| ︽ᠠᠯᠲᠠᠢ︾ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠨᠢ ᠰᠦᠯᠵᠢᠶᠡ ᠪᠠᠷ ᠪᠤᠷᠤᠯᠠᠭᠤᠯᠤᠭᠳᠠᠵᠤ ᠡᠬᠢᠯᠡᠯᠡ | | ᠮᠣᠩᠭᠤᠯ ᠮᠠᠯᠠᠭᠠᠢ ᠨᠢ ᠮᠣᠩᠭᠤᠯᠴᠣᠳ ᠤᠨ ᠡᠮᠦᠰᠭᠡᠯ ᠵᠠᠰᠠᠯ ᠤᠨ ᠬᠦᠨᠳᠦᠳᠭᠡᠯ ᠤᠨ ᠳᠡᠭᠡᠲᠦ ᠪᠠᠶᠢᠵᠤ᠂ | ᠮᠤᠩᠭᠤᠯᠴᠣᠳ ︽ᠬᠤᠶᠠᠷ ᠬᠦᠮᠦᠨ ᠶᠠᠪᠤᠬᠤ ᠳᠤ ᠨᠢᠭᠡ ᠨᠢ ᠠᠬᠠ᠂ ᠭᠠᠭᠴᠠ ᠬᠦᠮᠦᠨ ᠶᠠᠪᠤᠪᠠᠯ ᠮᠠᠯᠠᠭᠠᠢ ᠨᠢ ᠠᠬᠠ︾ | ᠭᠡᠳᠡᠭ ᠃ ᠲᠡᠷᠢᠭᠦᠨ ᠳᠡᠭᠡᠷᠡ ᠪᠠᠨ ᠳᠠᠷᠣᠪᠠᠯ ᠲᠡᠭᠷᠢ ᠬᠦᠮᠦᠨ ᠤ ᠬᠤᠯᠪᠤᠭᠠᠰᠣ᠂ ᠲᠡᠷᠭᠡᠯ ᠪᠥᠲᠦᠨ ᠠᠮᠢᠳᠣᠷᠠᠯ ᠥᠭᠡᠳᠡ | ᠳᠡᠳᠬᠦᠵᠦ ᠶᠠᠪᠤᠳᠠᠭ ᠬᠡᠶᠢᠮᠦᠷᠢ ᠪᠤᠯᠤᠭᠰᠠᠨ ᠦᠵᠦᠮᠦᠴᠢᠨ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠶᠢ ᠳᠥᠷᠪᠡᠨ ᠦᠶᠡ ᠪᠠᠷ ᠢᠶᠠᠨ ᠤᠶᠤᠵᠤ | ᠣᠯᠠᠮᠵᠢᠯᠠᠭᠰᠠᠨ ᠡᠨᠡ ᠨᠠᠰᠣᠲᠠᠨ ᠶᠢ ᠠᠯᠲᠠᠨᠴᠡᠴᠡᠭ ᠭᠡᠳᠡᠭ᠃ | | ᠠᠯᠲᠠᠨᠴᠡᠴᠡᠭ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠣᠨ ᠤ ᠦᠷ ᠤᠨ ᠲᠣᠶᠠᠭᠠ ᠭᠠᠴᠠᠭᠠ | ᠪᠠᠷ ᠨᠣᠲᠣᠭᠲᠠᠢ᠃ ᠡᠳᠡᠨ ᠤ ᠬᠢᠨ ᠦᠢᠯᠡ ᠣᠶᠣᠳᠠᠯ ᠳᠤ ᠣᠷᠠᠨ ᠠᠶᠢᠯ ᠪᠠᠶᠢᠵᠤ᠂ ᠳᠡᠭᠡᠳᠦᠰ ᠤᠨ ᠦᠶᠡ ᠠᠴᠠ ᠪᠠᠨ | ᠥᠪᠯᠡᠵᠤ ᠢᠷᠡᠭᠰᠡᠨ ᠦᠵᠦᠮᠦᠴᠢᠨ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠶᠢ ᠳᠥᠷᠪᠡᠨ ᠦᠶᠡ ᠪᠠᠷ ᠢᠶᠠᠨ ᠣᠯᠠᠮᠵᠢᠯᠠᠵᠤ ᠤᠶᠤᠭᠰᠠᠭᠠᠷ | ᠢᠷᠡᠵᠠᠢ᠃ ᠠᠯᠲᠠᠨᠴᠡᠴᠡᠭ ᠨᠠᠰᠣᠲᠠᠨ ᠠᠩᠬᠠ ᠥᠪᠡᠷ ᠤᠨ ᠡᠵᠢ ᠠᠴᠠ ᠪᠠᠨ ᠥᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ᠂ ᠥᠬᠢᠨ ᠳᠤ ᠪᠠᠨ | ᠴᠦ ᠡᠨᠡᠬᠦ ᠦᠵᠦᠮᠦᠴᠢᠨ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠣᠶᠣᠬᠤ ᠣᠷᠠ ᠳᠡᠮ ᠶᠢ ᠵᠢᠭᠠᠵᠣ ᠥᠭᠴᠠᠢ᠃ | | | ᠰᠣᠷᠪᠣᠯᠵᠢᠯᠠᠭᠴᠢ ᠠᠯᠲᠠᠨᠴᠡᠴᠡᠭ ᠨᠠᠰᠣᠲᠠᠨ ᠤ ᠠᠵᠢᠯᠯᠠᠬᠤ ᠥᠷᠦᠭᠡᠨ ᠳᠤ ᠣᠷᠣᠬᠤ ᠳᠤ᠂ ᠣᠶᠣᠳᠠᠯ ᠤᠨ ᠮᠠᠰᠢᠨ ᠤ | ᠳᠠᠭᠤᠣ ᠬᠠᠩᠬᠢᠨᠠᠵᠣ᠂ ᠵᠢᠭᠳᠡᠷᠡᠭᠦᠯᠦᠨ ᠲᠠᠯᠪᠢᠭᠰᠠᠨ ᠮᠠᠯᠠᠭᠠᠢ ᠨᠤᠭᠤᠳ ᠬᠠᠷᠠᠭᠠ ᠶᠢ ᠪᠣᠯᠢᠶᠠᠵᠤ ᠪᠠᠶᠢᠯᠠ᠃ ᠣᠯᠠᠮᠵᠢᠯᠠᠯᠳᠣ | ᠪᠠ ᠣᠳᠣᠬᠢ ᠮᠠᠶ᠋ᠢᠭ ᠤᠨ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠨᠤᠭᠤᠳ ᠢ ᠠᠯᠲᠠᠨᠴᠡᠴᠡᠭ ᠨᠠᠰᠣᠲᠠᠨ ᠲᠠᠶᠢᠯᠪᠣᠷᠢᠯᠠᠬᠤ ᠳᠤ ᠪᠠᠨ᠄ ︽ᠪᠢ | ᠡᠵᠢ ᠠᠴᠠ ᠪᠠᠨ ᠠᠩᠬᠠ ᠰᠣᠷᠬᠤ ᠳᠤ ᠣᠯᠠᠮᠵᠢᠯᠠᠯᠲᠦ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠶᠢ ᠣᠶᠣᠵᠣ᠂ ᠰᠡᠭᠦᠯᠡᠷ ᠨᠢ ᠮᠢᠨᠤ ᠥᠬᠢᠨ | ᠪᠠᠰᠠ ᠣᠯᠠᠮᠵᠢᠯᠠᠵᠣ ᠰᠣᠷᠣᠭᠰᠠᠨ ᠤ ᠳᠠᠷᠠᠭᠠ᠂ ᠶᠠᠩᠵᠣ ᠬᠡᠯᠪᠡᠷᠢ᠂ ᠥᠩᠭᠡ ᠪᠣᠳᠤᠭ ᠲᠤ ᠵᠤᠬᠢᠬᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠣ | ᠰᠢᠨᠡᠴᠢᠯᠡᠨ᠂ ᠬᠡᠷᠡᠭᠯᠡᠭᠴᠢᠳ ᠤᠨ ᠬᠥᠷᠢᠶᠠ ᠬᠡᠪᠴᠢᠶᠠ ᠴᠦ ᠥᠷᠭᠡᠵᠢᠨ᠂ ᠭᠠᠵᠠᠷ ᠪᠣᠯᠭᠠᠨ ᠤ ᠵᠠᠬᠢᠶᠠᠯᠠᠭᠠ ᠲᠣᠰᠳᠠᠭ | ᠪᠣᠯᠵᠠᠢ︾ ᠭᠡᠵᠤ ᠪᠠᠶᠠᠷᠲᠠᠶᠢᠬᠠᠨ ᠶᠠᠷᠢᠵᠤ ᠪᠠᠶᠢᠯᠠ᠃ | | | | | | ᠰᠦᠯᠵᠢᠶᠡᠨ ᠪᠣᠷᠣᠯᠠᠭᠤᠯᠭᠠ ᠲᠠᠢ ᠪᠣᠯᠣᠭᠰᠠᠨ ᠥᠨᠥ ᠴᠠᠭ ᠲᠤ᠂ ᠠᠯᠲᠠᠨᠴᠡᠴᠡᠭ ᠨᠠᠰᠣᠲᠠᠨ ᠴᠦ ᠥᠪᠡᠷ ᠤᠨ | ᠥᠵᠦᠮᠦᠴᠢᠨ ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠪᠠᠨ ᠨᠡᠩ ᠣᠯᠠᠨ ᠬᠦᠮᠦᠰ ᠲᠤ ᠲᠠᠨᠢᠭᠤᠯᠣᠨ᠂ ᠪᠣᠷᠣᠯᠠᠭᠤᠯᠭᠠ ᠪᠠᠨ ᠨᠡᠩ | ᠥᠷᠭᠡᠵᠢᠭᠦᠯᠬᠦ ᠶᠢᠨ ᠲᠣᠰᠠᠳᠠ ᠲᠢᠺ ᠲᠣᠺ ᠶᠢᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ ᠪᠠᠷ ᠪᠣᠷᠣᠯᠠᠭᠤᠯᠵᠣ ᠡᠬᠢᠯᠡᠵᠠᠢ᠃ ᠲᠡᠭᠦᠨ ᠤ | ᠲᠢᠺ ᠲᠤᠺ ᠤᠨ ᠳᠠᠭᠠᠭᠰᠠᠳ ᠨᠢ ᠲᠥᠮᠡ ᠲᠠᠪᠣᠨ ᠮᠢᠩᠭᠠ ᠭᠠᠷᠣᠢ ᠪᠠᠶᠢᠵᠤ᠂ ᠪᠣᠷᠣᠯᠠᠭᠤᠯᠭᠠ ᠴᠦ ᠮᠠᠰᠢ ᠵᠥᠭᠡᠷ᠂ ᠮᠠᠨ ᠤ | ᠠᠶᠢᠮᠠᠭ ᠬᠤᠲᠠ ᠠᠴᠠ ᠭᠠᠳᠠᠨᠠ ᠪᠠᠰᠠ ᠱᠠᠩᠬᠠᠢ᠂ ᠬᠥᠬᠡᠨᠠᠭᠤᠷ ᠵᠡᠷᠭᠡ ᠮᠣᠵᠢ ᠣᠷᠣᠨ ᠢᠶᠠᠷ ᠪᠤᠷᠤᠯᠠᠭᠤᠯᠤᠭᠳᠠᠬᠤ | ᠪᠣᠯᠵᠠᠢ᠃ | ᠨᠠᠭᠠᠴᠦ ᠡᠮᠡᠭᠡ ᠶᠢᠨ ᠢᠶᠠᠨ ᠦᠶᠡ ︵ᠮᠢᠩᠭᠠ ᠨᠠᠢᠮᠠᠨ ᠵᠠᠭᠤ ᠶᠡᠷᠡᠭᠡᠳ ᠣᠨ︶ ᠠᠴᠠ ᠡᠬᠢᠯᠡᠨ ᠦᠵᠦᠮᠦᠴᠢᠨ | ᠲᠣᠭᠤᠷᠢᠭᠤᠯ ᠮᠠᠯᠠᠭᠠᠢ ᠣᠶᠣᠵᠣ ᠢᠷᠡᠭᠰᠡᠨ ᠡᠨᠡ ᠠᠶᠢᠯ ᠨᠢ ᠵᠥᠪᠬᠡᠨ ᠤᠶᠤᠵᠤ ᠪᠤᠷᠤᠯᠠᠭᠤᠯᠬᠤ ᠲᠡᠳᠦᠢ ᠦᠭᠡᠢ | ᠦᠨᠳᠦᠰᠦᠲᠡᠨ ᠤ ᠪᠠᠨ ᠥᠪ ᠰᠣᠶᠣᠯ ᠢᠶᠠᠨ ᠦᠶᠡ ᠶᠢᠨ ᠦᠶᠡ ᠣᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠵᠤ ᠶᠠᠪᠤᠭᠠ ᠣᠴᠢᠷ ᠲᠠᠢ ᠶᠤᠮ | ᠃ | | |