| ︽ᠣᠰᠤ ᠪᠣᠯ ᠠᠮᠢᠳᠠᠨ ᠭᠤᠣᠯᠳᠠᠨ ᠤ ᠡᠬᠢ ᠰᠣᠷᠪᠣᠯᠵᠢ ᠶᠤᠮ᠃ ᠪᠣᠬᠢᠷᠳᠣᠯ ᠦᠭᠡᠢ ᠣᠰᠣ ᠣᠣᠭᠤᠬᠤ ᠨᠢ ᠡᠷᠡᠭᠦᠯ | ᠵᠦᠪ ᠠᠮᠢᠳᠣᠷᠠᠬᠤ ᠶᠢᠨ ᠲᠡᠷᠢᠭᠦᠨ ᠴᠢᠬᠤᠯᠠ ᠶᠠᠪᠣᠳᠠᠯ ᠮᠦᠨ᠂ ᠪᠣᠬᠢᠷᠳᠣᠯ ᠲᠠᠢ ᠣᠰᠣ ᠨᠢ ᠠᠮᠢ ᠨᠠᠰᠣᠨ ᠳᠤ ᠶᠡᠭᠡ | ᠬᠦᠨᠦᠭᠡᠯ ᠪᠣᠯᠳᠠᠭ︾ ᠭᠡᠵᠣ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠨᠣᠳᠤᠭ ᠲᠠᠢ ᠮᠠᠩᠯᠠᠶᠢᠪᠠᠶᠠᠷ ᠣᠶᠢᠯᠭᠠᠯᠳᠠ ᠦᠵᠡᠯᠳᠡ ᠪᠠᠨ | ᠪᠢᠳᠡᠨ ᠳᠤ ᠣᠴᠢᠷᠯᠠᠨᠠ ᠪᠢᠯᠡ᠃ | | ᠵᠠᠬᠠ ᠲᠡᠭᠡᠷᠡ ᠬᠠᠭᠤᠷᠮᠠᠭ ᠮᠠᠭᠤ ᠲᠠᠸᠠᠷ ᠭᠠᠷᠴᠣ᠂ ᠮᠠᠯᠴᠢᠳ ᠲᠤ ᠬᠤᠬᠢᠷᠠᠯ ᠪᠣᠯᠵᠤ ᠪᠠᠶᠢᠭᠠ ᠳᠤ ᠴᠢᠭᠯᠡᠭᠦᠯᠦᠨ᠂ | ᠣᠯᠣᠰ ᠤᠨ ᠪᠠᠷᠢᠮᠵᠢᠶᠠᠨ ᠳᠤ ᠨᠡᠶᠢᠴᠡᠭᠰᠡᠨ ᠣᠰᠣ ᠴᠡᠪᠡᠷᠰᠢᠭᠦᠯᠬᠦ ᠮᠠᠰᠢᠨ ᠣᠷᠣᠭᠤᠯᠵᠣ ᠪᠣᠷᠣᠯᠠᠭᠤᠯᠬᠤ ᠨᠢ | ᠮᠠᠩᠯᠠᠶᠢᠪᠠᠶᠠᠷ ᠤᠨ ᠠᠯᠢ ᠬᠡᠵᠢᠶᠡᠨ ᠤ ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠦᠯ ᠪᠣᠯᠵᠣ᠂ 2015 ᠣᠨ ᠠᠴᠠ ᠯᠠᠨᠵᠸᠤ᠂ ᠬᠦᠬᠡᠨᠠᠭᠤᠷ᠂ | ᠨᠢᠩᠰᠢᠶᠠ ᠵᠡᠷᠭᠡ ᠭᠠᠳᠠᠨᠠ ᠮᠤᠵᠢ ᠣᠷᠣᠨ ᠤ ᠲᠣᠰᠬᠠᠢ ᠨᠡᠭᠡᠭᠡᠯᠳᠡ ᠶᠢᠨ ᠬᠤᠷᠠᠯ ᠪᠣᠯᠪᠠᠰᠣᠷᠠᠯ ᠳᠤ ᠲᠠᠰᠣᠷᠠᠯᠳᠠ ᠦᠭᠡᠢ | ᠣᠷᠣᠯᠴᠠᠵᠤ᠂ ᠴᠢᠨᠠᠷ ᠰᠠᠶᠢᠨ ᠮᠠᠰᠢᠨ ᠢ ᠶᠠᠭᠠᠬᠢᠵᠣ ᠲᠠᠨᠢᠬᠤ᠂ ᠣᠰᠣ ᠶᠢ ᠰᠢᠯᠭᠠᠨ ᠪᠠᠶᠢᠴᠠᠭᠠᠬᠤ ᠲᠠᠯᠠ ᠪᠠᠷ ᠮᠡᠳᠡᠯᠭᠡ | ᠮᠡᠷᠭᠡᠵᠢᠯ ᠢᠶᠠᠨ ᠲᠡᠭᠡᠭᠰᠢᠯᠡᠬᠦᠯᠬᠦ ᠶᠢᠨ ᠵᠡᠷᠭᠡᠪᠡᠷ ᠨᠢᠭᠡ ᠪᠦᠯᠦᠭ ᠪᠡᠯᠡ ᠮᠦᠩᠭᠦ ᠴᠣᠭᠯᠠᠭᠤᠯᠵᠤ᠂ ᠱᠠᠩᠬᠠᠢ ᠵᠡᠷᠭᠡ | ᠭᠠᠵᠠᠷ ᠠᠴᠠ ᠰᠠᠶᠢᠨ ᠮᠠᠰᠢᠨ ᠲᠣᠨᠤᠭ ᠣᠷᠣᠭᠤᠯᠣᠨ᠂ 2018 ᠣᠨ ᠳᠤ ᠪᠠᠯᠭᠠᠷᠭᠤᠣᠯ ᠪᠠᠯᠭᠠᠰᠣᠨ ᠤ ᠮᠠᠯᠴᠢᠳ ᠤᠨ | ᠵᠡᠭᠡᠯᠢ ᠳᠤ ᠲᠣᠰᠬᠠᠢ ᠲᠡᠯᠭᠡᠬᠦᠷ ᠢᠶᠠᠨ ᠨᠡᠭᠡᠭᠡᠵᠣ᠂ ᠬᠦᠳᠡᠭᠡ ᠨᠣᠳᠤᠭ ᠢᠶᠠᠷ ᠣᠰᠣ ᠴᠡᠪᠡᠷᠰᠢᠭᠦᠯᠬᠦ ᠮᠠᠰᠢᠨ ᠣᠭᠰᠠᠷᠠᠬᠤ ᠪᠠ | ᠰᠡᠯᠪᠢᠨ ᠲᠤᠨᠤᠭ ᠰᠣᠯᠢᠬᠤ ᠵᠡᠷᠭᠡ ᠦᠢᠯᠡᠴᠢᠯᠡᠭᠡ ᠶᠢᠨ ᠠᠵᠢᠯ ᠬᠢᠭᠡᠳ 6 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠡᠢ᠃ ᠲᠡᠯᠭᠡᠭᠦᠷ | ᠲᠡᠭᠡᠨ ᠪᠠᠰᠠ ᠵᠡᠮᠳᠡᠭᠴᠦᠳ ᠢ ᠬᠠᠷᠠᠭᠠᠯᠵᠠᠬᠤ ᠲᠠᠪᠴᠠᠩ ᠭᠠᠷᠭᠠᠵᠣ᠂ ᠬᠤᠳᠠᠯᠳᠣᠨ ᠠᠪᠬᠤ ᠳᠤ ᠦᠨᠡ ᠬᠠᠩᠰᠢ ᠶᠢᠨ | ᠲᠠᠯᠠ ᠪᠠᠷ ᠬᠠᠷᠠᠭᠠᠯᠵᠠᠬᠤ ᠬᠦᠳᠡᠯᠭᠡᠭᠡᠨ ᠶᠠᠪᠣᠭᠤᠯᠳᠠᠭ ᠪᠠᠶᠢᠨᠠ᠃ | | ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠲᠡᠷᠡ ᠰᠢᠯᠢ ᠶᠢᠨ ᠭᠤᠣᠯ᠂ ᠣᠷᠳᠣᠰ᠂ ᠠᠯᠠᠱᠨ᠂ ᠪᠠᠶᠠᠨᠨᠠᠭᠤᠷ ᠵᠡᠷᠭᠡ ᠣᠯᠠᠨ ᠭᠠᠵᠠᠷ ᠢᠶᠠᠷ | ᠬᠦᠷᠴᠦ᠂ ᠣᠯᠣᠰ ᠤᠨ ᠪᠠᠳᠣᠯᠠᠭᠠ ᠲᠠᠢ ᠣᠰᠣ ᠴᠡᠪᠡᠷᠰᠢᠭᠦᠯᠬᠦ ᠮᠠᠰᠢᠨ ᠣᠭᠰᠠᠷᠠᠵᠣ ᠦᠪᠡᠷ ᠢᠶᠠᠨ ᠴᠣ᠋ ᠪᠠᠭᠠ ᠪᠣᠰᠣ | ᠣᠷᠣᠯᠭᠠ ᠡᠭᠦᠳᠴᠦ᠂ ᠣᠳᠤ ᠦᠷᠢ ᠦᠭᠴᠡᠭᠡ ᠦᠭᠡᠢ ᠰᠠᠶᠢᠬᠠᠨ ᠠᠮᠢᠳᠣᠷᠠᠯ ᠢᠶᠠᠨ ᠴᠣᠭᠴᠠᠯᠠᠵᠣ ᠶᠠᠪᠣᠭᠠ ᠪᠦᠭᠡᠳ | ᠬᠡᠷᠡᠭᠯᠡᠭᠴᠢᠳ ᠤᠨ ᠬᠦᠨᠳᠦᠳᠭᠡᠯ ᠪᠢᠰᠢᠷᠡᠯ ᠢ ᠣᠯᠵᠣ᠂ ᠮᠠᠯᠵᠢᠬᠤ ᠡᠷᠦᠬᠡ ᠶᠢᠨ ᠠᠶᠤᠯ ᠦᠭᠡᠢ ᠣᠰᠣ ᠣᠮᠳᠠ ᠶᠢᠨ | ᠠᠰᠠᠭᠤᠳᠠᠯ ᠳᠤ ᠨᠦᠭᠦᠴᠡᠯ ᠬᠠᠩᠭᠠᠭᠰᠠᠨ ᠮᠦᠷᠳᠡᠭᠡᠨ ᠣᠰᠣ ᠴᠡᠪᠡᠷᠰᠢᠭᠦᠯᠬᠦ ᠮᠠᠰᠢᠨ ᠴᠣ᠋ ᠬᠤᠵᠢᠮ ᠬᠤᠳᠠ ᠪᠠᠯᠭᠠᠰᠣᠨ ᠳᠤ | ᠲᠦᠭᠡᠮᠡᠯᠵᠢᠬᠦ ᠬᠠᠨᠳᠦᠰᠢ ᠲᠠᠢ ᠭᠡᠵᠤ ᠪᠣᠳᠣᠯ ᠢᠶᠠᠨ ᠲᠡᠯᠭᠡᠨ᠂ ᠪᠣᠰᠣᠳ ᠲᠤ ᠠᠰᠢᠭ ᠲᠣᠰᠠ ᠬᠦᠷᠳᠡᠭᠡᠭᠰᠡᠨ ᠳᠤ ᠪᠠᠨ | ᠪᠠᠶᠠᠰᠣᠨ ᠵᠣᠷᠢᠭᠵᠢᠵᠤ ᠪᠠᠶᠢᠯᠠ᠃ |