| ᠮᠤᠩᠭᠤᠯᠴᠤᠳ ᠮᠠᠨᠢ ᠡᠷᠳᠡ ᠲᠡᠭᠡᠷᠡ ᠥᠶᠡ ᠠᠴᠠ ᠪᠠᠨ ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠤᠶᠤᠨ ᠤ ᠲᠡᠭᠡᠳᠤ ᠬᠡᠮᠡᠨ ᠥᠵᠡᠵᠦ | ᠨᠤᠮ ᠰᠤᠳᠤᠷ ᠢ ᠶᠡᠭᠡᠳᠡ ᠬᠥᠨᠳᠥᠳᠭᠡᠨ᠂ ︽ᠥᠪᠡᠷᠰᠡᠳ ᠢᠶᠠᠨ ᠬᠥᠳᠥᠰᠥ ᠨᠡᠬᠡᠢ ᠡᠮᠤᠰᠪᠡᠴᠥ ᠨᠤᠮ ᠢ ᠲᠤᠷᠭᠠ ᠪᠠᠷ | ᠪᠡᠷᠢᠨᠳᠠᠭᠯᠠᠵᠦ︾ ᠬᠥᠨᠳᠥᠳᠬᠡᠨ ᠲᠡᠭᠡᠳᠤᠯᠠᠵᠦ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠳᠠᠭ ᠪᠤᠯᠬᠤᠷ ᠨᠤᠮ ᠬᠠᠳᠠᠭᠠᠯᠠᠭᠰᠠᠨ | ᠮᠠᠯᠴᠢᠨ ᠤᠯᠠᠨ ᠪᠠᠶᠢᠳᠠᠭ ᠤᠨ ᠨᠢᠭᠡ ᠨᠢ ᠲᠠᠷᠤᠢ ᠪᠠᠷᠠᠭᠤᠨ ᠥᠵᠥᠮᠥᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨ ᠤ | ᠰᠠᠷᠠᠭᠤᠯᠪᠤᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ᠂ ᠠᠬᠠᠮᠠᠳ ᠨᠠᠮ ᠤᠨ ᠭᠡᠰᠢᠭᠦᠨ ᠰᠡᠴᠠᠨᠳᠤ ᠪᠤᠯᠤᠨᠠ᠃ | ᠲᠠᠪᠢ ᠶᠢᠨ ᠲᠠᠪᠠᠭᠠ ᠶᠢ ᠲᠠᠪᠠᠵᠦ ᠶᠠᠪᠤᠭᠠ ᠮᠠᠯᠴᠢᠨ ᠰᠡᠴᠡᠨᠳᠤ ᠭᠤᠸᠠᠢ ᠤᠯᠠᠨ ᠵᠥᠢᠯ ᠤᠨ ᠰᠢᠯᠳᠠᠭᠠᠨ ᠠᠴᠠ | ᠪᠤᠯᠵᠦ ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠭᠤᠷᠪᠠᠭ᠋ᠠᠨ ᠵᠢᠯ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠦ ᠲᠥᠩᠭᠡᠵᠢ ᠥᠰᠥᠭ ᠨᠢᠳᠤᠯᠡᠬᠦ ᠶᠢᠨ | ᠴᠢᠨᠡᠭᠡ ᠲᠠᠢ ᠪᠤᠯᠤᠮᠠᠭᠴᠠ ᠰᠤᠷᠤᠯᠭᠠ ᠪᠠᠨ ᠲᠤᠷᠭᠤᠨ ᠵᠤᠭᠰᠤᠵᠦ ᠮᠠᠯᠴᠢᠨ ᠵᠠᠶᠠᠭᠠ ᠲᠥᠰᠢᠭᠰᠡᠨ ᠴᠤ ᠨᠤᠮ ᠪᠢᠴᠢᠭ ᠲᠤ | ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠲᠤᠷᠠ ᠪᠠᠭ᠋ᠠᠳᠠᠢ ᠨᠢᠭᠡᠨ ᠪᠠᠶᠢᠵᠦ᠂ ᠮᠠᠯ ᠤᠨ ᠪᠡᠯᠴᠢᠭᠡᠷ ᠲᠤ ᠰᠥᠷᠥᠭ ᠤᠨ ᠲᠡᠷᠭᠡᠳᠡ | ᠥᠷᠭᠦᠯᠵᠢ ᠨᠤᠮ ᠲᠡᠪᠳᠡᠷ ᠤᠯᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠤᠩᠰᠢᠵᠦ ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠭᠰᠠᠨ ᠠᠴᠠ ᠬᠡᠨ ᠠᠴᠠ ᠴᠦ | ᠲᠤᠳᠠᠬᠤ ᠪᠠᠷ ᠦᠭᠡᠢ ᠪᠢᠴᠢᠭ ᠰᠤᠶᠤᠯ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠵᠥᠪᠬᠡᠨ ᠤᠩᠰᠢᠵᠦ ᠪᠠᠭ᠋ᠠᠷᠬᠠᠳᠠᠭ | ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠪᠢᠴᠢᠵᠦ ᠵᠤᠬᠢᠶᠠᠨ ᠤᠷᠤᠯᠳᠤᠳᠠᠭ ᠪᠤᠯᠵᠦ᠂ ︽ᠥᠪᠥᠷ ᠮᠤᠩᠭᠤᠯ ᠤᠨ ᠵᠠᠯᠠᠭᠤᠴᠤᠳ︾᠂ ︽ | ᠰᠢᠨᠵᠢᠯᠡᠬᠦ ᠤᠠᠬᠠᠭᠠᠨ᠂ ᠠᠮᠢᠳᠤᠷᠠᠯ︾᠂ ︽ᠤᠷᠤᠭ ᠬᠡᠷ ᠪᠥᠯᠢ ᠨᠡᠶᠢᠭᠡᠮ︾ ᠵᠡᠷᠭᠡ ᠰᠤᠨᠢᠨ ᠰᠡᠳᠭᠦᠯ ᠢᠶᠠᠷ ᠰᠢᠯᠥᠭ | ᠨᠠᠶᠢᠷᠠᠭᠤᠯᠤᠯ ᠢᠶᠠᠨ ᠨᠡᠶᠢᠳᠡᠯᠡᠬᠦᠯᠵᠦ ᠶᠠᠪᠤᠭᠰᠠᠨ ᠪᠥᠭᠡᠳ ᠵᠠᠷᠢᠮ ᠪᠥᠳᠥᠭᠡᠯ ᠨᠢ ᠤᠷᠤᠨ ᠠᠶᠢᠮᠠᠭ ᠤᠨ ᠤᠷᠠᠨ ᠪᠥᠳᠥᠭᠡᠯ ᠤᠨ | ᠤᠷᠤᠯᠳᠤᠭᠠᠨ ᠳᠤ ᠲᠡᠭᠡᠭᠦᠷ ᠪᠠᠶᠢᠷᠢᠨ ᠳᠤ ᠲᠤᠳᠤᠷᠠᠵᠦ ᠱᠠᠩᠨᠠᠯ ᠬᠥᠬᠢᠭᠦᠯᠥᠯ ᠢᠶᠠᠷ ᠮᠢᠯᠢᠶᠠᠯᠭᠠᠵᠦ᠂ ᠵᠠᠷᠢᠮ ᠪᠥᠳᠥᠭᠡᠯ ᠨᠢ ︽ | ᠰᠤᠯᠤᠩᠭᠠᠨ ᠬᠠᠳᠠᠭ︾᠂ ︽ᠥᠵᠥᠮᠥᠴᠢᠨ ᠨᠤᠳᠤᠭ ᠤᠨ ᠠᠳᠤᠭᠤᠴᠢᠳ︾ ᠵᠡᠷᠭᠡ ᠨᠤᠮ ᠳᠤ ᠲᠡᠭᠦᠪᠥᠷᠢᠯᠡᠭᠳᠡᠨ ᠤᠷᠤᠵᠠᠢ᠃ | ᠨᠡᠩ ᠲᠤᠷᠠᠳᠤᠭᠤᠰᠢᠳᠠᠢ ᠨᠢ ᠲᠡᠭᠦᠨ ᠤ ᠪᠢᠴᠢᠭᠰᠡᠨ ︽ᠲᠠᠨ ᠳᠤ ᠥᠢᠯᠡᠴᠢᠯᠡᠬᠦ ᠵᠤᠭᠤᠭ ᠤᠨ ᠥᠷᠥᠭᠡ︾ ᠬᠡᠮᠡᠬᠦ ᠲᠠᠭᠤᠤ | ᠶᠢᠨ ᠰᠢᠯᠥᠭ ᠨᠢ ᠥᠪᠥᠷ ᠮᠤᠩᠭᠤᠯ ᠤᠨ ᠷᠠᠳᠢᠤ᠋ ᠨᠡᠪᠳᠡᠷᠡᠭᠦᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ︽ᠲᠠᠨ ᠳᠤ ᠥᠢᠯᠡᠴᠢᠯᠡᠬᠦ ᠵᠤᠭᠤᠭ | ᠰᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ︾ ᠶᠢᠨ ᠭᠤᠤᠯ ᠲᠠᠭᠤᠤ ᠪᠠᠷ ᠰᠤᠩᠭᠤᠭᠳᠠᠵᠦ᠂ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠷᠠᠳᠢᠤ᠋ ᠶᠢᠨ ᠴᠡᠩᠬᠡᠷ | ᠲᠤᠯᠬᠢᠶᠠᠨ ᠢᠶᠠᠷ ᠲᠠᠮᠵᠢᠵᠦ ᠰᠤᠨᠤᠰᠤᠭᠴᠢ ᠲᠥᠮᠡᠨ ᠤ ᠰᠤᠨᠤᠷ ᠢ ᠪᠠᠶᠠᠰᠬᠠᠵᠦ ᠢᠷᠡᠭᠰᠡᠨ ᠪᠢᠯᠡ᠃ | ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠨᠤᠮ ᠪᠢᠴᠢᠭ ᠲᠠᠢ ᠨᠥᠭᠦᠷᠯᠠᠵᠦ ᠢᠷᠡᠭᠰᠡᠨ ᠰᠡᠴᠠᠨᠳᠤ ᠭᠤᠸᠠᠢ ᠨᠤᠮ ᠪᠢᠴᠢᠭ ᠬᠤᠷᠢᠶᠠᠨ | ᠬᠠᠳᠠᠭᠠᠯᠠᠬᠤ ᠲᠠᠳᠬᠠᠯ ᠲᠠᠢ ᠪᠤᠯᠤᠭᠰᠠᠨ ᠢᠶᠠᠷ ᠲᠡᠤᠬᠡ᠂ ᠵᠠᠩ ᠥᠢᠯᠡ᠂ ᠤᠷᠠᠨ ᠵᠤᠬᠢᠶᠠᠯ ᠵᠡᠷᠭᠡ ᠤᠯᠠᠨ ᠰᠧᠲᠯᠢ ᠶᠢᠨ | ᠬᠡᠳᠤᠨ ᠮᠢᠩᠭᠠᠨ ᠲᠡᠪᠳᠡᠷ ᠨᠤᠮ ᠪᠢᠴᠢᠭ ᠬᠤᠷᠢᠶᠠᠨ ᠬᠠᠳᠠᠭᠠᠯᠠᠵᠦ ᠪᠠᠶᠢᠬᠤ ᠪᠥᠭᠡᠳ ᠴᠠᠭᠠᠨ ᠰᠠᠷᠠ ᠵᠡᠷᠭᠡ ᠪᠠᠶᠠᠷ ᠲᠤᠷᠠᠰᠬᠠᠯ | ᠤᠨ ᠡᠳᠤᠷ ᠪᠤᠯᠤᠭᠰᠠᠭᠠᠷ ᠤᠯᠠᠨ ᠰᠠᠶᠢᠬᠠᠨ ᠨᠤᠮ ᠲᠡᠪᠳᠡᠷ ᠪᠡᠯᠡᠳᠭᠡᠵᠦ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠬᠡᠤᠭᠡᠳ ᠲᠡᠭᠦᠤᠨᠠᠷ ᠲᠤ | ᠪᠠᠨ ᠪᠡᠯᠡᠭᠯᠡᠵᠦ ᠲᠡᠳᠡᠨ ᠢ ᠨᠤᠮ ᠪᠢᠴᠢᠭ ᠢᠯᠡᠭᠦᠬᠡᠨ ᠤᠩᠰᠢᠬᠤ ᠶᠢ ᠤᠷᠢᠶᠠᠯᠠᠨ ᠵᠤᠷᠢᠭᠵᠢᠭᠤᠯᠵᠦ ᠢᠷᠡᠭᠰᠡᠨ ᠢᠶᠠᠷ ᠤᠳᠤ | ᠨᠤᠳᠤᠭ ᠤᠰᠤᠨ ᠳᠤ ᠨᠢ ᠨᠤᠮ ᠳᠤ ᠪᠠᠭ᠋ᠠᠳᠠᠢ ᠮᠠᠯᠴᠢᠨ ᠵᠠᠯᠠᠭᠤᠰ ᠤᠯᠠᠮ ᠠᠴᠠ ᠤᠯᠠᠮ ᠤᠯᠠᠰᠢᠷᠠᠵᠦ ᠪᠠᠶᠢᠨᠠ᠃ | |