| ᠦᠵᠡᠰᠭᠦᠯᠡᠩᠲᠦ ᠰᠠᠶᠢᠬᠠᠨ ᠥᠷᠭᠡᠨ ᠠᠭᠤᠳᠠᠮ ᠦᠵᠦᠮᠦᠴᠢᠨ ᠨᠤᠲᠤᠭ ᠤᠨ ᠥᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠲᠤ | ᠢᠳᠡᠰᠢᠯᠡᠨ ᠷᠠᠰᠢᠶᠠᠨ ᠲᠤᠩᠭᠠᠯᠠᠭ ᠣᠰᠣᠨ ᠢᠶᠠᠷ ᠣᠮᠳᠠᠭᠠᠯᠠᠭᠰᠠᠨ ᠦᠵᠦᠮᠦᠴᠢᠨ ᠴᠠᠭᠠᠨ ᠠᠳᠣᠭᠤ ᠨᠢ | ᠦᠵᠦᠮᠦᠴᠢᠨᠴᠣᠳ ᠤᠨ ᠠᠮᠢᠨ ᠬᠠᠶᠢᠷᠠᠲᠠᠢ ᠮᠣᠷᠢ ᠡᠷᠳᠡᠨᠢ ᠪᠢᠯᠡ ᠃ | ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ ᠰᠤᠮᠤᠨ ᠤ ᠪᠠᠶᠠᠨᠴᠠᠭᠠᠨ ᠭᠠᠴᠠᠭᠠᠨ ᠤ ᠮᠠᠯᠴᠢᠨ | ᠠᠯᠲᠠᠨᠰᠦ᠋ᠬᠡ ᠶᠢᠨ ᠬᠢ ᠣᠯᠠᠨ ᠵᠢᠯ ᠴᠠᠭᠠᠨ ᠠᠳᠣᠭᠤ ᠮᠠᠯᠵᠢᠵᠤ ᠂ ᠦᠵᠦᠮᠦᠴᠢᠨ ᠴᠠᠭᠠᠨ ᠠᠳᠣᠭᠤᠨ ᠤ ᠪᠠᠨ ᠤᠳᠤᠮ | ᠣᠭᠰᠢᠯ ᠢ ᠬᠠᠮᠠᠭᠠᠯᠠᠨ᠂ ᠨᠣᠲᠤᠭ ᠪᠡᠯᠴᠢᠭᠡᠷ ᠲᠡᠭᠡᠨ ᠵᠣᠬᠢᠴᠠᠭᠤᠯᠣᠨ ᠮᠠᠯᠵᠢᠭᠰᠠᠭᠠᠷ ᠢᠷᠡᠵᠡᠢ᠃ ᠠᠯᠲᠠᠨᠰᠦ᠋ᠬᠡ ᠶᠢᠨ ᠬᠢ | ᠣᠣᠯ ᠠᠴᠠ ᠪᠠᠨ ᠮᠠᠯ ᠤᠨᠤᠭᠠ ᠵᠣᠵᠠᠭᠠᠨ ᠴᠢᠨᠡᠭᠡᠯᠢᠭ ᠡᠷᠥᠬᠡ ᠶᠢᠨ ᠨᠢᠭᠡᠨ ᠶᠤᠮ᠃ ᠤᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠤᠨ | ᠨᠤᠲᠤᠭ ᠪᠡᠯᠴᠢᠭᠡᠷ ᠤᠨ ᠬᠤᠪᠢᠷᠠᠯᠲᠠ᠂ ᠮᠠᠯ ᠤᠨ ᠲᠡᠵᠢᠭᠡᠯᠭᠡ ᠠᠷᠠᠴᠢᠯᠠᠭᠠ ᠶᠢᠨ ᠦᠭᠡᠷᠡᠴᠢᠯᠡᠯᠲᠡ᠂ ᠵᠠᠬᠠ ᠳᠡᠯᠭᠡᠭᠦᠷ ᠤᠨ | ᠦᠨᠡ ᠬᠠᠩᠰᠢ ᠶᠢᠨ ᠬᠡᠯᠪᠡᠯᠵᠡᠯᠲᠡ ᠶᠢᠨ ᠪᠠᠶᠢᠳᠠᠯ ᠢ ᠰᠢᠨᠵᠢᠨ ᠠᠯᠲᠠᠨᠰᠦ᠋ᠬᠡ ᠮᠠᠯ ᠰᠦᠷᠦᠭ ᠤᠨ ᠪᠦᠲᠦᠴᠡ ᠳᠡᠭᠡᠨ | ᠵᠣᠷᠢᠭᠲᠠᠢ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠦ᠂ ᠡᠮᠦᠨᠡ ᠬᠡᠳᠦᠨ ᠵᠢᠯ ᠬᠤᠨᠢ ᠪᠠᠨ ᠪᠦᠬᠦᠨ ᠢ ᠬᠤᠳᠠᠯᠳᠣᠵᠤ᠂ 2023 ᠤᠨ ᠳᠤ | ᠠᠷᠪᠠᠭᠠᠳ ᠦᠬᠡᠷ ᠦᠯᠡᠳᠡᠭᠡᠨ 70 ᠭᠠᠷᠣᠢ ᠦᠬᠡᠷ ᠢᠶᠠᠨ ᠬᠤᠳᠠᠯᠳᠣᠵᠤ ᠂ ᠦᠵᠦᠮᠦᠴᠢᠨ ᠴᠠᠭᠠᠨ ᠠᠳᠣᠭᠤ ᠪᠠᠨ | ᠭᠤᠣᠯᠯᠠᠨ ᠮᠠᠯᠵᠢᠵᠠᠢ ᠃ | ᠠᠯᠲᠠᠨᠰᠦ᠋ᠬᠡ ᠮᠠᠯ ᠪᠡᠯᠴᠢᠭᠡᠷ ᠤᠨ ᠲᠡᠩᠴᠡᠭᠦᠷᠢᠰᠢᠯ ᠢ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠲᠡᠷᠢᠭᠦᠨ ᠳᠤ ᠲᠠᠯᠪᠢᠵᠤ ᠂ | 5000 ᠭᠠᠷᠣᠢ ᠮᠦ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠡᠭᠡᠨ ᠵᠢᠷᠠᠭᠠᠳ ᠴᠠᠭᠠᠨ ᠠᠳᠣᠭᠤ ᠪᠠᠨ ᠵᠤᠬᠢᠴᠠᠭᠤᠯᠤᠨ᠂ ᠵᠣᠨ ᠨᠠᠮᠣᠷ ᠂ | ᠡᠪᠦᠯ ᠬᠠᠪᠣᠷ ᠪᠡᠯᠴᠢᠭᠡᠷ ᠰᠡᠯᠭᠦᠨ ᠮᠠᠯᠵᠢᠵᠤ᠂ ᠠᠮᠢ ᠠᠬᠤᠢ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ | ᠮᠠᠯ ᠤᠨ ᠡᠭᠦᠯᠳᠡᠷ ᠣᠭᠰᠠᠭᠠ ᠶᠢ ᠰᠢᠯᠢᠳᠡᠭᠵᠢᠭᠦᠯᠦᠨ ᠴᠦᠭᠡᠨ ᠲᠣᠭᠠᠨ ᠠᠴᠠ ᠦᠨᠳᠦᠷ ᠦᠷᠡ ᠠᠰᠢᠭ ᠬᠥᠷᠲᠡᠬᠦ ᠶᠢ | ᠵᠣᠷᠢᠵᠠᠢ᠃ ᠲᠡᠷᠡᠪᠡᠷ 2019 ᠣᠨ ᠳᠤ ᠠᠳᠣᠭᠤᠨ ᠰᠦᠷᠦᠭ ᠢ ᠨᠢ ᠮᠣᠩᠭᠤᠯ ᠠᠳᠣᠭᠤᠨ ᠤ ᠡᠭᠦᠯᠳᠡᠷ ᠬᠠᠮᠠᠭᠠᠯᠠᠬᠤ | ᠭᠤᠣᠯᠳᠠᠯᠭᠠᠲᠤ ᠰᠦᠷᠦᠭ ᠢᠶᠠᠷ ᠬᠢᠨᠠᠨ ᠲᠤᠭᠲᠠᠭᠠᠵᠤ᠂ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠵᠢᠯ ᠪᠦᠷᠢ ᠭᠡᠭᠦᠦ ᠪᠦᠷᠢ ᠮᠢᠩᠭᠠᠨ | ᠲᠥᠭᠦᠷᠢᠭ ᠤᠨ ᠨᠦᠬᠦᠪᠦᠷᠢ ᠣᠯᠭᠤᠭᠰᠠᠨ ᠢᠶᠠᠷ ᠮᠣᠩᠭᠤᠯ ᠠᠳᠣᠭᠤᠨ ᠤ ᠪᠠᠨ ᠡᠭᠦᠯᠳᠡᠷ ᠢ ᠬᠠᠮᠠᠭᠠᠯᠠᠨ ᠨᠤᠲᠤᠭ ᠠᠳᠣᠭᠤ | ᠮᠠᠯᠵᠢᠬᠤ ᠳᠤ ᠨᠢ ᠵᠣᠷᠢᠭ ᠬᠦᠴᠦ ᠨᠡᠮᠡᠭᠰᠡᠨ ᠪᠠᠶᠢᠨᠠ ᠃ | ᠠᠯᠲᠠᠨᠰᠦ᠋ᠬᠡ ᠠᠳᠣᠭᠤ ᠮᠠᠯᠵᠢᠬᠤ ᠲᠤᠬᠠᠢ ᠥᠪᠡᠷ ᠤᠨ ᠭᠡᠰᠡᠨ ᠦᠵᠡᠯ ᠪᠤᠳᠣᠯ ᠲᠠᠢ ᠪᠠᠶᠢᠳᠠᠭ᠃ ᠲᠡᠷᠡ | ᠬᠡᠯᠡᠬᠦ ᠳᠡᠭᠡᠨ᠄ ︽ᠠᠳᠣᠭᠤ ᠶᠡᠷᠦᠨᠢ ᠥᠭᠡᠷᠡ ᠲᠥᠷᠦᠯ ᠤᠨ ᠮᠠᠯ ᠢ ᠪᠤᠳᠤᠪᠠᠯ ᠪᠡᠯᠴᠢᠭᠡᠷ ᠨᠣᠲᠤᠭ ᠲᠤ ᠭᠠᠮᠳᠠᠢ᠃ ᠨᠡᠩ | ᠢᠯᠠᠩᠭᠤᠶᠠ ᠨᠤᠲᠤᠭ ᠠᠳᠣᠭᠤ ᠨᠢ ᠡᠪᠦᠯ ᠤᠨ ᠣᠯᠠᠷᠢᠯ ᠳᠤ ᠬᠦᠢᠲᠡᠨ ᠳᠤ ᠳᠠᠭᠠᠭᠠᠴᠠ ᠲᠠᠢ᠂ ᠪᠡᠯᠴᠢᠭᠡᠷᠯᠡᠨ ᠮᠠᠯᠵᠢᠬᠤ ᠳᠤ | ᠵᠣᠬᠢᠨᠡ᠃ ᠫᠧᠩ ᠰᠠᠷᠠᠪᠴᠢ ᠬᠤᠷᠤᠭᠠ ᠬᠠᠰᠢᠶᠠ ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠬᠦᠳᠡᠯᠮᠦᠷᠢ ᠬᠦᠴᠦ ᠪᠠᠭᠠ ᠲᠠᠢ ᠠᠶᠢᠯ ᠠᠳᠣᠭᠤ | ᠮᠠᠯᠵᠢᠬᠤ ᠨᠢ ᠵᠤᠬᠢᠮᠵᠢᠲᠠᠢ ︾ ᠭᠡᠯᠡ ᠃ ᠣᠣᠯ ᠨᠢ ᠡᠳᠡᠨᠡᠶᠢᠬᠢᠨ ᠨᠠᠮᠤᠷ ᠲᠠᠭᠠᠨ 500 ᠵᠢᠩ ᠤᠨ ᠪᠤᠭᠤᠯᠲᠠ ᠲᠠᠢ | ᠡᠪᠡᠰᠦ ᠶᠢ ᠳᠥᠷᠪᠡ ᠲᠠᠪᠤᠨ ᠵᠠᠭᠤᠨ ᠪᠤᠭᠤᠯᠲᠠ ᠨᠦᠭᠡᠴᠡᠯᠡᠳᠡᠭ ᠪᠠᠶᠢᠭᠰᠠᠨ ᠪᠣᠯ ᠦᠩᠭᠡᠷᠡᠭᠰᠡᠨ ᠡᠪᠦᠯ ᠡᠳᠡᠨᠡᠶᠢᠬᠢᠨ ᠵᠥᠪᠬᠡᠨ | ᠵᠠᠭᠤ ᠭᠠᠷᠣᠢ ᠪᠤᠭᠤᠯᠲᠠ ᠨᠦᠭᠡᠴᠡᠯᠡᠵᠦ᠂ ᠠᠳᠣᠭᠤ ᠪᠠᠨ ᠡᠪᠦᠯᠵᠢᠨ ᠪᠡᠯᠴᠢᠭᠡᠷ ᠲᠤ ᠭᠠᠷᠭᠠᠬᠤ ᠶᠢᠨ ᠵᠡᠷᠭᠡ ᠥᠷᠯᠦᠭᠡ ᠤᠷᠤᠢ | ᠬᠥᠬᠡ ᠡᠪᠡᠰᠦᠨ ᠲᠡᠵᠢᠭᠡᠯ ᠨᠡᠮᠡᠵᠦ᠂ ᠠᠳᠣᠭᠤᠨ ᠰᠦᠷᠦᠭ ᠨᠢ ᠲᠠᠷᠭᠤ ᠬᠦᠴᠦᠲᠡᠢ ᠮᠡᠨᠳᠦ ᠤᠨᠳᠤᠷᠤᠵᠤ ᠂ ᠲᠥᠯ ᠮᠠᠯ ᠨᠢ | ᠴᠤ ᠲᠤᠷᠨᠢᠭᠤᠨ ᠪᠤᠶᠢᠵᠢᠭᠰᠠᠨ ᠪᠠᠶᠢᠨᠠ ᠃ | ᠡᠶᠢᠨᠬᠦ ᠮᠠᠯᠴᠢᠨ ᠠᠯᠲᠠᠨᠰᠦ᠋ᠬᠡ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠡᠷᠬᠢᠯᠡᠬᠦ ᠳᠡᠭᠡᠨ ᠪᠠᠶᠢᠭᠠᠯᠢ ᠤᠷᠴᠢᠨ ᠤ ᠬᠤᠪᠢᠷᠠᠯᠲᠠ᠂ ᠵᠠᠬᠠ | ᠳᠡᠯᠭᠡᠭᠦᠷ ᠤᠨ ᠦᠨᠡ ᠬᠠᠩᠰᠢ ᠶᠢᠨ ᠪᠠᠶᠢᠳᠠᠯ ᠢ ᠰᠣᠷᠭᠤᠭ ᠢᠶᠠᠷ ᠠᠵᠢᠵᠤ ᠂ ᠮᠠᠯ ᠰᠦᠷᠦᠭ ᠤᠨ ᠪᠦᠲᠦᠴᠡ ᠳᠡᠭᠡᠨ | ᠵᠤᠷᠢᠭᠲᠠᠢ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠦ ᠂ ᠴᠠᠭ ᠦᠶᠡ ᠳᠤ ᠵᠤᠬᠢᠴᠠᠭᠰᠠᠨ ᠂ ᠪᠠᠶᠢᠭᠠᠯᠢ ᠨᠤᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠭᠰᠠᠨ ᠂ | ᠦᠷᠡ ᠠᠰᠢᠭ ᠦᠨᠳᠦᠷ ᠮᠠᠯᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠪᠠᠷ ᠠᠮᠢᠳᠣᠷᠠᠯ ᠦᠢᠯᠡᠰ ᠢᠶᠠᠨ ᠴᠤᠭᠴᠠᠯᠠᠵᠤ ᠶᠠᠪᠤᠨᠠ ᠃ | | |