| ᠮᠠᠨ ᠤ ᠮᠣᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠮᠣᠷᠢ ᠶᠢ ᠲᠠᠨᠢᠵᠤ᠂ ᠲᠡᠭᠦᠨ ᠢ ᠰᠤᠷᠭᠠᠨ | ᠭᠠᠷᠰᠢᠭᠤᠯᠤᠭᠰᠠᠨ ᠠᠴᠠ ᠨᠠᠰᠢ ᠤᠨᠤᠬᠤ ᠪᠠ ᠬᠥᠯᠬᠦ ᠶᠢᠨ ᠲᠤᠯᠠᠳᠠ᠂ ᠲᠡᠭᠦᠨ ᠳᠤ ᠵᠣᠬᠢᠴᠠᠭᠰᠠᠨ ᠲᠤᠨᠤᠭ ᠬᠡᠷᠡᠭᠰᠡᠯ | ᠢ ᠡᠭᠦᠳᠦᠨ ᠪᠦᠲᠦᠭᠡᠵᠦ ᠢᠷᠡᠵᠠᠢ᠃ ᠡᠬᠢᠯᠡᠩᠭᠦᠲᠡ ᠨᠣᠭᠲᠣ ᠬᠠᠵᠠᠭᠠᠷ᠂ ᠳᠠᠷᠠᠭᠠ ᠨᠢ ᠡᠮᠡᠭᠡᠯ ᠲᠦᠷᠦᠭᠡ᠂ ᠬᠤᠵᠢᠮ | ᠨᠢ ᠲᠡᠭᠦᠨ ᠢᠶᠠᠨ ᠥᠭᠡᠷᠡᠴᠢᠯᠡᠨ ᠰᠠᠶᠢᠵᠢᠷᠠᠭᠤᠯᠵᠤ ᠭᠤᠶᠤ ᠰᠠᠶᠢᠬᠠᠨ ᠵᠠᠰᠠᠭ ᠴᠢᠮᠡᠭ ᠲᠠᠢ ᠪᠣᠯᠭᠠᠨ ᠰᠢᠨᠡᠳᠬᠡᠵᠦ | ᠢᠷᠡᠪᠠ᠃ ᠮᠣᠩᠭᠤᠯᠴᠤᠳ ᠤᠨ ᠮᠣᠷᠢᠨ ᠤ ᠲᠤᠨᠤᠭ ᠬᠡᠷᠡᠭᠰᠡᠯ ᠪᠣᠯ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ | ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠪᠦᠬᠦ ᠮᠠᠯᠴᠢᠨ ᠨᠡᠭᠦᠳᠡᠯᠴᠢᠨ ᠣᠪᠣᠭ ᠠᠶᠢᠮᠠᠭ ᠤᠨ ᠨᠡᠶᠢᠳᠡ ᠶᠢᠨ | ᠪᠦᠲᠦᠭᠡᠯ ᠶᠤᠮ᠃ ᠬᠠᠭᠤᠴᠢ ᠰᠤᠳᠤᠯᠤᠯ᠂ ᠲᠡᠦᠬᠡ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠮᠠᠨ ᠤ ᠡᠷᠢᠨ ᠤ ᠡᠮᠦᠨᠡᠬᠢ 2000 | ᠵᠢᠯ ᠤᠨ ᠲᠡᠷᠲᠡᠭᠡ ᠳᠤ ᠬᠤᠯᠪᠣᠭᠳᠠᠬᠤ ᠮᠣᠩᠭᠤᠯ ᠤᠨ ᠡᠷᠲᠡᠨ ᠤ ᠢᠵᠠᠭᠤᠷ ᠨᠡᠭᠦᠳᠡᠯᠴᠢᠨ ᠠᠶᠢᠮᠠᠭ ᠤᠨ ᠬᠠᠮᠤᠭ | ᠠᠩᠬᠠᠨ ᠤ ᠬᠠᠩᠭᠠᠢ ᠲᠡᠷᠭᠡ ᠶᠢ ᠡᠭᠦᠳᠬᠦ ᠶᠢᠨ ᠵᠡᠷᠭᠡᠳᠡ ᠡᠮᠡᠭᠡᠯ ᠡᠭᠦᠳᠴᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠮᠣᠩᠭᠤᠯ ᠨᠤᠲᠤᠭ ᠲᠤ ︽ᠲᠠᠪᠤᠨ ᠮᠣᠳᠣᠨ ᠤ ᠡᠮᠡᠭᠡᠯ︾᠂ ︽ᠭᠤᠷᠪᠠᠨ ᠮᠣᠳᠣᠨ ᠤ ᠡᠮᠡᠭᠡᠯ︾ ᠭᠡᠵᠦ ᠠᠴᠠ | ᠰᠠᠯᠠᠭᠠ ᠲᠠᠢ ᠮᠣᠳᠣ ᠪᠠᠷ ᠬᠢᠳᠡᠭ ᠠᠴᠠ ᠦᠵᠡᠪᠡᠯ ᠠᠩᠬᠠᠨ ᠤ ᠬᠦᠷᠡᠯ ᠵᠡᠪᠰᠡᠭ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ | ᠬᠠᠮᠤᠭ ᠤᠨ ᠪᠦᠳᠦᠭᠦᠯᠢᠭ ᠮᠣᠳᠣᠨ ᠲᠤᠨᠤᠭ ᠤᠳ ᠢ ᠬᠢᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ ᠮᠥᠨᠴᠦ ᠰᠤᠷ ᠳᠡᠭᠡᠰᠦ ᠪᠠᠷ ᠪᠠᠰᠠ | ᠰᠤᠷ ᠲᠦᠷᠦᠭᠡ᠂ ᠳᠡᠭᠡᠰᠦᠨ ᠲᠦᠷᠦᠭᠡ᠂ ᠰᠤᠷ ᠠᠮᠠᠭᠠᠢ᠂ ᠶᠠᠰᠤᠨ ᠡᠪᠡᠷ ᠤᠨ ᠠᠮᠠᠭᠠᠢ ᠬᠢᠬᠦ ᠪᠣᠯᠵᠠᠢ᠃ | ᠲᠡᠮᠦᠷᠯᠢᠭ ᠢ ᠡᠯᠪᠡᠭ ᠬᠡᠷᠡᠭᠯᠡᠬᠦ ᠪᠣᠯᠤᠭᠰᠠᠨ ᠠᠴᠠ ᠨᠠᠰᠢ᠂ ᠮᠣᠳᠣ᠂ ᠰᠤᠷ ᠢᠶᠠᠷ ᠨᠡᠩ ᠤᠷᠠᠨ ᠲᠤᠨᠤᠭ | ᠲᠥᠬᠦᠭᠡᠷᠦᠮᠵᠢ ᠬᠢᠵᠦ ᠴᠢᠳᠠᠬᠤ ᠪᠣᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠡᠮᠦᠷᠯᠢᠭ ᠢᠶᠠᠷ ᠠᠮᠠᠭᠠᠢ᠂ ᠵᠤᠤᠵᠠᠢ᠂ ᠳᠦᠷᠦᠭᠡ | ᠵᠡᠷᠭᠡ ᠦᠨᠳᠦᠰᠦᠨ ᠬᠡᠷᠡᠭᠰᠡᠨ ᠢ ᠬᠢᠵᠦ ᠴᠢᠳᠠᠪᠠ᠃ ᠡᠨᠡ ᠪᠣᠯ ᠬᠠᠮᠤᠭ ᠠᠩᠬᠠᠨ ᠤ ᠮᠣᠷᠢᠨ ᠳᠤᠨᠤᠭ ᠬᠡᠷᠡᠭᠰᠡᠯ ᠮᠥᠨ᠃ | | ᠤᠨᠤᠯᠭᠠ ᠶᠢᠨ ᠳᠤᠨᠤᠭ ᠬᠡᠷᠡᠭᠰᠡᠯ ᠢ ᠡᠩ ᠤᠨ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠡᠷᠡᠭᠴᠡᠭᠡᠨ ᠳᠤ | ᠵᠣᠷᠢᠭᠤᠯᠤᠭᠰᠠᠨ ᠪᠠ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠳᠤᠨᠤᠭ ᠬᠡᠷᠡᠭᠰᠡᠯ ᠭᠡᠵᠦ ᠢᠯᠭᠠᠵᠤ ᠪᠣᠯᠣᠨᠠ᠃ | ᠤᠨᠤᠯᠭᠠ ᠶᠢᠨ ᠬᠡᠷᠡᠭᠴᠡᠭᠡᠨ ᠤ ᠳᠤᠨᠤᠭ ᠨᠢ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠵᠣᠷᠢᠭᠤᠯᠤᠭᠳᠠᠭᠰᠠᠨ | ᠤᠴᠢᠷ ᠡᠳᠦᠷ ᠳᠤᠳᠤᠮ ᠤᠨ ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠪᠦᠷᠢᠨ ᠬᠡᠷᠡᠭᠴᠡᠭᠡᠲᠡᠢ᠂ ᠬᠡᠷᠡᠭᠯᠡᠭᠡᠨ ᠤ ᠴᠢᠳᠠᠪᠤᠷᠢᠢ ᠰᠠᠶᠢᠨ᠂ | ᠪᠦᠬᠡ ᠮᠥᠷᠲᠡᠭᠡᠨ ᠬᠢᠯᠪᠡᠷ ᠳᠦᠯᠭᠦᠮ ᠪᠠᠶᠢᠳᠠᠭ ᠠᠴᠠ ᠶᠡᠷᠦ ᠨᠢ ᠡᠩ ᠤᠨ ᠮᠠᠯᠴᠢᠳ ᠪᠦᠬᠦᠨ ᠬᠢᠵᠦ ᠴᠢᠳᠠᠳᠠᠭ᠃ | ᠡᠭᠦᠨ ᠢ ᠪᠠᠰᠠ ᠮᠠᠯᠴᠢᠳ ᠤᠨ ᠮᠣᠷᠢᠨ ᠬᠡᠷᠡᠭᠰᠡᠯ ᠭᠡᠨᠡ᠃ ᠡᠭᠦᠨ ᠳᠤ ᠤᠨᠤᠭᠠᠷᠢ ᠶᠢᠨ ᠮᠣᠷᠢ᠂ ᠤᠷᠭᠠᠨ ᠮᠣᠷᠢᠨ ᠳᠤ | ᠬᠡᠷᠡᠭᠯᠡᠬᠦ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠴᠢᠳᠦᠷ ᠲᠤᠱᠠ᠂ ᠤᠷᠭᠠ ᠪᠤᠭᠤᠶᠢᠯᠢ ᠵᠡᠷᠭᠡ ᠪᠠᠭᠲᠠᠨᠠ᠃ | ᠮᠣᠩᠭᠤᠯ ᠤᠨ ᠮᠣᠷᠢᠨ ᠰᠣᠶᠣᠯ ᠤᠨ ᠠᠭᠤᠯᠭᠠ ᠳᠤ ᠬᠠᠮᠤᠷᠤᠭᠳᠠᠬᠤ ᠳᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠨᠦᠭᠦᠳ ᠢ | ᠮᠠᠲ᠋ᠧᠷᠢᠶᠠᠯ ᠤᠨ ᠲᠠᠯᠠ ᠠᠴᠠ ᠠᠪᠴᠤ ᠦᠵᠡᠪᠡᠯ ᠦᠨᠳᠦᠰᠦᠨ ᠭᠤᠷᠪᠠᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠬᠢᠭᠳᠡᠵᠠᠢ ᠭᠡᠵᠦ ᠦᠵᠡᠵᠦ | ᠪᠣᠯᠣᠨᠠ᠃ | ᠲᠡᠭᠦᠨ ᠤ ᠨᠢᠭᠡ ᠨᠢ ᠠᠷᠠᠰᠤ ᠰᠢᠷᠢ᠂ ᠰᠤᠷ ᠪᠠ ᠢᠰᠡᠭᠡᠢ ᠪᠣᠯᠣᠨᠠ᠃ ᠰᠢᠷᠢ ᠪᠠᠷ ᠭᠥᠯᠢᠮ᠂ ᠳᠡᠪᠰᠡ ᠬᠢᠵᠦ᠂ | ᠰᠤᠷ ᠢᠶᠠᠷ ᠴᠢᠳᠦᠷ ᠨᠣᠭᠲᠣ᠂ ᠤᠷᠭᠠᠨ ᠤ ᠬᠤᠶᠢᠪᠢ᠂ ᠪᠤᠭᠤᠶᠢᠯᠢ᠂ ᠲᠠᠲᠠᠯᠭᠠ᠂ ᠭᠠᠨᠵᠤᠭᠠ᠂ ᠵᠢᠷᠢᠮ᠂ ᠨᠣᠭᠲᠣ᠂ ᠣᠯᠣᠩ | ᠵᠡᠷᠭᠡ ᠶᠢ ᠦᠢᠯᠡᠳᠦᠨᠡ᠃ ᠳᠡᠯ ᠬᠢᠯᠭᠠᠰᠤ ᠪᠠᠷ ᠳᠡᠭᠡᠰᠦ ᠵᠢᠴᠢ ᠵᠢᠷᠢᠮ᠂ ᠨᠣᠭᠲᠣ᠂ ᠣᠯᠣᠩ ᠢ ᠬᠢᠨᠡ᠃ ᠰᠤᠷ ᠬᠢᠯᠭᠠᠰᠤᠨ | ᠳᠡᠭᠡᠰᠦ ᠪᠠᠷ ᠤᠶᠠᠭᠠ ᠤᠶᠠᠵᠤ ᠡᠯᠳᠡᠪ ᠵᠠᠩᠭᠢᠯᠠᠭᠠ ᠶᠢ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠨᠢ ᠳᠡᠯᠡᠬᠡᠢ ᠳᠤ ᠭᠠᠭᠴᠠ | ᠮᠣᠩᠭᠤᠯᠴᠤᠳ ᠪᠠᠶᠢᠭᠠ ᠶᠤᠮ᠃ | ᠲᠡᠭᠦᠨ ᠤ ᠬᠤᠶᠠᠷ ᠨᠢ ᠮᠣᠳᠣ ᠪᠣᠯᠣᠨᠠ᠃ ᠭᠤᠣᠯᠳᠠᠭᠤ ᠬᠠᠲᠠᠭᠤ ᠪᠦᠬᠡ ᠴᠢᠨᠠᠷ ᠤᠨ ᠮᠣᠳᠣ ᠶᠢ ᠰᠣᠩᠭᠤᠳᠠᠭ᠃ | ᠡᠭᠦᠨ ᠳᠤ ᠬᠤᠰᠤ᠂ ᠨᠠᠷᠠᠰᠤ ︵ᠬᠠᠷᠠ ᠮᠣᠳᠣ︶᠂ ᠤᠳᠠ᠂ ᠤᠯᠢᠶᠠᠰᠤ᠂ ᠬᠤᠯᠤᠰᠤ᠂ ᠽᠠᠨᠳᠠᠨ ᠮᠣᠳᠣ ᠶᠢ ᠣᠯᠵᠤ | ᠬᠡᠷᠡᠭᠯᠡᠳᠡᠭ᠃ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠬᠢᠭᠰᠡᠨ ᠡᠮᠡᠭᠡᠯ ᠨᠢ ᠥᠪᠡᠷᠮᠢᠴᠡ ᠳᠦᠷᠢ ᠤᠷᠠᠯᠠᠯ ᠪᠦᠬᠦᠢ ᠰᠡᠶᠢᠯᠦᠮᠡᠯ ᠢᠶᠠᠷ | ᠭᠤᠶᠣᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ᠃ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠲᠤᠨᠤᠭ ᠬᠡᠷᠡᠭᠰᠡᠯ ᠢ ᠮᠠᠯᠴᠢᠳ ᠥᠪᠡᠷᠲᠡᠭᠡᠨ ᠬᠢᠴᠢᠬᠡᠳᠡᠭ᠃ | ᠲᠡᠭᠦᠨ ᠤ ᠭᠤᠷᠪᠠ ᠨᠢ ᠲᠡᠮᠦᠷᠯᠢᠭ ᠮᠠᠲ᠋ᠧᠷᠢᠶᠠᠯ᠃ ᠬᠠᠵᠠᠭᠠᠷ ᠤᠨ ᠠᠮᠠᠭᠠᠢ᠂ ᠵᠤᠤᠵᠠᠢ᠂ ᠡᠮᠡᠭᠡᠯ ᠤᠨ ᠲᠦᠷᠦᠭᠡ | ᠵᠢᠴᠢ ᠵᠠᠰᠠᠯ ᠵᠢᠮᠰᠡᠭ ᠤᠳ ᠢ ᠭᠠᠤᠯᠢ᠂ ᠵᠡᠰ᠂ ᠬᠦᠷᠢᠯ᠂ ᠲᠡᠮᠦᠷ᠂ ᠪᠣᠯᠣᠳ᠂ ᠴᠠᠶᠢᠷ᠂ ᠮᠥᠩᠭᠦ᠂ ᠠᠯᠳᠠ ᠪᠠᠷ ᠬᠢᠳᠡᠭ᠃ | ᠲᠡᠷᠡᠴᠢᠯᠡᠨ ᠵᠠᠰᠠᠯ ᠭᠤᠶᠣᠯᠠᠯ ᠤᠨ ᠦᠨᠡᠲᠦ ᠡᠮᠡᠭᠡᠯ ᠢ ᠠᠯᠳᠠ ᠪᠠᠷ᠂ ᠵᠢᠩ ᠲᠠᠢ ᠯᠠᠨ ᠢᠶᠠᠷ᠂ ᠨᠣᠭᠲᠣ ᠶᠢ ᠬᠠᠰ ᠢᠶᠠᠷ᠂ | ᠬᠠᠵᠠᠭᠠᠷ ᠲᠦᠷᠦᠭᠡ ᠶᠢ ᠮᠥᠩᠭᠦ ᠪᠠᠷ ᠬᠢᠳᠡᠭ ᠴᠤ ᠪᠤᠢ᠃ ᠴᠠᠬᠠᠷ ᠱᠠᠩᠳᠤ ᠠᠳᠤᠭᠤᠴᠢᠨ ᠬᠤᠰᠢᠭᠤᠨ ᠤ ᠮᠥᠩᠭᠦᠨ | ᠳᠠᠷᠬᠠᠨ ᠰᠤᠨᠤᠮ ᠤᠨ ᠦᠢᠯᠡᠳᠤᠭᠰᠡᠨ ᠮᠥᠩᠭᠦᠨ ᠡᠳ᠋ᠯᠡᠯ ᠪᠠ ᠮᠥᠩᠭᠦᠨ ᠲᠠᠷᠬᠠ ᠶᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠡᠳᠦᠭᠡ | ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠪᠠᠶᠢᠨᠠ᠃ ᠮᠣᠩᠭᠤᠯᠴᠤᠳ ᠤᠨ ᠡᠮᠡᠭᠡᠯ ᠳᠤ᠂ ᠴᠤᠯᠤ ᠮᠥᠩᠭᠦᠨ ᠡᠮᠡᠭᠡᠯ᠂ ᠭᠠᠤᠯᠢᠨ | ᠡᠮᠡᠭᠡᠯ᠂ ᠵᠢᠩ ᠲᠠᠢ ᠯᠠᠨ ᠡᠮᠡᠭᠡᠯ ᠵᠡᠷᠭᠡ ᠪᠠᠶᠢᠳᠠᠭ᠃ | ᠡᠮᠡᠭᠡᠯᠴᠢ ᠶᠢᠨ ᠨᠡᠷᠡ ᠶᠢᠨ ᠨᠡᠷᠡᠯᠡᠭᠳᠡᠭᠰᠡᠨ ᠰᠠᠮᠪᠤᠤ ᠡᠮᠡᠭᠡᠯ᠂ ᠣᠪᠣᠭ ᠠᠶᠢᠮᠠᠭ ᠤᠨ ᠨᠡᠷᠡ ᠪᠠᠷ ᠨᠡᠷᠡᠯᠡᠭᠳᠡᠭᠰᠡᠨ | ᠳᠠᠷᠬᠠᠳ ᠡᠮᠡᠭᠡᠯ᠂ ᠪᠣᠷᠵᠢᠭᠢᠨ ᠡᠮᠡᠭᠡᠯ᠂ ᠤᠷᠢᠶᠠᠩᠬᠠᠢ ᠡᠮᠡᠭᠡᠯ᠂ ᠪᠤᠷᠢᠶᠠᠳ ᠡᠮᠡᠭᠡᠯ᠂ ᠦᠵᠦᠮᠦᠴᠢᠨ ᠡᠮᠡᠭᠡᠯ᠂ ᠣᠶᠢᠷᠠᠳ | ᠡᠮᠡᠭᠡᠯ ᠭᠡᠵᠦ ᠢᠯᠭᠠᠨᠠ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠪᠦᠲᠦᠴᠡ᠄ ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠣᠳᠣ ᠨᠢ ᠡᠮᠦᠨᠡ ᠬᠤᠶᠢᠲᠤ ᠪᠦᠭᠦᠷᠭᠡ᠂ ᠵᠥᠪ | ᠪᠤᠷᠤᠭᠤ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠳᠠᠪᠴᠢ ᠵᠡᠷᠭᠡ ᠳᠦᠷᠪᠠᠨ ᠬᠡᠰᠡᠭ ᠢᠶᠠᠷ ᠪᠦᠷᠯᠳᠤᠳᠡᠭ᠃ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ | ᠭᠤᠣᠯ ᠤᠨ ᠵᠠᠯᠭᠠᠭᠠᠰᠤ ᠬᠡᠰᠡᠭ ᠢ ᠵᠢᠭᠠᠰᠤ ᠭᠡᠳᠡᠭ᠃ ︵ᠵᠠᠷᠢᠮ ᠭᠠᠵᠠᠷ ᠬᠤᠩᠭᠤ ᠭᠡᠵᠦ ᠨᠡᠷᠡᠯᠡᠳᠡᠭ︶᠃ ᠡᠮᠡᠭᠡᠯ ᠤᠨ | ᠮᠣᠳᠣ ᠶᠢ ᠬᠠᠲᠠᠭᠤ ᠪᠠᠬᠢᠯᠢᠭ᠌ ᠴᠢᠨᠠᠷ ᠲᠠᠢ ᠬᠤᠰᠤ᠂ ᠦᠷᠢᠯ᠂ ᠲᠠᠤᠯᠠᠢ ᠶᠢᠨ ᠪᠥᠭᠡᠷᠡ᠂ ᠠᠭᠠᠷᠤ᠂ ᠽᠠᠨᠳᠠᠨ᠂ ᠰᠤᠮᠤᠨ | ᠮᠣᠳᠣ ᠶᠢ ᠰᠣᠩᠭᠤᠨ ᠬᠡᠷᠡᠭᠯᠡᠳᠡᠭ᠃ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠶᠢ ᠠᠴᠠ ᠮᠣᠳᠣ ᠪᠠᠷ ᠪᠢᠲᠡᠭᠦᠦ ᠬᠢᠨᠡ᠃ ᠬᠠᠳᠠᠪᠴᠢ ᠶᠢ | ᠠᠮᠠᠷᠬᠠᠨ ᠬᠠᠭᠠᠷᠠᠵᠤ ᠴᠤᠴᠠᠷᠠᠬᠤ ᠦᠭᠡᠢ ᠬᠤᠰᠤ ᠮᠣᠳᠣ ᠪᠠᠷ ᠬᠢᠳᠡᠭ᠃ ᠬᠤᠶᠠᠷ ᠬᠠᠳᠠᠪᠴᠢ ᠶᠢᠨ ᠪᠦᠭᠦᠷᠭᠡ ᠲᠠᠢ | ᠨᠡᠶᠢᠯᠡᠬᠦ ᠬᠡᠰᠡᠭ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠨᠢ ᠡᠮᠦᠨᠡ ᠲᠠᠯᠠ ᠳᠠᠭᠠᠨ 10cm ᠣᠷᠴᠢᠮ᠂ ᠠᠷᠤ ᠲᠠᠯᠠ ᠨᠢ 11 | cm ᠣᠷᠴᠢᠮ᠂ ᠪᠦᠭᠦᠷᠭᠡ ᠶᠢᠨ ᠬᠤᠩᠬᠤᠷ ᠤᠨ ᠭᠦᠨ 6 cm᠂ ᠬᠠᠳᠠᠪᠴᠢ ᠶᠢᠨ ᠭᠠᠳᠠᠷ ᠢᠷᠮᠡᠭ ᠤᠨ ᠵᠠᠢ ᠨᠢ | ᠡᠮᠦᠨᠡ ᠲᠠᠯᠠ ᠳᠠᠭᠠᠨ 25cm᠂ ᠠᠷᠤ ᠲᠠᠯᠠ ᠳᠠᠭᠠᠨ 29 cm ᠣᠷᠴᠢᠮ ᠪᠠᠶᠢᠳᠠᠭ᠃ ᠬᠠᠲᠠᠪᠴᠢᠨ ᠤ ᠬᠤᠶᠠᠷ | ᠪᠦᠭᠦᠷᠭᠡ ᠶᠢᠨ ᠳᠤᠮᠳᠠᠬᠢ ᠬᠡᠰᠡᠭ ᠨᠢ ᠵᠤᠵᠠᠭᠠᠨ᠂ ᠬᠤᠶᠠᠷ ᠪᠦᠭᠦᠷᠭᠡ ᠲᠠᠢ ᠵᠠᠯᠭᠠᠬᠤ ᠬᠡᠰᠡᠭ ᠢ ᠨᠢᠮᠭᠡᠨ ᠪᠤᠯᠭᠠᠵᠤ᠂ | ᠱᠠᠭᠠᠨᠳᠠᠭ ᠢᠶᠠᠷ ᠬᠠᠳᠠᠨ ᠲᠣᠭᠲᠠᠭᠠᠵᠤ ᠪᠤᠯᠢᠭᠠᠷᠢ ᠪᠠᠷ ᠴᠠᠪᠠᠤᠳᠠᠨ ᠬᠤᠯᠳᠠᠨᠠ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠮᠣᠳᠣ ᠶᠢ ᠡᠶᠢᠨ ᠬᠦ᠋ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ᠂ ᠲᠡᠭᠦᠨ ᠤ ᠳᠡᠭᠡᠷᠡ | ᠭᠠᠨᠵᠤᠭᠠ ᠲᠠᠲᠠᠬᠤ ᠨᠦᠬᠡ ᠶᠢ ᠡᠮᠦᠨᠡ ᠬᠤᠶᠢᠨᠠ ᠳᠤᠰᠪᠤᠷᠢ ᠴᠤᠭᠤᠯᠵᠤ᠂ ᠠᠷᠪᠠ᠂ ᠠᠷᠪᠠᠨ ᠨᠠᠢᠮᠠᠨ ᠭᠠᠨᠵᠤᠭᠠ ᠶᠢ | ᠰᠤᠷ ᠢᠶᠠᠷ ᠬᠢᠵᠦ ᠡᠮᠦᠨᠡ ᠳᠥᠷᠪᠡ᠂ ᠬᠤᠶᠢᠨᠠ ᠵᠢᠷᠭᠤᠭᠠ ᠪᠤᠶᠤ ᠡᠮᠦᠨᠡ ᠨᠠᠢᠮᠠ᠂ ᠬᠤᠶᠢᠨᠠ ᠠᠷᠪᠠ ᠲᠠᠭᠠᠷᠠᠭᠤᠯᠵᠤ | ᠲᠠᠲᠠᠳᠠᠭ᠃ ᠭᠠᠨᠵᠤᠭᠠ ᠶᠢ ᠵᠢᠭᠳᠡ ᠰᠢᠭ ᠬᠢᠪᠡᠯ ᠡᠮᠡᠭᠡᠯ ᠤᠨ ᠥᠩᠭᠡ ᠦᠵᠡᠮᠵᠢ ᠶᠢ ᠭᠤᠶᠤ ᠪᠤᠯᠭᠠᠬᠤ ᠶᠢᠨ ᠬᠠᠮᠲᠤ | ᠤᠯᠠᠨ ᠬᠡᠷᠡᠭᠴᠡᠭᠡᠨ ᠳᠤ ᠪᠠᠬᠢᠯᠢᠭ᠌ ᠪᠠᠶᠢᠳᠠᠭ᠃ | ᠵᠥᠪ ᠲᠠᠯᠠ ᠶᠢᠨ ᠡᠮᠦᠨᠡ ᠭᠠᠨᠵᠤᠭᠠ ᠠᠴᠠ ᠲᠠᠰᠢᠭᠤᠷ᠂ ᠵᠢᠯᠣᠭᠤ ᠪᠠᠨ ᠤᠶᠠᠬᠤ᠂ ᠠᠷᠤ ᠬᠤᠶᠠᠷ | ᠭᠠᠨᠵᠤᠭᠠ ᠪᠠᠷ ᠠᠴᠢᠶᠠ ᠰᠠᠪᠠ᠂ ᠳ᠋ᠠᠯᠢᠶᠠᠷ ᠳᠠᠷᠤᠭᠤᠯᠬᠤ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠠᠷᠤ ᠭᠠᠨᠵᠤᠭᠠᠨ ᠠᠴᠠ ᠴᠢᠳᠦᠷ ᠤᠨ | ᠲᠠᠲᠠᠭᠠᠰᠤ᠂ ᠳᠡᠭᠡᠰᠦ ᠨᠣᠭᠲᠣ ᠵᠡᠷᠭᠡ ᠶᠢ ᠤᠶᠠᠬᠤ ᠵᠡᠷᠭᠡ ᠪᠠᠷ ᠬᠡᠷᠡᠭᠯᠡᠨᠡ᠃ ᠡᠮᠨᠢᠭ ᠰᠤᠷᠭᠠᠬᠤ ᠳᠤ ᠴᠤ ᠭᠠᠨᠵᠤᠭᠠ | ᠣᠨᠴᠠ ᠶᠢᠨ ᠶᠡᠭᠡ ᠲᠤᠰᠠᠲᠠᠢ᠃ | ᠬᠠᠲᠠᠪᠴᠢᠨ ᠤ ᠭᠠᠳᠠᠷ ᠢᠷᠮᠡᠭ ᠠᠴᠠ ᠳᠣᠲᠣᠭᠰᠢ 3 cm ᠤᠨ ᠣᠷᠴᠢᠮ ᠤᠷᠳᠤ ᠳᠥᠷᠪᠡᠯᠵᠢᠨ ᠨᠦᠬᠡ | ᠭᠠᠷᠭᠠᠵᠤ᠂ ᠲᠡᠭᠦᠨ ᠠᠴᠠ ᠳᠥᠷᠥᠭᠡᠨ ᠰᠤᠷ ᠬᠤᠯᠪᠣᠵᠤ᠂ ᠲᠦᠷᠦᠭᠡ ᠪᠠᠨ ᠳᠡᠭᠦᠵᠢᠯᠡᠨᠡ᠃ ᠪᠦᠭᠦᠷᠭᠡ ᠶᠢᠨ ᠳᠣᠲᠣᠷ | ᠲᠠᠯᠠ ᠳᠤ ᠳᠣᠣᠷᠠᠳᠤ ᠦᠵᠦᠭᠦᠷ ᠠᠴᠠ ᠳᠡᠭᠡᠭᠰᠢ 3.5cm ᠤᠨ ᠣᠷᠴᠢᠮ ᠡᠮᠦᠨᠡ ᠬᠤᠶᠢᠨᠠ ᠪᠦᠭᠦᠷᠭᠡ ᠳᠤᠰᠪᠤᠷᠢ | ᠶᠢᠨ ᠬᠤᠶᠠᠷ ᠲᠠᠯᠠ ᠳᠤ ᠨᠢᠭᠡ ᠨᠦᠬᠡ ᠭᠠᠷᠭᠠᠵᠤ᠂ ᠣᠯᠣᠩ ᠵᠢᠷᠢᠮ ᠤᠨ ᠤᠭᠰᠠᠭᠠ ︵ᠪᠠᠰᠠ ᠤᠭᠴᠤᠷᠭᠠ ᠭᠡᠵᠦ | ᠨᠡᠷᠡᠯᠡᠳᠡᠭ︶ ᠲᠠᠲᠠᠨᠠ᠃ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠤᠨ ᠭᠤᠣᠯ ᠲᠥᠪ ᠲᠤ ᠳᠥᠷᠪᠡᠯᠵᠢᠨ ᠳᠦᠷᠰᠦ ᠪᠦᠬᠦᠢ ᠳᠦᠷᠪᠠᠨ | ᠨᠦᠬᠡ ᠴᠤᠭᠤᠯᠵᠤ ᠳᠠᠷᠤᠯᠭᠠ ᠲᠠᠲᠠᠬᠤ ᠳᠤ ᠬᠡᠷᠡᠭᠯᠡᠨᠡ᠃ ᠳᠠᠷᠤᠯᠭᠠ ᠪᠠᠭᠠᠪᠤᠷ᠄ ᠡᠮᠡᠭᠡᠯ ᠤᠨ ᠰᠠᠭᠤᠳᠠᠯ ᠳᠤ | ᠳᠡᠪᠰᠡ ᠶᠢ ᠳᠠᠷᠤᠭᠤᠯᠵᠤ ᠬᠢᠬᠦ ᠳᠠᠪᠠᠭ ᠢ ᠳᠠᠷᠤᠯᠭᠠ ᠭᠡᠨᠡ᠃ ᠳᠠᠷᠤᠯᠭᠠ ᠶᠢ ᠮᠥᠩᠭᠦ᠂ ᠭᠠᠤᠯᠢ᠂ ᠵᠢᠩ ᠲᠠᠢ ᠯᠠᠨ | ᠪᠤᠶᠤ ᠴᠠᠶᠢᠷ ᠢᠶᠠᠷ ᠴᠢᠳᠬᠤᠨ ᠬᠢᠳᠡᠭ᠃ ᠡᠷᠪᠡᠬᠡᠢ᠂ ᠪᠠᠳᠮᠠ ᠯᠢᠩᠬᠤᠸᠠ ᠴᠡᠴᠡᠭ᠂ ᠪᠠᠭᠪᠠᠭ᠋ᠠᠢ ᠵᠡᠷᠭᠡ ᠬᠡ ᠤᠷᠠᠯᠠᠯ ᠲᠠᠢ᠃ | ᠬᠠᠮᠤᠭ ᠡᠩ ᠤᠨ ᠳᠠᠷᠤᠯᠭᠠ ᠴᠣ᠋ ᠭᠡᠳ ᠮᠥᠩᠭᠦᠨ ᠵᠣᠭᠤᠰ ᠮᠡᠲᠦ ᠲᠣᠭᠤᠷᠢᠭ ᠬᠢᠴᠡ ᠲᠠᠢ ᠪᠠᠶᠢᠳᠠᠭ᠃ | ᠡᠮᠡᠭᠡᠯ ᠤᠨ ᠬᠠᠲᠠᠪᠴᠢᠨ ᠤ ᠬᠤᠶᠢᠲᠤ ᠬᠡᠰᠡᠭ ᠲᠤ ᠭᠠᠨᠵᠤᠭᠠ ᠬᠤᠳᠠᠷᠭᠠᠨ ᠤ ᠤᠭ ᠲᠤ ᠬᠠᠳᠬᠤᠬᠤ ᠭᠤᠶᠤ | ᠬᠢᠴᠡ ᠲᠠᠢ ᠴᠢᠮᠡᠭ ᠢ ᠪᠠᠭᠠᠪᠤᠷ ᠭᠡᠳᠡᠭ᠃ ᠪᠠᠭᠠᠪᠤᠷ ᠢ ᠮᠥᠩᠭᠦ᠂ ᠭᠠᠤᠯᠢ᠂ ᠲᠡᠮᠦᠷ᠂ ᠴᠠᠶᠢᠷ ᠢᠶᠠᠷ ᠤᠷᠠᠯᠠᠳᠠᠭ᠃ | ᠳᠠᠷᠬᠠᠨ ᠡᠮᠡᠭᠡᠯ ᠤᠨ ᠮᠣᠳᠣ ᠶᠢ ᠤᠯᠠᠭᠠᠨ ᠰᠢᠷᠭᠠᠯ ᠥᠩᠭᠡ ᠪᠠᠷ ᠰᠢᠷᠳᠡᠳᠡᠭ ᠨᠢ ᠤᠯᠠᠨ᠃ ᠮᠢᠩᠭᠠ ᠶᠢᠰᠦᠨ | ᠵᠠᠭᠤ ᠳᠠᠪᠢᠭᠠᠳ ᠣᠨ ᠤ ᠦᠶᠡᠰ ᠢᠶᠠᠷ ᠡᠬᠢᠯᠡᠵᠦ ᠳᠠᠷᠬᠠᠨ ᠨᠤᠲᠤᠭ ᠲᠤ ᠮᠠᠶᠤᠤᠵᠠ ᠬᠡᠷᠡᠭᠯᠡᠬᠦ ᠪᠤᠯᠵᠤᠥ᠂ ᠲᠡᠭᠦᠨ | ᠠᠴᠠ ᠡᠮᠦᠨᠡ ᠴᠡᠮᠪᠡᠨ ᠳᠡᠪᠰᠡ ᠭᠡᠵᠦ ᠬᠡᠷᠡᠭᠯᠡᠳᠡᠭ᠃ ᠴᠡᠮᠪᠡᠨ ᠳᠡᠪᠰᠡ ᠭᠡᠵᠦ ᠠᠷᠠᠰᠤᠨ ᠬᠤᠯᠳᠠᠭᠠᠰᠤ ᠶᠢᠨ ᠳᠡᠭᠡᠷᠡ | ᠢᠰᠡᠭᠡᠢ ᠶᠢ ᠨᠢᠮᠭᠡᠯᠡᠵᠦ ᠴᠡᠮᠪᠡᠨ ᠲᠣᠷᠭᠠ ᠪᠠᠷ ᠥᠩᠭᠡᠯᠡᠭᠡᠳ ᠬᠢᠷᠠ ᠶᠢᠨ ᠳᠣᠲᠣᠷ ᠢᠷᠮᠡᠭ ᠲᠠᠢ ᠵᠡᠷᠭᠡᠴᠡᠭᠦᠯᠦᠨ | ᠪᠠᠶᠢᠵᠤ ᠪᠦᠷᠢᠨ ᠨᠠᠭᠠᠵᠤ ᠳᠠᠷᠤᠯᠭᠠ ᠪᠠᠷ ᠳᠠᠷᠤᠬᠤ ᠶᠢ ᠬᠡᠯᠡᠨᠡ᠃ ᠮᠠᠶᠤᠤᠵᠠ ᠶᠢ ᠪᠠᠰᠠ ᠣᠯᠣᠩᠴᠤᠭ ᠮᠠᠶᠤᠤᠵᠠ | ᠭᠡᠳᠡᠭ᠃ ᠮᠠᠶᠤᠤᠵᠠ ᠬᠢᠭᠰᠡᠨ ᠡᠮᠡᠭᠡᠯ ᠳᠤ ᠬᠥᠮᠥᠨ ᠰᠠᠭᠤᠬᠤ ᠳᠤ ᠨᠤᠬᠤᠬᠤ ᠦᠭᠡᠢ᠂ ᠬᠤᠯᠭᠤᠬᠤ ᠦᠭᠡᠢ ᠵᠥᠭᠡᠯᠡᠨ | ᠪᠠᠶᠢᠳᠠᠭ ᠣᠨᠴᠠᠯᠢᠭ ᠲᠠᠢ᠃ | ᠵᠢᠷᠠᠭᠠᠳ ᠣᠨ ᠠᠴᠠ ᠡᠬᠢᠯᠡᠵᠦ ᠬᠠᠶᠢᠷᠴᠠᠭ ᠤᠭᠠᠯᠵᠠ ᠲᠠᠢ᠂ ᠳᠤᠭᠤᠢ ᠭᠠᠨᠵᠤᠭᠠᠨ ᠰᠦᠪᠡᠭᠴᠢ ᠬᠡᠷᠡᠭᠯᠡᠬᠦ | ᠪᠣᠯᠵᠤ᠂ ᠱᠠᠩᠺᠸᠤ ᠭᠥᠯᠢᠮ ᠲᠠᠭᠠᠷᠠᠭᠤᠯᠵᠤ ᠡᠳ᠋ᠯᠡᠳᠡᠭ ᠪᠠᠶᠢᠭᠰᠠᠨ᠃ | ᠬᠢᠷᠠ ᠶᠢ ᠮᠥᠩᠭᠦ᠂ ᠭᠠᠤᠯᠢ᠂ ᠴᠠᠶᠢᠷ ᠵᠡᠷᠭᠡ ᠲᠡᠮᠦᠷᠯᠢᠭ ᠢᠶᠠᠷ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠶᠢᠨ ᠢᠷᠮᠡᠭ ᠢ ᠳᠠᠷᠤᠭᠤᠯᠵᠤ | ᠬᠢᠪᠡᠯ ᠪᠦᠬᠡ ᠪᠤᠯᠬᠤ ᠮᠥᠷᠲᠡᠭᠡᠨ ᠶᠠᠩᠵᠤᠯᠢᠭ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠡᠮᠡᠭᠡᠨ ᠶᠠᠰᠤ ᠪᠠᠷ ᠴᠤ ᠬᠢᠷᠠ ᠬᠢᠵᠦ᠂ | ᠠᠯᠤᠬᠠ ᠬᠡ᠂ ᠤᠭᠠᠯᠵᠠ ᠬᠡ ᠵᠡᠷᠭᠡ ᠶᠢ ᠰᠡᠶᠢᠯᠵᠤ ᠤᠷᠠᠯᠠᠳᠠᠭ᠃ | ᠭ᠊ᠥ᠋ᠯᠢᠮ ᠪᠣᠯ ᠳᠥᠷᠥᠭᠡᠨ ᠰᠤᠷ ᠮᠣᠷᠢᠨ ᠤ ᠭᠡᠳᠡᠰᠦ ᠶᠢ ᠬᠤᠯᠭᠤᠬᠤ ᠪᠤᠶᠤ ᠮᠣᠷᠢᠨ ᠤ ᠬᠥᠯᠥᠰᠦᠨ ᠳᠤ | ᠬᠤᠪᠴᠠᠰᠤ ᠬᠤᠬᠢᠷᠳᠤᠬᠤ ᠵᠡᠷᠭᠡ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠤᠯᠠᠳᠠ ᠬᠢᠭᠰᠡᠨ ᠡᠮᠡᠭᠡᠯ ᠤᠨ ᠬᠡᠷᠡᠭᠰᠡᠯ᠃ ᠭᠥᠯᠢᠮ ᠢ | ᠲᠣᠬᠤᠮ ᠤᠨ ᠳᠡᠭᠡᠷᠡ᠂ ᠡᠮᠡᠭᠡᠯ ᠤᠨ ᠮᠣᠳᠣᠨ ᠤ ᠳᠣᠣᠷᠠ ᠲᠠᠭᠠᠷᠠᠭᠤᠯᠳᠠᠭ᠃ ᠠᠷᠠᠰᠤ᠂ ᠰᠢᠷᠢ᠂ ᠪᠤᠯᠢᠭᠠᠷᠢ᠂ ᠬᠡᠪᠢᠰ | ᠵᠡᠷᠭᠡ ᠪᠠᠷ ᠬᠢᠳᠡᠭ᠃ ᠡᠳ᠋ᠯᠡᠭᠡᠨ ᠤ ᠬᠤᠪᠢ ᠳᠤ ᠰᠢᠷᠢ᠂ ᠪᠤᠯᠢᠭᠠᠷᠢ ᠭᠥᠯᠢᠮ ᠪᠦᠬᠡ ᠪᠠᠶᠢᠳᠠᠭ᠃ | ᠲᠣᠬᠤᠮ ᠢ ᠨᠢ ᠭᠤᠣᠯᠳᠠᠭᠤ ᠵᠤᠵᠠᠭᠠᠨ ᠢᠰᠡᠭᠡᠢ ᠪᠠᠷ ᠬᠢᠵᠦ᠂ ᠮᠣᠷᠢᠨ ᠳᠤ ᠡᠮᠡᠭᠡᠯ ᠳᠤᠬᠤᠬᠤ ᠳᠤ ᠬᠠᠳᠠᠪᠴᠢ | ᠮᠣᠳᠣ ᠨᠢ ᠮᠣᠷᠢᠨ ᠨᠢᠷᠤᠭᠤ ᠶᠢ ᠬᠤᠯᠭᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠪᠤᠦᠤ ᠮᠣᠷᠢᠨ ᠨᠢᠷᠤᠭᠤᠨ ᠤ ᠬᠥᠯᠥᠰᠦ ᠶᠢ ᠰᠢᠩᠭᠡᠬᠦ | ᠳᠤ ᠵᠣᠷᠢᠭᠤᠯᠤᠨᠠ᠃ ᠲᠣᠬᠤᠮ ᠢ ᠬᠢᠬᠦ ᠳᠡᠭᠡᠨ ᠡᠮᠦᠨᠡ ᠢᠷᠮᠡᠭ ᠢ ᠬᠤᠶᠢᠲᠤ ᠢᠷᠮᠡᠭ ᠠᠴᠠ ᠪᠠᠨ ᠪᠠᠭᠠ ᠵᠤᠵᠠᠭᠠᠨ | ᠪᠠᠶᠢᠯᠭᠠᠵᠤ᠂ ᠡᠮᠡᠭᠡᠯ ᠤᠨ ᠮᠣᠷᠢᠨ ᠨᠢᠷᠤᠭᠤᠨ ᠳᠠᠬᠢ ᠲᠣᠭᠲᠠᠪᠤᠷᠢ ᠶᠢ ᠪᠠᠲᠤ ᠪᠠᠶᠢᠯᠭᠠᠳᠠᠭ᠃ | ᠬᠠᠷᠠᠪᠴᠢ ᠪᠣᠯ ᠬᠥᠯ ᠬᠤᠯᠭᠤᠬᠤ ᠠᠴᠠ ᠰᠡᠷᠭᠡᠶᠢᠯᠡᠨ ᠳᠥᠷᠥᠭᠡᠨ ᠰᠤᠷ ᠢ ᠳᠠᠷᠤᠬᠤ ᠳᠤ ᠪᠡᠯᠡᠳᠬᠡᠭᠰᠡᠨ ᠵᠦᠢᠯ᠃ | ᠴᠠᠬᠠᠷᠴᠤᠳ ᠬᠠᠪᠴᠢᠭ ᠭᠡᠨᠡ᠂ ᠪᠠᠰᠠ ᠳᠡᠪᠢᠰᠬᠡᠷ ᠭᠡᠨᠡ᠃ ᠭᠥᠯᠢᠮ ᠲᠠᠢ ᠠᠳᠠᠯᠢ ᠬᠡᠪᠢᠰ᠂ ᠪᠤᠯᠢᠭᠠᠷᠢ᠂ ᠰᠢᠷᠢ ᠪᠠᠷ | ᠬᠢᠳᠡᠭ᠃ | ᠣᠯᠣᠩ ᠢ ᠠᠳᠤᠭᠤᠨ ᠤ ᠬᠥᠭᠡᠪᠤᠷ᠂ ᠲᠡᠮᠡᠭᠡᠨ ᠨᠣᠣᠰᠣ ᠪᠠᠷ ᠲᠣᠮᠣᠵᠤ᠂ ᠲᠡᠭᠦᠨ ᠢᠶᠠᠨ ᠳᠥᠷᠪᠡ ᠪᠤᠶᠤ | ᠵᠢᠷᠭᠤᠭᠠ ᠪᠠᠷ ᠡᠩᠨᠡᠭᠦᠯᠦᠨ ᠰᠢᠷᠠᠵᠤ ᠬᠢᠨᠡ᠃ ᠰᠠᠶᠢᠨ ᠰᠤᠷ ᠢ ᠵᠦᠰᠦᠵᠦ ᠰᠦᠯᠵᠢᠨ ᠬᠢᠭᠰᠡᠨ ᠣᠯᠣᠩ ᠢ ᠰᠢᠷᠢᠮᠡᠯ | ᠣᠯᠣᠩ᠃ ︵ᠥᠪᠥᠷ ᠮᠣᠩᠭᠤᠯᠴᠤᠳ ᠰᠤᠷ ᠣᠯᠣᠩ ᠬᠡᠳᠡᠭ︶᠃ ᠣᠯᠣᠩ ᠢ ᠮᠣᠷᠢᠨ ᠤ ᠪᠤᠷᠤᠭᠤ ᠲᠠᠯᠠ ᠶᠢᠨ ᠡᠮᠡᠭᠡᠯ ᠤᠨ | ᠡᠮᠦᠨᠡ ᠬᠤᠶᠢᠲᠤ ᠤᠭᠰᠠᠭᠠ ᠠᠴᠠ ᠲᠤᠰᠪᠤᠷᠢ ᠨᠢᠭᠡ ᠵᠠᠩᠭᠢᠳᠴᠤ᠂ ᠮᠣᠷᠢᠨ ᠴᠡᠭᠡᠵᠢ ᠪᠠ ᠴᠠᠪᠢ ᠶᠢᠨ ᠡᠮᠦᠨᠡᠭᠦᠷ | ᠲᠠᠲᠠᠵᠤ᠂ ᠵᠥᠪ ᠲᠠᠯᠠ ᠶᠢᠨ ᠬᠤᠶᠠᠷ ᠵᠢᠷᠢᠮ ᠢ ᠣᠯᠣᠩ ᠤᠨ ᠠᠷᠠᠯ ᠳᠤ ᠰᠢᠷᠭᠤᠭᠤᠯᠵᠤ ᠲᠠᠲᠠᠵᠤ ᠴᠢᠩᠭᠠᠯᠠᠨᠠ᠃ | ᠵᠢᠷᠢᠮ ᠢ ᠨᠠᠷᠢᠮ ᠰᠤᠷ ᠢᠶᠠᠷ ᠳᠥᠷᠪᠡᠯᠵᠢᠯᠡᠨ ᠡᠬᠢᠯᠡᠵᠦ᠂ ᠵᠥᠪ ᠲᠠᠯᠠ ᠶᠢᠨ ᠡᠮᠦᠨᠡ ᠬᠤᠶᠢᠨᠠ ᠤᠭᠰᠠᠭᠠ ᠠᠴᠠ | ᠳᠤᠰᠪᠤᠷᠢ ᠨᠢᠭᠡ ᠵᠠᠩᠭᠢᠳᠴᠤ᠂ ᠲᠡᠭᠦᠨ ᠤ ᠳᠡᠭᠡᠭᠦᠷ ᠬᠠᠷᠠᠪᠴᠢ ᠪᠠᠷ ᠳᠠᠷᠤᠨᠠ᠃ | ᠮᠣᠩᠭᠤᠯᠴᠤᠳ ᠤᠨ ᠲᠦᠷᠦᠭᠡ ᠶᠢ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡ᠂ ᠨᠠᠶᠢᠷ ᠨᠠᠭᠠᠳᠤᠮ ᠳᠤ ᠬᠡᠷᠡᠭᠯᠡᠬᠦ | ᠲᠦᠷᠦᠭᠡ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠡᠩ ᠤᠨ ᠬᠡᠷᠡᠭᠴᠡᠭᠡᠨ ᠤ ᠲᠦᠷᠦᠭᠡ ᠳᠤ ᠡᠷᠲᠡᠨ ᠤ ᠣᠪᠣᠭ ᠠᠶᠢᠮᠠᠭ ᠤᠨ | ᠬᠢᠭᠰᠡᠨ ᠪᠦᠳᠦᠭᠦᠯᠢᠭ ᠳᠡᠭᠡᠰᠦᠨ ᠲᠦᠷᠦᠭᠡ᠂ ᠮᠣᠳᠣᠨ ᠲᠦᠷᠦᠭᠡ᠂ ᠶᠠᠰᠤ᠂ ᠡᠪᠡᠷ ᠲᠦᠷᠦᠭᠡ ᠪᠠᠶᠢᠳᠠᠭ ᠠᠴᠠ ᠡᠩ ᠤᠨ | ᠲᠡᠮᠦᠷ ᠲᠦᠷᠦᠭᠡ᠂ ᠭᠠᠤᠯᠢᠨ ᠲᠦᠷᠦᠭᠡ᠂ ᠰᠠᠪᠬᠠ ᠲᠡᠮᠦᠷ ᠢᠶᠠᠷ ᠬᠢᠭᠰᠡᠨ ᠬᠠᠪᠢᠷᠭᠠᠨ ᠲᠦᠷᠦᠭᠡ ᠶᠢ ᠭᠤᠣᠯ | ᠤᠷᠤᠯᠳᠤᠭᠠᠨ ᠳᠤ ᠬᠡᠷᠡᠭᠯᠡᠳᠡᠭ᠃ | ᠲᠦᠷᠦᠭᠡ᠄ ᠰᠡᠨᠵᠢ ︵ᠰᠤᠷ ᠤᠨ ᠰᠦᠪᠡ︶᠂ ᠬᠠᠪᠢᠷᠭᠠ ︵ᠴᠠᠭᠠᠷᠢᠭ︶᠂ ᠳᠥᠷᠥᠭᠡᠨ ᠲᠣᠯᠢ ︵ᠲᠠᠪᠠᠭ︶᠂ ᠳᠥᠷᠥᠭᠡᠨ ᠤ | ᠵᠠᠭᠠ ︵ᠳᠡᠭᠡᠳᠦ ᠤᠭᠠᠯᠵᠠ︶ ᠠᠴᠠ ᠪᠦᠷᠢᠯᠳᠦᠳᠡᠭ᠃ ᠲᠦᠷᠦᠭᠡ ᠶᠢ ᠳᠥᠷᠥᠭᠡᠨ ᠰᠤᠷ ᠲᠤ ᠡᠯᠭᠦᠵᠦ᠂ ᠤᠨᠤᠭᠠᠴᠢ | ᠥᠪᠡᠷ ᠤᠨ ᠨᠢᠷᠤᠭᠤ᠂ ᠬᠥᠯ ᠤᠨ ᠡᠪ ᠢᠶᠠᠷ ᠲᠡᠩᠴᠡᠭᠦᠯᠦᠨ ᠤᠷᠳᠤ ᠶᠢ ᠲᠣᠭᠲᠠᠭᠠᠳᠠᠭ᠃ |