| ᠲᠥᠷᠥᠭᠰᠡᠨ ᠭᠠᠵᠠᠷ ᠨᠤᠲᠤᠭ᠂ ᠠᠭᠤᠯᠠ᠂ ᠤᠰᠤ᠂ ᠤᠢ ᠮᠣᠳᠣ᠂ ᠠᠩ ᠠᠮᠢᠲᠠᠨ᠂ ᠤᠷᠭᠤᠮᠠᠯ ᠢᠶᠠᠨ ᠬᠠᠶᠢᠷᠠᠯᠠᠨ | ᠬᠠᠮᠠᠭᠠᠯᠠᠬᠤ ᠠᠮᠢᠳᠤᠷᠠᠯ ᠠᠬᠤᠢ ᠳᠠᠭᠠᠨ ᠲᠤᠬᠠᠢ ᠶᠢᠨ ᠬᠡᠷᠡᠭᠯᠡᠭᠡᠨ ᠤ ᠱᠠᠭᠠᠷᠳᠠᠯᠭᠠ ᠳᠤ ᠲᠣᠬᠢᠷᠠᠭᠤᠯᠤᠨ ᠲᠤᠶᠢᠯ ᠤᠨ | ᠠᠷᠪᠢ ᠭᠠᠮᠲᠠᠢ ᠬᠡᠷᠡᠭᠯᠡᠬᠦ ᠠᠷᠭᠠ ᠤᠬᠠᠭᠠᠨ ᠢ ᠦᠷᠡ ᠬᠤᠶᠢᠴᠢᠰ ᠢᠶᠠᠨ ᠰᠤᠷᠭᠠᠵᠤ ᠪᠠᠶᠢᠭᠰᠠᠨ ᠨᠢ ᠠᠩ ᠬᠥᠷᠥᠭᠡ | ᠬᠢᠬᠦ ᠵᠠᠩᠰᠢᠯ ᠳᠤ ᠢᠯᠡᠭᠦᠦ ᠲᠠᠢ ᠬᠠᠷᠠᠭᠳᠠᠳᠠᠭ᠃ | ᠮᠣᠩᠭᠤᠯᠴᠤᠳ ᠠᠩ ᠠᠪᠠ ᠬᠢᠵᠦ ᠠᠵᠤ ᠲᠥᠷᠥᠭᠰᠡᠭᠡᠷ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯ ᠨᠢ ᠲᠡᠳᠡᠨ ᠤ ᠠᠮᠢᠳᠤᠷᠠᠯ ᠤᠨ | ᠨᠢᠭᠡᠨ ᠬᠡᠪ ᠰᠢᠨᠵᠢ᠂ ᠨᠡᠭᠦᠳᠡᠯᠴᠢᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠨᠢᠭᠡ ᠣᠨᠴᠠᠯᠢᠭ ᠶᠤᠮ᠃ ᠠᠩ ᠠᠮᠢᠳᠠᠨ ᠢ | ᠠᠪᠠᠯᠠᠵᠤ ᠠᠵᠤ ᠲᠥᠷᠥᠬᠦ ᠶᠣᠰᠣᠨ ᠡᠨᠡᠷᠢᠨ ᠬᠦᠨᠳᠦᠳᠬᠡᠬᠦ᠂ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠤᠬᠠᠭᠠᠷᠠᠯ ᠳᠤ ᠬᠠᠲᠠᠭᠤ | ᠲᠤᠯᠭᠠᠭᠤᠷᠯᠠᠵᠤ ᠪᠠᠶᠢᠵᠠᠢ᠃ ᠠᠩ ᠠᠮᠢᠲᠠᠨ ᠢ ᠠᠪᠠᠯᠠᠬᠤ᠂ ᠠᠩ ᠭᠥᠷᠥᠭᠡᠨ ᠳᠤ ᠮᠣᠷᠳᠠᠬᠤ ᠳᠠᠭᠠᠨ ᠬᠤᠭᠤᠰᠤᠯᠠᠨ | ᠦᠭᠡᠶᠢᠷᠡᠭᠦᠯᠬᠦ᠂ ᠬᠤᠪᠳᠣᠭᠯᠠᠨ ᠰᠢᠨᠤᠬᠠᠶᠢᠷᠠᠬᠤ᠂ ᠣᠯᠵᠠ ᠠᠰᠢᠭ ᠡᠷᠢᠯᠬᠢᠯᠡᠬᠦ ᠶᠠᠮᠠᠷ ᠨᠢᠭᠡᠨ ᠪᠤᠳᠤᠯ ᠰᠠᠨᠠᠭᠠ | ᠣᠭᠲᠣᠬᠠᠨ ᠴᠦ ᠪᠠᠶᠢᠭᠠ ᠦᠭᠡᠢ᠂ ᠬᠠᠷᠢᠨ ᠭᠠᠭᠴᠠ ᠬᠥ᠋ ᠬᠠᠩᠭᠠᠢ ᠶᠢᠨ ᠬᠡᠰᠢᠭ ᠢ ᠵᠥᠪ ᠬᠦᠷᠲᠡᠵᠦ ᠠᠮᠢᠳᠤᠷᠠᠯ | ᠠᠬᠤᠢ ᠪᠠᠨ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠪᠠᠶᠠᠯᠢᠭ ᠢᠶᠠᠷ ᠲᠡᠳᠬᠦᠬᠦ᠂ ᠡᠨᠡ ᠦᠵᠡᠯ ᠰᠠᠨᠠᠭᠠ ᠦᠶᠡ ᠶᠢᠨ ᠦᠶᠡ ᠳᠤ | ᠤᠯᠠᠮᠵᠢᠯᠠᠭᠳᠠᠨ ᠳᠠᠮᠵᠢᠬᠤ ᠪᠤᠳᠤᠯ ᠤᠬᠠᠭᠠᠷᠠᠯ ᠳᠤ ᠬᠦᠨᠳᠦᠯᠡᠭᠳᠡᠳᠡᠭ ᠪᠠᠶᠢᠵᠠᠢ᠃ ᠠᠩ ᠠᠮᠢᠳᠠᠨ ᠦᠷᠡᠵᠢᠬᠦ ᠲᠥᠯᠵᠢᠬᠦ᠂ | ᠦᠰᠦ ᠠᠷᠠᠰᠤ᠂ ᠲᠠᠷᠭᠤ ᠬᠦᠴᠦ ᠭᠦᠢᠴᠡᠬᠦ ᠴᠠᠭ ᠬᠤᠭᠤᠴᠠᠭᠠ ᠶᠢ ᠨᠠᠷᠢᠨ ᠲᠠᠨᠢᠨ ᠮᠡᠳᠡᠵᠥ᠂ ᠵᠥᠪ ᠰᠣᠩᠭᠤᠨ | ᠠᠪᠴᠤ᠂ ᠠᠩ ᠠᠪᠠ ᠬᠢᠳᠡᠭ᠃ ᠠᠩ ᠤᠨ ᠮᠢᠬᠠ᠂ ᠠᠷᠠᠰᠤ ᠵᠡᠷᠭᠡ ᠣᠯᠵᠠᠪᠤᠷᠢ ᠪᠠᠨ ᠲᠤᠶᠢᠯ ᠢᠶᠠᠷ ᠬᠦᠨᠳᠦᠯᠡᠨ | ᠠᠷᠠᠴᠢᠯᠠᠨ ᠬᠡᠷᠡᠭᠯᠡᠳᠡᠭ ᠬᠠᠲᠠᠭᠤ ᠲᠣᠭᠲᠠᠭᠰᠠᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠵᠥᠪᠬᠡᠨ ᠠᠩ ᠠᠩᠨᠠᠭᠤᠷ ᠤᠨ ᠴᠠᠭ | ᠬᠤᠭᠤᠴᠠᠭᠠᠨ ᠤ ᠭᠠᠭᠴᠠ ᠵᠢᠱᠢᠶᠡ ᠶᠢ ᠬᠡᠯᠡᠬᠦ ᠳᠤ ᠴᠠᠭᠠᠨ ᠵᠡᠭᠡᠷᠡ ᠴᠠᠭᠠᠨ ᠰᠢᠭᠦᠳᠡᠷᠢ ᠠᠴᠠ ᠡᠬᠢᠯᠡᠨ ᠨᠠᠷᠠ ᠪᠤᠴᠠᠵᠤ | ᠶᠢᠰᠦ ᠡᠬᠢᠯᠡᠬᠦ ᠬᠥᠷᠳᠡᠯᠡ᠂ ᠦᠨᠡᠭᠡ᠂ ᠬᠢᠷᠰᠠ ᠶᠢ ᠬᠢᠷᠠᠭᠤ ᠤᠨᠠᠬᠤ ᠠᠴᠠ ᠡᠬᠢᠯᠡᠵᠦ ᠬᠠᠪᠤᠷ ᠤᠨ ᠤᠷᠢ ᠣᠷᠣᠬᠤ | ᠬᠥᠷᠳᠡᠯᠡ ᠠᠩᠨᠠᠵᠤ ᠪᠠᠶᠢᠵᠠᠢ᠃ ᠪᠤᠰᠤᠳ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠡᠳᠡᠭᠡᠷ ᠠᠮᠢᠲᠠᠨ ᠢ ᠠᠩᠨᠠᠳᠠᠭ ᠦᠭᠡᠢ ᠪᠠᠶᠢᠭᠰᠠᠨ | ᠪᠥᠭᠡᠳ ᠤᠴᠢᠷ ᠨᠢ ᠪᠤᠰᠤᠳ ᠦᠶᠡ ᠳᠤ ᠠᠩᠨᠠᠭᠰᠠᠨ ᠠᠩ ᠤᠨ ᠣᠯᠵᠠᠪᠤᠷᠢ ᠨᠢ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠠᠬᠤᠢ ᠳᠤ | ᠠᠰᠢᠭ ᠦᠭᠡᠢ ᠪᠠᠶᠢᠳᠠᠭ ᠠᠵᠢ᠃ | ᠮᠣᠩᠭᠤᠯ ᠬᠥᠮᠥᠨ ᠨᠤᠲᠤᠭ ᠨᠤᠭᠤ ᠶᠢᠨ ᠢᠶᠠᠨ ᠠᠩ ᠠᠮᠢᠲᠠᠨ ᠢ ᠨᠡᠯᠦᠩᠬᠡᠢ ᠳᠤᠨᠢ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ | ᠢᠷᠡᠭᠰᠡᠨ ᠠᠴᠠ ᠭᠠᠳᠠᠨᠠ ᠵᠠᠷᠢᠮ ᠲᠥᠷᠥᠯ ᠤᠨ ᠠᠮᠢᠲᠠᠨ ᠳᠤ ᠢᠯᠡᠭᠦᠦ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠵᠦ᠂ ᠬᠠᠮᠠᠭᠠᠯᠠᠬᠤ | ᠠᠷᠭᠠ ᠤᠬᠠᠭᠠᠨ ᠢ ᠶᠠᠩᠵᠤ ᠪᠦᠷᠢ ᠪᠠᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠨᠢ ᠶᠡᠬᠡᠬᠡᠨ ᠰᠣᠨᠢᠷᠬᠠᠯᠲᠠᠢ ᠶᠤᠮ᠃ ᠤᠰᠤ ᠭᠤᠣᠯ ᠳᠤ | ᠣᠷᠣᠰᠢᠬᠤ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠶᠢ ᠯᠤᠤᠰ ᠤᠨ ᠠᠮᠢᠲᠠᠨ ᠭᠡᠵᠦ ᠦᠵᠡᠨ ᠮᠢᠬᠠ ᠶᠢ ᠨᠢ ᠬᠦᠨᠡᠰᠦᠨ ᠳᠡᠭᠡᠨ ᠤᠠᠠᠳᠤ | ᠬᠡᠷᠡᠭᠯᠡᠳᠡᠭ ᠦᠭᠡᠢ ᠪᠠᠶᠢᠪᠠ᠃ ᠨᠡᠩ ᠬᠤᠪᠣᠷᠳᠠᠭᠰᠠᠨ ᠠᠮᠢᠲᠠᠳ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠬᠥᠭᠡᠭᠡᠨ ᠢᠷᠡᠭᠰᠡᠨ ᠵᠡᠭᠡᠷᠡ | ᠭᠥᠷᠥᠭᠡᠰᠦ᠂ ᠠᠷᠭᠠᠯᠢ ᠶᠠᠩᠬᠢᠷ ᠵᠡᠷᠭᠡ ᠠᠮᠢᠲᠠᠳ᠂ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠵᠡᠷᠭᠡ ᠶᠢ ᠠᠶᠤᠯᠭᠠᠵᠤ ᠦᠷᠭᠦᠭᠡᠬᠦ᠂ | ᠠᠩᠨᠠᠵᠤ ᠬᠤᠷᠣᠭᠠᠬᠤ ᠨᠢ ᠨᠢᠭᠦᠯ ᠬᠢᠯᠢᠨᠴᠡ ᠲᠠᠢ ᠥᠢᠯᠡ ᠭᠡᠵᠦ ᠦᠵᠡᠳᠡᠭ᠃ ᠠᠮᠢᠲᠠᠨ ᠤ ᠦᠷᠡ ᠲᠥᠯ᠂ ᠵᠤᠯᠵᠠᠭᠠ᠂ | ᠬᠡᠭᠡᠯᠢ ᠨᠢ ᠬᠦᠨᠳᠦᠷᠡᠭᠰᠡᠨ ᠪᠤᠶᠤ ᠨᠢᠯᠬᠠ ᠦᠷᠡ ᠲᠥᠯ ᠢᠶᠠᠨ ᠳᠠᠭᠠᠭᠤᠯᠤᠭᠰᠠᠨ ᠠᠮᠢᠲᠠᠨ᠂ ᠢᠵᠢᠯᠢ ᠬᠤᠣᠰ | ᠵᠢᠭᠦᠷᠲᠡᠨ ᠢ ᠠᠪᠠᠯᠠᠬᠤ ᠶᠢ ᠪᠤᠤ ᠬᠡᠯᠡ᠂ ᠦᠷᠭᠦᠭᠡᠵᠦ ᠰᠣᠴᠢᠭᠠᠬᠤ ᠠᠴᠠ ᠴᠦ ᠪᠣᠯᠭᠤᠮᠵᠢᠯᠠᠨ ᠡᠮᠢᠶᠡᠳᠡᠭ ᠬᠥᠮᠦᠯᠢᠭ | ᠡᠨᠡᠷᠢᠩᠭᠦᠢ ᠶᠣᠰᠣ ᠵᠠᠩᠰᠢᠯ ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠮᠠᠨᠢ ᠮᠢᠬᠠ ᠴᠢᠰᠤᠨ ᠳᠤ ᠰᠢᠩᠭᠡᠭᠰᠡᠨ ᠪᠠᠶᠢᠨᠠ᠃ | ᠲᠤᠬᠠᠶᠢᠯᠠᠪᠠᠯ᠄ ᠪᠤᠭᠤ᠂ ᠪᠠᠭᠠᠪᠠᠭᠠᠢ᠂ ᠴᠢᠨ᠋ᠸᠠ᠂ ᠴᠠᠭᠠᠨ ᠱᠣᠩᠬᠤᠷ᠂ ᠵᠡᠷᠭᠡ ᠠᠮᠢᠲᠠᠨ ᠢ ᠪᠤᠰᠤᠳ ᠠᠴᠠ | ᠣᠨᠴᠠᠭᠠᠶᠢᠯᠠᠨ ᠬᠦᠨᠳᠦᠯᠡᠵᠦ᠂ ᠠᠩᠨᠠᠵᠤ ᠠᠪᠠᠯᠠᠬᠤ ᠦᠶᠡ ᠢᠷᠡᠬᠦ ᠳᠤ ᠡᠨᠡᠷᠢᠯ ᠬᠦᠨᠳᠦᠳᠬᠡᠯ ᠤᠨ ᠵᠠᠩ ᠥᠢᠯᠡ ᠨᠢ | ᠴᠦ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠭᠰᠠᠨ ᠨᠢ ᠪᠠᠶᠢᠭᠠᠯᠢ ᠬᠠᠮᠠᠭᠠᠯᠠᠬᠤ ᠭᠡᠬᠦ ᠠᠴᠠ ᠪᠠᠨ ᠢᠯᠡᠭᠦᠦ ᠲᠠᠢ ᠪᠠᠷ ᠮᠠᠭᠠᠳ | ᠦᠭᠡᠢ ᠪᠢᠳᠡᠨ ᠤ ᠡᠪᠦᠭᠡ ᠳᠡᠭᠡᠳᠦᠰ ᠲᠡᠳᠡᠭᠡᠷ ᠠᠮᠢᠲᠠᠨ ᠢ ᠥᠪᠡᠷ ᠤᠨ ᠭᠠᠷᠤᠯ ᠡᠭᠦᠰᠦᠯ᠂ ᠢᠪᠡᠭᠡᠨ ᠲᠡᠳᠬᠦᠭᠴᠢ | ᠲᠠᠯᠳᠠ ᠶᠢᠨ ᠬᠦᠴᠦ᠂ ᠤᠡᠭᠭᠤᠨ ᠰᠦᠯᠳᠡ ᠲᠠᠢ ᠬᠤᠯᠪᠣᠨ ᠦᠵᠡᠵᠦ ᠬᠥᠨᠳᠥᠳᠬᠡᠵᠥ ᠪᠠᠶᠢᠭᠰᠠᠨ ᠲᠠᠢ ᠬᠤᠯᠪᠤᠭᠠ ᠲᠠᠢ | ᠤᠯᠠᠮᠵᠢᠯᠠᠯ ᠪᠠᠶᠢᠬᠤ ᠶᠢ ᠥᠭᠡᠶᠢᠰᠭᠡᠬᠦ ᠠᠷᠭᠠ ᠦᠭᠡᠢ ᠶᠤᠮ᠃ | |