| ᠠᠳᠤᠭᠤᠨ ᠤ ᠦᠰᠦ ᠨᠣᠣᠰᠣ ᠶᠢ ᠰᠠᠮᠨᠠᠵᠤ ᠲᠡᠯ ᠰᠡᠭᠦᠯ ᠢ ᠬᠢᠯᠭᠠᠰᠤᠯᠠᠬᠤ ᠶᠢ ᠠᠳᠤᠭᠤ ᠬᠥᠭᠡᠪᠦᠷᠯᠡᠬᠦ ᠭᠡᠨᠡ᠃ | ᠡᠷᠲᠡ ᠳᠡᠭᠡᠷᠡ ᠦᠶᠡ ᠠᠴᠠ ᠮᠣᠩᠭᠤᠯᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠦᠰᠦ ᠨᠣᠣᠰᠣ᠂ ᠭᠦᠭᠡᠪᠦᠷ | ᠬᠢᠯᠭᠠᠰᠤ ᠶᠢ ᠨᠢ ᠨᠡᠭᠦᠳᠡᠯ ᠤᠨ ᠠᠵᠤ ᠠᠬᠤᠢ ᠳᠤ ᠲᠣᠬᠢᠷᠠᠭᠰᠠᠨ ᠭᠠᠷ ᠦᠢᠯᠡᠳᠪᠦᠷᠢᠯᠡᠯ ᠢᠶᠠᠷ ᠪᠣᠯᠪᠠᠰᠤᠷᠠᠭᠤᠯᠤᠨ | ᠠᠵᠤ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠬᠡᠷᠡᠭᠴᠡᠭᠡᠲᠦ ᠵᠦᠢᠯ ᠢ ᠬᠢᠵᠦ ᠡᠳ᠋ᠯᠡᠭᠰᠡᠭᠡᠷ ᠢᠷᠡᠵᠡᠢ᠃ ᠵᠢᠯ ᠪᠦᠷᠢ ᠶᠢᠨ ᠬᠠᠪᠤᠷ ᠤᠨ | ᠰᠡᠭᠦᠯᠴᠢ᠂ ᠵᠤᠨ ᠤ ᠡᠬᠢ ᠪᠠᠷ ᠮᠠᠯ ᠨᠣᠭᠤᠭᠠᠨ ᠳᠤ ᠴᠠᠳᠤᠨ ᠲᠡᠪᠡᠭᠡᠷᠡᠵᠦ᠂ ᠦᠰᠦ ᠨᠣᠣᠰᠣ ᠨᠢ ᠬᠥᠭᠡᠷᠬᠦ ᠦᠶᠡ ᠳᠤ | ᠪᠤᠰᠤᠳ ᠮᠠᠯ ᠲᠠᠢ ᠠᠳᠠᠯᠢ ᠪᠠᠷ ᠠᠳᠤᠭᠤᠨ ᠤ ᠲᠡᠯ᠂ ᠰᠡᠭᠦᠯ᠂ ᠭᠦᠭᠡᠪᠦᠷ ᠢ ᠠᠪᠴᠤ ᠡᠬᠢᠯᠡᠳᠡᠭ᠃ ᠲᠡᠳᠡᠭᠡᠷ ᠢ | ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠨᠢ ᠵᠤᠨ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠶᠠᠪᠤᠭᠳᠠᠳᠠᠭ᠃ ᠮᠣᠩᠭᠤᠯ ᠣᠷᠣᠨ ᠤ ᠨᠤᠲᠤᠭ | ᠪᠡᠯᠴᠢᠭᠡᠷ ᠥᠷᠭᠡᠨ ᠠᠭᠤᠳᠠᠮ᠂ ᠠᠭᠤᠷ ᠠᠮᠢᠰᠬᠤᠯ ᠲᠡᠩᠴᠡᠭᠦᠷᠢ ᠦᠭᠡᠢ ᠪᠠᠶᠢᠳᠠᠭ ᠠᠴᠠ ᠠᠳᠤᠭᠤ ᠬᠥᠭᠡᠪᠦᠷᠯᠡᠵᠦ | ᠬᠢᠯᠭᠠᠰᠤᠯᠠᠬᠤ ᠴᠠᠭ ᠬᠤᠭᠤᠴᠠᠭᠠ ᠨᠢ ᠪᠠᠭᠠ ᠵᠥᠷᠢᠶᠡᠨ ᠲᠠᠢ ᠪᠠᠶᠢᠳᠠᠭ᠃ ᠭᠡᠪᠡᠴᠦ ᠣᠯᠠᠩᠬᠢ ᠭᠠᠵᠠᠷ ᠪᠦᠷ | ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠦᠷᠪᠡᠨ ᠰᠠᠷᠠ ᠳᠤ ᠠᠳᠤᠭᠤ ᠬᠥᠭᠡᠪᠦᠷᠯᠡᠨᠡ᠃ ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠬᠥᠭᠡᠷᠴᠦ | ᠡᠬᠢᠯᠡᠬᠦ ᠳᠤ ᠤᠷᠢᠳ ᠢᠶᠠᠷ ᠭᠡᠳᠡᠰᠦ᠂ ᠬᠦᠵᠦᠭᠦᠦ᠂ ᠴᠠᠪᠢ᠂ ᠭᠤᠶᠠ ᠶᠢᠨ ᠳᠣᠲᠣᠷ ᠲᠠᠯᠠ ᠠᠴᠠ ᠳᠡᠭᠳᠡᠵᠦ | ᠢᠷᠡᠳᠡᠭ᠃ ᠰᠠᠶᠢᠬᠠᠨ ᠠᠵᠢᠭᠯᠠᠵᠤ ᠦᠵᠡᠬᠦ ᠳᠤ ᠠᠳᠤᠭᠤᠨ ᠤ ᠬᠤᠮᠣᠯ ᠬᠢᠯᠠᠭᠠᠷ ᠬᠠᠷᠠ ᠬᠥᠷᠥᠰᠥ ᠰᠠᠭᠤᠵᠤ ᠪᠠᠶᠢᠪᠠᠯ | ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠬᠥᠭᠡᠷᠴᠦ ᠪᠠᠶᠢᠬᠤ ᠶᠢᠨ ᠰᠢᠨᠵᠢ ᠲᠡᠮᠳᠡᠭ ᠮᠥᠨ᠃ ︽ᠬᠠᠪᠤᠷ ᠤᠨ ᠰᠠᠯᠬᠢ ᠬᠠᠪᠢᠷᠭᠠ | ᠨᠡᠪᠲᠡᠯᠦᠨᠡ︾ ᠭᠡᠳᠡᠭ ᠢᠶᠠᠷ ᠭᠡᠭᠡᠯ ᠲᠠᠢ ᠭᠡᠭᠦᠦ᠂ ᠤᠨᠠᠭᠠ ᠲᠠᠭᠠ᠂ ᠬᠥᠭᠰᠢᠨ ᠪᠠᠭᠤᠷᠠᠢ ᠠᠳᠤᠭᠤ ᠶᠢ ᠪᠣᠯ | ᠭᠡᠨᠡᠳᠲᠡ ᠶᠢᠨ ᠬᠦᠢᠲᠡᠨ ᠴᠠᠰᠤ ᠪᠣᠷᠣᠭᠠᠨ ᠳᠤ ᠪᠡᠭᠡᠷᠡᠵᠦ ᠣᠰᠣᠭᠤᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠵᠤ ᠬᠠᠮᠤᠭ ᠤᠨ | ᠰᠡᠭᠦᠯ ᠳᠤ ᠨᠢ ᠬᠥᠭᠡᠪᠦᠷᠯᠡᠨᠡ᠃ ᠬᠤᠷ ᠲᠠᠷᠭᠤ ᠲᠠᠢ ᠤᠨᠳᠤᠷᠤᠭᠰᠠᠨ ᠮᠣᠷᠢᠳ᠂ ᠡᠷᠡᠮᠡᠭ ᠭᠡᠭᠦᠦ᠂ ᠰᠤᠪᠠᠢ ᠭᠡᠭᠦᠦ ᠠᠴᠠ | ᠡᠬᠢᠯᠡᠵᠦ ᠬᠥᠭᠡᠪᠦᠷᠯᠡᠨᠡ᠃ ᠲᠠᠭᠠ ᠶᠢᠨ ᠭᠦᠭᠡᠪᠤᠷ ᠢ ᠠᠪᠬᠤ ᠳᠤ ᠪᠠᠨ ᠵᠣ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ ᠲᠣᠬᠤᠮ | ᠦᠯᠡᠳᠡᠭᠡᠵᠦ᠂ ᠪᠣᠷᠣᠭᠠᠨ ᠴᠠᠰᠤ ᠣᠷᠣᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠠᠭᠤᠷ ᠠᠮᠢᠰᠬᠤᠯ ᠲᠣᠭᠲᠠᠪᠤᠷᠢᠲᠠᠢ ᠳᠤᠯᠠᠭᠠᠷᠠᠵᠤ | ᠢᠷᠡᠬᠦ ᠦᠶᠡᠰ ᠰᠠᠢᠢ ᠠᠪᠴᠤ ᠥᠭᠭᠦᠨᠡ᠃ ᠠᠳᠤᠭᠤ ᠪᠣᠯ ᠴᠢᠭᠢᠭ ᠨᠣᠶᠢᠲᠠᠨ ᠳᠤ ᠲᠡᠰᠪᠦᠷᠢ ᠪᠠᠷᠤᠭᠲᠠᠢ ᠠᠳᠤᠭᠤᠰᠤ | ᠲᠤᠯᠠ ᠤᠷᠢᠨ ᠳᠤᠯᠠᠭᠠᠨ ᠡᠳᠦᠷ ᠢ ᠰᠣᠩᠭᠤᠵᠤ ᠬᠥᠭᠡᠪᠦᠷᠯᠡᠨᠡ᠃ | ᠠᠳᠤᠭᠤ ᠬᠥᠭᠡᠪᠦᠷᠯᠡᠬᠦ ᠰᠡᠮ ᠢ ᠨᠠᠷᠢᠨ ᠬᠤᠯᠤᠰᠤ ᠪᠤᠶᠤ ᠮᠠᠲᠠᠬᠤ ᠳᠤ ᠬᠤᠭᠤᠷᠠᠬᠤ ᠦᠭᠡᠢ ᠮᠣᠳᠣ ᠪᠠᠷ ᠬᠢᠨᠡ᠃ | ᠭᠦᠭᠡᠪᠦᠷ ᠠᠪᠬᠤ ᠰᠠᠮ ᠢ ᠨᠢᠭᠡ ᠪᠠᠷᠢᠮᠠ ᠪᠠᠷᠢᠭᠤᠯ ᠲᠠᠢ᠂ ᠲᠥᠭᠡ ᠤᠷᠳᠤ ᠠᠷᠪᠠᠨ ᠬᠤᠶᠠᠷ ᠰᠢᠳᠦ ᠲᠠᠢ᠂ ᠲᠠᠯᠠ | ᠳᠤᠭᠤᠢ ᠭᠡᠯᠪᠡᠷᠢ ᠪᠠᠷ ᠮᠡᠳᠡᠵᠦ᠂ ᠦᠵᠦᠭᠦᠷ ᠢ ᠨᠢ ᠮᠣᠬᠤᠭᠤ ᠬᠢᠪᠡᠯ ᠠᠳᠤᠭᠤᠨ ᠤ ᠠᠷᠠᠰᠤ ᠶᠢ ᠨᠢ ᠬᠡᠭᠵᠡᠯᠬᠦ ᠦᠭᠡᠢ | ᠪᠥᠭᠡᠳ ᠬᠡᠷᠡᠭᠯᠡᠬᠦ ᠳᠤ ᠬᠥᠩᠭᠡᠨ᠂ ᠭᠦᠭᠡᠪᠦᠷ ᠠᠪᠬᠤ ᠨᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠢ ᠠᠪᠴᠤ | ᠪᠠᠷᠠᠪᠠᠯ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠢᠶᠠᠨ ᠡᠬᠢᠯᠡᠨ ᠬᠢᠳᠡᠭ᠃ ᠡᠷᠲᠡ ᠳᠡᠭᠡᠷᠡ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠠᠳᠤᠭᠤᠨ ᠤ | ᠭᠦᠭᠡᠪᠦᠷ ᠢᠶᠠᠷ ᠭᠤᠣᠯᠳᠠᠭᠤ ᠳᠡᠪᠢᠰᠬᠡᠷ ᠬᠢᠵᠦ ᠪᠠᠶᠢᠭᠰᠠᠨ ᠪᠥᠭᠡᠳ ᠨᠢᠯᠬᠠ ᠪᠠᠭᠠ ᠬᠡᠦᠬᠡᠳ ᠤᠨ ᠴᠡᠭᠡᠵᠢᠪᠴᠢ | ︵ᠪᠠᠷᠢᠪᠴᠢ︶ ᠬᠢᠵᠦ ᠪᠠᠶᠢᠵᠠᠢ᠃ ᠠᠳᠤᠭᠤᠨ ᠤ ᠨᠣᠣᠰᠣ ᠭᠦᠭᠡᠪᠦᠷ ᠨᠢ ᠪᠤᠰᠤᠳ ᠮᠠᠯ ᠤᠨ ᠨᠣᠣᠰᠣ ᠨᠣᠣᠯᠣᠭᠤᠷ ᠲᠠᠢ | ᠠᠳᠠᠯᠢ ᠦᠭᠡᠢ᠂ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠠᠶᠢᠳᠠᠭ ᠠᠴᠠ ᠨᠠᠷᠠ ᠰᠠᠯᠬᠢᠨ ᠳᠤ ᠲᠦᠷᠭᠡᠨ ᠬᠠᠳᠠᠳᠠᠭ ᠰᠠᠶᠢᠨ ᠲᠠᠯᠠ ᠲᠠᠢ᠃ | ᠲᠠᠶᠢᠮᠦ ᠠᠴᠠ ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠨᠢ ᠵᠢᠩ ᠴᠢᠭᠢᠭ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠣᠨᠴᠠ ᠰᠠᠶᠢᠨ ᠳᠡᠪᠢᠰᠬᠡᠷ ᠪᠣᠯᠵᠤ | ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠢᠶᠠᠷ ᠪᠣᠷᠣᠭᠠᠨ ᠴᠠᠰᠤ᠂ ᠰᠠᠯᠬᠢᠨ ᠵᠢᠪᠠᠷ ᠢ ᠬᠠᠯᠬᠠᠯᠠᠬᠤ | ᠨᠥᠮᠥᠷᠭᠡ ᠬᠢᠵᠦ ᠡᠮᠦᠰᠳᠡᠭ ᠪᠠᠶᠢᠪᠠ᠃ ᠠᠳᠤᠭᠤᠨ ᠤ ᠭᠦᠭᠡᠪᠦᠷ ᠨᠢ ᠬᠢᠯᠠᠭᠠᠷ᠂ ᠬᠠᠲᠠᠭᠤ ᠰᠢᠷᠬᠡᠭ ᠲᠠᠢ᠂ ᠪᠥᠭᠡᠮᠨᠡᠷᠡᠨ | ᠰᠢᠷᠢᠯᠳᠦᠬᠦ ᠦᠭᠡᠢ ᠪᠠᠶᠢᠳᠠᠭ ᠲᠤᠯᠠ ᠭᠦᠭᠡᠪᠦᠷ ᠢᠶᠠᠷ ᠳᠡᠪᠢᠰᠬᠡᠷ᠂ ᠨᠥᠮᠥᠷᠭᠡ ᠬᠢᠬᠦ ᠨᠢ ᠮᠥᠨ ᠬᠦ ᠢᠰᠡᠭᠡᠢ ᠡᠳ᠋ᠯᠡᠯ | ᠬᠢᠬᠦ ᠲᠠᠢ ᠠᠳᠠᠯᠢ ᠶᠤᠮ᠃ ᠠᠳᠤᠭᠤᠨ ᠤ ᠲᠠᠯ ᠰᠡᠭᠦᠯ ᠢ ᠭᠤᠷᠪᠠᠨ ᠰᠠᠷᠠ ᠠᠴᠠ ᠡᠬᠢᠯᠡᠨ ᠳᠡᠯᠯᠡᠵᠦ ᠬᠢᠷᠭᠠᠳᠠᠭ ᠶᠤᠮ᠃ | ᠠᠳᠤᠭᠤᠨ ᠤ ᠮᠤᠨᠳᠠᠭᠠ ᠶᠢ ᠨᠢ ᠳᠡᠯᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠰᠦᠷ ᠵᠢᠪᠬᠤᠭᠠ ᠪᠠᠭᠤᠷᠠᠨᠠ ᠭᠡᠳᠡᠭ᠃ ᠪᠠᠰᠠ ᠰᠠᠶᠢᠨ | ᠡᠳᠦᠷ ᠦᠵᠡᠵᠦ ᠳᠡᠯᠯᠡᠬᠦ ᠦᠭᠡᠢ ᠪᠣᠯ ᠮᠣᠷᠢ᠂ ᠡᠵᠡᠨ ᠤ ᠠᠯᠢ ᠠᠯᠢᠨ ᠳᠤ ᠨᠢ ᠴᠦ ᠮᠠᠭᠤ ᠭᠡᠳᠡᠭ᠃ ᠮᠣᠷᠢᠨ ᠤ ᠭᠦᠭᠦᠯ᠂ | ᠰᠣᠶᠢᠯᠭᠠ ︵ᠭᠡᠵᠢᠭᠡ︶᠂ ᠮᠤᠨᠳᠠᠭᠠ ᠶᠢ ᠨᠢ ᠦᠯᠡᠳᠡᠭᠡᠵᠦ ᠤᠷᠳᠤ ᠰᠡᠭᠦᠯ ᠢ ᠨᠢ ᠳᠣᠣᠷᠠ ᠠᠴᠠ ᠨᠢ ᠰᠥᠭᠦᠮ ᠬᠢᠷᠢ | ᠲᠠᠭᠠᠷᠢᠬᠤ ᠪᠤᠶᠤ ᠣᠯᠠᠩᠬᠢ ᠳᠤ ᠪᠠᠨ ᠰᠡᠭᠦᠯ ᠤᠨ ᠳᠤᠮᠳᠠ ᠠᠴᠠ ᠨᠢ ᠬᠤᠶᠠᠷ ᠭᠤᠷᠪᠠᠨ ᠲᠤᠭ ᠰᠠᠮᠪᠠᠶᠢᠯᠭᠠᠵᠤ | ᠬᠠᠶᠢᠴᠢᠯᠠᠵᠤ ᠠᠪᠳᠠᠭ᠃ ᠭᠡᠪᠡᠴᠦ ᠠᠳᠤᠭᠤᠨ ᠤ ᠰᠡᠭᠦᠯ ᠭᠡᠳᠡᠭ ᠬᠤᠩᠭᠤ ᠪᠣᠷᠪᠢ ᠪᠠᠷ ᠦᠯᠢᠶᠡᠬᠦ ᠬᠦᠢᠲᠡᠨ ᠰᠠᠯᠬᠢ | ᠰᠢᠭᠤᠷᠭᠠᠨ ᠠᠴᠠ ᠨᠠᠶᠢᠳᠠᠪᠤᠷᠢᠲᠠᠢ ᠬᠠᠮᠠᠭᠠᠯᠠᠳᠠᠭ ᠰᠠᠶᠢᠨ ᠬᠠᠯᠬᠠᠪᠴᠢ ᠪᠤᠯᠳᠠᠭ ᠲᠤᠯᠠ ᠭᠡᠭᠡᠯ ᠲᠠᠢ ᠭᠡᠭᠦᠦ ᠶᠢᠨ | ᠰᠡᠭᠦᠯ ᠢ ᠬᠢᠷᠭᠠᠬᠤ ᠦᠭᠡᠢ ᠪᠣᠯ ᠭᠡᠭᠡᠯ ᠬᠠᠮᠠᠭᠠᠯᠠᠬᠤ ᠳᠤ ᠰᠠᠶᠢᠨ ᠶᠤᠮ᠃ |