| ᠰᠤᠷᠳᠠᠯᠳᠤ ᠬᠢᠭᠡᠳ ᠳᠡᠬᠦᠨ ᠤ ᠮᠤᠩᠭᠤᠯ ᠮᠤᠷᠢ | | | ᠴᠤᠤᠳᠠᠢ ᠤᠶᠠᠭᠠᠴᠢ᠂ ᠬᠤᠷᠳᠤᠨ ᠬᠦᠯᠦᠭ ᠳᠠᠯᠠ ᠨᠤᠳᠤᠭ ᠲᠤ ᠵᠦᠢᠷᠠᠢ ᠵᠠᠶᠠᠭᠠᠳᠠᠭ ᠨᠢ ᠪᠠᠭ᠋ᠠᠷᠬᠠᠯ ᠪᠤᠶᠤ︕ | | ᠦᠵᠦᠮᠦᠴᠢᠨ ᠨᠤᠳᠤᠭ ᠤᠨ ᠢᠶᠠᠨ ᠠᠭᠤᠳᠠᠮ ᠳᠠᠯᠠ ᠳᠤ ᠬᠤᠷᠳᠤᠨ ᠠᠭᠳᠠ᠂ ᠰᠤᠮᠤᠨ ᠬᠦᠯᠦᠭ ᠢᠶᠠᠷ ᠬᠡᠶᠢᠮᠦᠷᠢ | ᠰᠡᠷᠭᠦᠭᠡᠨ᠂ 20 ᠭᠠᠷᠤᠢ ᠵᠢᠯ ᠮᠤᠩᠭᠤᠯ ᠠᠳᠤᠭᠤ ᠲᠠᠢ ᠪᠠᠨ ᠬᠠᠨᠢᠯᠠᠨ᠂ ᠮᠤᠩᠭᠤᠯ ᠠᠳᠤᠭᠤ ᠪᠠᠨ ᠪᠠᠭ᠋ᠠᠷᠬᠠᠵᠤ᠂ | ᠮᠤᠩᠭᠤᠯ ᠠᠳᠤᠭᠤ ᠪᠠᠷ ᠢᠶᠠᠨ ᠤᠮᠤᠭᠰᠢᠵᠤ ᠶᠠᠪᠤᠭᠰᠠᠨ ᠨᠢᠭᠡᠨ ᠪᠤᠯ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ | ᠤᠯᠠᠭᠠᠠᠬᠠᠭᠠᠯᠭᠠ ᠰᠤᠮᠤᠨ ᠤ ᠪᠠᠶᠠᠠᠨᠠᠭᠤᠷ ᠭᠠᠴᠠᠭᠠ ᠪᠠᠷ ᠨᠤᠳᠤᠭᠳᠠᠢ ᠰᠤᠷᠳᠠᠯᠳᠤ ᠪᠤᠯᠤᠨᠠ᠃ | ᠰᠣᠷᠳᠠᠯᠳᠤ ᠬᠡᠵᠤ ᠪᠠᠭᠠ ᠨᠠᠰᠤᠨ ᠠᠴᠠ ᠠᠪᠤ ᠪᠠᠨ ᠳᠠᠭᠠᠵᠤ ᠠᠳᠤᠭᠤᠨ ᠤ ᠪᠡᠯᠴᠢᠭᠡᠷ ᠲᠤ ᠲᠤᠭᠯᠠᠨ | ᠠᠷᠭᠤᠮᠠᠭ ᠤᠨ ᠵᠤ ᠳᠤ ᠦᠰᠦᠭᠰᠡᠨ ᠨᠢᠭᠡᠨ᠃ 8 ᠨᠠᠰᠤᠳᠠᠢ ᠠᠴᠠ ᠪᠠᠨ ᠤᠷᠤᠯᠳᠤᠭᠠᠨ ᠮᠤᠷᠢᠳ ᠤᠨ ᠨᠢᠷᠤᠭᠤᠨ ᠳᠤ | ᠪᠦᠬᠡᠰᠢᠵᠤ᠂ ᠠᠷᠪᠠᠨ ᠬᠡᠳᠦᠳᠠᠢ ᠳᠡᠭᠡᠨ ᠡᠮᠨᠢᠭ ᠰᠤᠷᠭᠠᠵᠤ ᠡᠷᠡ ᠴᠢᠳᠠᠯ ᠢᠶᠠᠨ ᠪᠦᠷᠢᠯᠳᠦᠬᠦᠯᠵᠤ ᠶᠠᠪᠤᠭᠰᠠᠨ᠃ | ᠲᠡᠷᠡᠪᠡᠷ᠂ ᠮᠤᠷᠢᠳᠠᠨ ᠦᠨᠳᠦᠰᠦᠳᠡᠨ ᠤ ᠤᠳᠤᠮ ᠵᠠᠯᠭᠠᠵᠤ᠂ ᠤᠷᠤᠯᠳᠤᠭᠠᠨ ᠮᠤᠷᠢ ᠤᠨᠤᠨ᠂ ᠬᠤᠷᠳᠤᠨ ᠮᠤᠷᠢᠳ ᠢ | ᠤᠶᠠᠭᠠ ᠰᠤᠶᠢᠯᠭᠠᠨ ᠳᠤ ᠳᠠᠰᠬᠠᠵᠤ ᠶᠠᠪᠤᠭᠰᠠᠨ ᠢᠶᠠᠷ ᠤᠳᠤ ᠪᠤᠯᠬᠤ ᠳᠤ ᠬᠤᠷᠳᠤᠨ ᠬᠦᠯᠦᠭ ᠢ ᠰᠢᠨᠵᠢᠨ ᠳᠠᠨᠢᠳᠠᠭ | ᠬᠠᠰᠢᠷ ᠤᠶᠠᠭᠠᠴᠢ ᠶᠢᠨ ᠨᠢᠭᠡᠨ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠰᠤᠷᠳᠠᠯᠳᠤ 20 ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ᠂ ᠮᠤᠩᠭᠤᠯ | ᠠᠳᠤᠭᠤ ᠪᠠᠨ ᠤᠶᠠᠵᠤ ᠰᠤᠶᠢᠵᠤ ᠬᠤᠷᠳᠤᠯᠠᠭᠤᠯᠤᠨ᠂ ᠡᠷᠡ ᠶᠢᠨ ᠤᠬᠠᠭᠠᠨ᠂ ᠬᠦᠯᠦᠭ ᠤᠨ ᠰᠢᠨᠳᠠᠰᠤ ᠶᠢ | ᠰᠢᠯᠭᠠᠵᠤ ᠶᠠᠪᠤᠭᠰᠠᠨ ᠢᠶᠠᠷ ᠴᠢᠨ᠋ᠸᠠ ᠰᠡᠷᠡᠯ ᠂ ᠬᠠᠷᠠ ᠰᠡᠷᠡᠯ ᠵᠡᠷᠭᠡ ᠤᠯᠠᠨ ᠰᠠᠶᠢᠬᠠᠨ ᠬᠤᠷᠳᠤᠨ ᠬᠦᠯᠦᠭ ᠤᠳ | ᠨᠢ ᠦᠵᠦᠬᠦᠷ ᠮᠠᠩᠯᠠᠢ ᠳᠤ ᠳᠤᠳᠤᠷᠠᠨ᠂ ᠦᠵᠡᠭᠰᠡᠨ ᠪᠤᠯᠭᠠᠨ ᠤ ᠰᠡᠳᠬᠢᠯ ᠢ ᠲᠤᠭᠳᠤᠯᠤᠭᠤᠯᠵᠤ ᠶᠠᠪᠤᠭᠰᠠᠨ | ᠤᠳᠠᠭᠠ ᠲᠠᠢ᠃ | ᠰᠤᠷᠳᠠᠯᠳᠤ ᠬᠢᠬᠡᠳ ᠳᠡᠬᠦᠨ ᠤ ᠴᠢᠨ᠋ᠸᠠ ᠰᠡᠷᠡᠯ | ᠤᠶᠠᠭᠠᠴᠢ ᠭᠡᠳᠡᠭ ᠨᠡᠷᠡ ᠠᠳᠤᠭᠤ ᠲᠠᠢ ᠪᠦᠬᠦᠨ ᠳᠤ ᠪᠠᠶᠢᠳᠠᠭ ᠠᠯᠳᠠᠷ ᠪᠢᠰᠢ᠃ ᠰᠤᠷᠳᠠᠯᠳᠤ ᠶᠢᠨ ᠬᠤᠪᠢ | ᠳᠤ ᠬᠤᠷᠳᠤᠨ ᠮᠤᠷᠢ ᠶᠢ ᠰᠢᠨᠵᠢᠨ ᠳᠠᠨᠢᠳᠠᠭ ᠬᠢᠷᠠᠬᠠᠢ ᠤᠶᠠᠭᠠᠴᠢ ᠬᠡᠵᠤ ᠦᠯᠦᠬᠡᠢ ᠨᠤᠳᠤᠭ ᠤᠨ ᠢᠶᠠᠨ ᠡᠯᠢᠭᠡᠨ | ᠠᠴᠠ ᠳᠠᠨᠢᠭᠳᠠᠵᠤ ᠴᠢᠳᠠᠭᠰᠠᠨ ᠨᠢ ᠳᠡᠬᠦᠨ ᠤ ᠬᠠᠶᠢᠷᠠᠳᠠᠢ ᠮᠤᠷᠢ ᠴᠢᠨ᠋ᠸᠠ ᠰᠡᠷᠡᠯ ᠲᠠᠢ ᠨᠢ ᠰᠠᠯᠤᠰᠢ ᠦᠬᠡᠢ | ᠬᠠᠷᠢᠴᠠᠭᠠ ᠲᠠᠢ ᠶᠤᠮ᠃ ᠬᠠᠶᠢᠷᠠᠳᠠᠢ ᠮᠤᠷᠢ ᠪᠠᠨ ᠬᠤᠰᠢᠭᠤ ᠨᠤᠳᠤᠭ ᠤᠨ ᠢᠶᠠᠨ ᠤᠯᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠢᠶᠠᠷ ᠬᠤᠷᠳᠤᠯᠠᠭᠤᠯᠵᠤ ᠂ ᠪᠠᠷᠢᠶᠠᠨ ᠤ ᠭᠠᠵᠠᠷ ᠲᠦᠬᠦᠬᠦ ᠦᠶᠡ ᠳᠤ ᠬᠤᠯᠠ ᠳᠠᠰᠤᠷᠬᠠᠢ ᠳᠡᠷᠢᠬᠦᠯᠡᠵᠤ ᠶᠠᠪᠤᠭᠰᠠᠨ | ᠢ ᠨᠢ ᠬᠠᠷᠠᠭᠠᠳ ᠰᠡᠳᠬᠢᠯ ᠲᠤᠭᠳᠤᠯᠵᠤ ᠶᠠᠪᠤᠭᠰᠠᠨ ᠤᠳᠠᠭᠠ ᠲᠠᠢ᠃ ᠤᠶᠠᠭᠰᠠᠨ ᠡᠵᠡᠨ ᠤ ᠪᠠᠨ ᠰᠡᠳᠬᠢᠯ ᠳᠤ ︽ | ᠠᠮᠢᠨ ᠡᠷᠳᠡᠨᠢ︾ ᠪᠤᠯᠤᠭᠰᠠᠨ ᠡᠨᠡ ᠮᠤᠷᠢ ᠨᠢ ᠦᠩᠭᠡᠷᠡᠭᠰᠡᠨ ᠳᠤ ᠶᠡᠭᠡ ᠪᠠᠭᠠ ᠤᠯᠠᠨ ᠨᠠᠶᠢᠷ ᠢᠶᠠᠷ ᠪᠠᠷᠤᠭ 80 | ᠤᠳᠠᠭᠠ ᠠᠶᠢᠷᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠦᠬᠡᠳ ᠵᠦᠪᠬᠡᠨ 2015 ᠤᠨ ᠤ ᠨᠢᠭᠡ ᠵᠢᠯ ᠳᠤ 8 ᠣᠳᠠᠭᠠ | ᠳᠡᠷᠢᠬᠦᠯᠡᠭᠰᠡᠨ ᠠᠮᠵᠢᠯᠳᠠ ᠲᠤᠷᠠᠰᠤᠮᠵᠢ ᠲᠠᠢ ᠃ ᠡᠨᠡ ᠨᠢ ᠮᠦᠨᠴᠤ ᠰᠤᠷᠳᠠᠯᠳᠤ ᠶᠢᠨ ᠮᠤᠩᠭᠤᠯ ᠠᠳᠤᠭᠤ ᠪᠠᠨ | ᠰᠤᠶᠢᠵᠤ ᠬᠤᠷᠳᠤᠯᠠᠭᠤᠯᠬᠤ ᠳᠤ ᠢᠳᠡᠭᠡᠯ ᠵᠤᠷᠢᠭ ᠢ ᠨᠢ ᠬᠦᠪᠴᠢᠯᠡᠭᠰᠡᠨ ᠮᠦᠷᠳᠡᠭᠡᠨ ᠬᠠᠮᠤᠭ ᠰᠠᠶᠢᠨ ᠠᠵᠢᠨᠠᠢ ᠨᠢ | ᠪᠤᠯᠵᠤ᠂ ᠬᠡᠨ ᠲᠠᠢ ᠴᠤ ᠵᠤᠭᠤᠭ ᠶᠠᠷᠢᠬᠤ ᠳᠠᠭᠠᠨ ᠲᠤᠷᠠᠰᠴᠤ ᠶᠠᠷᠢᠳᠠᠭ ᠬᠠᠶᠢᠷᠠᠳᠠᠢ ᠬᠦᠯᠦᠭ ᠨᠢ ᠪᠤᠯᠤᠭᠰᠠᠨ | ᠪᠠᠶᠢᠯᠠ᠃ ᠠᠳᠤᠭᠤᠴᠢᠨ ᠵᠠᠶᠠᠭᠠ ᠪᠠᠨ ᠲᠦᠰᠢᠵᠤ ᠶᠠᠪᠤᠭᠰᠠᠨ ᠰᠤᠷᠳᠠᠯᠳᠤ ᠭᠤᠸᠠᠢ ᠤᠶᠠᠭᠰᠠᠨ ᠡᠵᠡᠨ᠂ | ᠤᠨᠤᠭᠰᠠᠨ ᠬᠦᠮᠦᠨ᠂ ᠤᠷᠮᠠ ᠬᠠᠶᠢᠷᠠᠯᠭᠰᠠᠨ ᠨᠤᠳᠤᠭ ᠤᠰᠤᠨ ᠤ ᠬᠦᠮᠦᠨ ᠠᠷᠠᠳ ᠢ ᠪᠠᠶᠠᠷᠯᠠᠭᠤᠯᠤᠨ | ᠲᠤᠭᠳᠤᠯᠤᠭᠤᠯᠤᠭᠰᠠᠨ ᠮᠤᠩᠭᠤᠯ ᠮᠤᠷᠢᠨ ᠤ ᠰᠠᠶᠢᠬᠠᠨ ᠴᠢᠮᠡᠭᠡ᠂ ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠳᠠᠯᠠ | ᠨᠤᠳᠤᠭ ᠲᠤ ᠡᠶᠢᠨᠬᠦ ᠳᠠᠭᠤᠷᠢᠰᠬᠠᠵᠤ ᠶᠠᠪᠤᠵᠠᠢ᠃ ᠤᠳᠤ ᠪᠤᠯᠬᠤ ᠳᠤ᠂ ︽ᠴᠢᠨ᠋ᠸᠠ ᠰᠡᠷᠡᠯ︾ ᠨᠢ 23 ᠨᠠᠰᠤ | ᠬᠦᠷᠴᠤ᠂ ᠠᠳᠤᠭᠤᠴᠢᠨ ᠡᠵᠡᠨ ᠤ ᠪᠠᠨ ᠰᠡᠳᠬᠢᠯ ᠤᠨ ᠲᠦᠰᠢᠭ ᠪᠤᠯᠵᠤ ᠤᠶᠠᠭᠠᠨ ᠳᠡᠭᠡᠷᠡ ᠨᠢ ᠦᠦᠷᠰᠡᠨᠡ᠃ | ᠡᠵᠡᠨ ᠨᠢ ᠪᠠᠶᠢᠪᠠᠯ ᠮᠤᠷᠢ ᠮᠢᠨᠢ ᠪᠠᠶᠢᠨᠠ᠃ ᠡᠨᠡ ᠪᠤᠯ ᠳᠡᠬᠦᠨ ᠤ ᠴᠡᠭᠡᠵᠢᠨ ᠳᠤ ᠰᠢᠩᠭᠡᠭᠰᠡᠨ ᠬᠠᠯᠠᠭᠤᠨ ᠬᠠᠶᠢᠷᠠ᠂ | ᠮᠤᠷᠢ ᠪᠠᠨ ᠠᠮᠢ ᠠᠴᠠ ᠪᠠᠨ ᠢᠯᠡᠬᠦᠦ ᠨᠠᠨᠳᠢᠩᠨᠠᠳᠠᠭ ᠮᠠᠯᠴᠢᠨ ᠤᠶᠠᠭᠠᠴᠢ ᠶᠢᠨ ᠪᠤᠳᠤᠯ᠃ ᠮᠠᠯᠴᠢᠨ ᠬᠦᠮᠦᠨ | ᠮᠤᠩᠭᠤᠯ ᠮᠤᠷᠢ ᠬᠤᠶᠠᠷ ᠤᠨ ᠦᠯᠢᠭᠡᠷ ᠢᠩᠬᠢᠵᠤ ᠯᠡ ᠡᠭᠦᠰᠳᠡᠭ ᠪᠠᠶᠢᠵᠠᠢ᠃ | ᠮᠤᠷᠢ ᠭᠡᠳᠡᠭ ᠠᠮᠢᠳᠠᠨ ᠢᠳᠡᠭᠡᠰᠢᠯᠡᠳᠡᠭ ᠪᠡᠯᠴᠢᠭᠡᠷ᠂ ᠤᠮᠳᠠᠯᠠᠳᠠᠭ ᠤᠰᠤ᠂ ᠠᠮᠢᠰᠬᠤᠯᠠᠳᠠᠭ ᠠᠭᠠᠷ᠂ | ᠬᠠᠨᠢᠰᠳᠠᠭ ᠡᠵᠡᠨ ᠢᠶᠠᠨ ᠬᠡᠵᠢᠶᠠᠳᠡ ᠮᠠᠷᠳᠠᠳᠠᠭ ᠦᠬᠡᠢ ᠴᠡᠭᠡᠵᠢ ᠰᠠᠶᠢᠳᠠᠢ ᠠᠮᠢᠳᠠᠨ — ᠡᠨᠡ ᠪᠤᠯ ᠰᠤᠷᠳᠠᠯᠳᠤ ᠶᠢᠨ | ᠰᠡᠳᠬᠢᠯ ᠳᠠᠬᠢ ᠮᠤᠩᠭᠤᠯ ᠮᠤᠷᠢ᠃ ᠮᠤᠩᠭᠤᠯ ᠮᠤᠷᠢ ᠨᠢ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠠᠯ ᠠᠮᠢᠳᠤᠷᠠᠯ ᠳᠤ ᠴᠢᠬᠤᠯᠠ | ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ ᠪᠠᠨ ᠦᠵᠡᠬᠦᠯᠵᠤ ᠢᠷᠡᠭᠰᠡᠨ ᠭᠡᠳᠡᠭ ᠢ ᠲᠤᠩᠭᠠᠵᠤ ᠶᠠᠪᠤᠭᠰᠠᠨ ᠰᠤᠷᠳᠠᠯᠳᠤ ᠦᠷ ᠤᠨ ᠬᠡᠬᠡ | ᠠᠴᠠ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠤᠯᠳᠠᠯᠠ ᠠᠳᠤᠭᠤ ᠮᠠᠯ ᠲᠠᠢ ᠪᠠᠨ ᠨᠤᠴᠤᠯᠳᠤᠨ᠂ ᠮᠤᠩᠭᠤᠯ ᠮᠤᠷᠢᠨ ᠤ ᠳᠡᠰᠪᠦᠷᠢ | ᠬᠠᠳᠠᠭᠤᠵᠢᠯᠳᠠᠢ᠂ ᠳᠠᠭᠠᠭᠠᠴᠠ ᠲᠠᠢ᠂ ᠨᠤᠳᠤᠭ ᠲᠠᠭᠠᠨ ᠡᠭᠡᠨᠡᠭᠰᠢᠭ᠂ ᠰᠦᠷᠦᠭ ᠲᠡᠭᠡᠨ ᠢᠵᠢᠯᠰᠢᠭ᠂ ᠡᠵᠡᠨ | ᠳᠡᠭᠡᠨ ᠡᠭᠡᠯᠢᠰᠡᠭ ᠪᠠᠶᠢᠭᠠᠯᠢ ᠠᠷᠠᠨᠰᠢᠨ ᠢ ᠴᠤ ᠰᠠᠶᠢᠨ ᠤᠶᠢᠯᠠᠭᠠᠵᠤ ᠶᠠᠪᠤᠳᠠᠭ ᠠᠴᠠ ᠠᠷᠠᠴᠢᠯᠠᠭᠠ ᠳᠤᠳᠤᠮᠳᠤᠯᠭᠠ ᠂ | ᠮᠤᠷᠢᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠳᠠᠯᠠ ᠪᠠᠷ ᠴᠤ ᠦᠪᠡᠷ ᠤᠨ ︽ᠬᠦᠨ ᠤᠬᠠᠭᠠᠨ ᠤ ᠶᠤᠰᠤ︾ ᠲᠠᠢ ᠪᠠᠶᠢᠯᠠ᠃ | ᠰᠤᠷᠳᠠᠯᠳᠤ ᠶᠢᠨ ᠬᠤᠪᠢ ᠳᠤ ᠠᠳᠤᠭᠤ ᠮᠠᠯ ᠤᠨ ᠢᠶᠠᠨ ᠳᠠᠷᠭᠤ ᠬᠦᠴᠦ ᠶᠢ ᠪᠠᠳᠤᠯᠠᠬᠤ ᠶᠢᠨ ᠵᠡᠷᠭᠡᠪᠡᠷ ᠤᠨᠤᠯᠭᠠ | ᠡᠳ᠋ᠯᠡᠭᠡ ᠶᠢ ᠠᠩᠬᠠᠷᠴᠤ ᠶᠠᠪᠤᠳᠠᠭ ᠪᠦᠭᠡᠳ ᠮᠤᠩᠭᠤᠯ ᠮᠤᠷᠢ ᠪᠠᠨ ᠠᠮᠢᠳᠤᠷᠠᠯ ᠤᠨ ᠬᠠᠨᠢ ᠰᠡᠳᠬᠢᠯ ᠤᠨ ᠲᠦᠰᠢᠭ | ᠪᠤᠯᠭᠠᠵᠤ᠂ ᠡᠨᠡ ᠵᠢᠯ ᠠᠮᠢᠳᠤᠷᠠᠯ ᠤᠨ ᠠᠶᠠᠨ ᠤ ᠪᠠᠨ 51 ᠬᠠᠪᠤᠷ ᠨᠠᠮᠤᠷ ᠢ ᠤᠭᠳᠤᠨ ᠶᠠᠪᠤᠭᠠ ᠳᠡᠷᠡᠪᠡᠷ ᠪᠦᠬᠦ | ᠠᠷᠠᠳ ᠤᠨ ᠪᠡᠶᠡ ᠴᠢᠬᠢᠷᠠᠭᠵᠢᠭᠤᠯᠬᠤ ᠠᠵᠢᠯ ᠳᠤ ᠭᠠᠪᠰᠢᠭᠠᠶᠢᠯᠠᠵᠤ᠂ ᠤᠷᠴᠢᠮ ᠤᠨ ᠵᠢᠯ ᠠᠴᠠ ᠪᠠᠷᠠᠭᠤᠨ | ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠴᠠᠭᠠᠨ ᠠᠳᠤᠭᠤᠨ ᠤ ᠰᠤᠶᠤᠯ ᠤᠨ ᠬᠦᠷᠢᠶᠡᠯᠡᠩ ᠳᠤ ᠮᠤᠷᠢᠨ ᠤ ᠵᠢᠭᠠᠨ ᠰᠤᠷᠭᠠᠯᠳᠠ | ᠶᠢᠨ ᠠᠵᠢᠯ ᠳᠤ ᠮᠤᠩᠭᠠᠨᠢᠵᠤ᠂ ᠭᠠᠷᠠᠭ ᠤᠨ ᠰᠡᠬᠦᠯᠴᠢ ᠂ ᠡᠪᠦᠯ ᠵᠤᠨ ᠤ ᠠᠮᠠᠷᠠᠯᠳᠠ ᠵᠡᠷᠭᠡ ᠰᠤᠯᠠ ᠰᠡᠯᠡᠬᠦᠦ ᠴᠠᠭ | ᠢᠶᠠᠷ ᠬᠦᠮᠦᠰ ᠲᠤ ᠮᠤᠷᠢ ᠤᠨᠤᠬᠤ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭᠡᠵᠤ᠂ ᠠᠳᠤᠭᠤᠨ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ | ᠬᠥᠭᠵᠢᠭᠦᠯᠬᠦ ᠦᠢᠯᠡᠰ ᠲᠤ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠭᠡᠷ ᠂᠂᠂᠂ | | |