ ᠳᠤ ︽ᠦᠵᠦᠮᠦᠴᠢᠨ ᠠᠶᠢᠮᠠᠭ ᠤᠨ ᠤᠤᠭᠠᠨ ᠦᠯᠦᠭᠡᠢ — | ᠵᠢᠭᠠᠰᠤᠳᠠᠢ ᠶᠢᠨ ᠭᠤᠣᠯ︾ ᠤᠨ ᠡᠬᠢᠨ ᠳᠤ ᠬᠤᠰᠢᠭᠤ ᠵᠠᠰᠠᠭ ᠪᠠᠶᠢᠭᠤᠯᠬᠤ ᠦᠶᠡ ᠠᠴᠠ ︽ᠬᠤᠰᠢᠭᠤ ᠣᠪᠣᠭᠠ︾ | ᠪᠠᠷ ᠲᠤᠭᠳᠠᠭᠠᠨ ᠲᠠᠬᠢᠵᠦ ᠰᠢᠳᠦᠭᠰᠡᠨ ᠪᠠᠶᠢᠵᠠᠢ᠃ | |