| ᠬᠦᠳᠡᠭᠡ ᠨᠣᠳᠤᠭ ᠲᠠᠭᠠᠨ ᠰᠢᠨᠡ ᠮᠠᠯᠵᠢᠬᠤ ᠣᠷᠣᠨ ᠤ ᠲᠦᠷᠢ ᠲᠦᠷᠬᠦ ᠶᠢ ᠱᠣᠭᠤᠵᠣ ᠶᠠᠪᠣᠭᠠ ᠮᠠᠯᠴᠢᠨ | ᠲᠦᠷᠬᠡᠨᠪᠠᠶᠠᠷ ᠨᠠᠷᠠᠨᠨᠠᠪᠴᠢ ᠬᠤᠶᠠᠷ ᠢᠮᠠᠭᠠᠨ ᠰᠦᠷᠦᠭ ᠢᠶᠠᠨ ᠥᠨᠢᠷ ᠰᠠᠶᠢᠬᠠᠨ ᠥᠰᠭᠡᠬᠦ ᠶᠢᠨ ᠲᠠᠭᠠᠣ ᠡᠨᠡ ᠵᠢᠯ ᠮᠦᠨ | ᠢᠮᠠᠭᠠᠨ ᠮᠢᠬᠠᠨ ᠤ ᠪᠣᠭᠤᠳᠠᠭ ᠢᠶᠠᠨ ᠬᠤᠯᠠ ᠣᠶᠢᠷᠠ ᠶᠢᠨ ᠬᠦᠮᠦᠰ ᠲᠤ ᠲᠠᠨᠢᠯᠴᠠᠭᠤᠯᠵᠣ᠂ ᠦᠵᠦᠮᠦᠴᠢᠨ ᠨᠣᠳᠤᠭ ᠤᠨ | ᠮᠠᠯ ᠰᠦᠷᠦᠭ ᠤᠨ ᠠᠰᠢᠭ ᠰᠢᠮᠡ ᠶᠢ ᠵᠠᠬᠠ ᠵᠡᠭᠡᠯᠢ ᠳᠤ ᠭᠠᠷᠭᠠᠬᠤ ᠵᠠᠯᠠᠭᠤ ᠬᠦᠮᠦᠰ ᠤᠨ ᠣᠷᠣᠯᠳᠣᠯᠭᠠ ᠴᠢᠷᠮᠠᠶᠢᠯᠭᠠ ᠪᠠᠨ | ᠦᠷᠬᠦᠯᠵᠢᠯᠡᠬᠦᠯᠵᠦ ᠶᠠᠪᠣᠨᠠ᠃ | ᠰᠢᠨᠡ ᠴᠠᠭ ᠡᠷᠡᠨ ᠳᠤ ᠥᠪᠡᠷ ᠤᠨ ᠪᠣᠳᠣᠵᠣ ᠲᠦᠯᠦᠪᠯᠡᠭᠰᠡᠨ ᠠᠮᠢᠳᠣᠷᠠᠯ ᠦᠢᠯᠡᠰ ᠢᠶᠠᠨ ᠵᠣᠷᠢᠭᠳᠠᠢ ᠡᠬᠢᠯᠡᠭᠦᠯᠵᠦ᠂ | ᠰᠢᠨᠡ ᠬᠦᠳᠡᠭᠡ ᠲᠣᠰᠬᠤᠨ ᠤ ᠥᠩᠭᠡ ᠲᠦᠷᠬᠦ ᠳᠤ ᠵᠢᠳᠬᠦᠯ ᠴᠢᠷᠮᠠᠶᠢᠯᠭᠠ ᠭᠠᠷᠭᠠᠨ ᠥᠩᠭᠡ ᠬᠢᠯᠪᠠᠭᠠ ᠨᠡᠮᠡᠵᠦ ᠶᠠᠪᠣᠭᠠ | ᠵᠠᠯᠠᠭᠤ ᠬᠦᠮᠦᠰ ᠡᠳᠦᠭᠡ ᠣᠯᠠᠮ ᠣᠯᠠᠨ ᠪᠣᠯᠵᠣ ᠪᠠᠶᠢᠭᠠ ᠪᠦᠭᠡᠳ ᠳᠡᠳᠡᠨ ᠤ ᠲᠣᠮᠳᠠ ᠵᠠᠯᠠᠭᠤ ᠮᠠᠯᠴᠢᠨ ᠲᠦᠷᠭᠡᠨᠪᠡᠶᠡᠷ | ᠨᠠᠷᠠᠨᠨᠠᠪᠴᠢ ᠬᠤᠶᠠᠷ ᠨᠢᠭᠡᠨ ᠮᠠᠯᠴᠢᠨ ᠠᠶᠢᠯ ᠤᠨ ᠲᠤᠭᠠ ᠶᠢ ᠨᠡᠮᠡᠵᠦ ᠶᠠᠪᠣᠭᠠ ᠶᠣᠮ᠃ | ᠡᠳᠡᠨᠡᠶᠢᠬᠢ ᠨᠢ ᠣᠣᠯ ᠨᠢ ᠦᠭᠡᠷ ᠠᠳᠣᠭᠤ ᠬᠤᠨᠢ ᠢᠮᠠᠭᠠ ᠭᠡᠳ ᠪᠦᠬᠦᠨ ᠢ ᠨᠡᠯᠢᠶᠡᠳ ᠲᠤᠭᠠ ᠪᠠᠷ ᠮᠠᠯᠵᠢᠵᠣ ᠪᠠᠶᠢᠭᠰᠠᠨ | ᠪᠦᠭᠡᠳ ᠬᠦᠳᠡᠯᠮᠦᠷᠢ ᠬᠦᠴᠦ᠂ ᠵᠠᠷᠣᠳᠠᠯ ᠮᠥᠩᠭᠦ᠂ ᠪᠡᠯᠴᠢᠭᠡᠷ ᠣᠰᠣᠨ ᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠨᠡᠯᠢᠶᠡᠳ ᠶᠡᠭᠡ | ᠪᠠᠶᠢᠵᠠᠢ᠃ ᠡᠨᠡᠬᠦ ᠪᠠᠶᠢᠳᠠᠯ ᠳᠤ ᠲᠦᠷᠭᠡᠨᠪᠠᠶᠠᠷ ᠪᠦᠰᠡᠬᠦᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠬᠡᠳᠦᠨ ᠵᠢᠯ ᠤᠨ ᠣᠷᠣᠯᠭᠠ ᠵᠠᠷᠣᠯᠭᠠ | ᠪᠠᠨ ᠲᠣᠭᠠᠴᠠᠯᠠᠵᠣ ᠪᠣᠳᠣᠭᠰᠠᠨ ᠤ ᠦᠷᠡ ᠳ᠋ᠦᠩ ᠳᠤ ᠮᠠᠯ ᠠᠬᠤᠢ ᠪᠠᠨ ᠰᠢᠯᠢᠳᠡᠭᠵᠢᠬᠦᠯᠵᠦ ᠲᠤᠰᠬᠠᠶᠢᠵᠢᠭᠤᠯᠬᠤ ᠲᠡᠰᠢ | ᠬᠠᠨᠳᠣᠬᠤ ᠪᠠᠷ ᠰᠢᠢᠳᠴᠦ᠂ 2021 ᠣᠨ ᠠᠴᠠ ᠬᠤᠶᠠᠷ ᠲᠦᠷᠦᠯ ᠤᠨ ᠪᠣᠳᠠ ᠮᠠᠯ ᠪᠣᠯᠣᠨ ᠬᠤᠨᠢᠨ ᠤ ᠪᠠᠨ ᠲᠤᠭᠠ | ᠲᠣᠯᠣᠭᠠᠢ ᠶᠢ ᠴᠦᠭᠡᠳᠬᠡᠨ ᠦᠵᠦᠮᠦᠴᠢᠨ ᠴᠠᠭᠠᠨ ᠢᠮᠠᠭᠠ ᠮᠠᠯᠵᠢᠬᠤ ᠪᠠᠷ ᠲᠣᠰᠠᠬᠠᠢ ᠪᠡᠯᠡᠳᠬᠡᠯ ᠬᠢᠵᠦ ᠣᠣᠯ ᠤᠨ | ᠲᠠᠯᠠᠭᠠᠳ ᠲᠣᠭᠠᠨ ᠤ ᠢᠮᠠᠭᠠᠨ ᠲᠡᠭᠡᠷᠡ ᠪᠠᠨ ᠵᠠᠭᠤᠨ ᠲᠣᠯᠣᠭᠠᠢ ᠢᠮᠠᠭᠠ ᠬᠤᠳᠠᠯᠳᠣᠨ ᠠᠪᠴᠦ᠂ ᠲᠤᠰᠬᠠᠢ ᠲᠦᠷᠦᠯ ᠢ | ᠭᠤᠣᠯᠴᠢᠯᠠᠨ ᠮᠠᠯᠵᠢᠬᠤ ᠪᠠᠷ ᠴᠢᠷᠮᠠᠶᠢᠵᠣ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠲᠦᠷᠭᠡᠨᠪᠡᠶᠡᠷ ᠤᠨ ᠬᠢ ᠪᠠᠶᠠᠨᠬᠤᠰᠢᠭᠤ ᠰᠣᠮᠣᠨ ᠤ ᠰᠠᠶᠢᠬᠠᠨᠨᠠᠭᠤᠷ ᠭᠠᠴᠠᠭᠠᠨ ᠳᠤ᠂ ᠲᠡᠷᠡᠰᠦ ᠪᠣᠳᠠ ᠲᠠᠢ ᠨᠦᠮᠦᠷᠢ | ᠨᠦᠭᠡᠯᠭᠡ ᠲᠠᠢ ᠭᠠᠵᠠᠷ ᠲᠤ ᠰᠠᠭᠤᠷᠢᠰᠢᠳᠠᠭ᠂ ᠶᠠᠭ ᠡᠨᠡᠬᠦ ᠲᠠᠪᠠᠭᠤᠯᠢᠭ ᠨᠦᠬᠦᠴᠡᠯ ᠳᠤ ᠪᠠᠨ ᠵᠣᠬᠢᠴᠠᠭᠤᠯᠣᠨ ᠢᠮᠠᠭᠠ ᠪᠠᠨ | ᠢᠯᠡᠬᠦᠦ ᠦᠰᠭᠡᠵᠦ᠂ ᠥᠩᠭᠡᠷᠡᠭᠰᠡᠨ ᠬᠠᠪᠣᠷ 390 ᠭᠠᠷᠣᠢ ᠲᠣᠯᠣᠭᠠᠢ ᠲᠦᠯ ᠲᠣᠰᠴᠣ᠂ ᠪᠦᠬᠦ ᠲᠦᠯ ᠢᠶᠠᠨ ᠮᠡᠨᠳᠦ | ᠰᠠᠶᠢᠬᠠᠨ ᠣᠨᠳᠣᠷᠣᠭᠤᠯᠣᠭᠰᠠᠨ ᠪᠠᠶᠢᠯᠠ᠃ | ᠲᠦᠷᠭᠡᠨᠪᠠᠶᠠᠷ ᠨᠠᠷᠠᠨᠨᠠᠪᠴᠢ ᠬᠤᠶᠠᠷ ᠂ ᠬᠡᠳᠦᠨ ᠵᠢᠯ ᠢᠮᠠᠭᠠ ᠮᠠᠯᠵᠢᠭᠰᠠᠨ ᠠᠷᠭᠠ ᠲᠣᠷᠰᠢᠯᠭᠠ ᠪᠠᠨ ᠪᠢᠳᠡᠨ ᠳᠤ | ᠶᠠᠷᠢᠬᠤ ᠳᠤ ᠪᠠᠨ ︿ᠢᠮᠠᠭᠠ ᠪᠣᠯ ᠲᠡᠭᠵᠢᠨ ᠴᠣᠪᠣᠭᠤ ᠠᠮᠢᠳᠠᠨ᠂ ᠡᠪᠡᠳᠴᠢᠨ ᠬᠡᠮ ᠴᠦ ᠴᠦᠭᠡᠨ ᠲᠣᠰᠣᠨᠠ᠂ ᠬᠠᠪᠣᠷ | ᠲᠠᠭᠠᠨ ᠪᠡᠯᠴᠢᠭᠡᠷ ᠰᠡᠷᠭᠦᠭᠡᠬᠦ ᠬᠠᠰᠢᠶᠠᠯᠠᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠡᠪᠡᠰᠦ ᠪᠣᠷᠳᠣᠭᠠᠨ ᠤ ᠲᠡᠵᠢᠭᠡᠯ ᠤᠨ ᠲᠠᠯᠠ ᠪᠠᠷ | ᠨᠠᠷᠢᠯᠢᠭ ᠪᠣᠳᠣᠵᠣ ᠦᠵᠡᠭᠰᠡᠨ᠂ ᠬᠠᠷᠢᠴᠠᠩᠭᠤᠢ ᠭᠠᠮᠳᠠᠢ ᠪᠠᠶᠢᠭᠰᠨᠨ﹀ ᠭᠡᠵᠦ ᠪᠠᠶᠢᠯᠠ᠃ | ᠨᠢᠭᠡ ᠲᠦᠷᠦᠯ ᠤᠨ ᠮᠠᠯ ᠠᠬᠤᠢ ᠪᠠᠨ ᠭᠤᠣᠯᠴᠢᠯᠠᠨ ᠮᠠᠯᠵᠢᠭᠰᠠᠨ ᠴᠦ ᠲᠡᠭᠦᠨ ᠤ ᠠᠰᠢᠭ ᠰᠢᠮᠡ ᠶᠢ ᠪᠦᠷᠢᠨ ᠰᠠᠶᠢᠬᠠᠨ | ᠠᠰᠢᠭᠯᠠᠵᠣ᠂ ᠨᠣᠳᠤᠭ ᠣᠷᠣᠨ ᠤ ᠣᠨᠴᠠᠯᠢᠭ ᠲᠠᠢ ᠢᠳᠡᠭᠡᠨ ᠣᠮᠳᠠᠭᠠᠨ ᠤ ᠰᠣᠶᠣᠯ ᠢ ᠲᠡᠯᠭᠡᠷᠡᠬᠦᠯᠵᠦ ᠠᠰᠢᠭ ᠣᠷᠣᠯᠭᠠ | ᠡᠭᠦᠳᠬᠦ ᠶᠢ ᠰᠦᠪᠡᠭᠴᠢᠯᠡᠭᠰᠡᠨ ᠬᠤᠶᠠᠷ ᠵᠠᠯᠠᠭᠤ᠂ ᠡᠨᠡ ᠵᠢᠯ ᠢᠮᠠᠭᠠᠨ ᠤ ᠪᠣᠭᠤᠳᠠᠭ ᠬᠢᠵᠦ ᠪᠣᠷᠣᠯᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡ | ᠪᠠᠨ ᠦᠷᠬᠦᠯᠵᠢᠯᠡᠨ ᠲᠠᠨᠢᠯᠴᠠᠭᠤᠯᠵᠣ᠂ ᠣᠳᠣᠬᠠᠨ ᠪᠣᠯᠬᠤ ᠳᠤ ᠠᠷᠪᠠᠭᠠᠳ ᠢᠮᠠᠭᠠᠨ ᠤ ᠪᠣᠭᠤᠳᠠᠭ ᠬᠢᠵᠦ ᠪᠣᠷᠣᠯᠠᠭᠤᠯᠣᠭᠰᠠᠨ | ᠪᠦᠭᠡᠳ ᠠᠰᠢᠭ ᠣᠷᠣᠯᠭᠠ ᠨᠢ 24000 ᠭᠠᠷᠣᠢ ᠲᠦᠭᠦᠷᠢᠭ ᠲᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ | ᠪᠣᠳᠣᠯ ᠰᠡᠳᠬᠢᠯ ᠨᠠᠶᠢᠴᠡᠭᠰᠡᠨ ᠬᠤᠶᠠᠷ ᠵᠠᠯᠠᠭᠤ ᠲᠤᠭᠠ ᠲᠣᠯᠣᠭᠠᠢ ᠶᠢ ᠭᠦᠭᠡᠭᠡᠴᠡᠯᠳᠦᠬᠦ ᠪᠢᠰᠢ ᠴᠢᠨᠠᠷᠯᠢᠭ ᠰᠠᠶᠢᠨ ᠮᠠᠯ | ᠮᠠᠯᠵᠢᠬᠤ ᠪᠠᠷ ᠢᠳᠡᠭᠡᠯ ᠲᠡᠭᠦᠯᠳᠡᠷ ᠴᠢᠷᠮᠠᠶᠢᠵᠦ ᠡᠨᠡ ᠵᠢᠯ ᠠᠴᠠ ᠪᠡᠯᠴᠢᠭᠡᠷ ᠤᠨ ᠲᠠᠭᠠᠭᠠᠴᠠ᠂ ᠮᠠᠯᠵᠢᠯ ᠤᠨ ᠣᠷᠣᠯᠭᠠ | ᠵᠠᠷᠣᠯᠭᠠ ᠳᠠᠭᠠᠨ ᠵᠣᠬᠢᠴᠠᠭᠤᠯᠣᠨ ᠢᠮᠠᠭᠠᠨ ᠤ ᠪᠠᠨ ᠲᠤᠭᠠ ᠲᠣᠯᠣᠭᠠᠢ ᠶᠢ ᠬᠠᠷᠢᠴᠠᠩᠭᠤᠢ ᠴᠦᠭᠡᠳᠬᠡᠨ ᠡᠨᠡ ᠡᠪᠣᠯ 200 | ᠡᠬᠡ ᠮᠠᠯ ᠣᠨᠳᠣᠷᠣᠭᠤᠯᠬᠤ ᠪᠠᠷ ᠲᠦᠯᠦᠪᠯᠡᠵᠦ᠂ ᠲᠤᠭᠠ ᠲᠣᠯᠣᠭᠠᠢ ᠶᠢ ᠴᠦᠭᠡᠴᠢᠯᠡᠨ ᠨᠠᠷᠢᠯᠢᠭ ᠮᠠᠯᠵᠢᠬᠤ᠂ ᠣᠯᠠᠨ ᠠᠷᠭᠠ | ᠵᠠᠮ ᠢᠶᠠᠷ ᠰᠦᠪᠡᠭᠴᠢᠯᠡᠨ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠠᠷᠭᠠ ᠵᠠᠮ ᠢ ᠰᠦᠪᠡᠭᠴᠢᠯᠡᠵᠦ᠂ ᠰᠢᠨᠡ ᠬᠦᠳᠡᠭᠡ ᠨᠣᠳᠤᠭ ᠤᠨ | ᠬᠦᠭᠵᠢᠯ ᠬᠤᠪᠢᠷᠠᠯ ᠳᠤ ᠥᠩᠭᠡ ᠲᠦᠷᠬᠦ ᠱᠣᠭᠤᠵᠣ ᠶᠠᠪᠣᠨᠠ᠃ | |