| ᠬᠠᠭᠤᠴᠢᠨ ᠤ ᠦᠶᠡ ᠳᠤ ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠮᠠᠰᠢ ᠤᠯᠠᠨ ᠴᠡᠭᠡᠷ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠵᠠᠢ᠃ | ᠡᠳᠦᠷ ᠳᠤᠲᠤᠮ ᠤᠨ ᠴᠡᠭᠡᠷᠯᠡᠯ ᠳᠤ | ᠡᠭᠦᠳᠡᠨ ᠪᠣᠱᠣᠭᠤ ᠳᠡᠭᠡᠷᠡ ᠭᠢᠰᠬᠢᠵᠦ ᠪᠣᠯᠬᠤ ᠦᠭᠡᠢ᠂ ᠰᠠᠳᠤᠨ ᠲᠦᠷᠦᠯ ᠤᠨ ᠳᠤ ᠪᠠᠨ ᠠᠶᠢᠯᠴᠢᠯᠠᠬᠤ ᠳᠤ ᠮᠠᠯᠠᠭᠠᠢ | ᠪᠠᠨ ᠵᠥᠷᠢᠭᠦᠦ ᠪᠤᠷᠤᠭᠤ ᠵᠡᠭᠦᠵᠦ ᠪᠣᠯᠬᠤ ᠦᠭᠡᠢ᠂ ᠭᠠᠯ ᠤᠨ ᠬᠤᠪᠣᠩ᠂ ᠲᠤᠯᠭᠠ ᠳᠡᠭᠡᠷᠡ ᠲᠠᠮᠠᠬᠢᠨ ᠤ ᠭᠠᠩᠰᠠ | ᠲᠣᠭᠰᠢᠵᠤ ᠪᠣᠯᠬᠤ ᠦᠭᠡᠢ᠂ ᠮᠣᠷᠢ ᠯᠠᠭᠤᠰᠠ ᠨᠣᠬᠠᠢ ᠶᠢᠨ ᠮᠢᠬᠠ ᠢᠳᠡᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠵᠢᠭᠠᠰᠤ ᠢᠳᠡᠬᠦ ᠶᠢ | ᠴᠡᠭᠡᠷᠯᠡᠨᠡ᠂ ᠳᠣᠯᠭᠢᠨ ᠲᠤᠭᠰᠢᠨ ᠰᠢᠪᠠᠭᠤᠳ ᠢ ᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠮᠣᠭᠠᠢ ᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠂ | ᠭᠠᠳᠠᠨᠠ ᠶᠢᠨ ᠬᠥᠮᠥᠨ ᠠᠶᠢᠯ ᠳᠤ ᠣᠷᠣᠬᠤ ᠳᠤ ᠪᠠᠨ ᠲᠠᠰᠢᠭᠤᠷ ᠬᠠᠵᠠᠭᠠᠷ ᠪᠣᠯᠣᠨ ᠱᠤᠤᠮᠠᠰᠠ ᠡᠭᠦᠷᠴᠦ ᠭᠡᠷ ᠲᠤ | ᠣᠷᠣᠵᠤ ᠪᠣᠯᠬᠤ ᠦᠭᠡᠢ᠂ ᠤᠨᠲᠠᠬᠤ ᠦᠶᠡ ᠳᠤ ᠬᠥᠯ ᠢᠶᠠᠨ ᠪᠠᠷᠠᠭᠤᠨ ᠬᠤᠶᠢᠰᠢ ︵ᠪᠤᠷᠬᠠᠨ ᠲᠠᠬᠢᠯ ᠥᠭᠡᠳᠡ︶ | ᠬᠠᠨᠳᠤᠭᠤᠯᠵᠤ ᠬᠡᠪᠲᠡᠵᠦ ᠪᠣᠯᠬᠤ ᠦᠭᠡᠢ᠂ ᠪᠤᠰᠤᠳ ᠤᠨ ᠲᠣᠯᠣᠭᠠᠢ ᠳᠤ ᠭᠠᠷ ᠬᠦᠷᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠡᠮᠡᠭᠲᠡᠢ | ᠬᠥᠮᠥᠨ ᠥᠮᠥᠳᠦ ᠪᠠᠨ ᠡᠷᠦᠢ ᠬᠤᠷᠤᠢ ᠦᠭᠡᠢ ᠡᠯᠭᠦᠵᠦ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠂ ᠬᠡᠦᠬᠡᠳ ᠡᠮᠡᠭᠲᠡᠢ ᠬᠥᠮᠥᠨ ᠤ | ᠰᠤᠭᠤᠨ ᠳᠣᠣᠭᠤᠷ ᠰᠢᠷᠭᠤᠬᠤ ᠦᠭᠡᠢ᠂ ᠰᠦᠮᠡ ᠬᠡᠶᠢᠳ ᠤᠨ ᠮᠣᠳᠣ ᠶᠢ ᠳᠤᠷᠠ ᠪᠠᠷ ᠣᠭᠲᠣᠯᠵᠤ ᠪᠣᠯᠬᠤ ᠦᠭᠡᠢ᠃ | | ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠤᠨ ᠴᠡᠭᠡᠷ᠄ ᠪᠢᠲᠡᠭᠦᠨ ᠤ ᠣᠷᠣᠢ ᠪᠡᠯᠭᠡ ᠳᠡᠮᠪᠡᠷᠢᠯ ᠦᠭᠡᠢ ᠦᠭᠡ ᠬᠡᠯᠡᠳᠡᠭ | ᠦᠭᠡᠢ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠭᠠᠵᠠᠷ ᠱᠦᠭᠦᠷᠳᠡᠬᠦ᠂ ᠠᠮᠢᠳᠠᠨ ᠢ ᠠᠯᠠᠬᠤ᠂ ᠡᠳ᠋ ᠥᠯᠥᠭ ᠢᠶᠠᠨ | ᠡᠪᠳᠡᠯᠡᠵᠦ ᠬᠠᠭᠠᠯᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠠᠴᠠ ᠲᠠᠪᠤᠨ ᠪᠣᠯᠳᠠᠯᠠ ᠵᠡᠭᠦᠦ | ᠤᠲᠠᠰᠤ ᠬᠥᠳᠡᠯᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ | ᠤᠷᠤᠭ ᠬᠤᠷᠢᠮ ᠤᠨ ᠴᠡᠭᠡᠷ᠄ ᠬᠡᠷᠯᠡᠬᠦ ᠳᠤ ᠡᠮᠡᠭᠲᠡᠢ ᠬᠥᠮᠥᠨ ᠡᠷᠡᠭᠲᠡᠢ ᠠᠴᠠ ᠪᠠᠨ ᠨᠢᠭᠡ ᠨᠠᠰᠤ ᠶᠡᠭᠡ ᠶᠢ | ᠴᠡᠭᠡᠷᠯᠡᠬᠦ᠂ ᠠᠤᠬᠠᠨ ᠤ ᠭᠠᠵᠠᠷ ᠣᠷᠣᠨ ᠳᠤ ᠠᠬᠠ ᠨᠢ ᠨᠠᠰᠤ ᠪᠠᠷᠠᠪᠠᠯ ᠳᠡᠭᠦᠦ ᠨᠢ ᠪᠡᠷᠭᠡᠨ ᠲᠠᠢ ᠪᠠᠨ ᠰᠠᠭᠤᠵᠤ | ᠪᠣᠯᠬᠤ ᠪᠣᠯᠪᠠᠴᠤ᠂ ᠳᠡᠭᠦᠦ ᠨᠢ ᠨᠠᠰᠤ ᠪᠠᠷᠠᠪᠠᠯ ᠠᠬᠠ ᠨᠢ ᠳᠡᠭᠦᠦ ᠶᠢᠨ ᠢᠶᠠᠨ ᠡᠬᠡᠨᠡᠷ ᠲᠠᠢ ᠰᠠᠭᠤᠵᠤ ᠪᠣᠯᠳᠠᠭ ᠦᠭᠡᠢ᠃ | | ᠬᠡᠦᠬᠡᠳ ᠬᠥᠩᠭᠡᠵᠢᠬᠦ ᠴᠡᠭᠡᠷ᠄ ᠬᠥᠩᠭᠡᠵᠢᠭᠰᠡᠨ ᠡᠮᠡᠭᠲᠡᠢ ᠶᠢᠨ ᠭᠡᠷ ᠲᠤ ᠲᠠᠨᠢᠯ ᠪᠤᠰᠤ ᠬᠥᠮᠥᠨ ᠣᠷᠣᠬᠤ ᠶᠢ | ᠴᠡᠭᠡᠷᠯᠡᠬᠦ᠂ ᠬᠦᠦ ᠲᠠᠢ ᠪᠣᠯᠪᠠᠯ ᠭᠡᠷ ᠤᠨ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠨ ᠨᠤᠮᠤ ᠰᠤᠮᠤ ᠡᠯᠭᠦᠵᠦ᠂ ᠬᠡᠦᠬᠡᠨ ᠲᠠᠢ ᠪᠣᠯᠪᠠᠯ | ᠤᠯᠠᠭᠠᠨ ᠪᠦᠰᠡ ᠡᠯᠭᠦᠵᠦ᠂ ᠬᠥᠩᠭᠡᠵᠢᠵᠦ ᠨᠢᠷᠠᠶᠢᠯᠠᠬᠤ ᠦᠶᠡ ᠳᠤ ᠲᠡᠭᠷᠢ ᠶᠢᠨ ᠨᠣᠬᠠᠢ ᠶᠢᠨ ᠵᠦᠭ ᠬᠠᠨᠳᠤᠭᠤᠯᠵᠤ | ᠰᠠᠭᠤᠯᠭᠠᠬᠤ ᠶᠢ ᠴᠡᠭᠡᠷᠯᠡᠬᠦ᠃ ᠳᠠᠷᠤᠢ ᠲᠡᠭᠷᠢ ᠶᠢᠨ ᠬᠠᠷᠠ ᠨᠣᠬᠠᠢ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠵᠡᠭᠦᠨ ᠵᠦᠭ᠂ ᠵᠤᠨ ᠤ | ᠭᠤᠷᠪᠠᠨ ᠰᠠᠷᠠ ᠳᠤ ᠡᠮᠦᠨᠡ ᠵᠦᠭ ᠲᠤ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠪᠠᠷᠠᠭᠤᠨ ᠵᠦᠭ ᠲᠤ᠂ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ | ᠤᠮᠠᠷᠠ ᠵᠦᠭ ᠲᠤ ᠠᠮᠠ ᠪᠠᠨ ᠠᠩᠭᠠᠶᠢᠵᠤ ᠣᠷᠣᠰᠢᠳᠠᠭ ᠲᠤᠯᠠ ᠲᠡᠭᠷᠢ ᠶᠢᠨ ᠬᠠᠷᠠ ᠨᠣᠬᠠᠢ ᠶᠢᠨ ᠠᠮᠠᠨ ᠵᠦᠭ | ᠬᠠᠨᠳᠤᠭᠤᠯᠵᠤ ᠰᠠᠭᠤᠯᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠶᠤᠮ᠃ ᠰᠠᠷᠠ ᠳᠤ ᠰᠠᠭᠤᠭᠰᠠᠨ ᠡᠮᠡᠭᠲᠡᠢ ᠳᠤ ᠲᠦᠭᠦᠬᠡᠢ ᠳᠠᠪᠤᠰᠤ | ᠢᠳᠡᠭᠦᠯᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠡᠦᠬᠡᠳ ᠰᠠᠷᠠ ᠳᠦᠭᠦᠷᠬᠦ ᠳᠤ ︽ᠤᠷᠳᠤ ᠨᠠᠰᠤᠯᠠᠬᠤ ᠭᠤᠯᠢᠷ ᠪᠤᠳᠠᠭᠠ︾ ᠳᠤ ᠮᠢᠬᠠ | ᠬᠢᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠰᠠᠷᠠ ᠶᠢᠨ ᠬᠤᠷᠢᠮ ᠳᠤ ᠣᠷᠣᠯᠴᠠᠭᠰᠠᠳ ᠬᠡᠦᠬᠡᠳ ᠲᠤ ᠵᠣᠭᠤᠰ ᠪᠤᠶᠤ ᠬᠤᠪᠴᠠᠰᠤ | ᠬᠤᠨᠠᠷ ᠤᠨ ᠵᠦᠢᠯ ᠱᠠᠩᠨᠠᠨᠠ᠂ ᠭᠡᠪᠡᠴᠦ ᠮᠠᠯᠠᠭᠠᠢ ᠥᠭᠴᠦ ᠪᠣᠯᠬᠤ ᠦᠭᠡᠢ᠃ | ᠣᠷᠣᠰᠢᠭᠤᠯᠭᠠ ᠶᠢᠨ ᠴᠡᠭᠡᠷ᠄ ᠨᠠᠰᠤ ᠪᠠᠷᠠᠭᠴᠢ ᠶᠢᠨ ᠴᠢᠨᠳᠠᠷ ᠢ ᠭᠠᠷᠭᠠᠬᠤ ᠦᠶᠡ ᠳᠤ ᠠᠪᠰᠠ ᠳᠠᠮᠨᠠᠭᠴᠢ | ︽ᠬᠦᠨᠳᠦ︾ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠬᠦ᠂ ᠨᠠᠰᠤ ᠪᠠᠷᠠᠭᠰᠠᠨ ᠬᠥᠮᠥᠨ ᠢ ᠦᠭᠡᠶᠢᠯᠡᠬᠦ ᠪᠠᠷ ᠣᠴᠢᠬᠤ ᠳᠤ ᠬᠤᠷᠴᠠ | ᠬᠢᠯᠠᠭᠠᠷ ᠥᠩᠭᠡᠲᠡᠢ ᠬᠤᠪᠴᠠᠰᠤ ᠡᠮᠦᠰᠬᠦ ᠶᠢ ᠴᠡᠭᠡᠷᠯᠡᠬᠦ᠂ ᠬᠤᠶᠢᠲᠤ ᠬᠡᠰᠡᠭ ᠤᠨ ᠵᠠᠷᠢᠮ ᠮᠠᠯᠵᠢᠬᠤ ᠣᠷᠣᠨ ᠳᠤ | ᠡᠮᠡᠭᠲᠡᠢ ᠬᠥᠮᠥᠨ ᠤᠩᠭᠤᠨ ᠤ ᠭᠠᠵᠠᠷ ᠣᠴᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ |