| ᠬᠦᠭᠡ ᠯᠤᠤ ᠵᠢᠯ ᠤᠨ ᠮᠠᠭᠳᠠᠭᠠᠯ | ᠵᠦᠷᠬᠢᠳ᠂ ᠰᠠᠷᠠᠨᠴᠤᠭᠳᠤ | ᠬᠦᠨᠳᠡᠢ ᠲᠤᠮᠪᠤᠳᠤ ᠬᠤᠭᠤᠷ ᠮᠢᠨᠢ | ᠬᠦᠭ ᠨᠢ ᠲᠠᠭᠠᠷᠠᠭᠠᠳ ᠬᠠᠩᠬᠢᠨᠠᠯᠠ | ᠬᠦᠰᠡᠯ ᠪᠢᠯᠬᠠᠭᠰᠠᠨ ᠯᠤᠤ ᠵᠢᠯ ᠢᠶᠠᠨ | ᠬᠤᠳᠠᠯᠠ ᠤᠯᠠᠨ ᠢᠶᠠᠷ ᠢᠶᠠᠨ ᠪᠡᠯᠬᠡᠯᠡᠶᠡ | ᠦᠯᠢᠭᠡᠷ ᠤᠨ ᠠᠶᠠ ᠲᠠᠢ ᠬᠤᠭᠤᠷ ᠮᠢᠨᠢ | ᠦᠩᠭᠡ ᠨᠢ ᠲᠠᠭᠠᠷᠠᠭᠠᠳ ᠬᠦᠩᠭᠢᠨᠡᠯᠡ | ᠦᠯᠵᠡᠢ ᠪᠡᠯᠬᠡᠳᠦ ᠯᠤᠤ ᠵᠢᠯ ᠢᠶᠠᠨ | ᠦᠷᠭᠡᠨ ᠲᠦᠮᠡᠨ ᠢᠶᠠᠷ ᠢᠶᠠᠨ ᠤᠭᠳᠤᠶᠠ | ᠠᠯᠳᠠᠨ ᠨᠠᠷᠠᠨ ᠤ ᠡᠷᠬᠢᠯᠳᠡ ᠪᠠᠷ | ᠠᠶᠠᠯᠠᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠠᠷᠪᠠᠨ ᠬᠤᠶᠠᠷ ᠵᠢᠯ ᠤᠨ ᠡᠬᠡᠯᠵᠢᠯᠡᠯ ᠢᠶᠠᠷ | ᠠᠬᠢᠯᠳᠠ ᠲᠠᠢ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠢᠶᠠᠷ | ᠨᠡᠮᠡᠭᠳᠡᠯ ᠲᠠᠢ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠭᠠᠳ | ᠨᠢᠭᠳᠠᠷᠠᠯ ᠲᠠᠢ ᠰᠠᠭᠠᠳᠠᠭᠰᠠᠨ ᠯᠤᠤ ᠵᠢᠯ | ᠠᠭᠤᠤ ᠨᠠᠮ ᠤᠨ ᠬᠤᠷᠢᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠢ | ᠲᠤᠤᠱᠯᠠᠭᠤᠯᠬᠤ ᠪᠠᠷ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠠᠬᠢᠬᠤ ᠵᠠᠭᠤᠨ ᠤ ᠲᠡᠮᠡᠴᠡᠭᠦ ᠬᠠᠷᠠᠯᠳᠠ ᠶᠢ | ᠵᠢᠷᠤᠭᠯᠠᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠲᠤᠮᠳᠠᠳᠤ ᠶᠢᠨ ᠤᠨᠴᠠᠯᠢᠭᠳᠤ ᠨᠡᠶᠢᠭᠡᠮ ᠵᠢᠷᠦᠮ ᠢ | ᠪᠠᠷᠢᠮᠳᠠᠯᠠᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠲᠤᠮᠳᠠᠳᠤ ᠮᠠᠶ᠋ᠢᠭ ᠤᠨ ᠤᠳᠤᠬᠢᠴᠢᠯᠠᠯᠳᠠ ᠶᠢ | ᠪᠡᠶᠡᠯᠡᠭᠦᠯᠭᠦ ᠪᠠᠷ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠦᠬᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡ ᠶᠢᠨ ᠠᠮᠵᠢᠯᠳᠠ ᠶᠢ | ᠦᠨᠡᠯᠡᠭᠡᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠦᠷᠨᠢᠯ ᠬᠦᠭᠵᠢᠯ ᠤᠨ ᠲᠦᠯᠦᠪᠯᠡᠭᠡ ᠶᠢ | ᠡᠭᠦᠷᠭᠡᠯᠡᠭᠡᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠠᠷᠠᠳ ᠴᠡᠷᠢᠭ ᠤᠨ ᠬᠠᠷᠢᠴᠠᠭᠠ ᠶᠢ | ᠠᠬᠢᠭᠤᠯᠤᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠠᠯᠳᠠᠨ ᠲᠦᠷᠦ ᠶᠢᠨ ᠪᠠᠬᠢᠵᠢᠯᠳᠡ ᠶᠢ | ᠪᠠᠳᠤᠤᠡᠬᠠᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠴᠢᠨᠡᠭᠡᠯᠢᠭ ᠨᠡᠶᠢᠭᠡᠮ ᠢ ᠬᠦᠭᠵᠢᠭᠦᠯᠭᠦ ᠪᠠᠷ | ᠵᠢᠳᠭᠦᠭᠡᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠴᠢᠯᠦᠭᠡᠳᠡᠢ ᠶᠠᠪᠤᠯᠴᠠᠬᠤ ᠶᠢ ᠠᠬᠢᠭᠤᠯᠬᠤ ᠪᠠᠷ | ᠴᠢᠷᠮᠠᠶᠢᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠠᠮᠢ ᠠᠬᠤᠢ ᠶᠢᠨ ᠬᠠᠮᠠᠭᠠᠯᠠᠯᠳᠠ ᠳᠤ | ᠠᠰᠢᠭ ᠬᠦᠷᠳᠡᠭᠦ ᠯᠤᠤ ᠵᠢᠯ | ᠠᠵᠦ ᠠᠬᠤᠢ᠂ ᠲᠠᠷᠢᠶᠠᠯᠠᠩ ᠤᠨ ᠦᠷᠳᠡᠭ | ᠠᠬᠢᠨ ᠲᠠᠬᠢᠨ ᠢᠶᠠᠷ ᠨᠡᠮᠡᠭᠳᠡᠭᠦ ᠯᠤᠤ ᠵᠢᠯ | ᠠᠪᠯᠢᠭᠠᠯ ᠢ ᠡᠰᠡᠷᠭᠦᠴᠡᠭᠦ ᠲᠡᠮᠡᠴᠡᠯ ᠢ | ᠠᠳᠠᠪᠰᠢ ᠠᠳᠬᠤᠬᠤ ᠯᠤᠤ ᠵᠢᠯ | ᠠᠷᠢᠭᠤᠨ ᠴᠢᠭᠡᠴᠢ ᠪᠠᠷ ᠵᠠᠰᠠᠭ ᠪᠠᠷᠢᠬᠤ ᠶᠢ | ᠠᠰᠢᠳᠠ ᠠᠬᠢᠭᠤᠯᠬᠤ ᠯᠤᠤ ᠵᠢᠯ | ᠡᠯᠡ ᠦᠨᠳᠦᠰᠦᠳᠡᠨ ᠤ ᠪᠦᠯᠬᠦᠮᠳᠡᠯ ᠢ | ᠨᠢᠭᠳᠠᠷᠠᠭᠤᠯᠤᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠡᠶᠡ ᠵᠤᠬᠢᠴᠠᠯᠳᠤ ᠨᠡᠶᠢᠭᠡᠮ ᠢ | ᠪᠠᠶᠢᠭᠤᠯᠤᠭᠠᠳ ᠢᠷᠡᠭᠰᠡᠨ ᠯᠤᠤ ᠵᠢᠯ | ᠰᠤᠷᠭᠠᠨ ᠬᠦᠮᠦᠵᠢᠯ᠂ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠢ | ᠰᠤᠳᠤᠯᠤᠨ ᠬᠦᠭᠵᠢᠭᠦᠯᠭᠦ ᠯᠤᠤ ᠵᠢᠯ | ᠰᠤᠶᠤᠯ ᠤᠷᠠᠯᠢᠭ᠂ ᠰᠤᠷᠳᠠᠯ ᠤᠬᠠᠭᠤᠯᠭᠠ ᠶᠢ | ᠰᠤᠯᠤᠩᠭᠠᠷᠠᠨ ᠬᠢᠯᠠᠯᠵᠠᠭᠤᠯᠬᠤ ᠯᠤᠤ ᠵᠢᠯ | ᠡᠮ ᠡᠮᠨᠡᠯᠭᠡ᠂ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ | ᠡᠷᠡᠭᠦᠯ ᠢᠶᠠᠷ ᠬᠦᠭᠵᠢᠭᠦ ᠯᠤᠤ ᠵᠢᠯ | ᠡᠳᠡᠭᠡᠳ ᠡᠪᠡᠳᠴᠢᠨ ᠬᠢᠵᠢᠭ | ᠡᠷᠬᠢᠯᠳᠡ ᠦᠭᠡᠢ ᠠᠷᠢᠯᠬᠤ ᠯᠤᠤ ᠵᠢᠯ | ︽ᠨᠢᠭᠡ ᠤᠯᠤᠰ᠂ ᠬᠤᠶᠠᠷ ᠪᠠᠶᠢᠭᠤᠯᠤᠯ︾ ᠤᠨ ᠲᠦᠷᠢᠮ ᠢ | ᠨᠢᠭᠡᠮᠦᠰᠦᠨ ᠬᠡᠷᠡᠭᠵᠢᠭᠦᠯᠭᠦ ᠯᠤᠤ ᠵᠢᠯ | ︽ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ︾ ᠤᠨ ᠶᠠᠪᠤᠯᠴᠠᠭᠠ ᠶᠢ | ᠨᠢᠮᠪᠡᠢ ᠪᠠᠷᠢᠮᠳᠠᠯᠬᠤ ᠯᠤᠤ ᠵᠢᠯ | ᠬᠤᠷᠴᠢᠨ ᠤ ᠲᠠᠯᠠ ᠨᠤᠳᠤᠭ ᠲᠤ | ᠬᠤᠨᠤᠭᠰᠢᠭᠠᠳ ᠰᠠᠭᠠᠳᠠᠭᠰᠠᠨ ᠯᠤᠤ ᠵᠢᠯ | ᠬᠤᠷᠢᠨ ᠨᠢᠭᠡᠳᠤᠭᠡᠷ ᠵᠠᠭᠤᠨ ᠤ ᠵᠠᠷᠤᠳᠴᠤᠳ ᠢ | ᠬᠦᠭᠵᠢᠭᠦᠯᠭᠦ ᠪᠠᠷ ᠰᠠᠭᠠᠳᠠᠭᠰᠠᠨ ᠯᠤᠤ ᠵᠢᠯ | ᠪᠠᠭᠠᠳᠤᠷᠯᠢᠭ ᠮᠤᠩᠭᠤᠯᠴᠤᠳ ᠤᠨ ᠪᠠᠳᠠᠷᠠᠯ ᠢ | ᠪᠠᠭ᠋ᠠᠷᠬᠠᠭᠠᠳ ᠰᠠᠭᠠᠳᠠᠭᠰᠠᠨ ᠯᠤᠤ ᠵᠢᠯ | ᠪᠦᠳᠦᠭᠡᠯ ᠦᠢᠯᠡᠰ ᠲᠠᠢ ᠡᠭᠦᠳᠡᠨ ᠳᠤ | ᠪᠤᠶᠠᠨ ᠰᠤᠶᠤᠷᠬᠠᠭᠰᠠᠨ ᠯᠤᠤ ᠵᠢᠯ | ᠬᠦᠭᠡ ᠮᠦᠷᠡᠨ ᠤ ᠤᠰᠤ ᠶᠢ | ᠬᠦᠨᠦᠭ ᠢᠶᠠᠷ ᠶᠠᠨᠳᠠᠭᠠᠳ ᠪᠠᠷᠠᠨᠤ ᠳ᠋ᠠ | ᠬᠦᠭᠵᠢᠯ ᠮᠠᠨᠳᠤᠯᠳᠤ ᠯᠤᠤ ᠵᠢᠯ ᠢᠶᠠᠨ | ᠬᠤᠯᠪᠤᠨ ᠮᠠᠭᠳᠠᠭᠠᠳ ᠪᠠᠷᠠᠨᠤ ᠳ᠋ᠠ | ᠠᠶᠠᠯᠭᠤᠯᠠᠵᠦ ᠬᠡᠯᠡᠭᠰᠡᠨ ᠬᠤᠯᠪᠤᠭᠠ ᠪᠤᠯ | ᠠᠶᠤᠤᠯᠢᠬᠠᠢ ᠴᠢᠭᠡᠵᠢᠨ ᠤ ᠤᠶᠠᠩᠭᠠ ᠰᠢᠤ | ᠠᠰᠤᠷᠤ ᠰᠠᠶᠢᠬᠠᠨ ᠯᠤᠤ ᠵᠢᠯ ᠳᠤ ᠪᠠᠨ | ᠠᠵᠠ ᠬᠡᠶᠢᠮᠦᠷᠢ ᠬᠤᠷᠤᠶᠢᠯᠠᠭᠰᠠᠨ ᠪᠡᠯᠡᠭ ᠰᠢᠤ | ᠡᠭᠦᠰᠭᠡᠵᠦ ᠬᠡᠯᠡᠭᠰᠡᠨ ᠬᠤᠯᠪᠤᠭᠠ ᠪᠠᠨ | ᠠᠳᠠ ᠬᠦᠷᠦᠭᠡᠳ ᠵᠠᠪᠰᠠᠷᠯᠠᠶᠠ | ᠦᠯᠵᠡᠢ ᠬᠡᠰᠢᠭᠳᠦ ᠯᠤᠤ ᠵᠢᠯ ᠳᠤ ᠪᠠᠨ | ᠦᠬᠡᠳᠡ ᠡᠰᠡᠷᠡᠭ ᠠᠮᠢᠳᠤᠷᠠᠵᠠᠭᠠᠶᠠ︕ | | |