| ᠦᠵᠦᠮᠦᠴᠢᠨ ᠤ ᠡᠮᠡᠭᠡᠯ ᠬᠢᠬᠦ ᠤᠷᠠ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠢᠶᠠᠨ ᠮᠣᠩᠭᠤᠯᠴᠤᠳ ᠢ ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ | ᠭᠡᠳᠡᠭ᠂ ᠲᠡᠭᠡᠬᠦ ᠳᠤ ᠮᠣᠷᠢᠨ ᠤ ᠡᠮᠡᠭᠡᠯ ᠨᠢ ᠲᠡᠳᠡᠨ ᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠴᠢᠬᠤᠯᠠ ᠬᠡᠷᠡᠭᠴᠡᠭᠡ ᠲᠠᠢ | ᠪᠠᠶᠢᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠮ ᠭᠠᠭᠴᠠᠬᠦ ᠮᠣᠷᠢ ᠤᠨᠤᠬᠤ ᠡᠳ᠋ᠯᠡᠯ ᠲᠡᠳᠦᠢ ᠦᠭᠡᠢ ᠬᠠᠷᠢᠨ ᠥᠪᠡᠷᠮᠢᠴᠡ ᠵᠠᠰᠠᠯ | ᠴᠢᠮᠡᠭᠯᠡᠯ ᠤᠨ ᠤᠷᠠᠯᠢᠭ ᠢ ᠰᠢᠩᠭᠡᠬᠡᠨ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠶᠤᠮ᠃ ᠡᠨᠡᠬᠦ ᠡᠮᠡᠭᠡᠯ ᠬᠢᠬᠦ ᠪᠠ ᠵᠠᠰᠠᠵᠤ ᠴᠢᠮᠡᠭᠯᠡᠬᠦ | ᠤᠷᠠᠯᠢᠭ ᠨᠢ ᠤᠷᠲᠤ ᠤᠳᠠᠭᠠᠨ ᠤ ᠲᠡᠦᠬᠡ ᠤᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠳᠠᠭ ᠲᠤᠬᠠᠢ ᠮᠣᠩᠭᠤᠯ ᠲᠡᠦᠬᠡ ᠶᠢᠨ ᠲᠤᠯᠭᠤᠷ | ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠵᠡᠢ᠃ ᠦᠵᠦᠮᠦᠴᠢᠨ ᠪᠣᠯ ᠡᠷᠲᠡᠨ ᠤ ᠮᠣᠩᠭᠤᠯ ᠠᠶᠢᠮᠠᠭ ᠤᠭᠰᠠᠭᠠᠨ ᠤ ᠨᠢᠭᠡ | ᠪᠤᠯᠬᠤ ᠲᠡᠳᠦᠢ ᠦᠭᠡᠢ ᠮᠣᠩᠭᠤᠯ ᠰᠣᠶᠣᠯ ᠤᠯᠠᠮᠵᠢᠯᠠᠯ ᠢᠶᠠᠨ ᠪᠦᠷᠢᠨ ᠪᠦᠲᠦᠨ ᠢᠶᠠᠷ ᠨᠢ ᠬᠠᠳᠠᠭᠠᠯᠠᠵᠤ ᠤᠯᠠᠨ | ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢ ᠤᠯᠪᠠᠭᠠᠯᠠᠨ ᠬᠥᠭᠵᠢᠭᠦᠯᠵᠦ ᠢᠷᠡᠭᠰᠡᠨ ᠢᠶᠠᠨ ᠦᠵᠦᠮᠦᠴᠢᠨ ᠳᠤ ᠡᠮᠡᠭᠡᠯ ᠬᠢᠬᠦ ᠨᠢ | ᠥᠪᠡᠷᠮᠢᠴᠡ ᠤᠷᠠ ᠬᠡᠯᠪᠡᠷᠢ ᠲᠠᠢ ᠪᠣᠯᠵᠠᠢ᠃ | ᠦᠵᠦᠮᠦᠴᠢᠨ ᠡᠮᠡᠭᠡᠯ ᠳᠤ ᠬᠤᠰᠤ ᠮᠣᠳᠣ᠂ ᠮᠥᠩᠭᠦ ᠭᠠᠤᠯᠢ᠂ ᠰᠤᠷ ᠪᠤᠯᠢᠭᠠᠷᠢ᠂ ᠳᠡᠯ ᠬᠢᠯᠭᠠᠰᠤ ᠵᠡᠷᠭᠡ ᠤᠯᠠᠨ | ᠠᠷᠪᠢᠨ ᠮᠠᠲ᠋ᠧᠷᠢᠶᠠᠯ ᠢ ᠠᠰᠢᠭᠯᠠᠳᠠᠭ ᠶᠤᠮ᠃ ᠡᠮᠡᠭᠡᠯ ᠬᠢᠵᠦ ᠵᠠᠰᠠᠬᠤ ᠠᠯᠬᠤᠮ ᠳᠠᠷᠠᠭᠠᠯᠠᠯ ᠳᠤ ᠶᠡᠭᠡ ᠲᠥᠯᠥᠪ | ᠤᠷᠢᠳᠠᠪᠠᠷ ᠬᠤᠶᠠᠷ ᠬᠡᠰᠡᠭ ᠬᠤᠰᠤᠨ ᠮᠣᠳᠣ ᠪᠠᠷ ᠵᠡᠭᠦᠨ ᠪᠠᠷᠠᠭᠤᠨ ᠬᠠᠪᠲᠠᠰᠢ ᠪᠣᠯᠣᠨ ᠬᠤᠶᠠᠷ ᠬᠡᠰᠡᠭ ᠬᠤᠰᠤᠨ | ᠮᠣᠳᠣ ᠪᠠᠷ ᠤᠷᠢᠳᠤ ᠬᠤᠶᠢᠲᠤ ᠪᠦᠭᠦᠷᠭᠡ ᠶᠢ ᠱᠤᠭᠤᠵᠤ ᠭᠠᠷᠭᠠᠨᠠ᠃ ᠡᠭᠦᠨ ᠢ ᠪᠠᠨ ᠬᠠᠩᠭᠠᠢ ᠡᠮᠡᠭᠡᠯ ᠭᠡᠨᠡ᠃ | ᠭᠡᠬᠦ ᠳᠤ ᠪᠠᠨ ᠪᠦᠭᠦᠷᠭᠡ ᠬᠠᠪᠳᠠᠰᠢ ᠶᠢᠨ ᠥᠷᠭᠡᠨ ᠨᠠᠷᠢᠨ ᠵᠤᠵᠠᠭᠠᠨ ᠨᠢᠮᠭᠡᠨ ᠢ ᠨᠢ ᠣᠨᠴᠠ ᠠᠩᠬᠠᠷᠬᠤ ᠴᠢᠬᠤᠯᠠ ᠲᠠᠢ᠃ | ᠳᠠᠷᠠᠭᠠ ᠨᠢ ᠬᠠᠩᠭᠠᠢ ᠡᠮᠡᠭᠡᠯ ᠢᠶᠠᠨ ᠰᠢᠷᠳᠡᠵᠦ ᠪᠤᠯᠢᠭᠠᠷᠢ ᠪᠠᠷ ᠳᠡᠪᠢᠰᠦᠯᠡᠨᠡ᠃ ᠳᠡᠪᠢᠰᠦᠯᠡᠭᠰᠡᠡ ᠤ ᠳᠠᠷᠠᠭᠠ ᠮᠥᠩᠭᠦ | ᠪᠤᠶᠤ ᠭᠠᠤᠯᠢ ᠪᠠᠷ ᠬᠢᠭᠰᠡᠨ ᠬᠦᠪᠡᠭᠡ ︵ᠬᠢᠷᠠ ᠴᠦ ᠭᠡᠳᠡᠭ︶ ᠶᠢ ᠨᠢ ᠬᠠᠳᠠᠵᠤ ᠰᠠᠭᠤᠳᠠᠯ ᠤᠨ ᠲᠦᠷᠪᠡᠨ | ᠳᠠᠷᠤᠭᠤᠯᠠᠭᠠ ᠶᠢ ᠳᠠᠷᠤᠨᠠ᠃ ᠳᠥᠷᠪᠡᠳᠦᠭᠡᠷ ᠠᠯᠬᠤᠮ ᠳᠤ ᠭᠠᠨᠵᠤᠭᠠ ᠶᠢ ᠨᠢ ᠲᠠᠲᠠᠵᠤ᠂ ᠤᠭᠴᠤᠷᠭᠠ ᠣᠯᠣᠩ | ᠵᠢᠷᠢᠮ ᠢ ᠨᠢ ᠲᠠᠭᠠᠷᠠᠭᠤᠯᠤᠨᠠ᠃ ᠲᠠᠪᠤᠳᠤᠭᠠᠷ ᠲᠤ ᠬᠤᠶᠠᠷ ᠲᠦᠷᠦᠭᠡ ᠶᠢ ᠨᠢ ᠬᠢᠵᠦ ᠪᠤᠯᠢᠭᠠᠷᠢ ᠭᠥᠯᠢᠮ ᠢᠰᠡᠭᠡᠢ | ᠲᠣᠬᠤᠮ ᠶᠢ ᠲᠠᠭᠠᠷᠠᠭᠤᠯᠪᠠᠯ ᠪᠦᠬᠦ ᠶᠠᠪᠤᠴᠠ ᠳᠠᠭᠤᠰᠤᠨᠠ᠃ ᠭᠡᠬᠦ ᠳᠤ ᠬᠠᠷᠢᠨ ᠡᠳᠡᠭᠡᠷ ᠠᠯᠬᠤᠮ ᠶᠠᠪᠤᠴᠠ ᠶᠢᠨ | ᠳᠠᠭᠠᠤ ᠰᠤᠷ ᠵᠦᠰᠦᠵᠦ ᠰᠢᠪᠬᠠᠷᠬᠤ᠂ ᠬᠢᠯᠭᠠᠰᠤ ᠤᠷᠠᠵᠤ ᠲᠠᠮᠤᠬᠤ ᠁ ᠵᠡᠷᠭᠡ ᠠᠵᠢᠯ ᠤᠳ ᠢᠵᠢᠯ ᠠᠯᠬᠤᠮ ᠢᠶᠠᠷ | ᠶᠠᠪᠤᠭᠳᠠᠳᠠᠭ᠃ | ᠦᠵᠦᠮᠦᠴᠢᠨ ᠡᠮᠡᠭᠡᠯ ᠨᠢ ᠪᠤᠰᠤᠳ ᠣᠷᠣᠨ ᠨᠤᠲᠤᠭ ᠤᠨ ᠡᠮᠡᠭᠡᠯ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠬᠢᠴᠡ ᠤᠷᠠ ᠭᠤᠶᠤ᠂ | ᠲᠤᠨᠤᠭ ᠡᠳ᠋ᠯᠡᠯ ᠪᠦᠷᠢᠨ᠂ ᠪᠦᠭᠦᠷᠭᠡ ᠣᠬᠤᠷ᠂ ᠰᠠᠭᠤᠳᠠᠯ ᠠᠭᠤᠵᠢᠮ ᠵᠡᠷᠭᠡ ᠣᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ | ᠦᠵᠦᠮᠦᠴᠢᠨ ᠡᠮᠡᠭᠡᠯ ᠪᠣᠳᠠᠲᠤ ᠬᠡᠷᠡᠭᠯᠡᠭᠡᠨ ᠤ ᠦᠨᠡ ᠦᠷᠲᠡᠭ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠭᠦᠳᠡᠯᠴᠢᠨ ᠤᠭᠰᠠᠭᠠᠨ ᠤ | ᠰᠣᠶᠣᠯ ᠵᠠᠩᠭᠢ ᠶᠢ ᠠᠬᠤᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠨᠡᠩ ᠶᠡᠭᠡ ᠦᠷᠲᠡᠭ ᠲᠠᠢ ᠶᠤᠮ᠃ | |