| ᠭᠦᠨ ᠨᠠᠮᠤᠷ ᠤᠨ ᠪᠣᠳᠣᠯᠭᠠᠰᠢᠷᠠᠯ ᠡᠪᠡᠰᠦᠨ ᠤ ᠰᠢᠪᠡᠨᠡᠭᠡᠨ ᠳᠤ ᠬᠤᠷᠭᠤᠳᠠᠭᠠᠳ | ᠬᠥᠲᠥᠯ ᠳᠠᠪᠠᠭᠰᠠᠨ ᠰᠢᠪᠠᠭᠤᠳ ᠥᠨᠥᠴᠢᠷᠡᠬᠦ ᠵᠢᠷᠦᠬᠡᠨ ᠳᠤ ᠡᠷᠢᠭᠳᠡᠭᠡᠳ | ᠬᠤᠮ ᠲᠠᠢ ᠲᠡᠮᠡᠭᠡᠳ ᠤᠨ ᠪᠣᠶᠢᠯᠠᠭᠠᠨ ᠰᠡᠳᠬᠢᠯ ᠲᠡᠩᠲᠡᠷᠡᠭᠦᠯᠦᠨ ᠬᠤᠯᠠᠳᠠᠭᠠᠳ | ᠬᠤᠷᠣᠮ ᠲᠦᠳᠡᠬᠡᠨ ᠴᠠᠭ ᠲᠤ ᠬᠦᠢᠲᠡᠨ ᠰᠢᠭᠦᠳᠡᠷᠢ ᠪᠠᠭᠤᠬᠤ ᠨᠢ ᠠ᠋ | | | ᠬᠠᠨᠵᠠᠷᠠᠭᠰᠠᠨ ᠨᠠᠪᠴᠢᠰ ᠢ ᠬᠤᠭᠤᠷᠳᠠᠨ ᠪᠤᠭᠤ ᠶᠢᠨ ᠤᠷᠤᠮᠳᠠᠯ ᠨᠢᠯᠬᠠᠷᠠᠭᠠᠳ | ᠬᠠᠨᠳᠠᠷᠠᠭᠰᠠᠨ ᠰᠢᠭᠦᠳᠡᠷᠢ ᠡᠭᠰᠢᠭᠡᠨ ᠡᠪᠡᠰᠦᠨ ᠤ ᠨᠠᠮᠠᠭᠠ ᠰᠢᠷᠭᠠᠯᠲᠤᠭᠠᠳ | ᠬᠠᠭᠳᠠᠷᠠᠭᠰᠠᠨ ᠰᠥᠯᠳᠡᠰᠦ ᠶᠢᠨ ᠨᠥᠮᠥᠷᠢ ᠳᠤ ᠨᠠᠷᠠᠨ ᠤ ᠰᠠᠯᠬᠢ ᠡᠷᠬᠡᠯᠡᠭᠡᠳ | ᠬᠠᠯᠢᠭᠤᠨ ᠠᠭᠤᠯᠠᠰ ᠤᠨ ᠪᠠᠷᠠ ᠡᠭᠦᠯᠡᠰ ᠤᠨ ᠰᠡᠭᠦᠳᠡᠷ ᠲᠤ ᠰᠦᠮᠡᠯᠵᠡᠬᠦ ᠨᠢ ᠠ᠋ | | | ᠬᠠᠨᠴᠤᠢ ᠰᠡᠮᠡᠷᠡᠲᠡᠯᠡ ᠰᠠᠨᠠᠭᠳᠠᠬᠤ ᠨᠠᠯᠠᠭᠠᠷᠬᠠᠨ ᠤᠯᠠᠷᠢᠯ ᠤᠨ ᠮᠥᠷᠥᠭᠡᠳᠦᠯ | ᠬᠠᠪᠲᠠᠭᠠᠢ ᠰᠠᠭᠠᠮᠠᠰᠢᠲᠠᠯᠠ ᠡᠷᠢᠭᠳᠡᠬᠦ ᠶᠠᠭᠠᠬᠢᠭᠰᠠᠨ ᠶᠡᠭᠡ ᠤᠶᠢᠳᠬᠠᠷ ᠪᠤᠢ | ᠬᠢᠷᠠᠭᠤᠲᠠᠢ ᠦᠷ ᠤᠨ ᠴᠡᠴᠡᠭᠡᠰ ᠲᠡᠯᠪᠢ ᠪᠠᠨ ᠬᠤᠮᠢᠬᠤ ᠶᠢ ᠴᠢᠩᠨᠠᠭᠠᠳ | ᠦᠢᠳᠠᠢ ᠪᠤᠳᠤᠯ ᠤᠨ ᠵᠠᠶᠢᠴᠢᠨ ᠳᠤ ᠭᠤᠨᠢᠭ ᠤᠨ ᠮᠠᠨᠠᠨ ᠬᠤᠷᠠᠬᠤ ᠨᠢ ᠠ᠋ | | | ᠬᠤᠨᠢᠨ ᠲᠣᠭᠤᠭᠠᠨ ᠳᠤ ᠬᠥᠭᠡᠷᠦᠭᠦᠯᠦᠭᠰᠡᠨ ᠥᠷᠥᠮᠡ ᠪᠣᠯᠣᠭᠠᠳ ᠱᠠᠩᠳᠠᠭᠤᠨ | ᠬᠤᠩᠭᠤᠷᠬᠠᠨ ᠨᠠᠰᠤᠨ ᠤ ᠤᠴᠠᠷᠠᠯ ᠳᠤᠷᠠᠰᠤᠯ ᠳᠡᠷᠡᠯᠡᠭᠡᠳ ᠤᠶᠠᠷᠠᠭᠤᠨ | ᠬᠤᠶᠢᠲᠤᠨ ᠵᠢᠯ ᠤᠨ ᠬᠠᠪᠤᠷ ᠢᠶᠠᠷ ᠢᠷᠭᠤᠢ ᠲᠡᠭᠢᠵᠤ ᠨᠢᠳᠦᠯᠡᠳᠡᠭ ᠨᠢ | ᠬᠤᠨᠤᠭ ᠲᠤ ᠳᠠᠩᠳᠠ ᠡᠷᠭᠢᠳᠡᠭ ᠵᠡᠭᠦᠳᠦᠨ ᠤ ᠭᠠᠭᠴᠠ ᠲᠠᠶᠢᠳᠬᠤᠷᠠᠯ ᠠ᠋ |