| ᠮᠠᠯ ᠤᠨ ᠤᠩᠭᠠᠰᠤ ᠨᠤᠤᠰᠤ ᠪᠤᠯᠪᠠᠰᠤᠷᠠᠭᠤᠯᠵᠦ ᠡᠳ᠋ᠯᠡᠬᠦ | | | ᠤᠩᠭᠠᠰᠤ ᠨᠣᠣᠰᠣ ᠶᠢ ᠪᠣᠯᠪᠠᠰᠤᠷᠠᠭᠤᠯᠵᠤ ᠦᠢᠯᠳᠪᠤᠷᠢᠯᠡᠬᠦ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠡᠷᠲᠡᠨ ᠤ ᠬᠥᠭᠵᠢᠭᠰᠡᠨ ᠭᠠᠷ | ᠦᠢᠯᠡᠳᠪᠦᠷᠢ ᠶᠢᠨ ᠴᠢᠬᠤᠯᠠ ᠨᠢᠭᠡ ᠲᠦᠷᠦᠯ ᠮᠦᠨ᠃《 ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》 ᠳᠤ ᠄《 ᠡᠶᠢᠨ ᠬᠦ | ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠤᠯᠤᠰ ᠢ ᠲᠦᠪᠰᠢᠳᠬᠡᠭᠡᠳ ᠪᠠᠷᠰ ᠵᠢᠯ ᠣᠨᠣᠨ ᠭᠤᠣᠯ ᠤᠨ ᠡᠬᠢᠨ ᠳᠤ ᠶᠡᠭᠡ ᠬᠤᠷᠠᠯ | ᠬᠤᠷᠠᠯᠳᠤᠵᠤ ᠶᠢᠰᠤᠨ ᠬᠦᠯᠲᠤ ᠴᠠᠭᠠᠨ ᠲᠤᠭ ᠢ ᠮᠠᠨᠳᠤᠭᠤᠯᠤᠭᠠᠳ ᠲᠡᠮᠦᠵᠢᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠭᠡᠬᠦ ᠴᠤᠯᠠ ᠦᠭᠴᠦ | ᠮᠣᠩᠭᠤᠯ ᠤᠯᠤᠰ ᠵᠢᠩᠬᠢᠨᠢ ᠪᠠᠷ ᠪᠠᠶᠢᠭᠤᠯᠤᠭᠳᠠᠵᠤ ᠬᠠᠭᠠᠨ ᠡᠷᠭᠦᠮᠵᠢᠯᠡᠪᠡ᠃》 ︵︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ | ︾ ᠤ ᠬᠠᠷᠭᠤᠭᠤᠯᠤᠨ ᠬᠢᠨᠠᠭᠰᠠᠨ ᠳᠡᠪᠲᠡᠷ᠂175 ᠳ᠋ᠤᠭᠠᠷ ᠨᠢᠭᠤᠷ ᠲᠤ︶ ᠭᠡᠳᠡᠭ᠃ ᠠᠳᠡ ᠬᠡᠯᠡᠭᠰᠡᠨ᠄ ︽ᠢᠰᠡᠭᠡᠢ | ᠲᠤᠭᠤᠷᠭᠠᠲᠠᠨ ᠣᠯᠣᠰ︾ ᠭᠡᠳᠡᠭ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠤᠩᠭᠠᠰᠤ ᠨᠣᠣᠰᠣ ᠪᠣᠯᠪᠠᠰᠤᠷᠠᠭᠤᠯᠬᠤ ᠭᠠᠷ ᠦᠢᠯᠡᠳᠪᠦᠷᠢ | ᠠᠯᠢ ᠡᠷᠲᠡ ᠬᠦᠭᠵᠢᠭᠡᠳ ᠲᠡᠯᠡᠬᠡᠢ ᠳᠡᠭᠡᠷᠡ᠂ ᠮᠠᠯ ᠤᠨ ᠤᠩᠭᠠᠰᠤ ᠨᠣᠣᠰᠣ ᠶᠢ ᠦᠢᠯᠡᠳᠪᠦᠷᠢᠯᠡᠵᠦ ᠬᠠᠮᠤᠭ ᠠᠩᠬᠠ ᠭᠡᠷ | ᠣᠷᠤᠨ ᠰᠠᠭᠤᠴᠠ ᠳᠤ ᠬᠡᠷᠡᠭᠯᠡᠭᠰᠡᠨ ᠠᠴᠠ ︽ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ︾ ᠭᠡᠵᠤ ᠬᠤᠷᠸᠠ ᠳᠤ ᠦᠢᠯᠡᠳᠦᠯᠭᠡ ᠪᠠᠷ ᠢᠶᠠᠨ | ᠴᠣᠯᠠᠯᠠᠭᠳᠠᠭᠰᠠᠨ ᠢᠷᠠᠭᠤ ᠠᠯᠲᠠᠷᠲᠦ ᠨᠡᠷᠡᠶᠢᠳᠤᠯ ᠮᠦᠨ᠃ | ᠮᠣᠩᠭᠤᠯᠴᠤᠤᠳ ᠤᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢ ᠠᠰᠢᠭᠯᠠᠨ ᠦᠢᠯᠡᠳᠪᠦᠷᠢᠯᠡᠬᠦ ᠳᠤᠮᠳᠠᠬᠢ ᠤᠩᠭᠠᠰᠤ ᠨᠣᠣᠰᠣ ᠶᠢ | ᠶᠡᠭᠡ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠦᠢᠯᠡᠰ᠂ ᠦᠵᠦᠮᠦᠴᠢᠨ ᠳᠤ ᠳᠣᠶᠢᠯᠪᠤᠷᠢᠲᠠᠢ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠮᠦᠷᠲᠡᠭᠡᠨ ᠴᠢᠨᠠᠭᠰᠢᠲᠠ | ᠬᠦᠭᠵᠢᠭᠡᠳ ᠦᠵᠦᠮᠦᠴᠢᠨ ᠤ ᠭᠠᠷ ᠦᠢᠯᠡᠳᠪᠦᠷᠢ ᠶᠢᠨ ᠪᠦᠲᠦᠴᠡ ᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠪᠣᠯᠵᠠᠢ᠃ ᠨᠡᠩ ᠴᠤ ᠭᠠᠷ | ᠦᠢᠯᠡᠳᠪᠦᠷᠢᠯᠡᠯ ᠠᠴᠠ ᠴᠠᠰᠢ ᠳᠠᠪᠰᠢᠵᠤ᠂ ᠢᠰᠡᠭᠡᠢ ᠬᠢᠬᠦ ᠳᠤ ᠲᠡᠳᠠ ᠮᠣᠷᠢ ᠶᠢᠨ ᠬᠦᠴᠤ ᠶᠢ ᠬᠡᠷᠡᠭᠯᠡᠭᠰᠡᠨ ᠠᠴᠠ ︽ᠬᠠᠭᠠᠰ | ᠮᠣᠷᠢᠴᠢᠯᠠᠭᠰᠠᠨ ᠦᠢᠯᠡᠳᠪᠦᠷᠢ︾ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | ᠦᠵᠦᠮᠦᠴᠢᠨ ᠳᠤ᠂ ᠬᠤᠨᠢᠨ ᠤ ᠤᠩᠭᠠᠰᠤ ᠶᠢ ᠬᠠᠮᠤᠭ ᠦᠷᠭᠡᠨ ᠬᠡᠮᠵᠢᠶᠡ ᠪᠠᠷ ᠦᠢᠯᠡᠳᠪᠦᠷᠢᠯᠡᠵᠦ ᠢᠷᠡᠵᠠᠢ᠃ ᠲᠡᠳᠡ | ᠮᠠᠯ ᠠᠵᠦ ᠠᠬᠤᠢ ᠶᠢᠨ ᠣᠨᠴᠠᠯᠢᠭ ᠪᠠ ᠬᠤᠨᠢᠨ ᠤ ᠤᠩᠭᠠᠰᠤ ᠶᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠴᠡᠭᠡ ᠠᠴᠠ ᠪᠣᠯᠵᠤ᠂ ᠡᠷᠲᠡᠨ ᠠᠴᠠ ᠪᠠᠨ | ᠬᠤᠨᠢᠨ ᠤ ᠤᠩᠭᠠᠰᠤ ᠶᠢ ᠨᠢᠭᠡ ᠵᠢᠯ ᠳᠤ ᠭᠤᠷᠪᠠ ᠤᠳᠠᠭᠠ ᠬᠠᠶᠢᠴᠢᠯᠠᠵᠤ ᠠᠪᠤᠳᠠᠭ ᠪᠠᠶᠢᠨᠠ᠃ ᠵᠤᠨ ᠤ ᠡᠬᠢᠨ ᠤ ᠰᠠᠷᠠ ᠳᠤ | ᠬᠤᠨᠢᠨ ᠤ ᠤᠷᠲᠤ ᠶᠢᠨ ᠤᠩᠭᠠᠰᠤ ᠶᠢ ᠠᠪᠦᠨᠠ᠃ ᠡᠭᠦᠨ ᠢ《 ᠬᠤᠨᠢ ᠵᠣᠯᠭᠠᠨᠠ》ᠭᠡᠬᠦ ᠪᠣᠶᠣ ︽ᠬᠤᠨᠢᠨ ᠤ ᠤᠷᠲᠦ ᠶᠢ | ᠬᠠᠶᠢᠴᠢᠯᠠᠨᠠ︾ ᠭᠡᠨᠡ᠃ ᠵᠣᠨ ᠤ ᠳᠤᠮᠳᠠ ᠰᠠᠷᠠ ᠳᠤ ᠬᠤᠷᠠᠭᠠᠨ ᠤᠩᠭᠠᠰᠤ ᠶᠢ ᠬᠠᠶᠢᠴᠢᠯᠠᠵᠤ ᠠᠪᠤᠨᠠ ᠃ ᠡᠭᠦᠨ ᠢ ︽ | ᠬᠤᠷᠠᠭᠠ ᠬᠠᠶᠢᠴᠢᠯᠠᠨᠠ︾ ᠭᠡᠳᠡᠭ᠃ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠠ ᠶᠢᠨ ᠰᠢᠨᠡᠳ ᠢᠶᠠᠷ ᠬᠤᠨᠢᠨ ᠤ ᠠᠬᠠᠷ ᠤᠨ ᠤᠩᠭᠠᠰᠤ ᠶᠢ | ᠬᠠᠶᠢᠴᠢᠯᠠᠵᠤ ᠠᠪᠤᠨᠠ᠃ ᠡᠭᠦᠨ ᠢ ︽ᠬᠤᠨᠢ ᠠᠬᠠᠷᠯᠠᠨᠠ︾ ᠭᠡᠨᠡ ᠃ ᠬᠤᠷᠠᠭᠠ ᠠᠬᠠᠷᠯᠠᠬᠤ᠂ ᠬᠤᠨᠢ ᠬᠠᠶᠢᠴᠢᠯᠠᠬᠤ ᠪᠣᠯ | ᠦᠵᠦᠮᠦᠴᠢᠨ ᠳᠤ ᠣᠩᠭᠠᠰᠤ ᠨᠣᠣᠰᠣ ᠨᠠᠷᠢᠯᠢᠭ ᠬᠢᠬᠦ ᠱᠠᠭᠠᠷᠳᠠᠯᠭᠠ ᠠᠴᠠ ᠳᠣᠭᠲᠠᠭᠠᠭᠳᠠᠭᠰᠠᠨ ᠶᠤᠮ᠃ | ᠬᠤᠨᠢᠨ ᠤ ᠣᠩᠭᠠᠰᠤ ᠪᠣᠯ ᠢᠰᠡᠭᠡᠢ ᠬᠢᠬᠦ ᠶᠢᠨ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠮᠦᠨ᠃ ᠦᠵᠦᠮᠦᠴᠢᠨ ᠳᠤ ︽ᠠᠬᠠᠷ ︾᠂ | ︽ᠬᠤᠷᠠᠭᠠᠨ ᠣᠩᠭᠠᠰᠤ ︾ ᠪᠠᠷ ᠭᠤᠣᠯ ᠪᠣᠯᠭᠠᠵᠤ᠂ ︽ᠣᠷᠲᠦ ᠶᠢᠨ ᠣᠩᠭᠠᠰᠤ︾ ᠪᠠᠷ ᠬᠠᠪᠰᠤᠷᠤᠮᠵᠢ ᠪᠣᠯᠭᠠᠵᠤ ᠢᠰᠡᠭᠡᠢ | ᠬᠢᠨᠡ᠂ ᠢᠰᠡᠭᠡᠢ ᠬᠢᠬᠦ ᠳᠤ ᠴᠠᠭ ᠤᠯᠠᠷᠢᠯ ᠤᠨ ᠬᠡᠷᠡᠭᠴᠡᠭᠡ ᠠᠴᠠ ᠪᠣᠯᠵᠣ ᠲᠦᠷᠦᠭᠦᠦ ᠵᠢᠯ ᠤᠨ ︽ᠠᠬᠠᠷ ᠤᠨ ᠤᠩᠭᠠᠰᠤ︾ | ᠂ ᠲᠤᠰ ᠵᠢᠯ ᠤᠨ ︽ᠬᠤᠷᠭᠠᠨ ᠤᠩᠭᠠᠰᠤ ︾᠂ ︽ᠤᠷᠲᠦ ᠶᠢᠨ ᠣᠩᠭᠠᠰᠤ︾ ᠪᠠᠷ ᠰᠢᠨᠡ ᠵᠢᠯ ᠤᠨ ᠢᠰᠡᠭᠡᠢ ᠶᠢ ᠬᠢᠳᠡᠭ᠃ | ︽ᠠᠬᠠᠷ︾᠂ ︽ᠬᠤᠷᠠᠭᠠᠨ ᠤᠩᠭᠠᠰᠤ ︾ ᠶᠢ ᠪᠦᠷ ᠰᠠᠪᠠᠵᠤ ᠬᠡᠷᠡᠭᠯᠡᠨᠡ᠃ ᠡᠭᠦᠨ ᠢ ᠤᠩᠭᠠᠰᠦ ᠰᠠᠪᠠᠭ᠋ᠤ ᠭᠡᠳᠡᠭ᠃ | ᠣᠩᠭᠠᠰᠤ ᠶᠢ ᠵᠤᠨ ᠤ ᠳᠣᠮᠳᠠ ᠰᠠᠷᠠ ᠳᠤ ᠳᠤᠯᠠᠶᠢᠭᠰᠠᠨ ᠨᠠᠷᠠ ᠲᠠᠢ ᠬᠠᠯᠠᠭᠤᠨ ᠡᠳᠤᠷ ᠰᠠᠪᠠᠳᠠᠭ᠃ ᠤᠩᠭᠠᠰᠤ ᠰᠠᠪᠠᠭ᠋ᠤ | ᠠᠵᠢᠯ ᠪᠠᠰᠠ ᠦᠪᠡᠷ ᠤᠨ ᠣᠨᠴᠠᠯᠢᠭ ᠲᠠᠢ᠃ ︽ᠭᠡᠷ ᠤᠨ ᠪᠠᠭᠤᠴᠢ︾ ᠶᠢᠨ ᠴᠢᠨᠡᠭᠡ ᠳᠡᠭᠰᠢ ᠭᠠᠵᠠᠷ ᠲᠤ ᠭᠤᠣᠯ ᠳᠤᠨᠢ | ᠰᠢᠷᠣᠢ ᠬᠢᠵᠤ ᠭᠦᠳᠦᠶᠢᠯᠭᠡᠨ ᠵᠠᠰᠠᠭᠠᠳ ᠳᠡᠭᠡᠷᠡ ᠨᠢ ᠦᠬᠡᠷ ᠮᠣᠷᠢ ᠶᠢᠨ ᠴᠣᠯᠭᠤᠢ ᠰᠢᠷᠢ ᠳᠡᠭᠡᠷᠡ ᠪᠠᠨ ᠠᠬᠠᠷ | ᠤᠩᠭᠠᠰᠤ ᠪᠠᠨ ᠪᠦᠯᠦᠭ ᠪᠦᠯᠦᠭ ᠰᠠᠪᠠᠭ᠋ᠤ ᠬᠡᠮᠵᠢᠶᠡ ᠪᠠᠷ ᠳᠠᠰᠤᠯᠵᠤ ᠲᠠᠯᠪᠢᠨ᠂ ᠰᠠᠪᠠᠭ᠋ᠤ ᠬᠦᠮᠦᠰ ᠨᠢ ᠰᠢᠷᠢ ᠪᠠᠨ | ᠳᠣᠭᠤᠷᠢᠵᠤ ᠰᠠᠭᠤᠭᠠᠳ ᠣᠩᠭᠠᠰᠤ ᠪᠠᠨ ᠴᠣᠬᠢᠵᠤ ᠰᠠᠪᠠᠯᠴᠢᠨᠠ᠃ ᠬᠦᠮᠦᠨ ᠪᠦᠷᠢ 2.5—3 ᠳᠣᠬᠤᠢ ᠦᠨᠳᠤᠷ ᠨᠢᠭᠡ | ᠬᠤᠣᠰ ᠮᠣᠶᠢᠯ ᠤᠨ ᠮᠣᠳᠤᠨ ︵ᠮᠣᠶᠢᠯ ᠤᠨ ᠮᠣᠳᠣ ᠬᠠᠮᠤᠭ ᠤᠨ ᠰᠠᠶᠢᠨ︶ ᠰᠠᠪᠠᠭᠠ ᠪᠠᠷᠢᠵᠤ ᠰᠠᠪᠠᠳᠠᠭ᠃ ᠰᠠᠪᠠᠭᠠ ᠶᠢᠨ | ᠪᠦᠳᠦᠭᠦᠨ ᠨᠢ ᠡᠷᠡᠬᠡᠢ ᠬᠤᠷᠤᠭᠤ ᠶᠢᠨ ᠬᠢᠷᠢ ᠲᠠᠢ ᠪᠦᠳᠦᠭᠦᠨ ᠳᠤᠰᠬᠠᠢ ᠤᠩᠭᠠᠰᠤ ᠰᠠᠪᠠᠭ᠋ᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠪᠠᠭᠠᠵᠢ ᠶᠢᠨ ᠨᠢᠭᠡ ᠪᠣᠯᠤᠨᠠ᠃ ᠬᠡᠳᠤᠢ ᠭᠦᠯᠢᠭᠡᠷ ᠬᠡᠳᠦᠢ ᠠᠰᠬᠠᠨ ᠪᠣᠯ ᠲᠡᠳᠦᠢ ᠰᠠᠶᠢᠨ᠃ ᠤᠷᠲᠦ ᠶᠢᠨ ᠤᠩᠭᠠᠰᠤ ᠶᠢ | ᠪᠠᠰᠠ ᠴᠦᠬᠡᠪᠦᠷᠢ ᠪᠦᠯᠦᠭ ᠰᠠᠪᠠᠳᠠᠭ᠃ ᠶᠡᠬᠡᠩᠬᠢ ᠭᠡᠰᠡᠭ ᠢ ᠨᠢ ᠰᠠᠪᠠᠭ᠋ᠤ ᠦᠭᠡᠢ᠃ ᠢᠰᠡᠭᠡᠢ ᠬᠢᠬᠦ ᠳᠤ ︽ᠬᠦᠭᠡᠪᠦᠷᠢ︾ | ᠲᠠᠯᠪᠢᠨᠠ᠃ ︽ᠬᠦᠭᠡᠪᠦᠷᠢ︾ ᠲᠠᠯᠪᠢᠬᠤ ᠳᠤ ᠢᠰᠡᠭᠡᠢ ᠵᠤᠵᠠᠭᠠᠷᠠᠳᠠᠭ ᠪᠦᠭᠡᠳ ᠬᠤᠷᠠᠭᠠᠨ ᠠᠬᠠᠷ ᠲᠤ ᠠᠷᠪᠢᠲᠠᠢ ᠶᠤᠮ᠃ | ᠤᠩᠭᠠᠰᠤ ᠰᠠᠪᠠᠭ᠋ᠤ ᠳᠤ ︽ᠰᠠᠪᠠᠯᠴᠠᠬᠤ︾᠂ ︽ᠡᠷᠬᠢᠭᠦᠯᠭᠦ︾᠂ ︽ᠨᠡᠶᠢᠯᠡᠭᠦᠯᠭᠦ ︾᠂ ︽ᠮᠣᠰᠬᠢᠬᠤ︾ ᠵᠡᠷᠭᠡ | ᠳᠣᠭᠲᠠᠭᠰᠠᠨ ᠠᠯᠬᠤᠮ ᠳᠠᠷᠠᠭᠠ ᠪᠠᠷ ᠶᠠᠪᠤᠭᠳᠠᠳᠠᠭ᠃ ᠤᠩᠭᠠᠰᠤ ᠰᠠᠪᠠᠭ᠋ᠤ ᠳᠤ ᠵᠢᠭᠳᠡ ᠴᠣᠬᠢᠬᠤ ᠪᠦᠭᠡᠳ ᠬᠤᠶᠠᠷ ᠭᠠᠷ | ᠰᠣᠯᠢᠵᠤ ᠴᠣᠬᠢᠬᠤ ᠵᠡᠷᠭᠡ ᠬᠤᠶᠠᠷ ᠶᠠᠩᠵᠤ ᠪᠠᠶᠢᠳᠠᠭ᠃ ᠰᠠᠪᠠᠴᠢᠬᠤ ᠳᠤ ᠰᠣᠯᠢᠵᠤ ᠴᠣᠬᠢᠵᠤ ᠨᠡᠶᠢᠯᠡᠭᠦᠯᠭᠦ ᠳᠤ ᠵᠡᠷᠭᠡ | ᠴᠤᠬᠢᠨᠠ᠃ | ᠦᠵᠦᠮᠦᠴᠢᠨ ᠳᠤ ᠢᠰᠡᠭᠡᠢ ᠶᠢ ᠲᠠᠪᠤᠨ ᠰᠠᠷᠠ ᠶᠢᠨ ᠰᠡᠭᠦᠯ ᠳᠤ ᠬᠢᠳᠡᠭ᠃ 3—5 ᠬᠤᠨᠤᠭ ᠬᠡᠷᠡᠭᠯᠡᠨᠡ᠃ ᠡᠨᠡ | ᠬᠤᠭᠤᠴᠠᠭᠠ ᠪᠣᠯ ᠢᠰᠡᠭᠡᠢ ᠬᠢᠬᠦ ᠬᠠᠮᠤᠭ ᠤᠨ ᠲᠣᠬᠢᠷᠠᠮᠵᠢᠲᠠᠢ ᠴᠠᠭ ᠬᠤᠭᠤᠴᠠᠭᠠ ᠮᠦᠨ᠃ ᠡᠨᠡ ᠦᠶᠡ ᠳᠤ ᠠᠬᠠᠷ᠂ | ᠬᠤᠷᠠᠭᠠ᠂ ᠤᠷᠲᠦ ᠶᠢᠨ ᠤᠩᠭᠠᠰᠤ ᠪᠦᠷᠢ ᠪᠦᠷᠢᠳᠦᠨ ᠢᠰᠡᠭᠡᠢ ᠬᠢᠬᠦ ᠲᠦᠭᠦᠬᠡᠢ ᠡᠳ᠋ ᠭᠦᠢᠴᠡᠳ ᠪᠣᠯᠳᠠᠭ᠃ ᠲᠦᠯ | ᠳᠣᠰᠴᠤ ᠭᠠᠷᠤᠯᠲᠠ ᠬᠤᠷᠢᠶᠠᠬᠤ ᠠᠵᠢᠯ ᠲᠡᠭᠦᠰᠴᠤ᠂ ᠬᠦᠮᠦᠰ ᠵᠠᠪ ᠵᠠᠢ ᠲᠠᠢ ᠲᠡᠨᠢᠭᠦᠨ ᠴᠠᠭ᠂ ᠤᠯᠠᠷᠢᠯ ᠰᠠᠶᠢᠬᠠᠨ᠂ ᠡᠳᠤᠷ | ᠬᠠᠯᠠᠭᠤᠨ ᠢᠰᠡᠭᠡᠢ ᠤᠩᠭᠠᠰᠤ ᠨᠡᠶᠢᠯᠡᠮᠵᠢ ᠰᠠᠶᠢᠨ᠂ ᠣᠨᠴᠠᠭᠠᠶᠢᠯᠠᠨ ᠰᠦ ᠴᠠᠭᠠᠨ ᠢᠳᠡᠭᠡ ᠭᠦᠢᠴᠡᠳ᠂ ᠦᠷᠦᠮᠡ ᠵᠦᠬᠡᠬᠡᠢ | ᠡᠯᠪᠡᠭ᠂ ᠮᠠᠯ ᠲᠠᠷᠭᠤᠯᠠᠵᠤ ︽ᠢᠰᠡᠭᠡᠢ ᠶᠢᠨ ᠴᠠᠪ ︾ ᠭᠡᠵᠤ ᠮᠠᠯ ᠪᠠᠵᠠᠭᠠᠵᠤ ᠲᠦᠭᠦᠷᠦᠬᠦ ᠳᠤ ᠳᠤᠬᠢᠲᠠᠢ᠃ ᠠᠳᠤᠭᠤ | ᠤᠰᠤᠨ ᠲᠠᠷᠭᠤ ᠠᠪᠴᠤ ᠳᠣᠰᠤᠨ ᠲᠠᠷᠭᠤ ᠰᠠᠭᠤᠭᠠᠳᠦᠢ᠂ ᠢᠰᠡᠭᠡᠢ ᠳᠠᠲᠠᠬᠤ ᠳᠤ ᠤᠨᠤᠯᠭᠠ ᠤᠨᠤᠰᠢ ᠳᠤ ᠲᠤᠶᠢᠯ ᠤᠨ | ᠠᠰᠢᠭᠲᠠᠢ᠃ ᠡᠶᠢᠮᠦ ᠠᠴᠠ ︽ᠲᠠᠪᠤᠨ ᠰᠠᠷᠠ ︾ ᠢᠰᠡᠭᠡᠢ ᠬᠢᠬᠦ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠵᠠᠩᠭᠢᠯᠠᠭᠠ ᠶᠢᠨ ᠴᠠᠭ ᠮᠦᠴᠡ | ᠪᠠᠶᠢᠵᠤ᠂ ᠨᠤᠮᠢᠨ ᠨᠣᠭᠤᠭᠠᠨ ᠲᠠᠯᠠ ᠳᠡᠭᠡᠷᠡ ᠮᠦᠩᠭᠦᠨ ᠴᠠᠭᠠᠨ ᠢᠰᠡᠭᠡᠢ ᠮᠡᠨᠳᠦᠯᠡᠳᠡᠭ᠃ | |