| ᠨᠤᠮ ᠤᠨ ᠪᠤᠶᠠᠨ ᠢᠶᠠᠷ ᠲᠡᠷᠭᠡᠯᠰᠢᠭᠰᠡᠨ ᠡᠭᠡᠯ ᠮᠠᠯᠴᠢᠨ ᠤ ᠬᠦᠰᠡᠯ | | | ᠨᠤᠮ ᠪᠢᠴᠢᠭ ᠪᠤᠯ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤ ᠤᠶᠤᠨ ᠪᠢᠯᠢᠭ ᠤᠨ ᠬᠤᠷᠠ ᠱᠠᠬᠢᠭᠤᠯᠳᠠᠭ | ᠠᠭᠤᠳᠠᠯᠵᠤ ᠲᠠᠭᠤᠰᠤᠰᠢ ᠦᠭᠡᠢ ᠡᠷᠳᠡᠨᠢᠰ ᠤᠨ ᠰᠠᠩ ᠪᠠᠶᠢᠳᠠᠭ ᠶᠢᠨ ᠤᠴᠢᠷ ᠨᠤᠮ ᠤᠯᠠᠨ ᠤᠩᠰᠢᠭᠰᠠᠨ ᠬᠦᠮᠦᠨ ᠤ ᠪᠡᠶᠡ | ᠠᠴᠠ ᠪᠢᠯᠢᠭ ᠤᠬᠠᠭᠠᠨ ᠤ ᠤᠴᠢ ᠬᠢᠯᠠᠯᠵᠠᠵᠤ᠂ ᠮᠡᠳᠡᠯᠭᠡ ᠡᠷᠳᠡᠮ ᠤᠨ ᠬᠢᠯᠪᠠᠭᠠ ᠰᠠᠴᠤᠷᠠᠵᠤ ᠪᠠᠶᠢᠳᠠᠭ ᠨᠢ ᠦᠨᠡᠨ᠃ | | | | | ᠪᠠᠶᠠᠨᠬᠤᠰᠢᠭᠤ ᠰᠤᠮᠤᠨ ᠤ ᠰᠠᠶᠢᠬᠠᠨᠨᠠᠭᠤᠷ ᠭᠠᠴᠠᠭᠠ ᠪᠠᠷ ᠨᠤᠳᠤᠭᠲᠠᠢ ᠮᠠᠯᠴᠢᠨ ᠱᠤᠭᠠᠷᠠ ᠨᠤᠮ ᠰᠠᠶᠢᠨ ᠤᠩᠰᠢᠳᠠᠭ | ᠮᠦᠷᠳᠡᠭᠡᠨ ᠬᠡᠦᠬᠡᠳ ᠢᠶᠠᠨ ᠴᠦ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠬᠦᠯᠵᠦ᠂ ᠨᠤᠮ ᠤᠨ ᠪᠠᠭ᠋ᠠᠳᠠᠨ | ᠪᠤᠯᠭᠠᠭᠰᠠᠨ ᠶᠠᠪᠤᠳᠠᠯ ᠤᠶᠢᠷᠠ ᠬᠠᠪᠢ᠂ ᠨᠤᠳᠤᠭ ᠤᠰᠤᠨ ᠤ ᠢᠶᠠᠨ ᠮᠠᠭᠳᠠᠭᠠᠯ ᠰᠠᠶᠢᠰᠢᠶᠠᠯ ᠢ ᠤᠯᠵᠤ ᠶᠠᠪᠤᠭᠠ ᠰᠠᠶᠢᠬᠠᠨ | ᠰᠤᠨᠤᠰᠬᠠᠯ ᠢᠶᠠᠷ ᠪᠢᠳᠡ ᠮᠠᠯᠴᠢᠨ ᠱᠤᠭᠠᠷᠠ ᠶᠢᠨ ᠬᠢᠨ ᠢ ᠵᠤᠷᠢᠭᠰᠠᠨ ᠪᠢᠯᠡ᠃ | ᠰᠤᠷᠪᠤᠯᠵᠢᠯᠠᠭᠴᠢ ᠱᠤᠭᠠᠷᠠ ᠶᠢᠨ ᠤᠳᠤᠷ ᠲᠡᠭᠡᠷᠡ ᠬᠦᠷᠬᠦ ᠳᠤ᠂ ᠲᠡᠷᠡ ᠶᠠᠭ ᠰᠠᠶ᠋ᠢᠬᠠᠨ ᠬᠤᠶᠠᠷ ᠬᠡᠦᠬᠡᠳ ᠤᠨ ᠢᠶᠠᠨ | ᠤᠩᠰᠢᠯᠭᠠ ᠶᠢ ᠵᠢᠯᠤᠭᠤᠳᠤᠭᠠᠳ ᠶᠠᠭᠠᠷᠠᠤ ᠪᠠᠶᠢᠬᠤ ᠲᠠᠢ ᠲᠠᠭᠠᠷᠠᠯᠳᠤᠯᠠ ᠃ | ᠬᠡᠳᠦᠶᠢᠪᠡᠷ ᠤᠳᠤᠷ ᠢᠶᠠᠷ ᠶᠠᠪᠤᠵᠤ᠂ ᠬᠡᠷ ᠲᠤᠳᠤᠷᠠᠬᠢ ᠡᠳ᠋ᠯᠡᠯ ᠭᠡᠷᠡᠭᠰᠡᠯ ᠨᠢ ᠲᠦᠬᠦᠮ ᠪᠠᠶᠢᠭᠰᠠᠨ ᠴᠦ ᠮᠤᠩᠭᠤᠯ | ᠭᠡᠷ ᠤᠨ ᠢᠶᠠᠨ ᠬᠠᠶᠠᠭᠠ ᠲᠠᠭᠠᠭᠤᠯᠤᠨ ᠤᠯᠠᠨ ᠠᠷᠪᠢᠨ ᠨᠤᠮ ᠪᠢᠴᠢᠭ ᠲᠠᠯᠪᠢᠵᠤ ᠪᠠᠶᠢᠭᠰᠠᠨ ᠠᠴᠠ ᠨᠢ ᠦᠵᠡᠬᠦ ᠳᠤ ᠨᠤᠮ | ᠪᠢᠴᠢᠭ ᠢ ᠲᠡᠭᠡᠳᠦᠯᠡᠨ᠂ ᠦᠷᠬᠦᠯᠵᠢ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠵᠦ ᠶᠠᠪᠤᠳᠠᠭ ᠨᠢ ᠢᠯᠡᠭᠡᠨ ᠬᠠᠷᠠᠭᠳᠠᠨᠠ᠃ | | | | ᠱᠤᠭᠠᠷᠠ ᠶᠢᠨ ᠬᠢᠨ ᠠᠮᠠ ᠪᠦᠯᠢ ᠲᠦᠷᠪᠡᠬᠦᠯᠡ᠂ 1400 ᠭᠠᠷᠤᠢ ᠮᠦ ᠨᠤᠳᠤᠭ ᠪᠡᠯᠴᠢᠭᠡᠷ ᠲᠡᠭᠡᠨ 40 ᠭᠠᠷᠤᠢ | ᠦᠭᠡᠷ᠂100 ᠭᠠᠷᠤᠢ ᠬᠤᠨᠢ᠂ ᠭᠤᠴᠢᠭᠠᠳ ᠠᠳᠤᠭᠤ ᠮᠠᠯᠵᠢᠵᠤ ᠶᠠᠪᠤᠭᠠ ᠬᠦᠳᠡᠯᠮᠦᠷᠢᠴᠢ ᠤᠠᠭᠠᠨᠯᠢᠭ ᠠᠶᠢᠯ ᠃ | ᠲᠡᠷᠡᠪᠡᠷ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠪᠤ ᠶᠢᠨ ᠢᠶᠠᠨ ᠨᠦᠯᠦᠭᠡ ᠪᠠᠷ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠬᠦ ᠰᠠᠶᠢᠬᠠᠨ ᠲᠠᠳᠬᠠᠯ | ᠲᠠᠢ ᠪᠤᠯᠵᠤ᠂ ᠲᠦᠩᠭᠡᠵᠢ ᠤᠯᠳᠠᠬᠤ ᠨᠤᠮ ᠢᠶᠠᠨ ᠪᠠᠯ ᠪᠤᠷᠠᠮ ᠰᠢᠭ᠋ ᠠᠮᠳᠠᠷᠬᠠᠨ ᠤᠩᠰᠢᠵᠤ᠂ ᠪᠠᠶᠢᠨ ᠲᠠᠬᠢᠨ ᠰᠤᠳᠤᠯᠵᠤ | ᠪᠢᠰᠢᠯᠭᠠᠳᠠᠭ ᠬᠡᠦᠬᠡᠳ ᠪᠠᠭᠠ ᠨᠠᠰᠤ ᠢᠶᠠᠨ ᠲᠤᠷᠠᠰᠤᠨ᠂ ᠨᠤᠮ ᠦᠵᠡᠪᠡᠯ ᠤᠩᠰᠢᠳᠠᠭ ᠰᠠᠶᠢᠬᠠᠨ ᠲᠠᠳᠬᠠᠯ ᠢᠶᠠᠨ ᠤᠳᠤ | ᠪᠤᠯᠳᠠᠯᠠ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠨᠢᠭᠡᠨ ᠪᠢᠯᠡ᠃ | ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢᠨ ᠬᠦᠭ ᠠᠶᠠᠰ ᠢ ᠲᠠᠭᠠᠯᠳᠤᠨ᠂ ᠡᠯᠧᠺᠲᠷᠤᠨ ᠲᠤᠭᠯᠠᠭᠠᠮ᠂ ᠤᠶᠤᠨᠴᠢ ᠭᠠᠷ | ᠤᠳᠠᠰᠤ ᠶᠢᠨ ᠨᠡᠶᠢᠳᠡᠮ ᠭᠡᠷᠡᠭᠯᠡᠯᠲᠡ ᠨᠢ ᠦᠰᠪᠦᠷᠢ ᠶᠢᠨ ᠪᠠᠭᠠᠴᠤᠳ ᠠᠴᠠ ᠦᠳᠡᠯᠦᠭᠡ ᠨᠠᠰᠤᠳᠠᠳ ᠲᠤ ᠬᠦᠷᠳᠡᠯᠡ ᠭᠠᠷ | ᠤᠳᠠᠰᠤ᠂ ᠲᠧᠯᠸᠢᠰ ᠺᠤᠮᠫᠢᠤᠲ᠋ᠧᠷ ᠤᠨ ᠨᠦᠯᠦᠭᠡ ᠶᠢ ᠬᠦᠨ ᠬᠦᠷᠳᠡᠵᠦ᠂ ᠨᠤᠮ ᠤᠩᠰᠢᠬᠤ ᠬᠦᠮᠦᠨ ᠡᠲᠦᠷ ᠤᠨ ᠤᠳᠤ | ᠰᠢᠭ᠋ ᠴᠦᠭᠡᠷᠡᠭᠰᠡᠨ ᠦᠵᠡᠭᠳᠡᠯ ᠨᠢ ᠨᠤᠮ ᠪᠢᠴᠢᠭ ᠢ ᠬᠠᠷᠠᠬᠤ ᠨᠢᠳᠦᠨ ᠤ ᠴᠡᠴᠡᠭᠡᠢ ᠮᠡᠳᠦ ᠬᠠᠶᠢᠷᠠᠯᠠᠳᠠᠭ ᠱᠤᠭᠠᠷᠠ ᠳᠤ | ᠠᠪᠴᠤ ᠬᠡᠯᠡᠪᠡᠯ ᠰᠡᠳᠬᠢᠯ ᠡᠮᠵᠡᠭᠯᠡᠳᠡᠭ ᠵᠦᠢᠯ ᠪᠠᠶᠢᠭᠰᠠᠨ ᠨᠢ ᠦᠨᠡᠨ᠃ ᠡᠶᠢᠨᠬᠦ ᠲᠡᠷᠡᠪᠡᠷ ᠦᠪᠡᠷ ᠤᠨ ᠪᠡᠶᠡ ᠳᠡᠭᠡᠨ | ᠴᠢᠩᠭᠠ ᠱᠠᠭᠠᠷᠳᠠᠯᠭᠠ ᠲᠠᠯᠪᠢᠵᠤ᠂ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠲᠤᠳᠤᠮᠳᠠᠨ ᠬᠦᠮᠦᠵᠢᠬᠦᠯᠬᠦ ᠲᠠᠯᠠ ᠳᠤ ᠬᠦᠴᠦ ᠤᠬᠠᠭᠠᠨ ᠢᠶᠠᠨ | ᠰᠤᠷᠢᠨ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠬᠦ ᠰᠠᠶᠢᠬᠠᠨ ᠲᠠᠳᠬᠠᠯ ᠢ ᠪᠦᠷᠢᠯᠳᠦᠬᠦᠯᠬᠦ ᠶᠢᠨ | ᠲᠤᠰᠠᠲᠠ ᠬᠤᠶᠠᠷ ᠬᠡᠦᠬᠡᠳ ᠢᠶᠠᠨ ᠴᠡᠴᠡᠷᠯᠢᠭ ᠲᠤ ᠤᠷᠤᠬᠤ ᠠᠴᠠ ᠨᠢ ᠡᠬᠢᠯᠡᠨ ᠤᠩᠰᠢᠯᠭᠠ ᠶᠢᠨ ᠲᠠᠯᠠ ᠶᠢ ᠨᠢ ᠴᠢᠩᠭᠠ | ᠠᠳᠬᠤᠭᠰᠠᠭᠠᠷ ᠢᠷᠡᠵᠠᠢ᠃ | ᠡᠲᠦᠭᠡ ᠱᠤᠭᠠᠷᠠ ᠵᠢᠨᠬᠤᠶᠠᠷ ᠬᠡᠦᠬᠡᠳ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠤᠶᠠᠳᠤᠭᠠᠷ ᠮᠤᠩᠭᠤᠯ ᠪᠠᠭᠠ | ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠨ ᠂ ᠶᠡᠭᠡ ᠬᠦᠦ ᠨᠢ ᠲᠠᠪᠤᠳᠤᠭᠠᠷ ᠤᠨ᠂ ᠪᠠᠭᠠ ᠦᠬᠢᠨ ᠨᠢ ᠭᠤᠷᠪᠠᠳᠤᠭᠠᠷ ᠤᠨ ᠳᠤ | ᠰᠤᠷᠤᠯᠴᠠᠵᠤ᠂ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠲᠤᠬᠢᠷᠠᠭᠰᠠᠨ ᠤᠯᠠᠨ ᠰᠠᠶᠢᠬᠠᠨ ᠨᠤᠮ ᠤᠩᠰᠢᠭᠰᠠᠨ ᠪᠦᠭᠡᠳ ᠬᠢᠴᠢᠶᠠᠯ ᠰᠤᠷᠤᠯᠭᠠ | ᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠨᠢ ᠴᠦ ᠮᠠᠰᠢ ᠰᠠᠶᠢᠨ ᠪᠠᠶᠢᠳᠠᠭ ᠨᠢ ᠪᠠᠭ᠋ᠠᠷᠬᠠᠯᠳᠠᠢ ᠃ | | | | | ᠱᠤᠭᠠᠷᠠ ᠶᠡᠷᠤᠨᠢ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠶᠢ ᠬᠢᠴᠢᠶᠡᠵᠦ ᠶᠠᠪᠤᠳᠠᠭ ᠠᠴᠠ ᠵᠠᠪ ᠯᠠ ᠭᠠᠷᠪᠠᠯ | ᠦᠪᠡᠷ ᠢᠶᠠᠨ ᠨᠤᠮ ᠤᠩᠰᠢᠳᠠᠭ ᠪᠠᠶᠢᠵᠤ᠂ ᠨᠤᠮ ᠤᠩᠰᠢᠭᠰᠠᠨ ᠲᠡᠮᠳᠡᠭᠯᠡᠯ ᠬᠢᠵᠦ᠂ ᠤᠩᠰᠢᠭᠰᠠᠨ ᠲᠦᠷᠦᠭᠳᠡᠯ ᠢᠶᠠᠨ | ᠨᠠᠷᠢᠨ ᠬᠢᠨᠠᠮᠠᠭᠠᠢ ᠲᠡᠮᠳᠡᠭᠯᠡᠵᠦ ᠶᠠᠪᠤᠳᠠᠭ᠃ ᠲᠡᠷᠡ ᠪᠠᠰᠠ ᠬᠡᠦᠬᠡᠳ ᠤᠳ ᠤᠨ ᠤᠩᠰᠢᠬᠤ ᠳᠤ ᠲᠤᠬᠢᠷᠠᠬᠤ ᠤᠯᠠᠨ | ᠰᠠᠶᠢᠬᠠᠨ ᠨᠤᠮ ᠪᠢᠴᠢᠭ ᠤᠳ ᠢ ᠴᠤᠭᠯᠠᠭᠤᠯᠤᠨ ᠬᠠᠳᠠᠭᠠᠯᠠᠵᠤ᠂ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠬᠦ ᠤᠷᠴᠢᠨ ᠨᠦᠬᠦᠴᠡᠯ ᠢ | ᠨᠢ ᠪᠦᠷᠢᠯᠳᠦᠬᠦᠯᠦᠨ ᠂ ᠬᠡᠦᠬᠡᠳ ᠤᠨ ᠢᠶᠠᠨ ᠨᠤᠮ ᠤᠩᠰᠢᠬᠤ ᠤᠷᠮᠠ ᠵᠤᠷᠢᠭ ᠢ ᠨᠢ ᠬᠦᠭᠵᠢᠭᠡᠨ᠂ ᠲᠤᠷᠠ ᠪᠠᠬᠠ ᠶᠢ ᠨᠢ | ᠬᠦᠮᠦᠵᠢᠬᠦᠯᠬᠦ ᠳᠤ ᠨᠦᠷᠡ ᠶᠡᠭᠡ ᠬᠦᠳᠡᠯᠮᠦᠷᠢ ᠬᠦᠴᠦ ᠵᠠᠷᠤᠴᠠᠭᠤᠯᠵᠤ᠂ ᠰᠢᠨᠡᠬᠡᠨ ᠪᠠᠷᠢᠭᠰᠠᠨ ᠲᠤᠭᠤᠰᠬᠠᠨ ᠭᠡᠷ ᠲᠡᠭᠡᠨ᠂ | ᠬᠤᠶᠠᠷ ᠬᠡᠦᠬᠡᠳ ᠤᠨ ᠲᠤᠰᠪᠤᠷᠢ ᠨᠢᠭᠡᠨᠤᠮ ᠤᠨ ᠦᠷᠦᠬᠡ ᠭᠠᠷᠭᠠᠨ᠂ ᠤᠩᠰᠢᠬᠤ ᠲᠤᠷᠠᠲᠠᠢ ᠨᠤᠮ ᠪᠤᠯᠤᠨ ᠤᠩᠰᠢᠬᠤ ᠳᠤ | ᠲᠤᠬᠢᠷᠠᠬᠤ ᠨᠤᠮ ᠢ ᠨᠢ ᠲᠦᠷᠦᠯ ᠬᠤᠪᠢᠶᠠᠨ ᠵᠢᠭᠳᠡᠷᠡᠬᠦᠯᠦᠨ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠪᠠᠶᠢᠯᠠ᠃ | ᠲᠡᠷᠡ ᠪᠠᠰᠠ ᠵᠦᠪᠬᠡᠨ ᠦᠪᠡᠷ ᠤᠨ ᠬᠡᠦᠬᠡᠳ ᠢᠶᠠᠨ ᠯᠡ ᠱᠠᠭᠠᠷᠳᠠᠭᠠᠳ ᠵᠤᠭᠰᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠠᠩᠭᠢ ᠨᠢᠭᠡᠴᠡ | ᠶᠢᠨ ᠬᠡᠷ ᠤᠨ ᠠᠬᠠᠮᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠠᠴᠠ ᠪᠠᠭᠰᠢᠨᠠᠷ ᠲᠠᠢ ᠢᠳᠡᠪᠬᠢᠲᠠᠢ ᠬᠠᠷᠢᠯᠴᠠᠨ᠂ | ᠲᠤᠰᠬᠠᠢ ᠴᠠᠭ ᠭᠠᠷᠭᠠᠨ᠂ ᠸᠢᠴᠠᠲ ᠬᠤᠯᠪᠤᠭᠠ ᠪᠠᠷ ᠲᠠᠮᠵᠢᠨ᠂ ᠭᠤᠷᠪᠠᠨ ᠠᠩᠭᠢ ᠶᠢᠨ 130 ᠭᠠᠷᠤᠢ ᠬᠡᠦᠬᠡᠳ ᠤᠨ ᠨᠤᠮ | ᠤᠩᠰᠢᠯᠭᠠ ᠶᠢ ᠵᠢᠯᠤᠭᠤᠳᠤᠨ᠂ ᠭᠤᠷᠪᠠᠨ ᠲᠤᠭᠤᠶᠢᠯᠠᠩ ᠬᠤᠪᠢᠶᠠᠵᠤ᠂ ᠬᠡᠦᠬᠡᠳ ᠤᠳ ᠤᠨ ᠡᠲᠦᠷ ᠡᠲᠦᠷ ᠤᠨ ᠨᠤᠮ | ᠤᠩᠰᠢᠭᠰᠠᠨ ᠪᠠᠶᠢᠳᠠᠯ ᠢ ᠨᠠᠷᠢᠨ ᠯᠠᠪᠯᠠᠨ ᠨᠢᠮᠪᠠᠢ ᠲᠡᠮᠳᠡᠭᠯᠡᠵᠦ᠂ ᠨᠤᠮ ᠤᠩᠰᠢᠬᠤ ᠰᠠᠶᠢᠬᠠᠨ ᠲᠠᠳᠬᠠᠯ ᠢ ᠪᠤᠢ ᠪᠤᠯᠭᠠᠬᠤ | ᠶᠢᠨ ᠤᠯᠠᠮ ᠠᠴᠠ ᠤᠩᠰᠢᠵᠤ ᠤᠶᠢᠯᠠᠭᠠᠬᠤ᠂ ᠵᠤᠬᠢᠶᠠᠨ ᠪᠢᠴᠢᠬᠦ ᠲᠠᠯᠠ ᠶᠢᠨ ᠴᠢᠳᠠᠪᠤᠷᠢ ᠶᠢ ᠨᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠳᠤ | ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ ᠶᠠᠭᠠᠷᠠᠨᠠ᠃ | ᠤᠳᠤᠬᠠᠨ ᠳᠤ ᠬᠦᠦ ᠪᠠᠶᠠᠯᠢᠭ ᠨᠢ 257 ᠨᠤᠮ ᠤᠩᠰᠢᠵᠤ᠂ ᠦᠬᠢᠨ ᠪᠠᠶᠢᠭᠠᠯᠢ ᠨᠢ 230 ᠭᠠᠷᠤᠢ ᠨᠤᠮ ᠤᠩᠰᠢᠨ | ᠂ ᠭᠤᠤᠯᠳᠠᠭᠤ ᠠᠷᠠᠳ ᠤᠨ ᠠᠮᠠᠨ ᠦᠯᠢᠭᠡᠷ᠂ ᠲᠡᠦᠬᠡ ᠰᠤᠶᠤᠯ ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠵᠠᠩ ᠦᠢᠯᠡ᠂ ᠭᠡᠷ ᠪᠦᠯᠢ | ᠶᠢᠨ ᠬᠦᠮᠦᠵᠢᠯ᠂ ᠠᠮᠵᠢᠯᠲᠠ ᠶᠢᠨ ᠤᠬᠠᠭᠠᠨ᠂ ᠵᠢᠷᠤᠭᠲᠤ ᠲᠡᠪᠳᠡᠷ᠂ ᠤᠷᠠᠨ ᠵᠤᠬᠢᠶᠠᠯ᠂ ᠷᠤᠮᠠᠨ᠂ ᠲᠤᠭᠤᠵᠢᠰ ᠁ | ᠬᠡᠬᠦ ᠮᠡᠲᠦ ᠶᠢᠨ ᠠᠷᠪᠠᠭᠠᠳ ᠲᠦᠷᠦᠯ ᠤᠨ ᠨᠡᠶᠢᠲᠡ 1300 ᠭᠠᠷᠤᠢ ᠨᠤᠮ ᠬᠠᠳᠠᠭᠠᠯᠠᠨ᠂ ᠡᠬᠦᠨ ᠳᠤ ᠬᠡᠦᠬᠡᠳ ᠤᠨ | ᠤᠩᠰᠢᠯᠭᠠ ᠳᠤ ᠵᠤᠷᠢᠭᠤᠯᠳᠠᠳᠠᠢ ᠨᠤᠮ ᠨᠡᠶᠢᠲᠡ 900 ᠭᠠᠷᠤᠢ ᠶᠢ ᠡᠵᠡᠯᠡᠵᠦ᠂ ᠨᠤᠮ ᠴᠤᠭᠯᠠᠭᠤᠯᠵᠤ ᠬᠠᠳᠠᠭᠠᠯᠠᠭᠤᠯᠬᠤ | ᠰᠠᠶᠢᠬᠠᠨ ᠦᠢᠯᠡ ᠪᠠᠨ ᠦᠷᠬᠦᠯᠵᠢᠯᠡᠬᠦᠯᠦᠭᠰᠡᠭᠡᠷ ᠪᠠᠶᠢᠨᠠ ᠁ | ᠢᠩᠭᠢᠵᠦ ᠦᠷᠡ ᠤᠨ ᠢᠶᠠᠨ ᠲᠦᠯᠦᠭᠡ ᠰᠠᠨᠠᠭᠠᠰᠢᠷᠠᠭᠰᠠᠨ ᠡᠭᠡᠯ ᠵᠢᠷ ᠤᠨ ᠨᠠᠷᠠᠨ ᠤ ᠪᠤᠷᠤ ᠮᠠᠯᠴᠢᠨ ᠮᠠᠨᠢ ᠦᠷᠡ | ᠬᠡᠦᠬᠡᠳ ᠢᠶᠠᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠨᠤᠮ ᠪᠢᠴᠢᠭ ᠲᠠᠢ ᠨᠦᠬᠦᠷᠯᠡᠬᠦᠯᠦᠨ᠂ ᠵᠦᠪ ᠡᠨᠧᠷᠬᠢ᠂ ᠢᠳᠡᠪᠬᠢ ᠤᠪᠤᠷ᠂ | ᠦᠭᠡᠳᠡᠷᠭᠡᠭ ᠦᠵᠡᠯᠳᠡ᠂ ᠢᠳᠡᠭᠡᠯ ᠵᠤᠷᠢᠭ ᠢ ᠤᠩᠰᠢᠭᠰᠠᠨ ᠨᠤᠮ ᠠᠴᠠ ᠪᠠᠨ ᠠᠳᠢᠰᠯᠠᠨᠠᠪᠴᠤ ᠂ ᠡᠷᠳᠡᠮ ᠮᠡᠳᠡᠯᠭᠡ | ᠶᠢᠨ ᠬᠠᠪᠤ ᠴᠡᠩᠭᠡᠯ ᠢ ᠡᠳ᠋ᠯᠡᠨ᠂ ᠪᠤᠯᠪᠠᠰᠤᠨ ᠶᠤᠰᠤᠷᠬᠠᠭ᠂ ᠲᠡᠰᠪᠦᠷᠢ ᠲᠠᠭᠠᠭᠠᠴᠠ ᠲᠠᠢ ᠵᠠᠩᠠᠷᠠᠨᠰᠢᠨ ᠢ ᠲᠦᠯᠦᠪᠰᠢᠬᠦᠯᠦᠨ | ᠪᠦᠷᠢᠯᠳᠦᠬᠦᠯᠬᠦ ᠳᠤᠨᠢ ᠪᠠᠳᠤ ᠰᠠᠭᠤᠷᠢ ᠶᠢ ᠨᠢ ᠲᠡᠪᠢᠰᠴᠤ ᠦᠭᠭᠦ ᠭᠡᠭᠴᠢ ᠬᠢᠷᠢ ᠶᠡᠭᠡ ᠴᠢᠷᠮᠠᠶᠢᠯᠭᠠ ᠬᠦᠴᠦ ᠤᠷᠤᠰᠬᠠᠭᠰᠠᠨ | ᠢ ᠬᠡᠷᠬᠢᠨ ᠲᠦᠰᠦᠭᠡᠯᠡᠬᠦ ᠪᠢᠯᠡ︕ |