ᠭᠤᠷᠪᠠᠨ ᠬᠤᠰᠢᠭᠤᠨ ᠤ  ᠵᠠᠭᠠᠭ  ᠢ ᠮᠤᠷᠢᠳᠠᠢ ᠰᠤᠨᠳᠠᠯᠠᠭᠰᠠᠨ ᠦᠵᠦᠮᠦᠴᠢᠨ ᠵᠠᠯᠠᠭᠤ  1500 ᠭᠠᠵᠠᠷ   ᠤᠨ ᠠᠯᠤᠰ ᠠᠴᠠ  ᠰᠢᠯᠢ ᠶᠢᠨ ᠪᠤᠭᠳᠠ  ᠠᠭᠤᠯᠠ ᠶᠢ ᠵᠤᠷᠢᠭᠰᠠᠨ ᠮᠤᠷᠢᠳᠠᠢ ᠠᠶᠠᠯᠠᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020-07-16
    ᠭᠤᠷᠪᠠᠨ ᠬᠤᠰᠢᠭᠤᠨ ᠤ  ᠵᠠᠭᠠᠭ   ᠢ ᠮᠤᠷᠢᠳᠠᠢ ᠰᠤᠨᠳᠠᠯᠠᠭᠰᠠᠨ ᠦᠵᠦᠮᠦᠴᠢᠨ ᠵᠠᠯᠠᠭᠤ  1500 ᠭᠠᠵᠠᠷ   ᠤᠨ ᠠᠯᠤᠰ ᠠᠴᠠ  ᠰᠢᠯᠢ ᠶᠢᠨ ᠪᠤᠭᠳᠠ ᠠᠭᠤᠯᠠ ᠶᠢ ᠵᠤᠷᠢᠭᠰᠠᠨ ᠮᠤᠷᠢᠳᠠᠢ ᠠᠶᠠᠯᠠᠯ                              ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠬᠠᠭᠠᠯᠭ᠎ᠠ ᠰᠤᠮᠤᠨ ᠤ ᠳᠠᠪᠰᠢᠯᠳᠤ  ᠭᠠᠴᠠᠭ᠎ᠠ ᠪᠠᠷ  ᠨᠤᠳᠤᠭ  ᠲᠠᠢ ᠰᠡᠷᠭᠦᠯᠡᠩᠴᠤᠭᠳᠤ ᠪᠤᠯᠤᠨ  ᠪᠠᠶᠠᠠᠩᠬᠤᠸᠠ ᠪᠠᠯᠭᠠᠰᠤᠨ ᠤ  ᠪᠠᠯᠭᠠᠰᠤᠨ ᠤ  ᠰᠠᠶᠢᠬᠤᠢᠠᠳᠤᠷ ᠭᠠᠴᠠᠭ᠎ᠠ ᠪᠠᠷ  ᠨᠤᠳᠤᠭ ᠲᠠᠢ  ᠤᠶᠤᠨᠪᠢᠯᠢᠭ᠌ ᠬᠤᠶᠠᠭᠤᠯᠠ  ᠠᠷᠪᠠᠭᠠᠳ ᠡᠳᠦᠷ 1500 ᠭᠠᠵᠠᠷ ᠢ ᠮᠤᠷᠢᠳᠠᠢ ᠠᠶᠠᠯᠠᠵᠤ᠂  ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠪᠠᠶᠠᠨ ᠲᠤᠭ ᠰᠤᠮᠤᠨ   ᠳᠤ ᠪᠠᠶᠢᠭ᠎ᠠ ᠰᠢᠯᠢ ᠶᠢᠨ ᠪᠤᠭᠳᠠ  ᠠᠭᠤᠯᠠ   ᠶᠢ ᠪᠠᠷᠠᠳᠠᠵᠤ᠂  ᠤᠷᠴᠢᠮᠠᠬᠨ ᠨᠤᠳᠤᠭ ᠪᠤᠴᠠᠭᠰᠠᠨ ᠴᠢᠮᠡᠭᠡ ᠪᠠᠷ ᠲᠦᠬᠦᠮᠬᠡᠨ ᠰᠤᠷᠪᠤᠯᠵᠢᠯᠠᠭ᠎ᠠ  ᠠᠪᠤᠯ᠎ᠠ᠃
     ᠬᠡᠶᠢᠮᠦᠷᠢ ᠪᠤᠰᠤᠭ᠎ᠠ ᠮᠤᠩᠭᠤᠯ ᠠᠳᠤᠭᠤᠨ ᠳᠠᠭᠠᠨ  ᠬᠠᠶᠢᠷᠠᠳᠠᠢ ᠶᠢᠨ ᠤᠴᠢᠷ   ᠬᠤᠶᠠᠷ ᠵᠠᠯᠠᠭᠤ ᠮᠠᠨᠢ 6 ᠰᠠᠷ᠎ᠠ ᠶᠢᠨ29 ᠤ ᠡᠳᠦᠷ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠠᠴᠠ  ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ  ᠠᠯᠳᠠᠠᠬᠢᠯᠢ  ᠰᠤᠮᠤᠨ ᠤ  ᠪᠠᠳᠠᠷᠠᠬᠤ ᠭᠠᠴᠠᠭᠠᠨ ᠤ  ᠳ᠋ᠠᠮᠪᠠ   ᠶᠢᠨ ᠬᠢ   ᠶᠢ ᠵᠤᠷᠢᠵᠤ᠂  ᠰᠠᠷᠠᠯ  ᠠᠵᠢᠷᠭᠠᠨ ᠤ  ᠤᠳᠤᠮ ᠤᠭᠰᠢᠯ ᠢ ᠨᠢ ᠨᠤᠳᠤᠭ  ᠤᠰᠤᠨ ᠳᠠᠭᠠᠨ ᠠᠪᠴᠢᠷᠠᠬᠤ   ᠪᠠᠷ ᠠᠶᠠᠨ ᠤ ᠵᠢᠯᠤᠭᠤ ᠰᠤᠩᠭᠤᠨ ᠲᠦᠷᠦᠭᠡ ᠭᠠᠷᠰᠢᠭᠤᠯᠤᠨ  ᠮᠤᠷᠳᠠᠭᠰᠠᠨ ᠪᠠᠶᠢᠯ᠎ᠠ᠂   ᠲᠦᠷᠪᠡ ᠬᠤᠨᠤᠭ ᠠᠶᠠᠯᠠᠨ  ᠳ᠋ᠠᠮᠪᠠ ᠶᠢᠨ   ᠳᠤ ᠬᠦᠷᠴᠤ᠂  ᠴᠤᠤᠳᠤ  ᠰᠢᠭ᠋ ᠠᠵᠢᠷᠭᠠᠨ ᠤ ᠰᠤᠳᠤᠨ ᠰᠢᠷᠭ᠎ᠠ ᠳᠠᠭ᠎ᠠ ᠶᠢ ᠳᠤᠰᠴᠤ᠂ ᠠᠶᠠᠯᠠᠯ ᠢᠶᠠᠨ ᠦᠷᠬᠦᠯᠵᠢᠯᠡᠬᠦᠯᠵᠤ᠂ ᠰᠢᠯᠢ ᠶᠢᠨ ᠪᠤᠭᠳᠠ  ᠠᠭᠤᠯᠠ ᠶᠢᠨ ᠪᠠᠷ᠎ᠠ ᠶᠢ ᠬᠠᠷᠠᠬᠤ ᠪᠠᠷ ᠠᠪᠠᠭ᠎ᠠ ᠬᠤᠰᠢᠭᠤᠨ ᠤ ᠪᠠᠶᠠᠨ ᠲᠤᠭ  ᠰᠤᠮᠤ ᠵᠦᠭ ᠴᠢᠭᠯᠡᠵᠠᠢ᠃ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠠᠴᠠ ᠨᠢᠭᠡ ᠡᠳᠦᠷ ᠤᠨ ᠠᠶᠠᠨ ᠤ ᠵᠢᠯᠤᠭᠤ ᠶᠢ ᠡᠪᠬᠡᠵᠤ᠂  ᠵᠤᠷᠢᠭᠰᠠᠨ ᠭᠠᠵᠠᠷ  ᠲᠠᠭᠠᠨ  ᠬᠦᠷᠴᠤ᠂  ᠰᠢᠯᠢ   ᠶᠢᠨ ᠪᠤᠭᠳᠠ ᠠᠭᠤᠯᠠ ᠶᠢ ᠪᠠᠷᠠᠳᠠᠵᠤ᠂  ᠰᠢᠨᠳᠠᠷᠠᠰᠢ ᠦᠬᠡᠢ ᠮᠤᠩᠭᠤᠯ ᠮᠤᠷᠢᠨ ᠤ  ᠵᠤᠷᠢᠭ ᠰᠠᠨᠠᠭ᠎ᠠ ᠶᠢ  ᠰᠤᠷᠳᠠᠯᠴᠢᠯᠠᠨ ᠤᠬᠠᠭᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃
       ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠭᠤᠶᠤᠯᠠᠵᠤ᠂  ᠮᠤᠷᠢ ᠪᠠᠨ ᠤᠨᠤᠵᠤ  ᠂  ᠰᠢᠯᠢ ᠶᠢᠨ ᠪᠤᠭᠳᠠ  ᠠᠭᠤᠯᠠ ᠶᠢ  ᠴᠢᠭᠯᠡᠭᠰᠡᠨ ᠰᠡᠷᠭᠦᠯᠡᠩᠴᠤᠭᠳᠤ ᠤᠶᠤᠨᠪᠢᠯᠢᠭ᠌ ᠬᠤᠶᠠᠭᠤᠯᠠ ᠮᠠᠨᠢ  ᠬᠦᠷᠦᠭᠰᠡᠨ ᠭᠠᠵᠠᠷ ᠪᠤᠯᠭᠠᠨ ᠳᠤ  ᠬᠦᠮᠦᠨ ᠵᠤᠨ  ᠤ  ᠬᠠᠶᠢᠷ᠎ᠠ ᠬᠦᠨᠳᠦᠳᠭᠡᠯ  ᠪᠤᠯᠤᠨ ᠬᠠᠯᠠᠭᠤᠨ ᠳᠡᠮᠵᠢᠯᠭᠡ ᠶᠢ ᠤᠯᠵᠤ᠂    ᠨᠤᠳᠤᠭ ᠨᠤᠳᠤᠭ ᠤᠨ ᠰᠠᠶᠢᠬᠠᠨ ᠰᠡᠳᠬᠢᠯᠳᠤ ᠬᠦᠮᠦᠰ ᠤᠨ ᠤᠷᠠᠮᠰᠢᠭᠤᠯᠤᠯ ᠢᠶᠠᠷ ᠭᠤᠷᠪᠠᠨ ᠬᠤᠰᠢᠭᠤᠨ   ᠤ ᠵᠠᠭᠠᠭ   ᠢ ᠰᠤᠨᠳᠠᠯᠠᠨ  ᠂   ᠠᠳᠤᠭᠤᠨ  ᠳᠤ  ᠬᠠᠶᠢᠷᠠᠳᠠᠢ  ᠭᠠᠵᠠᠷ  ᠭᠠᠵᠠᠷ ᠤᠨ ᠤᠶᠠᠭᠠᠴᠢ  ᠤᠷᠭᠠᠴᠢ ᠬᠦᠮᠦᠰ ᠲᠠᠢ ᠤᠴᠠᠷᠠᠨ ᠨᠦᠬᠦᠷᠯᠡᠵᠤ  ᠂  ᠠᠶᠠᠨ ᠵᠠᠮ ᠢᠶᠠᠨ ᠠᠮᠤᠷ ᠮᠡᠨᠳᠤ  ᠦᠷᠬᠦᠯᠵᠢᠯᠡᠬᠦᠯᠵᠤ᠂  ᠪᠤᠴᠠᠬᠤ ᠵᠠᠮ   ᠳᠠᠭᠠᠨ 5 ᠡᠳᠦᠷ ᠠᠶᠠᠯᠠᠵᠤ᠂ 1500 ᠭᠠᠵᠠᠷ ᠢ ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷ᠎ᠡ  ᠲᠤᠭᠤᠯᠵᠤ᠂  7 ᠰᠠᠷ᠎ᠠ ᠶᠢᠨ8 ᠤ ᠡᠳᠦᠷ᠂  ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠪᠠᠶᠢᠯ᠎ᠠ᠃  
 
ᠢᠷᠡᠯᠲᠡ᠄ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
 
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号