| ᠪᠢ ᠡᠨᠡ ᠨᠤᠲᠤᠭ ᠢ ᠵᠣᠷᠢᠨ ᠢᠷᠡᠬᠦ ᠳᠤ ᠨᠠᠮᠤᠷ ᠤᠨ ᠰᠡᠬᠦᠯ ᠰᠠᠷᠠ ᠪᠣᠯᠵᠤ ᠪᠠᠶᠢᠯᠠ᠃ ᠲᠡᠷᠭᠡᠨ ᠴᠣᠩᠬᠤ ᠪᠠᠷ | ᠭᠠᠳᠠᠭᠰᠢ ᠬᠠᠷᠠᠬᠤ ᠳᠤ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠤᠨ ᠰᠢᠪᠠᠭᠤᠳ ᠪᠣᠯᠪᠠᠤ︖ ᠮᠣᠳᠣᠲᠤ ᠬᠤᠸᠠ ᠶᠢᠨ ᠣᠷᠣᠢ ᠪᠠᠷ | ᠳᠡᠪᠳᠡᠷᠢᠨ ᠨᠢᠰᠦᠭᠰᠡᠨ ᠤᠯᠠᠨ ᠰᠢᠪᠠᠭᠤᠳ ᠣᠭᠲᠠᠷᠭᠤᠢ ᠶᠢᠨ ᠴᠡᠭᠡᠯ ᠢᠶᠠᠷ ᠵᠡᠯᠡᠯᠡᠨ ᠠᠯᠤᠰ ᠢ ᠴᠢᠭᠯᠡᠬᠦ ᠨᠢ ᠳᠠᠩᠴᠤ | ᠤᠶᠠᠷᠠᠯᠲᠠᠢ ᠰᠠᠨᠠᠭᠳᠠᠵᠤ ᠰᠡᠳᠬᠢᠯ ᠰᠣᠨᠢᠬᠠᠨ ᠭᠤᠨᠢᠭᠯᠠᠪᠠ᠃ ᠤᠬᠢᠯᠠᠮᠠᠷ ᠪᠣᠯᠤᠭᠰᠠᠨ ᠪᠣᠯᠬᠤᠷ ᠬᠤᠷᠳᠤᠬᠠᠨ ᠥᠭᠡᠷᠡ | ᠲᠠᠰᠢ ᠪᠠᠨ ᠬᠠᠷᠠᠯᠠ᠃ ᠭᠡᠲᠡᠯᠡ ᠬᠠᠷᠠᠭᠰᠠᠨ ᠵᠦᠭ ᠲᠤ ᠮᠠᠨᠢ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠲᠠᠷᠡᠳᠬᠡᠨ ᠳᠣᠣᠷᠠ ᠡᠵᠡᠭᠦᠶᠢᠷᠡᠨ | ᠴᠡᠩᠬᠡᠷᠯᠡᠵᠦ ᠰᠢᠪᠠᠭᠤᠳ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠮᠡᠯᠡᠷᠡᠨ ᠮᠡᠯᠮᠡᠷᠡᠬᠦ ᠰᠢᠭ ᠦᠵᠡᠭᠳᠡᠯᠡ᠃ ᠨᠢᠯᠪᠤᠰᠤ ᠥᠪᠡᠷ ᠤᠨ | ᠡᠷᠬᠡ ᠦᠭᠡᠢ ᠁ ᠨᠥᠬᠦᠷ ᠮᠠᠨᠢ ᠲᠡᠷᠭᠡ ᠪᠠᠨ ᠵᠣᠭᠰᠣᠭᠠᠵᠤ ᠨᠢᠭᠡ ᠭᠤᠳᠣᠯᠢ ᠲᠠᠮᠠᠬᠢ ᠠᠰᠠᠭᠠᠨ ᠬᠦᠴᠦᠲᠡᠢ | ᠬᠦᠴᠦᠲᠡᠢ ᠰᠤᠷᠤᠭᠰᠠᠭᠠᠷ ᠨᠠᠰᠢ ᠴᠠᠰᠢ ᠠᠯᠬᠤᠨᠠ᠂ ᠲᠠᠬᠢᠨ ᠲᠡᠷᠭᠡᠨ ᠳᠣᠲᠣᠷᠠ ᠪᠠᠨ ᠣᠷᠣᠵᠤ ᠰᠠᠭᠤᠭᠰᠠᠨ ᠢᠶᠠᠨ | ︽ᠪᠤᠴᠠᠨᠠ ᠤᠤ︖︾ ᠭᠡᠯᠡ᠃ | ᠵᠢᠭᠠᠰᠤᠲᠠᠢ ᠨᠠᠭᠤᠷ ᠪᠢᠳᠠ ᠬᠤᠶᠠᠷ ᠭᠠᠭᠴᠠᠭᠠᠷᠳᠠᠯ ᠪᠠ ᠡᠯᠦᠢ ᠬᠤᠯᠤᠢ ᠶᠢᠨ ᠳᠤᠮᠳᠠ ᠤᠶᠠᠰᠤᠨ ᠵᠣᠭᠰᠣᠨᠠ᠃ | ᠤᠯᠠᠨ ᠰᠠᠶᠢᠬᠠᠨ ᠬᠡᠦᠬᠡᠳ ᠲᠦᠷᠦᠬᠦᠯᠦᠭᠰᠡᠨ ᠡᠵᠢ ᠮᠢᠨᠢ ᠬᠥᠭᠡᠷᠦᠬᠦᠢ ᠦᠰᠦᠨ ᠳᠡᠭᠡᠨ ᠳᠠᠷᠤᠭᠳᠠᠭᠰᠠᠨ ᠬᠥᠭᠰᠢᠨ | ᠪᠣᠯᠴᠢᠬᠠᠵᠠᠢ᠃ ᠣᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠤᠬᠢᠯᠠᠬᠤ ᠴᠤ ᠰᠢᠭ᠋ ᠳᠠᠭᠤᠯᠠᠬᠤ ᠴᠦ ᠰᠢᠭ᠋ ᠭᠠᠩᠰᠠᠷᠠᠭᠠᠳ | ᠭᠡᠷ ᠠᠴᠠ ᠪᠠᠨ ᠭᠠᠷᠤᠭᠰᠠᠭᠠᠷ ︽ᠶᠠᠪᠤᠶᠠ ᠪᠥᠭᠡᠷᠡ︕ ᠶᠠᠪᠤᠶᠠ ᠳ᠋ᠠ︕︾ ᠭᠡᠳ ᠲᠠᠶᠠᠭ ᠢᠶᠠᠨ ᠲᠤᠯᠤᠨ ᠵᠦᠭ ᠴᠢᠭ | ᠦᠭᠡᠢ ᠮᠠᠶᠢᠵᠢᠭᠴᠢᠬᠠᠨᠠ᠃ ︽ᠭᠡᠷ ᠲᠡᠭᠡᠨ ᠪᠠᠶᠢᠵᠤ ᠪᠠᠶᠢᠭᠠᠳ ᠬᠠᠮᠢᠭᠠ ᠶᠠᠪᠤᠬᠤ ᠶᠤᠮ ᠪᠤᠢ ᠡᠵᠢ ᠠ᠋︕︾ | ᠭᠡᠬᠦ ᠪᠠᠷ ᠮᠥᠨ ᠯᠡ ︽ᠶᠠᠪᠤᠶᠠ ᠪᠥᠭᠡᠷᠡ ᠠ᠋᠂ ᠶᠠᠪᠤᠶᠠ︕︾ ᠭᠡᠰᠡᠨ ᠦᠭᠡ ᠪᠠᠨ ᠨᠤᠷᠱᠤᠭᠠᠳ ᠨᠡᠩ ᠢᠯᠡᠭᠦᠦ | ᠤᠬᠢᠯᠠᠵᠤ ᠳᠠᠭᠤᠯᠠᠬᠤ ᠶᠢᠨ ᠬᠤᠭᠤᠷᠣᠨᠳᠤ ᠭᠠᠩᠰᠠᠷᠠᠨᠠ᠃ ᠬᠡᠷᠡᠯ ᠨᠢ ᠬᠠᠷᠢᠭᠰᠠᠨ ᠨᠢᠳᠦ ᠨᠢ ᠴᠢᠬᠢᠭᠳᠡᠨ ᠪᠠᠶᠢᠳᠠᠭ ᠳ᠋ᠠ᠃ | | - ᠡᠵᠢ ᠮᠢᠨᠢ ᠬᠠᠮᠢᠭᠠ ᠶᠠᠪᠤᠬᠤ ᠭᠡᠳ ᠪᠠᠶᠢᠳᠠᠭ ᠶᠤᠮ ᠪᠣᠯ ᠳ᠋ᠠ︕ ᠡᠯᠦᠨᠴᠡ ᠬᠤᠯᠤᠨᠴᠠ ᠪᠤᠯᠳᠠᠯᠠ ᠡᠨᠡ | ᠨᠤᠲᠤᠭ᠂ ᠡᠨᠡ ᠭᠡᠷ ᠲᠤ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠭᠰᠡᠨ ᠬᠥᠮᠥᠨ ᠳ᠋ᠠ᠃ ᠶᠡᠷᠦᠨᠢ ᠬᠠᠮᠢᠭᠠ ᠶᠠᠪᠤᠬᠤ ᠭᠡᠳ ᠪᠠᠶᠢᠳᠠᠭ ᠪᠣᠯ︖ | - ᠢᠯᠡᠢ ᠬᠥᠭᠡᠷᠦᠬᠦᠢ︕ ᠰᠡᠳᠬᠢᠯ ᠬᠦᠨᠳᠦ ᠬᠥᠮᠥᠨ ᠠ᠋᠂ ᠰᠡᠳᠬᠢᠯ ᠬᠦᠨᠳᠦ ᠬᠥᠮᠥᠨ᠃ ᠡᠵᠢ ᠴᠢᠨᠢ | ᠲᠦᠷᠦᠭᠰᠡᠨ ᠨᠤᠲᠤᠭ ᠠᠴᠠ ᠪᠠᠨ ᠰᠠᠯᠵᠤ ᠭᠠᠷᠴᠤ ᠢᠷᠡᠭᠡᠳ ᠣᠨ ᠤᠳᠠᠵᠤ ᠳ᠋ᠠ ᠬᠥᠭᠡᠷᠦᠬᠦᠢ︕ ᠬᠥᠮᠥᠨ ᠤ | ᠬᠦᠢ ᠪᠠᠨ ᠪᠤᠯᠠᠭᠰᠠᠨ ᠨᠤᠲᠤᠭ ᠭᠡᠭᠴᠢ ᠡᠭᠦᠷᠢᠳᠡ ᠰᠡᠳᠬᠢᠯ ᠵᠢᠷᠦᠬᠡ ᠶᠢ ᠨᠢ ᠣᠭᠤᠰᠣᠷᠯᠠᠭᠠᠳ ᠪᠠᠶᠢᠳᠠᠭ ᠶᠤᠮ᠃ | ᠬᠥᠭᠡᠷᠦᠬᠦᠢ ᠴᠢᠨᠢ ᠨᠤᠲᠤᠭ ᠲᠠᠭᠠᠨ ᠨᠢᠭᠡ ᠬᠠᠷᠢᠬᠤ ᠶᠤᠮ ᠰᠠᠨ ᠭᠡᠵᠦ ᠪᠤᠳᠤᠭᠠᠳ ᠪᠤᠳᠤᠭᠠᠳ ᠪᠠᠶᠢᠭᠰᠠᠨ | ᠪᠤᠯᠤᠯᠳᠠᠢ᠃ ᠲᠡᠬᠡᠬᠦᠯᠠᠷ ᠰᠦᠨᠡᠰᠦ ᠨᠢ ᠨᠤᠲᠤᠭ ᠵᠦᠭ ᠢᠶᠠᠨ ᠶᠠᠪᠤᠭᠠᠳ ᠲᠦᠬᠡᠷᠡᠴᠢᠬᠡᠭᠰᠡᠨ ᠪᠠᠶᠢᠬᠤ ᠦᠭᠡᠢ ᠤᠤ︕ | ᠡᠵᠢ ᠴᠢᠨᠢ ᠬᠠᠮᠢᠶᠠ ᠦᠭᠡᠢ ᠬᠠᠮᠢᠶᠠ ᠦᠭᠡᠢ᠂ ᠰᠡᠳᠬᠢᠯ ᠨᠢ ᠵᠢᠭᠠᠬᠠᠨ ᠰᠢᠨᠠᠯᠡᠨᠡ ᠳ᠋ᠠ᠃ - ᠡᠵᠢ ᠮᠢᠨᠢ ᠡᠷᠡᠭᠦᠯ | ᠰᠠᠷᠠᠭᠤᠯ ᠪᠠᠶᠢᠲᠠᠯᠠ ᠰᠦᠨᠡᠰᠦ ᠨᠢ ᠶᠠᠪᠤᠯᠠ ᠬᠡᠳᠡᠭ ᠴᠢᠨᠢ︖ - ᠬᠥᠮᠥᠨ ᠤ ᠪᠡᠶᠡ ᠳᠤ ᠭᠤᠷᠪᠠᠨ ᠰᠦᠨᠡᠰᠦ | ᠪᠠᠶᠢᠳᠠᠭ ᠶᠤᠮ ᠠ᠋ ᠬᠡᠦᠬᠡ᠃ - ᠨᠠᠰᠤ ᠶᠠᠪᠤᠭᠰᠠᠨ ᠡᠵᠢ ᠪᠠᠨ ᠵᠣᠪᠠᠭᠠᠭᠠᠳ ᠪᠠᠶᠢᠮᠠᠷ ᠦᠭᠡᠢ ᠪᠠᠶᠢᠨᠠ ᠡᠪᠤᠸ᠋︕ | ᠶᠠᠭᠠᠬᠢᠳᠠᠭ ᠪᠢᠯᠡ︖ - ᠲᠠᠷᠠ ᠠᠮᠠᠷᠬᠠᠨ᠂ ᠮᠥᠷᠥᠭᠡᠳᠦᠯ ᠤᠨ ᠬᠦᠴᠦᠨ ᠢ ᠰᠡᠳᠬᠢᠯ ᠤᠨ ᠬᠦᠴᠦ ᠪᠠᠷ | ᠲᠠᠶᠢᠯᠤᠨᠠ ᠳ᠋ᠠ᠃ ᠠ ᠲᠡᠶᠢᠮᠤ᠂ ᠬᠠᠮᠤᠭ ᠤᠨ ᠬᠠᠶᠢᠷᠠᠲᠠᠢ ᠬᠥᠮᠥᠰ ᠠᠴᠠ ᠨᠢ᠂ ᠵᠠ ᠪᠠᠶᠢᠵᠢ᠂ ᠦᠷᠡ ᠬᠡᠦᠬᠡᠳ ᠠᠴᠠ ᠨᠢ | ᠠᠰᠲᠠᠭᠠᠨ ᠬᠠᠶᠢᠷᠠᠲᠠᠢ ᠬᠥᠮᠥᠨ ᠬᠡᠨ ᠪᠠᠶᠢᠬᠤ ᠪᠢᠯᠡ ᠳ᠋ᠧ᠃ ᠲᠡᠶᠢᠮᠤ ᠬᠡᠯᠡᠢ᠂ ᠬᠡᠦᠬᠡᠳ ᠠᠴᠠ ᠨᠢ ᠨᠢᠭᠡ ᠨᠢ | ᠡᠵᠢ ᠶᠢᠨ ᠢᠶᠠᠨ ᠨᠤᠲᠤᠭ ᠲᠤ ᠣᠴᠢᠭᠠᠳ ᠰᠠᠭᠤᠵᠤ ᠪᠠᠶᠢᠬᠤ ᠪᠠᠷ ᠡᠵᠢ ᠶᠢᠨ ᠴᠢᠨᠢ ᠰᠦᠨᠡᠰᠦ ᠲᠠᠭᠠᠭᠠᠳ | ᠢᠷᠡᠴᠢᠬᠡᠨᠡ᠂ ᠢᠷᠡᠴᠢᠬᠡᠨᠡ᠃ - ᠡᠪᠤᠸ᠋᠂ ᠴᠢᠩᠭᠢᠭᠡᠳ ᠁ - ᠰᠦᠵᠢᠭ ᠰᠦᠰᠦᠭ ᠪᠠᠶᠢᠬᠤ ᠪᠠᠷ ᠠᠯᠢᠪᠠ | ᠴᠢᠨᠢ ᠪᠦᠷ ᠪᠡᠶᠡᠯᠡᠭᠳᠡᠬᠦ ᠶᠤᠮ ᠭᠠᠶᠢᠭᠤᠢ ᠭᠠᠶᠢᠭᠤᠢ᠂ ᠬᠠᠷᠢᠨ ᠭᠤᠷᠪᠠᠨ ᠵᠢᠯ ᠰᠠᠭᠤᠨᠠ ᠰᠢᠤ᠃ | ᠨᠠᠷᠠᠨ ᠰᠦᠮᠪᠦᠷᠢᠳᠤ ᠨᠤᠲᠤᠭ ᠤᠨ ᠮᠢᠨᠢ ᠠᠯᠳᠠᠷᠲᠤ ᠪᠦᠬᠡ ᠡᠪᠤᠸ᠋ ᠶᠢᠨ ᠳᠡᠷᠭᠡᠳᠡ ᠠᠴᠠ ᠠᠮᠢᠳᠤᠷᠠᠯ ᠤᠨ ᠡᠯᠡ | ᠬᠠᠯᠠ ᠳᠤ ᠡᠷᠡᠦ ᠨᠢ ᠡᠪᠦᠳᠦᠭ ᠲᠡᠭᠡᠨ ᠲᠤᠯᠤᠭᠰᠠᠨ ᠡᠵᠢ ᠪᠠᠨ ᠲᠦᠰᠢᠭᠰᠡᠭᠡᠷ ᠭᠠᠷᠴᠤ ᠢᠷᠡᠬᠦ ᠳᠤ ᠡᠵᠢ ᠨᠢᠭᠡ | ᠳᠠᠭᠤᠤ ᠬᠡᠩᠰᠢᠬᠦ ᠰᠢᠤ ᠪᠣᠯᠪᠠ᠃ ᠣᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠦᠭᠡ ᠵᠣᠭᠤᠭ ᠦᠭᠡᠢ ᠪᠣᠯᠴᠢᠬᠠᠵᠤ ᠳᠠᠩᠳᠠ ᠯᠡ ︽ | ᠶᠠᠪᠤᠶᠠ ᠳ᠋ᠠ︾ ᠭᠡᠰᠡᠨ ᠦᠭᠡ ᠪᠠᠨ ᠠᠬᠢᠨ ᠲᠠᠬᠢᠨ ᠳᠠᠪᠲᠠᠳᠠᠭ ᠡᠵᠢ ᠭᠡᠨᠡᠳᠲᠡ ᠨᠢᠭᠡ ᠳᠠᠭᠤᠤ ᠬᠡᠩᠰᠢᠬᠦ ᠰᠢᠭ | ᠪᠣᠯᠤᠭᠰᠠᠨ ᠰᠠᠶᠢᠬᠠᠨ ᠴᠢᠩᠬᠢᠨᠠᠪᠠᠯ᠄ | ᠨᠠᠮᠤᠭ ᠴᠡᠭᠡᠯ ᠤᠨ ᠪᠤᠷᠭᠠᠰᠤ ᠨᠢ | ᠨᠠᠮᠠᠭᠠᠨ ᠵᠦᠭ ᠢᠶᠠᠨ ᠨᠠᠶᠢᠭᠤᠭᠠᠨ ᠲᠠᠢ | ᠨᠠᠰᠤᠨ ᠪᠠᠭᠠ ᠪᠥᠭᠡᠷᠡ ᠶᠢ ᠪᠠᠨ | ᠨᠠᠰᠤᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠯᠡ ᠳ᠋ᠧ ᠭᠡᠵᠦ ᠪᠠᠶᠢᠨᠠ᠃ ᠮᠠᠨ ᠢ ᠲᠦᠬᠦᠬᠡ ᠣᠷᠣᠬᠤ ᠠᠴᠠ ᠯᠠ ᠡᠨᠡ ᠭᠤᠣᠯ ᠢ | ᠥᠭᠰᠥᠨ ᠤᠷᠤᠭᠤᠳᠠᠨ ᠪᠥᠭᠴᠥᠭᠡᠨᠡᠵᠦ ᠶᠠᠪᠤᠬᠤ ᠳᠠᠭᠠᠨ ᠭᠠᠭᠴᠠ ᠳᠠᠭᠤᠯᠠᠳᠠᠭ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠪᠠᠶᠢᠬᠤ | ᠶᠤᠮ᠃ | ᠡᠵᠢ ᠮᠢᠨᠢ ᠠᠷᠪᠠᠨ ᠵᠢᠷᠭᠤᠭᠠᠲᠠᠢ ᠠᠪᠤ ᠳᠤ ᠮᠣᠷᠳᠠᠵᠤ ᠢᠷᠡᠯᠡ ᠭᠡᠰᠡᠨ ᠳ᠋ᠠ᠃ ᠢᠩᠭᠢᠬᠦᠯᠡᠷ ᠶᠠᠭ ᠪᠦᠬᠦᠯᠢ | ᠨᠠᠶᠠᠨ ᠵᠢᠯ ᠨᠤᠲᠤᠭ ᠲᠠᠭᠠᠨ ᠣᠴᠢᠭᠠ ᠦᠭᠡᠢ ᠰᠠᠨᠵᠠᠢ᠃ ᠨᠠᠶᠠᠨ ᠵᠢᠯ ᠨᠤᠲᠤᠭ ᠤᠰᠤ ᠳᠤᠷᠠᠰᠤᠨ ᠮᠥᠷᠥᠭᠡᠳᠴᠦ | ᠠᠮᠢᠳᠤᠷᠠᠨᠠ ᠬᠡᠳᠡᠭ ᠶᠠᠮᠠᠷᠬᠠᠨ ᠬᠦᠨᠳᠦ ᠰᠡᠳᠬᠢᠯ ᠪᠢᠯᠡ︕ ᠨᠠᠶᠠᠨ ᠵᠢᠯ᠂ ᠨᠠᠶᠠᠨ ᠵᠢᠯ ᠁ ᠭᠡᠨᠡᠳᠲᠡ | ᠵᠢᠭᠠᠰᠤᠲᠠᠢ ᠨᠠᠭᠤᠷ ᠠᠴᠠ ᠰᠡᠷᠢᠭᠦᠨ ᠰᠠᠯᠬᠢ ᠰᠡᠩᠭᠢ ᠬᠢᠨ ᠠᠷᠴᠠ ᠽᠠᠨᠳᠠᠨ ᠤ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ | ᠰᠢᠤ ᠪᠣᠯᠣᠭᠠᠳ ᠰᠤᠭᠤᠨᠠᠭ ᠴᠠᠭᠠᠨ ᠬᠡᠷᠡᠯ ᠰᠠᠴᠤᠷᠠᠨ ᠲᠡᠷᠲᠡᠭᠡᠬᠢ ᠬᠠᠪᠢᠷᠠᠭᠠ ᠬᠤᠸᠠ ᠬᠦᠷᠳᠠᠯᠠ ᠭᠡᠶᠢᠭᠡᠳ | ᠶᠠᠪᠤᠴᠢᠬᠠᠯᠠ᠃ ᠴᠢᠩᠭᠢᠬᠦ ᠪᠠᠷ ︽ᠨᠠᠮᠤᠭ ᠴᠡᠭᠡᠯ ᠤᠨ ᠪᠤᠷᠭᠠᠰᠤ ᠨᠢ ᠶᠠ ᠁︾ ᠭᠡᠰᠡᠨ ᠤᠷᠳᠤ ᠶᠢᠨ ᠲᠠᠭᠤᠨ ᠤ | ᠳᠤᠮᠳᠠᠭᠤᠷ ᠦᠬᠡᠷ ᠲᠡᠷᠭᠡ ᠴᠤᠪᠤᠷᠠᠯᠳᠤᠨ ᠬᠠᠪᠢᠷᠠᠭᠠ ᠬᠤᠸᠠ ᠶᠢᠨ ᠡᠩᠭᠡᠷ ᠰᠢᠷᠡᠭᠡ ᠠᠶᠢᠯ ᠤᠨ ᠬᠠᠵᠠᠭᠤ ᠪᠠᠷ | ᠴᠢᠨ᠋ᠸᠠ ᠶᠢᠨ ᠭᠤᠣᠯ ᠢ ᠭᠠᠲᠤᠯᠤᠨ ᠠᠷᠪᠠᠨ ᠵᠢᠷᠭᠤᠭᠠᠲᠠᠢ ᠡᠵᠢ ᠶᠢ ᠮᠢᠨᠢ ᠬᠠᠷᠢ ᠳᠤ ᠮᠣᠷᠳᠠᠭᠤᠯᠵᠤ ᠶᠠᠪᠤᠭᠠ ᠨᠢ | ᠬᠠᠷᠠᠭᠳᠠᠯᠠ᠃ ᠲᠡᠷᠡ ᠬᠦ ᠤᠷᠳᠤ ᠶᠢᠨ ᠰᠠᠶᠢᠬᠠᠨ ᠠᠶᠠᠰ ᠤᠨ ᠳᠤᠮᠳᠠ ᠬᠤᠶᠠᠷ ᠪᠡᠷᠭᠡᠨ ᠤ ᠪᠠᠨ ᠬᠠᠮᠲᠤ ᠤᠶᠠᠷᠠᠭᠰᠠᠭᠠᠷ | ᠶᠠᠪᠤᠬᠤ ᠡᠵᠢ ᠠᠩᠬᠠ ᠤᠳᠠᠭᠠ ᠡᠵᠢ ᠶᠢᠨ ᠢᠶᠠᠨ ᠭᠡᠷ ᠠᠴᠠ ᠰᠠᠯᠵᠤ ᠭᠠᠷᠤᠭᠠ ᠪᠢᠯᠡ᠃ | ᠁ ᠡᠵᠢ ᠠᠯᠲᠠᠢ ᠶᠢᠨ ᠮᠠᠩᠬᠠ ᠶᠢᠨ ᠬᠤᠷᠮᠣᠢ ᠬᠦᠷᠴᠦ ᠢᠷᠡᠭᠡᠳ ᠬᠠᠷᠠᠭᠠᠨ ᠲᠠᠯᠳᠠ ᠣᠷᠣᠮᠠᠷ | ᠪᠠᠶᠢᠬᠤ ᠲᠦᠷᠦᠭᠰᠡᠨ ᠨᠤᠲᠤᠭ ᠢᠶᠠᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠡᠭᠡᠨ ᠰᠢᠩᠭᠡᠵᠦ ᠠᠪᠤᠶᠠ ᠭᠡᠰᠡᠨ ᠰᠢᠭ ᠦᠬᠡᠷ ᠲᠡᠷᠭᠡᠨ ᠤ | ᠪᠦᠬᠡᠭ ᠠᠴᠠ ᠪᠠᠨ ᠲᠣᠯᠣᠭᠠᠢ ᠪᠠᠨ ᠭᠠᠷᠭᠠᠨ ᠬᠤᠶᠢᠰᠢ ᠪᠠᠨ ᠤᠳᠠᠲᠠᠯᠠ ᠬᠠᠷᠠᠯᠠ ᠁ ᠬᠤᠨᠲᠣᠨ ᠴᠠᠮᠴᠠ | ᠡᠮᠦᠰᠦᠭᠡᠳ ᠥᠨᠳᠥᠷ ᠬᠠᠷᠠ ᠬᠡᠭᠡᠷ ᠮᠣᠷᠢ ᠣᠨᠣᠭᠰᠠᠨ ᠡᠵᠢ ᠶᠢᠨ ᠴᠡᠴᠡᠭ ᠤᠨ ᠬᠡ ᠲᠠᠢ ᠨᠠᠰᠤ ᠲᠡᠨᠳᠡ ᠬᠠᠷᠠᠭᠳᠠᠵᠤ | ᠪᠠᠶᠢᠨᠠ᠃ ᠮᠢᠨᠤ ᠡᠵᠢ ᠠᠯᠲᠠᠩᠬᠸᠠ ᠭᠡᠰᠡᠨ ᠨᠡᠷᠡ ᠲᠠᠢ᠃ ᠡᠵᠢ ᠶᠢᠨ ᠡᠵᠢ ᠠᠩᠬᠢᠯᠤᠮᠠ ᠦᠨᠦᠷᠲᠦ ᠠᠯᠲᠠᠩᠬᠸᠠ | ᠴᠡᠴᠡᠭ ᠢᠶᠠᠷ ᠬᠤᠴᠢᠯᠭᠠ ᠪᠣᠯᠭᠠᠨ ᠡᠪᠬᠡᠵᠦ᠂ ᠰᠢᠭᠦᠳᠡᠷᠢᠲᠦ ᠲᠠᠯᠠ ᠶᠢᠨ ᠨᠣᠶᠢᠲᠠᠨ ᠬᠥᠬᠡ ᠴᠢᠯᠠᠭᠤ ᠪᠠᠷ ᠬᠦᠢ ᠶᠢ ᠨᠢ | ᠳᠠᠷᠤᠵᠤ ᠲᠠᠯᠪᠢᠬᠤ ᠳᠠᠭᠠᠨ ︽ᠶᠠᠮᠠᠷ ᠪᠤᠶᠠᠨᠲᠤ ᠥᠬᠢᠨ ᠪᠤᠢ︕ ᠴᠢ᠃ ᠮᠥᠨ ᠠᠯᠲᠠᠩᠬᠸᠠ ᠴᠡᠴᠡᠭ ᠰᠢᠤ ᠭᠡᠷᠡᠯᠲᠡᠢ | ᠶᠠᠪᠤᠨᠠ ᠠ᠋︾ ᠭᠡᠵᠦ ᠰᠢᠪᠡᠨᠡᠭᠰᠡᠨ ᠭᠡᠰᠡᠨ᠃ | ᠮᠠᠯᠴᠢᠨ ᠬᠥᠮᠥᠨ ᠤ ᠵᠢᠷᠭᠠᠯ ᠭᠡᠵᠦ ᠡᠪᠡᠰᠦᠨ ᠤ ᠦᠨᠦᠷ ᠠᠩᠬᠢᠯᠤᠮᠠ ᠵᠠᠳᠠᠷᠠᠬᠤ ᠡᠭᠡᠷᠡᠮᠡ ᠬᠥᠳᠡᠭᠡ ᠶᠢᠨ | ᠡᠯᠢᠭᠡᠨ ᠳᠤ ᠪᠠᠶᠢᠳᠠᠭ᠃ ᠪᠠᠶᠢᠭᠠᠯᠢ ᠬᠤᠷᠸᠠ ᠶᠢᠨ ᠦᠵᠡᠰᠬᠦᠯᠡᠩ ᠲᠠᠩᠰᠤᠭ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ ᠵᠡᠷᠭᠡᠯᠭᠡᠨᠲᠦ | ᠭᠤᠪᠢ ᠮᠠᠩᠬᠠ᠂ ᠬᠤᠯᠪᠤᠭᠠ ᠠᠭᠤᠯᠠ ᠶᠢᠨ ᠬᠤᠯᠨ ᠶᠢᠨ ᠪᠠᠷᠠ ᠵᠦᠮᠪᠦᠷᠢᠳᠡᠭᠡᠳ ᠠᠭᠤᠵᠢᠮ ᠠᠴᠠ ᠠᠭᠤᠵᠢᠮ | ᠰᠠᠴᠢ ᠶᠢᠨ ᠲᠠᠯᠠ ᠪᠠᠨ ᠤᠯᠠᠮ ᠠᠩᠬᠢᠯᠤᠮᠠ ᠰᠠᠶᠢᠬᠠᠨ ᠪᠠᠳᠠᠷᠠᠭᠠᠭᠰᠠᠨ ᠠᠯᠲᠠᠩᠬᠸᠠ ᠴᠡᠴᠡᠭ ᠤᠨ ᠳᠤᠮᠳᠠᠭᠤᠷ | ᠬᠦᠳᠡᠯᠮᠦᠷᠢᠴᠢ ᠬᠥᠮᠥᠨ ᠤ ᠪᠠᠭ᠋ᠠᠷᠬᠠᠯ ᠪᠣᠯᠤᠭᠰᠠᠨ ᠤᠯᠠᠨ ᠰᠠᠶᠢᠬᠠᠨ ᠬᠤᠨᠢᠳ ᠢᠶᠠᠨ ᠬᠠᠷᠢᠭᠤᠨ ᠶᠠᠪᠤᠨᠠ ᠡᠵᠢ᠃ | ᠬᠤᠨᠢᠳ ᠭᠡᠬᠦ ᠠᠴᠠ ᠳ᠋ᠧ᠂ ᠪᠠᠶᠠᠨᠰᠢᠯᠢ ᠲᠠᠭᠠᠵᠦ ᠪᠡᠯᠴᠢᠭᠰᠡᠨ ᠵᠡᠭᠡᠷᠡ ᠭᠤᠷᠠ ᠴᠦ ᠢᠳᠡᠰᠢᠯᠡᠭᠰᠡᠭᠡᠷ ᠲᠡᠳᠡᠭᠡᠷ ᠬᠤᠨᠢᠨ | ᠰᠦᠷᠦᠭ ᠲᠠᠢ ᠨᠡᠶᠢᠯᠡᠨ᠂ ᠰᠠᠷᠠᠭᠤᠯ ᠭᠠᠩᠭᠠᠨ ᠰᠠᠴᠢ ᠶᠢᠨ ᠲᠠᠯᠠ ᠳᠤ ᠬᠤᠨᠢ᠂ ᠵᠡᠭᠡᠷᠡ ᠠᠯᠢ ᠶᠢ ᠨᠢ ᠬᠠᠷᠢᠭᠤᠯᠵᠤ | ᠪᠠᠶᠢᠬᠤ ᠪᠠᠨ ᠦᠯᠦ ᠮᠡᠳᠡᠨᠡ᠃ ᠠᠰᠤᠷᠤ ᠲᠣᠮᠣ ᠬᠤᠨᠢ ᠵᠡᠭᠡᠷᠡ ᠶᠢᠨ ᠰᠦᠷᠦᠭ ᠰᠢᠮᠡ ᠰᠢᠭᠦᠰᠦᠲᠦ ᠪᠡᠯᠴᠢᠭᠡᠷ | ᠲᠠᠭᠠᠵᠦ ᠠᠬᠢᠭᠠᠳ ᠯᠨ ᠪᠠᠶᠠᠨᠰᠢᠯᠢ ᠵᠦᠭ ᠡᠭᠦᠯᠡ ᠰᠢᠭ ᠨᠡᠭᠦᠭᠡᠳ ᠯᠡ᠃ | ᠰᠠᠴᠢ ᠶᠢᠨ ᠲᠠᠯᠠ ᠠᠴᠠ ᠪᠠᠭᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠠᠭᠲᠠ ᠶᠢᠨ ᠬᠤᠸᠠ ᠶᠢᠨ ᠣᠷᠣᠢ ᠨᠠᠮᠬᠠᠨ ᠰᠤᠨᠢᠶᠠᠵᠤ᠂ | ᠬᠦᠯᠦᠭ ᠮᠣᠷᠢᠳ ᠤᠨ ᠲᠤᠭᠤᠷᠠᠢ ᠶᠢᠨ ᠡᠭᠡᠰᠢᠭᠯᠡᠩᠳᠤ ᠠᠶᠠᠯᠭᠤ ᠲᠤᠤᠨᠢᠨᠠ᠃ ᠲᠡᠨᠳᠡ ᠵᠡᠷᠭᠡᠯᠡᠳᠡᠭᠡ ᠬᠤᠳᠠ ᠶᠢᠨ | ᠠᠪᠠᠭᠠ ᠮᠢᠨᠢ ᠰᠠᠰᠧᠷ ᠪᠠᠶᠠᠨ ᠤ ᠮᠢᠩᠭᠠᠨ ᠠᠳᠤᠭᠤ ᠶᠢ ᠠᠳᠤᠭᠤᠯᠤᠨ ᠢᠰᠬᠡᠷᠴᠢᠬᠡᠭᠰᠡᠨ ᠵᠢᠪᠬᠤᠭᠠ ᠵᠣᠯᠪᠣᠭᠠᠲᠠᠢ | ᠠᠯᠤᠰ ᠢ ᠳᠤᠷᠠᠨᠳᠠᠨᠠ᠃ ᠲᠡᠭᠦᠨ ᠤ ᠭᠠᠭᠴᠠ ᠨᠢᠳᠦᠨ ᠲᠤᠷᠠᠨ ᠤ ᠬᠠᠷᠠᠭᠠᠨ ᠳᠤ ᠵᠢᠷᠦᠬᠡ ᠬᠠᠪᠲᠠᠭᠠᠢ ᠶᠢᠨ | ᠲᠡᠨᠳᠡ ᠠᠴᠠ ᠰᠡᠭᠦᠳᠡᠷ ᠠᠴᠠ ᠪᠠᠨ ᠨᠠᠳᠬᠤᠨ᠂ ᠰᠡᠬᠦᠯ ᠢᠶᠠᠷ ᠢᠶᠠᠨ ᠨᠠᠭᠠᠳᠤᠭᠰᠠᠭᠠᠷ ᠵᠢᠭᠦᠷ ᠲᠠᠢ ᠬᠤᠶᠠᠷ ᠰᠢᠪᠠᠭᠤᠨ | ᠰᠡᠷᠡᠯ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠲᠤ ᠢᠷᠡᠵᠦ ᠤᠮᠳᠠᠯᠠᠬᠤ ᠭᠠᠶᠢᠬᠠᠮᠰᠢᠭᠲᠤ ᠦᠵᠡᠭᠳᠡᠯ ᠲᠣᠳᠣᠷᠠᠨᠠ᠃ ᠡᠨᠡᠬᠦ ᠰᠣᠨᠢᠨ | ᠭᠠᠩᠭᠠᠩ ᠵᠢᠭᠦᠷ ᠲᠠᠢ ᠬᠤᠶᠠᠷ ᠰᠢᠪᠠᠭᠤᠨ ᠰᠡᠷᠡᠯ ᠲᠡᠭᠷᠢ ᠠᠭᠤᠯᠠ ᠶᠢᠨ ᠣᠷᠣᠢ ᠳᠡᠭᠡᠷᠡ ᠰᠠᠭᠤᠷᠢᠰᠢᠭᠠ ᠡᠯᠳᠡᠪ | ᠵᠠᠬᠢᠷᠤᠭᠴᠢ ᠶᠢᠨ ᠬᠠᠶᠢᠷᠠᠲᠠᠢ ᠮᠣᠷᠢ ᠪᠤᠯᠬᠤ ᠪᠥᠭᠡᠳ ᠳᠠᠩᠳᠠ ᠯᠨ ᠰᠠᠰᠧᠷ ᠪᠠᠶᠠᠨ ᠤ ᠮᠢᠩᠭᠠᠨ ᠠᠳᠤᠭᠤ ᠲᠠᠢ | ᠢᠵᠢᠯᠳᠡᠨ ᠠᠭᠲᠠ ᠶᠢᠨ ᠬᠤᠸᠠ ᠶᠢᠨ ᠣᠷᠣᠢ ᠪᠠᠷ ᠪᠡᠯᠴᠢᠨ ᠪᠠᠶᠢᠳᠠᠭ ᠪᠦᠯᠦᠭᠡ᠃ ᠴᠢᠩᠭᠢᠬᠦᠯᠡᠷ ᠠᠳᠤᠭᠤᠴᠢᠨ | ᠬᠥᠮᠥᠨ ᠰᠠᠶᠢᠬᠠᠨ ᠮᠣᠷᠢᠳ ᠰᠠᠶᠢᠨ ᠠᠳᠤᠭᠤ ᠶᠢ ᠠᠳᠤᠭᠤᠯᠤᠨ ᠶᠠᠪᠤᠬᠤ ᠠᠴᠠ ᠢᠯᠡᠭᠦᠦ ᠵᠢᠷᠭᠠᠯ ᠬᠠᠮᠢᠭᠠ ᠪᠠᠶᠢᠬᠤ | ᠪᠢᠯᠡ︕ ᠬᠡᠳᠦᠶᠢᠪᠡᠷ ᠥᠪᠡᠷ ᠤᠨ ᠬᠢᠨᠢ ᠪᠢᠰᠢ ᠴᠦ ᠭᠡᠰᠡᠨ ᠮᠠᠯᠴᠢᠨ ᠬᠥᠮᠥᠨ ᠪᠣᠯᠬᠤᠷ ᠨᠤᠲᠤᠭ ᠤᠨ ᠢᠶᠠᠨ ᠪᠠᠶᠠᠨ | ᠪᠤᠶᠠᠨ ᠢ ᠭᠠᠶᠢᠬᠠᠭᠤᠯᠤᠭᠰᠠᠨ ᠮᠠᠯ ᠠᠬᠤᠢ ᠳᠤ ᠬᠠᠶᠢᠷᠠᠲᠠᠢ ᠰᠡᠳᠬᠢᠯ ᠳᠡᠭᠡᠨ ᠡᠨᠡᠬᠦ ᠥᠨᠢᠷ ᠲᠠᠩᠰᠤᠭ ᠪᠦᠬᠦᠨ ᠢ | ᠪᠠᠭ᠋ᠠᠷᠬᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠠᠨ︕ | ᠲᠡᠶᠢᠮᠤ ᠠ᠋︕ ᠠᠮᠢᠳᠤᠷᠠᠯ ᠤᠨ ᠤᠳᠬᠠ ᠴᠢᠨᠠᠷ ᠢ ᠪᠠᠳᠠᠷᠠᠭᠠᠭᠰᠠᠨ ᠦᠯᠡᠮᠵᠢ ᠶᠢᠨ ᠲᠡᠭᠦᠯᠳᠡᠷ ᠠᠭᠲᠠ ᠶᠢᠨ | ᠬᠤᠸᠠ ᠶᠢᠨ ᠣᠷᠣᠢ ᠳᠡᠭᠡᠷᠡ ᠠᠴᠠ ᠨᠠᠷᠠᠨ ᠤ ᠳᠣᠣᠷᠠ᠂ ᠨᠠᠷᠠᠨ ᠤ ᠲᠤᠶᠠᠭᠠ ᠰᠢᠭ᠋ ᠠᠯᠲᠠᠷᠬᠠᠤ ᠰᠠᠴᠢ ᠶᠢᠨ ᠲᠠᠯᠠ ᠶᠢᠨ | ᠠᠯᠲᠠᠩᠬᠸᠠ ᠴᠡᠴᠡᠭ᠂ ᠠᠯᠲᠠᠩᠬᠸᠠ ᠴᠡᠴᠡᠭ ᠰᠢᠤ ᠭᠤᠶᠣᠬᠠᠨ ᠥᠬᠢᠨ ᠤ ᠤᠷᠳᠤ ᠬᠠᠷᠠ ᠬᠡᠵᠢᠬᠡ ᠶᠢᠨ ᠨᠠᠮᠢᠷᠠᠭᠠᠨ ᠢ | ᠨᠡᠩ ᠢᠯᠡᠭᠦᠦ ᠳᠤᠷᠠᠨᠳᠠᠬᠤ ᠳᠤᠷᠠᠲᠠᠢ᠃ ᠲᠡᠭᠦᠨ ᠤ ᠠᠯᠲᠠᠩᠬᠸᠠ ᠴᠡᠴᠡᠭ ᠢᠶᠠᠷ ᠬᠤᠴᠢᠵᠤ ᠰᠠᠴᠢ ᠶᠢᠨ ᠲᠠᠯᠠ ᠠᠴᠠ | ᠲᠡᠪᠡᠷᠢᠵᠦ ᠢᠷᠡᠬᠦ ᠠᠴᠠ ᠠᠪᠤᠭᠠᠳ ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠤᠨ ᠲᠤᠷᠰᠢᠲᠠ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠰᠠᠭᠤᠯᠭᠠᠵᠤ᠂ | ᠤᠢ ᠶᠢᠨ ᠬᠤᠷᠢᠮ ᠢ ᠬᠥᠭᠵᠢᠭᠡᠨ ᠤᠷᠳᠤ ᠶᠢᠨ ᠳᠠᠭᠤᠤ ᠡᠬᠡᠰᠢᠭ ᠠᠶᠠᠯᠭᠤ ᠪᠠᠷ ᠢᠶᠠᠨ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ᠂ ᠬᠥᠮᠥᠨ | ᠠᠷᠠᠳ ᠢᠶᠠᠨ ᠤᠬᠠᠭᠠᠷᠠᠭᠤᠯᠤᠨ ᠤᠶᠠᠷᠠᠭᠤᠯᠵᠤ ᠬᠠᠶᠢᠷᠠᠬᠠᠨ ᠪᠠᠭᠠ ᠥᠬᠢᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠰᠠᠨᠠᠵᠤ ᠶᠠᠪᠤᠭᠰᠠᠨ | ᠪᠣᠯᠬᠤᠷ ᠡᠴᠢᠭᠡ ᠬᠥᠮᠥᠨ ᠤ ᠬᠠᠶᠢᠷᠠ ᠪᠠᠷ ᠡᠩᠬᠦᠷᠡᠶᠢᠯᠡᠬᠦ ᠦᠭᠡᠢ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ᠃ ︽ᠥᠬᠢᠨ ᠬᠥᠮᠥᠨ | ᠨᠤᠲᠤᠭ ᠤᠨ ᠴᠢᠮᠡᠭ ᠶᠤᠮ ᠠ᠋︾ ᠭᠡᠵᠦ ᠶᠠᠷᠢᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠠᠨ᠃ | ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠭᠠᠵᠠᠷ ᠤᠨ ᠬᠢᠯᠢ ᠠᠭᠤᠰᠤᠯᠳᠠᠭᠰᠠᠨ ᠭᠡᠮᠡᠷ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠰᠢᠭ᠋ ᠢᠶᠠᠨ | ᠬᠥᠮᠥᠨ ᠠᠷᠠᠳ ᠨᠢ ᠴᠤ ᠤᠬᠠᠭᠠ ᠲᠡᠨᠢᠭᠦᠨ ᠪᠤᠳᠤᠯ ᠭᠦᠨ ᠪᠠᠶᠢᠳᠠᠭ᠃ ᠨᠡᠩ ᠴᠤ ᠨᠤᠲᠤᠭ ᠨᠢ ᠭᠠᠩᠭᠠᠩ ᠪᠣᠯᠬᠤᠷ | ᠥᠬᠢᠳ ᠬᠥᠪᠡᠭᠦᠳ ᠨᠢ ᠬᠥᠭᠡᠷᠦᠬᠦᠨ ᠳᠡᠭᠵᠢᠨ ᠪᠠᠶᠢᠳᠠᠭ ᠠᠵᠢ᠃ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ᠂ ᠲᠤᠰᠠᠮᠠᠷᠴᠢ ᠪᠠᠭᠠ | ᠨᠠᠰᠤᠨ ᠤ ᠠᠯᠳᠠᠩᠬᠤᠸᠠ ᠪᠠᠨ ᠠᠶᠢᠯ ᠭᠤᠣᠯ ᠢᠶᠠᠷ ᠢᠶᠠᠨ ᠪᠠᠭ᠋ᠠᠷᠬᠠᠨ ᠬᠠᠶᠢᠷᠠᠯᠠᠳᠠᠭ᠃ ᠬᠥᠮᠥᠨ ᠬᠥᠮᠥᠨ ᠤ ᠪᠠᠨ | ᠬᠠᠶᠢᠷᠠᠨ ᠳᠤ ᠬᠥᠮᠥᠵᠢᠵᠦ᠂ ᠶᠢᠷᠲᠢᠨᠴᠦ ᠶᠢᠨ ᠬᠡᠬᠡᠨ ᠰᠠᠷᠠᠭᠤᠯ ᠢ ᠬᠦᠰᠡᠨ ᠮᠥᠷᠥᠭᠡᠳᠴᠦ ᠶᠠᠪᠤᠳᠠᠭ ᠰᠠᠶᠢᠬᠠᠨ ᠠ᠋᠃ | | ᠠᠳᠤᠭᠤᠴᠢᠨ ᠠᠪᠠᠭᠠ ᠨᠢ ᠥᠨᠥᠳᠥᠷ ︽ᠡᠨᠡ ᠮᠠᠭᠤ ᠰᠢᠷᠠ ᠥᠬᠢᠨ ᠬᠠᠷᠠᠵᠤ ᠮᠡᠳᠡᠬᠦ ᠶᠢᠨ ᠵᠠᠪ ᠦᠭᠡᠢ ᠰᠤᠭᠤ | ᠥᠰᠦᠯᠡ ᠰᠢᠤ᠃ ᠪᠠᠷᠤᠭ ᠮᠢᠨᠤ ᠬᠢᠷᠢ ᠥᠨᠳᠥᠷ ᠪᠣᠯᠴᠢᠬᠠᠬᠤ ᠠᠶᠠᠳᠠᠯᠠ︾ ᠭᠡᠳ ᠥᠨᠳᠥᠷ ᠬᠡᠭᠡᠷ ᠮᠣᠷᠢᠨ | ᠳᠡᠭᠡᠷᠡ ᠪᠠᠨ ᠪᠦᠰᠡᠲᠡᠢ ᠬᠡᠦᠬᠡᠳ ᠰᠢᠭ ᠳᠡᠭᠵᠢᠨ ᠶᠠᠪᠤᠭᠠ ᠶᠢ ᠬᠠᠷᠠᠭᠠᠳ ︽ᠬᠡᠦᠬᠡᠳ ᠥᠰᠴᠦ ᠡᠪᠦᠭᠡᠳ ᠠᠪᠴᠢᠨᠠ | ᠬᠡᠳᠡᠭ ᠪᠣᠯᠵᠤ ᠳ᠋ᠧ︾ ᠬᠡᠮᠡᠨ ᠳᠦᠳᠦᠨᠡᠨᠡ᠃ ᠨᠢᠭᠡ ᠡᠳᠦᠷ ︽ᠠᠯᠲᠠᠩᠬᠸᠠ ᠶᠢ ᠪᠡᠶᠡ ᠲᠡᠩᠬᠡᠭᠡ ᠲᠠᠢ ᠳᠡᠭᠡᠷᠡ ᠪᠠᠨ | ᠬᠥᠮᠥᠨ ᠲᠦᠰᠢᠭᠦᠯᠦᠶᠡ︕︾ ᠭᠡᠵᠦ ᠥᠲᠡᠯᠦᠭᠡᠳ ᠪᠡᠶᠡ ᠪᠠᠷᠤᠭᠲᠠᠢ ᠪᠣᠯᠤᠭᠰᠠᠨ ᠡᠵᠢ ᠨᠢ ᠶᠠᠷᠢᠯᠠ᠃ ᠢᠱᠢ | ᠬᠥᠭᠡᠷᠦᠬᠦᠢ ᠥᠬᠢᠨ ᠬᠥᠮᠥᠨ ᠤ ᠵᠠᠶᠠᠭᠠ ᠬᠥᠮᠥᠨ ᠤ ᠡᠭᠦᠳᠡᠨ ᠳᠤ ᠠᠵᠢ᠃ ᠬᠥᠮᠥᠰ ᠶᠡᠷᠦᠨᠢ ᠥᠬᠢᠨ ᠬᠥᠮᠥᠨ ᠢ ︽ | ᠬᠠᠷᠢ ᠶᠢᠨ ᠬᠠᠳᠠᠭᠠᠰᠤ ᠬᠠᠨᠴᠤᠢ ᠶᠢᠨ ᠨᠥᠬᠦᠭᠡᠰᠦ ᠭᠡᠵᠦ ᠬᠡᠯᠡᠳᠡᠭ ᠪᠢᠯᠡ︕︾ ᠭᠡᠵᠦ ᠳᠦᠳᠦᠨᠡᠨ ᠰᠡᠮ | ᠰᠡᠭᠦᠷᠡᠰᠦᠯᠡᠪᠡ᠃ ᠡᠨᠡᠬᠦ ᠥᠷᠥ ᠬᠠᠶᠢᠷᠠ ᠶᠢᠨ ᠰᠡᠭᠦᠷᠡᠰᠦᠨ ᠳᠤ ᠡᠭᠦᠯᠡᠨ ᠲᠣᠯᠣᠭᠠᠢ ᠳᠣᠭᠤᠭᠰᠢᠯᠠᠵᠤ ᠮᠠᠷ ᠮᠠᠷ | ᠰᠠᠯᠬᠢᠯᠠᠭᠰᠠᠨ ᠢᠶᠠᠨ ᠮᠦᠬᠦᠨ ᠪᠣᠷᠣᠭᠠᠨ ᠰᠡᠮᠡᠷᠡᠵᠡᠢ᠃ | ᠬᠥᠮᠥᠨ ᠪᠠᠶᠢᠭᠠᠯᠢ ᠶᠢᠨ ᠬᠦᠢ ᠲᠣᠭᠲᠠᠯᠴᠠᠭᠠ ᠭᠡᠳᠡᠭ ᠡᠶᠢᠮᠦᠬᠡᠨ ᠪᠤᠯᠤᠯᠳᠠᠢ᠃ ᠬᠠᠪᠢᠷᠠᠭᠠ ᠬᠤᠸᠠ ᠶᠢᠨ ᠬᠤᠪᠬᠢ | ᠪᠦᠬᠦᠨ ᠢ ᠨᠡᠪᠲᠡ ᠭᠡᠷᠡᠯᠳᠦᠬᠦᠯᠦᠨ ᠰᠠᠴᠤᠷᠠᠭᠰᠠᠨ ᠭᠡᠷᠡᠯ ᠠᠭᠠᠵᠢᠮ ᠢᠶᠠᠷ ᠲᠤᠨᠤᠭᠰᠡᠨ ᠢᠶᠠᠨ ᠨᠠᠮᠤᠷ ᠤᠨ | ᠰᠡᠭᠦᠯᠴᠢ ᠶᠢᠨ ᠮᠦᠬᠦᠨ ᠪᠣᠷᠣᠭᠠᠨ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠪᠢᠳᠠ ᠬᠤᠶᠠᠷ ᠢ ᠰᠢᠪᠰᠢᠨ ᠱᠠᠭᠢᠯᠠ᠃ ᠶᠠᠭ ᠯᠨ ᠡᠵᠢ ᠶᠢᠨ | ᠮᠢᠨᠢ ᠨᠢᠭᠤᠵᠤ ᠣᠬᠢᠯᠠᠭᠰᠠᠨ ᠨᠢᠯᠪᠤᠰᠤ ᠰᠢᠰᠢ᠊ᠭ᠋ ᠰᠢᠭ ᠪᠤᠳᠤᠯ ᠢ ᠬᠦᠨᠳᠡᠨ ᠨᠠᠷᠢᠨ ᠨᠠᠷᠢᠨ ᠪᠣᠷᠣᠭᠠᠨ | ᠵᠦᠰᠡᠷᠡᠨᠡ᠃ ᠪᠠᠰᠠ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠤᠨ ᠤᠰᠤ ᠶᠢ ᠲᠣᠪᠰᠢᠨ ᠪᠠᠭᠤᠬᠤ ᠪᠣᠷᠣᠭᠠᠨ ᠤ ᠲᠠᠭᠤᠨ ᠬᠤᠶᠠᠭ | ᠡᠮᠦᠰᠬᠡᠯ ᠢᠶᠠᠨ ᠬᠡᠲᠦᠷᠡᠭᠰᠡᠨ ᠪᠦᠭᠡᠳᠡᠨ ᠡᠪᠦᠸ᠋ ᠶᠢᠨ ᠪᠦᠢᠪᠦᠷ ᠢᠶᠠᠷ ᠢᠶᠠᠨ ᠬᠢᠴᠡ ᠪᠠᠨ ᠳᠡᠯᠡᠳᠴᠦ ᠪᠦᠭᠡᠯᠡᠨ | ᠪᠥᠵᠢᠭᠯᠡᠭᠡ ᠲᠠᠭᠤᠨ ᠮᠡᠲᠦ᠃ | ᠬᠥᠮᠥᠨ ᠤ ᠤᠬᠠᠭᠠᠨ ᠬᠠᠶᠢᠷᠠ᠂ ᠬᠦᠰᠡᠯ ᠮᠥᠷᠥᠭᠡᠳᠦᠯ᠂ ᠤᠶᠤᠨ ᠰᠦᠨᠡᠰᠦ ᠶᠢ ᠳᠠᠯᠠᠯᠤᠨ ᠲᠠᠯᠠᠯᠤᠬᠤ ᠮᠡᠲᠦ | ᠨᠠᠮᠤᠷ ᠤᠨ ᠰᠠᠯᠬᠢᠨ ᠤ ᠤᠶᠠᠩᠭᠠ ᠳᠦᠷᠢᠯᠡᠭᠡ᠂ ᠡᠵᠢ ᠶᠢ ᠮᠢᠨᠢ ᠦᠷᠡ ᠪᠠᠨ ᠰᠢᠭ ᠬᠠᠶᠢᠷᠠᠯᠠᠭᠰᠠᠨ ᠠᠳᠤᠭᠤᠴᠢᠨ ᠤ | ᠣᠮᠣᠭᠯᠠᠩ ᠢᠰᠬᠡᠷᠦᠯ᠂ ᠠᠭᠲᠠ ᠶᠢᠨ ᠬᠤᠸᠠ ᠶᠢᠨ ᠨᠠᠮᠬᠠᠨ ᠣᠷᠣᠢ ᠪᠠᠨ ᠪᠦᠷᠬᠦᠭᠰᠡᠨ ᠮᠢᠩᠭᠠᠨ ᠠᠳᠤᠭᠤᠨ ᠤ | ᠦᠦᠷᠰᠡᠯᠲᠡ ᠢᠨᠴᠠᠭᠠᠯᠳᠤᠨ ᠴᠤᠪᠬᠤᠴᠡᠨ ᠲᠦᠷᠬᠢᠯᠳᠦᠬᠦ ᠴᠢᠮᠡᠭᠡ ᠲᠠᠢ ᠬᠦᠭ ᠨᠡᠶᠢᠯᠡᠨ ᠠᠶᠠᠰᠠᠷᠠᠵᠦ | ᠮᠥᠷᠥᠭᠡᠳᠦᠯ ᠤᠨ ᠭᠦᠨ ᠵᠦᠭ ᠲᠤᠮᠤᠭ ᠦᠨᠡᠨ ᠢ ᠤᠴᠢᠷᠯᠠᠨ ᠤᠴᠢᠷᠯᠠᠬᠤ ᠮᠡᠲᠦ᠃ | ᠵᠡᠷᠭᠡᠯᠭᠡᠨ ᠲᠦᠬᠦᠯᠵᠢᠭᠰᠡᠨ ᠰᠢᠷᠭᠠᠯ ᠰᠠᠯᠬᠢ ᠡᠪᠡᠰᠦᠨ ᠲᠣᠯᠣᠭᠠᠢ ᠳᠡᠭᠡᠭᠦᠷ ᠠᠩᠬᠢᠯᠤᠮᠠ ᠲᠤᠨᠤᠯᠵᠠᠭᠠᠳ | ᠰᠠᠴᠢ ᠶᠢᠨ ᠲᠠᠯᠠ ᠠᠴᠠ ᠡᠭᠦᠷ ᠡᠭᠦᠷ ᠥᠨᠳᠡᠭᠡ ᠲᠡᠭᠳᠡᠭᠡᠢ ᠪᠠᠨ ᠳᠠᠭᠠᠭᠤᠯᠤᠨ ᠭᠠᠯᠠᠭᠤ ᠰᠢᠪᠠᠭᠤᠳ ᠮᠣᠳᠣᠲᠤ | ᠬᠤᠸᠠ ᠶᠢᠨ ᠣᠷᠣᠢ ᠵᠦᠭ ᠴᠥᠷᠬᠡᠯᠡᠯᠡ᠃ ᠤᠷᠳᠤ ᠤᠳᠠᠭᠠᠨ ᠣᠨ ᠵᠢᠯ ᠤᠳ ᠤᠨ ᠨᠠᠷᠠᠨ ᠰᠠᠷᠠᠨ ᠤ ᠭᠡᠷᠡᠯ ᠢ | ᠰᠢᠩᠭᠡᠭᠡᠵᠦ ᠨᠤᠲᠤᠭ ᠢᠶᠠᠨ ᠰᠠᠬᠢᠭ᠍ᠰᠡᠨ ᠬᠥᠬᠡ ᠴᠢᠯᠠᠭᠤ - ᠡᠵᠢ ᠶᠢᠨ ᠮᠢᠨᠢ ᠬᠦᠢ ᠶᠢ ᠳᠠᠷᠤᠭᠰᠠᠨ ᠬᠥᠬᠡ | ᠴᠢᠯᠠᠭᠤᠨ ᠠᠴᠠ ᠡᠵᠢ ᠶᠢᠨ ᠨᠢᠯᠬᠠ ᠶᠢᠨ ᠦᠨᠦᠷ᠂ ᠨᠢᠯᠬᠠ ᠶᠢᠨ ᠲᠠᠭᠤᠨ᠂ ᠢᠨᠢᠶᠡᠵᠦ ᠲᠣᠭᠯᠠᠵᠤ ᠶᠠᠪᠤᠭᠰᠠᠨ ᠪᠠᠭᠠ | ᠨᠠᠰᠤᠨ ᠤ ᠬᠢᠨᠢ ᠪᠠᠶᠠᠷ ᠵᠢᠷᠭᠠᠯ ᠤᠨ ᠪᠦᠯᠢᠶᠡᠨ ᠠᠮᠢᠰᠬᠤᠭᠠ ᠳᠠᠷᠭᠢᠯᠤᠨᠠ᠃ ᠪᠠᠰᠠ ᠡᠨᠡ ᠨᠤᠲᠤᠭ ᠤᠨ ᠬᠥᠮᠥᠨ | ᠵᠤᠨ ᠤ ᠭᠤᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠭᠰᠠᠨ ᠠᠩᠬᠢᠯᠤᠭᠤᠨ ᠠᠮᠢᠳᠤᠷᠠᠯ ᠤᠨ ᠭᠡᠷᠡᠯ ᠭᠡᠭᠡ ᠰᠠᠴᠤᠷᠠᠨ ᠰᠠᠴᠤᠷᠠᠨᠠ᠃ | ︽ᠲᠠᠪᠤ ᠶᠢᠰᠦ ᠳᠤ ᠬᠠᠯᠢᠶᠠ ᠢᠷᠡᠵᠦ᠂ ᠵᠢᠷᠭᠤᠭᠠ ᠶᠢᠰᠦ ᠳᠤ ᠰᠢᠪᠠᠭᠤᠳ ᠢᠷᠡᠨᠡ︾ ᠬᠡᠮᠡᠨ ᠡᠪᠦᠭᠡᠳ | ᠬᠠᠭᠤᠴᠢᠯᠠᠳᠠᠭ ᠦᠨᠡᠨ ᠪᠠᠶᠢᠵᠤ ᠳ᠋ᠧ᠃ ᠡᠵᠢ ᠶᠢᠨ ᠭᠠᠩᠭᠠᠩ ᠰᠠᠶᠢᠬᠠᠨ ᠨᠤᠲᠤᠭ ᠤᠨ ᠨᠢᠭᠡᠨ ᠲᠤᠩᠭᠠᠯᠠᠭ ᠦᠷ ᠢᠶᠠᠷ | ᠤᠯᠠᠨ ᠰᠢᠪᠠᠭᠤᠳ ᠴᠡᠩᠬᠡᠷ ᠲᠡᠭᠷᠢ ᠶᠢᠨ ᠳᠣᠣᠭᠤᠷ ᠳᠠᠭᠤᠯᠠᠯᠳᠤᠭᠰᠠᠭᠠᠷ ᠨᠢᠰᠴᠦ ᠢᠷᠡᠨᠡᠮ᠃ ᠠ ᠳ᠋ᠠ᠂ ᠬᠠᠷᠠᠭᠠᠴᠢ︕ | ᠲᠡᠷᠨ ᠢᠷᠡᠬᠦ ᠤᠯᠠᠨ ᠰᠢᠪᠠᠭᠤᠳ ᠲᠠᠢ ᠬᠠᠮᠲᠤ ᠵᠢᠭᠦᠷ ᠲᠠᠢ ᠬᠤᠶᠠᠷ ᠰᠢᠪᠠᠭᠤᠨ ᠰᠡᠷᠡᠯ ᠢ ᠬᠦᠯᠦᠭᠯᠡᠭᠡᠳ ᠡᠵᠢ ᠮᠢᠨᠢ | ᠴᠦ ᠰᠠᠯᠤᠭᠠᠳ ᠤᠳᠠᠭᠰᠠᠨ ᠨᠤᠲᠤᠭ ᠢᠶᠠᠨ ᠵᠣᠷᠢᠨ ᠢᠷᠡᠨᠡᠮ᠂ ᠢᠷᠡᠨᠡᠮ᠃ | |