| ᠪᠠᠶᠠᠨᠬᠤᠰᠢᠭᠤ ᠰᠣᠮᠣᠨ ᠤ ᠬᠠᠷᠠᠭᠠᠳᠣ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠣᠷᠳᠣᠨᠠᠰᠣᠳᠣ ᠶᠢᠨ ᠬᠢ᠂ ᠡᠨᠡ ᠵᠢᠯ ᠲᠦᠴᠢ ᠰᠢᠬᠠᠮ | ᠦᠨᠢᠶᠠ ᠲᠣᠭᠤᠯᠯᠠᠵᠣ᠂ ᠡᠬᠡ ᠮᠠᠯ ᠤᠨ ᠬᠢᠨᠢ ᠲᠠᠷᠭᠤ ᠬᠦᠴᠦ ᠰᠠᠶᠢᠨ ᠪᠣᠯᠬᠤᠷ ᠲᠣᠭᠤᠯ ᠤᠨ ᠬᠢᠨᠢ ᠦᠰᠦᠯᠳᠡ ᠪᠣᠶᠢᠵᠢᠯᠲᠠ | ᠴᠦ ᠰᠠᠶᠢᠨ ᠪᠠᠶᠢᠯᠠ᠃ | ᠣᠷᠳᠣᠨᠠᠰᠣᠳᠣ ᠶᠢᠨ ᠬᠢ ᠲᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠠᠴᠠ ᠱᠠᠷᠦ᠋ᠯᠠᠢ ᠡᠭᠦᠯᠳᠡᠷ ᠤᠨ ᠦᠭᠡᠷ ᠮᠠᠯᠵᠢᠵᠣ | ᠡᠬᠢᠯᠡᠭᠰᠡᠨ ᠪᠠᠶᠢᠵᠣ᠂ ᠦᠭᠡᠷ ᠤᠨ ᠲᠤᠭᠠ ᠲᠣᠯᠣᠭᠠᠢ ᠨᠢ ᠵᠢᠯ ᠲᠠᠷᠠᠭᠠᠯᠠᠨ ᠦᠰᠦᠭᠰᠡᠭᠡᠷ ᠥᠩᠭᠡᠷᠡᠭᠰᠡᠨ ᠵᠢᠯ ᠤᠳ ᠢᠶᠠᠷ | ᠵᠠᠭᠤ ᠶᠢᠨ ᠲᠤᠭᠠ ᠶᠢ ᠲᠠᠪᠠᠵᠣ ᠪᠠᠶᠢᠵᠠᠢ᠃ ᠡᠨᠡᠬᠦ ᠪᠠᠶᠢᠳᠠᠯ ᠳᠤ ᠲᠡᠷᠡ᠂ ᠭᠠᠴᠠᠭᠠᠨ ᠤ ᠪᠠᠨ ᠬᠦᠮᠦᠨ ᠪᠦᠷᠢ ᠳᠤ | ᠨᠣᠭᠳᠠᠬᠤ ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ ᠬᠡᠪᠴᠢᠶᠠ ᠬᠠᠷᠢᠴᠠᠩᠭᠤᠢ ᠪᠠᠭᠠ᠂ ᠣᠯᠠᠨ ᠲᠦᠷᠦᠯ ᠤᠨ ᠮᠠᠯ ᠮᠠᠯᠵᠢᠬᠤ ᠳᠤ ᠲᠣᠬᠢᠷᠠᠬᠤ | ᠦᠭᠡᠢ ᠪᠠᠶᠢᠭᠠ ᠵᠡᠷᠭᠡ ᠪᠣᠳᠠᠳᠣ ᠪᠠᠶᠢᠳᠠᠯ ᠢᠶᠠᠷ ᠣᠷᠢᠳᠠᠯ ᠪᠣᠯᠭᠠᠵᠣ᠂ ᠦᠭᠡᠷ ᠤᠨ ᠢᠶᠠᠨ ᠡᠭᠦᠯᠳᠡᠷ ᠢ ᠨᠡᠩ ᠰᠠᠶᠢᠨ | ᠰᠢᠯᠢᠳᠡᠭᠵᠢᠭᠦᠯᠬᠦ ᠶᠢᠨ ᠵᠡᠷᠭᠡ ᠪᠠᠷ ᠮᠠᠩᠬᠠ ᠨᠦᠮᠦᠷᠢ᠂ ᠣᠰᠣ ᠪᠡᠯᠴᠢᠭᠡᠷ ᠤᠨ ᠨᠦᠮᠦᠷᠢ ᠨᠦᠭᠡᠯᠭᠡ ᠰᠠᠶᠢᠨ᠂ ᠡᠪᠡᠰᠦᠨ ᠤ | ᠰᠢᠮᠡ ᠴᠦ ᠵᠦᠭᠡᠷ ᠪᠠᠶᠢᠳᠠᠭ ᠲᠠᠪᠠᠭᠤᠯᠢᠭ ᠢᠶᠠᠨ ᠬᠦᠢᠴᠡᠳ ᠠᠰᠢᠭᠯᠠᠨ ᠲᠣᠰᠠᠬᠠᠢ ᠦᠭᠡᠷ ᠮᠠᠯᠵᠢᠬᠤ ᠡᠷᠦᠭᠡ ᠪᠣᠯᠬᠤ ᠪᠠᠷ | ᠵᠣᠷᠢᠭᠰᠠᠨ ᠪᠠᠶᠢᠨᠠ᠃ | ᠣᠳᠣᠬᠠᠨ ᠤ ᠠᠭᠤᠷ ᠠᠮᠢᠰᠬᠤᠯ ᠤᠨ ᠬᠤᠪᠢᠷᠠᠯᠳᠠ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ ᠣᠷᠭᠤᠴᠠ ᠪᠣᠯᠣᠨ ᠲᠦᠷᠦᠯ ᠵᠦᠢᠯ | ᠤᠨ ᠬᠤᠪᠢᠷᠠᠯᠳᠠ᠂ ᠵᠠᠬᠠ ᠲᠡᠯᠭᠡᠭᠦᠷ ᠤᠨ ᠦᠨᠡ ᠬᠠᠩᠰᠢ ᠵᠡᠷᠭᠡ ᠨᠢ ᠬᠦᠮᠦᠰ ᠤᠨ ᠮᠠᠯᠵᠢᠯ ᠤᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠨ | ᠬᠤᠪᠢᠷᠠᠭᠤᠯᠬᠤ ᠵᠠᠶᠢᠯᠡᠰᠢ ᠦᠭᠡᠢ ᠬᠦᠴᠦᠨ ᠪᠣᠯᠵᠣ ᠬᠤᠪᠢᠷᠠᠭᠰᠠᠨ ᠶᠣᠮ᠂ ᠡᠳᠡᠭᠡᠷ ᠪᠠᠶᠢᠳᠠᠯ ᠲᠣᠣᠷᠠ ᠮᠠᠯᠴᠢᠨ ᠵᠠᠯᠠᠭᠤ | ᠣᠷᠳᠣᠨᠠᠰᠣᠳᠣ ᠴᠦ ᠣᠣᠯ ᠠᠴᠠ ᠪᠠᠨ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠲᠤ ᠲᠦᠰᠢᠭᠯᠡᠨ ᠴᠢᠨᠠᠷᠯᠢᠭ ᠮᠠᠯᠵᠢᠬᠤ | ᠠᠷᠭᠠ ᠲᠣᠷᠰᠢᠯᠭᠠ ᠪᠠᠨ ᠨᠡᠩ ᠰᠢᠯᠢᠳᠡᠭᠵᠢᠬᠦᠯᠦᠨ᠂ ᠪᠡᠯᠴᠢᠭᠡᠷ ᠤᠨ ᠲᠠᠭᠠᠭᠠᠴᠠ ᠳᠤ ᠪᠠᠨ ᠲᠣᠬᠢᠷᠠᠭᠤᠯᠣᠨ ᠦᠭᠡᠷ ᠤᠨ | ᠲᠤᠭᠠ ᠲᠣᠯᠣᠭᠠᠢ ᠪᠠᠨ ᠴᠦᠭᠡᠳᠬᠡᠵᠦ᠂ ᠵᠢᠯ ᠳᠡᠭᠡᠨ ᠲᠦᠴᠢ ᠭᠠᠷᠣᠢ ᠲᠣᠭᠤᠯ ᠲᠣᠰᠴᠣ᠂ ᠦᠷᠠ ᠶᠢᠨ ᠮᠠᠯ ᠢᠶᠠᠷ | ᠪᠣᠷᠣᠯᠠᠭᠤᠯᠬᠤ᠂ ᠡᠷᠳᠡ ᠭᠠᠷᠭᠠᠯᠲᠠ ᠳᠤ ᠭᠠᠷᠭᠠᠬᠤ ᠵᠡᠷᠭᠡ ᠪᠠᠷ ᠪᠡᠯᠴᠢᠭᠡᠷ ᠤᠨ ᠲᠠᠷᠣᠭᠠᠰᠣ ᠪᠠᠨ ᠬᠦᠩᠬᠡᠯᠡᠨ᠂ ᠵᠠᠷᠣᠳᠠᠯ | ᠮᠦᠩᠭᠦ ᠪᠠᠨ ᠬᠡᠮᠨᠡᠬᠦ ᠠᠷᠭᠠ ᠶᠢ ᠠᠪᠴᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠣᠷᠳᠣᠨᠠᠰᠣᠳᠣ ᠶᠢᠨ ᠬᠢ ᠵᠢᠯ ᠳᠡᠭᠡᠨ ᠦᠭᠡᠷ ᠲᠡᠭᠡᠨ ᠲᠡᠵᠢᠭᠡᠯ ᠪᠣᠷᠳᠤᠭᠠ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠪᠠᠶᠢᠭᠠᠯᠢᠯᠢᠭ ᠪᠡᠯᠴᠢᠭᠡᠷ | ᠪᠣᠯᠣᠨ ᠲᠠᠵᠢᠬᠡᠯ ᠡᠪᠡᠰᠦ ᠪᠠᠷ ᠮᠠᠯ ᠤᠨ ᠢᠶᠠᠨ ᠬᠦᠴᠦ ᠲᠠᠷᠭᠤ ᠶᠢ ᠪᠠᠳᠣᠯᠠᠵᠣ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠣᠨᠴᠠᠯᠢᠭᠳᠠᠳᠠᠭ᠂ | ᠮᠦᠨ ᠴᠦ ᠨᠠᠮᠣᠷ ᠲᠠᠭᠠᠨ ᠲᠡᠵᠢᠭᠡᠯ ᠡᠪᠡᠰᠦ ᠪᠠᠨ ᠥᠪᠡᠷᠳᠡᠭᠡᠨ ᠬᠠᠳᠣᠵᠣ ᠲᠡᠭᠡᠭᠡᠪᠦᠷᠢᠯᠡᠳᠡᠭ ᠢᠶᠠᠷ ᠪᠠᠭᠠ ᠪᠣᠰᠣ ᠵᠠᠷᠣᠳᠠᠯ | ᠮᠥᠩᠭᠦ ᠶᠢ ᠠᠷᠪᠢᠯᠠᠵᠣ ᠴᠢᠳᠠᠳᠠᠭ ᠪᠦᠭᠡᠳ ᠮᠠᠩᠬᠠ᠂ ᠪᠣᠳᠠ ᠪᠣᠷᠭᠠᠯᠵᠢ ᠲᠠᠢ ᠪᠡᠯᠴᠢᠭᠡᠷ ᠨᠢ ᠲᠣᠯᠠᠭᠠᠨ ᠨᠦᠮᠦᠷᠢ ᠲᠠᠢ | ᠪᠣᠯᠬᠤᠷ ᠭᠠᠳᠠᠨᠠ ᠪᠠᠨ ᠠᠪᠴᠢᠷᠠᠵᠣ ᠡᠪᠡᠰᠦᠯᠡᠬᠦ ᠬᠤᠭᠤᠴᠠᠭᠠ ᠨᠢ ᠬᠠᠷᠢᠴᠠᠩᠭᠤᠢ ᠪᠣᠭᠤᠨᠢ ᠪᠠᠶᠢᠵᠣ᠂ ᠪᠠᠶᠢᠭᠠᠯᠢᠯᠢᠭ | ᠪᠡᠯᠴᠢᠭᠡᠷ ᠲᠤ ᠲᠠᠯᠪᠢᠵᠦ ᠲᠠᠷᠭᠤ ᠬᠦᠴᠦ ᠶᠢ ᠪᠠᠳᠣᠯᠠᠬᠤ ᠨᠢ ᠲᠡᠭᠦᠨ ᠤ ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠤᠨ ᠲᠣᠷᠰᠢ | ᠪᠠᠷᠢᠮᠳᠠᠯᠠᠵᠣ᠂ ᠠᠮᠵᠢᠯᠲᠠ ᠣᠯᠵᠣ ᠢᠷᠡᠭᠰᠡᠨ ᠨᠢᠭᠡ ᠲᠠᠯᠠ ᠪᠠᠶᠢᠯᠠ᠃ | ᠮᠠᠯ ᠤᠨ ᠲᠤᠭᠠ ᠲᠣᠯᠣᠭᠠᠢ ᠪᠠᠨ ᠪᠡᠯᠴᠢᠭᠡᠷ ᠤᠨ ᠢᠶᠠᠨ ᠲᠠᠭᠠᠭᠠᠴᠠ ᠳᠤ ᠲᠣᠬᠢᠷᠠᠭᠤᠯᠣᠨ᠂ ᠨᠣᠳᠤᠭ ᠪᠡᠯᠴᠢᠭᠡᠷ ᠤᠨ | ᠲᠠᠪᠠᠭᠤᠯᠢᠭ ᠨᠦᠬᠦᠴᠡᠯ ᠢᠶᠠᠨ ᠬᠦᠢᠴᠠᠳ ᠠᠰᠢᠭᠯᠠᠨ᠂ ᠨᠠᠷᠢᠯᠢᠭ ᠲᠠᠩᠰᠠ ᠪᠣᠳᠣᠨ ᠵᠠᠷᠣᠳᠠᠯ ᠢᠶᠠᠨ ᠬᠡᠮᠨᠡᠨ ᠣᠷᠣᠯᠭᠠ ᠪᠠᠨ | ᠨᠡᠮᠡᠭᠳᠡᠬᠦᠯᠵᠦ ᠶᠠᠪᠣᠭᠠ ᠮᠠᠯᠴᠢᠨ ᠣᠷᠳᠣᠨᠠᠰᠣᠳᠣ᠂ ᠪᠠᠶᠢᠭᠠᠯᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠵᠣ ᠠᠰᠢᠭ ᠣᠷᠣᠯᠭᠠ ᠪᠠᠨ | ᠨᠡᠮᠡᠭᠳᠡᠬᠦᠯᠬᠦ ᠵᠠᠮ ᠢᠶᠠᠷ ᠵᠣᠷᠢᠭᠳᠠᠢ ᠴᠢᠷᠮᠠᠶᠢᠵᠣ ᠶᠠᠪᠣᠨᠠ᠃ | | | |