| ᠮᠣᠩᠭᠤᠯᠴᠤᠳ ᠪᠤᠷᠤᠭᠤ ᠲᠠᠯᠠ ᠶᠢᠨ ᠲᠠᠮᠠᠭᠠ ᠪᠣᠯ ᠪᠠᠷᠠᠭᠳᠠᠵᠤ ᠶᠠᠳᠠᠭᠤᠷᠠᠬᠤ ᠶᠢᠨ ᠲᠡᠮᠳᠡᠭ ᠭᠡᠵᠦ ᠦᠵᠡᠳᠡᠭ | ᠪᠣᠯᠬᠤᠷ ᠠᠳᠤᠭᠤᠨ ᠤ ᠪᠤᠷᠤᠭᠤ ᠲᠠᠰᠢᠶᠠᠨ ᠳᠡᠭᠡᠷᠡ ᠲᠠᠮᠠᠭᠠ ᠳᠠᠷᠤᠳᠠᠭ ᠦᠭᠡᠢ ᠶᠤᠮ᠃ | ᠠᠳᠤᠭᠤᠨ ᠤ ᠲᠠᠮᠠᠭᠠ ᠪᠠᠨ ᠭᠠᠳᠠᠭᠠ ᠠᠳᠡ ᠲᠡᠨᠳᠡ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠵᠠᠪᠠᠯ ᠮᠣᠩᠭᠤᠯ | ᠭᠡᠷ ᠤᠨ ᠢᠶᠠᠨ ᠬᠤᠶᠢᠲᠤ ᠲᠠᠯᠠ ᠶᠢᠨ ᠤᠨᠢᠨ ᠳᠤ ᠨᠢ ᠬᠠᠳᠠᠭ ᠪᠥᠰ ᠢᠶᠠᠷ ᠣᠷᠢᠶᠠᠵᠤ ᠬᠠᠪᠴᠢᠭᠤᠯᠤᠨ ᠬᠠᠳᠠᠭᠠᠯᠠᠨᠠ᠃ | ᠠᠳᠤᠭᠤ ᠲᠠᠮᠠᠭᠠᠯᠠᠬᠤ ᠦᠶᠡ ᠳᠤ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠬᠢᠬᠦ ᠶᠢ ᠴᠡᠭᠡᠷᠯᠡᠨ᠂ ᠪᠡᠯᠭᠡ ᠮᠠᠭᠤᠲᠠᠢ ᠭᠡᠵᠦ ᠦᠵᠡᠳᠡᠭ᠃ | ᠬᠠᠶᠢᠷᠠᠲᠠᠢ ᠠᠭᠲᠠ ᠮᠣᠷᠢ ᠪᠠ ᠣᠩᠭᠤᠯᠠᠵᠤ ᠲᠠᠷᠬᠠᠯᠠᠭᠰᠠᠨ ᠮᠣᠷᠢᠳ ᠢᠶᠠᠨ ᠬᠤᠳᠠᠯᠳᠤᠨ ᠶᠠᠪᠤᠭᠤᠯᠬᠤ ᠶᠢ ᠣᠨᠴᠠ | ᠬᠢᠴᠢᠶᠡᠵᠦ᠂ ᠦᠬᠦᠨ ᠦᠬᠦᠲᠡᠯᠡ ᠳᠣᠳᠣᠮᠳᠠᠨ ᠠᠷᠠᠴᠢᠯᠠᠳᠠᠭ᠃ ᠬᠡᠭᠡᠷᠡ ᠬᠥᠳᠡᠭᠡ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠮᠣᠷᠢᠨ ᠤ | ᠬᠢᠯᠭᠠᠰᠤ ᠪᠠᠷ ᠬᠤᠯᠪᠣᠯᠳᠤᠭᠰᠠᠨ ᠬᠤᠮᠣᠯ ᠲᠠᠭᠠᠷᠠᠪᠠᠯ ᠲᠡᠭᠦᠵᠦ ᠠᠪᠤᠭᠠᠳ ᠮᠣᠩᠭᠤᠯ ᠭᠡᠷ ᠤᠨ ᠬᠠᠨᠠ ᠶᠢᠨ | ᠲᠣᠯᠣᠭᠠᠢ ᠠᠴᠠ ᠡᠯᠭᠦᠵᠦ ᠬᠠᠳᠠᠭᠠᠯᠠᠳᠠᠭ᠃ ᠡᠭᠦᠨ ᠢᠶᠠᠨ ᠠᠳᠤᠭᠤ ᠦᠷᠡᠵᠢᠬᠦ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠢᠯ ᠢᠶᠠᠷ | ᠦᠵᠡᠳᠡᠭ᠃ ᠮᠣᠩᠭᠤᠯᠴᠤᠳ ᠮᠣᠷᠢᠨ ᠳᠤ ᠪᠠᠨ ᠮᠣᠷᠳᠠᠬᠤ ᠳᠤ ᠬᠡᠵᠢᠶᠡ ᠴᠦ ᠵᠥᠪᠲᠡᠢ ᠲᠠᠯᠠ ᠠᠴᠠ ᠨᠢ ᠮᠣᠷᠳᠠᠵᠤ᠂ | ᠵᠥᠪᠲᠡᠢ ᠲᠠᠯᠠ ᠤᠷᠤᠭᠤ ᠨᠢ ᠪᠠᠭᠤᠳᠠᠭ᠃ ᠠᠳᠤᠭᠤ ᠶᠢ ᠨᠠᠮᠤᠷ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠡᠳ ᠢᠶᠠᠷ ︽ᠨᠠᠮᠤᠷ ᠤᠨ | ᠲᠠᠯᠠᠯᠭᠠ ᠠᠪᠴᠤ ᠨᠣᠮ ᠤᠩᠰᠢᠬᠤ︾ ᠦᠶᠡ ᠳᠤ ᠲᠡᠭᠷᠢ ᠳᠤ ᠰᠡᠲᠡᠷᠯᠡᠳᠡᠭ᠃ ᠰᠡᠲᠡᠷᠯᠡᠬᠦ ᠠᠳᠤᠭᠤᠨ ᠳᠤ ᠪᠠᠨ ᠠᠬᠢ | ᠬᠦᠵᠢ ᠶᠢᠨ ᠰᠠᠩ ᠤᠭᠤᠭᠢᠭᠤᠯᠬᠤ ᠶᠢᠨ ᠬᠠᠮᠲᠤ ᠷᠠᠰᠢᠶᠠᠯᠠᠵᠤ᠂ ᠰᠡᠲᠡᠷ ᠢᠶᠠᠨ ᠵᠡᠭᠦᠯᠭᠡᠵᠦ᠂ ᠰᠦ ᠰᠠᠭᠠᠯᠢ ᠪᠠᠷ | ᠮᠢᠯᠢᠶᠠᠭᠠᠳ ᠥᠩᠭᠡ ᠵᠢᠰᠦᠮ᠂ ᠨᠠᠰᠤ ᠵᠢᠯ ᠢ ᠨᠢ ᠳᠠᠭᠤᠳᠠᠨ ᠠᠴᠢ ᠭᠠᠪᠢᠶᠠ ᠶᠢ ᠨᠢ ᠮᠠᠭᠲᠠᠵᠤ᠂ ᠲᠡᠭᠷᠢ ᠳᠤ | ᠳᠠᠭᠠᠳᠬᠠᠭᠠᠳ ᠰᠦᠷᠦᠭ ᠲᠤ ᠨᠢ ᠲᠠᠯᠪᠢᠳᠠᠭ᠃ ᠤᠡᠭᠭᠤᠨ ᠲᠠᠷᠬᠠᠨ ᠠᠳᠤᠭᠤᠨ ᠤ ᠪᠠᠨ ᠲᠡᠯ ᠰᠡᠭᠦᠯ ᠠᠴᠠ ᠠᠪᠴᠤ᠂ | ᠬᠠᠳᠠᠭ ᠲᠤ ᠪᠣᠭᠤᠵᠤ᠂ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠡᠯᠭᠦᠨ ᠲᠠᠬᠢᠵᠦ᠂ ᠬᠠᠶᠢᠷᠠᠲᠠᠢ ᠮᠠᠯ ᠤᠨ ᠢᠶᠠᠨ ᠠᠴᠢ ᠲᠤᠰᠠ ᠶᠢ | ᠳᠤᠷᠠᠰᠤᠨ ᠮᠥᠷᠥᠭᠡᠳᠬᠦ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠳᠡᠭ ᠪᠢᠯᠡ᠃ | |