| ᠪᠤᠤᠺᠰ ᠬᠡᠮᠡᠬᠦ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠠᠮᠢᠷ ᠤᠨ ᠲᠠᠪᠴᠠᠩ ᠳᠤ ᠤᠳᠤ ᠬᠡᠶᠢᠮᠤᠷᠢ ᠲᠠᠢ ᠬᠢᠯᠠᠷᠠᠵᠦ | ᠬᠥᠴᠥᠳᠤ ᠨᠢᠳᠤᠷᠭᠠ ᠪᠠᠷ ᠢᠶᠠᠨ ᠤᠴᠠᠷᠠᠭᠰᠠᠨ ᠤᠨᠤᠭᠠ ᠪᠤᠯᠭᠠᠨ ᠢᠶᠠᠨ ᠢᠯᠠᠵᠦ ᠤᠰᠤ ᠨᠤᠳᠤᠭ ᠤᠨ ᠢᠶᠠᠨ | ᠠᠯᠳᠠᠷ ᠢ ᠲᠠᠭᠤᠷᠢᠰᠬᠠᠵᠦ ᠶᠠᠪᠤᠭᠠ ᠡᠨᠡ ᠥᠵᠥᠮᠥᠴᠢᠨ ᠵᠠᠯᠠᠭᠤ ᠶᠢ ᠨᠤᠮᠢᠨ ᠭᠡᠳᠡᠭ᠃ | | ᠪᠠᠷᠠᠭᠤᠨ ᠥᠵᠥᠮᠥᠴᠢᠨ ᠬᠤᠰᠢᠭᠤᠨ ᠤ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠪᠠᠯᠭᠠᠰᠤᠨ ᠤ ᠤᠷᠳᠤ ᠶᠢᠨ ᠭᠤᠤᠯ | ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠠᠰᠤᠡᠡᠥ᠋ᠯᠵᠠᠢ᠂ ᠰᠠᠷᠠᠩᠭᠤᠸᠠ ᠶᠢᠨ ᠭᠥᠪᠡᠭᠦᠨ᠂ ᠨᠤᠮᠢᠨ 2015 ᠤᠨ ᠳᠤ ᠠᠩᠬᠠ | ᠲᠤᠮᠳᠠᠳᠤ ᠪᠠᠨ ᠲᠡᠭᠦᠰᠥᠭᠡᠳ᠂ ᠪᠡᠶᠡ ᠮᠠᠬᠠᠪᠤᠳ ᠢᠶᠠᠨ ᠴᠢᠬᠢᠷᠠᠭᠵᠢᠭᠤᠯᠬᠤ ᠵᠤᠷᠢᠯᠭᠠ ᠪᠠᠷ ᠤᠯᠠᠭᠠᠨᠬᠠᠳᠠ ᠬᠤᠳᠠ | ᠶᠢᠨ ᠲᠠᠮᠢᠷ ᠤᠨ ᠰᠤᠷᠭᠠᠭᠤᠯᠢ ᠶᠢ ᠵᠣᠷᠢᠵᠠᠢ᠃ ᠲᠡᠷᠡᠪᠡᠷ ᠪᠤᠤᠺᠰ ᠤᠨ ᠠᠩᠬᠢ ᠳᠤ ᠬᠠᠭᠠᠰ ᠵᠢᠯ ᠢᠯᠡᠭᠦᠤ ᠶᠢᠨ | ᠬᠠᠳᠠᠭᠤᠵᠢᠯᠳᠠᠢ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠲᠠᠮᠵᠢᠨ ᠤᠤᠯ ᠤᠨ 90 ᠰᠢᠬᠠᠮ ᠺᠢᠯᠤᠭ᠍ᠷᠠᠮ ᠪᠠᠶᠢᠭᠰᠠᠨ ᠪᠡᠶᠡ ᠶᠢᠨ ᠬᠥᠨᠳᠤ | ᠨᠢ 60 ᠺᠢᠯᠤᠭ᠍ᠷᠠᠮ ᠤᠷᠴᠢᠮ ᠪᠤᠯᠤᠨ ᠪᠠᠭᠤᠷᠠᠭᠰᠠᠨ ᠪᠥᠭᠡᠳ ᠪᠤᠤᠺᠰ ᠤᠨ ᠥᠨᠳᠤᠰᠤᠨ ᠮᠡᠷᠭᠡᠵᠢᠯ ᠢ ᠴᠢᠳᠠᠮᠠᠭᠠᠢ | ᠡᠵᠡᠮᠰᠢᠨ ᠨᠢᠭᠡᠨ ᠰᠢᠯᠢᠳᠡᠭ ᠲᠠᠮᠢᠷᠴᠢᠨ ᠪᠤᠯᠬᠤ ᠶᠢᠨ ᠠᠩᠬᠠᠨ ᠤ ᠭᠠᠷᠤᠭᠠ ᠪᠠᠨ ᠠᠪᠴᠤ ᠬᠡᠳᠤ ᠬᠡᠳᠤᠨ ᠪᠠᠭᠠ | ᠬᠡᠪᠴᠢᠶᠠᠨ ᠤ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠳᠤ ᠵᠤᠬᠢᠬᠤ ᠠᠮᠵᠢᠯᠳᠠ ᠤᠯᠤᠭᠰᠠᠨ ᠪᠥᠭᠡᠳ 2016 ᠤᠨ ᠳᠤ ᠪᠥᠬᠦ | ᠤᠷᠤᠨ ᠤ ᠵᠠᠯᠠᠭᠤ ᠪᠠᠭᠠᠴᠤᠳ ᠤᠨ ᠪᠤᠤᠺᠰ ᠤᠨ ᠲᠡᠮᠡᠴᠡᠭᠡᠨ ᠳᠤ ᠤᠷᠤᠯᠴᠠᠵᠦ ᠬᠥᠷᠡᠯ ᠮᠧᠲᠠᠯ ᠭᠠᠷᠳᠠᠭᠰᠠᠨ ᠢᠶᠠᠷ | ᠥᠪᠥᠷ ᠮᠤᠩᠭᠤᠯ ᠤᠨ ᠪᠤᠤᠺᠰ ᠤᠨ ᠠᠩᠬᠢ ᠳᠤ ᠲᠠᠮᠢᠷᠴᠢᠨ ᠢᠶᠠᠷ ᠡᠯᠰᠡᠭᠳᠡᠵᠦ ᠨᠡᠩ ᠬᠠᠳᠠᠭᠤᠵᠢᠯᠳᠠᠢ᠂ ᠰᠢᠰᠲ᠋ᠧᠮ | ᠲᠠᠢ ᠰᠤᠷᠢᠶᠠ ᠪᠤᠯᠪᠠᠰᠤᠷᠠᠯ ᠳᠤ ᠲᠠᠪᠳᠠᠭᠳᠠᠵᠦ ᠰᠢᠯᠢᠳᠡᠭ ᠰᠠᠶᠢᠨ ᠲᠠᠮᠢᠷᠴᠢᠨ ᠪᠤᠯᠬᠤ ᠵᠠᠮ ᠳᠤ ᠪᠠᠨ ᠤᠷᠤᠵᠠᠢ᠃ | | 2018 ᠤᠨ ᠳᠤ ᠬᠤᠶᠠᠷ ᠵᠢᠯ ᠭᠠᠷᠤᠢ ᠶᠢᠨ ᠰᠢᠷᠭᠠᠭᠤ ᠪᠤᠯᠪᠠᠰᠤᠷᠠᠯ ᠬᠥᠷᠳᠡᠭᠰᠡᠨ ᠨᠤᠮᠢᠨ ᠠᠷᠪᠠᠨ | ᠲᠥᠷᠪᠡᠳᠥᠭᠡᠷ ᠤᠳᠠᠭᠠᠨ ᠤ ᠪᠥᠬᠦ ᠤᠷᠤᠨ ᠤ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠤ ᠪᠤᠤᠺᠰ ᠤᠨ ᠲᠡᠮᠡᠴᠡᠭᠡᠨ ᠤ 63.5 | ᠺᠢᠯᠥᠭᠷᠠᠮ ᠤᠨ ᠲᠡᠰ ᠲᠤ ᠤᠷᠤᠯᠳᠤᠵᠦ ᠭᠡᠮᠳᠤᠯ ᠰᠢᠷᠬᠠᠳᠤᠯ ᠠᠴᠠ ᠪᠤᠯᠵᠦ ᠠᠯᠳᠠᠨ ᠮᠧᠳᠡᠯ ᠠᠪᠬᠤ ᠵᠠᠪᠰᠢᠶᠠᠨ ᠢᠶᠠᠨ | ᠠᠯᠳᠠᠵᠦ ᠬᠥᠷᠡᠯ ᠮᠧᠳᠡᠯ ᠬᠦᠷᠳᠡᠵᠦ᠂ 2019 ᠤᠨ ᠳᠤ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠪᠤᠤᠺᠰᠴᠢᠨ ᠪᠤᠯᠬᠤ ᠬᠥᠰᠡᠯ | ᠡᠪᠥᠷᠯᠡᠭᠰᠡᠨ ᠨᠤᠮᠢᠨ ᠪᠡᠭᠡᠵᠢᠩ ᠬᠤᠳᠠ ᠳᠤ ᠬᠥᠷᠴᠥ ᠪᠠᠶᠠ ᠲᠠᠮᠢᠷ ᠤᠨ ᠤᠷᠳᠤᠨ᠂ ᠪᠡᠶᠡ ᠲᠠᠮᠢᠷ ᠤᠨ ᠺᠡᠯᠥ᠋ᠪ | ᠵᠡᠷᠭᠡ ᠭᠠᠵᠠᠷ ᠤᠳ ᠢᠶᠠᠷ ᠬᠥᠷᠴᠥ ᠰᠢᠷᠭᠠᠭᠤ ᠪᠤᠯᠪᠠᠰᠤᠷᠠᠬᠤ ᠶᠢᠨ ᠲᠠᠭᠠᠤ ᠪᠤᠤᠺᠰ ᠤᠨ ᠥᠨᠳᠤᠰᠤᠨ ᠮᠡᠷᠭᠡᠵᠢᠯ | ᠤᠨ ᠲᠠᠰᠬᠠᠯᠵᠢᠭᠤᠯᠤᠴᠢ ᠶᠢᠨ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠱᠧᠨᠵᠧᠨ᠂ ᠭᠤᠸᠠᠩᠵᠸᠤ ᠬᠤᠳᠠ ᠪᠠᠷ ᠬᠥᠷᠴᠥ | ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠲᠠᠮᠢᠷᠴᠢᠳ ᠲᠠᠢ ᠬᠠᠮᠳᠤᠷᠠᠨ ᠪᠤᠯᠪᠠᠰᠤᠷᠠᠯ ᠪᠡᠯᠡᠳᠭᠡᠯ ᠢᠶᠠᠨ ᠴᠢᠩᠭᠠᠳᠬᠠᠬᠤ ᠶᠢᠨ ᠬᠠᠮᠳᠤ | ᠤᠯᠤᠰ ᠤᠷᠤᠨ ᠤ ᠲᠤᠮᠤᠬᠠᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠳᠤ ᠤᠷᠤᠯᠴᠠᠵᠦ ᠥᠨᠳᠤᠷ ᠪᠥᠳᠥᠮᠵᠢ ᠪᠠᠷ ᠰᠢᠯᠠᠭᠠᠷᠠᠵᠦ | ᠶᠠᠪᠣᠵᠠᠢ᠃ | | ᠲᠡᠷᠡ 2022 ᠤᠨ ᠳᠤ ᠺᠥᠷᠢᠶᠠ ᠤᠯᠤᠰ ᠲᠤ ᠶᠠᠪᠤᠭᠳᠠᠭᠰᠠᠨ ᠠᠽᠢᠶᠠ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ | ᠠᠯᠳᠠᠨ ᠪᠥᠰᠡ ᠶᠢᠨ ᠲᠡᠮᠡᠴᠡᠭᠡᠨ ᠳᠤ ᠤᠷᠤᠯᠴᠠᠭᠰᠠᠨ ᠪᠦᠭᠡᠳ 2023 ᠤᠨ ᠳᠤ ᠲᠠᠶᠢᠯᠠᠠᠳ᠋ ᠤᠯᠤᠰ ᠲᠤ | ᠶᠠᠪᠤᠭᠳᠠᠭᠰᠠᠨ ᠠᠽᠢᠶᠠ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠠᠯᠳᠠᠨ ᠪᠥᠰᠡ ᠶᠢᠨ ᠲᠡᠮᠡᠴᠡᠭᠡᠨ ᠳᠤ ᠲᠡᠷᠢᠭᠦᠯᠠᠵᠦ ᠠᠩᠬᠠ | ᠤᠳᠠᠭᠠ ᠪᠠᠨ ᠠᠯᠳᠠᠨ ᠪᠥᠰᠡ ᠶᠢᠨ ᠱᠠᠩᠨᠠᠯ ᠭᠥᠷᠳᠡᠵᠦ ︽ᠠᠽᠢᠶᠠ ᠶᠢᠨ ᠠᠪᠤᠷᠭᠤ︾ ᠪᠠᠷ ᠰᠢᠯᠭᠠᠷᠠᠭᠰᠠᠨ ᠪᠥᠭᠡᠳ | 2024 ᠤᠨ ᠳᠤ ᠵᠢᠶᠠᠩᠰᠤ ᠮᠤᠵᠢ ᠶᠢᠨ ᠴᠢ ᠳ᠋ᠥᠩ ᠬᠤᠳᠠᠨ ᠳᠤ ᠶᠠᠪᠤᠭᠳᠠᠭᠰᠠᠨ ︽WBC ᠮᠡᠷᠭᠡᠵᠢᠯ ᠤᠨ | ᠪᠤᠤᠺᠰ ᠤᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ︾ ᠳᠤ ᠥᠵᠥᠮᠥᠴᠢᠨ ᠬᠥᠤ ᠶᠢᠨ ᠬᠠᠳᠠᠨ ᠵᠤᠷᠢᠭ ᠬᠠᠳᠠᠭᠤ | ᠨᠢᠳᠤᠷᠭᠠ ᠪᠠᠷ ᠬᠠᠷᠭᠤᠭᠰᠠᠨ ᠤᠨᠤᠭᠠ ᠪᠥᠬᠦᠨ ᠢᠶᠠᠨ ᠢᠯᠠᠵᠦ ᠲᠠᠬᠢᠨᠳᠠ ︽ᠠᠽᠢᠶᠠ ᠶᠢᠨ ᠠᠪᠤᠷᠭᠤ︾ ᠶᠢᠨ | ᠠᠯᠳᠠᠨ ᠪᠥᠰᠡ ᠶᠢᠨ ᠡᠵᠡᠨ ᠪᠤᠯᠵᠦ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠨᠡᠷᠡ ᠠᠯᠳᠠᠷ ᠢ ᠬᠠᠷᠢ ᠬᠤᠯᠠ ᠳᠤ ᠲᠠᠭᠤᠷᠢᠰᠬᠠᠵᠦ | ᠪᠢᠯᠠ᠃ | ᠵᠠᠯᠠᠭᠤ ᠪᠤᠤᠺᠰᠴᠢᠨ ᠨᠤᠮᠢᠨ ᠤᠳᠤ ᠱᠧᠨᠵᠧᠨ ᠬᠤᠳᠠ ᠳᠤ ᠮᠡᠷᠭᠡᠵᠢᠯ ᠤᠨ ᠪᠤᠤᠺᠰ ᠤᠨ ᠲᠠᠰᠬᠠᠯᠵᠢᠭᠤᠯᠤᠭᠴᠢ | ᠪᠠᠷ ᠠᠵᠢᠯᠯᠠᠬᠤ ᠶᠢᠨ ᠬᠠᠮᠳᠤ ᠥᠪᠡᠷ ᠤᠨ ᠰᠤᠷᠢᠶᠠ ᠪᠤᠯᠪᠠᠰᠤᠷᠠᠯ ᠢᠶᠠᠨ ᠴᠤ ᠰᠠᠶᠢᠳᠤᠷ ᠬᠢᠵᠦ ᠨᠡᠩ ᠥᠨᠳᠤᠷ | ᠠᠮᠵᠢᠯᠳᠠ ᠳᠤ ᠬᠥᠷᠬᠦ ᠪᠠᠷ ᠴᠢᠷᠮᠠᠶᠢᠨ ᠲᠡᠮᠡᠴᠡᠵᠦ ᠪᠠᠶᠢᠨᠠ᠃ | |