| ᠮᠣᠩᠭᠤᠯ ᠪᠦᠭᠡ ᠶᠢᠨ ᠪᠠᠷᠢᠴᠠ ᠶᠢᠨ ᠲᠤᠬᠠᠢ ᠥᠭᠦᠯᠡᠬᠦᠢ | | ᠮᠣᠩᠭᠤᠯ ᠪᠦᠭᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠭᠤᠣᠯ ᠪᠤᠯᠬᠤ ᠠᠷᠭᠠ ᠭᠡᠯᠪᠡᠷᠢ ᠶᠢᠨ ᠨᠢᠭᠡ ᠨᠢ ᠪᠠᠷᠢᠴᠠ ᠪᠣᠯᠣᠨᠠ᠃ | ᠪᠦᠭᠡ ᠬᠥᠮᠥᠨ ᠪᠠᠷᠢᠴᠠᠨ ᠳᠠᠭᠠᠨ ᠰᠢᠭᠤᠳᠴᠤ ᠴᠢᠳᠠᠬᠤ ᠦᠭᠡᠢ ᠪᠠᠷ ᠬᠥᠮᠥᠨ ᠢ ᠬᠠᠶᠠᠨᠠ ᠭᠡᠳᠡᠭ ᠬᠤᠳᠠᠯ᠃ ᠪᠠᠷᠢᠴᠠ | ᠪᠣᠯ ᠮᠣᠩᠭᠤᠯ ᠪᠦᠭᠡ ᠶᠢᠨ ᠠᠮᠢᠨ᠂ ᠮᠥᠨ ᠴᠤ ᠳᠣᠲᠣᠭᠠᠳᠤ ᠰᠡᠳᠬᠢᠯ ᠤᠨ ᠳᠠᠶᠢᠨ ᠤ ᠪᠣᠳᠣᠯᠭᠠ ᠶᠢᠨ ᠢᠯᠠᠬᠤ ᠳᠤ | ᠵᠣᠷᠢᠬᠤ ᠴᠢᠭᠯᠡᠯ ᠮᠥᠨ᠃ ᠪᠠᠷᠢᠴᠠᠨ ᠳᠤ ᠳᠦᠢᠯᠳᠠᠢ ᠬᠦᠷᠬᠦ ᠶᠢᠨ ᠵᠠᠮ ᠪᠣᠯ ᠪᠠᠷᠢᠬᠤ ᠪᠢᠰᠢ ᠬᠠᠷᠢᠨ ᠵᠣᠭᠰᠣᠴᠠ | ᠭᠢᠰᠬᠢᠳᠡᠯ ᠪᠠᠶᠢᠭᠠ ᠶᠤᠮ᠃ ᠭᠢᠰᠬᠢᠳᠡᠯ ᠤᠨ ᠲᠤᠬᠠᠢ ᠰᠣᠨᠢᠷᠬᠠᠨ ᠬᠠᠶᠢᠬᠤ ᠳᠤ ᠨᠢᠳᠦᠨ ᠳᠤ ᠤᠯᠠᠨ ᠶᠠᠭᠤᠮᠠ | ᠬᠠᠷᠠᠭᠳᠠᠭᠰᠠᠨ ᠯᠡ ᠳ᠋ᠠ᠃ ᠡᠷᠲᠡᠨ ᠠᠴᠠ ᠠᠪᠤᠭᠠᠳ ᠮᠣᠩᠭᠤᠯ ᠪᠦᠭᠡ ᠨᠢ ᠭᠢᠰᠬᠢᠳᠡᠯ ᠢᠶᠠᠨ ᠠᠩᠬᠠᠷᠴᠤ᠂ ᠭᠢᠰᠬᠢᠳᠡᠯ | ᠰᠠᠶᠢᠲᠠᠢ ᠪᠠᠶᠢᠬᠤ ᠶᠢ ᠵᠣᠷᠢᠳᠠᠭ᠃ ᠶᠡᠷᠦᠨᠢ ᠭᠢᠰᠬᠢᠳᠡᠯ ᠰᠠᠶᠢᠲᠠᠢ ᠪᠦᠭᠡ ᠨᠢ ᠪᠠᠷᠢᠴᠠᠨ ᠳᠠᠭᠠᠨ ᠡᠷᠲᠡ ᠳᠤᠨᠤᠵᠤ | ᠭᠦᠷᠳᠡᠭ ᠪᠣᠯ ᠭᠢᠰᠬᠢᠳᠡᠯ ᠵᠣᠬᠢᠴᠠᠬᠤ ᠦᠭᠡᠢ ᠬᠥᠮᠥᠨ ᠤ ᠪᠠᠷᠢᠴᠠ ᠳᠤᠲᠠᠭᠤᠳᠠᠭᠠᠳ ᠪᠠᠶᠢᠬᠤ ᠦᠵᠡᠭᠳᠡᠯ ᠪᠠᠶᠢᠩᠭᠤ | ᠬᠠᠷᠠᠭᠳᠠᠳᠠᠭ᠃ ᠤᠳᠤ ᠭᠢᠰᠬᠢᠳᠡᠯ ᠮᠠᠰᠢ ᠰᠠᠶᠢᠨ ᠪᠦᠭᠡ ᠶᠢᠨ ᠲᠣᠭᠠᠨ ᠳᠤ ᠪᠠᠭᠠᠷᠢᠨ ᠤ ᠠᠯᠲᠠᠨᠰᠦ᠋ᠬᠡ ᠠᠪᠤᠷᠭᠤ | ᠬᠠᠷᠠᠭᠳᠠᠳᠠᠭ᠃ ᠠᠯᠲᠠᠨᠰᠦ᠋ᠬᠡ ᠪᠠᠷᠢᠯᠳᠤᠭᠠᠨ ᠤ ᠶᠠᠪᠤᠴᠠ ᠳᠤᠮᠳᠠ ᠪᠠᠨ ᠶᠠᠮᠠᠷ ᠪᠦᠭᠡ ᠲᠠᠢ ᠳᠠᠭᠠᠷᠠᠬᠰᠠᠨ ᠴᠤ | ᠭᠢᠰᠬᠢᠳᠡᠯ ᠠᠯᠳᠠᠷᠠᠵᠤ ᠣᠶᠢᠴᠢᠵᠤ ᠪᠠᠶᠢᠭᠠ ᠨᠢ ᠬᠠᠷᠠᠭᠳᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠮᠠᠰᠢ ᠡᠪ ᠲᠠᠢ ᠰᠠᠮᠪᠠᠭᠠᠯᠢᠭ | ᠭᠢᠰᠬᠢᠳᠡᠯ ᠲᠡᠭᠦᠨ ᠤ ᠪᠠᠷᠢᠯᠳᠤᠭᠠᠨ ᠳᠤ ᠪᠠᠶᠢᠩᠭᠤ ᠬᠠᠷᠠᠭᠳᠠᠳᠠᠭ᠃ ᠵᠣᠭᠰᠣᠴᠠ ᠶᠢᠨ ᠬᠤᠪᠢ ᠳᠤ ᠪᠦᠭᠡ ᠬᠥᠮᠥᠨ | ᠪᠠᠶᠢᠷᠢ ᠲᠠᠢ ᠪᠠᠶᠢᠬᠤ᠂ ᠯᠠᠪ ᠪᠠᠶᠢᠬᠤ᠂ ᠬᠦᠨᠳᠦ ᠶᠢᠨ ᠵᠢᠩ ᠲᠠᠢ ᠬᠠᠷᠠᠭᠳᠠᠬᠤ ᠨᠢ ᠰᠠᠶᠢᠨ ᠵᠣᠭᠰᠣᠴᠠ ᠲᠠᠢ ᠪᠦᠭᠡ ᠶᠢᠨ | ᠲᠡᠮᠳᠡᠭ ᠶᠤᠮ᠃ ᠡᠭᠦᠨ ᠤ ᠳᠥᠯᠥᠭᠡᠨ ᠤ ᠪᠦᠭᠡ ᠪᠠᠷ ᠬᠥᠯᠥᠨ ᠪᠤᠶᠢᠷ ᠤᠨ ᠠᠯᠲᠠᠨᠱᠠᠭᠠ ᠣᠷᠣᠨᠠ᠃ ᠲᠡᠭᠦᠨ ᠤ | ᠪᠠᠷᠢᠯᠳᠤᠭᠠᠨ ᠢ ᠬᠠᠷᠠᠬᠤ ᠳᠤ ᠪᠡᠶᠡ ᠠᠴᠠ ᠪᠠᠨ ᠬᠤᠪᠢ ᠳᠠᠭᠢᠨ ᠬᠦᠨᠳᠦ ᠲᠠᠢ ᠬᠠᠷᠠᠭᠳᠠᠬᠤ ᠭᠠᠶᠢᠬᠠᠮᠰᠢᠭ ᠰᠡᠷᠡᠭᠳᠡᠳᠡᠭ᠃ | ᠬᠦᠨᠳᠦᠷᠡᠵᠦ ᠬᠠᠷᠠᠭᠳᠠᠬᠤ ᠭᠡᠳᠡᠭ ᠨᠢ ᠲᠡᠭᠦᠨ ᠤ ᠵᠣᠭᠰᠣᠴᠠ ᠶᠢᠨ ᠰᠡᠷᠡᠯᠲᠡ ᠶᠤᠮ᠂ ᠪᠠᠶᠢᠷᠢ ᠰᠠᠶᠢᠲᠠᠢ ᠪᠦᠭᠡ ᠭᠦᠨ | ᠵᠣᠭᠰᠣᠵᠤ ᠴᠢᠳᠠᠳᠠᠭ᠃ ᠵᠦᠪᠭᠡᠨ ᠬᠦᠨᠳᠦ ᠵᠢᠩ ᠲᠠᠢ ᠬᠥᠮᠥᠨ ᠯᠡ ᠬᠦᠨᠳᠦ ᠬᠠᠷᠠᠭᠳᠠᠭᠠᠳ ᠪᠠᠶᠢᠳᠠᠭ ᠦᠭᠡᠢ ᠶᠢ | ᠪᠦᠭᠡ ᠬᠥᠮᠥᠨ ᠶᠠᠭᠤ ᠠᠨᠳᠠᠬᠤ ᠪᠢᠯᠡ᠃ ᠡᠶᠢᠮᠦ ᠬᠥᠮᠥᠰ ᠥᠪᠡᠷ ᠤᠨ ᠪᠠᠷᠢᠴᠠᠨ ᠳᠤ ᠪᠠᠨ ᠠᠮᠠᠷᠬᠠᠨ ᠬᠦᠷᠴᠦ | ᠬᠥᠮᠥᠨ ᠤ ᠪᠠᠷᠢᠴᠠᠨ ᠳᠤ ᠭᠢᠯᠪᠠᠷ ᠥᠷᠲᠥᠳᠡᠭ ᠦᠭᠡᠢ ᠪᠤᠯᠬᠤ ᠪᠠᠷ ᠨᠦᠭᠦᠭᠡ ᠡᠲᠡᠭᠡᠳ ᠢᠶᠠᠨ ᠬᠠᠶᠠᠬᠤ ᠨᠢ ᠢᠯᠡᠭᠦᠦ | ᠪᠠᠶᠢᠳᠠᠭ᠃ ᠵᠠᠷᠢᠮ ᠪᠦᠭᠡ ᠲᠠᠢ ᠪᠠᠷᠢᠯᠳᠤᠬᠤ ᠳᠤ ︽ᠪᠠᠷᠢᠬᠤ ᠳᠤ ᠡᠪ ᠦᠭᠡᠢ︾ ᠵᠡᠷᠭᠡ ᠰᠡᠳᠬᠢᠭᠳᠡᠯ ᠦᠭᠳᠡᠭ ᠨᠢ | ᠳᠤᠰ ᠪᠦᠭᠡ ᠪᠡᠶᠡ ᠪᠠᠨ ᠪᠠᠷᠢᠴᠠᠨ ᠳᠤ ᠡᠪ ᠦᠭᠡᠢ ᠪᠠᠶᠢᠳᠠᠯ ᠳᠤ ᠳᠠᠰᠬᠠᠭᠰᠠᠨ ᠳᠤ ᠪᠠᠶᠢᠭᠠ ᠶᠤᠮ᠃ ᠡᠨᠡ ᠨᠢ | ᠮᠡᠳᠡᠷᠡᠯ ᠲᠠᠢ ᠪᠠᠷᠢᠴᠠᠨ ᠳᠤ ᠳᠠᠰᠬᠠᠭᠰᠠᠨ ᠤ ᠦᠷᠡ ᠳᠠᠭᠠᠪᠤᠷᠢ ᠶᠤᠮ᠃ ︽ᠬᠠᠳᠠᠵᠤ ᠪᠠᠷᠢᠬᠤ︾ ᠪᠠᠷᠢᠴᠠ ᠨᠢ | ᠶᠡᠷᠦᠩᠬᠡᠢ ᠳᠤ ᠪᠠᠨ ᠪᠠᠷᠢᠴᠠᠨ ᠳᠤ ᠳᠠᠰᠬᠠᠭᠰᠠᠨ ᠤ ᠰᠠᠶᠢᠨ ᠳᠤ ᠲᠦᠰᠢᠵᠦ᠂ ᠨᠦᠭᠦᠭᠡ ᠡᠲᠡᠭᠡᠳ ᠢᠶᠠᠨ ᠡᠪ ᠦᠭᠡᠢ | ᠪᠠᠶᠢᠳᠠᠯ ᠳᠤ ᠣᠷᠣᠭᠤᠯᠵᠤ ᠮᠣᠬᠤᠭᠠᠳᠠᠭ ᠶᠤᠮ᠃ ᠮᠡᠭᠡ ᠲᠠᠢ ᠪᠠᠷᠢᠴᠠ ᠲᠠᠢ ᠪᠦᠭᠡ ᠤᠯᠠᠨ ᠭᠠᠷᠤᠭᠠᠳ ᠪᠠᠶᠢᠬᠤ ᠳᠤ | ᠭᠦᠷᠪᠡᠯ ᠮᠣᠩᠭᠤᠯ ᠪᠦᠭᠡ ᠶᠢᠨ ᠪᠠᠷᠢᠴᠠ ᠭᠡᠳᠡᠭ ᠠᠢ ᠰᠣᠶᠣᠯ ᠴᠢᠨᠠᠭᠰᠢ ᠠᠬᠢᠵᠤ ᠪᠠᠶᠢᠭᠠ ᠶᠢᠨ ᠲᠡᠮᠳᠡᠭ ᠶᠤᠮ᠃ | ᠪᠠᠷᠢᠬᠤ ᠳᠤ ᠡᠪ ᠦᠭᠡᠢ ᠬᠥᠮᠥᠨ ᠤ ᠪᠠᠷᠢᠴᠠ ᠶᠢ ᠨᠢ ᠬᠠᠷᠢᠭᠤᠯᠬᠤ ᠡᠷᠳᠡᠮ ᠨᠢ ︽ᠪᠠᠷᠢᠴᠠᠨ ᠤ ᠬᠠᠷᠢᠭᠤᠯᠲᠠ︾ | ᠪᠣᠯᠣᠨᠠ᠃ ᠤᠳᠤ ᠶᠢᠨ ᠬᠥᠮᠥᠰ ᠮᠡᠭᠡ ᠮᠡᠷᠭᠡᠵᠢᠯ ᠤᠨ ᠬᠠᠷᠢᠭᠤᠯᠲᠠ ᠭᠡᠪᠡᠯ ᠰᠠᠶᠢᠨ ᠮᠡᠳᠡᠵᠤ᠂ ᠪᠠᠷᠢᠴᠠᠨ ᠤ | ᠬᠠᠷᠢᠭᠤᠯᠲᠠ ᠭᠡᠬᠦᠯᠡᠷ ᠬᠠᠷᠢᠨ ᠪᠠᠷᠢᠴᠠᠨ ᠤ ᠬᠠᠷᠢᠭᠤᠯᠲᠠ ᠭᠡᠵᠦ ᠶᠠᠭᠤ ᠪᠠᠶᠢᠳᠠᠭ ᠶᠤᠮ ᠭᠡᠵᠦ ᠭᠠᠶᠢᠬᠠᠬᠤ ᠪᠠᠶᠢᠬᠠ᠃ | ᠦᠨᠡᠨᠳᠡᠭᠡᠨ ᠰᠠᠶᠢᠨ ᠪᠦᠭᠡ ᠳᠤ ᠪᠠᠷᠢᠴᠠ ᠵᠠᠳᠠᠯᠬᠤ ᠤᠷᠠ ᠤᠬᠠᠭᠠᠨ ᠤᠤᠯ ᠨᠢ ᠪᠣᠯ ᠪᠠᠶᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠤᠳᠤ ᠪᠣᠯ ᠳᠠᠷᠡ ᠨᠢ ᠨᠦᠭᠦᠭᠡ ᠡᠲᠡᠭᠡᠳ ᠠᠴᠠ ᠪᠠᠨ ᠠᠭᠢᠭᠤᠬᠠᠨ ᠪᠠᠶᠢᠭᠠ ᠲᠣᠬᠢᠶᠠᠯᠳᠤᠯ ᠳᠤ ᠬᠠᠷᠠ ᠠᠯᠪᠠ ᠪᠠᠷ | ᠨᠦᠭᠦᠭᠡ ᠡᠲᠡᠭᠡᠳ ᠤᠨ ᠢᠶᠠᠨ ᠪᠠᠷᠢᠴᠠ ᠶᠢ ᠵᠠᠳᠠᠯᠬᠤ ᠨᠢ ᠤᠯᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠠᠴᠠ ᠪᠢᠰᠢ ᠶᠠᠮᠠᠷ ᠨᠢᠭᠡᠨ | ᠪᠠᠷᠢᠴᠠ ᠶᠢ ᠤᠷᠠ ᠪᠠᠷ ᠵᠠᠳᠠᠯᠵᠤ ᠪᠤᠢ ᠨᠢ ᠬᠤᠪᠣᠷ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠨᠢ ᠡᠨᠡ ᠰᠣᠶᠣᠯ ᠤᠨ ᠰᠣᠳᠣᠨ ᠵᠦᠢᠯ | ᠲᠠᠶᠠᠭᠳᠠᠵᠤ ᠢᠪᠴᠤᠤᠷᠠᠵᠤ ᠪᠤᠢ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ᠃ ᠪᠠᠷᠢᠴᠠ ᠶᠢ ᠤᠷᠠ ᠪᠠᠷ ᠵᠠᠳᠠᠯᠳᠠᠭ ᠬᠥᠮᠥᠨ | ᠥᠪᠡᠷ ᠤᠨ ᠪᠠᠷᠢᠴᠠᠨ ᠳᠤ ᠬᠦᠷᠬᠦ ᠪᠣᠯᠣᠮᠵᠢ ᠨᠢ ᠤᠤᠯ ᠠᠴᠠ ᠪᠠᠨ ᠬᠤᠪᠢ ᠳᠠᠭᠢᠨ ᠪᠤᠯᠳᠠᠭ ᠢ ᠪᠥᠬᠡᠴᠢᠳ ᠤᠨ | ᠲᠤᠷᠰᠢᠯᠭᠠ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠪᠠᠷᠢᠴᠠ ᠶᠢ ᠤᠷᠠ ᠪᠠᠷ ᠵᠠᠳᠠᠯᠵᠤ ᠴᠢᠳᠠᠳᠠᠭ ᠪᠦᠭᠡ ᠪᠤᠰᠤᠳ ᠪᠦᠭᠡ ᠲᠠᠢ ᠪᠠᠨ | ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ ᠨᠢ ᠴᠥᠭᠡᠨ ᠪᠠᠶᠢᠵᠤ ᠶᠠᠭᠤ ᠬᠠᠢ ᠦᠭᠡᠢ ᠪᠠᠷᠢᠴᠠᠨ ᠳᠠᠭᠠᠨ ᠬᠦᠷᠬᠦ ᠪᠠᠷ ᠰᠢᠭᠤᠳᠳᠠᠭ ᠨᠢ | ᠳᠡᠷᠡ ᠪᠤᠰᠤᠳ ᠤᠨ ᠪᠠᠷᠢᠴᠠᠨ ᠠᠴᠠ ᠠᠶᠤᠬᠤ ᠦᠭᠡᠢ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠶᠤᠮ᠃ ᠪᠠᠷᠢᠴᠠᠨ ᠳᠤ ᠪᠠᠨ | ᠬᠠᠩᠭᠠᠯᠲᠠ ᠲᠠᠢ ᠬᠦᠷᠬᠦ ᠳᠤ ᠮᠥᠴᠢ ᠵᠢᠴᠠ ᠳᠤ ᠲᠦᠰᠢᠭᠯᠡᠨᠡ᠃ ᠮᠥᠴᠢ ᠵᠢᠴᠠ ᠰᠠᠶᠢᠲᠠᠢ ᠪᠦᠭᠡ ᠶᠠᠮᠠᠷ | ᠲᠣᠬᠢᠶᠠᠯᠳᠤᠯ ᠳᠤ ᠴᠤ ᠪᠠᠷᠢᠴᠠᠨ ᠳᠤ ᠤᠷᠢᠳᠠᠪᠠᠷ ᠭᠦᠷᠦᠨᠡ᠃ ᠵᠢᠴᠠ ᠰᠠᠶᠢᠲᠠᠢ ᠪᠦᠭᠡ ᠶᠡᠷᠦ ᠨᠢ ᠮᠠᠰᠢ ᠪᠠᠷᠳᠠᠮ | ᠪᠠᠷᠢᠵᠤ ᠪᠠᠶᠢᠬᠤ ᠨᠢ ᠬᠠᠷᠠᠭᠳᠠᠳᠠᠭ᠃ ᠡᠭᠦᠨ ᠤ ᠵᠢᠱᠢᠶᠡ ᠨᠢ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠷᠪᠠᠭᠠᠲᠤᠷ | ᠠᠪᠤᠷᠭᠤ ᠪᠣᠯᠣᠨ ᠠᠷᠤ ᠬᠤᠷᠴᠢᠨ ᠤ ᠮᠥᠩᠬᠡᠳᠦ᠋ᠭᠦᠷᠡᠩ ᠪᠠᠶᠢᠨᠠ᠃ ᠡᠳᠡᠭᠡᠷ ᠪᠥᠬᠡᠴᠢᠳ ᠤᠨ ᠮᠥᠴᠢ ᠵᠢᠴᠠ | ᠬᠥᠮᠥᠨ ᠠᠴᠠ ᠤᠷᠳᠤ ᠪᠠᠶᠢᠵᠤ ᠬᠡᠨ ᠬᠥᠮᠥᠨ ᠠᠴᠠ ᠤᠷᠢᠲᠠᠵᠤ ᠪᠠᠷᠢᠴᠠᠨ ᠳᠤ ᠪᠠᠨ ᠬᠦᠷᠬᠦ ᠪᠤᠶᠤ ᠪᠠᠷᠢᠴᠠᠨ ᠳᠤ ᠪᠠᠨ | ᠭᠦᠷᠦᠭᠰᠡᠨ ᠬᠥᠮᠥᠨ ᠤ ᠬᠠᠮᠢᠭᠠᠭᠤᠷ ᠨᠢ ᠰᠢᠷᠭᠤᠭᠤᠯᠵᠤ ᠪᠠᠶᠢᠵᠤ ᠥᠭᠡᠷᠡ ᠪᠠᠷᠢᠴᠠᠨ ᠳᠤ ᠬᠦᠷᠴᠦ ᠪᠠᠶᠢᠳᠠᠭ᠃ ᠡᠶᠢᠮᠦ | ᠬᠥᠮᠥᠨ ᠨᠦᠭᠦᠭᠡ ᠲᠠᠯᠠ ᠪᠠᠨ ᠪᠠᠷᠢᠴᠠᠨ ᠳᠤ ᠪᠠᠨ ᠬᠦᠷᠬᠦ ᠭᠡᠳᠡᠭ ᠲᠤ ᠨᠢᠭᠡ ᠶᠡᠭᠡ ᠰᠠᠨᠠᠭᠠ ᠪᠤᠯᠳᠠᠭ ᠦᠭᠡᠢ ᠨᠢ | ᠲᠡᠳᠡ ᠶᠠᠮᠠᠷ ᠲᠣᠬᠢᠶᠠᠯᠳᠤᠯ ᠳᠤ ᠴᠤ ᠶᠠᠮᠠᠷ ᠨᠢᠭᠡᠨ ᠪᠠᠷᠢᠴᠠᠨ ᠳᠤ ᠬᠦᠷᠬᠦ ᠬᠠᠩᠭᠠᠯᠲᠠ ᠲᠠᠢ ᠣᠷᠣᠨ ᠵᠠᠢ ᠪᠠᠶᠢᠬᠤ ᠳᠤ | ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠲᠡᠭᠦᠨ ᠤ ᠤᠷᠳᠤ ᠮᠥᠴᠢ ᠵᠢᠴᠠ ᠦᠢᠯᠡᠴᠢᠯᠡᠬᠦ ᠪᠣᠯᠣᠨᠠ᠃ ᠭᠡᠬᠦ ᠳᠤ ᠮᠥᠴᠢ ᠵᠢᠴᠠ | ᠠᠪᠰᠠᠷᠬᠠᠨ ᠬᠥᠮᠥᠰ ᠴᠤ ᠪᠠᠷᠢᠴᠠᠨ ᠳᠤ ᠱᠠᠯᠠᠮᠠᠭ ᠵᠠᠭᠤᠯᠲᠠ ᠲᠠᠢ ᠬᠦᠷᠴᠦ ᠪᠤᠯᠬᠤ ᠭᠡᠳᠡᠭ ᠢ ᠠᠪᠠᠭᠠ ᠨᠤᠲᠤᠭ ᠲᠠᠢ | ᠰᠠᠶᠢᠨᠵᠠᠶᠠᠭᠠ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ ᠶᠡᠷᠦ ᠨᠢ ᠰᠠᠶᠢᠨᠵᠠᠶᠠᠭᠠ ᠶᠢᠨ ᠪᠠᠷᠢᠴᠠ ᠵᠠᠭᠤᠯᠲᠠ ᠲᠠᠢ ᠬᠠᠷᠠᠭᠳᠠᠳᠠᠭ ᠨᠢ | ᠲᠡᠭᠦᠨ ᠳᠤ ᠮᠠᠰᠢ ᠶᠡᠭᠡ ᠰᠡᠳᠬᠢᠯ ᠤᠨ ᠲᠤᠰᠠ ᠲᠡᠮ ᠪᠤᠯᠳᠠᠭ ᠰᠢᠭ᠋ ᠦᠵᠡᠭᠳᠡᠨᠡ᠃ ᠶᠠᠮᠠᠷ ᠴᠤ ᠦᠶᠡ ᠳᠤ ᠪᠦᠭᠦ | ᠵᠦᠢᠯ ᠬᠠᠩᠭᠠᠯᠲᠠ ᠲᠠᠢ ᠰᠠᠶᠢᠨ ᠪᠡᠯᠡᠳᠬᠡᠯ ᠳᠤ ᠣᠷᠣᠰᠢᠬᠤ ᠦᠶᠡ ᠪᠦᠭᠡ ᠬᠥᠮᠥᠨ ᠤ ᠨᠢᠭᠤᠷ ᠴᠢᠷᠠᠢ ᠳᠤ ᠯᠠᠪ | ᠲᠥᠯᠥᠪ ᠬᠠᠷᠠᠭᠳᠠᠵᠤ ᠪᠠᠷᠢᠴᠠ ᠵᠠᠭᠤᠭᠳᠠᠨ᠂ ᠵᠣᠭᠰᠣᠴᠠ ᠯᠠᠪᠰᠢᠷᠠᠵᠤ᠂ ᠲᠤᠨᠤᠭᠠ ᠲᠠᠢ ᠪᠠᠷᠢᠯᠳᠤᠬᠤ ᠳᠤ ᠬᠦᠷᠴᠦ | ᠴᠢᠳᠠᠳᠠᠭ᠃ ᠪᠠᠷᠢᠴᠠ ᠠᠯᠲᠠᠷᠬᠠᠤ ᠦᠭᠡᠢ ᠴᠢᠩᠭᠠᠷᠠᠭᠤᠯᠬᠤ ᠪᠦᠭᠡ ᠤᠳᠤ ᠬᠤᠪᠣᠷ ᠪᠠᠶᠢᠨᠠ᠃ ᠡᠨᠡ ᠨᠢ ᠪᠦᠭᠡ | ᠬᠥᠮᠥᠨ ᠤ ᠲᠡᠰᠪᠦᠷᠢ᠂ ᠳᠠᠭᠠᠭᠠᠴᠠ᠂ ᠰᠡᠳᠬᠢᠯ ᠤᠨ ᠪᠠᠭᠲᠠᠭᠠᠮᠵᠢ᠂ ᠲᠠᠷ ᠤᠨ ᠨᠥᠭᠡᠴᠡ ᠵᠡᠷᠭᠡ ᠪᠠᠨ ᠭᠦᠢᠴᠡᠳ | ᠳᠠᠶᠢᠴᠢᠯᠠᠭᠰᠠᠨ ᠤ ᠤᠷᠠ ᠲᠠᠭᠠᠪᠤᠷᠢ ᠶᠤᠮ᠃ ᠳᠡᠭᠡᠷᠡ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠠᠷᠤ | ᠤᠷᠢᠶᠠᠩᠬᠠᠢ ᠶᠢᠨ ᠠᠯᠳᠠᠷᠲᠤ ᠪᠦᠭᠡ ᠢᠳᠰᠢᠬᠠᠤᠷᠯᠤ ︵ᠭᠦᠷᠦᠩᠭᠦᠤ ᠬᠡᠮᠡᠨ ᠠᠯᠳᠠᠷᠰᠢᠪᠠ︶ ᠰᠣᠯᠣᠭᠠᠢ ᠪᠠᠷᠢᠴᠠ ᠲᠠᠢ | ᠪᠥᠭᠡᠳ ᠪᠠᠷᠢᠴᠠ ᠠᠯᠳᠠᠷᠠᠳᠠᠭ ᠦᠭᠡᠢ ᠰᠠᠶᠢᠨ ᠪᠦᠭᠡ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠲᠡᠷᠡ ᠨᠢᠭᠡ ᠪᠠᠷᠢᠴᠠᠨ ᠳᠤ ᠪᠠᠨ ᠭᠦᠷᠳᠡᠭ | ᠯᠡ ᠪᠣᠯ ᠶᠠᠮᠠᠷ ᠭᠦᠴᠦᠳᠡᠡ ᠴᠤ ᠲᠡᠭᠦᠨ ᠤ ᠪᠠᠷᠢᠴᠠ ᠶᠢ ᠠᠯᠳᠠᠷᠭᠠᠵᠤ ᠳᠡᠶᠢᠯᠳᠡᠭ ᠦᠭᠡᠢ ᠭᠡᠳᠡᠭ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ | ᠪᠠᠶᠢᠳᠠᠭ᠃ ᠤᠷᠢᠳᠤ ᠵᠡᠭᠦᠨ ᠭᠤᠪᠢ ᠶᠢᠨ ︽ᠠᠯᠳᠠᠨ ᠣᠪᠣᠭᠠ︾ ᠶᠢᠨ ᠨᠠᠶᠢᠷ ᠢᠶᠠᠷ ᠪᠠᠷᠢᠯᠳᠤᠵᠤ ᠪᠠᠶᠢᠬᠤ ᠳᠤ ᠪᠠᠨ | ᠪᠠᠷᠢᠴᠠ ᠪᠠᠨ ᠭᠡᠳᠤ ᠰᠢᠭᠢᠰᠭᠡᠭᠰᠡᠨ ᠠᠴᠠ ᠪᠣᠯᠵᠤ ᠪᠦᠭᠡ ᠪᠠᠨ ᠬᠠᠶᠠᠴᠢᠬᠠᠭᠠᠳ ᠪᠠᠷᠢᠴᠠ ᠪᠠᠨ ᠰᠤᠯᠠᠯᠠᠬᠤ ᠭᠡᠰᠡᠨ ᠳᠤ | ᠭᠠᠷ ᠨᠢ ᠬᠥᠰᠢᠵᠦ ᠭᠠᠷ ᠢᠶᠠᠨ ᠰᠤᠯᠠᠯᠠᠵᠤ ᠲᠡᠶᠢᠯᠭᠦ ᠦᠭᠡᠢ ᠬᠥᠮᠥᠨ ᠣᠴᠢᠵᠤ ᠰᠠᠯᠭᠠᠵᠤ ᠪᠠᠶᠢᠯᠠ ᠴᠤ ᠭᠡᠳᠡᠭ᠃ | ᠡᠭᠦᠨ ᠠᠴᠠ ᠦᠵᠡᠪᠡᠯ ᠪᠦᠷ ᠰᠠᠶᠢᠨ ︽ᠪᠠᠷᠢᠴᠠ ᠬᠠᠳᠠᠭᠠᠬᠤ︾ ᠭᠡᠳᠡᠭ ᠤᠬᠠᠭᠳᠠᠬᠤᠨ ᠤᠰᠠᠳᠴᠤ ᠪᠠᠶᠢᠨ ᠪᠠᠶᠢᠨ | ᠪᠠᠷᠢᠴᠠ ᠰᠣᠯᠢᠭᠠᠳ ᠲᠣᠭᠯᠠᠵᠤ ᠪᠠᠶᠢᠭᠠ ᠬᠡᠦᠬᠡᠳ ᠰᠢᠭ ᠵᠠᠭᠤᠷᠠᠯᠳᠤᠳᠠᠭ ᠳᠡᠭᠦᠦᠨᠡᠷ ᠤᠯᠠᠨ ᠬᠠᠷᠠᠭᠳᠠᠬᠤ ᠪᠣᠯᠵᠠᠢ᠃ | ᠡᠨᠡ ᠪᠣᠯ ᠪᠥᠬᠡᠴᠢᠳ ᠪᠠᠷᠢᠴᠠ ᠭᠡᠳᠡᠭ ᠲᠣᠷᠭᠠᠨ ᠵᠦᠢᠯ ᠢᠶᠠᠨ ᠰᠡᠭᠡᠭᠡ ᠦᠭᠡᠢ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠪᠤᠶᠤ | ᠡᠰᠡᠬᠦᠯᠡ ᠰᠡᠳᠬᠢᠯ ᠤᠨ ᠰᠡᠭᠡᠭᠡ᠂ ᠮᠠᠬᠠᠪᠤᠳ ᠤᠨ ᠲᠠᠷ ᠨᠢ ᠬᠦᠷᠬᠦ ᠪᠠᠨ ᠪᠠᠶᠢᠭᠰᠠᠨ ᠤ ᠢᠯᠡᠷᠡᠯ ᠪᠣᠯᠣᠨᠠ᠃ ᠶᠠᠭᠤ | ᠪᠣᠯᠤᠭᠰᠠᠨ ᠴᠤ ︽ᠪᠠᠷᠢᠴᠠ ᠬᠠᠳᠠᠭᠠᠬᠤ︾ ᠬᠥᠮᠥᠨ ᠨᠠᠶᠢᠷ ᠢᠶᠠᠷ ᠬᠠᠷᠠᠭᠳᠠᠬᠤ ᠨᠢ ᠴᠥᠭᠡᠨ ᠪᠣᠯᠤᠭᠰᠠᠨ ᠪᠥᠭᠡᠳ | ᠡᠭᠦᠨ ᠠᠴᠠ ᠪᠠᠨ ᠪᠦᠷ ᠴᠢᠨᠠᠭᠰᠢᠯᠠᠵᠤ ᠪᠠᠷᠢᠴᠠ ᠪᠠᠷᠢᠬᠤ ᠦᠭᠡᠢ ᠲᠣᠭᠤᠷᠢᠵᠤ ᠲᠠᠭᠤᠯᠴᠠᠭᠠᠳ ᠴᠠᠭᠠᠷᠢᠭ ᠲᠤ | ᠣᠷᠣᠳᠠᠭ ᠪᠦᠭᠡ ᠢᠯᠡᠳᠲᠡ ᠣᠯᠠᠰᠢᠷᠠᠪᠠ᠃ ᠡᠨᠡ ᠨᠢ ᠴᠠᠭᠠᠷᠢᠭ ᠭᠡᠳᠡᠭ ᠵᠦᠢᠯ ᠮᠣᠩᠭᠤᠯ ᠪᠦᠭᠡ ᠳᠤ ᠠᠯᠪᠠᠨ | ᠶᠣᠰᠣᠭᠠᠷ ᠣᠷᠣᠵᠤ ᠢᠷᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠭᠠᠵᠠᠷ ᠠᠪᠤᠭᠰᠠᠨ ᠶᠤᠮ᠃ ᠲᠡᠭᠡᠭᠡᠳ ᠥᠪᠡᠷᠲᠡᠭᠡᠨ ᠲᠠᠷ ᠬᠦᠴᠦ᠂ | ᠤᠬᠠᠭᠠᠨ ᠰᠡᠬᠡᠭᠡᠨ ᠳᠤ ᠪᠠᠨ ᠲᠦᠰᠢᠵᠦ ᠪᠠᠷᠢᠴᠠ ᠪᠠᠨ ᠣᠯᠳᠠᠭ ᠮᠣᠩᠭᠤᠯ ᠪᠦᠭᠡ ᠤᠳᠤ ᠪᠤᠯᠬᠤ ᠪᠠᠷ ᠴᠠᠭ ᠢ ᠨᠢ | ᠲᠤᠯᠭᠠᠵᠤ ᠴᠠᠭᠠᠷᠢᠭ ᠲᠤ ᠣᠷᠣᠭᠠᠳ ᠬᠠᠷᠠ ᠶᠢᠨ ᠠᠯᠪᠠ ᠪᠠᠷ ᠰᠠᠶᠢᠨ ᠭᠡᠭᠴᠢ ᠪᠠᠷᠢᠵᠤ ᠪᠠᠶᠢᠵᠤ ᠰᠢᠲᠦᠬᠦ ᠳᠤ | ᠬᠦᠷᠦᠭᠦᠯᠦᠭᠰᠡᠨ ᠠᠴᠠ ᠪᠦᠭᠡ ᠶᠢᠨ ︽ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ︾᠂ ︽ᠪᠠᠷᠢᠴᠠ ᠬᠠᠳᠠᠭᠠᠬᠤ︾᠂ ︽ᠪᠠᠷᠢᠴᠠ ᠰᠢᠭᠢᠰᠭᠡᠭᠦ︾᠂ | ︽ᠪᠠᠷᠢᠴᠠ ᠵᠠᠳᠠᠯᠬᠤ︾᠂ ︽ᠪᠠᠷᠢᠴᠠ ᠬᠠᠷᠢᠭᠤᠯᠬᠤ︾ ᠵᠡᠷᠭᠡ ᠮᠣᠩᠭᠤᠯ ᠪᠦᠭᠡ ᠶᠢᠨ ᠤᠷᠠ ᠠᠯᠠᠭᠠ ᠪᠣᠯᠣᠭᠠᠳ ᠪᠠᠶᠢᠭᠠ | ᠨᠢ ᠦᠨᠡᠬᠡᠷ ᠬᠠᠷᠠᠰᠮᠠᠷ ᠠ᠋᠃ ︽ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ︾ ᠭᠡᠳᠡᠭ ᠢ ᠤᠳᠤ ᠪᠠᠷᠢᠴᠠᠨ ᠳᠤ ᠨᠢ ᠬᠦᠷᠭᠡᠬᠦ ᠦᠭᠡᠢ ᠶᠢᠨ | ᠳᠥᠯᠥᠭᠡᠨ ᠤ ᠠᠷᠭᠠ ᠪᠠᠷ ᠠᠰᠢᠭᠯᠠᠵᠤ᠂ ᠬᠠᠷᠢᠨ ᠲᠡᠭᠦᠨ ᠢ ᠪᠠᠷᠢᠴᠠᠨ ᠳᠤ ᠪᠠᠨ ᠬᠦᠷᠬᠦ ᠵᠠᠮ ᠮᠥᠷ ᠢᠶᠠᠷ ᠦᠵᠡᠵᠦ | ︽ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ︾ ᠶᠢᠨ ᠳᠤᠮᠳᠠ ᠤᠬᠠᠮᠰᠠᠷᠲᠤ ᠪᠠᠶᠢᠳᠠᠯ ᠳᠤ ᠥᠪᠡᠷ ᠢ ᠪᠠᠨ ᠤᠷᠤᠭᠤᠯᠬᠤ ᠭᠡᠯᠪᠡᠷᠢ ᠨᠢ | ᠲᠠᠶᠠᠭᠳᠠᠭᠠᠳ ᠪᠠᠶᠢᠨᠠ᠃ ᠮᠣᠩᠭᠤᠯ ᠪᠦᠭᠡ ᠶᠢᠨ ︽ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ︾ ᠭᠡᠳᠡᠭ ᠴᠢᠨᠢ ᠵᠢᠩᠬᠢᠨᠢ ᠤᠳᠬᠠ ᠶᠢᠨ | ᠪᠠᠷᠢᠯᠳᠤᠭᠠᠨ ᠤ ᠠᠩᠬᠠᠨ ᠤ ᠲᠠᠶᠢᠨ ᠪᠠᠶᠢᠭᠠ ᠶᠤᠮ ᠰᠢᠤ ᠳ᠋ᠠ ᠪᠥᠬᠡᠴᠢᠳ ᠮᠢᠨᠢ︕ ᠪᠠᠷᠢᠴᠠ ᠪᠤᠯᠢᠶᠠᠯᠳᠤᠬᠤ ᠶᠢᠨ | ᠳᠤᠮᠳᠠ ᠯᠠ ᠥᠪᠡᠷ ᠤᠨ ᠳᠠᠪᠠᠭᠤᠯᠢᠭ ᠲᠤ ᠪᠠᠨ ᠬᠦᠷᠴᠦ᠂ ᠪᠠᠷᠢᠴᠠᠨ ᠳᠤ ᠪᠠᠨ ᠬᠦᠷᠴᠦ ᠨᠦᠭᠦᠭᠡ ᠡᠲᠡᠭᠡᠳ ᠢᠶᠠᠨ | ᠢᠯᠠᠬᠤ ᠳᠤ ᠬᠦᠷᠬᠦ ᠪᠣᠯᠣᠨᠠ᠃ ᠪᠠᠷᠢᠴᠠ ᠮᠡᠭᠡ ᠬᠤᠶᠠᠷ ᠪᠣᠯ ᠬᠤᠣᠰᠯᠠᠨ ᠠᠵᠢᠯᠯᠠᠳᠠᠭ ᠵᠦᠢᠯ ᠶᠤᠮ᠃ ᠬᠠᠷᠠᠭᠠᠳ | ᠪᠠᠶᠢᠬᠤ ᠳᠤ ᠪᠠᠷᠢᠴᠠᠨ ᠳᠤ ᠪᠠᠨ ᠪᠦᠬᠦᠯᠢ ᠭᠦᠷᠦᠭᠰᠡᠨ ᠬᠥᠮᠥᠨ ᠨᠢ ᠮᠡᠭᠡ ᠪᠠᠨ ᠳᠦᠭᠦᠷᠭᠡᠵᠦ ᠴᠢᠳᠠᠬᠤ ᠦᠭᠡᠢ᠃ | ᠮᠡᠭᠡ ᠪᠠᠨ ᠬᠢᠵᠦ ᠪᠠᠶᠢᠭᠠ ᠪᠤᠯᠪᠠᠴᠤ ᠪᠠᠷᠢᠴᠠᠨ ᠳᠤ ᠪᠠᠨ ᠭᠦᠢᠴᠡᠳ ᠬᠦᠷᠴᠦ ᠴᠢᠳᠠᠭᠠ ᠦᠭᠡᠢ ᠰᠣᠨᠢᠨ ᠪᠠᠷᠢᠯᠳᠤᠭᠠᠨ | ᠤᠯᠠᠨ ᠭᠠᠷᠴᠤ ᠪᠠᠶᠢᠨᠠ᠃ ᠡᠨᠡ ᠪᠣᠯ ᠪᠦᠭᠡ ᠬᠥᠮᠥᠨ ᠤ ᠪᠡᠶᠡ ᠳᠤ ᠪᠠᠶᠢᠵᠤ ᠪᠣᠯᠣᠮᠠ ᠦᠭᠡᠢ ᠬᠠᠶᠢᠩᠭᠤ ᠵᠠᠩ ᠶᠤᠮ᠃ | ᠡᠶᠢᠮᠦ ᠪᠠᠷᠢᠯᠳᠤᠭᠠᠨ ᠦᠵᠡᠮᠦᠷᠢ ᠦᠭᠡᠢ ᠪᠠᠶᠢᠵᠤ᠂ ᠬᠠᠩᠭᠠᠢ ᠵᠠᠶᠢᠳᠠᠩ ᠬᠠᠷᠠᠭᠳᠠᠵᠤ ᠶᠠᠭ ᠯᠠ ᠥᠭᠡᠷᠡ | ᠦᠨᠳᠦᠰᠦᠲᠡᠨ ᠤ ᠪᠦᠭᠡ ᠶᠢ ᠰᠣᠨᠢᠷᠬᠠᠵᠤ ᠪᠠᠶᠢᠭᠠ ᠰᠢᠭ᠋ ᠲᠥᠷᠥᠭᠳᠡᠯ ᠣᠷᠣᠳᠠᠭ ᠨᠢ ᠮᠣᠩᠭᠤᠯ ᠪᠦᠭᠡ ᠶᠢᠨ ᠤᠬᠤᠷᠢᠯ | ᠶᠤᠮ᠃ ᠶᠡᠷᠦ ᠨᠢ ᠪᠠᠷᠢᠴᠠᠨ ᠳᠤ ᠪᠠᠨ ᠭᠦᠢᠴᠡᠳ ᠬᠦᠷᠴᠦ ᠮᠡᠭᠡ ᠪᠠᠨ ᠭᠦᠢᠴᠡᠳ ᠳᠦᠭᠦᠷᠭᠡᠵᠦ ᠪᠠᠶᠢᠭᠠ ᠪᠦᠭᠡ | ᠬᠤᠪᠣᠷ ᠪᠣᠯᠤᠭᠰᠠᠨ ᠠᠴᠠ ᠨᠠᠶᠢᠷ ᠤᠨ ᠥᠩᠭᠡ ᠬᠡᠶᠢᠮᠣᠷᠢ ᠳᠠᠷᠤᠭᠳᠠᠳᠠᠭ᠃ ᠪᠦᠭᠡ ᠪᠠᠷᠢᠯᠳᠤᠬᠤ ᠲᠣᠬᠢᠶᠠᠯᠳᠤᠯ ᠳᠤ | ᠪᠥᠬᠡᠴᠢᠳ ᠪᠠᠷᠢᠵᠤ ᠪᠠᠶᠢᠬᠤ ᠨᠢ ᠲᠡᠷᠢᠭᠦᠨ ᠵᠦᠢᠯ ᠪᠤᠯᠬᠤ ᠪᠠᠷ ᠪᠠᠷᠢᠴᠠ ᠭᠡᠳᠡᠭ ᠵᠦᠢᠯ ᠨᠢ ᠮᠣᠩᠭᠤᠯ ᠪᠦᠭᠡ ᠶᠢᠨ | ᠪᠠᠷᠢᠯᠳᠤᠬᠤ ᠠᠴᠠ ᠠᠪᠤᠭᠠᠳ ᠬᠠᠶᠠᠵᠤ ᠣᠶᠢᠴᠢᠬᠤ ᠭᠦᠷᠳᠡᠯᠡ ᠵᠥᠩᠳᠡᠭᠡᠨ ᠠᠰᠢᠭᠯᠠᠭᠳᠠᠵᠤ ᠪᠠᠶᠢᠳᠠᠭ᠃ ᠪᠠᠷᠢᠴᠠ | ᠦᠭᠡᠢ ᠪᠠᠷ ᠪᠦᠭᠡ ᠬᠡᠷᠬᠢᠨ ᠪᠠᠷᠢᠯᠳᠤᠬᠤ ᠪᠢᠯᠡ︖ ᠰᠠᠶᠢᠨ ᠪᠠᠷᠢᠴᠠ ᠦᠭᠡᠢ ᠪᠠᠷ ᠬᠡᠷᠬᠢᠨ ᠬᠠᠶᠠᠬᠤ ᠪᠢᠯᠡ︖ | ᠢᠩᠭᠢᠵᠦ ᠪᠤᠳᠤᠪᠠᠯ ᠪᠠᠷᠢᠴᠠ ᠶᠠᠮᠠᠷᠬᠠᠨ ᠬᠡᠷᠡᠭᠲᠡᠢ ᠭᠡᠳᠡᠭ ᠢ ᠪᠦᠭᠦᠳᠡ ᠠᠨᠳᠠᠬᠤ ᠦᠭᠡᠢ ᠪᠣᠯᠣᠨᠠ᠃ | |