ᠢᠳᠠᠮᠵᠠᠪ — ᠦᠵᠦᠮᠦᠴᠢᠨ ᠨᠤᠳᠤᠭ ᠤᠨ ᠮᠣᠩᠭᠤᠯ ᠣᠲᠠᠴᠢ | | ᠠᠶᠢᠮᠠᠭ ᠣᠰᠣᠨ ᠤ ᠬᠢᠨᠢ ᠬᠡᠣᠬᠡᠳ ᠳᠡᠬᠦᠦ ᠨᠠᠷ ᠲᠠᠭᠠᠨ ︽ᠢᠳᠠ ᠠᠶ᠋ᠢ︾ ᠭᠡᠵᠣ ᠬᠦᠨᠳᠦᠳᠬᠡᠨ ᠳᠠᠭᠤᠳᠠᠭᠳᠠᠳᠠᠭ | ᠢᠳᠠᠮᠵᠠᠪ ᠮᠠᠨᠷᠠᠮᠪᠠ ᠪᠣᠯ 1925 ᠣᠨ ︵ᠬᠦᠬᠡᠭᠴᠢᠨ ᠦᠬᠡᠷ ᠵᠢᠯ︶ ᠳᠤ ᠣᠣᠯ ᠤᠨ ᠰᠢᠯᠢ ᠶᠢᠨ ᠭᠤᠣᠯ ᠴᠢᠭᠤᠯᠭᠠᠨ ᠤ | ᠦᠵᠦᠮᠦᠴᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠪᠦᠷᠢᠶᠠᠴᠢᠨ ᠰᠣᠮᠣᠨ ᠤ ᠨᠢᠭᠡᠨ ᠪᠦᠷᠢᠶᠡᠴᠢᠨ ᠣᠪᠣᠭᠳᠦ ᠶᠢᠨ ᠭᠡᠷ ᠲᠤ ᠲᠦᠷᠦᠵᠡᠢ | ᠃ | ᠲᠡᠷᠡ 6 ᠨᠠᠰᠣᠳᠠᠢ ᠲᠠᠭᠠᠨ ᠠᠪᠠᠭᠠ ᠯᠠᠮᠠ ᠲᠣᠭᠠᠷ ᠷᠠᠪᠵᠠᠮᠪᠠ ᠪᠠᠨ ᠲᠠᠭᠠᠵᠣ᠂ ᠬᠦᠷᠢᠶᠠ ᠰᠦᠮᠡ ᠳᠤ ᠭᠤᠷᠪᠠᠨ | ᠵᠢᠯ ᠰᠠᠭᠤᠵᠣ᠂ 9 ᠨᠠᠰᠣᠳᠠᠢ ᠳᠠᠭᠠᠨ ᠰᠢᠨᠡ ᠰᠦᠮᠡ ᠳᠤ ᠢᠷᠡᠭᠡᠳ ᠪᠠᠨᠳᠠᠷᠠᠭᠴᠢ ᠬᠡᠪᠬᠦᠢ ᠶᠢᠨ ᠱᠠᠪᠢ ᠪᠣᠯᠪᠠ᠃ 22 | ᠨᠠᠰᠣᠨ ᠳᠠᠭᠠᠨ ᠯᠠᠪᠷᠤᠩ ᠬᠡᠶᠢᠳ ᠲᠤ ᠬᠦᠷᠦᠭᠡᠳ ᠬᠤᠶᠠᠷ ᠵᠢᠯ ᠰᠠᠭᠤᠵᠣ᠂ ᠲᠡᠨᠳᠡ ᠠᠴᠠ ᠠᠯᠠᠱᠠ ᠶᠢᠨ ︽ᠠᠭᠯᠠᠭ | ᠠᠭᠤᠯᠠᠳᠦ ᠠᠯᠳᠠᠨ ᠲᠡᠪᠰᠢ ᠶᠢᠨ ᠬᠡᠶᠢᠳ︾ ᠲᠤ ᠬᠦᠷᠴᠦ ᠵᠢᠷᠭᠤᠭᠠᠨ ᠵᠢᠯ ᠨᠣᠮ ᠦᠵᠡᠵᠣ᠂ ᠤᠷᠴᠢᠭᠤᠯᠤᠯᠭᠠ᠂ ᠵᠢᠷᠣᠬᠠᠢ | ᠶᠢᠨ ᠣᠬᠠᠭᠠᠨ ᠵᠡᠷᠭᠡ ᠶᠢ ᠰᠣᠷᠪᠠ ᠃1954 ᠣᠨ ᠳᠤ 30 ᠨᠠᠰᠣᠳᠠᠢ ᠳᠠᠭᠠᠨ ᠨᠣᠳᠤᠭ ᠲᠠᠭᠠᠨ ᠪᠣᠴᠠᠵᠣ ᠢᠷᠡᠭᠡᠳ᠂ | ᠡᠬᠡ ᠬᠡᠶᠢᠳ ᠰᠢᠨᠡ ᠰᠦᠮᠡ ᠳᠡᠭᠡᠨ ᠮᠠᠨᠪᠠ ᠶᠢᠨ ᠣᠮᠵᠠᠳ ᠭᠤᠷᠪᠠᠨ ᠵᠢᠯ ᠶᠡᠪᠣᠭᠰᠠᠨ ᠪᠦᠭᠡᠳ ᠰᠢᠨᠡ ᠰᠦᠮᠡ ᠠᠴᠠ | ᠪᠠᠶᠢᠭᠤᠯᠣᠭᠰᠠᠨ ᠰᠣᠷᠭᠠᠭᠤᠯᠢ ᠳᠤ ᠮᠣᠩᠭᠤᠯ ᠪᠢᠴᠢᠭ ᠰᠣᠷᠣᠭᠰᠠᠨ ᠪᠠᠶᠢᠨᠠ ᠃ | ᠢᠳᠠᠮᠵᠠᠪ ᠪᠣᠯ ᠬᠦᠷᠢᠶᠡ ᠰᠦᠮᠡ ᠶᠢᠨ ᠠᠯᠳᠠᠷᠳᠦ ᠮᠠᠨᠷᠠᠮᠪᠠ ᠠᠶᠣᠷᠵᠠᠨᠠ ᠶᠢᠨ ᠬᠤᠶᠢᠴᠢ ᠦᠶᠡ ᠪᠣᠯᠬᠤ ᠪᠦᠭᠡᠳ | ᠰᠢᠨᠡ ᠰᠦᠮᠡ ᠶᠢᠨ ᠳᠡᠭᠡᠳᠦ ᠭᠡᠭᠡᠨ ᠤ ᠬᠡᠷᠡᠭᠯᠡᠵᠣ ᠪᠠᠶᠢᠭᠰᠠᠨ ᠮᠠᠩᠬᠠᠭ ᠲᠠᠢ ᠪᠦᠷᠢᠨ ᠡᠮ ᠢ ᠭᠡᠭᠡᠨ ᠠᠵᠢᠶᠠ ᠠᠴᠠ | ᠣᠯᠠᠮᠵᠢᠯᠠᠨ ᠠᠪᠣᠭᠰᠠᠨ ᠡᠮᠴᠢ ᠶᠣᠮ᠃ ᠲᠡᠷᠡ 1959 ᠣᠨ ᠳᠤ ᠤᠯᠠᠭᠠᠢ ᠨᠢᠭᠡᠳᠣᠯ ᠳᠤ ᠬᠢᠭᠰᠡᠨ ᠪᠠᠳᠣᠵᠢᠭᠤᠯᠣᠭᠴᠢ ᠶᠢᠨ | ᠪᠣᠯᠪᠠᠰᠣᠷᠠᠯ ᠳᠤ ᠣᠨᠴᠠ ᠬᠢᠷᠢ ᠪᠦᠳᠦᠮᠵᠢ ᠪᠠᠷ ᠰᠣᠷᠣᠯᠴᠠᠭᠠᠳ ᠬᠠᠷᠠᠭᠠᠨᠠᠳᠦ ᠲᠠᠯᠠᠪᠠᠢ ᠶᠢᠨ ᠡᠮᠴᠢ ᠪᠣᠯᠪᠠ᠃ ᠢᠩᠬᠢᠭᠡᠳ | 40 ᠰᠢᠬᠠᠮ ᠵᠢᠯ ᠬᠦᠮᠦᠨ ᠠᠷᠠᠳ ᠤᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠲᠦᠯᠦᠭᠡ ᠵᠢᠳᠬᠦᠵᠣ ᠶᠠᠪᠣᠭᠰᠠᠨ ᠢᠶᠠᠷ ᠲᠠᠭᠦᠨ ᠤ | ᠡᠳᠡᠭᠡᠷᠡᠭᠦᠯᠦᠭᠰᠡᠨ ᠡᠪᠡᠳᠴᠢᠳᠡᠨ ᠲᠤᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠪᠣᠯᠵᠠᠢ᠃ ᠵᠦᠪᠬᠡᠨ ᠬᠦᠷᠢᠶᠡᠳᠦᠨᠠᠭᠤᠷ ᠰᠣᠮᠣᠨ ᠠᠴᠠ ᠬᠡᠳᠣᠨ | ᠵᠢᠱᠢᠶᠡ ᠲᠣᠷᠠᠳᠪᠠᠯ᠂ 1982 ᠤᠨ ᠳᠤ ᠠᠯᠳ᠋ᠬᠠᠮᠡᠭᠡᠯ ᠭᠠᠴᠠᠭᠠᠨ ᠤ ᠣᠳᠽᠠᠷ ᠤᠨ ᠬᠦᠦ ᠱᠣᠭᠠᠷ ᠠᠳᠡ ᠲᠡᠨᠳᠡ ᠬᠡᠳᠦ | ᠣᠳᠠᠭᠠ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠭᠡᠳ ᠡᠰᠡ ᠡᠳᠡᠭᠡᠷᠡᠭᠰᠡᠨ ᠡᠪᠡᠳᠴᠢᠨ ᠢ ᠡᠯᠢᠭᠡᠨ ᠪᠣᠭᠯᠠᠭᠠ ᠭᠡᠵᠣ ᠣᠨᠣᠰᠢᠯᠠᠵᠣ ᠡᠮᠴᠢᠯᠡᠭᠡᠳ | ᠡᠳᠡᠭᠡᠷᠡᠭᠦᠯᠪᠡ᠃ ᠲᠣᠰ ᠭᠠᠴᠠᠭᠠᠨ ᠤ ᠵᠠᠮᠰᠣ ᠶᠢᠨ ᠬᠦᠪᠡᠭᠦᠨ ᠨᠠᠰᠣᠠᠠᠦ᠋ᠯᠵᠡᠢ ᠶᠢᠨ ᠰᠣᠯᠢᠶᠠ ᠶᠢ ᠡᠮ ᠲᠣᠮ ᠢᠶᠠᠷ | ᠡᠳᠡᠭᠡᠷᠡᠭᠦᠯᠦᠭᠰᠡᠨ᠃1982 ᠣᠨ ᠳᠤ ᠠᠷᠰᠯᠠᠩᠲᠦ ᠭᠠᠴᠠᠭᠠᠨ ᠤ ᠰᠣᠪᠣᠳ ᠤᠨ ᠡᠬᠡᠨᠡᠷ ᠵᠢᠭᠡᠮᠢ ᠶᠢᠨ ᠬᠤᠭᠤᠯᠠ ᠴᠠᠢ | ᠣᠷᠣᠬᠤ ᠦᠭᠡᠢ ᠪᠣᠯᠣᠭᠰᠠᠨ ᠭᠡᠴᠡᠭᠦᠦ ᠡᠪᠡᠳᠴᠢᠨ ᠢ ᠬᠤᠳᠣᠭᠤᠳᠣᠨ ᠪᠣᠷᠣ ᠪᠠᠷ ᠣᠨᠣᠰᠢᠯᠠᠵᠣ ᠡᠳᠡᠭᠡᠷᠡᠭᠦᠯᠪᠡ᠃ 1963 | ᠤᠨ ᠳᠤ ᠵᠢᠭᠠᠰᠣᠳᠠᠢ ᠭᠠᠴᠠᠭᠠᠨ ᠤ ᠰᠣᠳᠨᠠᠮ ᠤᠨ ᠬᠢᠨ ᠤ ᠭᠡᠨᠡᠳᠳᠡ ᠪᠠᠷ ᠦᠬᠦᠭᠰᠡᠨ ᠬᠤᠷᠠᠭᠠᠨ ᠮᠢᠬᠠ ᠶᠢ ᠢᠳᠡᠭᠡᠳ | ᠪᠦᠬᠦ ᠭᠡᠷ ᠤᠨ ᠬᠦᠮᠦᠰ ᠨᠢ ᠪᠡᠶᠡ ᠰᠢᠷᠠᠯᠠᠵᠣ ᠡᠪᠡᠳᠴᠢᠯᠡᠭᠰᠡᠨ ᠳᠤ ᠰᠦᠰᠦ ᠲᠠᠷᠬᠠᠬᠤ ᠡᠪᠡᠳᠴᠢᠨ ᠭᠡᠵᠣ ᠲᠣᠳᠣᠯᠠᠭᠠᠳ | ᠵᠠᠰᠠᠨ ᠡᠳᠡᠭᠡᠷᠡᠭᠦᠯᠣᠭ᠍ᠰᠡᠨ ᠪᠠᠶᠢᠨᠠ᠃ ᠡᠨᠡ ᠲᠣᠬᠠᠢ ᠢᠳᠠᠮᠵᠠᠪ ᠮᠠᠨᠷᠠᠮᠪᠠ ᠬᠡᠯᠡᠭᠰᠡᠨ ᠨᠢ ︽ᠪᠢ ᠡᠮ ᠪᠠᠷᠢᠭᠰᠠᠨ ᠤ ᠲᠠᠷᠠᠭᠠ | ᠰᠢᠨᠡ ᠰᠦᠮᠡ ᠶᠢᠨ ᠮᠣᠬᠤᠷ ᠬᠤᠸᠠ ᠮᠠᠨᠷᠠᠮᠪᠠ ᠶᠢᠨ ᠳᠤ ᠬᠦᠷᠴᠦ᠂ ᠲᠡᠭᠦᠨ ᠤ ᠰᠦᠰᠦ ᠲᠠᠷᠬᠠᠬᠤ ᠡᠪᠡᠳᠴᠢᠨ ᠢ | ᠡᠮᠴᠢᠯᠡᠳᠡᠭ ᠠᠷᠭᠠ ᠲᠣᠷᠰᠢᠯᠭᠠ ᠶᠢ ᠨᠢ ᠠᠰᠠᠭᠤᠭᠰᠠᠨ ᠳᠤ ᠲᠡᠷᠡ ᠨᠠᠳᠠᠳᠦ ᠲᠣᠷᠰᠢᠯᠭᠠ ᠪᠠᠨ ᠲᠣᠩ ᠲᠣᠷᠠᠳᠠᠢ ᠮᠦᠷᠳᠡᠭᠡᠨ | ᠪᠦᠷᠢᠨ ᠭᠦᠢᠴᠡᠳ ᠬᠡᠯᠡᠵᠣ ᠦᠭᠬᠦᠭᠰᠡᠨ ᠤ ᠬᠠᠮᠳᠦ ᠲᠡᠷᠡ ᠨᠢᠭᠡ ᠨᠠᠰᠣᠨ ᠳᠤ ᠪ᠊ ᠪᠠᠨ ᠰᠦᠰᠦ ᠲᠠᠷᠬᠠᠭᠰᠠᠨ ᠡᠪᠡᠳᠴᠢᠨ ᠢ | ᠵᠠᠭᠤ ᠭᠠᠷᠣᠢ ᠵᠠᠰᠠᠭᠠᠳ ᠨᠢᠭᠡ ᠯᠠ ᠬᠦᠮᠦᠨ ᠢ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠶᠣᠮ ᠭᠡᠵᠣ ᠬᠡᠯᠡᠭᠰᠡᠨ᠃ ᠪᠢ ᠪᠠᠰᠠ ᠰᠦᠰᠦ | ᠲᠠᠷᠬᠠᠭᠰᠠᠨ ᠡᠪᠡᠳᠴᠢᠳᠡᠨ ᠢ ᠣᠳᠣ ᠪᠣᠯᠳᠠᠯᠠ 70 ᠭᠠᠷᠣᠢ ᠵᠠᠰᠠᠭᠰᠠᠨ ᠤ ᠲᠣᠳᠣᠷᠠ ᠮᠦᠨ ᠨᠢᠭᠡ ᠯᠠ— ᠯᠾᠠᠮᠣ ᠶᠢᠨ | ᠨᠢᠮᠠ ᠶᠢ 20 ᠭᠠᠷᠤᠢ ᠬᠤᠨᠤᠭ ᠡᠮᠨᠡᠭᠡᠳ ᠲᠡᠶᠢᠯᠣᠭ᠍ᠰᠡᠨ ᠦᠭᠡᠢ ᠭᠠᠳᠠᠭᠰᠢ ᠡᠮᠨᠡᠭᠦᠯᠬᠦ ᠪᠠᠷ ᠶᠠᠪᠣᠭᠤᠯᠣᠭᠰᠠᠨ ᠠᠴᠠ ᠪᠣᠰᠣᠳ | ᠢ ᠨᠢ ᠪᠦᠷ ᠡᠳᠡᠭᠡᠷᠡᠭᠦᠯᠣᠭ᠍ᠰᠡᠨ ᠵᠤᠮ᠃︾ ᠭᠡᠵᠣ ᠪᠠᠶᠢᠯᠠ᠃ | ᠢᠳᠠᠮᠵᠠᠪ 1979 ᠤᠨ ᠳᠤ ᠣᠯᠣᠰ ᠤᠨ ᠵᠢᠩᠬᠢᠨᠢ ᠡᠮᠴᠢ ᠪᠣᠯᠵᠣ᠂ ᠤᠯᠠᠭᠠᠢ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ | ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠰᠠᠯᠠᠭᠠᠨ ᠤ ᠡᠷᠬᠢᠯᠡᠭᠴᠢ ᠪᠠᠶᠢᠬᠤ ᠳᠠᠭᠠᠨ ᠮᠤᠩᠭᠤᠯ ᠡᠮᠴᠢ ᠨᠠᠷ ᠤᠨ ᠪᠣᠯᠪᠠᠰᠣᠷᠠᠯ ᠤᠨ ᠠᠩᠭᠢ ᠶᠢ | ᠡᠷᠬᠢᠯᠡᠵᠣ᠂ ᠣᠯᠠᠭᠠᠢ ᠣᠷᠣᠨ ᠤ ᠨᠢᠭᠡ ᠪᠦᠯᠦᠭ ᠵᠠᠯᠠᠭᠤ ᠡᠮᠴᠢ ᠳᠤ ᠡᠮᠴᠢᠯᠡᠭᠡᠨ ᠤ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ ᠢᠶᠠᠨ | ᠣᠯᠠᠮᠵᠢᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠪᠠᠰᠠ ᠱᠠᠭᠵᠠ᠂ ᠲᠣᠭᠠᠷ᠂ ᠰᠧᠮᠠ᠂ ᠴᠣᠶᠢᠵᠢᠷ᠂ ᠨᠤᠮᠢᠨ ᠵᠡᠷᠭᠡ | ᠡᠮᠴᠢ ᠨᠠᠷ ᠲᠠᠢ ᠬᠠᠮᠳᠣᠷᠠᠵᠣ᠂ ︽ᠣᠯᠠᠭᠠᠢ ᠮᠣᠩᠭᠤᠯ ᠡᠮᠴᠢ ᠶᠢᠨ ᠲᠣᠷᠰᠢᠯᠭᠠᠳᠦ ᠵᠣᠷ︾ ᠢ ᠪᠢᠴᠢᠵᠣ ᠲᠠᠷᠬᠠᠭᠠᠭᠰᠠᠨ | ᠶᠣᠮ᠃ ᠢᠳᠠᠮᠵᠠᠪ ᠮᠠᠨᠷᠠᠮᠪᠠ ᠣᠷᠢᠳ ᠬᠤᠵᠢᠳ 10 ᠭᠠᠷᠣᠢ ᠣᠳᠠᠭᠠ ᠰᠠᠶᠢᠰᠢᠶᠠᠯ ᠬᠦᠬᠢᠭᠦᠯᠤᠯ ᠬᠦᠷᠳᠡᠵᠣ᠂ 1983 | ᠣᠨ ᠳᠤ ᠡᠮᠴᠢ ᠶᠢᠨ ᠴᠤᠯᠠ ᠣᠯᠵᠠᠢ᠃ | ᠢᠳᠠᠮᠵᠠᠪ ᠡᠮᠴᠢ 1985 ᠣᠨ ᠳᠤ ᠨᠠᠰᠣᠨ ᠤ ᠠᠮᠠᠷᠠᠯᠳᠠ ᠪᠠᠨ ᠠᠪᠴᠦ᠂ 1988 ᠣᠨ ᠳᠤ ᠡᠬᠡ ᠬᠡᠶᠢᠳ | ᠰᠢᠨᠡ ᠰᠦᠮᠡ ᠳᠡᠭᠡᠨ ᠪᠣᠴᠠᠵᠣ᠂ ᠣᠯᠠᠨ ᠬᠤᠸᠠᠷᠠᠭ ᠲᠠᠢ ᠬᠠᠮᠳᠦ ᠰᠦᠮᠡ ᠰᠠᠩ ᠢᠶᠠᠨ ᠰᠢᠨᠡᠳᠬᠡᠨ ᠰᠡᠷᠭᠦᠭᠡᠭᠰᠡᠨ ᠢᠶᠠᠷ | ᠦᠯᠦ ᠪᠠᠷᠠᠮ ᠬᠤᠷᠠᠯ ᠨᠤᠮ ᠪᠠ ᠬᠠᠷᠠ ᠰᠢᠷᠠ ᠰᠦᠵᠢᠭᠳᠡᠨ ᠤ ᠢᠳᠡᠭᠡᠯ ᠢ ᠶᠣᠰᠣᠴᠢᠯᠠᠨ ᠭᠦᠢᠴᠡᠳᠬᠡᠵᠣ᠂ ᠭᠤᠣᠯᠯᠠᠭᠴᠢ | ᠯᠠᠮᠠ ᠶᠢᠨ ᠨᠢᠭᠡ ᠨᠢ ᠪᠣᠯᠵᠣ ᠶᠠᠪᠣᠭᠰᠠᠨ ᠢᠶᠠᠨ 1998 ᠣᠨ ᠤ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ 5 ᠰᠠᠷᠠ ᠶᠢᠨ 20 ᠤ ᠡᠳᠣᠷ | 74 ᠨᠠᠰᠣᠳᠠᠢ ᠨᠠᠰᠣ ᠪᠠᠷᠠᠪᠠ᠃ ᠲᠡᠭᠦᠨ ᠤ ᠱᠠᠷᠢᠯ ᠢ ᠱᠠᠪᠢ ᠨᠠᠷ ᠨᠢ ᠣᠳᠠᠢ ᠳᠤ ᠠᠪᠠᠴᠢᠵᠣ ᠰᠣᠪᠣᠷᠭᠠᠯᠠᠪᠠ᠃ | | ︽ᠦᠵᠦᠮᠦᠴᠢᠨ ᠨᠣᠳᠤᠭ ᠤᠨ ᠮᠤᠩᠭᠤᠯ ᠣᠳᠠᠴᠢ ᠤᠳ︾ | ᠷᠠ᠊ · ᠳᠠᠶᠢᠴᠢᠨᠬᠦᠦ᠂ ᠪᠠᠶᠠᠷᠳᠦ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ | |