ᠺᠣᠮᠫᠢᠣᠲ᠋ᠧᠷ ᠤᠨ ᠡᠮᠤᠨᠠ ᠰᠠᠭᠤᠵᠦ ᠵᠡᠭᠦᠭᠰᠡᠨ ᠭᠠᠯ ᠰᠢᠯ ᠢᠶᠠᠨ ᠲᠡᠭᠰᠢᠯᠠᠨ ᠲᠡᠭᠰᠢᠯᠠᠨ ᠮᠠᠰᠢᠨ ᠤ ᠲᠠᠷᠤᠭᠤᠯ ᠢ | ᠰᠤᠷᠮᠠᠭ ᠨᠢ ᠠᠷᠭᠠ ᠦᠭᠡᠢ ᠲᠠᠴᠢᠬᠢᠨᠠᠭᠤᠯᠵᠦ ᠪᠠᠶᠢᠭᠠ ᠡᠨᠡ ᠠᠬᠠᠮᠠᠳ ᠢ ᠲᠠ᠊ ᠪᠠᠶᠠᠨᠪᠠᠳᠤ ᠭᠡᠳᠡᠭ᠂ ᠪᠠᠷᠠᠭᠤᠨ ᠥᠵᠥᠮᠥᠴᠢᠨ | ᠬᠤᠰᠢᠭᠤᠨ ᠤ ᠬᠤᠭᠤᠯᠠᠳᠤ ᠶᠢᠨ ᠭᠤᠤᠯ ᠪᠠᠯᠭᠠᠰᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠶᠤᠮ᠃ | ᠵᠢᠷᠠ ᠶᠢᠨ ᠲᠠᠪᠠᠭᠠ ᠲᠠᠪᠠᠵᠦ ᠵᠠᠵᠢᠨ ᠥᠰᠥ ᠨᠢ ᠪᠤᠭᠤᠷᠤᠯᠳᠤᠭᠰᠠᠨ ᠴᠦ ᠥᠳᠡᠯᠥᠴᠢᠬᠡᠯᠡ ᠭᠡᠵᠤ ᠬᠤᠶᠢᠰᠢ | ᠤᠬᠤᠷᠢᠵᠦ ᠰᠠᠭᠤᠭᠠ ᠦᠭᠡᠢ᠂ ᠥᠪ ᠰᠤᠶᠤᠯ ᠤᠨ ᠢᠶᠠᠨ ᠲᠥᠯᠥᠭᠡ ᠴᠢᠷᠮᠠᠶᠢᠵᠦ ᠶᠠᠪᠤᠭᠠ ᠡᠨᠡ ᠪᠤᠭᠤᠷᠤᠯ ᠤᠨ ᠥᠰᠴᠥ | ᠥᠨᠳᠡᠶᠢᠵᠦ ᠡᠷᠳᠡᠮ ᠰᠤᠷᠬᠤ ᠰᠠᠶᠢᠬᠠᠨ ᠨᠠᠰᠤ ᠨᠢ ᠨᠡᠶᠢᠭᠡᠮ ᠤᠨ ᠲᠡᠪᠵᠢᠶᠠᠨ ᠴᠠᠭ ᠤᠨ ᠬᠠᠳᠠᠭᠤ ᠲᠠᠢ ᠶᠠᠭ ᠬᠠᠷᠭᠤᠴᠢᠬᠠᠵᠦ | ᠲᠥᠩᠭᠡᠵᠢ ᠲᠤᠯᠤᠭᠠᠬᠠᠨ ᠡᠳᠤᠷ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠭᠰᠠᠨ ᠨᠡᠷᠡ ᠵᠡᠭᠦᠭᠡᠳ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠠᠨ ᠲᠡᠷᠡ ᠮᠠᠨᠢ | ᠠᠶᠢᠯ ᠤᠰᠤᠨ ᠤ ᠪᠠᠨ ᠪᠠᠭᠠ ᠰᠠᠭᠠ ᠪᠢᠴᠢᠭ ᠮᠡᠳᠡᠳᠡᠭ ᠠᠬᠠᠮᠠᠳ ᠢᠶᠠᠷ ᠴᠠᠭᠠᠨ ᠲᠤᠯᠤᠭᠠᠢ ᠵᠢᠭᠠᠯᠭᠠᠵᠦ ᠥᠰᠥᠭ ᠬᠤᠯᠪᠤᠬᠤ | ᠶᠢ ᠰᠤᠷᠤᠭᠰᠠᠨ ᠪᠥᠭᠡᠳ ᠮᠠᠯ ᠤᠨ ᠪᠡᠯᠴᠢᠭᠡᠷ ᠰᠥᠷᠥᠭ ᠤᠨ ᠵᠠᠬᠠ ᠳᠤ ᠰᠤᠷᠤᠭᠰᠠᠨ ᠢᠶᠠᠨ ᠪᠠᠳᠤᠳᠬᠠᠵᠦ ᠨᠤᠮ ᠪᠢᠴᠢᠭ | ᠴᠥᠬᠡᠨ ᠲᠤᠬᠠᠢ ᠶᠢᠨ ᠥᠶᠡ ᠳᠤ ᠤᠯᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠰᠤᠨᠢᠨ ᠰᠡᠳᠭᠦᠯ ᠠᠴᠠ ᠡᠬᠢᠯᠠᠨ ᠠᠯᠠᠭᠠᠨ ᠬᠢᠷᠢ ᠥᠰᠥᠭ ᠲᠠᠢ | ᠴᠠᠭᠠᠰᠤ ᠢ ᠴᠤ ᠭᠡᠰᠡᠨ ᠥᠯᠡᠳᠡᠭᠡᠯ ᠦᠭᠡᠢ ᠤᠩᠰᠢᠨ ᠠᠮᠳᠠᠷᠬᠠᠵᠦ ᠶᠠᠪᠤᠭᠰᠠᠨ ᠢᠶᠠᠷ᠂ ᠰᠤᠨᠢᠨ ᠭᠠᠷᠴᠠᠭᠯᠠᠵᠦ ︽ᠥᠭᠡ ᠶᠢᠨ | ᠲᠡᠭᠦᠪᠤᠷᠢ︾ ᠶᠢ ᠲᠤᠷᠴᠢᠬᠢᠨᠠᠳᠠᠯᠠ ᠲᠠᠭᠤᠳᠠᠵᠦ ᠴᠢᠳᠠᠳᠠᠭ ᠪᠤᠯᠵᠦ ᠲᠤᠬᠠᠢ ᠶᠢᠨ ᠥᠶᠠ ᠳᠤ ᠪᠠᠨ ᠲᠡᠭᠡᠭᠦᠷ ᠰᠤᠶᠤᠯᠳᠠᠨ ᠳᠤ | ᠲᠤᠭᠠᠴᠠᠭᠳᠠᠳᠠᠭ ᠪᠤᠯᠵᠠᠢ᠃ | ᠶᠡᠷᠤᠨᠢ ᠨᠤᠮ ᠪᠢᠴᠢᠭ ᠲᠤ ᠪᠠᠭ᠋ᠠᠳᠠᠢ ᠪᠠᠶᠠᠨᠪᠠᠳᠤ ᠭᠤᠸᠠᠢ ᠵᠡᠷᠭᠡᠯᠡᠳᠡᠭᠡ ᠭᠠᠴᠠᠭᠠᠨ ᠤ ᠬᠢᠨᠢ ᠬᠤᠨᠢ ᠤᠬᠢᠶᠠᠭᠰᠠᠨ ᠲᠤᠬᠠᠢ | ᠮᠡᠳᠡᠭᠡ ᠶᠢ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠤᠷ ᠤᠨ ᠰᠤᠨᠢᠨ ︾ ᠠᠴᠠ ᠥᠵᠡᠭᠡᠳ ᠥᠪᠡᠷ ᠢᠶᠠᠨ ᠴᠦ ᠰᠤᠨᠢᠨ ᠮᠡᠳᠡᠭᠡ | ᠪᠢᠴᠢᠬᠦ ᠰᠠᠨᠠᠭᠠ ᠤᠷᠤᠵᠦ ᠲᠤᠰ ᠰᠤᠨᠢᠨ ᠮᠡᠳᠡᠭᠡ ᠶᠢ ᠪᠢᠴᠢᠭᠰᠡᠨ ᠠ᠊ ᠡᠷᠬᠢᠮᠪᠠᠳᠤ ᠭᠤᠸᠠᠢ ᠪᠠᠷ ᠰᠤᠨᠢᠨ ᠮᠡᠳᠡᠭᠡ ᠪᠢᠴᠢᠬᠦ | ᠠᠷᠭᠠ ᠲᠡᠮ᠂ ᠢᠯᠡᠭᠡᠵᠦ ᠭᠤᠪᠢᠭᠤᠯᠬᠤ ᠵᠠᠮ ᠮᠥᠷ ᠢ ᠨᠢ ᠲᠥᠬᠦᠮᠭᠡᠨ ᠵᠢᠭᠠᠯᠭᠠᠵᠦ ᠠᠪᠤᠭᠠᠳ ᠯᠡ ᠴᠢᠮᠡᠭᠡᠯᠡᠭᠴᠢ ᠪᠤᠯᠬᠤ | ᠵᠠᠮ ᠢᠶᠠᠨ ᠡᠯᠭᠦᠵᠦ ᠪᠢᠯᠡ᠃ | ᠡᠶᠢᠨᠬᠦ 1980 ᠤᠨ ᠤ ᠡᠬᠢᠨ ᠢᠶᠠᠷ ᠠᠩᠬᠠᠨ ᠤ ᠬᠡᠳᠤᠨ ᠡᠬᠡ ᠪᠢᠴᠢᠭ ᠢᠶᠠᠨ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠤᠷ ᠤᠨ | ᠰᠤᠨᠢᠨ ᠳᠤ ᠶᠠᠪᠤᠭᠤᠯᠤᠭᠰᠠᠨ ᠨᠢ ᠠᠷᠤ ᠠᠷᠤ ᠠᠴᠠ ᠪᠠᠨ ᠨᠡᠶᠢᠳᠡᠯᠡᠭᠳᠡᠵᠦ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠷ ᠪᠤᠯᠵᠦ ᠰᠤᠨᠢᠨ | ᠮᠡᠳᠡᠭᠡ ᠪᠢᠴᠢᠬᠦ ᠤᠷᠮᠠ ᠵᠤᠷᠢᠭ ᠨᠢ ᠬᠥᠪᠴᠢᠯᠡᠭᠳᠡᠭᠰᠡᠨ ᠪᠥᠭᠡᠳ 1982 ᠤᠨ ᠳᠤ ᠶᠠᠪᠤᠭᠳᠠᠭᠰᠠᠨ ᠪᠥᠬᠦ ᠬᠤᠰᠢᠭᠤᠨ ᠤ | ᠴᠢᠮᠡᠭᠡᠯᠡᠭᠴᠢᠳ ᠤᠨ ᠪᠤᠯᠪᠠᠰᠤᠷᠠᠯ ᠤᠨ ᠲᠤᠯᠤᠭᠠᠨ ᠡᠳᠤᠷ ᠤᠨ ᠬᠢᠴᠢᠶᠠᠯ ᠰᠤᠷᠤᠯᠭᠠ ᠪᠤᠯᠤᠨ ︽ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢ︾ | ᠶᠢᠨ ᠱᠠᠩᠨᠠᠯ ᠬᠥᠬᠢᠭᠦᠯᠥᠯ ᠨᠢ ᠪᠠᠶᠠᠨᠪᠠᠳᠤ ᠭᠤᠸᠠᠢ ᠶᠢ ᠨᠢᠭᠡᠨ ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢ ᠪᠤᠯᠬᠤ ᠵᠠᠮ ᠳᠤ ᠨᠢ ᠬᠥᠳᠥᠯᠵᠦ | ᠲᠠᠪᠢ ᠰᠢᠬᠠᠮ ᠵᠢᠯ ᠰᠤᠨᠢᠨ ᠮᠡᠳᠡᠭᠡᠨ ᠤ ᠥᠢᠯᠡᠰ ᠲᠤ ᠴᠤᠴᠠᠯᠳᠠ ᠦᠭᠡᠢ ᠵᠢᠳᠬᠦᠭᠦᠯᠵᠦ ᠥᠨᠥ ᠪᠤᠯᠳᠠᠯᠠ ᠥᠵᠥᠭ ᠪᠢᠷ ᠢ | ᠨᠢ ᠬᠤᠷᠴᠠᠯᠠᠭᠰᠠᠭᠠᠷ ᠪᠠᠶᠢᠨᠠ᠃ ᠪᠠᠶᠠᠨᠪᠠᠳᠤ ᠭᠤᠸᠠᠢ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ︽ᠥᠪᠥᠷ ᠮᠤᠩᠭᠤᠯ ᠤᠨ ᠡᠳᠤᠷ ᠤᠨ | ᠰᠤᠨᠢᠨ︾ ᠂ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠤᠷ ᠤᠨ ᠰᠤᠨᠢᠨ︾ ᠁ ᠵᠡᠷᠭᠡ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ ᠲᠤ ᠬᠡᠳᠤᠨ | ᠮᠢᠩᠭᠠᠨ ᠡᠬᠡ ᠪᠢᠴᠢᠭ ᠨᠡᠶᠢᠳᠡᠯᠡᠭᠦᠯᠵᠦ ᠶᠠᠪᠤᠬᠤ ᠳᠤ ᠪᠠᠨ ᠰᠤᠮᠤ ᠬᠤᠰᠢᠭᠤ᠂ ᠠᠶᠢᠮᠠᠭ ᠤᠷᠤᠨ ᠤ ︽ᠰᠢᠯᠢᠳᠡᠭ | ᠴᠢᠮᠡᠭᠡᠯᠡᠭᠴᠢ︾ ᠶᠢᠨ ᠱᠠᠩᠨᠠᠯ ᠬᠥᠬᠢᠭᠦᠯᠥᠯ ᠢ ᠤᠯᠠᠨ ᠤᠳᠠᠭᠠ ᠬᠥᠷᠳᠡᠵᠦ ᠬᠥᠳᠡᠯᠮᠥᠷᠢ ᠴᠢᠷᠮᠠᠶᠢᠯᠭᠠ ᠶᠢᠨ ᠢᠶᠠᠨ ᠠᠮᠵᠢᠯᠳᠠ | ᠶᠢ ᠥᠨᠡᠯᠡᠭᠦᠯᠥᠨ ᠮᠢᠯᠢᠶᠠᠯᠭᠠᠵᠦ ᠶᠠᠪᠤᠭᠰᠠ ᠶᠤᠮ᠃ | ᠨᠡᠩ ᠲᠤᠷᠠᠳᠤᠭᠤᠰᠢᠳᠠᠢ ᠨᠢ ᠪᠠᠶᠠᠨᠪᠠᠳᠤ ᠭᠤᠸᠠᠢ 2021 ᠤᠨ ᠳᠤ ᠪᠤᠰᠤᠳ ᠲᠠᠢ ᠬᠠᠮᠳᠤᠷᠠᠨ ᠬᠤᠶᠠᠷ ᠵᠢᠯ | ᠭᠠᠷᠤᠢ ᠶᠢᠨ ᠴᠠᠭ ᠵᠠᠷᠤᠴᠠᠭᠤᠯᠤᠨ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠤᠭᠰᠠᠨ 570 ᠭᠠᠷᠤᠢ ᠨᠢᠭᠤᠷ ᠪᠥᠬᠦᠢ ᠲᠤᠮᠤᠬᠠᠨ ᠪᠥᠳᠥᠭᠡᠯ ︽ | ᠥᠵᠥᠮᠥᠴᠢᠨ ᠰᠢᠷᠠᠨᠣᠳ ᠤᠪᠤᠭ ᠤᠨ ᠪᠢᠴᠢᠭ︾ ᠬᠡᠮᠡᠬᠦ ᠰᠢᠷᠠᠨᠣᠳ ᠤᠪᠤᠭᠳᠠᠨ ᠤ ᠭᠡᠷ ᠤᠨ ᠴᠠᠳᠢᠭ ᠤᠨ ᠨᠤᠮ ᠢᠶᠠᠨ | ᠬᠡᠪᠯᠡᠭᠦᠯᠵᠦ ᠭᠠᠷᠭᠠᠭᠰᠠᠨ ᠪᠥᠭᠡᠳ 2023 ᠤᠨ ᠳᠤ ᠮᠥᠨ ᠴᠦ ᠬᠤᠶᠠᠷ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠤᠨ | ᠡᠮᠬᠢᠳᠬᠡᠭᠰᠡᠨ ᠥᠵᠥᠮᠥᠴᠢᠨ ᠨᠤᠳᠤᠭ ᠤᠨ ᠠᠳᠤᠭᠤᠴᠢᠨ᠂ ᠤᠷᠭᠠᠴᠢᠨ᠂ ᠤᠶᠠᠭᠠᠴᠢ ᠶᠢᠨ ᠥᠯᠢᠭᠡᠷ ᠨᠠᠮᠳᠠᠷ ᠪᠤᠯᠤᠨ | ᠴᠤᠤᠳᠠᠢ ᠬᠤᠷᠳᠤᠨ ᠬᠥᠯᠥᠭ ᠤᠳ ᠤᠨ ᠠᠮᠵᠢᠯᠳᠠ ᠪᠥᠳᠥᠮᠵᠢ ᠶᠢ ᠨᠠᠮᠳᠠᠷᠯᠠᠭᠰᠠᠨ ︽ᠥᠵᠥᠮᠥᠴᠢᠨ ᠨᠤᠳᠤᠭ ᠤᠨ | ᠠᠳᠤᠭᠤᠴᠢᠳ︾ ᠭᠡᠳᠡᠭ 350 ᠭᠠᠷᠤᠢ ᠨᠢᠭᠤᠷ ᠲᠠᠢ ᠨᠤᠮ ᠢᠶᠠᠨ ᠬᠡᠪᠯᠡᠭᠦᠯᠵᠦ 2024 ᠤᠨ ᠳᠤ ᠪᠠᠰᠠ ᠥᠪᠡᠷ ᠤᠨ | ᠢᠶᠠᠨ ᠤᠷᠴᠢᠮ ᠤᠨ ᠬᠡᠳᠤᠨ ᠵᠢᠯ ᠤᠨ ᠡᠯᠡ ᠱᠠᠳᠤᠨ ᠤ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷ ᠲᠤ ᠨᠡᠶᠢᠳᠡᠯᠡᠭᠦᠯᠥᠭᠰᠡᠨ ᠰᠤᠨᠢᠨ ᠮᠡᠳᠡᠭᠡᠨ | ᠤ ᠡᠬᠡ ᠪᠢᠴᠢᠭ ᠢᠶᠠᠨ ᠡᠮᠬᠢᠳᠬᠡᠨ ︽ᠵᠢᠳᠬᠦᠯ ᠢᠶᠠᠷ ᠲᠤᠷᠠᠶᠢᠭᠰᠠᠨ ᠮᠥᠷ︾ ᠬᠡᠮᠡᠬᠦ ᠵᠢᠷᠤᠭ ᠰᠡᠭᠦᠳᠡᠷ ᠬᠠᠪᠰᠤᠷᠭᠠᠭᠰᠠᠨ | ᠰᠠᠶᠢᠬᠠᠨ ᠨᠤᠮ ᠢᠶᠠᠨ ︽ᠲᠤᠳᠤᠭᠠᠳᠤ ᠮᠠᠲ᠋ᠧᠷᠢᠶᠠᠯ︾ ᠢᠶᠠᠷ ᠬᠡᠪᠯᠡᠭᠦᠯᠵᠦ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠰᠤᠶᠤᠯ ᠤᠨ ᠤᠪᠤᠭᠠᠨ | ᠳᠤ ︽ᠴᠢᠯᠠᠭᠤ︾ ᠨᠢᠭᠡ ᠶᠢ ᠨᠡᠮᠡᠷᠢᠯᠠᠵᠦ ᠨᠤᠮ ᠳᠤ ᠬᠠᠶᠢᠷᠠᠳᠠᠢ ᠤᠩᠰᠢᠭᠴᠢ ᠲᠥᠮᠡᠨ ᠳᠤ ᠪᠠᠨ ᠬᠥᠨᠳᠥᠳᠬᠡᠨ ᠪᠠᠷᠢᠭᠰᠠᠨ | ᠪᠢᠯᠠ᠃ | ᠮᠠᠯᠴᠢᠨ ᠪᠠᠶᠠᠨᠪᠠᠳᠤ ᠤᠳᠤ ᠬᠡᠳᠥᠶᠢᠪᠡᠷ ᠨᠠᠰᠤᠨ ᠤ ᠡᠷᠬᠡ ᠪᠠᠷ ᠮᠠᠯᠵᠢᠯ ᠤᠨ ᠠᠵᠢᠯ ᠠᠴᠠ ᠪᠠᠨ ︽ ᠲᠠᠷᠬᠠᠯᠠᠭᠳᠠᠵᠦ︾ | ᠬᠤᠰᠢᠭᠤᠨ ᠲᠥᠪ ᠲᠤ ᠪᠠᠨ ᠰᠠᠭᠤᠷᠢᠰᠢᠭᠰᠠᠨ ᠴᠤ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠤᠷ ᠤᠨ ᠰᠤᠨᠢᠨ︾ ᠪᠤᠯᠤᠨ ᠪᠠᠷᠠᠭᠤᠨ | ᠥᠵᠥᠮᠥᠴᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠢᠶᠠᠨ ᠤᠨᠴᠠ ᠤᠷᠢᠭᠰᠠᠨ ᠴᠢᠮᠡᠭᠡᠯᠡᠭᠴᠢ ᠪᠠᠷ ᠤᠷᠢᠭᠳᠠᠵᠦ ᠥᠪᠡᠷ | ᠤᠨ ᠲᠤᠷᠠ ᠪᠠᠬᠠ ᠲᠠᠢ ᠰᠤᠨᠢᠨ ᠮᠡᠳᠡᠭᠡᠨ ᠤ ᠡᠬᠡ ᠪᠢᠴᠢᠭ ᠢᠶᠠᠨ ᠥᠷᠬᠦᠯᠵᠢᠯᠡᠨ ᠪᠢᠴᠢᠬᠦ ᠶᠢᠨ ᠲᠠᠭᠠᠤ ᠨᠤᠳᠤᠭ ᠤᠰᠤᠨ ᠤ | ᠲᠡᠤᠬᠡ ᠲᠤᠮᠤᠭ ᠡᠮᠬᠢᠳᠬᠡᠨ ᠴᠤᠭᠯᠠᠭᠤᠯᠬᠤ ᠵᠡᠷᠭᠡ ᠥᠪ ᠰᠤᠶᠤᠯ ᠤᠨ ᠠᠵᠢᠯ ᠳᠤ ᠰᠢᠮᠳᠠᠵᠦ ᠺᠣᠮᠫᠢᠣᠲ᠋ᠧᠷ ᠤᠨ | ᠲᠠᠷᠤᠪᠴᠢᠨ ᠲᠡᠭᠡᠭᠦᠷ ᠶᠠᠭᠠᠷᠠᠭᠰᠠᠭᠠᠷ ᠡ ᠁᠃ | | | |