| ︽ᠶᠡᠭᠡ ᠮᠣᠩᠭᠤᠯ ᠣᠷᠣᠨ ᠤ ᠳᠣᠲᠣᠷᠠᠬᠢ ᠦᠵᠦᠮᠦᠴᠢᠨ ᠬᠤᠰᠢᠭᠤ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠬᠠᠮᠤᠭ ᠲᠤᠷ | ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠤᠨ ᠭᠠᠶᠢᠬᠠᠮᠰᠢᠭ ᠢ ᠣᠯᠭᠤᠭᠴᠢ ᠨᠤᠲᠤᠭ ᠪᠤᠶᠤ︾᠂ ︽ᠡᠨᠡ ᠭᠠᠵᠠᠷ ᠤᠨ ᠬᠥᠮᠥᠰ ᠤᠨ | ᠮᠥᠨ ᠴᠢᠨᠠᠷ ᠤᠨ ᠢᠯᠭᠠᠯ ᠬᠡᠮᠡᠪᠡᠰᠦ ᠶᠣᠰᠣ ᠰᠤᠷᠲᠠᠬᠤᠨ ᠢ ᠡᠷᠬᠢᠮᠯᠡᠳᠡᠭ᠂ ᠦᠢᠯᠡ ᠶᠠᠪᠤᠳᠠᠯ ᠳᠤᠷ ᠪᠠᠭᠠᠲᠤᠷᠯᠢᠭ᠂ | ᠠᠵᠢᠯ ᠬᠥᠳᠡᠯᠮᠦᠷᠢ ᠳᠤ ᠪᠠᠭ᠋ᠠᠲᠠᠢ᠂ ᠦᠨᠡᠨᠴᠢ ᠴᠠᠭᠠᠪᠤᠷ᠂ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠰᠤᠷᠲᠠᠯ ᠢ ᠡᠷᠳᠡᠮ ᠪᠣᠯᠭᠠᠭᠰᠠᠨ | ᠪᠦᠯᠦᠭᠡ︾᠂ ︽ᠡᠨᠡ ᠭᠠᠵᠠᠷ ᠤᠨ ᠰᠡᠪ ᠤᠨ ᠢᠯᠭᠠᠯ ᠬᠡᠮᠡᠪᠡᠰᠦ ᠣᠳᠬᠤᠢ ᠳᠤᠷ ᠪᠡᠷᠬᠡ ᠬᠠᠳᠠ ᠴᠢᠯᠠᠭᠤ ᠬᠢᠭᠡᠳ | ᠭᠦᠨᠡ ᠭᠤᠤ᠂ ᠠᠰᠬᠠ ᠠᠭᠤᠯᠠᠰ ᠮᠡᠲᠦ ᠪᠠᠷᠲᠠᠭᠠ ᠲᠠᠢ ᠭᠠᠵᠠᠷ ᠠᠨᠤ ᠲᠡᠳᠦᠢ ᠯᠡ ᠣᠯᠠᠨ ᠪᠤᠰᠤ᠂ ᠬᠠᠷᠢᠨ ᠴᠦ | ᠡᠪᠡᠰᠦ ᠤᠷᠭᠤᠮᠠᠯ ᠴᠡᠴᠡᠭ ᠨᠠᠪᠴᠢᠰ ᠢᠶᠠᠷ ᠪᠦᠷᠬᠦᠭᠰᠡᠨ ᠵᠥᠭᠡᠯᠡᠨ ᠰᠢᠮᠡᠲᠦ ᠬᠥᠷᠥᠰᠥᠲᠡᠢ ᠠᠭᠤᠳᠠᠮ ᠲᠠᠯᠠ | ᠲᠦᠪᠰᠢᠨ ᠬᠥᠳᠡᠭᠡ ᠨᠤᠲᠤᠭ ᠪᠣᠯᠠᠢ︾᠂ ︽ᠡᠨᠡ ᠭᠠᠵᠠᠷ ᠤᠨ ᠬᠡᠰᠢᠭ ᠬᠥᠷᠥᠩᠭᠡ ᠶᠢᠨ ᠪᠤᠶᠠᠨ ᠬᠡᠮᠡᠪᠡᠰᠦ ᠠᠳᠤᠭᠤ᠂ | ᠲᠡᠮᠡᠭᠡ᠂ ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠ ᠵᠡᠷᠭᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠠᠳᠤᠭᠤᠰᠤᠨ ᠠᠨᠤ᠂ ᠠᠭᠤᠯᠠ ᠲᠠᠯᠠ ᠪᠠᠷ | ᠦᠷᠭᠦᠯᠵᠢᠲᠠ ᠳᠦᠭᠦᠷᠡᠩ ᠪᠡᠯᠴᠢᠮᠦᠢ︾ ᠭᠡᠵᠤ ︽ᠴᠠᠭᠠᠨ ᠰᠤᠪᠤᠳ ᠤᠨ ᠡᠷᠢᠬᠡ︾ ᠳᠤ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ ᠪᠢᠯᠡ | ᠃ | ᠥᠷᠭᠡᠨ ᠲᠡᠨᠢᠭᠡᠷ ᠪᠡᠯᠴᠢᠭᠡᠷ ᠲᠠᠢ᠂ ᠤᠰᠤ ᠤᠮᠳᠠ ᠪᠠᠷ ᠡᠯᠪᠡᠭ ᠦᠵᠦᠮᠦᠴᠢᠨ ᠨᠤᠲᠤᠭ ᠪᠣᠯ ᠬᠤᠯᠠ | ᠣᠶᠢᠷᠠ ᠳᠤ ᠠᠯᠳᠠᠷ ᠲᠠᠢ᠂ ᠬᠥᠮᠥᠰ ᠤᠨ ᠰᠡᠳᠬᠢᠯ ᠢ ᠰᠣᠭᠲᠣᠭᠤᠷᠠᠭᠤᠯᠤᠮᠠ ᠦᠵᠡᠰᠬᠦᠯᠡᠩᠲᠦ ᠰᠠᠶᠢᠬᠠᠨ ᠭᠠᠵᠠᠷ | ᠶᠤᠮ᠃ ᠦᠵᠦᠮᠦᠴᠢᠨ ᠤ ᠨᠤᠲᠤᠭ ᠳᠡᠪᠢᠰᠬᠡᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠨᠢ ᠬᠡᠰᠢᠭᠲᠡᠨ ᠬᠠᠨ ᠠᠭᠤᠯᠠ᠂ ᠵᠢᠷ ᠤᠨ | ᠭᠤᠣᠯ ᠢ ᠪᠠᠭᠲᠠᠭᠠᠵᠤ᠂ ᠵᠡᠭᠦᠨ ᠲᠠᠯᠠ ᠨᠢ ᠰᠣᠯᠣᠨ ᠠᠭᠤᠯᠠ ᠶᠢ ᠤᠨᠤᠵᠤ᠂ ᠡᠮᠦᠨᠡ ᠲᠠᠯᠠ ᠨᠢ ᠠᠯᠲᠠᠨ ᠬᠢᠩᠭᠠᠨ | ᠤ ᠰᠤᠳᠠᠰᠤ ᠶᠢ ᠵᠠᠶᠢᠳᠠᠯᠠᠵᠤ ᠤᠲᠠᠰᠤᠨ ᠬᠡᠷᠡᠮ ᠮᠥᠷᠭᠦᠨ᠂ ᠬᠤᠶᠢᠲᠤ ᠲᠠᠯᠠ ᠨᠢ ᠶᠡᠭᠡ ᠭᠤᠪᠢ ᠶᠢ ᠲᠤᠯᠤᠭᠰᠠᠨ | ᠥᠷᠭᠡᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠲᠠᠢ᠃ ᠡᠨᠡ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠠᠪᠠᠢ ᠬᠠᠨ᠂ ᠱᠠᠪᠠᠷᠭᠠᠨ ᠬᠠᠨ᠂ ᠭᠤᠷᠣᠬᠠᠨ | ᠬᠠᠨ᠂ ᠭᠦᠷᠢᠮᠳᠦ ᠬᠠᠨ᠂ ᠬᠠᠷᠠᠭᠠᠨᠠᠳᠠᠢ ᠬᠠᠨ᠂ ᠨᠠᠷᠢᠨ ᠬᠠᠨ᠂ ᠲᠦᠰᠢᠶᠡᠲᠦ ᠬᠠᠨ᠂ ᠡᠭᠦᠳᠡ ᠶᠢᠨ ᠬᠠᠨ᠂ ᠰᠠᠮᠠᠢ | ᠬᠠᠨ᠂ ᠬᠤᠯᠬᠤᠨᠠᠢ ᠬᠠᠨ᠂ ᠰᠦᠮᠡᠲᠦ ᠬᠠᠶᠢᠷᠬᠠᠨ᠂ ᠵᠢᠩᠰᠡᠲᠦ ᠬᠠᠶᠢᠷᠬᠠᠨ᠂ ᠡᠮᠳᠦ ᠬᠠᠶᠢᠷᠬᠠᠨ᠂ ᠪᠤᠭᠤᠲᠤ | ᠬᠠᠶᠢᠷᠬᠠᠨ᠂ ᠪᠠᠷᠠᠭᠤᠨ᠂ ᠵᠡᠭᠦᠨ ᠣᠩᠭᠤᠨ ᠬᠠᠶᠢᠷᠬᠠᠨ᠂ ᠰᠢᠪᠠᠭᠤᠲᠤ ᠬᠠᠶᠢᠷᠬᠠᠨ᠂ ᠬᠠᠷᠠᠭᠠᠨᠲᠤ ᠬᠠᠶᠢᠷᠬᠠᠨ᠂ | ᠬᠥᠨᠥᠭ ᠬᠠᠶᠢᠷᠬᠠᠨ᠂ ᠠᠪᠳᠠᠷᠠᠨᠳᠠᠢ ᠬᠠᠶᠢᠷᠬᠠᠨ᠂ ᠰᠡᠷᠪᠡᠩ ᠬᠠᠶᠢᠷᠬᠠᠨ᠂ ᠠᠷᠴᠢᠲᠦ ᠠᠭᠤᠯᠠ᠂ ᠲᠡᠮᠡᠭᠡᠲᠦ ᠠᠭᠤᠯᠠ᠂ | ᠬᠠᠪᠴᠢᠯ ᠤᠨ ᠠᠭᠤᠯᠠ᠂ ᠵᠡᠷᠭᠡᠯᠭᠡ ᠠᠭᠤᠯᠠ᠂ ᠬᠦᠰᠢᠶᠡ ᠶᠢᠨ ᠠᠭᠤᠯᠠ᠂ ᠬᠠᠳᠠᠪᠴᠢ ᠶᠢᠨ ᠠᠭᠤᠯᠠ᠂ ᠬᠤᠷᠠᠬᠤ | ᠠᠭᠤᠯᠠ᠂ ᠤᠯᠢᠶᠠᠰᠤᠲᠠᠢ ᠠᠭᠤᠯᠠ᠂ ᠪᠠᠶᠢᠷᠢ ᠠᠭᠤᠯᠠ᠂ ᠭᠤᠲᠤᠭ ᠠᠭᠤᠯᠠ᠂ ᠳᠤᠯᠠᠭᠠᠨ ᠠᠭᠤᠯᠠ᠂ ᠡᠷᠳᠡᠨᠢ | ᠠᠭᠤᠯᠠ᠂ ᠶᠠᠷᠭᠠᠶᠢᠲᠦ ᠠᠭᠤᠯᠠ᠂ ᠲᠦᠮᠡᠲᠦ ᠠᠭᠤᠯᠠ᠂ ᠪᠤᠯᠠᠭᠠᠨ ᠠᠭᠤᠯᠠ᠂ ᠰᠢᠷᠠ ᠬᠠᠳᠠ᠂ ᠰᠡᠷᠡᠨᠳᠦ᠂ ᠠᠷᠦ | ᠬᠦᠪ᠂ ᠠᠩᠭᠠᠷ᠂ ᠲᠤᠯᠤᠮᠲᠦ᠂ ᠬᠠᠮᠪᠤ ᠪᠠᠶᠠᠨ ᠁ ᠵᠡᠷᠭᠡ ᠶᠢᠨ ᠥᠨᠳᠥᠷ ᠰᠦᠷᠯᠢᠭ ᠠᠭᠤᠯᠠ ᠬᠠᠶᠢᠷᠬᠠᠳ ᠲᠠᠢ︔ | ᠴᠠᠪ ᠶᠤᠷᠳᠦ᠋ᠩ᠂ ᠥᠩᠭᠡᠲᠦ᠂ ᠢᠩᠲᠦ᠂ ᠠᠭᠵᠢ᠂ ᠪᠣᠭᠵᠢ᠂ ᠬᠠᠷᠠ ᠰᠢᠯᠢ᠂ ᠴᠡᠴᠡᠷᠠᠩ᠂ ᠣᠩᠭᠤᠨ ᠴᠢᠪᠴᠠᠷ᠂ | ᠣᠯᠠᠨ ᠬᠦᠬᠡᠪᠤᠷ᠂ ᠣᠩᠭᠤᠴᠠ ᠶᠢᠨ ᠡᠷᠢᠶᠡᠨ᠂ ᠠᠳᠤᠭᠤᠨ ᠣᠩᠭᠤᠨ᠂ ᠪᠠᠴᠢ ᠲᠤᠯᠭᠠ᠂ ᠪᠠᠶᠠᠨ ᠬᠤᠸᠠ᠂ | ᠲᠥᠭᠦᠷᠢᠭ᠂ ᠪᠦᠷᠬᠦᠭᠡᠰᠦᠲᠠᠢ ᠬᠤᠭᠤᠯᠠᠢ᠂ ᠰᠢᠷᠠ ᠬᠤᠭᠤᠯᠠᠢ᠂ ᠪᠣᠷᠣ ᠪᠤᠯᠠᠭ ᠤᠨ ᠬᠤᠭᠤᠯᠠᠢ᠂ ᠦᠵᠦᠮᠦᠴᠢᠨ | ᠬᠥᠨᠳᠡᠢ᠂ ᠤᠷᠲᠤ ᠬᠥᠨᠳᠡᠢ᠂ ᠠᠮᠤᠷ ᠲᠠᠯᠠ᠂ ᠪᠠᠶᠠᠨ ᠲᠠᠯᠠ᠂ ᠬᠥᠬᠡ ᠭᠡᠷ ᠤᠨ ᠲᠠᠯᠠ᠂ ᠴᠠᠭᠠᠨ ᠲᠣᠪᠤᠭ ᠤᠨ ᠲᠠᠯᠠ | ᠂ ᠤᠰᠤᠨ ᠡᠬᠢ ᠁ ᠵᠡᠷᠭᠡ ᠶᠢᠨ ᠬᠠᠩᠭᠠᠢ᠂ ᠬᠥᠪᠴᠢ᠂ ᠰᠢᠯᠢ ᠵᠣ ᠨᠤᠭᠤᠳ ᠲᠠᠢ︔ ᠪᠠᠯᠭᠠᠷ ᠭᠤᠣᠯ᠂ | ᠭᠤᠷᠣᠬᠠᠨ ᠭᠤᠣᠯ᠂ ᠢᠨᠵᠠᠭᠠᠨ ᠭᠤᠣᠯ᠂ ᠵᠢᠭᠠᠰᠤᠲᠠᠢ ᠶᠢᠨ ᠭᠤᠣᠯ᠂ ᠤᠯᠠᠭᠠᠢ ᠭᠤᠣᠯ᠂ ᠬᠥᠨᠳᠡᠯᠡᠨ ᠤ ᠭᠤᠣᠯ᠂ | ᠠᠯᠲᠠ ᠶᠢᠨ ᠭᠤᠣᠯ᠂ ᠮᠣᠶᠢᠯᠠᠲᠦ ᠶᠢᠨ ᠭᠤᠣᠯ᠂ ᠪᠤᠷᠭᠠᠰᠤᠲᠠᠢ ᠶᠢᠨ ᠭᠤᠣᠯ᠂ ᠬᠤᠭᠤᠯᠠᠲᠤ ᠭᠤᠣᠯ᠂ ᠷᠠᠰᠢᠶᠠᠨ | ᠪᠤᠯᠠᠭ᠂ ᠳᠦᠩᠭᠢᠨᠡᠬᠦ ᠶᠢᠨ ᠪᠤᠯᠠᠭ᠂ ᠰᠠᠮᠠᠢ ᠪᠤᠯᠠᠭ᠂ ᠳᠠᠴᠢ ᠪᠤᠯᠠᠭ᠂ ᠪᠠᠶᠠᠨ ᠪᠤᠯᠠᠭ᠂ ᠰᠢᠨᠠᠭᠠ ᠶᠢᠨ ᠪᠤᠯᠠᠭ᠂ | ᠭᠤᠷᠪᠠᠨ ᠪᠤᠯᠠᠭ᠂ ᠬᠥᠪ ᠤᠨ ᠪᠤᠯᠠᠭ᠂ ᠪᠤᠮᠪᠠᠲᠠᠢ ᠶᠢᠨ ᠪᠤᠯᠠᠭ᠂ ᠠᠷᠠᠯ ᠨᠠᠭᠤᠷ᠂ ᠳᠡᠭᠡᠭᠡ ᠨᠠᠭᠤᠷ᠂ ᠳᠠᠪᠤᠰᠤᠲᠤ | ᠨᠠᠭᠤᠷ᠂ ᠡᠩᠭᠡᠷ ᠨᠠᠭᠤᠷ᠂ ᠠᠭᠲᠠᠷᠠᠭ ᠤᠨ ᠨᠠᠭᠤᠷ᠂ ᠳᠠᠭᠤᠲᠤ ᠨᠠᠭᠤᠷ᠂ ᠬᠠᠯᠠᠭᠠᠶᠢᠲᠤ ᠨᠠᠭᠤᠷ᠂ ᠬᠡᠰᠡᠭ ᠴᠠᠭᠠᠨ | ᠨᠠᠭᠤᠷ᠂ ᠪᠠᠶᠠᠨ ᠴᠠᠭᠠᠨ ᠨᠠᠭᠤᠷ᠂ ᠱᠠᠤᠲᠦ ᠶᠢᠨ ᠨᠠᠭᠤᠷ᠂ ᠠᠳᠤᠭᠤᠨ ᠨᠠᠭᠤᠷ᠂ ᠬᠥᠬᠡᠪᠦᠷ ᠤᠨ ᠨᠠᠭᠤᠷ᠂ ᠴᠠᠭᠠᠨ | ᠨᠠᠭᠤᠷ᠂ ᠬᠥᠳᠡᠭᠡ ᠨᠠᠭᠤᠷ᠂ ᠤᠨᠳᠤᠷᠤᠢ ᠭᠤᠷᠪᠠᠨ ᠴᠠᠶᠢᠳᠠᠮ᠂ ᠪᠠᠶᠠᠨ ᠴᠠᠶᠢᠳᠠᠮ᠂ ᠴᠠᠭᠠᠨ ᠴᠠᠶᠢᠳᠠᠮ᠂ ᠶᠡᠭᠡ | ᠴᠠᠶᠢᠳᠠᠮ᠂ ᠬᠥᠬᠡᠪᠦᠷ ᠤᠨ ᠭᠤᠪᠢ᠂ ᠭᠤᠰᠢᠮᠠᠭ ᠤᠨ ᠭᠤᠪᠢ᠂ ᠲᠣᠯᠣᠭᠠᠳ ᠤᠨ ᠭᠤᠪᠢ᠂ ᠬᠤᠷᠤᠬᠠᠶᠢᠲᠦ ᠶᠢᠨ | ᠭᠤᠪᠢ᠂ ᠪᠦᠷᠢᠳᠦᠨ ᠭᠤᠪᠢ᠂ ᠬᠥᠪᠴᠢ ᠶᠢᠨ ᠭᠤᠪᠢ᠂ ᠲᠠᠤᠯᠠᠢ ᠱᠠᠤᠲᠦ᠂ ᠤᠯᠠᠭᠠᠨ ᠱᠠᠤᠲᠦ᠂ ᠳᠠᠪᠤᠰᠤᠲᠤ ᠶᠢᠨ | ᠱᠠᠤ᠂ ᠨᠠᠭᠠᠴᠤᠯᠠᠢ ᠶᠢᠨ ᠱᠠᠤ᠂ ᠮᠥᠷᠭᠦᠴᠢᠭ ᠤᠨ ᠱᠠᠤ᠂ ᠲᠣᠰᠣᠨ ᠬᠤᠵᠢᠷ ᠁ ᠵᠡᠷᠭᠡ ᠶᠢᠨ ᠭᠤᠣᠯ ᠪᠤᠯᠠᠭ᠂ | ᠨᠠᠭᠤᠷ ᠪᠦᠷᠢᠳᠦ᠂ ᠭᠤᠪᠢ ᠱᠠᠤ ᠡᠯᠪᠡᠭ ᠲᠠᠢ︔ ᠭᠠᠭ᠋ᠠᠢ ᠡᠯᠡᠰᠦ᠂ ᠨᠠᠷᠢᠨ ᠡᠯᠡᠰᠦ᠂ ᠳ᠋ᠢᠶᠠᠨ ᠡᠯᠡᠰᠦ᠂ ᠬᠥᠬᠡᠷᠴᠢᠭ | ᠤᠨ ᠡᠯᠡᠰᠦ᠂ ᠤᠴᠢᠭᠠᠢ ᠡᠯᠡᠰᠦ᠂ ᠬᠤᠯᠪᠣᠩ ᠤᠨ ᠪᠣᠷᠣᠯᠵᠢ᠂ ᠰᠡᠷᠲᠡᠩ ᠤᠨ ᠪᠣᠷᠣᠯᠵᠢ᠂ ᠬᠠᠯᠵᠠᠨ ᠮᠠᠩᠬᠠ᠂ | ᠴᠠᠮᠬᠠᠭ ᠤᠨ ᠮᠠᠩᠬᠠ ᠁ ᠵᠡᠷᠭᠡ ᠶᠢᠨ ᠡᠯᠡᠰᠦ ᠪᠣᠷᠣᠯᠵᠢ ᠲᠠᠢ︔ ᠶᠣᠯᠣ ᠬᠠᠳᠠ᠂ ᠬᠢᠩᠭᠠ ᠬᠠᠳᠠ᠂ ᠳᠡᠩ | ᠬᠠᠳᠠ᠂ ᠬᠡᠷᠢᠶᠡ ᠬᠠᠳᠠ᠂ ᠰᠡᠨᠵᠢ ᠬᠠᠳᠠ᠂ ᠲᠡᠮᠡᠭᠡ ᠬᠠᠳᠠ᠂ ᠷᠠᠰᠢᠶᠠᠨ ᠬᠠᠳᠠ ᠁ ᠵᠡᠷᠭᠡ ᠶᠢᠨ ᠰᠣᠨᠢᠨ | ᠳᠦᠷᠰᠦ ᠲᠠᠢ ᠬᠠᠳᠠ ᠨᠤᠭᠤᠳ ᠲᠠᠢ︔ ᠬᠤᠰᠢᠭᠤ ᠪᠠᠶᠠᠨ ᠴᠢᠨᠳᠠᠮᠤᠨᠢ ᠣᠪᠣᠭᠠ᠂ ᠸᠠᠩ ᠤᠨ ᠪᠠᠶᠠᠨ ᠰᠥᠮᠪᠥᠷ | ᠣᠪᠣᠭᠠ᠂ ᠵᠠᠩᠵᠤᠨ ᠣᠪᠣᠭᠠ᠂ ᠪᠤᠶᠠᠨᠲᠤ ᠣᠪᠣᠭᠠ᠂ ᠥᠯᠵᠡᠶᠢᠲᠦ ᠣᠪᠣᠭᠠ᠂ ᠡᠷᠳᠡᠮᠲᠦ ᠣᠪᠣᠭᠠ᠂ ᠪᠠᠶᠠᠨ | ᠣᠪᠣᠭᠠ᠂ ᠲᠠᠷᠭ᠋ᠳ ᠣᠪᠣᠭᠠ᠂ ᠡᠵᠢ ᠶᠢᠨ ᠣᠪᠣᠭᠠ᠂ ᠠᠷᠰᠯᠠᠨ ᠣᠪᠣᠭᠠ᠂ ᠭᠠᠮᠤᠷ ᠤᠨ ᠣᠪᠣᠭᠠ᠂ ᠪᠠᠭᠰᠢ ᠶᠢᠨ | ᠣᠪᠣᠭᠠ᠂ ᠬᠡᠦᠬᠡᠳ ᠤᠨ ᠣᠪᠣᠭᠠ᠂ ᠪᠥᠬᠡ ᠶᠢᠨ ᠣᠪᠣᠭᠠ᠂ ᠠᠳᠤᠭᠤᠨ ᠣᠪᠣᠭᠠ᠂ ᠢᠮᠠᠭᠠᠲᠤ ᠶᠢᠨ ᠣᠪᠣᠭᠠ᠂ | ᠪᠠᠶᠠᠨᠬᠤᠰᠢᠭᠤ ᠣᠪᠣᠭᠠ᠂ ᠳᠡᠯ ᠤᠨ ᠣᠪᠣᠭᠠ᠂ ᠡᠷᠬᠡᠲᠦ ᠣᠪᠣᠭᠠ ᠁ ᠵᠡᠷᠭᠡ ᠶᠢᠨ ᠲᠠᠬᠢᠵᠤ ᠰᠢᠲᠦᠳᠡᠭ ᠭᠠᠵᠠᠷ | ᠣᠷᠣᠨ ᠲᠠᠢ᠃ | ᠦᠵᠦᠮᠦᠴᠢᠨ ᠳᠤ ᠨᠠᠷᠠᠰᠤ᠂ ᠴᠠᠷᠠᠰᠤ᠂ ᠬᠠᠶᠢᠯᠠᠰᠤ᠂ ᠭᠦᠢᠯᠡᠰᠦ᠂ ᠤᠯᠢᠶᠠᠰᠤ᠂ ᠬᠤᠰᠤ᠂ ᠪᠣᠷᠣ ᠰᠢᠷᠠ | ᠪᠤᠷᠭᠠᠰᠤ᠂ ᠮᠣᠶᠢᠯ᠂ ᠳᠡᠯᠳᠡᠦ᠂ ᠶᠠᠰᠢᠯ᠂ ᠶᠠᠷᠭᠠᠢ᠂ ᠠᠭᠠᠷᠠᠤ᠂ ᠣᠷᠬᠤᠳᠠᠢ᠂ ᠠᠷᠤᠩ᠂ ᠵᠦᠮᠰᠠ᠂ ᠴᠠᠨᠠ᠂ | ᠠᠭᠰᠢᠷᠠᠭᠠ᠂ ᠰᠠᠷᠠᠨᠠ᠂ ᠮᠠᠨᠤ᠂ ᠠᠷᠴᠠ᠂ ᠠᠭᠢ᠂ ᠬᠥᠬᠦᠦᠷ ᠡᠪᠡᠰᠦ᠂ ᠮᠥᠭᠦ᠂ ᠨᠢᠳᠤᠷᠭᠠ᠂ ᠰᠢᠷᠠ ᠬᠤᠸᠠᠷ᠂ | ᠦᠷᠡᠯ᠂ ᠦᠵᠦᠮ᠂ ᠳᠣᠯᠤᠭᠠᠨᠠ᠂ ᠤᠯᠠᠭᠠᠨᠠ᠂ ᠨᠣᠬᠠᠢ ᠶᠢᠨ ᠬᠤᠰᠢᠭᠤ᠂ ᠵᠡᠭᠡᠷᠭᠡᠨᠡ᠂ ᠪᠣᠳᠤᠷᠭᠠᠨ᠂ ᠬᠦᠮᠡᠯᠢ᠂ | ᠲᠠᠭᠠᠨᠠ᠂ ᠭᠤᠭᠤᠳ᠂ ᠰᠣᠩᠭᠢᠨᠠ᠂ ᠮᠠᠩᠭᠢᠷ᠂ ᠰᠤᠭᠳᠠ᠂ ᠬᠢᠯᠠᠭᠠᠨᠠ᠂ ᠪᠣᠲᠤᠭᠤᠯ᠂ ᠬᠠᠷᠠᠭᠠᠨᠠ᠂ ᠳᠠᠯᠠᠨ | ᠲᠦᠷᠦᠭᠦᠦ᠂ ᠬᠢᠶᠠᠭ᠂ ᠴᠠᠬᠢᠯᠳᠠᠭ᠂ ᠳᠡᠷᠡᠰᠦ᠂ ᠬᠤᠯᠤᠰᠤ᠂ ᠰᠢᠷᠠᠯᠵᠢ᠂ ᠬᠠᠵᠠᠭᠠᠷ ᠡᠪᠡᠰᠦ᠂ ᠵᠦᠯᠭᠡ ᠵᠡᠷᠭᠡ ᠣᠯᠠᠨ | ᠲᠥᠷᠥᠯ ᠤᠨ ᠣᠢ ᠮᠣᠳᠣ᠂ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠢ︔ ᠠᠳᠡ ᠪᠠᠰᠠ ᠲᠣᠷᠤᠭ ᠪᠤᠭᠤ᠂ ᠶᠠᠩᠭᠢᠷ ᠢᠮᠠᠭᠠ᠂ ᠠᠷᠭᠠᠯᠢ | ᠤᠭᠠᠯᠵᠠ᠂ ᠪᠠᠷᠰ᠂ ᠰᠢᠯᠦᠭᠦᠰᠦ᠂ ᠬᠡᠭᠡᠷᠡ ᠶᠢᠨ ᠭᠠᠭ᠋ᠠᠢ᠂ ᠴᠢᠨ᠋ᠸᠠ᠂ ᠦᠨᠡᠭᠡ᠂ ᠬᠢᠷᠰᠠ᠂ ᠲᠠᠤᠯᠠᠢ᠂ ᠰᠤᠭᠤ᠂ | ᠭᠥᠷᠥᠭᠡᠰᠦ᠂ ᠵᠡᠭᠡᠷᠡ᠂ ᠲᠠᠷᠪᠠᠭᠠ᠂ ᠡᠯᠪᠡᠩᠬᠦ᠂ ᠭᠠᠭ᠋ᠠᠢ᠂ ᠮᠠᠩᠭᠢᠰᠤ᠂ ᠬᠠᠯᠢᠭᠤ᠂ ᠪᠤᠯᠠᠭᠠ᠂ ᠵᠢᠭᠠᠰᠤ᠂ ᠭᠠᠯᠠᠭᠤ᠂ | ᠨᠤᠭᠤᠰᠤ᠂ ᠭᠤᠷᠭᠤᠤᠯ᠂ ᠢᠲᠠᠭᠤ᠂ ᠲᠣᠭᠤᠳᠠᠭ᠂ ᠪᠦᠷᠭᠦᠳ᠂ ᠡᠯᠢᠶᠡ᠂ ᠠᠯ ᠰᠡᠭᠦᠯ᠂ ᠬᠤᠨ ᠭᠠᠯᠠᠭᠤ᠂ ᠬᠥᠬᠦᠭᠡ | ᠂ ᠲᠠᠭᠲᠠᠭᠠ᠂ ᠴᠡᠭᠴᠡᠦᠬᠡᠢ᠂ ᠪᠣᠯᠵᠣᠮᠣᠷ ᠳᠤ ᠬᠦᠷᠲᠡᠯᠡ ᠬᠡᠳᠦᠨ ᠠᠷᠪᠠᠨ ᠲᠥᠷᠥᠯ ᠤᠨ ᠠᠷᠢᠶᠠᠲᠠᠨ ᠭᠥᠷᠥᠭᠡᠰᠦ᠂ | ᠥᠳᠥᠲᠡᠨ ᠵᠢᠭᠦᠷᠲᠡᠨ ᠲᠠᠢ᠃ | ᠦᠵᠦᠮᠦᠴᠢᠨ ᠤ ᠭᠠᠶᠢᠬᠠᠮᠰᠢᠭᠲᠤ ᠰᠠᠶᠢᠬᠠᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠪᠣᠯ ᠦᠵᠦᠮᠦᠴᠢᠨ ᠮᠣᠩᠭᠤᠯᠴᠤᠳ ᠤᠨ | ᠤᠷᠲᠤ ᠬᠤᠭᠤᠴᠠᠭᠠ ᠪᠠᠷ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠵᠤ ᠲᠥᠷᠥᠵᠦ ᠠᠮᠢᠳᠤᠷᠠᠭᠰᠠᠨ ᠤ ᠦᠨᠳᠦᠰᠦᠨ ᠰᠠᠭᠤᠷᠢ ᠡᠬᠢ ᠥᠪ | ᠮᠥᠨ ᠤᠴᠢᠷ ᠲᠡᠳᠡ ᠳᠠᠷᠬᠠᠨ ᠨᠤᠲᠤᠭ ᠤᠨ ᠢᠶᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠭᠤᠣᠯ ᠪᠤᠯᠠᠭ᠂ ᠮᠣᠳᠣ ᠴᠢᠯᠠᠭᠤ᠂ | ᠳᠠᠪᠤᠰᠤ ᠬᠤᠵᠢᠷ᠂ ᠡᠪᠡᠰᠦ ᠪᠡᠯᠴᠢᠭᠡᠷ᠂ ᠬᠥᠷᠥᠰᠥ ᠰᠢᠷᠣᠢ ᠵᠢᠴᠢ ᠠᠷᠢᠶᠠᠲᠠᠨ ᠭᠥᠷᠥᠭᠡᠰᠦ᠂ ᠭᠠᠯᠠᠭᠤ ᠰᠢᠪᠠᠭᠤ᠂ | ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠶᠢ ᠨᠢ ᠬᠦᠷᠲᠡᠯᠡ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠮᠥᠩᠬᠡ ᠬᠥᠷᠥᠩᠭᠡ ᠪᠠᠨ | ᠲᠠᠯᠬᠢᠭᠳᠠᠯ ᠰᠦᠢᠳᠦᠯ ᠦᠭᠡᠢ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠠᠵᠠᠢ᠃ |