| ᠲᠦᠷᠤᠵᠤ ᠥᠰᠦᠭᠰᠡᠨ ᠥᠯᠥᠭᠡᠢ ᠨᠤᠲᠤᠭ ᠤᠨ ᠢᠶᠠᠨ ᠮᠥᠩᠬᠡ ᠶᠢᠨ ᠠᠯᠳᠠᠨ ᠰᠢᠷᠣᠢ ᠳᠡᠭᠡᠷᠡ | ᠪᠦᠪᠡᠶᠢᠯᠡᠭᠳᠡᠵᠦ ᠲᠠᠪᠢᠨ ᠵᠢᠯ ᠤᠨ ᠬᠠᠪᠤᠷ ᠨᠠᠮᠤᠷ ᠢ ᠤᠭᠲᠤᠯᠠ᠃ ᠨᠤᠲᠤᠭ ᠮᠢᠨᠢ ᠬᠠᠷᠠᠬᠤ ᠳᠤ ᠬᠠᠷᠠᠴᠠᠨ ᠳᠤ | ᠳᠤᠯᠠᠭᠠᠨ᠂ ᠪᠤᠳᠤᠬᠤ ᠳᠤ ᠪᠤᠳᠤᠯ ᠳᠤ ᠰᠦᠮᠪᠤᠷ ᠪᠤᠷᠬᠠᠨ ᠰᠡᠳᠬᠢᠯᠲᠡᠨ ᠳᠡᠭᠡᠳᠦᠰ ᠤᠨ ᠮᠢᠨᠢ ᠢᠷᠠᠭᠤᠬᠠᠨ | ᠠᠯᠳᠠᠷ ᠢᠶᠠᠨ ᠳᠠᠭᠤᠷᠢᠰᠤᠭᠤᠯᠵᠤ ᠶᠠᠪᠤᠭᠰᠠᠨ ᠥᠨᠢ ᠮᠥᠩᠬᠡ ᠶᠢᠨ ᠳᠤᠷᠠᠳᠬᠠᠯᠲᠤ ᠣᠷᠣᠨ ᠶᠤᠮᠰᠠᠨ᠃ ᠤᠨᠠᠭᠠᠨ ᠪᠠᠭᠠ | ᠨᠠᠰᠤᠨ ᠳᠤ ᠪᠠᠨ ᠪᠢᠴᠢᠭ ᠰᠣᠶᠣᠯ ᠤᠨ ᠮᠥᠷ ᠢ ᠳᠤᠲᠠᠭᠤ ᠲᠤᠷᠭᠤᠨ ᠬᠥᠭᠡᠭᠡᠵᠦ ᠮᠠᠯᠴᠢᠨ ᠬᠥᠮᠥᠨ ᠤ | ᠬᠦᠳᠡᠯᠮᠤᠷᠢ ᠶᠢᠨ ᠠᠴᠢᠶᠠ ᠬᠤᠶᠠᠷ ᠮᠥᠷᠥᠨ ᠳᠤ ᠨᠢ ᠣᠨᠣᠭᠳᠠᠬᠤ ᠳᠤ ᠶᠠᠭ ᠨᠡᠶᠢᠳᠡ ᠶᠢᠨ ᠦᠮᠴᠢᠯᠡᠯ ᠨᠢ | ᠬᠤᠪᠢ ᠶᠢᠨ ᠦᠮᠴᠢᠯᠡᠯ ᠪᠣᠯᠵᠤ ᠥᠪᠯᠡᠵᠦ ᠢᠷᠡᠭᠰᠡᠨ ᠨᠡᠭᠦᠳᠡᠯ ᠰᠣᠶᠣᠯ ᠲᠠᠢ ᠥᠪᠡᠷ ᠤᠨ ᠭᠡᠰᠡᠨ ᠬᠥᠷᠥᠩᠭᠡ | ᠬᠤᠭᠰᠢᠯ ᠲᠠᠢ ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠶᠢᠨ ᠰᠢᠨᠡ ᠠᠮᠢᠳᠤᠷᠠᠯ ᠲᠠᠢ ᠪᠣᠯᠵᠤ ᠪᠠᠶᠢᠭᠰᠠᠨ ᠪᠢᠯᠡ᠃ | ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠳᠤ ᠵᠢᠷᠤᠭ ᠰᠢᠭ᠋ ᠭᠤᠶᠣᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠲᠠᠢ ᠬᠤᠭᠤᠯᠠᠲᠤ | ᠂ ᠵᠢᠭᠠᠰᠤᠲᠠᠢ ᠨᠠᠭᠤᠷ ᠲᠤ ᠬᠤᠨ ᠤ ᠰᠦᠷᠤᠭ᠌ ᠬᠤᠨᠢᠨ ᠰᠦᠷᠤᠭ᠌ ᠭᠡᠮᠡᠷ ᠴᠠᠶᠢᠯᠵᠠᠭᠠᠳ ᠨᠠᠭᠤᠷ ᠢ ᠲᠣᠭᠤᠷᠢᠭᠰᠠᠨ | ᠪᠢᠲᠡᠭᠦᠦ ᠰᠢᠭᠤᠢ ᠳᠤ ᠨᠢ ᠠᠳᠤᠭᠤᠨ ᠰᠦᠷᠤᠭ᠌ ᠣᠷᠣᠴᠢᠬᠠᠭᠠᠳ ᠦᠵᠡᠭᠳᠡᠬᠦ ᠦᠭᠡᠢ᠂ ᠠᠶᠢᠯ ᠤᠰᠤᠨ ᠤ | ᠠᠳᠤᠭᠤᠴᠢᠨ ᠡᠷᠡᠰ ᠬᠡᠴᠢᠨᠡᠨ ᠡᠳᠦᠷ ᠤᠨ ᠡᠷᠢᠯ ᠪᠤᠯᠳᠠᠭ ᠨᠢ ᠦᠯᠢᠬᠡᠷ ᠴᠦ ᠶᠤᠮ ᠰᠢᠭ ᠰᠠᠨᠠᠭᠳᠠᠨᠠ᠃ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠡᠷᠬᠢᠮᠯᠡᠨ ᠮᠠᠯ ᠠᠵᠤ ᠠᠬᠤᠢ ᠶᠢ ᠬᠥᠭᠵᠢᠭᠦᠯᠬᠦ ᠨᠠᠮ ᠤᠨ ᠲᠦᠷᠤ ᠶᠢᠨ ᠪᠣᠳᠣᠯᠭᠠ ᠬᠥᠳᠡᠭᠡ | ᠨᠤᠲᠤᠭ ᠲᠤ ᠮᠢᠨᠢ ᠤᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠵᠢᠯ ᠤᠳ ᠤᠨ ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠨᠢᠭᠡᠨ ᠡᠳᠦᠷ ᠪᠢᠯᠡ᠃ | ᠬᠤᠭᠤᠯᠠᠲᠤ ᠶᠢᠨ ᠰᠢᠯᠢ ᠶᠢᠨ ᠰᠠᠷᠠᠭᠤᠯ ᠲᠡᠡᠵᠢᠨ ᠳᠡᠭᠡᠷᠡ ᠬᠤᠨ ᠴᠠᠭᠠᠨ ᠮᠣᠩᠭᠤᠯ ᠭᠡᠷ ᠢ ᠵᠢᠭᠳᠡᠷᠡᠭᠦᠯᠦᠨ ᠪᠣᠰᠬᠠᠵᠤ᠂ | ᠴᠠᠴᠠᠷ ᠮᠠᠶᠢᠬᠠᠨ ᠲᠤᠭ ᠳᠠᠯᠪᠠᠭᠠ ᠨᠠᠮᠢᠷᠠᠭᠤᠯᠵᠤ ᠨᠠᠶᠢᠷ ᠤᠨ ᠰᠤᠷᠠᠭ ᠠᠮᠠ ᠲᠠᠮᠵᠢᠨ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ | ᠰᠡᠳᠬᠢᠯ ᠢ ᠪᠠᠶᠠᠰᠬᠠᠨᠠ᠃ ᠡᠨᠡ ᠬᠦ ᠨᠠᠶᠢᠷ ᠨᠢ ᠮᠠᠨ ᠤ ᠭᠠᠴᠠᠭᠠᠨ ᠤ ᠲᠠᠯᠠ ᠨᠤᠲᠤᠭ ᠤᠨ ᠤᠯᠠᠭᠠᠨ ᠦᠬᠡᠷ ᠢ ᠬᠢᠨᠠᠨ | ᠰᠢᠯᠭᠠᠬᠤ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠪᠠᠶᠢᠯᠠ᠃ ᠶᠠᠭ ᠡᠨᠡ ᠨᠢ ᠮᠢᠨᠤ ᠠᠪᠤ ᠪᠠ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ ᠬᠡᠴᠢᠨᠡᠨ ᠵᠢᠯ | ᠤᠨ ᠰᠢᠷᠭᠠᠭᠤ ᠬᠦᠳᠡᠯᠮᠤᠷᠢ ᠪᠠᠷ ᠢᠶᠠᠨ ᠪᠣᠶᠢᠵᠢᠭᠤᠯᠤᠨ ᠬᠥᠭᠵᠢᠭᠦᠯᠦᠭᠰᠡᠨ ᠱᠢᠷᠦᠨ ᠤᠯᠠᠭᠠᠨ ᠲᠠᠯᠠ ᠨᠤᠲᠤᠭ ᠤᠨ | ᠤᠯᠠᠭᠠᠨ ᠦᠬᠡᠷ ᠤᠨ ᠰᠦᠷᠤᠭ᠌ ᠪᠣᠯᠣᠨᠠ᠃ ᠡᠨᠡ ᠬᠦ ᠨᠠᠶᠢᠷ ᠢᠶᠠᠷ ᠲᠠᠮᠵᠢᠵᠤ ᠬᠤᠰᠢᠭᠤ᠂ ᠠᠶᠢᠮᠠᠭ᠂ ᠣᠷᠣᠨ ᠪᠠ | ᠤᠯᠤᠰ ᠤᠨ ᠡᠯᠡ ᠭᠠᠵᠠᠷ ᠤᠨ ᠠᠷᠪᠠᠨ ᠬᠡᠳᠦᠨ ᠮᠤᠵᠢ ᠣᠷᠣᠨ ᠤ ᠤᠳᠤᠷᠢᠳᠤᠯᠭᠠ ᠮᠡᠷᠭᠡᠵᠢᠯᠲᠡᠳ ᠤᠨ ᠬᠢᠨᠠᠨ | ᠪᠠᠶᠢᠴᠠᠭᠠᠯᠲᠠ ᠪᠠᠷ ᠤᠯᠤᠰ ᠤᠨ ᠲᠡᠰ ᠤᠨ ᠲᠠᠯᠠ ᠨᠤᠲᠤᠭ ᠤᠨ ᠤᠯᠠᠭᠠᠨ ᠦᠬᠡᠷ ᠢᠶᠠᠷ ᠦᠨᠡᠯᠡᠭᠳᠡᠵᠦ ᠠᠪᠤ ᠮᠢᠨᠢ | ᠠᠯᠳᠠᠨ ᠦᠰᠤᠭ᠌ ᠲᠠᠢ ᠲᠦᠷᠤ ᠶᠢᠨ ᠱᠠᠩᠨᠠᠯ ᠢᠶᠠᠷ ᠬᠥᠬᠢᠭᠦᠯᠦᠭᠳᠡᠵᠦ ᠶᠠᠪᠤᠭᠰᠠᠨ ᠲᠡᠦᠬᠡ ᠨᠠᠮᠲᠠᠷ ᠪᠠᠯᠴᠢᠷ | ᠨᠠᠰᠤᠨ ᠤ ᠤᠢ ᠤᠬᠠᠭᠠᠨ ᠳᠤ ᠥᠨᠢᠳᠡ ᠰᠡᠶᠢᠯᠦᠭᠳᠡᠵᠡᠢ᠃ ᠤᠰᠤ ᠶᠢ ᠨᠢ ᠤᠤᠭᠤᠪᠠᠯ ᠡᠬᠡ ᠶᠢ ᠨᠢ ᠪᠤᠤ ᠮᠠᠷᠲᠠ | ᠬᠡᠳᠡᠭ ᠢᠶᠠᠷ ᠲᠦᠷᠤ ᠳᠤ ᠪᠠᠨ ᠠᠯᠳᠠᠷ ᠲᠠᠢ ᠲᠦᠮᠡᠨ ᠳᠤ ᠪᠠᠨ ᠵᠢᠳᠬᠦᠯ ᠲᠠᠢ ᠡᠬᠡᠯ ᠵᠢᠷ ᠤᠨ ᠮᠠᠯᠴᠢᠨ ᠠᠪᠤ ᠪᠠᠨ ᠪᠢ | ᠳᠤᠷᠠᠳᠬᠤ ᠶᠣᠰᠣᠲᠠᠢ᠂ ᠪᠢᠴᠢᠭᠯᠡᠬᠦ ᠴᠦ ᠶᠣᠰᠣᠲᠠᠢ᠃ ᠬᠦᠳᠡᠯᠮᠤᠷᠢᠴᠢ ᠮᠠᠯᠴᠢᠳ ᠤᠨ ᠢᠶᠠᠨ ᠳᠣᠲᠣᠷᠠ ᠭᠠᠪᠢᠶᠠᠲᠤ | ᠬᠥᠮᠥᠨ ᠭᠡᠬᠦ ᠳᠤ ᠵᠥᠪ ᠶᠤᠮᠰᠠᠨ᠃ | ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠣᠯᠵᠤ ᠰᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠣᠯᠣᠨᠠ ᠭᠡᠳᠡᠭᠴᠢᠯᠡᠨ ᠠᠷᠢᠭᠤᠨ ᠴᠢᠬᠡᠴᠢ | ᠬᠦᠳᠡᠯᠮᠤᠷᠢ ᠪᠠᠷ ᠢᠶᠠᠨ ᠠᠬᠤᠢ ᠦᠢᠯᠡᠰ ᠢᠶᠠᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠭᠰᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ ᠶᠡᠭᠡ ᠠᠯᠳᠠᠷ | ᠨᠢ ᠥᠯᠥᠭᠡᠢ ᠨᠤᠲᠤᠭ ᠤᠨ ᠢᠶᠠᠨ ᠰᠢᠷᠬᠡᠭ ᠡᠪᠡᠰᠦ ᠮᠥᠬᠦᠯᠢᠭ ᠰᠢᠷᠣᠢ ᠳᠤ ᠨᠢ ᠬᠦᠷᠳᠡᠯᠡ ᠠᠭᠤᠰᠤᠨ | ᠠᠮᠢᠯᠠᠭᠰᠠᠭᠠᠷ ᠪᠢᠯᠡ᠃ ᠪᠠᠶᠠᠨ ᠪᠠᠶᠢᠭᠠᠯᠢ ᠶᠢᠨ ᠰᠠᠶᠢᠬᠠᠨ ᠦᠵᠡᠮᠵᠢ ᠰᠣᠯᠣᠩᠭᠠᠷᠠᠨ ᠪᠠᠭᠠᠲᠤᠷ ᠮᠠᠯᠴᠢᠳ ᠤᠨ | ᠠᠷᠢᠭᠤᠨ ᠦᠢᠯᠡᠰ ᠪᠠᠳᠠᠷᠠᠭᠰᠠᠨ ᠨᠤᠲᠤᠭ ᠢᠶᠠᠨ ᠪᠢ ᠪᠠᠭ᠋ᠠᠷᠠᠯᠲᠤ ᠬᠦᠳᠡᠯᠮᠤᠷᠢ ᠶᠢᠨ ᠴᠡᠭᠡᠯᠬᠡᠨ ᠠᠶᠠᠯᠭᠤ ᠪᠠᠷ | ᠮᠠᠭᠲᠠᠮᠤ᠂ ᠡᠯᠡᠰᠦ ᠮᠠᠩᠬᠠᠨ ᠤ ᠡᠬᠡ ᠨᠤᠲᠤᠭ ᠮᠢᠨᠢ ᠦᠵᠡᠰᠬᠦᠯᠡᠩ ᠲᠠᠢ ᠳ᠋ᠠ᠃ | |