| ᠠᠷᠪᠢᠯᠠᠪᠠᠯ ᠠᠮᠢᠨ ᠳᠤ ᠲᠤᠰᠠ | | ᠨᠡᠶᠢᠭᠡᠮ ᠠᠬᠤᠢ ᠬᠥᠭᠵᠢᠵᠦ ᠠᠮᠢᠳᠤᠷᠠᠯ ᠰᠠᠶᠢᠵᠢᠷᠠᠭᠰᠠᠨ ᠠᠴᠠ ᠬᠥᠮᠥᠰ ᠬᠤᠷᠢᠮ ᠨᠠᠶᠢᠷ ᠪᠦᠭᠦᠨ ᠢ ᠬᠤᠭᠤᠯᠠᠨ | ᠭᠡᠷ ᠲᠤ ᠬᠢᠵᠦ ᠪᠠᠶᠢᠭᠠ ᠨᠢ ᠨᠡᠶᠢᠳᠡᠮ ᠤᠨ ᠦᠵᠡᠭᠳᠡᠯ ᠪᠣᠯᠤᠭᠰᠠᠨ ᠭᠡᠯᠲᠡᠢ᠃ ᠡᠨᠡ ᠨᠢ ᠬᠤᠷᠢᠮ ᠨᠠᠶᠢᠷ ᠬᠢᠭᠴᠢ | ᠳᠤ ᠶᠡᠬᠡᠳᠡ ᠲᠦᠭᠦᠮ ᠪᠣᠯᠪᠠ ᠭᠡᠶᠡ ᠰᠢᠷᠡᠭᠡ ᠳᠦᠭᠦᠷᠡᠩ ᠭᠠᠷᠭᠠᠭᠰᠠᠨ ᠬᠠᠭᠤᠷᠤᠯᠭᠠ ᠬᠠᠭᠠᠷᠢᠯᠭᠠ ᠠᠴᠠ | ᠦᠯᠡᠳᠡᠭᠰᠡᠨ ᠬᠤᠭᠤᠯᠠ ᠵᠠᠭᠤᠰᠢ ᠡᠴᠦᠰ ᠲᠤ ᠪᠠᠨ ᠭᠡᠭᠡᠭᠳᠡᠵᠦ ᠪᠠᠶᠢᠳᠠᠭ᠃ ᠡᠶᠢᠮᠦᠷᠬᠦᠦ ᠠᠮᠤ ᠪᠤᠳᠠᠭᠠ ᠶᠢ | ᠪᠦᠷᠢᠯᠭᠡᠨ ᠰᠦᠢᠳᠬᠡᠬᠦ ᠦᠵᠡᠭᠳᠡᠯ ᠬᠥᠮᠥᠨᠢ ᠰᠣᠴᠢᠭᠠᠮᠠ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠦ ᠪᠠᠶᠢᠭᠠ ᠶᠢ ᠪᠢᠳᠡ | ᠲᠤᠩᠭᠠᠨ ᠪᠤᠳᠤᠭᠤᠰᠢᠲᠠᠢ᠃ ︽ᠡᠮᠠᠨ ᠳᠤ ᠣᠷᠣᠲᠠᠯᠠ ᠠᠷᠪᠠᠨ ᠳᠠᠪᠠᠭᠠ︾ ᠭᠡᠵᠦ ᠠᠮᠤ ᠪᠤᠳᠠᠭᠠᠨ ᠤ ᠭᠢᠯᠪᠠᠷ | ᠪᠤᠰᠤ ᠢᠷᠡᠯᠲᠡ ᠶᠢ ᠲᠤᠰᠬᠠᠭᠰᠠᠨ ᠪᠠᠶᠢᠳᠠᠭ᠃ ᠡᠶᠢᠨ ᠬᠦ ᠡᠬᠡ ᠡᠴᠢᠭᠡ ᠪᠣᠯᠣᠭᠰᠠᠳ ᠦᠷᠡ ᠬᠡᠦᠬᠡᠳ ᠢᠶᠠᠨ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠰᠠᠶᠢᠬᠠᠨ ᠳᠠᠳᠬᠠᠯ ᠲᠠᠢ ᠪᠣᠯᠭᠠᠨ ᠬᠥᠮᠥᠵᠢᠭᠦᠯᠬᠦ ᠶᠢᠨ ᠲᠥᠯᠥᠭᠡ | ︽ᠠᠮᠤ ᠪᠤᠳᠠᠭᠠ ᠪᠠᠨ ᠠᠰᠬᠠᠪᠠᠯ ᠠᠮᠠᠨ ᠬᠦᠨᠡᠰᠦ ᠴᠢᠨᠢ ᠠᠷᠢᠯᠤᠨᠠ︾ ᠭᠡᠵᠦ ᠴᠡᠭᠡᠷᠯᠡᠭᠦᠯᠦᠨ ᠰᠤᠷᠭᠠᠳᠠᠭ᠂ | ᠪᠠᠰᠠ ᠥᠪᠡᠷ ᠤᠨ ᠪᠠ ᠪᠤᠰᠤᠳ ᠤᠨ ᠭᠦᠳᠡᠯᠮᠣᠷᠢ ᠶᠢ ᠬᠠᠶᠢᠷᠠᠯᠠᠬᠤ ᠶᠢ ᠰᠠᠨᠠᠭᠠᠴᠢᠯᠠᠨ ︽ᠪᠤᠰᠤᠳ ᠤᠨ ᠲᠠᠷᠢᠶᠠᠨ | ᠳᠤᠮᠳᠠᠭᠤᠷ ᠪᠢᠲᠡᠭᠡᠢ ᠶᠠᠪᠤ᠂ ᠠᠮᠠᠨ ᠬᠦᠨᠡᠰᠦ ᠴᠢᠨᠢ ᠬᠠᠰᠤᠭᠳᠠᠨᠠ︾ ᠬᠡᠮᠡᠨ ᠣᠷᠭᠤᠭᠠ ᠲᠠᠷᠢᠶᠠ ᠶᠢ ᠰᠦᠢᠳᠬᠡᠬᠦ ᠶᠢ | ᠴᠤ ᠴᠡᠭᠡᠷᠯᠡᠭᠦᠯᠳᠡᠭ᠃ ︽ᠡᠮᠠᠨ ᠬᠦᠨᠡᠰᠦ ᠠᠷᠢᠯᠪᠠᠯ ᠢᠳᠡᠬᠦ ᠪᠤᠳᠠᠭᠠ ᠦᠭᠡᠢ ᠪᠣᠯᠣᠨᠠ︾ ᠭᠡᠵᠦ ᠪᠣᠳᠣᠬᠤ ᠳᠤ ᠪᠠᠨ | ᠪᠢᠳᠡ ᠠᠮᠤ ᠪᠤᠳᠠᠭᠠ ᠪᠠᠨ ᠠᠰᠬᠠᠵᠤ ᠴᠢᠳᠬᠤᠬᠤ ᠠᠴᠠ ᠮᠠᠰᠢ ᠬᠢᠴᠢᠶᠡᠳᠡᠭ ᠪᠢᠯᠡ᠃ ᠠᠮᠤ ᠪᠤᠳᠠᠭᠠ ᠶᠢ | ᠠᠷᠪᠢᠯᠠᠬᠤ ᠨᠢ ᠭᠡᠷ ᠤᠨ ᠬᠥᠮᠦᠵᠢᠯ ᠤᠨ ᠴᠢᠬᠤᠯᠠ ᠠᠭᠤᠯᠭᠠ ᠮᠥᠨ᠃ ︽ᠨᠢᠭᠡ ᠮᠥᠬᠦᠯᠢᠭ ᠪᠤᠳᠠᠭᠠ ᠲᠡᠭᠷᠢ | ᠳᠡᠭᠡᠷᠡ ᠠᠴᠠ ᠲᠡᠮᠡᠭᠡᠨ ᠶᠢᠨ ᠴᠢᠨᠡᠭᠡ ᠬᠠᠷᠠᠭᠳᠠᠨᠠ︾᠂ ︽ᠡᠶᠠᠭᠠᠨ ᠳᠤ ᠪᠠᠨ ᠠᠮᠤ ᠪᠤᠳᠠᠭᠠ ᠪᠠᠨ ᠦᠯᠡᠳᠡᠭᠡᠪᠡᠯ | ᠠᠮᠠᠨ ᠬᠡᠰᠢᠭ ᠴᠢᠨᠢ ᠳᠠᠭᠠᠯᠳᠤᠨ ᠦᠯᠡᠳᠡᠨᠡ︾ ᠭᠡᠵᠦ ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠤᠨ ᠴᠡᠭᠡᠷ ᠰᠤᠷᠭᠠᠯ ᠠᠴᠠ ᠪᠢᠳᠡ | ᠠᠶᠠᠭᠠᠨ ᠤ ᠪᠠᠨ ᠭᠠᠳᠠᠨᠠ ᠠᠰᠬᠠᠵᠤ ᠴᠢᠳᠬᠤᠯ ᠦᠭᠡᠢ᠂ ᠠᠶᠠᠭᠠᠨ ᠳᠣᠲᠣᠷᠠ ᠪᠠᠨ ᠦᠯᠡᠳᠡᠭᠡᠵᠦ ᠣᠷᠬᠢᠭᠳᠠᠭᠤᠯᠤᠯ | ᠦᠭᠡᠢ ᠪᠠᠷ ᠴᠡᠪᠡᠷ ᠰᠠᠶᠢᠬᠠᠨ ᠬᠤᠭᠤᠯᠠᠯᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠣᠯᠤᠭᠰᠠᠨ᠃ ᠪᠣᠣᠪᠤ ᠪᠣᠭᠤᠷᠰᠤᠭ ᠢᠳᠡᠬᠦ ᠳᠤ | ᠦᠷᠦᠮᠡᠭ ᠨᠢ ᠭᠠᠵᠠᠷ ᠤᠨᠠᠬᠤ ᠠᠴᠠ ᠬᠢᠴᠢᠶᠡᠵᠦ ᠨᠢᠭᠡ ᠭᠠᠷ ᠢᠶᠠᠷ ᠢᠶᠠᠨ ᠪᠠᠷᠢᠵᠤ ᠨᠦᠭᠦᠭᠡ ᠭᠠᠷ ᠢᠶᠠᠷ ᠢᠶᠠᠨ | ᠲᠣᠰᠴᠤ ᠢᠳᠡᠳᠡᠭ᠂ ᠭᠠᠵᠠᠷ ᠲᠤ ᠤᠨᠠᠭᠰᠠᠨ ᠪᠣᠭᠤᠷᠰᠤᠭ ᠢ ᠠᠷᠴᠢᠵᠤ ᠦᠯᠢᠶᠡᠵᠦ ᠴᠡᠪᠡᠷᠯᠡᠭᠡᠳ ᠢᠳᠡᠵᠦ ᠪᠣᠯᠳᠠᠭ | ᠪᠣᠯ ᠢᠳᠡᠨᠡ᠂ ᠢᠳᠡᠵᠦ ᠪᠣᠯᠬᠤ ᠦᠭᠡᠢ ᠪᠣᠯ ᠲᠠᠭᠢᠶᠠ ᠨᠣᠬᠠᠢ ᠳᠤ ᠥᠭᠭᠦᠨᠡ᠃ ᠭᠠᠵᠠᠷ ᠲᠤ ᠤᠨᠠᠭᠰᠠᠨ | ᠪᠤᠳᠠᠭᠠᠨ ᠳᠡᠭᠡᠭᠦᠷ ᠠᠯᠬᠤᠵᠤ ᠭᠢᠰᠬᠢᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠪᠥᠭᠡᠳ ᠭᠤᠯᠢᠷ ᠤᠨ ᠲᠠᠭᠠᠷᠴᠤᠭ ᠢ ᠭᠦᠪᠢᠬᠦ ᠳᠤ | ᠪᠠᠨ ᠡᠪᠡᠰᠦᠨ ᠳᠡᠭᠡᠷᠡ ᠭᠦᠪᠢᠳᠡᠭ᠃ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠪᠣᠯ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡ ᠲᠠᠢ | ᠥᠩᠭᠡ ᠲᠠᠢ ᠠᠪᠴᠤ ᠶᠠᠪᠤᠬᠤ ᠶᠢᠨ ᠨᠢᠭᠡᠨ ᠴᠢᠬᠤᠯᠠ ᠵᠣᠷ ᠮᠥᠨ᠃ ᠦᠢᠯᠨ ᠵᠤᠪᠠᠯᠠᠩ ᠢᠶᠠᠨ ᠦᠵᠡᠵᠦ | ᠬᠤᠭᠰᠢᠭᠤᠯᠤᠭᠰᠠᠨ ᠡᠳ᠋ ᠮᠥᠩᠭᠦ ᠪᠠᠨ ᠠᠷᠪᠢᠯᠠᠵᠤ ᠡᠳ᠋ᠯᠡᠬᠦ ᠨᠢ ᠬᠥᠮᠥᠰ ᠤᠨ ᠠᠮᠢᠳᠤᠷᠠᠬᠤᠢ ᠶᠢᠨ ᠣᠪᠣᠷ ᠪᠠᠶᠢᠵᠤ | ᠳᠠᠭᠠᠷᠠᠨᠠ᠃ ᠡᠴᠢᠭᠡ ᠡᠬᠡ ᠪᠣᠯᠣᠭᠰᠠᠳ ᠦᠷᠡ ᠬᠡᠦᠬᠡᠳ ᠲᠤ ᠪᠠᠨ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠶᠢᠨ ᠤᠴᠢᠷ ᠤᠬᠠᠭᠠᠨ ᠢ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠵᠢᠭᠠᠵᠤ ᠰᠤᠷᠭᠠᠬᠤ ᠨᠢ ᠴᠢᠬᠤᠯᠠ ᠠᠴᠠ ᠴᠢᠬᠤᠯᠠ᠃ ᠪᠠᠭᠠ ᠪᠠᠶᠢᠬᠤ ᠳᠤ ᠡᠵᠢ ᠮᠢᠨᠢ᠄ | ︽ᠨᠢᠭᠡ ᠠᠶᠢᠯ ᠤᠨ ᠡᠵᠡᠭᠲᠡᠢ ᠡᠳᠦᠷ ᠪᠦᠷᠢ ᠬᠤᠭᠤᠯᠠ ᠪᠤᠳᠠᠭᠠ ᠬᠢᠬᠦ ᠳᠤ ᠪᠠᠨ ᠪᠤᠳᠠᠭᠠᠨ ᠤ ᠪᠠᠨ ᠳᠡᠭᠡᠵᠢ ᠠᠴᠠ | ᠨᠢᠭᠡ ᠴᠢᠮᠬᠢ ᠠᠪᠴᠤ ᠥᠭᠡᠷᠡ ᠨᠢᠭᠡ ᠲᠠᠭᠠᠷᠴᠤᠭ ᠲᠤ ᠬᠢᠵᠦ ᠲᠠᠯᠪᠢᠳᠠᠭ᠃ ᠲᠡᠭᠡᠭᠡᠳ ᠨᠡᠯᠢᠶᠡᠳ ᠡᠳᠦᠷ ᠬᠤᠨᠤᠭ | ᠥᠩᠭᠡᠷᠡᠭᠡᠳ ᠲᠣᠮᠣ ᠤᠭᠤᠲᠠ ᠲᠠᠢ ᠪᠤᠳᠠᠭᠠ ᠨᠢ ᠢᠳᠡᠵᠦ ᠪᠠᠷᠠᠬᠤ ᠳᠤ ᠥᠨᠥᠬᠢ ᠴᠢᠮᠬᠢ ᠴᠢᠮᠬᠢ ᠪᠠᠷ | ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠪᠤᠳᠠᠭᠠ ᠪᠠᠨ ᠭᠠᠷᠭᠠᠭᠠᠳ ᠢᠳᠡᠳᠡᠭ ᠪᠠᠶᠢᠵᠠᠢ︾ ᠭᠡᠵᠦ ᠦᠯᠢᠭᠡᠷᠯᠡᠨ ᠶᠠᠷᠢᠵᠤ᠂ ᠨᠠᠳᠠ | ᠳᠤ ᠠᠮᠤ ᠪᠤᠳᠠᠭᠠ ᠶᠢ ᠬᠡᠮᠵᠢᠶᠡ ᠲᠣᠮᠵᠢᠶᠠ ᠲᠠᠢ ᠬᠢᠵᠦ ᠢᠳᠡᠬᠦ ᠶᠢ ᠰᠠᠨᠠᠭᠤᠯᠵᠤ ᠬᠥᠮᠥᠵᠢᠭᠦᠯᠦᠭᠰᠡᠨ ᠪᠠᠶᠢᠳᠠᠭ᠃ | ᠡᠨᠡ ᠨᠢ ᠨᠠᠳᠠ ᠳᠤ ︽ᠡᠷᠪᠢᠯᠠᠪᠠᠯ ᠠᠮᠢᠨ ᠳᠤ ᠲᠤᠰᠠ︾ ᠭᠡᠳᠡᠭ ᠤᠬᠠᠭᠠᠨᠢ ᠲᠠᠨᠢᠭᠤᠯᠤᠭᠰᠠᠨ ᠪᠥᠭᠡᠳ | ᠬᠤᠭᠤᠯᠠ ᠪᠤᠳᠠᠭᠠ ᠶᠢ ᠬᠡᠮᠵᠢᠶᠡ ᠲᠠᠢ ᠬᠢᠵᠦ ᠢᠳᠡᠬᠦ ᠳᠠᠳᠬᠠᠯ ᠢ ᠪᠦᠷᠢᠯᠳᠦᠭᠦᠯᠬᠦ ᠳᠤ ᠲᠤᠰᠠ ᠪᠣᠯᠤᠭᠰᠠᠨ ᠶᠤᠮ᠃ | ︽ᠡᠷᠪᠢᠯᠠᠬᠤ ᠶᠢ ᠠᠮᠠᠰᠠᠷ ᠠᠴᠠ ᠨᠢ᠂ ᠠᠰᠬᠠᠬᠤ ᠶᠢ ᠢᠷᠤᠭᠠᠷ ᠠᠴᠠ ᠨᠢ︾ ᠭᠡᠳᠡᠭ᠃ ᠡᠳ᠋ | ᠶᠠᠭᠤᠮᠠ ᠪᠠᠨ ᠪᠠᠶᠢᠭᠰᠠᠨ ᠴᠠᠭ ᠠᠴᠠ ᠨᠢ ᠡᠬᠢᠯᠡᠨ ᠠᠷᠪᠢᠯᠠᠬᠤ ᠨᠢ ᠤᠬᠠᠭᠠᠨᠲᠤ ᠬᠥᠮᠥᠰ ᠤᠨ ᠮᠡᠷᠭᠡᠨ ᠬᠢᠳᠡᠯ | ᠪᠢᠯᠡ᠃ ᠮᠥᠩᠭᠦ ᠶᠢ ᠵᠠᠷᠤᠵᠤ ᠰᠣᠷᠣᠨᠠ ᠭᠡᠳᠡᠭ ᠣᠯᠬᠤ ᠠᠴᠠ ᠪᠠᠨ ᠳᠤᠲᠠᠭᠤ ᠦᠭᠡᠢ ᠤᠷᠠ ᠤᠬᠠᠭᠠᠨ ᠣᠷᠣᠨᠠ᠃ | ︽ᠮᠥᠩᠭᠦ ᠶᠢ ᠣᠯᠣᠭᠰᠠᠨ ᠬᠥᠮᠥᠨ ᠢᠶᠠᠷ ᠨᠢ ᠡᠳ᠋ᠯᠡᠭᠦᠯ᠂ ᠲᠦᠯᠡᠭᠡ ᠶᠢ ᠡᠭᠦᠷᠦᠭᠰᠡᠨ ᠬᠥᠮᠥᠨ ᠢᠶᠠᠷ ᠨᠢ | ᠲᠦᠯᠡᠭᠦᠯ︾ ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ ᠣᠯᠣᠭᠰᠠᠨ ᠶᠠᠭᠤᠮᠠ ᠬᠡᠵᠢᠶᠡᠳᠡ ᠪᠠᠷᠠᠭᠳᠠᠬᠤ ᠦᠭᠡᠢ ᠭᠡᠵᠦ ᠬᠡᠨ ᠴᠤ | ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠴᠤᠭᠯᠠᠭᠤᠯᠵᠤ ᠬᠤᠭᠰᠢᠭᠤᠯᠤᠭᠰᠠᠨ ᠢᠶᠠᠨ ᠲᠠᠯᠠᠭᠠᠷ ᠦᠷᠡᠬᠦ ᠶᠢ ᠴᠡᠭᠡᠷᠯᠡᠵᠦ᠂ | ᠠᠷᠪᠢᠯᠠᠵᠤ ᠭᠠᠮᠨᠠᠵᠤ ᠶᠠᠪᠤᠭᠠᠷᠠᠢ ᠬᠥᠮᠥᠰ ᠠ᠋᠃ | | |