| ᠡᠪᠦᠯ ᠳᠡᠭᠡᠨ ᠪᠢ ᠶᠡᠷᠦ ᠲᠠᠭᠠᠷᠠᠬᠤ ᠦᠭᠡᠢ | | ᠡᠭᠦᠯᠡ ᠪᠤᠳᠠᠩ ᠲᠠᠢ ᠡᠳᠦᠷ ᠴᠦ ᠪᠣᠯᠤᠭ | ᠦᠨᠡᠭᠡᠨ ᠬᠠᠷᠠᠩᠭᠤᠢ ᠰᠥᠨᠢ ᠴᠦ ᠪᠣᠯᠤᠭ | ᠦᠯᠢᠶᠡᠵᠦ ᠬᠡᠶᠢᠰᠬᠡᠮᠡᠷ ᠰᠠᠯᠬᠢᠨ ᠳᠤ ᠴᠦ ᠪᠣᠯᠤᠭ | ᠦᠢᠯᠡᠲᠦ ᠶᠡᠭᠡ ᠵᠤᠳ ᠲᠤ ᠴᠦ ᠪᠣᠯᠤᠭ | ᠡᠪᠦᠯ ᠳᠡᠭᠡᠨ ᠪᠢ ᠶᠡᠷᠦ ᠲᠠᠭᠠᠷᠠᠬᠤ ᠦᠭᠡᠢ | ᠬᠦᠢᠲᠡᠨ ᠰᠢᠭᠤᠷᠭᠠᠨ ᠲᠠᠭᠠᠷᠢᠵᠦ | ᠬᠥᠷᠥᠰᠥᠲᠦ ᠭᠠᠵᠠᠷ ᠢ ᠬᠥᠯᠳᠡᠭᠡᠭᠡᠳ | ᠬᠥᠬᠡ ᠮᠥᠰᠥᠲᠦ ᠶᠢᠷᠲᠢᠨᠴᠦ ᠪᠤᠯᠭᠠᠬᠰᠠᠨ ᠴᠦ | ᠬᠥᠮᠥᠨ ᠤ ᠬᠠᠯᠠᠭᠤᠨ ᠰᠡᠳᠬᠢᠯ ᠢ ᠶᠡᠷᠦ | ᠬᠥᠯᠳᠡᠭᠡᠵᠦ ᠴᠠᠷᠴᠠᠭᠠᠵᠤ ᠴᠢᠳᠠᠬᠤ ᠦᠭᠡᠢ | ᠬᠦᠰᠡᠯ ᠵᠣᠷᠢᠯᠲᠠ ᠶᠢᠨ ᠡᠷᠴᠢᠮ ᠢ ᠪᠦᠷ | ᠭ᠊ᠥ᠋ᠨᠳᠡᠯᠡᠨ ᠲᠠᠰᠤᠯᠵᠤ ᠴᠢᠳᠠᠬᠤ ᠦᠭᠡᠢ | ᠬᠥᠨᠥᠭ ᠲᠠᠢ ᠠᠶᠢᠷᠠᠭ ᠤᠤᠭᠤᠭᠰᠠᠨ ᠬᠦᠴᠦᠨ ᠳᠡᠭᠡᠨ | ᠬᠥᠮᠥᠵᠢᠭᠳᠡᠨ ᠥᠰᠴᠦ ᠬᠠᠲᠠᠭᠤᠵᠢᠭᠰᠠᠨ ᠵᠠᠩ ᠳᠠᠭᠠᠨ | ᠬᠦᠷᠬᠦ ᠬᠠᠷᠠᠯᠲᠠ ᠵᠦᠭ ᠢᠶᠠᠨ ᠲᠡᠮᠡᠦᠯᠦᠨ | ᠬᠦᠰᠡᠯᠡᠩ ᠤᠨ ᠰᠠᠶᠢᠬᠠᠨ ᠢᠶᠠᠨ ᠪᠡᠶᠡᠯᠡᠭᠦᠯᠦᠨᠡ | ᠭᠤᠨᠠᠨ ᠦᠬᠡᠷ ᠤᠨ ᠡᠪᠡᠷ ᠬᠥᠯᠳᠡᠮᠡᠷ | ᠭᠤᠷᠪᠠ ᠶᠢᠰᠦ ᠶᠢᠨ ᠬᠦᠢᠲᠡᠨ ᠳᠤ ᠴᠦ | ᠭᠤᠶᠤᠯᠲᠠ ᠨᠥᠬᠦᠴᠡᠯ ᠳᠤᠷᠠᠳᠬᠤ ᠦᠭᠡᠢ ᠪᠠᠷ | ᠭᠤᠣᠯᠳᠠᠯᠭᠠ ᠵᠠᠩᠭᠢᠯᠠᠭᠠ ᠶᠢ ᠴᠢᠩᠭᠠ ᠠᠳᠬᠤᠨ | ᠭᠤᠣᠯᠴᠢ ᠦᠨᠡᠨᠴᠢ ᠪᠠᠷ ᠵᠢᠳᠬᠦᠯ ᠭᠠᠷᠭᠠᠨᠠ | ᠬᠠᠬᠢᠷ ᠬᠦᠢᠲᠡᠨ ᠶᠢᠰᠦ ᠡᠬᠢᠯᠡᠭᠰᠡᠨ ᠢ | ᠬᠠᠨ ᠬᠤᠷᠸᠠ ᠶᠢᠨ ᠵᠢᠮᠡ ᠪᠠᠷ ᠮᠥᠷᠳᠡᠵᠦ | ᠬᠠᠲᠠᠭᠤ ᠭᠠᠮᠰᠢᠭ ᠲᠠᠢ ᠡᠳᠦᠷ ᠲᠤ ᠴᠦ | ᠬᠠᠰᠢᠷ ᠳᠠᠳᠮᠠᠭᠠᠢ ᠠᠪᠤ ᠶᠢᠨ ᠢᠶᠠᠨ ᠰᠤᠷᠭᠠᠯ ᠳᠤ | ᠬᠠᠲᠠᠭᠤᠵᠢᠵᠤ ᠪᠣᠯᠪᠠᠰᠤᠷᠠᠵᠤ ᠥᠰᠦᠭᠰᠡᠨ ᠳᠡᠭᠡᠨ | ᠬᠠᠯᠠᠭᠤᠨ ᠬᠦᠢᠲᠡᠨ ᠢ ᠲᠡᠰᠴᠦ ᠴᠢᠳᠠᠨᠠ | ᠬᠠᠯᠠ ᠵᠣᠪᠠᠯᠠᠩ ᠢ ᠳᠠᠭᠠᠭᠠᠵᠤ ᠳᠠᠪᠠᠨᠠ | ᠬᠠᠷᠠ ᠰᠢᠭᠤᠷᠭᠠᠨ ᠰᠠᠷᠨᠢᠨᠠ | ᠬᠠᠬᠢᠷ ᠬᠦᠢᠲᠡᠨ ᠠᠷᠢᠯᠤᠨᠠ | ᠬᠠᠪᠤᠷ ᠵᠣᠨ ᠨᠠᠮᠤᠷ ᠮᠢᠨᠢ | ᠬᠠᠰᠢᠯᠠ ᠵᠢᠮᠡ ᠪᠠᠷ ᠢᠶᠠᠨ ᠢᠷᠡᠨᠡ | ᠬᠠᠨᠠᠭᠠᠷ ᠲᠠᠯᠠ ᠴᠡᠴᠡᠭᠯᠡᠨ ᠪᠠᠲᠠᠷᠠᠨᠠ | ᠬᠠᠷᠭᠠᠢ ᠨᠠᠷᠠᠰᠤ ᠥᠳᠬᠡᠷᠡᠨ ᠬᠥᠬᠡᠷᠡᠨᠡ | ᠬᠠᠮᠤᠭ ᠳᠡᠯᠡᠬᠡᠢ ᠠᠮᠢᠯᠠᠯ ᠢᠶᠠᠷ ᠪᠢᠯᠬᠠᠨᠠ | ᠬᠠᠶᠢᠷᠠᠲᠤ ᠤᠯᠤᠰ ᠮᠢᠨᠢ ᠬᠥᠭᠵᠢᠨ ᠴᠡᠴᠡᠭᠯᠡᠨᠡ᠃ | ᠵᠣᠬᠢᠶᠠᠭᠴᠢ᠄ ᠵᠠ᠊ · ᠣᠷᠭᠢᠯ ︵ᠰᠢᠨᠵᠢᠶᠠᠩ︶ |