ᠪᠠᠶᠠᠭᠤᠳ ᠰᠦᠷ | | ᠴᠠᠰᠤᠨ ᠪᠠᠭᠤᠬᠤ ᠪᠠᠷ ᠲᠡᠯᠡᠬᠡᠢ ᠠᠮᠤᠷᠵᠢᠳᠠᠭ | ᠴᠠᠯ ᠪᠤᠭᠤᠷᠤᠯ ᠪᠤᠯᠵᠤ ᠠᠭᠤᠯᠠᠰ ᠨᠤᠶᠢᠷᠮᠤᠭᠯᠠᠳᠠᠭ | ᠴᠢᠮᠳᠠᠭᠠ ᠤᠯᠤᠭᠰᠠᠨ ᠰᠢᠷᠬᠠ ᠪᠦᠬᠦᠨ ᠢᠶᠠᠨ | ᠴᠡᠴᠡᠭ ᠤᠨ ᠲᠡᠯᠪᠢ ᠪᠠᠷ ᠬᠤᠴᠢᠵᠦ ᠵᠢᠷᠭᠠᠳᠠᠭ | ᠴᠠᠰᠤᠨ ᠪᠠᠭᠤᠬᠤ ᠪᠠᠷ ᠲᠡᠯᠡᠬᠡᠢ ᠪᠠᠶᠠᠰᠳᠠᠭ | ᠴᠡᠩᠬᠡᠬᠦᠨ ᠡᠭᠡᠰᠢᠭ ᠲᠤ ᠨᠢ ᠲᠤᠭᠳᠤᠯᠠᠵᠤ ᠤᠷᠮᠠᠰᠢᠳᠠᠭ | ᠵᠢᠩᠭᠢᠷ ᠵᠢᠩᠭᠢᠷ ᠠᠶᠠᠯᠭᠤᠨ ᠤ ᠬᠢᠨᠢ ᠨᠤᠲ ᠳᠤ | ᠵᠢᠷᠭᠠᠯ ᠤᠨ ᠢᠨᠢᠶᠡᠳᠦ ᠬᠠᠩᠭᠢᠨᠠᠵᠤ ᠪᠠᠶᠢᠳᠠᠭ | ᠴᠠᠰᠤᠨ ᠪᠠᠭᠤᠬᠤ ᠪᠠᠷ ᠲᠡᠯᠡᠬᠡᠢ ᠪᠦᠯᠢᠶᠡᠰᠳᠡᠭ | ᠴᠢᠷᠠᠢ ᠨᠢ ᠲᠤᠩᠭᠠᠯᠠᠭᠰᠢᠵᠦ ᠠᠮᠤᠭᠤᠯᠠᠩ ᠰᠠᠭᠠᠳᠤᠳᠠᠭ | ᠠᠷᠴᠠᠨ ᠳᠤ ᠰᠠᠭᠤᠭᠰᠠᠨ ᠴᠠᠩ ᠰᠠᠭᠰᠤᠭᠤᠷᠭᠠ | ᠠᠷᠭᠠ ᠦᠭᠡᠢ ᠭᠤᠶᠤᠮᠰᠤᠭ ᠢ ᠨᠢ ᠭᠠᠶᠢᠬᠠᠭᠤᠯᠳᠠᠭ | ᠴᠠᠰᠤᠨ ᠪᠠᠭᠤᠬᠤ ᠪᠠᠷ ᠲᠡᠯᠡᠬᠡᠢ ᠬᠦᠯᠳᠡᠳᠡᠭ | ᠴᠠᠮᠴᠠᠨ ᠤ ᠬᠢᠨᠢ ᠴᠤᠭᠤᠷᠤᠩᠬᠠᠢ ᠪᠠᠷ ᠰᠠᠯᠬᠢ ᠦᠯᠢᠶᠡᠳᠡᠭ | ᠦᠯᠴᠢᠷ ᠨᠠᠷᠠᠰᠤ ᠯᠡ ᠤᠮᠤᠭᠳᠠᠶᠢᠬᠠᠨ ᠵᠤᠭᠰᠤᠵᠤ | ᠡᠪᠦᠯ ᠢᠷᠡᠭᠰᠡᠨ ᠢ ᠲᠤᠩᠬᠠᠭᠯᠠᠵᠤ ᠦᠭᠳᠡᠭ | ᠴᠠᠰᠤᠨ ᠪᠠᠭᠤᠬᠤ ᠪᠠᠷ ᠲᠡᠯᠡᠬᠡᠢ ᠭᠤᠨᠢᠳᠠᠭ | ᠴᠦᠬᠡᠨ ᠬᠡᠳᠦᠨ ᠨᠠᠪᠴᠢᠰ ᠢᠶᠠᠨ ᠦᠭᠡᠶᠢᠯᠡᠳᠡᠭ | ᠲᠤᠷᠠᠰᠤᠯ ᠡᠪᠦᠷᠯᠡᠭᠰᠡᠨ ᠠᠮᠳᠠᠳᠤ ᠵᠡᠬᠦᠳᠦ ᠪᠠᠨ | ᠲᠠᠷᠠᠭᠠᠴᠢ ᠶᠢᠨ ᠬᠠᠪᠤᠷ ᠲᠤ ᠪᠠᠨ ᠵᠠᠬᠢᠭᠠᠳ ᠤᠶᠠᠷᠠᠳᠠᠭ | | |