| ᠱᠠᠭᠠ ᠲᠣᠭᠯᠠᠭᠠᠮ ᠢ ᠰᠢᠨᠵᠢᠵᠦ ᠦᠵᠡᠪᠡᠯ᠂ ᠨᠢᠭᠡ ᠳᠤ᠂ ᠠᠩ ᠠᠩᠨᠠᠯ ᠮᠠᠯ ᠮᠠᠯᠵᠢᠯ ᠤᠨ ᠰᠢᠭᠤᠳ ᠲᠤᠰᠬᠠᠯ | ᠪᠣᠯᠤᠭᠰᠠᠨ ᠣᠨᠴᠠᠯᠢᠭ ᠲᠠᠢ᠃ ᠮᠣᠩᠭᠤᠯᠴᠤᠳ ᠤᠨ ᠢᠵᠠᠭᠤᠷ ᠨᠠᠭᠠᠳᠤᠮ ᠤᠨ ᠨᠢᠭᠡ ᠪᠣᠯᠬᠤ ᠪᠤᠭᠤ ᠵᠢᠷᠭᠢᠭᠡ ᠶᠢᠨ | ᠨᠠᠭᠠᠳᠤᠭᠠᠶ ᠪᠤᠭᠤ ᠶᠢᠨ ᠣᠷᠣᠨ ᠳᠤ ᠱᠠᠭᠠ ᠬᠡᠷᠡᠭᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ︽ᠬᠠᠯᠵᠠᠨ ᠪᠤᠭᠤ︾᠂ ︽ᠬᠤᠯᠪᠣᠭᠠ | ᠪᠤᠭᠤ︾᠂ ︽ᠥᠨᠳᠥᠷ ᠬᠠᠩᠭᠠᠶ ᠶᠢᠨ ᠪᠤᠭᠤ︾ ᠵᠡᠷᠭᠡ ᠪᠤᠭᠤ ᠵᠢᠷᠭᠢᠭᠡ ᠳᠤ ᠱᠠᠭᠠ ᠪᠠᠷ ᠪᠤᠭᠤ ᠶᠢ | ᠲᠥᠯᠥᠭᠡᠯᠡᠭᠦᠯᠦᠭᠰᠡᠨ ᠨᠢ ᠠᠩ ᠠᠩᠨᠠᠯ ᠤᠨ ᠲᠤᠰᠬᠠᠯ ᠮᠥᠨ᠃ ᠱᠠᠭᠠ ᠶᠢᠨ ᠳᠥᠷᠪᠡᠨ ᠲᠠᠯᠠ ᠶᠢ ᠲᠠᠪᠤᠨ ᠬᠤᠰᠢᠭᠤ | ᠮᠠᠯ ᠤᠨ ᠨᠡᠷᠡᠶᠢᠳᠦᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠪᠠ ᠱᠠᠭᠠ ᠲᠣᠭᠯᠠᠭᠠᠮ ᠤᠨ ᠳᠣᠲᠣᠷᠠᠬᠢ《 ᠬᠠᠯᠵᠠ ᠬᠠᠷᠪᠤᠬᠤ》᠂《 | ᠪᠥᠬᠡ ᠪᠠᠷᠢᠯᠳᠤᠭᠤᠯᠬᠤ》᠂ ︽ᠮᠣᠷᠢ ᠤᠷᠤᠯᠳᠤᠭᠤᠯᠬᠤ︾᠂ ︽ᠬᠤᠨᠢ ᠬᠤᠯᠪᠣᠬᠤ︾᠂ ︽ᠭᠡᠭᠦᠦ ᠰᠠᠭᠠᠬᠤ︾ | ᠵᠡᠷᠭᠡ ᠳᠤ ᠮᠠᠯ ᠮᠠᠯᠵᠢᠯ ᠤᠨ ᠰᠢᠭᠤᠳ ᠲᠤᠰᠬᠠᠯ ᠢᠯᠡᠷᠬᠡᠶ ᠮᠡᠳᠡᠭᠳᠡᠵᠦ ᠪᠠᠶᠢᠨᠠ᠃ ᠬᠤᠶᠠᠷ ᠲᠤ᠂ ᠱᠠᠭᠠ ᠵᠢᠵᠢᠭᠬᠡᠨ | ᠪᠣᠯᠪᠠᠴᠤ ᠱᠠᠭᠠ ᠲᠣᠭᠯᠠᠭᠠᠮ ᠣᠯᠠᠨ ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠱᠠᠭᠠ ᠠᠪᠬᠤ᠂ ᠠᠳᠬᠤᠯᠴᠠᠬᠤ᠂ ᠡᠯᠭᠦᠯᠴᠡᠬᠦ᠂ | ᠡᠷᠢᠬᠦ᠂ ᠢᠳᠡᠬᠦ᠂ ᠣᠩᠬᠤᠯᠢᠬᠤ᠂ ᠣᠷᠬᠢᠬᠤ᠂ ᠬᠠᠶᠠᠬᠤ᠂ ᠤᠷᠤᠯᠳᠤᠬᠤ᠂ ᠦᠷᠦᠬᠦ᠂ ᠦᠨᠡᠯᠡᠬᠦ᠂ ᠨᠡᠶᠢᠯᠡᠬᠦᠯᠬᠦ᠂ | ᠨᠢᠰᠠᠯᠬᠤ᠂ ᠪᠠᠭᠴᠠᠬᠤ᠂ ᠲᠡᠭᠦᠬᠦ᠂ ᠰᠢᠭᠦᠷᠡᠬᠦ᠂ ᠪᠠᠷᠢᠯᠳᠤᠭᠤᠯᠬᠤ᠂ ᠪᠣᠳᠤᠬᠤ᠂ ᠪᠣᠰᠬᠠᠬᠤ᠂ ᠪᠤᠯᠢᠶᠠᠯᠴᠠᠬᠤ᠂ | ᠬᠠᠮᠤᠬᠤ᠂ ᠬᠠᠷᠢᠭᠤᠯᠬᠤ᠂ ᠬᠠᠷᠢᠴᠠᠭᠠᠬᠤ᠂ ᠬᠠᠷᠪᠤᠬᠤ᠂ ᠬᠤᠯᠪᠣᠬᠤ᠂ ᠮᠥᠷᠭᠦᠯᠳᠦᠭᠦᠯᠬᠦ᠂ ᠰᠠᠭᠠᠬᠤ᠂ ᠰᠤᠮᠤᠳᠠᠬᠤ᠂ | ᠳᠠᠭᠠᠯᠴᠠᠬᠤ᠂ ᠲᠣᠭᠠᠯᠠᠬᠤ᠂ ᠴᠣᠬᠢᠬᠤ᠂ ᠵᠢᠰᠦᠯᠡᠬᠦ᠂ ᠰᠢᠨᠵᠢᠬᠦ ᠵᠡᠷᠭᠡ ᠵᠠᠭᠤ ᠭᠠᠷᠤᠶ ᠵᠦᠢᠯ ᠢᠶᠠᠷ ᠨᠠᠭᠠᠳᠳᠠᠭ᠃ | ᠲᠡᠭᠦᠨ ᠳᠣᠲᠣᠷᠠ ᠳᠦᠷᠪᠡᠭᠡᠨ ᠱᠠᠭᠠ ᠪᠠᠷ ᠭᠤᠴᠢᠨ ᠬᠤᠶᠠᠷ ᠶᠠᠩᠵᠤ ᠪᠠᠷ ᠨᠠᠭᠠᠳᠳᠠᠭ ᠵᠢᠱᠢᠶᠡ ᠲᠠᠢ᠃ ᠭᠤᠷᠪᠠ ᠳᠤ᠂ | ᠱᠠᠭᠠ ᠲᠣᠭᠯᠠᠭᠠᠮ ᠨᠢ ᠣᠨᠴᠠ ᠶᠢᠨ ᠬᠡᠷᠡᠭᠰᠡᠯ ᠬᠡᠷᠡᠭᠯᠡᠳᠡᠭ ᠦᠭᠡᠢ ᠣᠨᠴᠠᠯᠢᠭ ᠲᠠᠢ᠃ ᠭᠤᠤᠯ ᠨᠢ ᠬᠤᠨᠢ᠂ ᠢᠮᠠᠭᠠ | ᠂ ᠵᠡᠭᠡᠷᠡ᠂ ᠪᠤᠭᠤ ᠶᠢᠨ ᠱᠠᠭᠠ ᠪᠠᠶᠢᠪᠠᠯ ᠪᠣᠯᠴᠢᠬᠠᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠰᠠᠬᠠ᠂ ᠬᠤᠪᠲᠣᠯ᠂ ᠰᠤᠮᠤ᠂ | ᠱᠣ ᠵᠡᠷᠭᠡ ᠲᠥᠭᠦᠮ ᠬᠡᠷᠡᠭᠰᠡᠯ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠲᠤᠰ ᠲᠣᠭᠯᠠᠭᠠᠮ ᠤᠨ ᠲᠦᠭᠡᠮᠡᠯᠵᠢᠨ ᠳᠡᠯᠭᠡᠷᠡᠬᠦ ᠰᠠᠶᠢᠨ | ᠨᠥᠬᠦᠴᠡᠯ ᠪᠣᠯᠤᠭᠰᠠᠨ ᠶᠤᠮ᠃ ᠳᠥᠷᠪᠡ ᠳᠤ᠂ ᠤᠯᠠᠨ ᠲᠦᠮᠡᠨᠴᠢ ᠴᠢᠨᠠᠷ ᠢᠶᠠᠷ ᠳᠤᠪᠤᠶᠢᠭᠰᠠᠨ ᠣᠨᠴᠠᠯᠢᠭ ᠲᠠᠢ᠃ | ᠱᠠᠭᠠ ᠲᠣᠭᠯᠠᠭᠠᠮ ᠢ ᠬᠡᠦᠬᠡᠳ ᠪᠠᠭᠠᠴᠤᠳ᠂ ᠵᠠᠯᠠᠭᠤ ᠪᠠ ᠢᠳᠡᠷᠴᠦᠳ᠂ ᠬᠥᠭᠰᠢᠨ ᠨᠠᠰᠤᠲᠠᠳ᠂ ᠯᠠᠮᠠ ᠬᠠᠷᠠ᠂ | ᠡᠭᠡᠯ ᠪᠠ ᠡᠷᠬᠢᠮ ᠳᠣᠣᠷᠠᠳᠤ ᠶᠠᠮᠠᠷ ᠴᠤ ᠬᠥᠮᠦᠨ ᠨᠠᠭᠠᠳᠬᠤ ᠳᠤᠷᠠ ᠲᠠᠢ ᠪᠥᠭᠡᠳ ᠨᠠᠭᠠᠳᠴᠤ ᠴᠢᠳᠠᠳᠠᠭ᠃ | ᠲᠠᠪᠤ ᠳᠤ᠂ ᠱᠠᠭᠠ ᠲᠣᠭᠯᠠᠭᠠᠮ ᠢ ᠶᠠᠮᠠᠷ ᠬᠥᠮᠦᠨ᠂ ᠬᠠᠮᠢᠭᠠ᠂ ᠬᠡᠵᠢᠶᠡ ᠨᠠᠭᠠᠳᠤᠭᠰᠠᠨ ᠴᠤ ᠲᠣᠭᠯᠠᠭᠠᠮ ᠳᠤ | ᠣᠷᠣᠯᠴᠠᠭᠰᠠᠨ ᠬᠥᠮᠦᠨ ᠤᠬᠠᠮᠰᠠᠷ ᠠᠴᠠ ᠪᠠᠨ ᠲᠣᠭᠯᠠᠭᠠᠮ ᠤᠨ ᠶᠣᠰᠣ ᠭᠤᠷᠢᠮ ᠢ ᠴᠢᠩᠭᠠ ᠰᠠᠬᠢᠵᠤ ᠵᠠᠯᠢ ᠮᠡᠭᠡ | ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠵᠣᠭᠤᠰ ᠮᠥᠩᠭᠦ ᠲᠠᠢ ᠨᠠᠭᠠᠳᠳᠠᠭ ᠦᠭᠡᠢ᠂ ᠬᠡᠷᠡᠭᠦᠯ ᠵᠠᠭᠤᠷᠠᠭᠠᠨ ᠭᠠᠷᠭᠠᠳᠠᠭ ᠦᠭᠡᠢ᠂ | ᠬᠡᠷᠴᠡᠭᠡᠶ ᠪᠠᠯᠠᠮᠠᠳ ᠠᠭᠠᠰᠢᠯᠠᠳᠠᠭ ᠦᠭᠡᠢ᠂ ᠪᠠᠶᠠᠷ ᠵᠤᠭᠠ ᠶᠢ ᠴᠢᠬᠤᠯᠠᠴᠢᠯᠠᠨ ᠥᠭᠡᠳᠡ ᠡᠰᠡᠷᠡᠭ ᠥᠯᠵᠡᠢ ᠮᠥᠷ ᠲᠠᠢ | ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠨ ᠨᠠᠭᠠᠳᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠵᠢᠷᠭᠤᠭᠠ ᠳᠤ᠂ ᠱᠠᠭᠠ ᠲᠣᠭᠯᠠᠭᠠᠮ ᠨᠢ ᠣᠷᠣᠨ ᠵᠠᠶ᠂ ᠴᠠᠭ | ᠬᠤᠭᠤᠴᠠᠭᠠ ᠳᠤ ᠬᠢᠵᠠᠭᠠᠷᠯᠠᠭᠳᠠᠬᠤ ᠦᠭᠡᠢ ᠣᠨᠴᠠᠯᠢᠭ ᠲᠠᠢ᠃ ᠱᠠᠭᠠ ᠲᠣᠭᠯᠠᠭᠠᠮ ᠢ ᠡᠪᠦᠯ᠂ ᠵᠤᠨ᠂ ᠬᠠᠪᠤᠷ᠂ | ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠡᠪᠦᠯᠵᠢᠶᠡ᠂ ᠵᠤᠰᠠᠯᠠᠩ᠂ ᠬᠠᠪᠤᠷᠵᠢᠶᠠ᠂ ᠨᠠᠮᠤᠷᠵᠢᠶᠠ ᠶᠢᠨ ᠭᠠᠵᠠᠷ ᠪᠦᠷ ᠨᠠᠭᠠᠳᠳᠠᠭ᠃ | ᠥᠨᠢᠷ ᠰᠦᠷᠦᠭ ᠢᠶᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠬᠤ ᠳᠤ ᠪᠠᠨ ᠦᠶᠡ ᠶᠢᠨ ᠨᠥᠬᠦᠳ ᠲᠠᠢ ᠪᠠᠨ ᠰᠡᠯᠡᠭᠦᠴᠡᠵᠦ | ᠰᠠᠭᠤᠬᠤ ᠳᠤ ᠪᠠᠨ ᠤᠭᠤᠲᠠ ᠲᠠᠢ ᠱᠠᠭᠠ ᠪᠠᠨ ᠨᠡᠭᠡᠭᠡᠪᠡᠯ ᠣᠷᠤᠯᠳᠤᠨ ᠨᠠᠭᠠᠳᠴᠤ ᠪᠣᠯᠳᠠᠭ᠃ ᠴᠠᠭ ᠣᠬᠤᠷ ᠪᠣᠯ | ᠳᠥᠭᠦᠮ ᠵᠦᠢᠯ ᠠᠴᠠ ᠨᠢ ᠨᠠᠭᠠᠳᠴᠤ᠂ ᠴᠠᠭ ᠢᠯᠡᠭᠦᠦ ᠪᠣᠯ ᠪᠤᠳᠤᠯᠢᠶᠠᠨ ᠲᠠᠢ ᠲᠥᠷᠦᠯ ᠢ ᠨᠢ ᠲᠣᠭᠯᠠᠵᠤ᠂ ᠬᠥᠮᠦᠨ | ᠣᠯᠠᠨ ᠪᠣᠯ ᠱᠠᠭᠠ ᠪᠠᠨ ᠠᠷᠪᠢᠨ ᠬᠡᠷᠡᠭᠯᠡᠵᠦ᠂ ᠬᠥᠮᠦᠨ ᠴᠥᠭᠡᠨ ᠪᠣᠯ ᠱᠠᠭᠠ ᠪᠠᠨ ᠴᠦᠬᠡᠨ ᠬᠡᠷᠡᠭᠯᠡᠵᠦ᠂ ᠤᠷᠤᠨ ᠵᠠᠢ | ᠂ ᠴᠠᠭ ᠢᠶᠠᠨ ᠦᠨᠳᠦᠰᠦᠯᠡᠨ ᠤᠯᠠᠷᠢᠯᠠᠭᠤᠯᠤᠨ ᠬᠤᠪᠢᠰᠬᠠᠵᠦ ᠠᠮᠢᠳᠤᠯᠢᠭ ᠢᠶᠠᠷ ᠨᠠᠭᠠᠳᠳᠠᠭ᠃ |