| ᠣᠶᠢᠷᠠ ᠶᠢᠨ ᠵᠢᠯ ᠤᠳ ᠲᠤ ᠮᠠᠯᠴᠢᠳ ᠬᠠᠭᠤᠴᠢᠷᠠᠭᠰᠠᠨ ᠲᠣᠣᠷ ᠬᠦᠷᠢᠶᠡ ᠪᠠᠨ ᠰᠣᠯᠢᠵᠤ ᠰᠢᠨᠡᠳᠬᠡᠬᠦ ᠶᠢ | ᠳᠠᠭᠠᠯᠳᠤᠨ᠂ ᠬᠠᠳᠤᠯᠠᠩ ᠪᠡᠯᠴᠢᠭᠡᠷ ᠲᠠᠬᠢ ᠲᠡᠮᠦᠷ ᠤᠲᠠᠰᠤᠨ ᠤ ᠭᠡᠭᠡᠭᠳᠡᠮᠡᠯ ᠲᠠᠰᠤᠷᠬᠠᠢ ᠨᠤᠭᠤᠳ ᠠᠷᠪᠢᠳᠴᠤ᠂ ᠮᠠᠯ ᠤᠨ | ᠭᠡᠳᠡᠰᠦ ᠭᠦᠵᠡᠭᠡᠨ ᠳᠤ ᠬᠠᠳᠬᠤᠨ ᠮᠠᠯᠴᠢᠳ ᠲᠤ ᠪᠠᠭᠠ ᠪᠤᠰᠤ ᠶᠠᠷᠰᠢᠭ ᠲᠦᠪᠡᠭ ᠵᠠᠷᠤᠳᠠᠯ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠳᠠᠭ | ᠪᠣᠯᠵᠠᠢ᠃ | | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠤᠭᠤᠯᠠᠲᠤ ᠶᠢᠨ ᠭᠤᠣᠯ ᠪᠠᠯᠭᠠᠰᠤᠨ ᠤ ᠰᠢᠨᠡᠪᠤᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠵᠠᠯᠠᠭᠤ ᠳᠠᠪᠠᠯᠭᠠᠨ᠂ ᠡᠨᠡ ᠬᠦ ᠪᠠᠶᠢᠳᠠᠯ ᠳᠤ ᠰᠠᠨᠠᠭᠠᠰᠢᠷᠠᠨ᠂ ᠪᠡᠯᠴᠢᠭᠡᠷ ᠲᠠᠬᠢ ᠬᠠᠶᠠᠭᠳᠠᠮᠠᠯ ᠵᠢᠵᠢᠭ ᠲᠡᠮᠦᠷ ᠤᠲᠠᠰᠤ ᠶᠢ | ᠴᠡᠪᠡᠷᠯᠡᠬᠦ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠬᠥᠩᠭᠡᠨ ᠮᠥᠷᠲᠡᠭᠡᠨ ᠠᠪᠰᠠᠷᠬᠠᠨ ᠰᠣᠷᠢᠨᠵᠢᠨᠲᠤ ᠴᠢᠷᠦᠭᠦᠯ ᠬᠠᠪᠲᠠᠰᠤ ᠬᠢᠵᠦ | ᠪᠣᠷᠣᠯᠠᠭᠤᠯᠤᠭᠠᠳ ᠣᠯᠠᠨ ᠭᠠᠵᠠᠷ ᠤᠨ ᠮᠠᠯᠴᠢᠳ ᠤᠨ ᠠᠩᠬᠠᠷᠤᠯ ᠳᠤ ᠬᠦᠷᠴᠦ ᠪᠠᠶᠢᠨᠠ᠃ | ᠲᠡᠷᠡ ᠪᠠᠷ 2022 ᠣᠨ 6 ᠰᠠᠷᠠ ᠳᠤ ᠡᠨᠡ ᠬᠦ ᠪᠠᠭᠠᠵᠢ ᠪᠠᠨ ᠠᠩᠬᠠ ᠬᠢᠵᠦ ᠥᠪᠡᠷ ᠤᠨ ᠪᠡᠯᠴᠢᠭᠡᠷ ᠲᠡᠭᠡᠨ | ᠲᠤᠷᠰᠢᠨ ᠬᠡᠷᠡᠭᠯᠡᠭᠰᠡᠨ ᠳᠤ ᠣᠪᠣᠭᠠ ᠪᠦᠲᠦᠮᠵᠢᠲᠡᠶ ᠪᠣᠯᠤᠭᠰᠠᠨ ᠪᠣᠯᠬᠤᠷ ᠭᠠᠷ ᠤᠲᠠᠰᠤ ᠪᠠᠷ ᠵᠢᠷᠤᠭᠯᠠᠭᠠᠳ ᠴᠤᠤᠷᠢᠶᠠ | ᠲᠠᠪᠴᠠᠩ ᠢᠶᠠᠷ ᠨᠡᠶᠢᠲᠡᠯᠡᠭᠰᠡᠨ ᠳᠤ ᠮᠠᠰᠢ ᠣᠯᠠᠨ ᠬᠥᠮᠥᠨ ᠤ ᠠᠩᠬᠠᠷᠤᠯ ᠳᠤ ᠬᠦᠷᠴᠦ ᠳᠠᠷᠤᠮ ᠤᠨ ᠲᠤᠭᠠ ᠨᠢ 10 | ᠲᠦᠮᠡ ᠭᠠᠷᠤᠢ ᠪᠣᠯᠤᠭᠰᠠᠨ ᠪᠥᠭᠡᠳ᠂ ᠪᠠᠰᠠ ᠵᠠᠷᠢᠮ ᠨᠢ ᠵᠠᠬᠢᠶᠠᠯᠠᠭᠠ ᠢᠷᠡᠭᠦᠯᠦᠭᠰᠡᠨ ᠪᠠᠶᠢᠵᠠᠢ᠃ ᠢᠩᠭᠢᠭᠡᠳ ᠲᠡᠷᠡ | ᠠᠪᠤ ᠲᠠᠢ ᠪᠠᠨ ᠬᠠᠮᠵᠢᠯᠴᠠᠨ ᠲᠤᠰ ᠵᠢᠯ ᠳᠡᠭᠡᠨ 60 ᠭᠠᠷᠤᠢ ᠶᠢ ᠬᠢᠵᠦ ᠣᠳᠣ ᠪᠣᠯᠲᠠᠯᠠ ᠨᠢᠭᠡᠨᠲᠡ 300 ᠭᠠᠷᠤᠢ ᠶᠢ | ᠬᠢᠵᠦ ᠪᠣᠷᠣᠯᠠᠭᠤᠯᠤᠭᠠᠳ 4 ᠲᠦᠮᠡ ᠰᠢᠬᠠᠮ ᠲᠥᠭᠦᠷᠢᠭ ᠤᠨ ᠣᠷᠣᠯᠭᠠ ᠣᠯᠣᠭᠰᠠᠨ ᠪᠥᠭᠡᠳ ᠰᠢᠯᠢ ᠶᠢᠨ ᠭᠤᠣᠯ | ᠠᠶᠢᠮᠠᠭ ᠤᠨ ᠡᠯᠡ ᠬᠤᠰᠢᠭᠤᠳ ᠠᠴᠠ ᠭᠠᠳᠠᠨᠠ᠂ ᠣᠷᠳᠣᠰ᠂ ᠤᠯᠠᠭᠠᠨᠴᠠᠪ᠂ ᠤᠯᠠᠭᠠᠨᠬᠠᠳᠠ᠂ ᠲᠦᠩᠯᠢᠶᠣᠣ᠂ ᠬᠥᠯᠥᠨ | ᠪᠤᠶᠢᠷ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠤ ᠬᠥᠮᠥᠰ ᠴᠦ ᠵᠠᠬᠢᠶᠠᠯᠠᠨ ᠠᠪᠲᠠᠭ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ | | ᠳᠠᠪᠠᠯᠭᠠᠨ ︿ᠡᠨᠡ ᠪᠠᠭᠠᠵᠢ ᠪᠠᠨ ᠪᠢ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠠᠴᠠ 2cm ᠵᠠᠶᠢᠲᠠᠢ᠂ 1m ᠮᠧᠲᠷ ᠪᠣᠯᠣᠨ 1.40 | ᠮᠧᠲᠷ ᠤᠨ ᠭᠡᠵᠦ ᠬᠤᠶᠠᠷ ᠬᠡᠮᠵᠢᠶᠡ ᠪᠠᠷ ᠬᠢᠵᠦ ᠪᠠᠶᠢᠨᠠ᠃ ᠪᠡᠯᠴᠢᠭᠡᠷ ᠬᠠᠳᠤᠯᠠᠩ ᠳᠤ ᠬᠡᠷᠡᠭᠯᠡᠪᠡᠯ ᠬᠠᠪᠤᠷ ᠪᠤᠶᠤ ᠨᠠᠮᠤᠷ | ᠬᠠᠳᠤᠯᠠᠩ ᠤᠨ ᠳᠠᠷᠠᠭᠠ ᠬᠡᠷᠡᠭᠯᠡᠪᠡᠯ ᠬᠠᠮᠤᠭ ᠠᠴᠠ ᠲᠣᠬᠢᠷᠠᠮᠵᠢᠲᠠᠢ᠃ ᠮᠠᠯ ᠣᠨᠣᠭᠠᠨ ᠳᠠᠭᠠᠨ ᠮᠣᠲ᠋ᠣᠷ ᠲᠠᠢ | ᠶᠠᠪᠤᠬᠤ ᠳᠤ ᠪᠠᠨ ᠴᠢᠷᠦᠭᠡᠳ ᠶᠠᠪᠤᠭᠰᠠᠨ ᠴᠤ ᠪᠣᠯᠣᠨᠠ᠃ ᠭᠤᠣᠯ ᠣᠨᠴᠠᠯᠢᠭ ᠨᠢ ᠭᠡᠪᠡᠯ ᠬᠥᠩᠭᠡᠨ ᠮᠥᠷᠲᠡᠭᠡᠨ ᠡᠪᠯᠢᠭ | ᠠᠪᠰᠠᠷᠬᠠᠨ ᠶᠤᠮ ᠠ᠋﹀ ᠭᠡᠵᠦ ᠲᠠᠨᠢᠯᠴᠠᠭᠤᠯᠵᠤ ᠪᠢᠯᠡ᠃ | ᠡᠳᠡᠨᠡᠶᠢᠬᠢ ᠨᠢ ᠣᠳᠣ ᠳᠠᠭᠠᠭᠠᠴᠢᠯᠠᠭᠰᠠᠨ ᠨᠤᠲᠤᠭ ᠲᠠᠭᠠᠨ ᠵᠣᠬᠢᠴᠠᠭᠤᠯᠤᠨ ᠦᠬᠡᠷ ᠪᠣᠯᠣᠨ ᠪᠣᠭ ᠮᠠᠯ ᠮᠠᠯᠵᠢᠵᠤ᠂ | ᠳᠠᠪᠠᠯᠭᠠᠨ ᠵᠠᠪ ᠴᠢᠯᠦᠭᠡ ᠪᠠᠷ ᠢᠶᠠᠨ ᠠᠴᠢᠶᠠᠨ ᠤ ᠮᠠᠰᠢᠨ ᠭᠦᠶᠦᠯᠭᠡᠬᠦ ᠪᠤᠶᠤ ᠨᠠᠮᠤᠷ ᠲᠠᠭᠠᠨ ᠡᠪᠡᠰᠦ ᠬᠠᠳᠤᠵᠤ ᠪᠣᠭᠤᠵᠢᠯᠠᠬᠤ | ᠵᠡᠷᠭᠡ ᠮᠠᠯᠵᠢᠯ ᠤᠨ ᠪᠤᠰᠤ ᠬᠥᠳᠡᠯᠮᠦᠷᠢ ᠪᠠᠷ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠦᠨ᠂ ᠠᠮᠢᠳᠤᠷᠠᠯ ᠠᠬᠤᠢ ᠪᠠᠨ ᠲᠥᠪᠬᠢᠨᠡᠭᠦᠨ | ᠰᠠᠶᠢᠬᠠᠨ ᠡᠵᠡᠩᠨᠡᠵᠦ ᠪᠠᠶᠢᠨᠠ᠃ |