| ᠦᠵᠦᠮᠦᠴᠢᠨ ᠤ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠤ ᠠᠬᠤᠢ ᠪᠣᠯ ᠲᠡᠳᠡᠨ ᠤ ᠠᠵᠤ ᠠᠬᠤᠢ ᠶᠢᠨ ᠲᠣᠭᠤᠷᠢᠨ ᠳᠤ | ᠶᠠᠪᠤᠭᠳᠠᠳᠠᠭ ᠪᠠᠰᠠ ᠨᠢᠭᠡ ᠴᠢᠬᠤᠯᠠ ᠠᠵᠤ ᠦᠢᠯᠡᠰ ᠪᠣᠯᠣᠨᠠ᠃ | ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠤ ᠠᠬᠤᠢ ᠨᠢ᠂ ᠦᠵᠦᠮᠦᠴᠢᠨ ᠤ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ | ᠪᠣᠯᠣᠨ ᠣᠯᠠᠨ ᠲᠦᠮᠡᠨ ᠤ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠤᠨ ᠴᠢᠬᠤᠯᠠ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠬᠤ | ᠵᠠᠶᠢᠯᠠᠰᠢ ᠦᠭᠡᠢ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠣᠯᠵᠤ᠂ ᠠᠯᠢ ᠡᠷᠲᠡ ᠠᠴᠠ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠠᠵᠤ ᠠᠬᠤᠢ ᠪᠠᠶᠢᠵᠠᠢ᠃ | ᠦᠵᠦᠮᠦᠴᠢᠨ ᠤ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢ ᠭᠤᠣᠯᠳᠠᠭᠤ ᠦᠬᠡᠷ ᠲᠡᠷᠭᠡ ᠳᠤ ᠬᠢᠳᠡᠭ᠃ ᠦᠬᠡᠷ ᠲᠡᠷᠭᠡ ᠨᠢ | ᠨᠡᠭᠦᠳᠡᠯ ᠤᠨ ᠴᠢᠬᠤᠯᠠ ᠵᠥᠭᠡᠭᠡᠪᠦᠷᠢ ᠶᠢᠨ ᠪᠠᠭᠠᠵᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠴᠢᠬᠤᠯᠠ | ᠪᠠᠭᠠᠵᠢ ᠪᠠᠶᠢᠳᠠᠭ᠃ ᠨᠡᠩ ᠴᠦ ᠣᠲᠣᠷ ᠨᠡᠭᠦᠳᠡᠯ ᠳᠤ ᠦᠬᠡᠷ ᠲᠡᠷᠭᠡ ᠬᠡᠷᠡᠭᠯᠡᠳᠡᠭ ᠶᠠᠪᠤᠳᠠᠯ ᠨᠢ᠂ ᠠᠶᠠᠨ ᠲᠡᠭᠡᠭᠡᠪᠦᠷᠢ | ᠳᠤ ᠦᠬᠡᠷ ᠲᠡᠷᠭᠡ ᠬᠡᠷᠡᠭᠯᠡᠬᠦ ᠳᠤ ᠲᠣᠩ ᠳᠥᠭᠦᠮ ᠮᠥᠷᠲᠡᠭᠡᠨ ᠡᠯᠪᠡᠭ ᠨᠥᠬᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠵᠦ ᠥᠭᠴᠡᠢ᠃ | ᠲᠡᠦᠬᠡᠨ ᠳᠠᠬᠢ ᠦᠵᠦᠮᠦᠴᠢᠨ ᠤ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠬᠢᠬᠦ ᠬᠡᠪᠴᠢᠶᠡ ᠨᠢ ᠭᠤᠣᠯᠳᠠᠭᠤ ᠦᠵᠦᠮᠦᠴᠢᠨ ᠪᠣᠯᠣᠨ | ᠪᠤᠰᠤᠳ ᠬᠤᠰᠢᠭᠤ ᠰᠢᠶᠠᠨ ᠤ ᠬᠤᠭᠤᠷᠣᠨᠳᠤ᠂ ᠳᠠᠪᠠᠭᠠᠨ ᠠᠷᠤ ᠪᠣᠯᠣᠨ ᠳᠠᠪᠠᠭᠠᠨ ᠡᠩᠭᠡᠷ ᠤᠨ ᠬᠤᠭᠤᠷᠣᠨᠳᠤ᠂ | ᠬᠥᠳᠡᠭᠡ ᠪᠣᠯᠣᠨ ᠬᠤᠲᠠ ᠪᠠᠯᠭᠠᠰᠤ ᠶᠢᠨ ᠬᠤᠭᠤᠷᠣᠨᠳᠤ᠂ ᠠᠵᠤ ᠠᠬᠤᠢ ᠶᠢᠨ ᠰᠣᠯᠢᠯᠴᠠᠭᠠ ᠬᠢᠬᠦ᠂ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠤᠨ ᠡᠳ᠋ ᠪᠣᠳᠠᠰ ᠢᠶᠠᠨ ᠬᠠᠷᠢᠯᠴᠠᠨ ᠰᠣᠯᠢᠯᠴᠠᠵᠤ᠂ ᠲᠠᠸᠠᠷᠯᠠᠬᠤ ᠬᠡᠪᠴᠢᠶᠡᠨ ᠳᠤ | ᠶᠠᠪᠤᠭᠳᠠᠵᠤ ᠪᠠᠶᠢᠵᠠᠢ᠃ ᠡᠨᠡ ᠬᠡᠪᠴᠢᠶᠡᠨ ᠳᠣᠲᠣᠷᠠ ︽ᠠᠶᠠᠨ︾ ᠦᠵᠦᠮᠦᠴᠢᠨ ᠤ ᠴᠢᠬᠤᠯᠠ ᠵᠠᠮ ᠬᠠᠷᠢᠯᠴᠠᠭᠠᠨ ᠤ | ᠠᠷᠭᠠ ᠪᠠᠷᠢᠯ ᠪᠣᠯᠬᠤ ᠮᠥᠷᠲᠡᠭᠡᠨ ᠠᠵᠤ ᠠᠬᠤᠢ ᠶᠢᠨ ᠠᠷᠭᠠ ᠪᠠᠷᠢᠯ ᠪᠣᠯᠵᠤ ᠪᠠᠶᠢᠪᠠ᠃ | ᠦᠵᠦᠮᠦᠴᠢᠨ ᠠᠶᠠᠨ ᠨᠢ ᠲᠡᠦᠬᠡᠨ ᠳᠤ ᠠᠵᠤ ᠠᠬᠤᠢ ᠶᠢᠨ ᠰᠢᠨᠵᠢ ᠴᠢᠨᠠᠷ ᠲᠠᠢ ᠪᠣᠯᠣᠭᠰᠠᠨ ᠤ ᠤᠴᠢᠷ᠂ | ᠨᠡᠶᠢᠭᠡᠮ ᠨᠡᠶᠢᠲᠡ ᠳᠤ ᠬᠤᠯᠪᠣᠭᠳᠠᠬᠤ ᠬᠡᠮᠵᠢᠶᠡ ᠨᠢ ᠲᠣᠩ ᠥᠷᠭᠡᠨ ᠪᠠᠶᠢᠳᠠᠭ᠃ ᠦᠵᠦᠮᠦᠴᠢᠨ ᠤ ᠠᠶᠢᠯ ᠡᠷᠦᠬᠡ | ᠨᠢᠭᠡᠪᠦᠷᠢ ᠨᠢ ᠪᠦᠷ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠬᠢᠬᠦ ᠳᠤ ᠣᠷᠣᠯᠴᠠᠨᠠ᠃ ᠠᠶᠠᠨ ᠬᠢᠬᠦ ᠳᠡᠭᠡᠨ ᠠᠶᠢᠯ ᠠᠶᠢᠮᠠᠭ᠂ ᠬᠤᠲᠠ | ᠬᠤᠷᠤᠭᠠ᠂ ᠭᠤᠣᠯ ᠤᠰᠤ ᠪᠠᠷ ᠢᠶᠠᠨ ᠬᠡᠰᠡᠭ ᠬᠡᠰᠡᠭ ᠨᠡᠶᠢᠯᠡᠵᠦ᠂ ︽ᠨᠢᠭᠡ ᠭᠠᠯ ᠠᠶᠠᠨ︾ ᠪᠠᠶᠢᠭᠤᠯᠵᠤ᠂ ᠭᠠᠯ | ᠭᠠᠯ ᠢᠶᠠᠷ ᠶᠠᠪᠤᠳᠠᠭ᠃ ︽ᠭᠠᠯ ᠠᠶᠠᠨ︾ ᠳᠤ 3 — 5᠂ ᠠᠷᠪᠢᠨ ᠳᠠᠭᠠᠨ 7 ᠬᠥᠮᠥᠨ ᠨᠡᠯᠢᠶᠡᠳ ᠲᠣᠬᠢᠷᠠᠮᠵᠢ | ᠲᠠᠢ ᠪᠠᠶᠢᠵᠤ᠂ ︽ᠭᠠᠯ ᠤᠨ ᠠᠬᠠ︾ ᠳᠠᠷᠤᠭᠠᠯᠠᠵᠤ᠂ ︽ᠤᠳᠠᠭᠠ ᠠᠬᠠ︾ ᠬᠡᠷᠡᠭ ᠬᠠᠮᠢᠶᠠᠷᠤᠭᠴᠢ᠂ ︽ | ᠰᠢᠳᠬᠡᠭᠴᠢ︾ ᠪᠣᠯᠵᠤ ᠠᠶᠠᠯᠠᠨᠠ᠃ ᠠᠶᠠᠨ ᠳᠤ ᠶᠠᠪᠤᠬᠤ ᠳᠤ ᠬᠡᠪᠰᠢᠵᠦ ᠲᠣᠭᠲᠠᠭᠰᠠᠨ ᠬᠠᠮᠲᠤ ᠶᠢᠨ ᠳᠦᠷᠢᠮ | ᠶᠣᠰᠣ ᠲᠠᠢ᠂ ᠲᠦᠷᠦᠭᠦᠦ ᠪᠠᠭᠤᠴᠢ ᠳᠤ ᠠᠵᠢᠯ ᠢᠶᠠᠨ ᠪᠠᠶᠢᠷᠢᠯᠠᠭᠤᠯᠵᠤ᠂ ᠠᠶᠠᠨ ᠤ ᠶᠠᠪᠤᠴᠠ ᠳᠤ ᠪᠠᠶᠢᠷᠢᠯᠠᠭᠤᠯᠤᠯᠲᠠ | ᠪᠠᠨ ᠪᠡᠶᠡᠯᠡᠭᠦᠯᠵᠦ᠂ ︽ᠣᠳᠬᠤᠨ ᠪᠠᠭᠤᠴᠢ︾ ᠳᠤ ᠠᠶᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠭᠠᠷᠤᠭᠰᠠᠨ᠂ ᠬᠡᠷᠡᠭ ᠤᠴᠢᠷ ᠢ | ᠪᠦᠬᠦᠨ ᠢ ᠰᠢᠳᠬᠡᠨ ᠳᠠᠭᠤᠰᠬᠠᠵᠤ᠂ ᠬᠡᠭᠡᠷᠡ ᠶᠢᠨ ᠤᠴᠢᠷ ᠢ ᠬᠡᠭᠡᠷᠡ ᠨᠢ ᠲᠡᠭᠦᠰᠬᠡᠵᠦ᠂ ︽ᠣᠳᠬᠤᠨ ᠪᠠᠭᠤᠴᠢ︾ | ᠠᠴᠠ ᠪᠦᠭᠦᠳᠡᠭᠡᠷ ᠢᠶᠠᠨ ᠭᠡᠷ ᠭᠡᠷ ᠲᠡᠭᠡᠨ ᠪᠠᠶᠠᠷᠲᠠᠢ ᠰᠠᠯᠵᠤ ᠶᠠᠪᠤᠳᠠᠭ ᠪᠠᠶᠢᠨᠠ᠃ | ᠦᠵᠦᠮᠦᠴᠢᠨ ᠤ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠤ ᠠᠬᠤᠶᠢᠯᠠᠯ ᠢ ᠭᠤᠣᠯ ᠬᠤᠶᠠᠷ ᠶᠡᠭᠡ ᠪᠦᠯᠦᠭ ᠲᠤ | ᠬᠤᠪᠢᠶᠠᠨᠠ᠃ | 1. ᠳᠠᠪᠤᠰᠤᠨ ᠠᠶᠠᠨ — ᠳᠠᠪᠤᠰᠤᠨ ᠠᠶᠠᠨ ᠪᠣᠯ ᠦᠵᠦᠮᠦᠴᠢᠨ ᠤ ᠠᠶᠠᠨ ᠤ ᠭᠤᠣᠯ ᠨᠢᠭᠡ | ᠲᠤᠰᠬᠠᠶᠢᠵᠢᠭᠰᠠᠨ ᠠᠵᠤ ᠠᠬᠤᠶᠢᠯᠠᠯ ᠤᠨ ᠴᠢᠨᠠᠷ ᠲᠠᠢ ᠠᠶᠠᠨ ᠪᠣᠯᠣᠨᠠ᠃ | ᠳᠠᠪᠤᠰᠤᠨ ᠠᠶᠠᠨ ᠢᠶᠠᠷ ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠣᠷᠣᠨ ᠨᠤᠲᠤᠭ ᠤᠨ ᠣᠨᠴᠠ ᠭᠠᠷᠤᠯᠲᠠ ᠪᠠᠨ | ᠠᠰᠢᠭᠯᠠᠨ᠂ ᠥᠪᠡᠷ ᠤᠨ ᠬᠥᠮᠥᠨ ᠮᠠᠯ ᠤᠨ ᠢᠳᠡᠬᠦ ᠳᠠᠪᠤᠰᠤ ᠪᠠᠨ ᠲᠡᠭᠡᠭᠡᠵᠦ ᠬᠠᠩᠭᠠᠬᠤ ᠠᠴᠠ ᠭᠠᠳᠠᠨᠠ᠂ | ᠭᠤᠣᠯᠳᠠᠭᠤ ᠳᠠᠪᠤᠰᠤ ᠪᠠᠨ ᠵᠠᠯᠠᠵᠤ ᠭᠠᠳᠠᠷ ᠣᠷᠣᠨ ᠳᠤ ᠬᠦᠷᠭᠡᠵᠦ ᠪᠣᠷᠣᠯᠠᠭᠤᠯᠵᠤ ᠲᠠᠸᠠᠷᠯᠠᠳᠠᠭ ᠲᠤᠰᠬᠠᠢ ᠠᠶᠠᠨ | ᠪᠠᠶᠢᠪᠠ᠃ | ᠳᠠᠪᠤᠰᠤ ᠶᠢ ᠲᠡᠳᠡ᠂ ᠦᠵᠦᠮᠦᠴᠢᠨ ᠤ ᠲᠡᠦᠬᠡᠨ ᠳᠤ ᠨᠠᠷᠠᠲᠠᠢ ︽ᠡᠵᠢ ᠨᠠᠭᠤᠷ︾ ᠠᠴᠠ ᠵᠠᠯᠠᠳᠠᠭ᠃ ᠠᠶᠠᠨ | ᠳᠤ ᠶᠠᠪᠤᠬᠤ ᠳᠤ ᠦᠵᠦᠮᠦᠴᠢᠨ ᠠᠶᠢᠯ ᠡᠷᠦᠬᠡ ᠨᠢᠭᠡᠪᠦᠷᠢ ᠥᠪᠡᠷ ᠤᠨ ᠬᠡᠷᠡᠭᠴᠡᠭᠡ ᠪᠠ ᠠᠮᠢᠳᠤᠷᠠᠯ ᠤᠨ ᠲᠦᠪᠰᠢᠨ ᠤ | ᠬᠢᠷᠢ ᠬᠡᠮᠵᠢᠶᠡ ᠳᠡᠭᠡᠨ ᠲᠣᠬᠢᠷᠠᠭᠤᠯᠵᠤ ᠠᠳᠠᠯᠢ ᠦᠭᠡᠢ ᠪᠠᠷ ᠬᠥᠳᠡᠯᠮᠦᠷᠢ ᠬᠦᠴᠦ ᠪᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨ᠂ | ᠦᠬᠡᠷ ᠲᠡᠷᠭᠡ ᠪᠠᠨ ᠭᠠᠷᠭᠠᠵᠤ᠂ ᠵᠣᠨ ᠪᠣᠯᠭᠠᠨ 1 ~ 2 ᠤᠳᠠᠭᠠ ᠬᠢᠳᠡᠭ᠃ ᠮᠥᠨ ︽ᠭᠠᠯ ᠢᠶᠠᠷ ᠨᠢᠭᠡᠴᠢᠯᠡᠵᠦ︾ | ᠂ ᠭᠠᠯ ᠠᠶᠠᠨ ᠤ ᠳᠣᠲᠣᠷᠠ ᠪᠠᠨ ᠨᠢᠭᠡ ᠡᠷᠡᠭᠲᠡᠢ ᠬᠥᠳᠡᠯᠮᠦᠷᠢ 5 ~ 7 ᠲᠡᠷᠭᠡ ᠬᠥᠲᠥᠯᠵᠦ ᠠᠶᠠᠯᠠᠨᠠ᠃ ᠲᠡᠷᠭᠡ | ᠪᠦᠷᠢ ᠳᠡᠭᠡᠨ ᠲᠤᠰᠬᠠᠢ ᠬᠦᠷᠦᠭᠰᠡᠨ ᠳᠠᠪᠤᠰᠤᠨ ᠬᠤᠩᠰᠤ ᠲᠠᠯᠪᠢᠵᠤ ᠲᠡᠭᠡᠭᠡᠳᠡᠭ᠃ ᠳᠠᠪᠤᠰᠤᠨ ᠬᠤᠩᠰᠤ ᠨᠢ ᠲᠡᠷᠭᠡᠨ | ᠳᠠᠭᠠᠭᠠᠴᠠ ᠳᠠᠭᠠᠨ ᠲᠣᠬᠢᠷᠠᠵᠤ᠂ 500 ᠵᠢᠩ ᠠᠴᠠ 5 ᠳ᠋ᠸᠦ ᠳᠠᠪᠤᠰᠤ ᠣᠷᠣᠬᠤ ᠬᠡᠮᠵᠢᠶᠡ ᠲᠠᠢ᠃ | ᠦᠵᠦᠮᠦᠴᠢᠨ ᠤ ᠳᠠᠪᠤᠰᠤᠨ ᠠᠶᠠᠨᠴᠢᠳ ᠵᠠᠯᠠᠭᠰᠠᠨ ᠳᠠᠪᠤᠰᠤ ᠪᠠᠨ ᠬᠡᠷᠡᠭᠴᠡᠭᠡ ᠪᠠ ᠵᠣᠷᠢᠯᠭᠠ ᠪᠠᠨ | ᠦᠨᠳᠦᠰᠦᠯᠡᠵᠦ᠂ ᠰᠢᠭᠤᠳ ᠭᠠᠳᠠᠭᠰᠢ ᠪᠠᠨ ᠳᠣᠲᠣᠷᠠ ᠭᠠᠵᠠᠷ ᠬᠤᠲᠠ ᠰᠢᠶᠠᠨ ᠢᠶᠠᠷ ᠠᠪᠠᠴᠢᠵᠤ ᠬᠤᠳᠠᠯᠳᠤᠨ | ᠪᠣᠷᠣᠯᠠᠭᠤᠯᠬᠤ ᠪᠤᠶᠤ ᠡᠰᠡᠬᠦᠯᠡ ᠭᠡᠷ ᠨᠤᠲᠤᠭ ᠲᠠᠭᠠᠨ ᠠᠪᠴᠢᠷᠠᠵᠤ᠂ ᠬᠥᠮᠥᠨ ᠮᠠᠯ ᠤᠨ ᠬᠡᠷᠡᠭᠯᠡᠬᠦ ᠢᠳᠡᠰᠢ ᠶᠢᠨ | ᠳᠠᠪᠤᠰᠤ ᠪᠠᠨ ᠦᠯᠡᠳᠡᠭᠡᠨ ᠠᠪᠴᠤ ᠪᠤᠰᠤᠳ ᠢᠶᠠᠨ ᠲᠠᠬᠢᠨ ᠭᠠᠳᠠᠭᠰᠢ ᠭᠠᠳᠠᠨᠠ ᠣᠷᠣᠨ ᠳᠤ ᠵᠥᠭᠡᠭᠡᠪᠦᠷᠢᠯᠡᠨ | ᠠᠪᠠᠴᠢᠵᠤ ᠪᠣᠷᠣᠯᠠᠭᠤᠯᠳᠠᠭ ᠪᠠᠶᠢᠵᠠᠢ᠃ | 2. ᠪᠤᠳᠠᠭᠠᠨ ᠤ ᠠᠶᠠᠨ — ᠪᠤᠳᠠᠭᠠᠨ ᠤ ᠠᠶᠠᠨ ᠪᠣᠯ ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠤᠨ ᠬᠦᠨᠡᠰᠦ ᠶᠢᠨ | ᠠᠮᠤ ᠪᠤᠳᠠᠭᠠ ᠪᠠᠨ ᠭᠠᠳᠠᠷ ᠣᠷᠣᠨ ᠠᠴᠠ ᠬᠤᠳᠠᠯᠳᠤᠨ ᠠᠪᠴᠤ ᠵᠥᠭᠡᠭᠡᠪᠦᠷᠢᠯᠡᠨ ᠣᠷᠣᠭᠤᠯᠬᠤ ᠲᠤᠰᠬᠠᠢ ᠠᠶᠠᠨ | ᠪᠣᠯᠣᠨᠠ᠃ | ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠲᠡᠦᠬᠡᠨ ᠠᠴᠠ ᠪᠠᠨ ᠲᠤᠰᠬᠠᠢ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠵᠦ ᠣᠲᠣᠷ | ᠨᠡᠭᠦᠳᠡᠯ ᠤᠨ ᠠᠮᠢᠳᠤᠷᠠᠯ ᠬᠢᠵᠦ᠂ ᠥᠪᠡᠷ ᠢᠶᠠᠨ ᠠᠮᠤ ᠪᠤᠳᠠᠭᠠ ᠲᠠᠷᠢᠳᠠᠭ ᠦᠭᠡᠢ ᠥᠪᠡᠷᠮᠢᠴᠡ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠡᠵᠡᠩᠨᠡᠯᠲᠡ ᠲᠠᠢ ᠶᠠᠪᠤᠭᠰᠠᠭᠠᠷ ᠢᠷᠡᠭᠰᠡᠨ᠃ ᠡᠶᠢᠮᠦ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠡᠵᠡᠩᠨᠡᠯᠲᠡ ᠨᠢ ᠲᠡᠳᠡᠨ ᠢ ᠪᠤᠰᠤᠳ | ᠭᠠᠵᠠᠷ ᠲᠠᠢ ᠬᠠᠷᠢᠯᠴᠠᠵᠤ ᠰᠣᠯᠢᠯᠴᠠᠭᠠ ᠪᠠᠷ ᠳᠠᠮᠵᠢᠭᠤᠯᠵᠤ᠂ ᠲᠠᠸᠠᠷ ᠤᠨ ᠠᠮᠤ ᠪᠤᠳᠠᠭᠠ ᠬᠤᠳᠠᠯᠳᠤᠨ ᠠᠪᠴᠤ | ᠵᠥᠭᠡᠭᠡᠵᠦ ᠣᠷᠣᠭᠤᠯᠵᠤ ᠢᠳᠡᠳᠡᠭ ᠪᠣᠯᠭᠠᠵᠠᠢ᠃ | ᠦᠵᠦᠮᠦᠴᠢᠨ ᠳᠤ ᠪᠤᠰᠤᠳ ᠭᠠᠵᠠᠷ ᠲᠠᠢ ᠠᠳᠠᠯᠢᠳᠬᠠᠪᠠᠯ᠂ ᠠᠮᠤ ᠪᠤᠳᠠᠭᠠ ᠶᠢ ᠬᠡᠳᠦᠶᠢᠪᠡᠷ ᠬᠡᠷᠡᠭᠯᠡᠬᠦ ᠬᠤᠪᠢ | ᠶᠢᠨ ᠵᠢᠩ ᠨᠢ ᠪᠠᠭᠠ ᠪᠠᠶᠢᠭᠰᠠᠨ ᠴᠦ᠂ ᠮᠥᠨ ᠬᠥᠮᠥᠨ ᠪᠦᠷᠢ ᠶᠢᠨ ᠬᠦᠨᠡᠰᠦ᠂ ᠠᠶᠢᠯ ᠪᠦᠷᠢ ᠶᠢᠨ ᠠᠮᠢᠳᠤᠷᠠᠯ ᠤᠨ | ᠵᠠᠶᠢᠯᠠᠰᠢ ᠦᠭᠡᠢ ᠢᠳᠡᠬᠦ ᠭᠤᠣᠯ ᠠᠮᠤ ᠬᠦᠨᠡᠰᠦ ᠶᠢᠨ ᠨᠢᠭᠡ ᠪᠣᠯᠬᠤᠷ᠂ ᠲᠡᠭᠦᠨ ᠢ ᠵᠥᠭᠡᠭᠡᠪᠦᠷᠢᠯᠡᠵᠦ ᠣᠷᠣᠭᠤᠯᠬᠤ | ᠬᠡᠪᠴᠢᠶᠡ ᠪᠠᠷ ᠥᠷᠭᠡᠨ ᠱᠠᠭᠠᠷᠳᠠᠯᠭᠠ ᠪᠠᠷ ᠥᠨᠳᠥᠷ ᠬᠦᠴᠦ ᠣᠷᠣᠭᠤᠯᠬᠤ ᠪᠠᠷ ᠬᠦᠨᠳᠦ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ | ᠠᠵᠢᠯᠯᠠᠭᠠ ᠪᠠᠶᠢᠵᠠᠢ᠃ ᠠᠶᠢᠯ ᠡᠷᠦᠬᠡ ᠨᠢᠭᠡᠪᠦᠷᠢ ᠶᠢ ᠲᠤᠰᠠᠭᠠᠷ ᠢᠶᠠᠨ ᠪᠤᠶᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠵᠤ ︽ | ᠪᠤᠳᠠᠭᠠᠨ ᠠᠶᠠᠨ︾ ᠬᠢᠯᠭᠡᠳᠡᠭ ᠪᠣᠯᠭᠠᠵᠠᠢ᠃ | ᠦᠵᠦᠮᠦᠴᠢᠨ ᠤ ᠪᠤᠳᠠᠭᠠᠨ ᠠᠶᠠᠨ ᠣᠯᠠᠩᠬᠢ ᠳᠠᠭᠠᠨ ᠲᠠᠷᠢᠶᠠᠯᠠᠬᠤ ᠣᠷᠣᠨ ᠳᠤ ᠦᠷᠡ ᠲᠠᠷᠢᠶᠠ | ᠪᠣᠯᠪᠠᠰᠤᠷᠠᠵᠤ ᠬᠤᠷᠢᠶᠠᠭᠰᠠᠨ ᠬᠤᠶᠢᠨᠠ᠂ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠠᠴᠠ ᠡᠪᠦᠯ ᠤᠨ ᠡᠬᠢᠨ ᠰᠠᠷᠠ ᠪᠣᠯᠲᠠᠯᠠ | ᠲᠤᠰᠬᠠᠢ ᠬᠢᠵᠦ᠂ ᠠᠶᠢᠯ ᠭᠡᠷ ᠤᠨ ᠢᠶᠠᠨ᠂ ᠠᠮᠢᠲᠠᠨ ᠬᠥᠮᠥᠨ ᠤ ᠪᠠᠨ ᠨᠢᠭᠡ ᠵᠢᠯ ᠤᠨ ᠢᠳᠡᠬᠦ ᠬᠦᠨᠡᠰᠦᠨ ᠠᠮᠤ ᠪᠠᠨ | ᠬᠤᠳᠠᠯᠳᠤᠨ ᠠᠪᠴᠤ ᠵᠥᠭᠡᠭᠡᠪᠦᠷᠢᠯᠡᠨ ᠠᠪᠴᠢᠷᠠᠳᠠᠭ ᠪᠠᠶᠢᠨᠠ᠃ | ᠠᠶᠠᠨ ᠨᠢ ᠮᠥᠨ ᠠᠶᠢᠮᠠᠭ ᠤᠰᠤ ᠪᠠᠷ ᠢᠶᠠᠨ ᠨᠡᠶᠢᠯᠡᠵᠦ ︽ᠭᠠᠯ ᠠᠶᠠᠨ︾ ᠪᠦᠷᠢᠯᠳᠦᠵᠦ 5 ~ 7 ᠬᠥᠮᠥᠨ | ᠳᠤ ᠨᠢᠭᠡᠴᠢᠯᠡᠨ᠂ 20 ~ 30 ᠲᠡᠷᠭᠡ ᠦᠷᠭᠦᠯᠵᠢᠯᠡᠨ ᠬᠥᠲᠥᠯᠵᠦ᠂ ᠪᠦᠯᠦᠭ ᠪᠦᠯᠦᠭ ᠢᠶᠠᠷ ᠢᠶᠠᠨ ᠭᠠᠯ | ᠬᠤᠪᠢᠶᠠᠵᠤ ᠶᠠᠪᠤᠵᠠᠭᠠᠨᠠ᠃ | ᠦᠵᠦᠮᠦᠴᠢᠨ ᠤ ᠪᠤᠳᠠᠭᠠᠨ ᠠᠶᠠᠨ ᠪᠣᠯ ᠴᠣᠯ ᠠᠷᠠᠯᠵᠢᠶᠠᠨ ᠤ ᠴᠢᠨᠠᠷ ᠲᠠᠢ ᠠᠶᠠᠨ ᠪᠣᠯᠬᠤᠷ᠂ ᠦᠵᠦᠮᠦᠴᠢᠨ | ᠮᠣᠩᠭᠤᠯᠴᠤᠳ ᠠᠶᠠᠨ ᠳᠤ ᠶᠠᠪᠤᠬᠤ ᠳᠠᠭᠠᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠲᠠ᠂ ᠮᠥᠩᠭᠦᠨ ᠵᠣᠭᠤᠰ᠂ | ᠡᠰᠡᠬᠦᠯᠡ ᠳᠠᠪᠤᠰᠤ᠂ ᠠᠩ ᠤᠨ ᠨᠠᠷᠢᠨ ᠦᠰᠦᠲᠦ ᠠᠷᠠᠰᠤ ᠁ ᠵᠡᠷᠭᠡ ᠣᠨᠴᠠ ᠭᠠᠷᠤᠯᠲᠠ ᠪᠠᠨ ᠠᠪᠴᠤ ᠶᠠᠪᠤᠵᠤ | ᠂ ᠬᠤᠨᠤᠭ ᠪᠤᠳᠠᠭᠠ᠂ ᠬᠠᠷᠠ ᠪᠤᠳᠠᠭᠠ᠂ ᠭᠤᠯᠢᠷ ᠲᠤᠲᠤᠷᠭᠠ ᠁ ᠰᠣᠯᠢᠯᠴᠠᠨ ᠠᠪᠴᠢᠷᠠᠨᠠ᠃ | ᠦᠵᠦᠮᠦᠴᠢᠨ ᠤ ᠳᠠᠪᠤᠰᠤ ᠪᠤᠳᠠᠭᠠ ᠬᠤᠶᠠᠷ ᠵᠦᠢᠯ ᠢᠶᠠᠷ ᠭᠤᠣᠯ ᠪᠣᠯᠭᠠᠭᠰᠠᠨ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ | ᠭᠤᠣᠯ ᠠᠶᠠᠯᠠᠬᠤ ᠭᠠᠵᠠᠷ ᠣᠷᠣᠨ ᠪᠣᠯ ᠣᠶᠢᠷᠠ ᠵᠡᠷᠭᠡᠯᠡᠳᠡᠭᠡ ᠲᠠᠷᠢᠮᠠᠯ ᠡᠷᠬᠢᠯᠡᠳᠡᠭ ᠬᠤᠰᠢᠭᠤ ᠰᠢᠶᠠᠨ ᠪᠣᠯᠣᠨ | ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠳᠡᠭ ᠬᠤᠲᠠ ᠪᠠᠯᠭᠠᠰᠤ ᠨᠤᠭᠤᠳ ᠪᠣᠯᠣᠨᠠ᠃ ᠡᠭᠦᠨ ᠳᠤ ᠠᠷᠪᠢᠨ ᠳᠠᠭᠠᠨ ᠣᠶᠢᠷᠠ | ᠣᠶᠢᠷᠠ ᠪᠠᠨ ᠦᠵᠡᠵᠦ ᠯᠢᠨᠳᠦ᠋ᠩ᠂ ᠯᠢᠨᠰᠢ᠂ ᠰᠠᠭᠠᠵᠠᠭᠠᠢ᠂ ᠲᠦᠩᠯᠢᠶᠤᠤ᠂ ᠪᠢᠷᠠᠭᠤ᠂ ᠵᠠᠰᠠᠭᠲᠦ ᠸᠠᠩ ᠤᠨ ᠰᠦᠮᠡ | ᠂ ᠴᠠᠭᠠᠨ ᠬᠤᠲᠠ᠂ ᠳᠣᠯᠣᠨ ᠨᠠᠭᠤᠷ᠂ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠵᠡᠷᠭᠡ ᠭᠠᠵᠠᠷ ᠭᠤᠣᠯ ᠪᠣᠯᠣᠨᠠ᠃ ᠴᠧᠩᠳᠧ᠂ | ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ ᠵᠡᠷᠭᠡ ᠬᠤᠲᠠᠳ ᠢᠶᠠᠷ ᠪᠠᠰᠠ ᠴᠥᠭᠡᠪᠦᠷᠢ ᠠᠷᠠᠯᠵᠢᠶᠠᠯᠠᠵᠤ ᠣᠷᠣᠳᠠᠭ ᠪᠠᠶᠢᠨᠠ᠃ | ᠡᠭᠦᠨ ᠤ ᠬᠠᠮᠲᠤ ᠦᠵᠦᠮᠦᠴᠢᠨ ᠤ ᠪᠤᠳᠠᠭᠠᠨ ᠠᠶᠠᠨ ᠨᠢ ᠪᠠᠰᠠ ᠦᠵᠦᠮᠦᠴᠢᠨ ᠤ ᠣᠨᠴᠠ ᠭᠠᠷᠤᠯᠲᠠ ᠪᠣᠯᠣᠨ | ᠮᠥᠩᠭᠦᠨ ᠵᠣᠭᠤᠰ ᠢᠶᠠᠷ᠂ ᠠᠳᠡᠬᠢ ᠶᠢᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠪᠠ ᠮᠠᠯᠴᠢᠳ ᠤᠨ ᠣᠨᠴᠠ | ᠬᠡᠷᠡᠭᠴᠡᠭᠡᠨ ᠤ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠤᠨ ᠡᠳ᠋ᠯᠡᠯ ᠪᠦᠷᠢᠨ ᠪᠠᠷᠠᠭᠠ ᠵᠡᠷᠭᠡ ᠶᠢ ᠥᠷᠭᠡᠨ ᠬᠡᠮᠵᠢᠶᠡ ᠪᠠᠷ ᠰᠣᠯᠢᠯᠴᠠᠨ | ᠣᠷᠣᠭᠤᠯᠵᠤ ᠠᠪᠴᠢᠷᠠᠬᠤ ᠡᠭᠦᠷᠭᠡ ᠶᠢ ᠪᠡᠶᠡᠯᠡᠭᠦᠯᠵᠦ ᠪᠠᠶᠢᠵᠠᠢ᠃ | ᠡᠶᠢᠮᠦ ᠠᠴᠠ᠂ ᠦᠵᠦᠮᠦᠴᠢᠨ ᠤ ᠠᠶᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠠᠵᠤ ᠠᠬᠤᠢ ᠨᠢ ᠦᠵᠦᠮᠦᠴᠢᠨ ᠤ ᠲᠡᠦᠬᠡᠨ | ᠳᠡᠭᠡᠷᠡ ᠲᠤᠬᠠᠢ ᠶᠢᠨ ᠴᠠᠭ ᠦᠶᠡ ᠶᠢᠨ ᠨᠥᠬᠦᠴᠡᠯ ᠳᠡᠭᠡᠨ ᠵᠣᠬᠢᠴᠠᠭᠰᠠᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ᠂ | ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠳᠤ ᠴᠢᠬᠤᠯᠠᠴᠢᠯᠠᠭᠠ ᠲᠠᠢ ᠲᠣᠭᠲᠠᠭᠰᠠᠨ ᠵᠢᠮᠡ ᠶᠣᠰᠣ ᠠᠷᠭᠠ ᠬᠡᠮᠵᠢᠶᠡ ᠶᠢᠨ ᠬᠡᠪᠰᠢᠯ | ᠲᠠᠢ᠂ ᠨᠡᠯᠢᠶᠡᠳ ᠥᠨᠳᠥᠷ ᠨᠡᠶᠢᠭᠡᠮ ᠤᠨ ᠪᠠ ᠠᠵᠤ ᠠᠬᠤᠢ ᠶᠢᠨ ᠦᠷᠡ ᠠᠰᠢᠭ ᠲᠠᠢ ᠠᠵᠤ ᠠᠬᠤᠢ ᠪᠠᠶᠢᠭᠰᠠᠨ | ᠪᠠᠶᠢᠨᠠ᠃ | ︽ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ︾ ᠭᠤ᠂ ᠷᠠᠬᠸᠠ |