ᠬᠤᠷᠣᠬᠠᠢ ᠲᠠᠭᠤᠬᠤ ᠰᠠᠶᠢᠨ ᠡᠪᠡᠰᠦᠨ ᠡᠮ | | ⒈ ᠨᠠᠪᠴᠢᠨ ᠲᠠᠮᠠᠬᠢ᠃ ᠨᠠᠪᠴᠢᠨ ᠲᠠᠮᠠᠬᠢ ᠨᠢ ᠲᠠᠬᠢᠶᠠᠨ ᠤ ᠬᠦᠵᠢ ᠬᠤᠷᠣᠬᠠᠢ ᠶᠢ ᠲᠠᠭᠤᠬᠤ ᠪᠠ ᠭᠡᠷ ᠤᠨ | ᠲᠡᠵᠢᠭᠡᠪᠦᠷᠢ ᠶᠢᠨ ᠪᠦᠭᠡᠰᠦ ᠶᠢ ᠠᠯᠠᠬᠤ ᠴᠢᠳᠠᠪᠤᠷᠢ ᠲᠠᠢ᠃ ᠲᠠᠬᠢᠶᠠᠨ ᠤ ᠬᠦᠵᠢ ᠬᠤᠷᠣᠬᠠᠢ ᠶᠢ ᠲᠠᠭᠤᠬᠤ ᠳᠤ᠂ | ᠨᠠᠪᠴᠢᠨ ᠲᠠᠮᠠᠬᠢ ᠪᠠᠨ ᠨᠠᠷᠢᠨ ᠲᠠᠯᠬᠠᠳᠠᠭᠠᠳ ᠪᠣᠷᠳᠣᠭᠠᠨ ᠳᠤᠨᠢ 2% ᠢᠶᠠᠷ ᠬᠤᠯᠢᠵᠤ᠂ ᠡᠳᠦᠷ ᠲᠤ ᠬᠤᠶᠠᠷ ᠤᠳᠠᠭᠠ᠂ | 4 - 5 ᠡᠳᠦᠷ ᠳᠠᠷᠠᠭᠠᠯᠠᠨ ᠲᠡᠵᠢᠭᠡᠨᠡ᠃ ᠪᠥᠭᠡᠰᠦ ᠠᠯᠠᠬᠤ ᠳᠤ᠂ ᠣᠰᠣᠨ ᠳᠣᠲᠣᠷᠠ 2 - 5% ᠪᠠᠷ ᠬᠢᠵᠦ | ᠪᠤᠴᠠᠯᠭᠠᠭᠠᠳ ᠬᠥᠷᠦᠭᠰᠡᠨ ᠤ ᠬᠤᠶᠢᠨᠠ ᠪᠡᠶᠡ ᠳᠡᠭᠡᠷᠡ ᠨᠢ ᠰᠦᠷᠴᠢᠬᠦ ᠪᠤᠶᠤ ᠱᠤᠸᠠᠵᠠᠳᠠᠨᠠ᠃ | ⒉ ᠪᠢᠩᠯᠠᠩ᠃ ᠲᠠᠬᠢᠶᠠ᠂ ᠨᠤᠭᠤᠰᠤ ᠪᠠ ᠭᠠᠯᠠᠭᠤ ᠶᠢᠨ ᠬᠠᠪᠲᠠᠭᠠᠢ ᠴᠠᠭᠠᠨ ᠬᠤᠷᠣᠬᠠᠢ ᠶᠢ ᠲᠠᠭᠤᠬᠤ ᠳᠤ ᠰᠠᠶᠢᠨ᠃ | ᠪᠦᠳᠦᠭᠦᠨ ᠲᠠᠬᠢᠶᠠ ᠶᠢ ᠡᠮᠨᠡᠬᠦ ᠳᠡᠭᠡᠨ᠂ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢᠨ ᠺᠢᠯᠣᠭ᠍ᠷᠠᠮ ᠪᠦᠷᠢ ᠳᠤ ᠨᠢᠭᠡ ᠭᠷᠡᠮ ᠪᠤᠴᠠᠯᠭᠠᠵᠤ | ᠣᠩᠭᠤᠯᠠᠢ ᠳᠤᠨᠢ ᠴᠢᠳᠬᠤᠨᠠ᠃ ᠨᠤᠭᠤᠰᠤ ᠪᠠ ᠭᠠᠯᠠᠭᠤ ᠪᠣᠯ ᠪᠢᠩᠯᠠᠩ ᠳᠤ ᠨᠡᠯᠢᠶᠡᠳ ᠰᠡᠷᠭᠡᠭ ᠪᠣᠯᠬᠤᠷ ᠪᠡᠶᠡ ᠶᠢᠨ | ᠬᠦᠨᠳᠦ ᠶᠢᠨ ᠺᠢᠯᠣᠭ᠍ᠷᠠᠮ ᠪᠦᠷᠢ ᠳᠤᠨᠢ 0.75 ᠭᠷᠡᠮ ᠢᠶᠠᠷ ᠠᠭᠰᠢᠷᠠᠲᠠᠯᠠ ᠪᠤᠴᠠᠯᠭᠠᠭᠠᠳ ᠤᠤᠭᠤᠯᠭᠠᠨᠠ᠃ ᠳᠣᠯᠤᠭᠠᠨ | ᠬᠤᠨᠤᠭ ᠤᠨ ᠳᠠᠷᠠᠭᠠ ᠲᠠᠬᠢᠨ ᠨᠢᠭᠡ ᠤᠳᠠᠭᠠ ᠤᠤᠭᠤᠯᠭᠠᠪᠠᠯ ᠪᠦᠷᠢᠮᠦᠰᠦᠨ ᠡᠮᠨᠡᠵᠦ ᠳᠡᠶᠢᠯᠦᠨᠡ᠃ | ⒊ ᠯᠠᠩᠭᠤᠸᠠ ᠶᠢᠨ ᠦᠷᠡ᠃ ᠡᠭᠦᠨ ᠢ ᠨᠠᠷᠢᠨ ᠲᠠᠯᠬᠠᠳᠠᠭᠠᠳ ᠪᠣᠷᠳᠣᠭᠠᠨ ᠳᠣᠲᠣᠷᠠ ᠨᠢ ᠬᠤᠯᠢᠵᠤ | ᠭᠠᠯᠠᠭᠤᠨ ᠳᠤ ᠢᠳᠡᠭᠦᠯᠪᠡᠯ ᠬᠠᠪᠲᠠᠭᠠᠢ ᠴᠠᠭᠠᠨ ᠬᠤᠷᠣᠬᠠᠢ ᠶᠢ ᠲᠠᠭᠤᠳᠠᠭ᠃ ᠭᠡᠬᠦ ᠳᠡᠭᠡᠨ ᠪᠦᠳᠦᠭᠦᠨ ᠭᠠᠯᠠᠭᠤᠨ ᠳᠤ | 50 ᠭᠷᠡᠮ ᠯᠠᠩᠭᠤᠸᠠ ᠶᠢᠨ ᠦᠷᠡ ᠶᠢ ᠪᠣᠷᠳᠣᠭᠠᠨ ᠳᠤᠨᠢ ᠬᠤᠯᠢᠵᠤ ᠢᠳᠡᠭᠦᠯᠦᠨᠡ᠃ | ⒋ ᠹᠦᠯᠮᠢ᠃ ᠹᠥᠯᠮᠢ ᠶᠢᠨ ᠳᠣᠲᠣᠷᠠ ᠤᠭᠤᠷᠠᠭ ᠤᠨ ᠢᠰᠬᠡᠭᠦᠷ ᠠᠭᠤᠯᠤᠭᠳᠠᠵᠤ ᠪᠠᠶᠢᠬᠤ ᠪᠣᠯᠬᠤᠷ ᠵᠢᠭᠦᠷᠲᠡᠨ ᠤ | ᠬᠠᠪᠲᠠᠭᠠᠢ ᠴᠠᠭᠠᠨ ᠬᠤᠷᠣᠬᠠᠢ ᠶᠢ ᠲᠠᠭᠤᠬᠤ ᠦᠢᠯᠡᠳᠦᠯ ᠲᠠᠢ᠃ ᠪᠦᠳᠦᠭᠦᠨ ᠵᠢᠭᠦᠷᠲᠡᠨ ᠳᠤ 2 - 4 ᠭᠷᠡᠮ ᠹᠥᠯᠮᠢ ᠶᠢ | ᠨᠠᠷᠢᠨ ᠲᠠᠯᠬᠠᠳᠠᠭᠠᠳ ᠬᠥᠷᠥᠭᠡᠭᠰᠡᠨ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠷ ᠨᠠᠶᠢᠷᠠᠭᠤᠯᠤᠨ ᠤᠤᠭᠤᠯᠭᠠᠨᠠ᠃ ᠹᠦᠯᠮᠢ ᠨᠢ | ᠬᠠᠯᠠᠭᠤᠨ ᠳᠤ ᠬᠢᠯᠪᠡᠷ ᠵᠠᠳᠠᠷᠠᠳᠠᠭ᠃ | ⒌ ᠪᠤᠮᠤᠭ ᠴᠡᠴᠡᠭ᠃ ᠪᠣᠮᠤᠭ ᠴᠡᠴᠡᠭ ᠨᠢ ᠪᠥᠭᠡᠰᠦ ᠪᠠ ᠬᠢᠯᠭᠠᠰᠤᠨ ᠴᠠᠭᠠᠨ ᠬᠤᠷᠣᠬᠠᠢ ᠶᠢ ᠠᠯᠠᠬᠤ | ᠴᠢᠳᠠᠪᠤᠷᠢ ᠲᠠᠢ᠃ ᠪᠥᠭᠡᠰᠦ ᠠᠯᠠᠬᠤ ᠳᠤ 20% ᠶᠢᠨ ᠰᠫᠢᠷᠲ ᠲᠤ ᠳᠡᠪᠲᠦᠭᠡᠭᠡᠳ ᠲᠡᠵᠢᠭᠡᠪᠦᠷᠢ ᠶᠢᠨ ᠪᠡᠶᠡ ᠳᠡᠭᠡᠷᠡ | ᠰᠦᠷᠴᠢᠬᠦ ᠪᠤᠶᠤ ᠱᠤᠸᠠᠵᠠᠳᠠᠨᠠ᠃ ᠮᠣᠷᠢᠨ ᠤ ᠬᠢᠯᠭᠠᠰᠤᠨ ᠴᠠᠭᠠᠨ ᠬᠤᠷᠣᠬᠠᠢ ᠶᠢ ᠲᠠᠭᠤᠬᠤ ᠳᠤ 50% ᠶᠢᠨ | ᠣᠰᠣᠨ ᠬᠠᠨᠳᠠ ᠶᠢ 200 ᠮᠢᠯᠯᠢᠯᠢᠳ᠋ᠷ ᠪᠤᠷᠭᠤᠶᠢᠳᠠᠨ ᠡᠮᠨᠡᠵᠦ ᠪᠣᠯᠣᠨᠠ᠃ | ⒍ ᠬᠤᠷᠠᠭᠠᠨ ᠪᠥᠭᠡᠷᠡ᠃ ᠡᠭᠦᠨ ᠢᠶᠠᠷ ᠮᠣᠷᠢ᠂ ᠯᠠᠭᠤᠰᠠ᠂ ᠡᠯᠵᠢᠭᠡᠨ ᠤ ᠬᠢᠯᠭᠠᠰᠤᠨ ᠴᠠᠭᠠᠨ ᠬᠤᠷᠣᠬᠠᠢ ᠶᠢ | ᠲᠠᠭᠤᠬᠤ ᠳᠤ ᠲᠤᠩ ᠰᠠᠶᠢᠨ ᠪᠠᠶᠢᠳᠠᠭ᠃ 50% ᠶᠢᠨ ᠤᠰᠤᠨ ᠬᠠᠨᠳᠠ ᠳᠤ 200 ᠮᠢᠯᠯᠢᠯᠢᠳ᠋ᠷ ᠢᠶᠠᠷ ᠪᠤᠷᠭᠤᠶᠢᠳᠠᠨ | ᠡᠮᠨᠡᠨᠡ᠃ ︽ᠮᠠᠯ ᠲᠠᠷᠢᠶᠠᠠᠯᠠᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠰᠢᠨᠡ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ | |