| ᠦᠢᠯᠡᠰ ᠪᠣᠰᠬᠠᠭᠴᠢ ᠬᠤᠶᠠᠷ ᠵᠠᠯᠠᠭᠤ ᠶᠢᠨ ᠪᠤᠶᠠᠨᠰᠠᠭ ᠠᠵᠢᠯᠯᠠᠭᠠ | | | ᠰᠦᠯᠵᠢᠶᠡᠨ ᠠᠷᠠᠯᠵᠢᠶᠠ ᠪᠠᠷ ᠠᠵᠢᠯ ᠦᠢᠯᠡᠰ ᠢᠶᠠᠨ ᠪᠣᠰᠬᠠᠵᠣ ᠶᠠᠪᠣᠭᠠ ᠡᠨᠡ ᠬᠤᠶᠠᠷ ᠵᠠᠯᠠᠭᠤ ᠶᠢ ᠪᠣᠶᠠᠨᠮᠠᠨᠳᠠ᠂ | ᠣᠶᠠᠬᠠᠨ ᠭᠡᠳᠡᠭ᠃ ᠠᠩᠬᠠ ᠪᠣᠶᠠᠨᠮᠠᠨᠳᠠ ᠥᠪᠡᠷ ᠤᠨ ᠳᠣᠷᠠ ᠪᠠᠬᠠ ᠣᠷᠠ ᠠᠪᠢᠶᠠᠰ ᠲᠤ ᠪᠠᠨ ᠬᠥᠲᠦᠯᠦᠭᠳᠡᠨ 2019 | ᠣᠨ ᠠᠴᠠ ᠡᠬᠢᠯᠡᠨ ᠲᠢᠺ ᠲᠤᠺ ᠲᠠᠪᠴᠠᠩ ᠳᠡᠭᠡᠷᠡ ᠥᠷᠭᠦᠯᠵᠢ ᠥᠪᠡᠷ ᠤᠨ ᠳᠣᠷᠠᠲᠠᠢ ᠳᠠᠭᠤᠣ ᠪᠠᠨ ᠦᠵᠡᠭᠴᠢ ᠣᠯᠠᠨ ᠳᠤ | ᠪᠠᠨ ᠳᠠᠭᠤᠯᠠᠵᠣ ᠰᠣᠨᠢᠷᠬᠠᠭᠤᠯᠣᠨ ᠣᠯᠠᠨ ᠤ ᠬᠦᠷᠢᠶᠡᠯᠡᠯ ᠢ ᠣᠯᠳᠠᠭ ᠪᠠᠶᠢᠵᠠᠢ᠃ ᠲᠡᠷᠡ ᠪᠠᠷ ᠬᠤᠶᠠᠭᠤᠯᠠ ᠪᠠᠨ ᠬᠠᠨᠢ ᠶᠢᠨ | ᠵᠠᠶᠠᠭᠠ ᠬᠤᠯᠪᠣᠨ ᠣᠳᠣ ᠪᠣᠯᠬᠤ ᠳᠤ ᠬᠥᠭᠡᠷᠦᠬᠦᠨ ᠬᠦᠦ ᠲᠠᠢ ᠪᠣᠯᠵᠣ ᠠᠮᠢᠳᠣᠷᠠᠯ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠵᠥᠪ | ᠡᠨᠧᠷᠬᠢ ᠲᠠᠢ ᠵᠦᠢᠯᠡᠰ ᠢᠶᠠᠨ ᠰᠡᠭᠦᠳᠡᠷᠯᠡᠵᠤ ᠰᠢᠩᠭᠡᠭᠡᠨ ᠣᠯᠠᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠳᠠᠭ ᠪᠣᠯᠵᠠᠢ᠃ | | | 2022 ᠣᠨ ᠤ 11 ᠰᠠᠷᠠ ᠠᠴᠠ ᠡᠬᠢᠯᠡᠨ ᠬᠤᠶᠠᠷ ᠬᠤᠣᠰ ᠮᠠᠨᠢ ︽ᠬᠠᠨᠢ ︾ ᠭᠤᠶᠣᠯᠠᠯ ᠤᠨ ᠪᠥᠲᠦᠭᠡᠭᠳᠡᠬᠦᠨ ᠢᠶᠠᠨ | ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠭᠠᠷᠭᠠᠨ᠂ ᠭᠠᠭᠴᠠ ᠨᠢᠭᠤᠷ ᠤᠨ ᠨᠠᠭᠠᠯᠲᠠ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠣᠳᠣ ᠪᠣᠯᠬᠤ ᠳᠤ ᠨᠢᠭᠡᠨᠲᠡ | ᠠᠷᠪᠠ ᠭᠠᠷᠣᠢ ᠪᠥᠲᠦᠭᠡᠭᠲᠡᠬᠦᠨ ᠲᠠᠢ ᠪᠣᠯᠵᠣ᠂ ᠠᠩᠬᠠ ᠬᠤᠶᠠᠭᠤᠯᠠ ᠪᠠᠨ ᠠᠵᠢᠯᠯᠠᠳᠠᠭ ᠪᠠᠶᠢᠭᠰᠠᠨ ᠢᠶᠠᠨ ᠥᠨᠥ ᠪᠣᠯᠬᠤ ᠳᠤ | ᠠᠵᠢᠯ ᠤᠨ ᠬᠠᠮᠲᠣ ᠣᠯᠠᠨ ᠨᠢ ᠥᠷᠭᠡᠵᠢᠭᠡᠳ 7 ᠭᠡᠰᠢᠭᠦᠨ ᠲᠠᠢ ᠪᠣᠯᠵᠣ᠂ 100 ᠭᠠᠷᠣᠢ ᠣᠷᠣᠯᠠᠨ ᠪᠣᠷᠣᠯᠠᠭᠤᠯᠤᠭᠴᠢ᠂ | ᠲᠦᠮᠠ ᠭᠠᠷᠣᠢ ᠭᠡᠷᠡᠭᠯᠡᠭᠴᠢ ᠲᠠᠢ ᠪᠣᠯᠵᠠᠢ᠃ ᠡᠶᠢᠨᠬᠦ ᠲᠡᠳᠡ ᠬᠤᠶᠠᠷ 7 ᠰᠠᠷᠠ ᠶᠢᠨ 6 ᠳᠤ ᠠᠩᠬᠠᠨ ᠤ ᠲᠠᠯᠠᠪᠠᠢ | ᠬᠠᠨᠳᠢᠪ ᠡᠷᠭᠦᠭᠦ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠪᠠᠨ ᠬᠢᠵᠣ᠂ ᠴᠢᠨᠠᠷ ᠰᠠᠶᠢᠲᠠᠢ ᠪᠠᠷᠠᠭᠠ ᠪᠠᠨ ᠬᠠᠮᠤᠭ ᠤᠨ ᠬᠢᠮᠳᠠ ᠳᠣᠬᠢᠷᠠᠮᠵᠢᠲᠠᠢ | ᠥᠨᠡ ᠪᠠᠷ ᠪᠣᠷᠣᠯᠠᠭᠤᠯᠵᠣ᠂ ᠪᠣᠷᠣᠯᠠᠭᠤᠯᠭᠠ ᠶᠢᠨ ᠪᠥᠬᠦ ᠮᠥᠩᠭᠦ ᠪᠠᠷ ᠢᠶᠠᠨ ᠬᠠᠨᠳᠢᠪ ᠡᠷᠭᠦᠭᠦ ᠪᠠᠷ ᠪᠣᠯᠣᠭᠰᠠᠨ ᠪᠢᠯᠡ᠃ | | 7 ᠰᠠᠷᠠ ᠶᠢᠨ 7 ᠳᠤ᠂ ᠬᠤᠶᠠᠷ ᠬᠤᠣᠰ ᠮᠠᠨᠢ ᠪᠠᠭ ᠤᠨ ᠬᠠᠮᠲᠣ ᠣᠯᠠᠨ ᠢᠶᠠᠨ ᠳᠠᠭᠠᠭᠤᠯᠣᠨ᠂ ᠭᠠᠴᠠᠭᠠᠨ ᠤ | ᠣᠳᠣᠷᠢᠳᠣᠯᠭᠠ ᠲᠠᠢ ᠪᠠᠨ ᠬᠠᠮᠲᠣ᠂ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠬᠢᠵᠣ ᠣᠯᠣᠭᠰᠠᠨ ᠮᠥᠩᠭᠦ ᠪᠠᠷ ᠢᠶᠠᠨ ᠭᠤᠯᠢᠷ ᠪᠣᠳᠠᠭᠠ | ᠵᠡᠷᠭᠡ ᠶᠢᠨ ᠠᠮᠢᠳᠣᠷᠠᠯ ᠳᠤ ᠬᠡᠷᠡᠭᠴᠡᠭᠡ ᠲᠠᠢ ᠡᠳ᠋ ᠪᠣᠲᠠᠰ ᠢ ᠬᠤᠳᠠᠯᠳᠣᠨ ᠠᠪᠴᠤ ᠪᠠᠶᠠᠨᠬᠤᠰᠢᠭᠤ ᠰᠣᠮᠣᠨ ᠤ ᠱᠠᠣᠲᠣ | ᠭᠠᠴᠠᠭᠠᠨ ᠳᠤ ᠬᠦᠷᠴᠦ᠂ ᠭᠠᠴᠠᠭᠠᠨ ᠤ ᠪᠠᠨ ᠮᠥᠩᠬᠡᠪᠠᠭᠠᠲᠣᠷ ᠵᠡᠷᠭᠡ 6 ᠡᠷᠦᠬᠡ ᠳᠤ ᠬᠦᠷᠴᠦ ᠪᠣᠯᠭᠤᠭᠠᠨ ᠲᠣᠬᠤᠨᠢᠭᠤᠯᠣᠨ | ᠂ ᠡᠳ᠋ ᠪᠣᠳᠠᠰ ᠬᠦᠷᠭᠡᠨ ᠲᠣᠰᠠ ᠳᠡᠮᠵᠢᠯᠭᠡ ᠪᠠᠨ ᠦᠵᠡᠭᠦᠯᠵᠤ᠂ ᠲᠡᠳᠡᠨᠠᠷ ᠲᠤ ᠨᠡᠶᠢᠭᠡᠮ ᠤᠨ ᠬᠠᠯᠠᠭᠤᠨ ᠳᠣᠯᠠᠭᠠᠨ ᠢ | ᠬᠦᠷᠭᠡᠭᠰᠡᠨ ᠪᠠᠶᠢᠨᠠ᠃ | | ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠣᠳᠠᠭᠠᠳᠠᠭ ᠦᠭᠡᠢ ᠭᠡᠳᠡᠭᠴᠢᠯᠡᠨ᠂ ᠰᠢᠨᠡ ᠴᠠᠭ ᠡᠷᠡᠨ ᠤ ᠰᠢᠯᠢᠳᠡᠭ ᠵᠠᠯᠠᠭᠤᠴᠣᠳ | ᠪᠣᠯᠵᠣ ᠶᠠᠪᠣᠭᠠ ᠤᠶᠠᠬᠠᠨ ᠪᠣᠶᠠᠨᠮᠠᠨᠳᠠ ᠬᠤᠶᠠᠷ ᠮᠠᠨᠢ ᠣᠷᠠ ᠣᠬᠠᠭᠠᠨ ᠢᠶᠠᠷ ᠢᠶᠠᠨ ᠠᠵᠢᠯ ᠦᠢᠯᠡᠰ ᠢᠶᠠᠨ ᠪᠣᠰᠬᠠᠵᠤ᠂ | ᠠᠮᠢᠳᠣᠷᠠᠯ ᠠᠬᠤᠢ ᠪᠠᠨ ᠴᠤᠭᠴᠠᠯᠠᠵᠣ ᠶᠠᠪᠣᠨᠠ᠃ | | | | | | |